مشاهدة النسخة كاملة : هل تملك الجرأه على الرد..؟؟
MooooN
10-08-2005, 07:05 AM
:a25:
الموضوع الي بكلمكم عنه اليوم موضوع مهم جدا وللاسف يمس سمعة الكويت بشكل كبير جدا فهل تملك الجرأه على الرد ..؟؟
نعم..!!
هل تملك الجرأه لرد على من شوهو سمعة الكويت..؟؟
الموضوع باختصار هو البدون ..
في الفتره الاخيره رأينا الكثير من البدون على القنوات الفضائيه وما يقولونه عن الكويت والكويتيين بأنهم لا يعرفون الحق , وأنهم لا ينصرون المظلوم في وطنهم , وان الكويتي في سخريت من البدون دائما و وان الكويت حرمتهم من كل شيء لا في الصحه ولا التعليم ولا الكثير غيرها ويقولون انهم قادرين على اخذ حقوقهم بالقوه وذالك عن توصيل القضيه للامم المتحده او بالاخص (بوش)
وانه قادر على اعطائهم حقوقهم كما فعل مع قضية المرأه...
هل يعقل ان يكون الكويتيون بهذه الصور ..؟؟
وان كانت الاجابه لا فلما قالو ذالك لماذا تفوهو على الكويت بالكذب
واتهموها وشعبها زورا وبهتانا..؟؟
وهل هناك بدون أصلا ..؟؟ ايعقل ان يولدو بلا وطن ..؟؟
ارجو الاجابه فأنا حقا في حيرة من امري..؟؟
ولا يسعني في الختام الا شكركم ..
فشكرا جزيلا..
اشكرج على الموضوع الجريئ وقد طرح الموضوع من قبل وتمددت ردوده الى عدة صفحات ولاكن نرحب بالنقاش من جديد انا عندي سؤال لج انتي اولاً ,
هل انتي كويتيه ؟
اذا انتي كويتيه اكيد انتي عارفه القصه من طق طق الى السلام عليكم اما اذا انتي لستي من الكويت
طبعاً راح اتكونين فيه حره بالنسبه للموضوع
انا ابي اقولج شئ اللحين هل انتي بظنج أن في شخص يلد وليس له جنسيه من اي دوله كانت راح اتجاوبيني نعم البدون اللي بالكويت بس انا ارد عليج واقول في اغلب الجماعات من هؤلاء الفئه يخبون الجنسيه الاصليه ويدعون انهم بدون انتي اذا قابلتي اي شخص فيهم راح اتعرفين انه بدون يستحق او لا طبعاً غض النظر عن العسكريين هذا موضوع انا راح اتطرق فيه اذا احتاج الامر للنقاش ,
اسأليه هل
هل لديك احصاء تعداد سكان عام 1965
انا اتحداهم الا الذين استحقوا الجنسيه وفعلا صرفوا لناس يستحقون وايضا في ناس عسكريين خدموا البلد والعلم جنسووهم ايضاً
اانا اللحين اقولج والوزير قالها بالتلفزيون اما الملئ مافي شئ اسمه بدون يبي يطلع جنسيته يطلعها ما يبي راح يكون محروم من خدمات الكويت ولي نقاش معاكم.
MooooN
10-08-2005, 08:21 AM
مشكووووووووووووور على الرد وانا اكيد كويتيه ولو ماتهمني الكويت ماكنت تطرقت للموضوع..
بس ليش يقولون ان ما عندهم جنسيه شلون تجرأو يجذبون ها الجذبه ان ما عندهم جنسيه ابدا سوا انهم بدون..؟؟
هذا سؤالي.
بعاً الجواب طمع بأنه سوف يملك الجنسيه الكويتيه وهذا صعب
الاغلبيه منهم من الاصل العراقي والدرجه الثانيه سوري وباقي النسبه من الدول المجاوره اللي اهي ايران و السعوديه وهاذي بعد الاحصاء الاخير عام 2004 نسبه قليله
MooooN
10-08-2005, 08:55 AM
مشكووووووور مشكووووووووووووور..
وتتوقع راح يحصلون الي يبونه؟؟
والي خايفه منه صج ممكن انهم يقنعون امريكا بانها تساعدهم وتفرض الطلب على الكويت اتوقع تقدر؟؟
لا يغرج كلام الناس امريكا ماله اي دخل بسياسة الكويت هاذي شغله وامريكا ما تفرض على الكويت بشئ مجبر على الحكومه كونها الحليف الاول بالعالم لأمريكا
وبالنسبه
وتتوقع راح يحصلون الي يبونه؟؟
هذا أمل ابليس بالجنه الا اللي يستحق واللي يستحقونها 2000 عائله تم تجنيسهم قبل اربع اشهر والفعه الثانيه مكونه من 2000 عائله تقريباً حسب الاحصائيه اللي اصدرها الشيخ نواف الاحمد وزير الداخليه سوف يتم تجنيسهم عن قريب والباقي سوف يتخذ بهم اجرائات صارمه حسب ماقاله بالمقابله الصحفيه .
Nathyaa
10-08-2005, 11:50 AM
يسلمووووووووووووو علي الطرح مووون
مافي شي اسمه بدووووووووووووون
مافي شغل يولد بدون وطن
مو فقع هم
الكويت ماحرمتهم من شي
بالعكس مخليتهم علي راحتهم
الحين التعليم صار مجاني لهم
يطلعون ويروحون ويتمشون ويشتغلون في القطاع الخاص
اللهم المستشفيات حطوا لهم مبلغ رمزي حيل للعلاج وهو دينار واحد فقط
المفروض الحكومه تضغط عليهم علشان يطلعون جناسيهم
حياتي
اللي يستحق الجنسيه الحكومه قاعده تجنسه
واللي مايستحقها ينسي شي اسمه جنسيه
علي قولة احمد السعودي رئيس مجلس الامه السابق
تييلك وحده فيها دقوق خضرا ترس ويهها واتقولك انطيني جنسيه فد وحده ولك يابا انا كويتيه
اشلون تبينهم يجنسونها
حبيبتي ثلاث ارباع البدون عندهم جناسي بس خاشينها
يبون يمتلكون جنسيتين مع بعض
وهذا الشي بعيد عليهم
لاجئ سياسي
10-08-2005, 08:15 PM
شكراً أختي مون على طرح الموضوع
في الحقيقه البدون موجودين ولكم هم جعلو انفسهم بدون؟؟
والدوله الخليجيه الوحيده التي تتخذ إجراءات صارمه من هذه الناحيه هي الكويت
لانها تاخذ بالمثل الذي يقول (( اللي ينلدغ من الثعبان يخاف من الحبل))
ماذا استفدنا من تجنيس بعض الجنسيات في حرب الكويت؟
سرقه ونهب وأرشاد للجنود العراقين
أختي الذي عاش في الكويت وتجاوز السن القانوني للتجنيس ولم يجنس
تاكدي من الشك في ولائه..!!
أختي العزيزه لماذا لم نسمع ببدون في مصر او المغرب او الدول الأخرى؟
لماذا خرج لنا البعض بهذه الحجه الأن؟
أختي فاليتقدم الراغب في الحصول على الجنسيه بالقانون والأثباتات القانونيه
وبلاااااااااااااااااااااااااااااااش لف ودوران
كثر الصفع يسبب العما!!
MooooN
11-08-2005, 12:14 AM
تسلمووون والله يخليكم على الرد والتوضيح بلفعل هذا الي كنت ابيه
اني اتاكيد وبس وتاكدت من كلامكم وتوضيحكم مشكووووووووورين جزيل الشكر..
Nathyaa
11-08-2005, 01:35 PM
سياسي :
100 %
لاجئ سياسي
11-08-2005, 04:59 PM
شكراً نثيه
albader
12-08-2005, 05:01 PM
الاخت العزيزة موووووووووون
تسلمين على الموضوع المهم والحساس وبسكم يالبنات ترى راح تغربلونا معاكم ومع مواضيعكم قاعدين تكشفولنا الواقع المر والقضايا الحساسة اللى تناستها حكوماتنا واصبحت الان مشكلة كبيرة اصبح من الصعب حلها وتنخر فى المجتمع الخليجى بشكل خاص .
الموضوع تم طرحه فى السابق وكان لنا وقفة كبيرة معاه ووضحنا الاسباب والحلول لهذى المشكلة وانا اسميها القنبلة والله يستر منها فى المستقبل لانها اصبحت مثل كورة الثلج والحلول واهية من حكوماتنا حتى وصلنا الى مشكلة انسانية كبيرة ومعاناة اخوان يعيشون بينا ولو كان هناك حلول فى السابق اما بتجنيس من يستحق او تهجير من يستحق لما وصلنا الى هذا التعقيد والتطور الذى انتهى الى معاناة هؤلاء الفئة .
واصبح عندنا الان اصوات كثيرة تقف الى جانبهم من باب المعاناة الانسانية ومن باب العاطفة بغض النظر عن من هم هؤلاء وبغض النظر عن موطنهم الاصلى .
هناك خيارين لااخت الغالية مووون
اما نناقش قضية سياسية
واما نناقش قضية انسانية فرضتها علينا المعالجة السلبية من حكوماتنا ومن هو المسؤول عن هذه المعاناة
تحياتى
ابو عيد
13-08-2005, 06:01 AM
يبه ماكو شئ اسمه بدون هذيل اسمهم مسترزقين
وماعليج من الللا يحجون عن الكويت لانهم بكل بساطه اعرفوا ان مالهم امل بالجنه مثل ابليس
ولا تحاتين ماهم مجنسينهم وابشركم ان عددهم قل عن اول كانوا 300 الف الحين صاروا 90 الف او اقل بكثير
لانهم لما اضغطت عليهم الحكومه وهذا الصح طلعوا جناسيهم يعني هذيل حياله
..........
لاكن اللى يتم تجنيسهم الان هذيل لهم اخوان عندهم جناسي او يكونوا من عوايل كويتيه رفض رب الاسرة قبل استلام الجنسية لتخلفه عن اهميتها
جميع الحقوق محفوظة لـ الشبكة الكويتية