سؤال ؟؟لماذا يرسب الطالب بالامتحانات؟؟

[عسوووله]

لماذا يرسب الطلاب في الامتحانات ؟!

سؤال يطرحه البعض على أنفسهم و عسوووله توضح لكم وجهة نظرها من هذا الموضوع
فنرجو التركيز

ليس ذنب الطالب(ة) إذا رسب لأن هناك 365 يوماً فقط في السنة ...

وهاهي عسوووله تقدم لكم تفصيلاً عن الحياة الأكادمية للطالب ...

أيام الجمعات : 52 جمعة في السنة حيث يبقى من السنة 313 يوم

نخصم العطلة الصيفية 50 يوم يبقى 263 يوم

يجب على الفرد أن ينام 8 ساعات نوم يومية (بالميتة) وهذا يعني 122 يوم،
يبقى فقط 141 يوم

ساعة واحدة للعب يومياً (مفيدة للصحة) ممايعني 15
يوماًً، يبقى 126 يوم


ساعتين يوميات للأكل (مع المضغ جيداً على قولة مريم نور للحفاظ على
الطاقة) أي 30 يوماً يبقى 96 يوماً

ساعة يومية للكلام والتحدث (فالإنسان مخلوق اجتماعي) وبذلك نخصم 15 يوم،
يبقى 81 يوم

أيام الامتحانات في السنة على الأقل 35 يوم، يبقى 46يوم

العطل النصفية والربعية وأيام الأعياد الدينية والوطنية والإنسانية
والقومية 40 يوم، بقي 6 أيام

أيام المرض السنوية على أقل تقدير 3 أيام، يبقى 3 أيام

متابعة الأفلام وبقية الفعاليات الترفيهية (نبي نعيش حياتنا) على أقل
تقدير يومين، بقي ....... يوم واحد !!

وهذا اليوم هو بالضبط عيد ميلادك .... ألف ألف مبروك ....

إذا كيف سوف ينجح الطلااااااااااااااااااااااااااااب ؟!؟!؟


تقبلوا فائق تقديري لكم اختكم عسوووله

[VIP]

والله عسوووله كلامج مقنع لاكن لا تنسين ان العقل يستقبل معلومه تقدر بسنه كامله

يعني لو فتح مخه الطالب على الفهم واستقبال المعلومات الصحيحه ما تهمه الاوقات اللي قلتيها

هذا طبعا بمساعدة الاهل والصحبه الطيبه لان الطالب لو فهم شغله وحطها بمخه يستطيع انسان

اخر ان يغير المعلومه او يطيرها من ذهنه انا هذا رأي شخصي ونترك الاخوان الا عضاء ينوهون

ويحطون اقتراحات وانا ان شاء الله معاهم

ويعطيج الف عافيه على الموضوع

[Nathyaa]

هههههههههههههه والله صدقتي بس يقولون التعلم بالصغر كالنقش علي الحجر يعني عقل الطفل اكبر من عقل البالغ ويستوعب ويفهم اسرع وميرسي قلبي علي الموضوع

[جمايل]

عسوله ايذا استنتاجج هاذا صحيح

معناه مافيه ولا طالب بينجح

ومعناه مافيه عندنا لا اطباء

ولا مهندسين ولا ضباط

ولا اي كفائه مهنيه

صح ياجماعه والا انا غلطانه؟

وعلى العموم يعطيج الف عافيه على

ها الموضوع

[VIP]

انا اقول الظاهر عسوووله تقصد أن الطفل كيف يستوعد بالمده القصيره هاذي يمكن هذا قصدها

لاكن انا اقول ان الجيل السابق من المدرسين والمدرسات كانوا شديدين علينا اما اللحين المدرسين والمدرسات

منا وفينا كويتيين او خليجيين اسلوبهم مو شديد نفس اسلوب اللي قبل اللي اهم مقيمين هذا الشي يأثر تسيب

بالدراسه والا شرايكم يجماعه

[kwety]

اختي عسوله اشلون تبينه ينجح واهو
اولا: ما يذاكر
ثانيا: اهله ما يدرون عنه
ثالثا: المدرس يبي فلوس يبي يدرس خصوصي فما يوصله المعلومه عدل
رابعا: يطلع من بطن امه يقول بروح العسكريه
خامسا : الرسيفر على قناة الخليجيه يطالع الذهبي
سادسا : ماكو طق هل الايام كتب الواجب ولا لا اشمعنه احنه كنه ننطق
وشكرا

[VIP]

هههههههههههههههههههههه

رابعا: يطلع من بطن امه يقول بروح العسكريه

بهاذي صدقت اكثرهم جذي بس كويتي الضرب ممكن يسبب عقده للطفل وتزيد البلاء بلاء ثاني

[kwety]

مشكور اخوي vip بس اعتقد انه انت مافيك شي والحمد لله
ولا انا ولله الحمد بس الدلع هل ايام زاد طبعا هذي وجهة نظر
كل اب وام يطقون عيالهم فا فيه شي بس المصيبه هل ايام
المدرس ما ينفع يسير اب مو كلهم اكثره يفكرون بالماده يعني
الفلوس(عايزين نعيش )

وشكرا

[Nathyaa]

غلطااااااااااان vip الطق ما يسبب عقده بالعكس كلنا انطقنا والحمد لله حصلنا علي احسن الشهادات حتي الرسول امرنا بالضرب بس بشروطه يعني مايكون ضرب مبرح او يسبب اعاقه ثاني شي اختلاف المدرسين قبل الوحده ماتطلع من الحصه الا فاهمه الدرس عدل وكانوا المدرسين كلهم فلسطينيات بس الحين للاسف اختلف الوضع الطفل يطلع من الحصه موفاهم شي علشان ولي امره يتصل علي المدرس ويقوله ابيك تدرس ولدي دروس خصوصيه يعني حتي بالتعليم صار غش هذي المصيبه

[عسوووله]

الف شكر لكم اخواني وخواتي على مروركم وكلام اختي نثيه صح كلنا انطقينا وماصار فينا شي بس عيال هالايام متعودين على الدلع واشكركم على ارائكم الجميله والمفيده وموضوع مفيد للنقاش ............................

تحيتي لكم عسوووله

[VIP]

يجماعه انتو اللحين لما كل شوي طاقه ولدج / ولدك يجماعه ترى من كثر الطق يتعقد يخاف منك انت يا.......ابوه

ولا راح يصارح بأي شئ يسويه راح يخاف ما يقدر والا شرايكم

كذالك ينطبق على المدرس في بعض المدرسين مشاء الله عليهم اذا صارخ على الطفل شكله اعوذ بالله وحش

وانا ما انصح بهذا لاكن النقص اللي عندنا ان المدرسين في الوقت الحالي قليل الفهم لطالب يعني ما عنده الخبره

بالتدريس بشكل سليم حتى يوصل المعلومه لذهن الطالب.

لكم الرأي

[Nathyaa]

من امن العقوبه اسااااااااااء الادب

اول شي الطق مايعقد ولا جان تعقدنا احنا

ثاني شي الطق وسيله من وسائل كثيره ممكن يتبعها الشخص في تربية ابناءه

ثالث شي الطق فيه انواع انا مااقولك يمسك الياهل ويكسره بالعكس انا اقول الضرب للتاديب يعني لو علي كف ايده بالخفيف علشان يحس الولد ان فيه عقاااااااااب ويتفشل امام ربعه بالمدرسه فيحاول يحل واجباته ويدرس علشان ماينطق ولا ينهان امام ربعه مره ثانيه

وعلي فكره انا من الرافضات لموضوع ضرب الاطفال لاي سبب كان في طرق كثيره ممكن اتباعها للتربيه بس في حالة فشلة كل الطرق ماباليد حيله يكون الضرب اخر الطرق المتبعه في الدراسه والتربيه

[kwety]

مثل ما قالت نثيه
من امن العقوبه اسااااااااااء الادب

اولا: اخوي vip ترى الطريقه الي انته تتكلم عليه انا بوجهة نظري هذي للبنت موللولد انا ايدك فيه بس بتربية البنات

ثانيا: كلام نثيه صح الطق اخر وسيله معني ادري عيال هل يومين مدلعين زياده عن اللزوم

ثالثا: بخصوص ان المدرسين الي عندنه قليلين الفهم انا اعارضك بهذي
أ: المرسين والمدرسات ابناء البلد المعاش ياي ياي ليش اتعب نفسي وادرس اشرح الدرس افهمو ما افهمو طقاق الي يطقهم
ب: المدرس الوافد اذا درس صح اشلون بعدين يقدر يدرس خصوصي لان الطلبه فاهمين ما يبون دروس خصوصيه ولا يكون vip علبالك الوافد الي هاد ديرته علشان الفلوس تبيه يضيع هل فرصه منه التدريس الخصوصي يطلع دبل معاشه ( الله عايزين نعيش)

رابعا: وزارة التربيه اصلا مناهجهم ما تصلح لتدريس شباب وبنات المستقبل يعني وزارة التربيه والمسؤولين ما يدرون وين الله قاطهم

خامسا: طبعا برى صلب الموضوع تربية الدلع والترف حق البنات بصراحه الي نشوفه الحين ان الشباب متدلعين اكثر من البنات يعني الزبده اكثر الشباب مو كلهم (علشان لا اضم نفسي والشباب الزين منهم ) ما ينفعون بشي
ينفع بشغله وحده بابي ابي سياره مامي ابي فلوس


وشكرا
طبعا هذا راي شخصي

[Nathyaa]

اي والله صاااااااااااااج كويتي يعني المسؤول بهالقضيه يشمل كل من الاهل والوزاره

اذا الولد يقعد لين الساعه ثنتين بالليل يسهر مع ربعه وين رقابة الاهل عنه ومن ناحيه ثانيه تدش المدرسه الفصل وخمس دقايق تعدل حجابها وخمس دقايق تقعد تنشف الصبغ اللي علي اظافرها وخمس دقايق تاخذ الموبايل وتطلع بالممر تتكلم وخمس دقايق تكتب العنوان والتاريخ علي السبوره وخمس دقايق تقعد تتشيحط وتتفلسف علي البنات وبالنهايه طق الجرس والدرس ماانشرح