أشكرك ع الموضوع الجميل هذا بس ودي أسألكن سؤال وأبغى تجبن بصراحه :
فيه حرمه اليوم تسوي كل اللي ذكر فالموضوع ............... صعب صعب حيل الحرمه وقت اليوم ( من وين ياي ، اشسويتوا ، أشكنتوا تقولون ، وبعدين وين رحتوا ، ليش ماعلمتني أنك بتجلس عندهم ، الصبح تولم ترى أختي عازمتني عندها فلانه وأفلانه من زمان ماشفتها ، وبعدها ترى أبروح ويا أخوي للسوق ، وخل اليهال عندك عشان مايشغلوني فالسوق ، ويمكن أمر على أهلي أنام عندهم ، ترى ماسويت عشا أتصل على المطعم ، والله ما......... الليله علشان ماتأخر مره ثانيه ، أصبر لين ينتهي المسلسل ، شاي آخر الليل منت صاحي ، لا تعزم ربعك ترى ماني فاضيه أسوي شئ أيو الله ياطالع ياعازم هذا اللي ناقص ، مشالله على فلان ما يفارق حرمته مالت علي وعلى حظي ، وهلم جرا...............الخ )
لكن مو كلهن فيه حريم هن اللي مسنعات رياييلهن وبيوتهن وفيه حريم تجمل ريالها إذا جاه أحد سواء كان في ترتيب البيت ونظافته أو في الأكل يعني يعزم وهو مرتاح يعرف إن حرمته سنعه . أو في تربية عياله أو فالمؤانسه أمور كثيره بس أنا أقول الغالبيه من الصنف الأول . يعني أكثر الرياييل الله يعينهم