|
يعطيكم العافيه احب اشكركم لتوضيح وجهات نظركم بالنسبه لكلامكم كله سليم 100 % بس انا الحين فهمت كويتي عدل ياجماعه كويتي يبي يقول لكم ان في اوامر مسبقه بالسماح لاطلاق النار في حالات الضروره يعني مايحتاج الى أمر وبالنسبه لميشيل اقتباس:
بس هذا يعتمد على حسب نوع المكان يعني مثلا لما تنزل لدوريه بشارع المطاعم مو نفس لما تنزل لدوريه امام قصر الشيخ او امام القنصليه الاميريكه بالنسبه للولد المكان اللي نزل فيه مكان فيه شبهه من وراء نزوله وياجماعه كلام كويتي صحيح حتى الشرطي ترى ولدنا وهم شباب وكويتي وتلقا عنده اسره وعيال واولاد وزوجه المفروض خوفنا يصير على الشرطي اكثر من غيره من حق الشرطي انه يحمي نفسه ويحصن نفسه هذي طبيعة وظيفته الشرطي رجل محاسب ومطلوب منه اتمام الامن في دائرته يعني لو مثلا هالشاب انحاش وقتل البنت ومثل بجثتها منو اول شخص راح يحاسب ؟؟ انا اجزم واؤكد لكم ان الشرطي راح يحاسب انت اشلون تشوف السياره في هالوضع وماتصرفت هذي اقل كلمه تنقال قسما بالله لو الشرطي في المطارده هو اللي مات جان قلنا كلمه وحده وي مسكين يالله الله يرحمه بس وانتهت السالفه انا الحين فهمتك كويتي وبصراحه كلامك مقنع 100 % وهم كلام ميشيل وبوفارج مقنع 100 % وجهة نظر ميشيل صحيحه مو من حق الشرطي اذا نزل له شخص يطلق النار يعني مثلا تتمشى على البحر ونزلت للشرطي طبيعي مو من حقه يطلق النار بس اذا كنت في مكان مشبوه اكيد له الحق في اطلاق النار اما من ناحية اخوي بوفارج اقتباس:
صدقني اخوي الفاضل اانا بالنسبه لي اذا ابي اطلق النار مااراح اطلق على الصدر لان ممكن يعيش انا راح اطلق على الجمجمه مباشره واظن ان الدروع الواقيه لاتحمي الجمجمه :) هم كلامك منطقي في ان الشرطه مدربين على تجاوز هالامور هذي كلها الحين بسألك سؤال انت شرطي وكنت بدوريه تلاحق سياره وفجأه اطلق صاحب السياره طلقات ناريه عليك وأتت مسانده للحرامي واصبحوا سيارتين او ثلاثه في هالحاله تطلق النار للدفاع عن نفسك ام تنتظر الاوامر ؟؟ بس قبل الاجابه ابيك تحط نفسك بهالموقف يعني تخيل انك بالدوريه والناس بالليل وسيارتين يطاردونك ويطلقون النار طبعا انت راح تكون خايف وهذا شي طبيعي وراح تكون مرتبك ودايس السياره باقصى سرعه علشان تلحقهم طبعا الجو راح يكون متوتر لانها مطارده بالسلاح هل بهالوقت تفكر انك تاخذ اوامر بحماية نفسك ؟؟ ماشاء الله عليكم قمة الاستفاده في المناقشه مع عقليات كبيره الله يعطيكم العافيه يارب |
مشكور كثيرررر
|
اولا اشكركم على المناقشه الحلوه
ثانيا احب ابين لكم شي اني انا مو معصب مثل ما تحسون انا فقط حاس بزعل لان كلامكم يقول ان حياة رجل الامن رخيصه رقم انه يقدم الغالي لبلده واشكرا الاخت نثيه على تفهمه وهذا معروف لانه قلب المراه دائما كبير وحنون على الكل وهذا الشي معروف عند الكل لكن ما اعجبني بصراحه تفهمها وادراكها للامور. وبخصوص الاخ ابو فارج يا حجي كويتي وسع صدرك علينا حتى نقدر نوضح لك ولباقي الاخوة المحترمين وجهات نظرنا . اقتباس:
انا قلت لك ان رجل الامن مدرب وحددت الفرق بين المطارده والمتابعه وهناك شي انت تقول عليه ان يطلب اسناد في حالة انه غير قادر على السيطره على الوضع اخي لا توجد مطارده احد يقدر يسيطر على الوضع ولا توجد مطارده الا بوجود اسناد ولا توجد مطارده الا بتنسيق بغرفة العمليات والتنسيق بين الادارات المختلفه اما بخصوص واقي الرصاص فانا ااكد لك انه ما ينفع في عمليات المطارده فالمطارده ربما تصبح مطارده بالارجل والواقي لا ينفع للمطاردات ينفع للاقتحام نعم اما مطارده فهو اسلوب حديث لتمكين المتهم بالهروب الاخ ميشيل اقتباس:
اخي ميشيل لا تخلط المخالفه او الاشتباه العادي بالامور الاخرى لو كنت بشارع المطاعم وكان الاشتباه جدي بكل مثلا بحمل سلاح او بارتكابك جريمه مثلا سطو وانت نزلت كنت ستشاهد اطلاق النار اما انت تتكلم عن امور عاديه اخي رجل الامن ليس سفاح او ان اطلاق النار يسعده ام انك تضن ان رجل الامن يفرح عند مشاهدة الدماء فانت غلطان نحنوا نتكلم عن الاشتباهات القويه لا مخالفه اخي بخصوص سؤالك انا رديت عليه وقلت لك الاوامر صدره وكتبت بالجرايد ايضا وله الحق بان يطلق في حالة النزول بدون اوامر طبعا بالاشتباهات الجديه مثل ما قالت الاخت نثيه وانت تقول عيل ليش اسمهم شرطه وانا قلتلك رد على سؤالك الي قلت فيه ان هل هناك اوامر باطلاق النار وقلتلك ان رجل الامن لو ما عنده اوامر ما راح يحضر لك نعم اسمهم شرطه وليش اسمهم كبش فداء مافي اي تعب بالعكس نقاش وكل واحد يبدي رايه اما اختي الشرطيه نثيه اقتباس:
وحتى اسالتكم كلها هي الي ردت عليها بس انا قلت خل ارد هم يكون افضل فقط ازيدج اختي معلومه لو هرب وحتى يعني ما قتل الفتاه وهرب ورجل الامن تركه سوفه يحاسب ويحقق معه الكل هنا يريد ان يعرف اسباب تمكين رجل الامن للشاب والفتاه بالهروب وعدم مطاردتهم وايقافهم وصدقيني انا اتكلم من قصه حقيقيه ليست بعيده بل من اشهر هروب شخص بمكان مهم لم يستطع رجل الامن المطارده الوزاره انقلبت فوق تحت كيف مكنه بالهروب رقم ان رجل الامن ما كان يمديه المطارده وهو اساسا تحرك ليطارد الا ان المسافه بعيده والفتحات كانت كثيره وبخصوص كلام ميشيل اختي نثيه هل سمعتي مره واحد ان رجل الامن اطلاق النار مزاج او على مخالف مافي طبعا الاخ ميشيل يتكلم عن اشتباهات عاديه وانتي الي رديتي عليه بكلام موزون واما سؤالج للاخ ابو فارج انا اقولها وحتى له اهو ما راح تستطيع اخي انك تحط نفسك مكانهم لانف التفكير ليس مثل الحقيقه اخي هل مره بحياتك وقفة عن شخص مجرم يحمل سلاح تخيل اخي انك توقف سياره بها شخص والبلاغ وارد بانه مسلح وانت تسرع لتوقفه وتنزل وتشهر سلاحك وانت تعرف لا بل تسرع بان هذا البلاغ ربما يكون اخر بلاغ لك بحياتك طبعا اخي لا تستطيع ان تضع نفسك مكان رجل الامن تعرف رجل الامن متى يكون بقمت السعاده عندما يساعد الناس ويقولون له يعطيك العافيه والاحلى من هذا كله اذا كانت من قلب كبير يعطيك العافيه اولدي ولا يعطيك العافيه يمه هذه الكلامات هي قمة مكافاة رجل الامن وليس بشهاده ولا بتكريم مالي اشكر الكل على تفهمهم وبالاخص الشرطيه نثيه بصراح ردت على كل اسالتكم الف شكر لكم |
اخواني الكرام
وجود معدات مع الشرطة للحماية، لا تعني أنها وقاية من الموت 100% لأن الحياة والممات بيد الله سبحانه، لكن توفير المعدات تضع نوع من الحماية في حال لا قدر الله تم اطلاق نار على سيارة الشرطة او تم اطلاق النار على منطقة الصدر.. بالنسبة للاخت نثية، توجد خوذات محصنة للجمجمة أيضا، لكن كما قلت قدرالله سبحانه هو اللي يصير. اخواني الكرام: أنا أقول إن استخدام السلاح لازم يكون محدد وضمن ظروف لا نستطيع أن نلوم الشرطي إذا ما استخدم سلاحه.. كلنا نقدر دور الشرطي في عمليةحفظ الأمن، وأنا لست مع المجرمين ولا أؤيدهم. أما بالنسبة لأخ كويتي، في حال مطاردة مشبوه، أقول: سأجهز سلاحي، وأكون قد أبلغت القيادة بالمطلوب، والباقي على الله. |
اخواني انا عندي سؤال واحد اتمنى منكم الاجابه عليه
وكل واحد يقول رايه بصراحه السؤال هو ماذا كنت تريد ان يفعل رجل الامن او مل الاجرات الذي كنت لرجل الامن ان يفعله بالحادث الذي وقع عند الميناء ومقتل الفتاة واصابت الشاب؟ انا جوابي انا ويشهد الله اني حزنة على الفتاة وكنت حاقد على الشاب الا انني ارتحت بتصرف رجل الامن وارتحت بالاجراءات المتبعه واتمنى من الجميع الاجابه |
عساكم على القوه بالنسبه للاخ بوفارج اقتباس:
عمري ماشفت شرطي يلبس خوذه والله مساكين حتى الجاكيت البرتقالي والاصفر اللي المفروض يلبسونه عند نقاط التفتيش قبل الحين مانشوفه يلبسونه طبعا الجاكيت الملون علشان يبينون للسيارات وماتصير فيه دهس بالسيارات لهم طبعا الحين امر على دوريات وايد نقاط تفتيش حتى فلشر الدوريه مايفتحونها علشان الكبسات هههههههههههههههههه طيب مساكين جذي يعرضون نفسهم للدهس وانت تقول لي يلبس خوذه خلونا عمليين رجل شرطي راكب دوريه ويتجول فيها وتلقى بيده مو بايله او يكلم اهله بالتلفون او يتكلم مع صاحبه اللي يمه هل من المعقول يلبس خوذه ودرع واقي ؟؟ وفجأه صارت مطارده مسكينه وينه ووين الخوذه هههههههههههههههه اطلب منكم انكم تعيشون الوضع الفعل ليس مثل الكلام اقتباس:
انت قلتها انك تجهز سلاحك وتبلغ القياده يعني ماتنطر الى ان يتم لك الاذن باستخدام السلاح وصلنا الى نقطه حلوه وهذا اللي حاول اخوي كويتي توضيحه انك تستخدم سلاحك وتبلغ الاداره :) بالنسبه للاخ كويتي اقتباس:
جوابي يعتمد على سؤالين هل تم ابلاغ غرفة العمليات من قبل الشرطي عن وجود سياره في هالمكان ؟؟ في حالة تم ابلاغ القياده فتصرف رجل الامن صحيح 100 % اما اذا كان لم يبلغ اصلا عن وجود سياره مشبوهه فهني علامات استفهام وايد انا اللي اعرفه ان المكان اللي وقفت فيه سيارة الولد مكان يثير الشبهات والشكوك وبعدين بصراحه الوضع بالكويت مو مثل قبل قبل كنا بين سنه وسنه نسمع عن شخص خاطف فتاة او قاتل او سارق الحين اللهم ياكافي كل يوم نسمع مع تحيات العقيد نثيه :):) |
اقتباس:
اقتباس:
يمكن الصورة مو واضحة بس دققي جيدا راح تشوفي الالبسة الواقية، والحفظ من الله سبحانه. https://www.kwety.net/kwety1/q88/233.jpg |
الف شكر لكم
على هل نقاش اخوي ابو فارج هذه الصوره تخص قوات الاقتحام وليس شرطي بالشارع اسمه شرطي ويركب دوريه يعني ما يركب دبابه بالنسبه للاخ ثنيه اسف العقيده نثيه انا ما اعتقدر بصراحه رجل امن يذهب لسياره ويطلق النار وهذا دل على ان رجل الامن كان يعرف ان المكان خطر وما بلغ العمليات اما بخصوص عدم مشاهدة الدوريات تشغل الفلشر اثناء التفتيش هذا اختي يتبعونه بصراحه الكثير من رجال الامن رقم خطورته لانه الفلشر الحديث تعرفين صار ليزر وهو يكشف من مسافه بعيده يعني نقطة النفتيش الي يسويها رجل الامن تصبح نقطه امنيه فقط اما انهم يتعمدون اطفاء الفلشر فهو بسبب عدم معرفة الناس بنفطة التفتيش وبالاخص يسمه الكمين لانه غير ظاهر وهو خطر جدا والله يعين رجال الامن وهل طريقه انتشرت حاليا وهو ما سبب ربكه قويه للمطلوبين واعتقد جريده امس حطة احصائيات لعمليات دوريات النجده فقط وهي احصائيه قويه ناهيج عن الادارات الاخرا وبصراحه حتى الجاكيت الملون ما ينفع الدوريه بكرها هل ايام ما تنشاف اخر حادث وقع اول امس على ما اعتقد داعم دورية مرور واقفه على كتف الطريق وايضا من شهرين نفس الشي ادا الى استشهاد احد رجال الامن وقبلها باشهر نفس الشي اصابه قويه لرجل امن وهرب مرتكب الحادث وتم مطارته من قبل النجده وايقافه بالقوه اختي في ناس دائما تنظر لرجل الامن بانه مقرور ولا شايف نفسه ما يعرف قيمة هل رجل الا الي صار له موقف ولولا فضل الله ومساعدة رجال الامن كان في خبر كان ناهيج اختي عن النظره الشيئه الي ياخذها رجل الامن في حال الوقوف عند سيارة بنت على طول التفكير قاعد يغازلها ما يفكر يمكن سيارتها عطلانه ومتاجه مساعده مريضه مخالفه مطلوبه مرتكبه جريمه لا التفكير يغازل لانه اهو عايش على شان يغازل فيشوف الناس كلهم يغازلون هو عادي عنده اذا تركت البنت بالشارع بدون مساعده لانه مافيه نخوه ولا شهامه ويقولون ليش ما يوقف رجل الامن للشباب انا سارد عليك عندما تكون انثى وجسمك ضعيف وتكون مثل المرأه لا حقوق احترام طبيعة المراه بان ما تنزل من السياره وتبدل التاير مثلا الا اذا كانوا يرضون على اهلهم فهذا شي ثاني الحين الواحد يطلع مع زوجته يقولون رفيجته الناس صاروا وبالاخص الشباب صار تفكيرهم غلط واهو يقول نبي القانون يتطبق ونبي ونبي واهو اول واحد ما يطبقه الاخ ميشيل يقول احنا نعرف ان مو من حق احد ينزل من السياره بدون اذن رجل الامنومع هذا انت تنزل اذا لا تقول اخطاء القانون بل قل انا مخطئ وعندما يحصل شي لا تقول رجل الامن تعسف باستخدام الصلاحيات اذا كنت انت تريد السلامه فهوا ايضا يريد السلامه تخيل اخي انت نزلت وكان هناك بلاغ احد الاشخاص عيك فرضاالبلاغ بانك تحمل متفجرات واطلق النار عليك وصوبك تعتقد لو رحت رفعت قضيه تبي تاخذ شي بالعكس انت على ما تفكر ترفع قضيه يكون رجل الامن سجل عليك مليون قضيه وشكرا لكم |
للمعلوميه فقط
جاري التحقيق مع رجل الامن بسبب اطلاق نار من غير امر مسبق |
سؤالي لك أخ كويتي
لو افترضنا أنك قدمت طلب التحاق للشرطة، ما هي الخطوات التي سوف تمر بها من فترة تقديمك للطلب الى الموافقة وانضمامك للشرطة حتى فترة تخرجك وانتظامك في العمل؟؟؟؟؟ |
| الساعة الآن 01:31 AM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر