المساعد الشخصي الرقمي

مشاهدة النسخة كاملة : لي عن الصدمات والفزعات والدمـــــعات مــدة


Lover feeling
07-08-2005, 10:59 PM
http://loverfeeling.jeeran.com/_____.jpg


لي عن الصدمات والفزعات والدمـــــعات مــدة
ويش اسوي ويش اقول ويش راح وويش عــاد

ضاقت رياض الجمال وابتدت اوجاع جــــــــــدة
وبكت مكة وابها البست ثوب الحـــــــــــــــــداد

الصبر جبار لكن زاد في الاعمـــــــــــــاق حـده
طالما ان ايامنا البيضا تلبســــــــــــــها السـواد

الحزن بكى الشمال وشرقنا ها لمــــــــوت هـده
والجنـــــوب وغربنا حرم على العيــــن الرقــاد

يازمنا يازمن هذا الملك من كــــــــــــــان قـــده
في نواحي العالم المنضام وارجــــــــــاء البلاد

ياوجودي وجد من خلاه ابوه ومـــــــات جــده
وياوجـــــــودي يوم مات الفهد بعيـون العــباد

كان عندي حلم اقبل راسه وابوس يــــــــــــده
من وانا طفل صغير لســــن يدعونه رشـــاد

ضاق بال الوقـــت حتى بيحت الايام ســـــــده
وانقتل مليـــــــون حلم وانتهت قطعة فــــؤاد

بالله ياموت ان تعيــــــــــده للملايين وتـــرده
ولا اقلك خذ بداله من تشاء وقول عـــــــــــاد

عاد ابونا وعاد عاد وعادت البسمة لخــــــده
وعاد خال وعاد عم وعاد للبيـــــــــت العماد

عاد للامـــــجاد سيد وعاد للتاريــــــــخ جده
عاد لامنه عطى وان جاد في عطواه جـــاد

خادم البيتين شيخ المسلمين حزام شــــــــده
طيب الجدين سمح الجــــــاه واخلاص وجهاد

بس قال الموت هذا اليوم بالتحديــــــد حــــده
وانكسر ظهر وتهاوى ركن واصبحنا رمــــاد

مات ابونا من اراضي الشرق حتى بحر جده
ومن شمال الدار لارضك ياجنوب الاعتماد

مات مات مات مات وماحدن منا يـــــــــرده
حكمة المولى تعالى جل في شـــــــانه والمراد


لا حول ولا قوة إلا بالله

اللهم أنك عفوا كريم تحب العفو فاعفوا عنه

اللهم انقله من ضيق اللحود

إلي سعة الدور والقصور

في سدر مخضوع وطلح منضود

وفاكهة كثيرة لا محرومة ولا مقطوعة ،

وأنعم عليه كما انعمت على النبين والصديقين والشهداء

وحسن أولئك رفيقا

lover Feeling

Nathyaa
07-08-2005, 11:36 PM
صح لسانك ياااااااااااااااااااااااااااااااراااااااااااااااااااااااااااااااائع



مشاركه اكثر من رائعه ياشاعر


دمت رائع

جمايل
08-08-2005, 05:29 AM
صح لسانك

الله يرحمه ويسكنه فسيح جناته يارب

ابو عيد
29-08-2005, 07:05 PM
يسلموووووووووووو على االقصيدة الجميلة

وصح السانك