|
مودي - البطل
يسلمو للمرور والتواصل المشرف |
معلش نحكم بعد ما نشوووف
|
يسلمو للمرور والتواصل
|
شكرا لج اختي نثيه
وللعلم ما فهمة شي بس اشوف اطراقات ما نعرف شنو مسوي الي قاعد ينطق اذا كان مسوي شي فيستاهل الطق |
شرف لي حضورك موضوعي
السالفه ان هل يحق للشرطي ضرب الممذنب ؟؟؟ ام ان هناك محاكم مختصه في تأديبه ؟؟ اللي اعرفه ان الطق بالمخفر ممنوع |
ههههههههههههههههههههههههههه
اختي نثيه الله ما يحب الظلم هذا اول شي ودي اقوله لج بس على شان ما تفهميني غلط اختي اي قانون هذا الي يعاقب المذنب اذا الفنانه الاماراتيه اطلعت براءه واهي تم ضبطها في حالة سكر بين ووزارة الداخليه اعلنتها بالجريده بعد ما قامة الممثله وكتبت بالجريده ان رجال الامن كانوا يبون يرقمونها وانها موا سكرانه والوزاره دافعت عن سمعة رجاله وقالة ان نتيجة الفحص للممثله انها كانت بحالة سكرا وين القانون هذا اختي الي يعاقب تجار المخدرات يطلع براءه تدرين ليش يقولج خطئ باجراء الضبط محضر الضبط يبين ان الشخص المضبوط كان لبس قميص ابيض ولمه انعرض على الجهات المختصه كان لبسه قميص ابيض وعليه رسمة ورده باللون الوردي هذا يطلعه براءه الي يذبح شبابنه وبناتنه ,وحتى اعطيج صوره واضحه مطارة تاجر حشيش مطلوب ضبطه خاف رجال الامن ان المطلوب يدخل مناطق سكنيه واستخدموا السلاح واطلقوا النار على تاير المركبه انقلبت السياره ومات التاجر مجلس الامه تكلم وقال وين الانسانيه طبعا الانسانيه للتجار لكن انا بسالج وين الانسانيه للمسكين والمسكينه الي يطيحون بهل مخدرات هذول مالهم انسانيه عوايل اختي نثيه ضاعت من سبة هل مخدرات وتقولين قانون القانون له الف ثغره والكل قاعد يلعب فيه انا شفة بعيني مره بنقطة تفتيش رجل امن يكلم مواطن بكل احترام عطني الاجازه والدفتر قاله عندك الرقم الجدام والرقم الي وره ولمه نزله الشرطي وعطاه طراق على طول عطاه الاجازه والدفتر وللعلم هذا الشخص يحقلك تركبه الدوريه وتحوله وترفع عليه قضيه حسب ما بلغني فيها احد المحامين يعني مافي احترام للقانون اختي نثيه المحترم عمره ما ينهان وانا استغرب بعض الاحيان الصحافه ترضى على اهانة رجل الامن لاكنها ما ترضى على اهانة مواطن من قبلة رجل الامن يعني مافي مو قاضين الحق انا اقول الي انظلم من قبل الشرطه يروح يسجل قضيه بس هم اقبض من دبش لانه الكل يلعب وانتي اختي تعرفين ومتاكده من كلامي ان رجال الامن مو كلهم سيئين بالعكس نسبه قليله اهي السيئه هذول اخوانه والكل يذكر العمليات الارهابيه والشهداء الي راحوا من هل عمليات والمصابين الي منهم تعوقوا وانا متاكد ان اسود الجزيره ما راح ياخذون اعدام لانهم مساكين وين الانسانيه الشرطه تبلوا عليهم هذول مساكين والشرطه ظلمه هههههههههههههههههههههههههههههه اختي قضية التجاره بس تسجلين القضيه عرفي ان المحل راح يدفع اقل شي 500 والاعتداء على رجل الامن عرفي ان اعلى شي راح يدفعه 20 دينار على شان جذي انا اشوف الشرطه يستخدمون الضرب مع اشخاص مخطئين كلهم ثقه انهم راح يطلع براءه ولا يرد يسوي نفس الخطئ والضرب يفيد مع هل اشخاص واكبر دليل شوفي الجليب والحساوي وخيطان كلها مخدرات وتجارت خمور ودعاره وبحماية القانون طولنه عليج ودشينه بمواضيع ثانه بس انتي تقولين قانون وانا بقولج رايي بالقانون |
لهالدرجه ؟؟؟؟
معقوله جذي قاعد يصير بديرتنا ؟؟؟ وين القاااااااانون ؟؟؟ لاحول ولاقوه الا بالله انت ذكرتني بسالفه سمعتها بس ماصدقتها قلت مو معقوله توصل فينا لهالدرجه تذكر المظاهرات اللي صارت بوزارة الاعلام بسالفة ولد الديره يوم الصلبه تهجموا على المبنى اللي سمعته ان في شرطه تحولوا الى المحاكمه لانهم دافعوا عن نفسهم والله قبل يوم سمعت السالفه ماصدقت بس الحين بعد كلامك مااستبعد شي لازم قانون يحميهم قانونا كله ثغرات للاسف :( |
اختي نثيه
الي قالج ان الشرطه الي كانوا بوزارة الاعلام تعرضوا لمحاكمه هذا انسان يبالغ نعم اهم تعرضوا للضرب لكنهم حسب ما بلغني فيه احد الاخوان انهم تم منحهم اجازه من الوزاره ولولا الله سبحانه وهمت وزير الداخليه في ذاك الوقت وولي العهد الامين الشيخ نواف الاحمد حفظه الله ودام ظله كان الشرطه بخبر كان والكل يعرف الشيخ نواف وشدته في ضبط الامن والمعروف عنه ان اهو الوزير الوحيد الي عطى رجال الامن كافة الصلاحيات حتى اطلاق النار على اي مركبه مشتبه فيها واعطى امر باطلاق النار على اي شخص ينزل لرجل الامن بسلاح حتى لو ما اشهر سلاحه على رجال الامن ولو لزم الامر قتله اختي وزارة الداخليه مو كل شي كلنه نشوف همت رجاله لكن ما فائدة القانون الي يحمي هل ناس وانا اقولج سالفه حصلت لصديقي سطوا مسلح على احد المجمعات من سبة اليقضه الامني تم ضبطهم وكان الامر راح يوصل لتبادل اطلاق النار الا ان الاشخاص خافوا يوم شافوا الشرطه مشهرين اسلحتهم والمفاجئه انهم بعد خمس ايام افرج عنهم بكفاله ماليه ناس خطرين يفرج عنهم بكفاله ماليه وراح اقولج شنو يصير بعدها المحكمه راح تطلب الاشخاص مرتكبي جريمة السطوا ما راح يحضرون طبعا راح ينزل امر بالقاء القبض تعالوا يالشرطه عرضوا حياتكم للخطر والقوا القبض عليهم حقوق الانسان |
الله يعينهم والله
ياربي قبل ماكنا نسمع عن شرطي مات في مطارده الحين يكافينا الشر ويحمي عيالنا كل اسبوع نسمع هالشي والله مهضوم حقهم وحاطينهم بوجه المدفع قبل سنه تقريبا ماسكين زوج صاحبتي بالمخفر سكران اتصل زوجها وقال لها انا بالمخفر الحين قالت لي تعالي معاي بروح له بودي له سجاير واغراض المهم رحنا وقامت تصرخ على الضابط قال لها انا اقدر ارفع عليج قضيه لانها قامت تغلط عليه بكلمات وصخه حيل المهم طلع الضابط من الغرفه والله والله شقت ملابسها ومسكت سويش السياره وجرحت نفسها وقامت تصارخ حيل طقني الضابط المهم الضابط شوي ويبجي يقول لها انتي جذي تهدمين حياتي شنو اللي تبينه قالت له يطلع زوجيالحين من المخفر لا اركبك قضيه وطلعه على طول والله كسر خاطري حيل لازم يحمون الشرطه اكثر من جذي وبعدين بقولك شغله وحابه اني افتح مجال مناقشه فيها بس بعرف كذا شغله اول بالنسبه للكمبيوترات اللي بسيارات الشرطه ينزلون الكويتين اللي عليهم اقساط وينومونهم بالمخفر هذا اعرفه بس اذا كان واحد مع زوجته وعياله ووقفته الدوريه وطلع عليه اقساط هل يحق لهم انهم ياحذونه من نص الشارع ويركبونه الدوريه ويتركون اولاده وزوجته بالسياره ؟؟؟ |
هههههههههههههههههههههههههههههههههه
اختي نثيه رفيجتج ذكيه هههههههههههههههههههههههههههههههههه اعرفة تلعب على الضابط هههههههههههههههههههههههههههههههههه بس تدرين لو الضابط كان فاهم القانون عدل وقلبه قوي كانت ارفيجتج داخل النظاره يم زوجها ههههههههههههههههههههههههههههههههههه بس دام الضابط يقول لا تضيعين مستقبلي فرفيجتج اعرفة تلعب على منو ههههههههههههههههههههههههههههه كان اقصاه الضابط يقطع ملابسه ويطبح رتبه من رتبته ويعطي حق نفسه جم شمخه وبعد ما يسوي جذي يمسك رفيجتج طراقات وفناقر ويسجل عليه قضيه خفيفه حيل 1 : اهنانة رجل امن 2 : اعتداء على رجل امن 2 : واخف وحده انزال رتبت رجل امن هذي مو خفيفه هذي تخلي رفيجتج عند زوجها بالنظاره لا وزجها يطلع ورفيجتج بالنظاره ههههههههههههههههههههههههههههههههههههههه بس وين القلب اهي اعرفة تلعب على منو هههههههههههههههههههههههههههههههههههههههه واختي صدقيني رجل الامن ما يحتاج قانون يحميه رجل الامن عيبه شغله وحده طيب زياده عن اللزوم ------------------------------------------------------------------------------ وبخصوص المطلوبين المديونات عادي يقدر ينزله ويركبه حتى لو كان مع اهله القانون ما يعرف اهله وامر الضبط مو مكتوب معاه اهله هدوه بس ترى لها ضوابط اخلاقيه وضوابط بالرجوله يعني عيب تنزل ريال يدام زوجته واولاده وتركبه الدوريه وفرضا الشخص طول لسانه ما الوم رجل الامن ان ركب المطلوب يدام اهله لانه اهو اساسا مو محترف لكن اذا كان محترف يا تاخذ من كلمة رجل انه يرجعلك بعد ما يوصل اهله يا انك تهده اما اذا تبي تركبه اذا قل ادبه لزم تتاكد اذا كان زوجته تعرف تسوق السياره واذا كان في وقت متاخر تنتظر عن السياره لحد ما يوصلون اهل الزوجه وياخذونها بامن مثل ما انتي عارفه رجل الامن لزم يحافظ على ارواح واعراض واموال الناس وقولي حق رفيجتج الله لا يقطج بواحد فاهم وعنده نظام اتبله علي اتبله عليج ههههههههههههههههههههههههههه حزتها والله راح يخليها تشوف الشرطي ابليس هههههههههههههههههههههههههههههههههه بس هم ارد واقول صاحبتج ذكيه اعرفة تلعب على منو هههههههههههههههههههههههههههههههههههههه |
ههههههههههههههههههههههههه
والله الضابط قام يرجف تعرف نوعية الضباط اللي توهم متخرجين صغار هههههههههههههه مشكلة الكويت المرأه مصدقه بكل شي :) بالنسبه للمديونيات بضبط موضوع وبشوف اراء الجميع لان بصراحه حرااااام واحد ينقط بالمخفر على 20 او 100 دينار يتبهذل وينزلونه وينومونه يم المجرمين علشان 100 او 200 :) احلى مناقشه واحلى استفاده منك يارائع |
هههههههههههههههههههههههههه
الف شكر لج اختي نثيه بس حبيت افيدج هم بمعلوه الحين الادله الجنائيه متطوره يعني لو سجلت صاحبتج قضيه راح يفحصون حتى ملابسه ويتاكدون اذا كان لامسها ولا لا وبعدين لا تنسين ان رفيجتج يات المخفر تبي تشوف زوجها يعني هذي هم دليل ضدها وبخصوص المديونات انا مع ضبط اي انسان حتى لو كان مطلوب عشر دنانير لانه هذا حق ولزم يدفعه والي ما يخاف القانون بعشر دنانير ما راح يخافه بالف دينار وللعلم ما يتحول بالمخفر يتحول باداره متخصصه لمديونات يعني راح يقعد مع ربع المطلوبين افلوس حبايبه هههههههههههههههههههههههههههههههههههههههه الف شكر لج اختي نثيه وانا استفة حيل من موضوع صاحبتج بس بفيدج هم بخصوص المراه مصدقه خلاص راح تروح هل ايام لانه مجلس الوزراء وافق على تزويد وزارة الداخليه ميزانيه مخصص لتركيب كمرات المراقبه بكل مؤسساته وقطاعاته حتى المخافر والدوريات بكل قطاعاتها نجده مرور والدوريات المستحدثه بالوقت الحالي دوريات المحافظه ومجلس الامه يناقش قانون حماية رجل الامن الي اعرضوه وارفضته على حسب علمي وزارة الداخليه لانه القانون المعروض هم ضعيف وما يوفي بالغرض يعني سالفة اقص ملابسي حط ايده كل هذي راح تروح شكرا لج اختي نثيه |
السلام عليكم
عندي مداخلة والاخوة والاخوات ماقصروا بصراحة .... كل واحد فتى بما لديه من علم ... !! في الحقيقة في احد المرات كنت حاضر درس للشيخ عثمان الخميس .. عن الامر بالمعروف والنهي عن المنكر ... وكلنا انعرف الحديث خطوات الامر بالمعروف ((من رأى منكم منكرا فليغيره بيده وان لم يستطع فبلسانه وان لم يستطع فبقلبه وذلك اضعف الايمان )) فتكلم عن هذه الخطوات .. وقال ان ليس من حق اي واحد ان يغير المنكر بيده الا ناس معينين من بينهم ..ناس لك سلطه عليهم .. مثل اهلك تقدر تغير بيدك ... وقال توجد جهات مختصة بالكويت مثل وزارة الداخلية ولا مو كل وزارة الداخلية تقدر توجد اقسام معينة مثل المباحث وامن الدولة والقوات الخاصة الحين القوات الخاصة مكافحة الشغب وهذا سؤال لمن حرم الضرب على الشرطة طبعا كلنا نعرف القوات الخاصة من الشرطة... شلون تحرم لهم الضرب ... وهذا عمله .. ؟؟ والشيخ ذكر المباحث وامن الدولة وانا اعتقد ان الشيخ مايفتي من عنده ... نحسبه هكذا والله حسيبه... انا عندي سؤال للاخت نثية... الطالب ليس بشر؟؟؟ لماذا نشجع المدرس الذي يضرب الطالب كلنا مرت علينا سوالف الطق بالمدارس ... والله العظيم اني اتذكر في الابتدائي وكان عندنا مدرس رياضيات .. وللعلم انا كنت شاطر ومتفوق ولله الحمد .. وقسم بالله اني ليومكم ماانسى طقته .. اذكر والله ان طقني بسبب خطأ في مسألة او نسيان الواجب ... والمشكلة صغار .. :( ..... وقبل لا يوصلني الدور اشوفه يطق الطلبة والله ان نسفته تخترب من قوة الطقة .. يعني الغترة الطيح من فوق .... الله يسامحه :( على العموم هذه مشكلة والله لا نحلل لفئة ونحرم على فئة اخرى ياجماعة نسينا الشرطة شنو سوو لناا؟؟؟؟ شنو ماتقرون الجرايد ؟؟؟ والله المباحث مو مقصرين ... انا عندي واحد من الربع المقربين لي حيل .. يقول لو مو الطق مايعترف ... وشوفوا السرقات اللي طلعوها وردوا الحق حق اصحابه ... ترى هاذي مافيها ظلم ... تخيل انك تتمشى بالمرينا والا شرق .. مارحت الا عشان تستانس .. وفجأة يجيك واحد ويرفسك ويفنقرك جدام الناس وياخذ تلفونك وينحاش .. وتخيلي يا اختي وانتي تمشين وايي واحد ويتل جنطتج ... وينحاش اول شي تدعين عليه ... ثاني بتروحين المخفر تسجلين قضية وبعدسن راح يحولونها المباحث ... والمباحث راح يسوون تحرياتهم .. ويااابوا المتهم بعد فترة .. ودق عليك رقم غريب .. قالك معاك المباحث راجعنا ... راجعتهم وقالولك مو هذا تلفونك ؟؟؟ قلت امبله .. وشفت المتهم مكلبج .. شبتقول؟؟ بتقول ليش كلبجتوه؟؟؟؟ والله انك تبوس راسهم واحد واحد .... لان يابوا حقك ... بس للاسف ننكر هذي المواقف وندور الزلات ... افرض ان ماكو طق او ضرب عند هذي الجهات علبالك في واحد بيعترف..؟؟ يعني انت بايق بتقول بايق؟؟ خلونا صريحين ياجماعه ... انا معاكم مرات يصير فيها ظلم السالفة .. عاد رجل المباحث لابد ان يكون فطين عاد ... مو اي واحد يمد ايده عليه وفي اسلوب تعامل وفطنة وذكاء ... وسامحوني على الاطالة وجزيل شكري لكم |
كويتي
شي حلو والله مثل اميركا دورياتهم مزوده بكاميرات مراقبه لان بصراحه في بعض الشرطه انت ماتدري شنو يسوون في منهم لعينين ويتبلون على الناس ومايوقفون الا البنات :( شي حلو بصراحه |
بوقتاده
اولا : كل الشكر لمرورك وتنويرك متصفحي ثانيا : انا معاك من امن العقوبه اساء الادب والطق في بعض الاحيان ييب نتيجه بس انا اللي اقوله ان في ناس متخصصه مو اي شرطي صغير يمد ايده ويطق تتوقع لو اللي مطقوق كويتي مو هندي شنو راح يصير هل تتوقع ان الكويتي راح يسكت ؟؟ دور المخفر تمسك المتهم وتحوله الى جهات الاختصاص ماننكر فضل الشرطه علينا كافي انهم يضحون بانفسهم بس علشان راحتنا بس هم الله مايرضي بالظلم الحين مثل الويف الموجود شرطي بمخفر مو من حقه يمد ايده بامكانه يحوله الى جهات الاختصاص ولو تلاحظ ان الشرطه ماتمد ايدها بالنخفر الا على المقيمين يعني الكويتين ماتقدر تمد ايدهم عليهم لانه مخالف للقانون وبعدين بالنسبه للمدارس قبل كان الضرب مسموح بس الحين ممنوع اي مدرس يضرب اي طالب يتحول المدرس للتحقيق طبعا كلنا نعرف السبب في منع المدرسين من ضرب الطلاب بعد حادث الوفاة اللي صارت لطالب في المرحله الابتدائيه وقفه المدرس على الطوفه وظل الولد شيطان فطقه طراق قوي راسه تحرك بقوه وكان وراه مسمار دخل بالمخيخ ومات على طول الطالب مو كل واحد مسموح له يمد ايده |
أعتقد الكبار لازم يتدخلون وانتى عارفه نثيه أقصد منو
والله حرام الذل هذا يعطيج الف عافيه |
الكبار ياقلبي عاجبهم الوضع
تسلمين ياقلبي للمرور |
اووووووووووووووووووووخ ........
شلووون جذي هالمدرس ... لا حول ولا قوة الا بالله شلوون اهله ؟؟؟ اذا تنازلوا ماعندهم سالفه .... هالمدرس لازم يتحااسب .. |
هذا مدرس متاكدين ولا عشماوي
الله يرحم الي مات وعندي مداخله اختي نثيه على ان الكويتي ما يستخدم معاه القوه انا بشوف عيني بالشارع بعد الطق كلبجوه وسحبوه بالقار لين الدوريه وهم بشوف عيني بعد الطق امسحوا ويه بالقار وكلبجوه ولا ابوا الولد يطق اولده مع الشرطه ليش الكويتي ما ينطق الي يقولج هل كلام غلطان الكويتي مو على راسه ريشه المحترم يحترمونه والي يتعنتر يتصرفون معاه بشي ثاني ومثل ما قال اخوي ابو قتاده محد يعترف اذا مافي هل اسلوب وعندج امريكا شوفي غونتناموا اكبر دليل على ان الضرب ينفع مع هل ناس ولا الحين تطقه بعد ما يعترف والجهات الامنيه مافيه صغير ولا كبير الكل هدفهم واحد بس سالفة المدرسه الضرب يكون بالايد اما الطراقات والفناقر فاحنا مو مدخلين عيالنه المعتقلات تبي تعاقب افتح ايدك وثلاث طقات مو تكسر ايده لا عوره خل يخاف خله يحس انه في ناس تتابعه اما طراقات ممنوع هل اسلوب وشكرا لكم |
أخواني الكرام أنا سأدلي بدلوي في هذا النقاش وأقول
أن الشرطة هي جهة تنفيذ وليس جهة تحقيق، مهمتها تحويل الشخص المطلوب إما للحاكم الإداري (محافظ - متصرف) أو للمحكمة ( بأنواعها المختلفة) وهي جهة غير مختصة بالضرب واستخدام العنف، أما جهاز المباحث ( أو المخابرات ) فهي جهات تحقيق، وتستخدم العنف لانتزاع الاعترافات وتحويل ملف الاعترافات للمحكمة للسير في مجريات القضية. الشيء المهم أن المباحث أو المخابرات لا ينبغي لها أن تبادر بالضرب لكل من هب ودب، لكون الزائر لهم قد يكون صاحب قضية فلا يجوز اهانته، بل عليهم التريث قليلا حتى يتفهموا الموضوع، ثم التدرج مع الشخص المتهم أو المطلوب للمحاكمة بحيث يقومون بالتحقيق معه بأسلوب اللين، فإن لم يتجاوب فهم على علم ودراية بطرق استخدام الضرب ( الاماكن المخصصة للضرب ولا تسبب أذي جسدى أو إعاقة كما لا تسبب إهانة للكرامة كاللطم على الوجه أو التعدي على العرض كنوع من الضغط على الشخص المطلوب). وشكرا |
بوقتاده
لاطبعا ماتنازلوا الله يرحم الولد ويصبر قلب اهله |
كويتي
ابي اسألك سؤال اذا مثلا رجل كويتي مسكوه الدوريات وضربوه ودخلوه المخفر وترك بعض الاثار على جسم الريال هل يحق له انه يشتكي على الشرطي اللي طقه ؟؟؟ من ناحية المدرس بعد هالحادثه امتنعوا اولياء الامور من ذهاب اولادهم الى المدارس فترة يومين او ثلاثه تقريبا الي ان صدر قرار من وزارة التربيه يمنع ضرب الطفل باي حاله من الحالات في شي اسمه عقاب او انك تطلعه من الفصل او تحوله الى الناضر او تطلب ولي امره او انك تنقص من علاماته واي مدرس يضرب طفل يحول الى التحقيق على ايامنا كان ياحلو الطق من الابلات مسطره وطقتين بكفي اليمين وطقتين بكفي اليسار وخلاص الحين غير تغير الوضع اغلب المدرسين مقيمين وفيهم حقد الله يكفينا الشر على عيالنا المشكله ان خريجين كويتين مو لاقيين شغل والوزاره قاعده تشغل المقيمين ومخليه عيالنا الكويتين تدري ليش ؟؟ لان معاش المقيم ارخص من معاش الكويتي بالكويتي توفي معاهم الكويتي اذا اشتغل مدرس معاشه 500 تقريبا غير الزوجيه والاولاد وبدل السكن اما المقيم معاشه 300 كل هذا على حساب عيالنا :( والله والله انا قاعده مع طلاب مدارس كنت مسويه استفتاء في سبب ضعف الاغلبيه باللغه العربيه والانجليزيه تدري شنو كانت اغلب الاجابات ؟؟ مدرس اللغه العربيه مصري من اصل صعيدي واغلب الحروف مانفهمها واذا يبي يشرح كلماته مو كلها واضحه ونفهمها ونفس الشي الانجليزي وفي شغله ثانيه المدرس المقيم مايشرح زين في الفصل علشان يضطر الطالب في انه يناديه البيت لاعطائه دروس خصوصيه :( اسفه على الاطاله بس الموضوع يعور القلب |
ابو فارج
اعتقد ان وجهات نضرنا متشابهه الف شكر لابداء رايك بانتظار ردود الاخوان |
انا مادري شنو السالفه بس اللي عرفته انه الشرطي ما طق هالهندي الا عنده اسبابه ومن حقه هالشرطي انه يسوي هالشي
ثاني شي اكييد يا نثيه غلط ولا وبعد يزفونه بالهرنات لين التنفيذ المدني والله فشله والمشكله ما يهمهم ان كان رجال كبير شايب او معاه عياله يخلون عياله بسياره مهيتين ويركبونه الدوريه فعلا هذا غلط كل يوم نشوفه بشوارعنا والف شكر |
اقتباس:
|
ميشيل
انت طرحت موضوع وانا كنت مفكره اني احطه بالمنتدى انتظر الموضوع الجديد بعنوان الدوريات والكمبيوترات وماذا يحدث بالشارع امام اولادنا الف الف شكر لابداء رايك |
ابوفارج
الف شكر للتوضيح انا ابي اعرف بالكويت بالخصوص اذا احد عنه خلفيه لايبخل علينا |
يمكنك الدخول هذا الموقع والبحث عن القانون المدني الكويتي وقانون العقوبات..
https://www.avokato.com/main.aspx?AvoID=5 يمكن تحتاجين للتسجيل في الموقع ، ما يخالف .. سجلي ومن ثم ابحثي. |
الف شكر للموقع
جاري التصفح فيه :) |
@@ ....
|
كلمة شكر تكفيني
|
اقتباس:
نعم يحقله لكن صدقيني مافي عسكري يمد ايده الا اذا في سبب اعتقد اختي انتي ما ترضين احد يغلط عليج انا بعطيج مثال رجل امن اعتده على شخص صار فيه اثار هل تعتقدين ان رجل الامن والي اهو يمثل القانون ودارس جزئيات كبيره منه راح يهد هل شخص بدون تسجيل قضيه اهانه ومقاومة رجال الامن والاعتداء على رجال الامن انتي تعتقدين هل شي ما راح يسويه العسكري واحب افيدج اختي نثيه اذا كان الضبط بناء على امر قضائي يحق لرجل الامن اذا كان الشخص يفكر بالفرار انه يستخدم معاه القوه المتاحه لردع هل شخص فيها اساسا اوامر اطلاق نار وكل شخص رفض انه يركب الدوريه يستخدم معاه القوه وبالقانون لاكن انا ابي اسالج سؤال هل مره في بنت بالسوق ياتج وطقتج مني والطريج جاوبي على هل سؤال وحطي نفسج مكان رجل الامن وبخصوص المدرسه انا لو ولدي بهل مدرسه انقله من هل مدارس الحكوميه كلها الخاص احسلي واضمن وبخصوص الحقد والكراهيه انا ما تكلمة عنها انا اتكلم عن التدريس الي احنا مرينه فيه اما بخصوص الاستبيان فاختي نثيه اسال مجرب ولا تسال طبيب وانتي اختي المجربه وبالعكس احنا نفستيد منج لانج اني تاخذين الاستبيانات وتجتمعين مع الطلبه وتحسين بهمومهم وبصراحه قلب المراه احن من قبل الرجل وانا من الناس الي شفة بعيني ظلم منعوا رفيجي يسجل بالمدرسه اخذته وكنت طالب ورحت للمنطقه التعليمه ودخلت على المسؤولين الرجال كلهم ما اهتموا لكن يوم دخلنه على امراه اقلبت المدرسه عاليه سافله وما انسه يوم دخلنه عليها وقالت اشفيكم يمه وشرحنالها الموضوع بعد ساعتين كان الناظر ينطرنه عند الباب واستقبلنه استقبال الابطال لا لو كنه محررين الفاو ما استقبلنه جذي ولمه سالت شنوا صار قالو احظرت المسؤوله وعلى قولة الكويتين اغسلة اشراع الناظر وانا اصلا ما ادخل مراجعه ايام المدارس من بعد هذا السالفه الا عند المراه لانها احن وتعطف علينه مثل عيالها ومثل ما قلتلج اختي نثيه احنه نستفيد منج لانج انتي عارفه ومتواجده مع الطلبه باستبياناتهم وهل طلبه كلهم بنظرج ابنائج وتعاملينهم مثل اعيالج يعني انتي اهل خبره بهل موضوع بس بخصوص الحقد نعم كلامج صح وكلام ما طلع من فراق الا انه انتي عايشته مثل ما احنا عايشينه واحب ارد على الاخ ابو فراج الاخ يقول لا يحق استخدام القوه الا بجهات المباحث والاستخبارات اهو يتكلم بمنطق قانوني اتمنى منه ان يسجل الماده الي تذكر ان حقيت استخدام القوه فقط لرجال المباحث ورجال الاستخبارات وكذالك ابي القانون الي يقول ان المشتكي يذهب لوزارة الداخليه وياخذ كشف باسماء العسكر المشتبه بهم باعتداء بالضرب ولا يسوي تحقيق ابي في اي دوله انت تتكلم عنها تسجل قضيه والوزاره تسوي تحقيق بعد انا الي اعرف ان الوزاره تدافع عنك وتيبلك محامي يدافع عنك انا ابي اي قانون بالعالم يسمح لاي شخص انه ياخذ كشف باسماء العسكر اخوي شنو يعني رقم قضيه ولا مسجل قضيه يعني مسجل قضيه خلاص اهو صاحب الحق يقول المثل ضربني وبكئ وسباني واشتكى ياريت توضح اخوي بالادله والقانون واتمنى انك اذا قراة القانون او احد قالك تتاكد ولا تتسرع ولا تصير مثل بعض الناس الي يقول رفيجي قالي وانا اطالبك اخوي برقم الماده الي تحدد استخدام القوه لمباحث والاستخبارات الرجاء من الاخ ابو فراج انه يدخل الموقع الي حط رابطه للاخت نثيه ويطل المواد والقوانين الي اهو يذكرها ويحدد اذا كان الموقع حكومي ولا موقع واحد مسويه واذا كنت تاخذ قوانينك من هل موقع فانا لا الومك والف شكر لكم واتمنى ان محد يزعل من كلامي ويفرق بين الظلم وبين استخدام القوه في الضبط وحفظ الامن |
هلا وغلا بنور المنتدى كله
مطول الغيبه يايب الغايم :) على راسي والله كلامك عين العقل وانت ذكرت نقطه مهمه جدا في الحوار وهي اقتباس:
وصلنا الى مبتغانا هذا اللي بعرفه انا انا معاك ان الشرطي يحق له انه يمد ايده في مواقف معنيه مثل هروب يحق له استخدام القوه مثل مداهمه هم يحق له اذا كان يطارد شخص وهالشخص مسلح هم يحق له بس في حالة انه يبي يستجوب شخص بالمخفر هل يحق له انه يمد ايده ويطقه ؟؟؟ في حالة الاستجواب وانا اتكلم عن الخفر بالذات انا مره كنت رايحه المخفر اشتكي عن تغيب خدامتي بعدها بيومين ياني اتصال من المخفر بالحضور رحت الصبح المخفر وكان موجود الضابط وخدامتي والله ياخوي انه طقها طق سنه بساعه تسلم ايده والله بس انا بعرف الحين الخدامه لو تشتكي عليه يروح فيها الضابط اما بالنسبه للموقع اللي حطاه اخوي بوفارج فهو موقع شخصي وليس حكومي بالنسبه للمدارس والله ان قلب المرأه احن بكثير على الاطفال من قلب الرجل وديرتنا على الواسطه ماشيه :( <<<<<<<< اخرتها مقطوطه بأمن الدوله ههههههههههههههههههههه |
المنتدى نوره وجودج ووجود الاعضاء فيه
الحمد لله الديره بخير وما ننكر ان في واسطه بس هم الخير موجود وبخصوص المراه ارحم انا اصلا من اتمنى ان المراكز القياديه في وزارة التربيه يمسكونها نساء من واقع تجربه وبخصوص الضابط هذا هذا والله على راسي وخل تروح تشتك الضرب كان اثناء عملية الضبط كل شي له حل وما كان الضابط او العسكري يضرب بهل حاله الا حميه لج انتي بنت البلد وخوف على البلد لانج ما تدرين شنو يصير بعد الهروب بعد الهروب تتعرف على مثلا هندي الهندي ياخذ مبتقاه منها ويبيعها لبنغالي او اينا كان طبعا تستخدم للدعاره الله يحفظ البلد ها تبين تسجلين قضيه على الشرطه واهم صايدين خدامتج ههههههههههههههههههههههههههههههههههههههههه الضرب هذا صدقيني ما كان تعذيب الضرب ضرب ترهيب مو تعذيب يعني من العرف انا يستخدم هل طريقه للترهيب هذي سالفه انا سمعتها بلاغ تشاجر بصالون نسائي حضرت الدوريه شنو السالفه اثنين كويتيات متهاوشين مع احد العاملات بالصالون السبب حضرت قبل البلاغ بيوم بنت احد الكويتيات وسوت شعرها باتفاق السعر بينهم ولمه خلصت وعطتها فلوسها العامله رفضت وطلبت الزياده وقامت وحجزت البنت احد ارجال الدوريه اخذ اسلوب اللين والثاني عصب واخذته الحميه والخوف على العرض لو ان العاملات بالصالون ادخلوا رجل على البنت شنو راح يصير طبعا العامله رفضة وانكرت انها احتجزت الفتاه شوفي الحكمه من رجل الامن انه اخذ العنف مع العامله لو ان تم تحويل البلاغ للمخفر شنو الناس راح تقول عن البنت راح يقولون طلعت مع رفيجها ولمه تاخرت واهلها يبون يعرفون سبب التاخير الفت سالفه على الصالون يعني سمعة البنت راح تروح فيها ويمكن مستقبلها كله راح يروح بهل حاله اختي نثيه اشلون تتصرفين هل تفضحين البنت البريئه او تعاقبين المسيئ اصر الشرطي الي كان ماخذ موقف اللينه ان يحول البلاغ للمخفر العسكري الثاني رفض للاسباب الي ذكرتها وبعد اخذ نوع خفيف من الشده اعترفة العامله بانها احتجزت البنت بقصد اخذ مبلغ اكثر من المتفق عليه يعني العنف مني كان حمايه للاعراض صح ولا لا طبعا صار جم طراق ومن هل سوالف اخر البلاغ بعد ما طاب خاطر الكويتيات وتم ابلاغ صاحبة الصالون واخذ ضمان من صاحبة الصالون بعدم تكرار الواقعه راح رجل الامن الي كان ماخذ موقف اللين قال لاحد الكويتيات اختي تبين شي قالتله لا تقول اختي انا لو كنت اختك كنت خفت علي وعلى بنتي اما الثاني فهم راحوله واشكروه وقالتله احدهم انا ما عندي عيال شباب بس انت اليوم صرت ولدي وخذيت بحقي وحق بنتي هل سالفه اختي ببيلج فيها موقف اللين وموقف الشده والعنف اللين كان يمشي بالقانون بالضبط لكن شنو النتيجه راح تكون اهي فضيحه للبنت واهلها ورجل الامن الي كان ماخذ الشده وممكن انه خالف القانون بشغلات شنو كانت النتيجه ان حمه الاعراض وسمعت البنت واهلها وعاقب المسيئ واخذ ضمان بعدم تكرار الواقعه من صاحبة الصالون السؤال لج اختي نثيه انتي تفضلين بصراحه اي اجراء اجراء الشرطي الي كان اسلوبه لين ومرن ولا اجراء الشرطي الي استخدم الشده والعنف وبخصوص امن الدول ههههههههههههههههههههههههههه لا تخافين امن الدوله رجالها يخافون الله ولا يتبلون على احد والحمد لله انا احنا في الكويت ما عندنه هل كلام والكل عايش براحه والحمد لله وهذا بفضل نعمة الله علينا ثم فضل اسرة ال الصباح اتمنى اختي نثيه انج تجاوبين على سؤالي وطبعا انا لاحظة انج اخذتي اقتباس من ردي السابق ويفرق بين الظلم وبين استخدام القوه في الضبط وحفظ الامن اختي انتي ما تشوفين ان حفظ الامن والي انتي اخذتي هل كلمه وحطيتي عليه اقتباس الا يعتبر حفظ الاعراض وحفظ سمعة الناس من اساسيات حفظ الامن |
الأخ كويتي
ما تحدثت به بشأن الشرطة و تسجيل القضايا هي اجراءات معمول بها في بعض الدول العربية وليس كلها. ثم من قال لك أن الشرطة لا يحاسبون؟؟ تخيل لو أن شرطيا ضربك بقس على سنانك وتسبب بأضرار في حنجك، مجرد ما تأخذ تقرير طبي بإمكانك أن ترفع قضية مباشرة ضده. أما وزارة الداخلية فتحقق معه لمعرفة ما هي الأسباب التي جعلت هذا الشرطي يتصرف بهذا الشكل، واحالة الملف للمدعي العام (القاضي) بناء على رقم قضية مسجلة من قبل المشتكي.. وإذا كانوا مجموعة عساكر فيتم التحقيق معهم. والشرطي حتى لو معه أمر قضائي بجلبك للمحكمة، فهذا لا يعني استخدام القوة، هو مجرد أمر ينفذه الشرطي لاحضارك للمثول أمام القاضي.. لكن للاسف بعض رجال الشرطة يستغل جهل الناس بالقانون ويمارس بعض الأعمال الغير قانونية بهدف ترويعهم وانقيادهم لأوامره. بعدين خذ هذا القصة وقد حدثت عندكم في الكويت ، إذا تتذكر الشرطي الكويتي الذي أمر اثنين من الأمريكان بالاصطفاف على يمين الطريق وأطلق النار عليهما، ثم لاذ بالفرار للسعودية وتم جلبه ومحاكمته، أليس هذا دليلا على ما أقول... أما أنا فأستقي كلامي هذا من زميلي المحامي.. وشكرا |
اوخوي ابو فراج
انت قلت بالكويت عندكم معناته انت ليس كويتي ولا عايش بالكويت الان فهمت اخوي ربما انت تتكلم عن قوانين بعض الدول وانا اتكلم عن الكويت ومن قال اخوي ان لا يحق لاي شخص تسجيل قضيه على رجل الامن وانت تقصد بوزارة الداخليه تقصد التحقيقات مو الوزاره نفسها انا فهمتك اخوي اقتباس:
وكيف يحضره للمحكمه اكيد تبيه يترجاه تكفه تعال انت مطلوب ولا يبوس راسه ويقوله تفضل انت مطلوب ويضحكله ويمكن يسويله العاب بهلوانيه ههههههههههههههههههههههههههه اها بس اذا ما حضر اكيد يرجع رجل الامن الى القاضي ويقوله ما يحضر المطلوب ويقول القاضي خلاص دام انه ما يحضر ما نقدر نسويله شي ما عليكم منه هذا انسان مو متربي هههههههههههههههههههههههههههههههههههه وبعدين الله يعين هل دول على قانونهم اذا كان القانون ماله هيبه اقتباس:
وللعلم الشرطي مرتكب الجريمه كان يعاني من امراض نفسيه وكان يعالج بالاردن بس يا ريت تتاكد من معلومات القضيه بالشكل الصحيح واخوي انا ما اقول ان معلوماتك خطء انا اقول انت تقول معمول بها ببعض الدول العربيه واحنا نتكلم عن دولة الكويت وانت الله يهداك خلطت الحابل بالنابل ههههههههههههههههههههه كذالك اتمنى الرد على هل سؤال وانا طرحته في ردي السابق عليك اتمنى ان تسجل الماده الي تذكر ان حقيت استخدام القوه فقط لرجال المباحث ورجال الاستخبارات اقتباس:
وكذالك ابي القانون الي يقول ان المشتكي يذهب لوزارة الداخليه وياخذ كشف باسماء العسكر المشتبه بهم |
يعطيه العافيه الشرطي على ردة فعله
بصراحه عين العقل اقولك شي والله اني اقتنعت باستخدام القوه لان في ناس ماتمشي الا بالطق انت ذكرتني بسالفة مقاول سوري عندي طبعا انا قاعده ابني قسيمتي وانت تدري مشاكل البنيان ضرب على فلوس وتأخر في الشغل انا بصراحة مو مالت محاكم ومخافر وانت تدري لو ارفع عليه قضيه راح تطول سنين بالمحكمه المهم كلمت ضابط بالمخفر وقلت له سالفتي قالي هذي قضيه مدنيه روحي المحكمه قلت له انا مابي قضيه انا ابيك بس تخوفه وتفهم الوضع الضابط طبعا هني خالف القانون بس شوف النتيجه اتصل على المقاول وقاله تعال المخفر الفلاني الحين نص ساعه والمقاول بالمخفر تعال شوف شنو سواله قام يصارخ عليه وكل دقيقه يرفع ايده جنه يبي يطقه بس يوقف بنص الطريق قبل لا يوصل الطراق والله المقاول السوري قام يرجف ميت خوف الضابط يقوله انا اقدر الحين ادخلك النظاره ومحد يدل طريقك اقدر البسك مليون تهمه اشوي ويبجي المقاول يقول المقاول للضابط شنو تبيه انا حاضر وماله داعي ندش في مشاكل قاله ترجع فلوس المرأه او انك تخلص شغلها لك شهر واحد اذا ماخلصت بهالشهر لي كلام 4ثاني معاك والله انه بثلاث اسابيع خلص الشغل ههههههههههههههههههههههههههههههههههه الله يعز الخوف بصراحه انا الحين اقتنعت باستخدام القوه لان في ناس ماتمشي اللا بالطق والله اما بالنسبه الى السؤال الموجه الى اخوي بوفراج اسمح لي بهالجمله اقتباس:
وين قاعدين ؟؟؟ حتى لو تروح مدرسة ابتدائي وتقول للناظر ابي كشف باسماء الطلاب يقولك ممنوع فما بالك بوزارة الداخليه |
الأخ كويتي
أنا من مواليد الكويت وعشت في الكويت لبعد التحرير ثم غادرت. لما قلت لك أن بعض الدول العربية تطبق هذا النظام ، كنت أوضح معلومة، قد تكون الكويت من بينها خصوصا أن النظام في الكويت نظام دستوري وقانوني وليس دكتاتوري. الدول العربية الدكتاتورية، مجرد ما الشرطي قدم تقريره ضدك، فاقرأ على روحك الفاتحة. في الدول الدستورية والقانونية، تستطيع أخذ حقوقك عن طريق المحاكم. أما إذا كانت الكويت منها ياحبذا لو اتصلت لك على محامي وطرحت عليه هذا السؤال عله يفيدنا جميعا، او بإمكانك الاتصال على نقابة المحامين و سؤالهم.. ولعلمك اخت نثية ،الشرطي فقط استخدم التخويف مع المقاول، اما قانونا لا يستطيع هذا الضابط فعل شيء له ما لم تكن هناك شكوى من قبلك، إما عن طريق المحافظ او المحكمة. فالمحافظ لديه صلاحية حجز هذا المقاول مدة معينة قد تمتد الى 14 يوم حجزا إداريا فقط بدون تهمة، وذلك لحل بعض الخلافات البسيطة، ويستطيع المحافظ ارسال كتاب للمحكمة ومرفقا معه كتاب الشكوى المقدم من قبل المشتكي ليتم محاكمته. أما بالنسبة للشرطي فكما قلت، حتى ولو معه أمر قضائي لا يجوز له استخدام القوة وهناك طرق للاستدعاء منها: 1- عندما يقدم المشتكي في المحكمة شكوى ضد المشتكى عليه: تقوم المحكمة بارسال ورقة ابلاغ مع محضر المحكمة الى عنوان المشتكى عليه تبلغه بضرورة الحضور في التاريخ المحدد في ورقة الابلاغ و لائحة الدعوى. 2- في حال لم يحضر المشتكى عليه جلسة المحاكمة، قد يؤجلها القاضي عدة جلسات مع ارسال خلف المشتكى عليه لحضور الجلسة، فإن امتنع المشتكى عليه الحضور، فساعتها يصدر القاضي حكمه، وفي حال احتوى الحكم إجراء حبس المشتكى عليه، يقوم المشتكي بارسال نسخة من الحكم للتنفيذ، فتذهب الشرطة لمنزل او مكان عمل المشتكى عليه لجلبه وايداعه في السجن. وبشرط واحد هو أن يكون الحكم نهائيا غير قابل للطعن واكتسب الدرجة القطعية. ومشكور اخوي. |
اقتباس:
|
اختي نثيه
انا فاهم انتي شنو كان المقصد من طرحج اساسا للموضوع انتي شفتي ان رجل الامن كان بهل مشهد كان ظالم يمكن يكون ظالم انا ما ادافع عنه لاكن انا دائما اقول لكل شي سبب اما اذا كان ظالم فحسابه عسير عند الله والله لا يحب الظلم اتمنى انج تفرقين بين الي انا اقصده اهو الامن والحفاظ على الناس واعراضهم والحفاظ على امن البلد ولو شاهتي برنامج الراي الصريح بقناة الراي الي كان يتكلمون فيه على هيبة الشرطه لشفتي الصدمه شباب وبنات البنات يطالبون بقانون يحمي رجل الامن والشباب لم يقف منهم الا واحد وطالب بقانون يحمي رجل الامن انا راح اقولج ليش البنات طالبوا بقانون لرجل الامن واقولج ليش الشباب ما وقف فيهم الا واحد مثال للبنات الكل يعرف ان البنت اذا تعرضة لمضايقه من الشباب تتصل بالشرطه تحضر الدوريه تضبط الاشخاص اختي تبين قضيه طعبا شي اكيد لا ما ابي اروح المخفر ولا ادشه بهل حاله راح تشوف البنت بعينها مخالفة رجل الامن للقانون الا وهو تركيبه بالدوريه بالقوه وتعمد القوه لانه رجل الامن ان هد هل شخص راح يستانس وكل ساعه يتحرش ببنات الناس اما اذا كان لرجل الامن هيبه وعقوبه صارمه لمن يحط بس ايده عليه فثقي بالله لن تحتاج البنت للاتصال بالشرطه لانها بس ترفع التلفون راح يشوفها الشاب راح ينحاش لانه يدري ان راح يروح فيها اما لماذا الشباب مو راضين ومو عاجبهم قانون للشرطه لانه المسكين اذا انحط قانون صارم لحفظ هيبة رجال الامن ما راح يقدر يغازل وياذي بنات الناس ما راح يقدر يتسكع بالشوارع تالي الليل المسكين ما راح يقدر يستعرض ويطلع رجولته يدام ربعه عرفتي ليش البنات وافقوا والشباب بس واحد اخوي ابو فارج انت تتكلم عن قوانين ليست بالكويت ومثل ما قالت اختي نثيه لو تروح المدرسه وتطلب بكشف باسماء الطلبه يعطونك ومن خلال كلامك ان قلت ان للمحافظ لديه صلاحيات 14 يوم وهذا ليس موجود بالكويت وانت قلت اذا عندك اوراق قضائيه تستطيع الدخول الى مجلس الوزاراء هذا ليس من قوانين الكويت وبخصوص اجراءات القاء القبض الي ان تتكلم عنها غير موجود الا اذا كنت تقصد تكليف بالحضور اخوي عندي لك سؤال هل الاردن من الدول الي تعمل بنظام القوانين التي انت تذكرها |
| الساعة الآن 06:58 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر