|
مصيبه القروض بصراحه
شر لابد منه ياجماعه احنا بالخليج الحمد لله بفضل الله معاشاتنا قويه حييل ونقدر نعيش فيها بدون قروض او اقساط برا الخليج اما بالخليج فالحياة غاليه حيييل يعطونا زيادات ويرفعون الاسعار علينا كأنك يابوزيد ماغزيت صدقوني لو الشخص الخليجي يعيش بمصر راح يصير ملياردير هناك لان المعاش اللي ياخذه من ديرته قوي ويقدر يعيشه ملك زمانه بلاد ثانيه اما بالخليج فللاسف تلقا الواحد معاشه 1000 دينار وفوق هذا كله عليه اقساط المعيشه غاليه حيل بالخليج شنو السبب ؟؟؟ السبب الرئيسي هو جشع وطمع التجار ياناس احنا نبي نعيش حياة كريمه في بلدانا مانبي شي يقصر علينا وصدقوني لو الدوله تحط مقايس للتجار بحيث مايتعدونها لاح نصير ملوك هذي نقطه وفي نقطه ثانيه وهي سداد الديون الخارجيه وترك الشعب يعاني من الاقساط |
نحنوا الان تتطرقنا الى موضوع جديد وهو ارتفاع الاسعار :)
أرتفاع الاسعار بشكل غير طبيعي وانا أتكلم عن الكويت ولا اعرف الدول الاخرى لأنني كويتي وأعرف الاسباب السبب الكبير هو الحكومه نعم الحكومه هي اللي ضيعت الشعب وجعلته في شتات لعدم وجود رقابه من وزارة التجاره وعدم وضع قوانين رادعه لهاذهي الامور لي نقاش لأني راح اخرج من الانترنت ضروري بسبب ضروف ولي عوده أرجوا المعذره لعدم التكمله . |
ليش الديوانيه فاضيه اليوم
يعني ليدر انت تأيدني في ان الحكومه هي السبب لانها ماتفرض رقابه علي التجار ؟؟ |
انا رديت لعيونكم امس انشغلت شوي
والأن اكمل حديثي معكم بالنسبه أتهم الحكومه نعم انا اتهم الحكومه أدارة الحكومه سيئه جداً الحكومه لاتنظر للشعب الحكومه تنظر لمصلحه التجار ووزارة التجاره نائمه ليس لديها حيله بسبب الضغوطات من جهة الحكومه وهي اللتي شجعت التجار في الأونه الاخيره بأن يطالبوا بالصحف اليوميه لرفع أسعار سلع الجمعيات والمصيبه الكبرىىىىىىىىىىىىىىىىىىىىى أن الحكومه موافقه ولاكن تنتظر المجلس يوافق ... !! خليها على الله انا انتظر حديثكم من هذا الديوان راح اتكلم وبطلاقه عن سبب أخذ المواطن القروض المستهلكه نريد من كل شخص أن يخرج مافي جعبته حتى لو ضد الحكومه وعدم التجريح لو سمحتوا وهذا من قانون المنتدى الحريه التامه بالحديث ومن غير تجريح او إهانه . |
زيادة في الراتب = زيادة في اسعار المواد الاستهلاكية
الحكومه مطالبه بتحجيم زيادة الاسعار قبل الزياده |
نعم صحيح كلامك
انت اللحين اتزيد الراتب لنقل 50 دينار هذا شي طيب ولاكن أين الرقابه على التجاره انت تعلم الحياة فرصه من يسمعون التجار قد زاده الرواتب عند المواطن قام ورفع الاسعار والله شي عجيب الحكومه غافله .....!! يعني هل نقول غباء او استعباط او ماذا ؟؟؟؟ ام هي اتفاقيه مع التجار انا بصراحه ضد الشغلات اللي قاعده اتحصل من قبل الحكومه انا راح اتكلم بخصوص دولة الكويت لأن الصراحه شي يقهر المملكه بعد وفاة المرحووم الله يغفر له زاد الملك عبدالله نسبه على رواتب المواطنين جزاه الله خير وصرح انا بعيوني محد قالي بالتلفزيون مرسووم ملكي معنات كلامه ان يجماعه أي محل يرفع السعر عطوني اسم المحل واي منطقه وسوف ينال جزائه وتطبيق القانون عليه وسوف يخالف بغرامه ماليه كبيره انا أعجبني مافعله لأنه يعرف حتى الغبي يعرف ان الحكومه لازادة الرواتب راح يرفعون اسعارهم المحلات بالطريقه هاذي قد استفاد الشعب السعودي من المنحه او الزياده اللي منحت من الحكومه اما عندنا مشاء الله زيد الراتب مني وارفع السعر منيه ويقولون احنا زدنا وسوينا بس هااااااااااااااا ما يقولون خربنا ليش ما تحط تصريح وتهدد فيه التجار ؟؟؟؟؟؟ والله والله الدول كلها اتقدم الا الكويت قاعده اترد شوف قطر مشاء الله من بر الى فوووق السماء من افضل دول الخليج الان افتتاحات كبيره قاعده اتحصل الله يرزق وعندكم الامارات مشاء الله يراعي شعوووبه اما عندنا لا يساوم الشعب تبووون اطيح القروض وأزيد الرواتب مافي مشكله والله العظيم قالها الشيخ / صباح الاحمد قال ازيد واطيح القروض بس بشرط يا شعب الكويت طبعاً منو يخاطب مجلس الامه شرطه شنو ؟؟؟؟؟؟؟؟؟؟؟؟؟؟؟؟؟؟ أبيار النفط اللي بالشمال تتنازلون عنها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شي عجيب انا اللي أعرفه النفط للشعب مش للحكومه اذا كان يقصد الديمقراطيه طبعاً المجلس رفض رفض نهائي .... والله يستر من الجاي |
والله دخت على ما أوصل اللي تبونا نتكلم عنه
بس برز الفيس شوي بالنسبة للتجار بعد زيادة رواتب العسكريين ... ارتفعت 220 سلعة في الجمعية وأذكر قالها الشيخ صباح بإلسانه ( والله لأخلي الغني غني ) و ( الفقير فقير ) يعني ياغني اخذ راحتك ويافقير استررررريح * قولوا لي وين تبونا نتكلم :) أدري دشييت عرض صـــــــح هههههههههههههههه |
انا بعرف الشيخ صباح يبي يوصل لشنوووو
احنا عيال الديره تري لاحول ولاقوه الا بالله |
ياجماعة الخير قولوا
لااله الا الله اذا بتكلم عن الكويت الحبيبه لاننسى انها دولة معطاءه لشعبها اولا واخيرا ويكفي الامان الي عايشين فيه لكل حكومه سلبيات وايجابيات وانتوا الايجابيات الي حاصله في البلد اكثر بكثير من السلبيات القروض الاسكانيه الحكوميه على المواطنين المستحقه للدوله اذا ماخانتني الذاكره اسقطت عن المواطنين بعد الغزو الغاشم ووقتها نقول رد جميل من الحكومه للشعب لكن ياخوان لاننسى مثل ماقلت لكم ان المستحقات للدوله على المواطن مصبها الاساسي بيكون للمواطن يعني قرض الدوله على المواطنين لنفرض في السنه نص مليار دينار كويتي النص مليار هذا فكروا وين بيروح ياجماعه؟؟ وعشان لااعطي مجال لمن يشكك في اخلاص الرجال القائمين عليه بقول ربع مليار وين يروح.؟؟ اكيد بيصب في ميزانية الدوله للتخطيط المستقبلي للوزارات وهالوزارت ياخوان تخدم منو؟؟؟ تخدمك انت يالمواطن لانغفل عن هالنقطه - مثال بسيط الذهبي عنده خير وقاعد يوزع على اخوانه كل شهر الف دينار والي عنده 12 الف دينار يعني مال سنه وحده انا اعز على الذهبي واحتجت 6 الاف دينار قال لي اوكي هاك يارولز الفلوس على شرط كل شهر تعطيني الف دينار عشان اكمل حسبة السنه واعطي كل واحد من اخواني 12 الف اخر السنه انا ماسددت يعني كل واحد من اخوانه اخذ 6 بس هذا الي حاصل لمال الميزانيه العامه للدوله تدوير واستحقاقات لميزانية السنه الي وراها - بتقولون تدفع للدول برا اقول لكم سياسه خليجيه موحده منها ماهو مساعده ومنها ماهو اتفاقات ومبادلات ومنها ماهو استحقاق لمنظمات دوليه - الميكرفون معاكم :) |
أخي العزيز رولز بالنسبه للقروض الاسكانيه نعم اسقطت بعد التحرير وهذا الشئ اجباري
لأن البيوت 80% تهدمت بسبب النظام الصدامي لكي يستطيع المواطن أن يبني من غير ما يضايقه أي قسط نعم نحنوا لاننكر ما قدمة الدوله للمواطنين وكانت تسير الحكومه على مسار جيد وحسن وذات تطوير دائم فالدليل كانت تسمى بعروس الخليج اما الان أرملة الخليج الان انتقلت الأداره من شخص الله يديم عليه الصحه الى الشيخ / صباح الأحمد سياسة الشيخ / صباح معروفه (( التجاره )) لأنه تاجر مثل ما تفضل اخوي الذهبي وقد قالها أبي الكويت فقير X وغني ....!! وقال أيضاً في الطائر في أخر لقاء له على التلفزيون (( ماذا قدم لي المواطن الكويتي للكويت )) ...!! كيف لشخص له سلطه وقد يجوز يستلم الحكم غداً من بعد الشيخ / جابر الاحمد حفظه الله ورعاه يقول هذا الكلام رد عليه , العضو / الطبطبائي وقال الشعب الذي يبي منك مو انت تبي من الشعب هل وجدت قصور من موظفين الحكومه ؟؟؟ يعني الصراحه اول بخير وستين نعمه أما الان لحياة لمن تنادي في شخص يخاف على شعبه يقول سوف أضع ضرائب على المواطنين يعني انصير مثل بريطانيا كل شي بفلوس واحنا شعب لم نتعدى المليون ؟؟؟؟؟؟؟؟؟؟؟...!! الناس تقول بالكويت الدينار صار ما يقعد باليد وقبل الدينار عن عشر دنانير يقولون قلة بركه ....لالالالالالالا الحمد الله البركه من الله موجوده الى الان لأننا شعب متمسح بالعادات والتقاليد وقوة الايمان ولكن السبب هو أرتفاع الأسعار |
يعطيك العافيه يازعيم وصلت وجهة نظرك للعموم وانا وصلت وجهة نظر لكن دائما يقولون اهل مكه ادرى بشعابها
ونقول ان شاءالله الاوضاع تتحسن ننتظر اي اضافه من عضو جديد اذا امكن :) |
حلو حلو حلو كلام متقن من مبدعين وفي قمه الإبداع
ياسلام عليك ياvip وياسلام عليك يا رولز وياسلام عليك يانثيه حبايبي وتجمعوا بهالصفحة والله ماأخليكم وحبيت أضيف على كلام أخوي الكبير vip عندما كان في الطائرة الشيخ صباح رد على الصحفي وقال ( شقدم الشعب الكويتي ) اهني وتعليق على الجمله هذي وين الشعب من الجمله هذي ... شعب نايم مليوووون بالميه وصدقوني كلنا من إلـــــى سكتنا خايفين على أنفسها ما عدا الطبطبااااائي رد وبالمجلس بعد قال الطبطبائي (( ياشيخ صباح يا رئيس مجلس الوزراء انت تقول الشعب الكويتي شقدم ) وانا بقولك ان الشعب الكويتي الشرس في 2/8/90 قدم أغلى ماعنده الشعب الكويتي ... قدّم اللي انت تنسى تقدمه قدّم دمّه اللي أغلى ماعنده .. من أجل منو .. من أجل شي واحد وهو اسم بلده (((( الكويـــت )))) من أجل الكويت قدم دمه ... انت شقدمت ياشيخ صباح في 2/8 وينك بهالفترة ... وتقولنا شقدم الشعب الكويتي انا مرة مت من الضحك على كلمه قالها الشيخ صباح .. (( قال ياجماعه احنا بخير احنا بخير )) "خلوووكم معاي بهالنقطةانتبهواشقال الشيخ صباح " قال انا ابشركم من الحرب على العراق واعادة افتتاح الحدود بين الكويت والعراق أبشركم هذا من صالح القطاع الخاص هههههههههههههههههههههه انززززين والقطاع العام وينه ... وين راحت حقوق الشعب عليك ياشيخ صباح القطاع الخاص يقصد فيه ربعه ومعاونيه " التجار " ملاحظة يمكن أكثر الشعب ماطرت في باله أنا بقولكم شغله حبايبي شنو اللي بقلب الشيخ صباح على المواطنين ومدى الحقد الللي بقلبه واهني تقدر تستنتج أكثر الأمور بنسبة 99.9% أنت ألحين ياشيخ صباح ماراح تكيش القروض ولا راح تسدد فوائد المتقاعدين ولا راح تعالج المشكله السكنيه ولا راح تساعد الشعب وخاصة الطبقة الكادحة من الحفر اللي يقعون فيها ........ كل هالكلام ماخوذ خيره ... مو مشكله بس انت ياشيخ صباح ((( ليش اذا بترد على صحفي أو نائب أو إذاعة على هالسوالف ليش تستفز الشعب من خلال خطابك وتعليقك وتعقيبك ياأخي أختار جمله أو عباره تقدر تكسب فيها الشعب من غير استفزاز ولا تجيب لنفسك الكراهية من الشعب)) والله مادام الشيخ صباح بيتقلد الحكم فعلى الدنيا السلام الديرة ديرة مره وبليا ثمره مابي أكتب كلام كثير وتتعبون من القراءة فخلونا خطوة بخطوة واستلم المايك ياحبيب :) بس انتبه بخطفه منك <<<<<<<<<<<< قلبه متروسة هههههههههههه فديتكم جميعاً 1 . 2 . 3 just :) |
اقتباس:
لا هاذي حقيقه والكل يعرف وكل بيت كويتي يرى هذا الشئ وكل ما تكلموا مجلس الامه قام وهددهم بأغلاق هذا المجلس ....!! والله شئ عجيب هاذي الديمقراطيه هذا دكتاتوريه بس بطريقه امريكيه بالاستفزاز علشان يبذر منك أي غلط ويتخذ أجراءاته والله, تقول يالذهبي على الدنيا السلام نعم صحيح على الدنيا السلام والله ليشحدون بكره بالشوارع دام ما تغيرت السياسه انا أبي اناقشك بموضوع ثاني انت اللحين حريص على الشعب يا شيخ / صباح أنظر الى طلبتك بالخارج وخاصة بالاردن تهزئوا على عشر ونص يعني حتى السفاره لاتستقبل الكويتيين ....!! انا اعرف شخص هناك والله والله لجئ الى السفاره الاماراتيه واستقبلوه احسن استقبال عوائل بالاردن تتهزء واعتداءات على النساء الكويتييات بالضرب ولافي مرسوم اميري بالتفزيون بخصوص هذا الشأن ولا اعتذار حتى ....!!! بس همه الكبير الحقوووول الشماليه والضرائب على الشعب ؟؟؟؟؟؟ سنع وزارتك الاول بعدين أطلب يجماعه مسرحيات ومسلسلات قاعده اتكلم بغزات كانت مو مفهومه اما الان قاعدين يقطون النغزه هالكبر ومعقوله ما يحسون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أخذ المايك ورادلك بروح أجيب ريوق شباتي وسمبوسه وحليب ديوانية رولز المقهوي عنده راقد على الاقل يسويلي قهوه يا رولز سنع مقهويك قله من صلاة الفجر واهو قاعد مو يتير للنهار |
صباحكم العسل
كفيتوا ووفيتوا عساكم علي القوه يارب ليدر لاتنساني انا بعد ابي ريوق ياجماعه انتو تتكلمون عن شي ميؤوس منه والله اذا مسك الحكم علي الديره السلام وبالنسبه لاخوي رولز معلومه بسيطه اقتباس:
بوق في بوق اشكره او انها تروح مساعده للدول والشعب معطينه علي افاه امس بجريدة القبس قريت خبر باختصار الشيخ صباح يقول احنا ماراح نعطينهم علشان مايتمردون وكل ماساعدنا دوله نطو الشعب علينا هذول فئه حاقده تارس الطمع عينهم امانه هذا رد شيخ ننفخ في جربه مشقوقه احنا تكلمنا بهالنقطه عن الكويت اتمنى اشوف ردك اخي رولز علي اللي قاعد يصير بالسعوديه واباقي اخوانا نتمنى ان نتكلم عن جميع الدول الخليجيه مو بس الكويت نبي نشوف سلبيات الدول |
اقتباس:
12 مليار فائض من ميزانية الدوله عدلي المعلومه لو سمحتي , انتي من صجج 12 مليار وييييييييييييييييييييييييييييين يقول للأجيال القادمه هههههههههههههههههههههههه والله أضحكني مره العضو/ مزيد الديحاني كانوا يتناقشون على موضوع والله ماذكره ولاكنه من مصلحه الشعب فقام وقال الشيخ / صباح هاذي للأجيال فرد عليه العضو / مزيد وقال يا سيدة الرئيس انتوا تتكلمون عن الاجيال والاجيال والاجيال القدمه أذيتونا وانا طفل والان عضو في المجلس ما شفت شئ من الاجيال اللي كنتوا اتكلمون عنها الان انا اطالب فيه واتردون واتقولون اجيال هههههههههههههههههههههههههههههه والله صدق ماصارت اجيال كلها بالجيب تروح , اذا كان يتكلم على الاجيال ليش يساوم الشعب على الحقول الشماليه ؟؟؟؟؟؟؟؟؟؟؟؟؟؟؟؟؟؟؟؟ |
يقولك الشيخ صباح غط رجولك على قد لحافك
يعني يا شعب اكل خبزة وجبة ونام على الرصيف يعني ياشعب احمد ربك انت عايش يعني سلملم vip جباتي من مطعم قرريب عندكم جباتيه مجنونه هههههههههههههههههههه ولاتنسى جبن كرفت وجاي حليب أبو ثنايا قاعد يسعبل :( لي عوووووودة |
مسائكم عسل
اولا اخواني سالفة الربع مليون انا جبتها كمثال لو ترجعون لكلامي بتلاحظون وثانيا احنا خلينا الموضوع الاساسي وقمنا نتكلم ونتهجم على شخص معين احبابي انا قلت رأيي بهالقضيه بخصوص الكويت وتساليني اختي نثيه عن الي يصير بالسعوديه صراحه مافهمت سؤالج وشنو الي تقصدين بالضبط اذا على سلبيات فانا اقولها لج فيه سلبيات كثيره والحمدلله في اخر خمس سنوات الاوضاع كل مالها تتعدل الى الاحسن والاحسن وباذن الله انا متفائل خير كثير واذا على الايجابيات الحمدلله على نعمه الله اولا واخيرا بالامان موضوعنا احبابي عن القروض الحكوميه تجاه المواطن خلونا نتكلم عن المواطن نفسه اذا سمحتوا ليش ياخذ هذي القروض؟؟ هل هي كماليه او ضروريه ؟؟ وهل المواطن ياخذ على قد حاجته او يبالغ ؟؟؟ هل المواطن يتابع الاقساط ويسدد ام لا؟؟ ماحكم الدين الاسلامي فيمن اخذ قرض حكومي او غيره ولم يسدده؟؟ اتمنى تتركون الانتقادات للاشخاص وتقولون لي رأيكم في هذي التسألات عساكم على القوه |
عزيزي رولز مسائك كادي وريحان
بالنسبة للمواطن عندما يقرض قرضاً فإن الحاجات تلزمه على ذلك ونبعد كل البعد عن الذين يأخذون قروضاً للسفر أو للكمالية سنتكلم بوجه عام ونطرح الأمور على الطاولة لكي نبين ماهو المضمون من ذلك أشخاص عديدون يأخذرون قروضاً لـ ( للسفر للعلاج ) أو لـ ( لإستكمال بناء منزله ) بسبب المنتجات الباهضة للإعمار والمواطن يقرض قرضاً بسبب سوء حالته الأسرية التي تحتاج لمدخول وافر يجب أن يمتلكه صاحب الأسرة ليتجاوب مع حالته المعيشية أخي دع القروض فلها حاجاتها وسنتحدث عن فوائد البنك المركزي وفي كل يوم تزيد فوائد قروضنا ووصلت لحد 12% .. ستقول لي لا يمكن ذلك وانا أقول لك صدقني بأنها وصلت 12% من الفائدة لإن البنك المركزي المعفن مرتبط بعملة الدولار المشكلة بشنو ( عندما قام جميع النواب بأكملهم بمناداة مدير البنك المركزي الشيخ سالم عبدالعزيز الصباح ) قال وصرح قبل أن يأتي للمجلس لإستجوابه ولتعديل الفوائد وتغيير إرتباط فوائد البنك بالدولار إلى سلة العملات لكي لا يحدث ماحدث من زيادة عالية جداً في الفوائد صرح وقال (((((( يستحيــــــــــل إستبدال الإرتباط بغير الدولار ))))))) ياعمي دولة أبوك اهي تعال واطرح ماعندك وبعدين قول يستحيل الله أكبر وينك يا الشهيد فهد الأحمد عندما صفقك طراق قدام العالم ( صفقة طراق وهفه بالطفاية من أجل الكويت ومن أجل أمور شخصية )) ولكن من الذي يقوم بما قام به شهيد "الأسرة" الشيخ فهد وذكرت نقطة مهمة أخي رولز وهي هل المواطن يتابع الاقساط ويسدد ام لا؟؟ أنا أقولك لو مواطن كويتي ياخذله مو قرض ياخذله جهاز ألكتروني معين وبسعر بسيط جداً من شركة الكترونيات الغانم " شركة تتعامل بالأقساط " عندما لا يدفع سترى مفاجآت كثيرة أولاً : منع سفر ثانيا: تعميم أسمك الكامل على جميع نقاط التفتيش ثالثاً : أمن الدولة يحاصرون بيتك ههههههههههههههه من أجل ميه دينار ولو واحد من المقربين من الشيخ صباح سرق مليار أو مليارين جان قال الشيخ (( هذا ولدنا خله ياكل من خير ديرته لحد يقربله خلوه على كيفه ))) من ظلم رولز والله الخافي أعظم ديرة ماشية على البركة بس ربك كريم |
من غير ذكر اسماء ياغالي عشان مانطلع عن الموضوع فديتك
الحقيقه المره ياخوي ان لايقل عن 70 بالميه صراحه ياخذون اقساط كماليه ياسياره موديل السنه ياديكورات بيت وتغييرها ياسفر للسياحه وهالشي حاصل ولا ننكره خصوصا في الصيف والكل يلاحظ خلونا نكون واقعيين القروض الشخصيه الان صراحه الغالب فيها ليست للضرورات يعني واحد ربك معطيه معاش لنقول بالدينار الكويتي 450 وسيارته موديلها 95 واوكي السياره ماعليها تلاقيه يروح ياخذ قسط او يطلع سياره باقساط موديل السنه وينقص من راتبه لايقل عن 100 دينار ويبقى يعيش عمره لمدة 3 سنوات على 350 .. طيب اصبر لين الله يفرجها عليك دام امورك ماشيه وبعدها استر السياره الي تبي هذا مثال |
(( من غير ذكر اسماء ياغالي ))
احنا بسنه 2006 وماسببت مشكلة بذكر الأسامي ماقلت لك اسم اخوي قلتلك اسم مدير بنك يقدر أي شخص يستجوبه ويكشف المستور تجهز يارولز ترى بندور النقاش على السعودية جمع أوراقك وخلك جاهز في نقاط بذكرها لك اليوم بالليل إن شاءالله |
رولز
من حق المواطن انه يعيش احسن عيشه سواء سياره موديل جديد اول فرضض او بناء بيت احنا دوله خليجيه ومن حقننا نعيش عيشة الملوك واذا كان الشعب ياخذ قروض فهذا من رداة الحكومه لو الحكومه موفره كل شي للشعب هل تتوقع انه راح ياخذ قرض ؟؟؟ مافي واحد يحط قرض علي ظهره او دين يثقل به كاحله الا انه محتاج فعلا يعني مثلا : انا مواطنه كويتيه وماعندي بيت ساكنه بشقه ويوم قدمت اوراقي علشان ابي ارض وقرض الحكومه ماقصرت بعد مرور 16 سنه عطتني ارض 400 متر ضب مو مواطنه ماعلينا وجم عطتنا قرض 62000 دينار لان 8000 قيمة الارض المهم 62000 هل تتوقع انها تبني لك بيت وتأثثه ؟؟؟؟؟؟؟ انا اقولك \ انا الحين قاعده ابني بيتي والله والله والله لم يبقى من القرض ولااااااااااااااا فلس خلص القرض وبيتي لين الحين ماخلص قاعده اركب الالمنيوم والارضيات تخيلت يعني بهالموقف الحكومه تقول لنا يا شعب روحوا اخذو قروض ديره ماشيه علي البركه ________________________________ رولز انا حابه اعرف السلبيات الموجوده بالسعوديه من ناحية القروض وهم الايجابيه سوري علي الاطاله |
مافي واحد يحط قرض علي ظهره او دين يثقل به كاحله الا انه محتاج فعلا
انا اعرف ناس للاسف ياخذون قروض للسفر في الصيف والمظاهر اختي نثيه - عموما السلبيات الي طلبتيها مني بخصوص القروض في المملكه طبعا المهم عندنا هو القرض الاسكاني او مايسمى بقرض صندوق التنمية العقاري الي يوفر مبلغ مالي لبناء بيت معقول وطبعا بمبلغ اقل كثيرا مما هو موجود في الكويت لان الاراضي عندنا رخيصه والايدي العامله ارخص منكم لذلك مبلغ ترميم عندكم ممكن يبني بيت دور ارضي عندنا القروض تعطيها الدوله للمواطن والكثير للاسف مايسدد رغم ياخوان دينيا هذا دين برقبتك ولااحد يقول لي الدوله غنيه لان ماحد طقك على ايدك وقال تعال اقترض يعني راي الدين واضح كل الوضوح ولا فيه لف ولا دوران الدين دين يجب تسديده الان الحمدلله بدا نظام الاستقطاع الشهري بملغ زهيد يريح المواطن وبنفس الوقت يدور عجلة التسديد ليستفيد من القرض مواطن اخر هذا اهو القرض المهم من الدوله اما باقي القروض من الشركات وتاخذ حقها وافي باستقطاع شهري من الراتب او كفيل ولو ان سالفة الكفاله الان قلت بكثير مثل ماهو حاصل في نظام التاجير المنتهي بالتملك بالنسبه للسيارات الجديده - هذا للتوضيح يسلمو |
أنتي شتبين بالسعوديه Nathya
السعوديه تبني بيت 3 أدوار ومساحه 1000 متر بــــ 40 الف دينار كويتي وتصميم البيت من أروع ما يكون بذالك لا يأحذ قرض نفس ما حنا نأخذ طبعاً هذا ليش يصير بالكويت نفس ما قلتلكم أرتفاع الاسعار بصووره غير طبيعيه لا يوجد رقابه على السلع ولا على التجار وبالنسبه لذكر الاسامي للأخ الذهبي هذا شي طبيعي كلامه كله من الصحف اليوميه لو تقرأ الصحف يومياً رولز ستلاحظ نفس الكلام اللي نقوله بالاسامي وبالنسبه لكلام الاخ رولز ليش المواطن يأخذ قروض طبعا غض النظر اللي يأخذا علشان يسافر او يغير سياره هذا بكيفه ذنبه على جنبه واذا اخذ اخذ مبلغ بسيط مو نفس اللي يبني منزل او يرمم يأخذ مبلغ بكميه كبيره حتى يوفي بنيانه وأحتمال تنقص انا أذكر في الثمينينات كانوا أغلب الناس اللذين يبنون منازلهم كانوا يجيبون العماله من المملكه وكانوا متفلين بهم حتى الانتهاء من البنيان ومع ذالك كان يوفر المواطن من المبلغ وبعدها قام الشيخ / صباح بمنع جلب العماله من الخارج يبينا نأخها من التجار من حاشيته طيب حط رقابه انا اجيب واحد من برا ما يأخذ مثل اللي عندك ...!! أخذ القم وأكتب انا تعبت |
قبل لايطيييييييييييييييح المايك هههههههههههههههههه
حبايبي انا ابيكم تشوفون هالموقع والله بين لحظة ولحظة أدخل وأشوف الموقع هذا ويرتفع ضغطي مليون اهني الصفحة الرئيسية للموقع وصلة مختصرة ادخل وشوف لا تنسون من صفحة 1 إلى صفحة 30 انا ماقلت لا تبني مشاريع بالعالم ولا قلت لا تساعد العالم انا قلت سنع ديرتك بالأول وبعدين شرّب الإسرائيلي بيرة اذا تبي لي عووووووووودة |
هههههههههههههههههههههههههههههه
هههههههههههههههههههههههههههههههههههههههههههههههههههههههههههههههههه ههههههههههههههه اهو اذا وده يشربك بيره بالكويت بس لله الحمد الكتله الاسلاميه واقفين أمامه وبنسبه كبيره خاصتاً الثلاث سنوات الهاذي والله يزيدهم . |
لو بيده جان شربك مو بيره بس الا جميع انواع الكيف
الاخ صاحب مزاج ويبي يقلب الديره كرخانه بس الحمد لله ان الكل واقف ضد هالشي بتطمش علي الموقع برب |
اقول يوم بتنتقلوون لموضوع يديد بلغوووني لاني تهت والله
ابا ابتدي بموضوع يديد بــــــــــــــرب |
سوسو انتي وينج غايبه عن الديوانيه
يجماعه خلونا من هالكلام هذا خل نغير الموضوع والله انقهر من الكلام اللي احمله انا بالبدايه ماكان ودي اوقف هذا الموضوع ولاكن الذهبي ذكرني بما قاله وتعبني نفسياً شخص لا يهتم للشعب انسان مستفز لشعبه لاحول ولاقوة الا بالله يا رووووووووووووووووووووووووووووووووووووووووولز جيب موضوع طلعنا من هذا الجو نبي بحر بر طلعونا شوي من السياسه وبعدين ردنا مافي مشكله. |
vip طول بالك شوي
تدري شنو قال الشيخ أمس ههههههههههههههههههههههههه ماكو شي ماكو شي هههههههههههههههههههه شرايك تمرنا المخيم اليوم لا يطوفك دوري بلايستيشن من حق ... وفيه مناقشات حادة ..... ألعن من هني بمليون مرة هههههههههههههههههههههه ورانا ورانا هالنقاش ** يالله يارولز نبي موضوع دق ورقص هههههههههههههه نبي جو ثاني تكفوون اي والله حرقت أعصاب وبطت جبد |
أسمع انا توني قاعد على العربيه قاعد يقول الاخ ما نورث الحكم واصحابه أحيا ء
ههههههههههههههههههههههههه هههههههههههههههههههههههههههههههههههه أستريح بس أطلع منها انت وحنا بخير اوكي اتصل فيني وجيب معك ابو ثنايا والله صارلي فتره ما شفت ثناياه اتصل فيني وبلغني الساعه كم تجمعون |
اوكييييييه
بس خلنا نجيك ويا اللي خبري خبرك والله تستريح اذا قربتلها أقول vip ضفتها ههههههههههههههههههههههههههههههههههههههههههههههههه |
لا والله ياخوك تارك الموضوع عندك
وقاعد اهني لين رولز يغير الموضوع هههههههههههههههههههههههههههههههههههههههههههههههه ههههههههههههههههههههههههههههههههههههههههههههههههه والله بينفجر بطني منك الله يخسك |
الموضوع الجديد
بيكون على بنت_السويدي - تم ارسال لها رساله وناطرين الرد ان شاءالله :) |
انشالله من عيوني والله ايبلكم موضوع
بس لازم افكر بموضوع حلووووو ماراح اتاخر عليكم الحين بعطيكم بـــــــــــــــريك لين ماتريحوون بالكم شوي وارجعلكم بموضوع يديد بــــــــــــــرب |
[frame="1 80"]السلام عليكم
يبتلكم موضوع بعيد عن السياسه موضوع اجتماعي والكل تقريبا يعاني منه ظاهره طغت عالمجتع بشكل كبير والي هي [blink](( ظـــاهــــره الخـــــــــدم فالمنازل))[/blink] ابا اعرف شو حكمت البيوت بوجود كثرة الخدم فالمنازل وليش كثرتهم مع انه مب محتايين لكثرة الخدم انا شفت الاسبوع الي طااف فقناة دبي فالاخبار كان هناك حدث استوى فدبي خادمتين يضربوووون العيال فغياب الاهل والله لو شفتوهم يعورون القلب العيال كانوا يشتكون للاهل بأن الخادمات يضربونهم فالاهل حطوا كيمرا عشان يشوفون الخادمات شو يسوون والله شو الضرب الي كانوا يحصلووونه والله قطعوا قلبي انا اشوف كل اللوم عالاهل << قــــــــهر ابا اعرف شو الحل من هالناحيه لين متى بيتم هالشي فدولنا ولين متى الكل بيتم ساكت من هالمشكله عالاقل لازم يخوفون هالخدم والمربيات اذا غلطوا عالعيال او اذا استوى شي للعيال لازم يوخوفنهم بشي او يعاقبونهم عشان الغير وياخذون العبره والقهر اذا غلطوا الخدم مايعاقبونهم وماياخذوون الاجراءات الي تستحقه لا بالعكس يسفرونهم بلادهم شو الفايده ولين متى راح يستمر هالشي من ناحيه الاهل والدوله يمكن بعض الدول تسوي هالشي الصراحه اناماعرف عن باقي الدول لاحياة لمن تنادي للاســــــــف[/frame] |
موضوع جميل وانا اليوم شفتته بقناة (( سما دبي ))
راح ارد بس بعد ما اخلص اللي بيدي هاك جديد من تصميي بأذن الله راح يعجبكم |
تــــــــــــــيـــــــــــت
كل شي منك حلوووووووووووو خذ راحتك :) |
يسلموو حياتي علي المرور
الخدم اما ان يكون مظهر من مظاهر الترف والراحه او انه يكون بسبب غياب الاهل من البيت لشغلهم الشاغل في اعمالهم ودواماتهم الخادمه ياقلبي انسانه حالها حالج عامليها زين تحط عيالج بعيونها ضربيها وهاوشيها تنتقم من اعيالج لازم تصيرين سياسيه معاهم لاتكن شديدا فتكسر ولا لينا فتعصر باختصار ظاهرة تعذيب الاولاد من قبل الخدامه السبب الرئيسي هو ربت البيت وتسلمين ياقلبي علي الموضوع |
انا وياج بالكلام
بس مو شرط بعد في بعضهم تعاملينهم زين وكل شي بس من ورااج شي ثاني والي يقهرني الي مب محتاجين لخدامه ليش يحطوونهم يربوون العيال والله الوحده يو م ماترووم تربي عيالها ليش تيبهم هذا الي ذابحني والله ان تخلي الخدامه هي الي تربي الياهل هذا الي يقهرني |
يعطيج العافيه اختي بنت السويدي على الموضوع الاجتماعي الحساس
- الخدم ظاهره للاسف قديمه في الخليج العربي سلبياتها اكثر من ايجابياتها والسنوات الاخيره شفنا كذا حادثه ضرب للاطفال من الخادمات بطريقة وحشيه تخلي الواحد يكره الخدم طيب شنو اسباب كثرة الخدم في البيوت؟؟ - فيه ناس حب مظاهر للاسف رغم ان ربة البيت ماتكون موظفه بس المساله تقليد اعمى وتفاخر - فيه ربات بيوت موظفات وكثروا في الاعوام الاخيره فصار استقدام الخادمات اكثر من قبل - فيه ناس فعلا محتاجين خادمه للاعانه في اعمال المنزل لمرض ربة البيت او اعاقتها انا ماراح اتكلم عن الموظفه او المعاقه المستقدمه خادمه لان يمكن يكون لها عذر بتكلم عن البنت العروس الصغيره الي تشترط في عقد زواجها خادمه من البدايه .. والله شي يحز في الخاطر ان هذي المرأه الخليجيه تتنازل عن مملكتها لأمرأه غيرها لتديره وهي قادره وفي اتم الصحه.. حتى وان وافق الزوج على الخادمه لكن والله اتكلم كشعور رجل ان الزوج بتصغر زوجته في نظره حتى لو ماتكلم لانها اثبتت له عجزها عن ادارتها لبيتها وهي في البدايات - فيه قانون استقدام عندنا في المملكه ماحد يقدر يستقدم اي خادمه الا ان يكون لديه 3 اطفال او طفلين بشرط الام موظفه وهالشي مخفف علينا شوي ولله الحمد وخلي العرايس الي ماعندهم وظائف يكدون شوي في بيوتهم - عساكم على القوه |
| الساعة الآن 01:31 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر