|
وجهة نظر ياعسل تسلمين حبوبتي |
الف شكر لج على نثيه
بس احب اوضحلج شي ان اخر حملة تفتيش قامت بها ادارة السجون اسفرت عن ضبط كميات كبيره على ما اذكر من المخدرات وايضا هواتف على ما اعتقد 600 هاتف على ما اعتقد انا ما اذكر بالضبط لكن هذا ما قراته باحد الصحف من اسبوعين تقريبا وانا قلتلج في احد المواضيع ان هناك سجن جديد لم ينتي من بناءه لكن تم نقل ربع المساجين اليه وهذا السجن اذكر ان ربما خمس او ست اعضاء صرخوا بمنبر مجلس الامه هذا تعسف هذا ظلم هذا السجن غنتناموا في الكويت اختي معلومه سمعتها بان سعر التلفون بالسجن يصل الى 1000 دينار واكثر مكن ذالك لكن الاجهزه الامنيه بالسجن ما زالة تقوم بحملات مفاجئه اما عن تهريب المخدرات فانا اعتقد حتى بالسجن الجديد راح يكون سهل جدا الا اذا اتبعوا نظام امريكا يكون هناك فاصل زجاجي بين المسجون والزائر ويتم التحدث عن طريق الهاتف لانه اذا استمر النظام القديم المخدرات راح تستمر بالدخول رقم ان التصميم الجديد راح يكشفه لكن بعد شنو بعد ما يدخل وانتي لو كنتي من متابعين الاخبار لقراتي اضراب بالسجن بسسبب عزم الجهات الامنيه نقل بعض المساجين للسجن الجديد لانهم يعرفون انهم راح تنشل حركتهم بالكامل وحتى التلفون ما راح يقدر لا يتكلم ولا يخشه وبخصوص مو كل المساجين للعلم انا كنت اقصد المساجين مرتكبي جرائم قويه مثل القتل والخيانه والزنا والخمور والمخدرات والخ وهذا لا يعني ان مرتكبي الجرائم الخفيفه يتركوا على راحتهم لا اختي هذا سجن مو فندق يكل وينما لزم في شده حتى يكره العوده له اما من يقول السجن اصلاح فهذا كلام ماخوذ خيره شره اذا وزراة التربيه ما تطبق الاصلاح تبين السجون تصلح وتصلح منو تجار مخدرات وخمور مستحيل الاصلاح يحتاج حزم وشده وايضا يحتاج لين وعطف لكن المصيبه الانسان الي تعطيه اللين وتشد عليه يعتبر هذا اجرام ومخالفه لحقوق الانسان |
الله يواليك العافيه يارب بالسجن للسجون وبينهم حائل زجاجي ويتكلمون عن طريق التلفون هذا الشي موجود عندنا على مااذكر لان صاحبتي زوجها مسجون وتكلمه عن طريق الحائل الزجاجي والتلفون المشكله مو من برا السجن المشكله من داخل السجن في بعض الشرطه قاعدين يساعدونهم للاسف وبعدين قبل قبل سنه سمعت ان الزوج والزوجه يحق لهم انهم يقعدون بغرفه بروحهم مره بالشهر علشان يمارسون حقهم الزوجي مادري تطبق والا لين الحين وبعدين اي حقوق انسان مع ناس مجرمين ؟؟! هذول مجرمين وانا اعتبر المجرم مافي فرق بينه وبين الحيوان مكرم السامع المفروض على الشرطه اللي بالسجن يختارونهم بعنايه فائقه احنا ندري في كل اداره فيها الزين والشين بس السجن لازم تكون الشرطه مختارينهم عدل عدل المشكله حسبي الله عليهم من وين ييبون المخدرات ؟؟ كل يوم بالجريده تم القبض على فلان الفلاني بحوزته كميه من المخدرات يعني كل يوم يصيدونهم اشلون دشت عيل البلد وبعدين تعال اقولك شغله انت ملاحظ ان اللي يتم الامساك فيهم بجلب المخدرات اما بدون او باكستانيه طيب هذول فقاره مو معقوله المخدرات تكون لهم طيب منو وراهم ؟؟؟ نبي الروس الكبيره صدقني الحيه لازم تطقها من راسها مو من ذيلها نرجع للحكومه واختيارها للشباب المقبولين بالشرطه مافي قوانين معينه يعني كل واحد كويتي وصحته تمام اختاروه ياعالم هذول شرطه والبلد كلها بيدهم ليش مايحطون شروط قويه للانتساب الى السلك العسكري لك وحشه بصراحه :) صارلي جم يوم اسأل عنك اقول وين اختفيت يالله حمد لله على اسلامه |
اقتباس:
يمكن هذا النظام بالسجن الجديد اقتباس:
وياكدونه لي ناس تقول هذا الي يصير لكن فئه قليله والدليل احباط محاولات كثيره للهروب واخر هذه المحاوله وكانت محاوله غذر تم بيع البلد وسلامته هذا اذا كان محاولة الهروب عن طريقة مساعده من ايام حاول احد بل كاد ينجح احد افراد اسود الجزيره بالهروب من السجن عن طريق تغير مالبسه وارتداء الدشداسه جديده وغتره جديده ومر على كل البوابة الا اخر بوابه استطاعوا رجال الامن كشفه ولله الحمد وهذا دل دل على ان هناك انسا كثيرين يخافون الله سبحانه ولا يبيعون البلد ويقدمون الغالي والنفيس في سبيل بث الامن والاستقرار فيه اقتباس:
هذا النظام عمل للزوجه حق لزوجه يعني محكوم خمس سنوات الزوجه ما ابي ادخل بالتفاصيل بس اهو نظام عمل للحد من انتشار الفساد اقتباس:
اذا ما كان فيه دين واخلاق وتربيه على حب البلد راح تستطيع 500000 ان تلعب دور وتكون سيدة الموقف اقتباس:
منو قالج ولو فرضنا انهم فقراه اعطيج مثال الفلاح بمصر يبيع ارضه على شان يشتري تاشيرة عمل بالكويت حلو هذه الباكستاني نفس الشي يبيع شي ويشتري مخدرات وطبعا ترى رخيص بهل بلدان لانه الزراعه بافغانستان يعني سهل تهريبها الى باكستان او اتوقع في زراعه هناك ايضا ايران فيها وهي رخيصه ببلدانهم يطلع ملايين منها بالكويت اما الرؤس الكبيره فهي اصعب مما يكون الاحاطه فيها المطلوب دليل والرؤس الكبيره اساسا لا تدخل اساميها بكل اجرائة التهريب لا شاحنه ولا شحنه ولا العمال عماله ولا التخيزن ولا المخزن ولا حتى الي يصرف البضاعه يعرفه فصعب انك تمسكه اقتباس:
لكن ما ادره الحكومه عن هذا الشاب وتربيته الدينيه والاخلاقيه ما تعرف انا اعرف واحد عرض عليه اكثر من خمسين الف من حرامي بعد ضبطه بان يتركه ويتقاسم المال المسروق لكنه رفض وسجل قضيه عليه محاولة رشوه وسلم الحرامي والفلوس لجهات الاختصاص اقتباس:
الله يسلمج لا لزم الواحد يطلع ويختفي واشكرج على البادره الطيبه منج والسؤال علي و |
الله يواليك العافيه كفيت ووفيت بصراحه والله يكثر من شرطتنا الامنين اللي يهمهم مصلحة البلد ابي اوصلك فكره بس مو عارفه اشلون اييبها هههههههههه صارلي نص ساعه فاتحه الصفحه بس ابي اطلع الفكره اشلون اطرحها عليك لحظه خليك معاي شوي الحين مثلا الشرطي اشلون يتم اختياره ؟؟؟ كلنا ندري ان اي واحد يبي ينتسب اللى السلك العسكري سهله جدا جدا جدا ومايطلبون منهم لاشهادات ولابطيخ تلقا الواحد حتى دراسته مو كملها هذا وينه ووين الشرطه انا اتكلم عن الشرطه القديمين او اللي صار لهم فتره انا اتكلم عن الجدد اللي صار له سنه او بالكثير سنتين نبي طلبات تضمن لنا اخلاق وولاء الشرطي انا اتكلم عن البعض اما الباقي فالله يطول لنا بعمرهم اتمنى اني وضحت لك الفكره اللي صارلي نص ساعه احاول اني اشرحها :) |
اقتباس:
نص ساعه على هل جمله اختي الشرطه اولا لا تحتاج دراسه واكبر دليل على هذا شرطتنه قبل الغزو كانوا مسيطرين على الامن اكثر من الشرطه الحالين والي اكثرهم حاصلين على دبلوم علوم امنيه ثاني شي شروط القبول يجب ان يكون ذوا سيره طيبه عند الجهات الامنيه يعني ما يكون عليه سوابق وحسن سير من وزارة التربيه ناهيج عن المقابله لكن اختي انتي تجاهلتي شي ان وزارة الداخليه لا تزرع بضعيف النفس حب بلده انا اعرف عندما كنا صغار كانوا كبار السن يعلمونا تاريخ الكويت وبينون لنا تضحيات الرجال والنساء لهل بلد يعلمونه الغيره عليه ويزرعون حب البلد فينه وكنا نشاهد التلفاز عندما نشاهد امير البلاد الشيخ جابر رحمه الله كنا نفرح ونقول بابا جابر طلع بالتلفزيون وكذالك الامير الوالد الشيخ سعد العبدالله حفظه الله وشافاه نفرح ايضا بابا سعد واذكر كلمات ما زالت في ذهني كلمات ربما تكون غير مفهومه لاطفال يفرحون بمشاهدة اميرهم وولي عهده كنا نسمع ونتربه على انهم هم طبعا بعد الله سبحانه هم راعين الخير والراحه الي احنا فيها اهم يسهرون ويتعبون على شانه اهم اهل العز اهم اهل الكرم اهم اهل الطيبه هذول تحمونهم بارواحكم والدعاء يهلهل لهم طبعا هذا كله انتي مريتي فيه اي اننا كنا نتربى على حب البلد الي حبيت اوصله لج ان الوزاره اصلا ما تقدر تعيد المنتسب لها الى مرحلة طفولته حتى تزرع فيه حب هذا البلد لكن الله يستر على ابنائنا شنو راح يتعلمون راح يتعلمون شعار الحمله اهو برتقالي انا بصراحه قراة كلام احمد السعدون على الحكومه قرائة التاريخ ويعرفون كيفه انته حكم مملكة ساسان هل هذا الشي سوفه يتم تربية ابنائنه عليه كيف وصلت جراة الناس على الحاكم الحاكم الذي كنا نتربه على انه ابونا هل وصل امر بعض الناس على هذا الشي هل وصل رئفة الحاكم عليهم بان يتجرؤا على مثل هذا الكلام تعلمين اختي قراته بصراحه دخل قلبي الحزن وتذكرت الشيخ جابر الله يرحمه والشيخ سعد الله يشفيه بابا جابر بابا سعد هذه التربيه السليمه اما مملكة ساسان فهذا شي لا نسمح فيه التطاول عليه استغرب الذي يحصل بالبلد كل يوم يتهاوشون صار ما عندنه شغل الا هل مجلس اختي تذكري شي واحد عندما الغاء امير البلاد الراحل مجلس الامه هل جاع الشعب هل تم اعتقاله هل فتحت معتقلات لا لم يحصل هذا وكنا نحب اميرنا وولي عهده وكل الوزراء لاننا تربينه على هل شي حب البلد وحب القياده والحمد لله نحنوا ببلد يخاف الحاكم الله ويخاف الحاكم على شعبه يسره ما يسرهم ويحزنه ما يحزنهم عرفتي اختي شنو اقصد اقصد التربيه والجو الملائم لهل تربيه تعرفين اكره التكلم بالسياسه لاني ما تاسست منذ الصغر عليها ما كنا نعرف شي اسمه سياسه لم نسمع مجلس امه ولا بلدي كنا نلعب فقط نعرف بابا جابر وبابا سعد بس لو ياتي عضوا مجلس الامه ويقول عندنا الحكومه شي طبيعي كنا راح نسفه لانه علمونه ان الامير وولي العهد اهم الي يسهرون على شانه الحين غير الحين الياهل يتكلم بالسياسه ونبيه خمس ونبيها عشر اسف طلعت عن الموضوع لكن كنت اقصد التربيه على حب البلد هو اساس نجاح كل الرجال والنساء في خدمة بلدهم ومثل ما قلتلج الي مربيته ميري هذا وين يخاف على بلده وين يضحي لها 500000 مو شويه على انسان متربي بايد الخدم على انسان ما علموه اهله ان هذا اميرك تطيعه وتفديه بروحك ونفس الشي ولي العهد الف شكر لج اختي نثيه واسف على الخروج عن الموضوع بس كنت اقصد ان الدين والتربيه السليمه هي اساس حماية البلد وليس فقط رجال الامن كل مواطن شريف |
تـــسلمين على هالموووضووووووع ..
انا برااي الرفاااهيه ما تنفع وهم التعذيب اللي يزيد عن حده ما راح يعالج الوضع والحاله لازم تكوون في تواازن |
اقتباس:
اقتباس:
قسما بالله شوف انا لين الحين اذا سمعت اي غنية وطنيه اقعد ابجي شوف الحين انت تكلمت وانا فاضت عيوني دموع امس كنت قاعده ادرس بنتي اجتماعيات درسها عن الغزو وآثاره وعن يوم تحررت البلد وفرحت الشعب وربي قعدت ابجي وانا ادرسها تقولي يما ليش تبجين ؟؟ والله ماعرفت ارد عليها بس اللي قلته اااااااااااااخ يالكويت الله يحميج بهالنقطه انا معاك 100 % التربيه هي اساس نشأت ناس تحب وطنها وبلدها وهذا دورنا الحين لابد لنا من زرع حب الكويت في قلوب اطفالنا حتى نحصل بالمستقبل ماعجزنا عن الحصول عليه في زمنا هذا دائما نصل الى حل وافكار جديده من خلال المحاوره الهادفه الصادقه قمة الفائده نلتها من خلال تواضعك وتفضلك اخي الكري في المناقشه تقبل احتراماتي وتقديري لشخصك الكريم |
| الساعة الآن 05:30 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر