|
سلام عليكم
في اي بي الحين صارو البدون كخه محد ييبيهم اقولك ترى اكثر اللي قاومو بالغزو اكثرهم بدون الكوتيين اللي تقول عليهم اكثرهم انخشو او سافرو خافو من الاسر مو الكل انا اقول البعض من الكوتييين البدون صاركخه الحين وايام الغزو كنت تاكل الخبز من ايده وبعدين اللي تقول عليهم اللي يوقفون الاشارات هذيل مو بدون الحين بأيامك هاذي البدون اللي صج ما عنده جنسيه يلبس احسن من البس اللي انت قاعد تلبسه ويركب احسن سياره انتو قاعدين تتكلمون على اللي عندهم جناسي بس خاشين جناسيهم بس اقولك احمد ربك على النعمه اللي انت فيها وعسا الله لا يغير عليناا ويحفظ جاابر الخير ويطولنا بعمره وسامحونا يا اخوان اخوكم ديفل |
ماشاء الله عليكم
مناقشتكم رائعه اللهم يخليكم ذخر انا بعرف ليش جنسوا ناس وخلوا ناس ليش ماجنسوهم كلهم خصوصا اللي مواليد الكويت يعني اللي مولود بالكويت خليهم يجنسونهم ليش رافضين تجنيسهم |
السلام عليكم ,,,
اخوي ضيف الانسان مو معصوم عن الغلط سواءً كويتي والا ان كان ولاكن اتكلم عن نسبة الجرائم اللي تحصل بالكويت الدرجه الاولى هم فئة البدون والدرجه الثانيه من الجناسي الاسويه اللي اهم الفلبين وبنغلادش والهند وغيرها.. انا صدقني اتكلم بالمنطق . انت تكلم بالمنطق تقدر اتوظف احد عندك بمحل او شركه لديك شخص ليس لديه اي اثبات كيف اتأمن فيه وانت اسمه الحقيقي لاتعرفه شلون تبي الحكومه اتوظفهم . مقتل الطفله امه انا اللي اعرفهم انهم من فئة البدوم كما ذكروا بالصحف وغيرها من الجرائم. وصدقني هاذي مو عنصريه انا اتكلم بالواقع , وبالنسبه للباقين اللذين لم يستحقوا هم 250 عائله سوف يتم تجنيسهم بالاشهر القليله كما ذكر وزير الداخليه نواف الاحمد وهي اخر دفعه اعلن عن 500 عائله وصرف جناسي لـــ 250 وباقي 250 عائله. هههههههههههههه بالنسبه اذا صار الحكم بيدي اوووووووووووووووووه من زمان رحلتهم ولاكن حكومة بن صباح الله يحفظها مو مقصره . وانتقادك على العين والراس ياوليدي :) |
مشكور ديفيل على هذي المداخله
في اي بي تكلم وصنع موضوع يمكن يأدي الى كره هذي الفئة وانت تقول ان فيه ابووو يرضا يخلي ولده يوقف على الاشاره ويبيع عطورات هذي من البطاله يا اخوي عطهم وظائف تلقى واحد شهادات وخبره ويبيع بسوق الجمعه ولا قاعد على دوار يبيع بنق مثل الكويتيين قبل الشغل مهما كان مو عيب .... الرسول عليه الصلاة والسلام كان راعي ولا تنسا يا في اي بي انك ايام الغزو العراقي شنو كنت انت هذا اذى كنت واعي بهذاك اليوم اذى انت كويتي لازم لك عرج عراقي ولا ايراني ولا سعودي وليمن اخذت الجنسية صارة فيك مثل نوع الحسد هل انت خايف لا يضايقونك على الاراضي ولا على القروض ولا على الوظائف !!! وبأيام الغزو العراقي الغاشم كان في شي اسمه بدون !! وبالنهايه يا في اي بي اتمنى اذى حبيت تشارك بموضوع تاخذ بالك من كل كلمه تقولها ويكون اسلوبك لبق مثل باقي الاعضاء |
اخي ديفل
عليكم السلام ورحمة الله وبركاته,,, الحمد الله والشكر على النعمه اللي اعطاناها سبحانه اخي العزيز اذا كشخ او لبس لبس احسن مني مثل ما قلت فهذا خير الكويت عليهم ليش مايثبت شخصيته امام دولة الكويت ليش ما يقول نعم انا ((..............)) اي جنسيه كانت اقسملك بالله ان مافي شخص ماعنده جنسيه لو ترجع الى ابوه او جده تلقاه يحمل جنسيه ومغير اسمه من فلان الى فلان وانا ما اقول (( كخه )) انا اتكلم بالمنطق بالعقل ولا اشتم ولا استهزء ولاكن هذا الواقع . |
ضيف
ههههههههههههههههههههههه ههههههههههههههههههههههههههههههههه ههههههههههههههههههههههههههه ليش انا اللحين اسلوبي ماعجبك ههههههههههه يمكن صحيح ما يعجبك لاني اتكلم بالواقع وانا اتكلم امامك بكل كلمه وجايبها من الصحف اذا تقصد الجرائم انا معاك ان العمل مو عيب ولاكن في شئ اسمه حضاره تقدم قانون مو اذا جات دوريه هرب من المكان اللي فيه تريد تعمل اثبت هويتك تبي تدرس الحكومه ماقصرت صرفت جوازات ماده 17 وسفرتهم الحكومه للخارج ولاكن اذا جبت الشهاده وتبي اتوظف بالحكومه طبعاً ممنوع لأن ماعندك هويه صحيح سفرتك الحكومه ولاكن علة مسؤوليتها ومذكور بالجواز غير كويتي وبالنسبه لي انا شخصياً ليس لدي عرج على قولتك وانا مو اول ولا اخر واحد يتكلم بالموضوع ولا انا وضعت الموضوع يا الضيف موضوع موجود بالمنتدى والكل يشارك :) انا اقول الحمد الله على كل حال ومحاسب على كل كلمه اقوله ولله الحمد لم اغلط ولو بحرف واحد واذا كان مزعلك كلامي وماتبيني اكتب صدقني انسحب وما اكتب :) بس لاتزعل من الواقع. ملاحظه : انت قلت اني اكره الشعب الكويتي بالبدون انت غلطان اخي العزيز انتبه لكل كلمه تقولها بكل موضوع فيه نقاش :) |
يا في اي بي
الي عنده محل ولا شركه وفيها بدون موظف تعال وين اذن العمل الي تشتغل انت فيه ولا تكون ظالم بأمور مثل هذي والحين ليش ما تتكلم على جرائم الكويتيين النصب الاحتيال ... القتل ... غسيل الاموال .... وبنوووك سويسراااا بس انت بمناقشتك هذي خليت الكويتيين ملائكه وما طلعت عيوبهم ابيك مره من المرات تدق سيارتك سلف وتروح لأحد المستشفيات وشوف شلون يعاملونهم حتى بالغرف الخاصه يهون عليك دمعة شايب كبير بالعمر غير كويتي يهون عليك ام تقعد بالمستشفى شهر ولا شهرين وما يطلعونها الى بعقد زواج موثق حتى الميلادية ما يطلعونها لهم على شان يكرهون هذي الارض الطيبه بس هذا وطن مستحيل تلقى مثل الكويت وطن بالنسبة لسؤالج يا استاذه نثية رد السؤال هذا بتلقينه عند احد المسؤولين وانا مو مسؤول منهم راس مالي عسكري وأادي واجبي بأمانه |
ياجماعه انتو طلعتوا من الموضوع
اخي ضيف احنا مانتكلم عن الكويتين كل بلد فيها الزين وفيها الشين احنا نتكلم عن قضية البدون مافي انسان ماله اصل هذا مستحيل يعني اشلون مثلا فقع طلع بروحه ماله اصل هذا محال ليش يخشون جناسيهم ؟؟ المفروض من الكويت انها تصير مثل اميركا اي واحد ينولد علي ارضها تجنسه واللي خاشين جناسيهم تطردهم شوي يرتبون الديره |
اخي العزيز
انا موظف حكومي اكيد عندي اذن عمل يا ضيف ولو اني موظف بالقطاع الخاص اكيد بيصير عندي اذن عمل ولاكن لو انا بدون هويه شلون بيطلع اذن عمل اذا اسمي مو بالكمبيوتر شلون بيطلعون . انا ما يهون علي دمعة شيبه على خده بخصوص غرفه خاصه بالمستشفى حتى الكويتي يتعذب على ماياخذ غرفه خاصه لانها بالدور واما جرائم وقضايا النصب وغيرهر من الجنسيه الكويتيه طبعاً مافي ديره تخلى من الجرائم ولاكن انا اقول للمره المليون يا اخي النسبه النسبه بارك الله فيه اقل بكثييييييييييييييييييير من نسبة جرائم البدون ولو بتطرق الى الامور هاذي خرجت عن الموضوع اما بالنسبه للشهادات الميلاد الحكومه تعطيك ورقه تثبت ان المرأه ولدت بمستشفى الفلاني وانجبت طفل ولاكن تريد ان تستخرج شهادة ميلاد طبعاً لا لأن ليس لديه هويه من الاساس وهم هذا موضوع غير بارك الله فيك. |
فعلا ها المشكله اتعور القلب
صدام يود دش الكويت واسر وذبح مافرق وقال هذول بدون والا اكويتين ها البدون الي مو راضين يعطيونهم حقهم ضحو بعيالهم ودمهم علشان الكويت الغاليه يناس الجنسيه والا نتساب لديره مو بورقه رسميه من الحكومه الجنسيه الصجيه والانتساب لديره انا نسقي اتراب الوطن من دمنا وروحنا واعيالنا ياليت الاعضاء يشيلون ها الحاجز الي حاطينه ويعطون البدون حقهم الشرعي يسلمو ياقلبي على الموضوع الي صج يعور القلب |
| الساعة الآن 05:08 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر