العضو----->((المؤدب)) على كرسي الاعتراف ..!!

[بوقتادة]

السلام عليكم ,,,,

في الحقيقة انرحب اخونا المؤدب وهالله هالله فيه بالاسألة

بس بدون احراج او تجريح ... ويعطيكم العافيه

[Abdulaziz]

الا والله احرجوه وقطعوه حتت ولا تبقون منه شيء،،،،

ياجماعه ترا ماهناك سكافه عند المؤدب،،،،فخلو اسئلتكم في حدود البران والبعارين

والونيتات الددسن،،،وسوق الغنم،،،زكيف يهاجرون البدو من مكان الى مكان...

عذوذ،،،

[المؤدب]

والله يا ابوقتاده اني اعزك منذ زمناً بعيد لكن انا بريئ من التهمه الموجهه الي << فاهم غلط

الله يعطيك العافيه على الاخلاق العاليه التي تتمثل بها

في انتظار اسئلتكم الخفيفه هههههههههه يعني لحد يخش بالثقيل

كامل احترامي لك

ابوعزه رح العب بعيد وانا خالك وبطلنا من البر صرنا نلبس شورت وعلى البحر << ماعليه

[Nathyaa]

ههههههههههههههههههههههههه



المؤدب تري من حبك لاشاك



نبدي الاسئله



اشلون تعرفت علي المنتدي ؟


شنو السلبيات الموجوده فيه ؟


شنو حاب تزيد عليه علشان يتطور ويصير احلي واحلي ؟


متي ناوي تعدي 1000 مشاركه هههههههه ؟



بطاقتك الشخصيه ؟



عندك مصباح سحري وقالك انا البي لك 3 طلبات شنو تختار ؟



شنو هدفك بالحياة ؟

[المؤدب]

نبدي الاسئله
الله يستر :(


اشلون تعرفت علي المنتدي ؟
يووووووووه قسم بالله اني خايف من هالسؤال لانه 100 صفحه الاجابه
هههههههههه طيب روحي جيبي لك مخده وصلحي اثنين شاهي ابي اقولك كيف جيت المنتدى ههههههههه

في يوم من الايام جاني احد الزملاء وعطاني قصه صراحه كسرت قلبي ههههههه وقالي في نهاية قصته قصدي معاناته هذا طال عمرك الباسورد واليوزر نيم صراحه مابيها تنتهي كذا , عاد انا جيت مطفي الليت وقلت سم وابشر بعزك والله احييه لك... بس للاسف الي صدمني ان الاخ معطيني نك نيم ولا عليه ولا مشاركه :( بس ارتباطاً بما قلت وتفوهت امامه قلت يالله يارجال واصل والله معاك, لكن مالم يكن في حسباني اني راح ابلش وادقر لاني اخذت عليكم وعلى سوالفكم والوناسه الي هنا ....
وتوته توته انتهت الحتوته
واحد شاهي بالله هههههههههههه خلص الكاس

شنو السلبيات الموجوده فيه ؟
مع احترامي للجميع, نحتاج اقلام فكريه قبل ان تكون أدبيه...
الحب فكره واحد حتى مع اختلاف الثقافه او اللغات, لكن نريد قلم فكري يبث لك مبداء وأسس ينهج بها عقل القارئ وان لم يحصل التأثير ولكن مع نهاية النص نصفق له بكل سرور...
وأنوط ذلك الفكر بالتعاليم الاسلاميه...



شنو حاب تزيد عليه علشان يتطور ويصير احلي واحلي ؟
قلوب بيضاء, وقراءة بتمعن وتجنب القراءه المبدئيه.

متي ناوي تعدي 1000 مشاركه هههههههه ؟
خليني اول شي اعرف متى عيد ميلادي بعدين نتفاهم على 1000 مشاركه
هههههههههههههههههههه



بطاقتك الشخصيه ؟
الاسم:ماجد
العمر:26
المكان: المنطقه الشرقيه
الهوايه: عملي هو هوايتي
ملاحظات: لا توجد حتى الان هههههه
توقيع الاحوال المدنيه: ههههههههههههههههههه

باقي شي !!
ههههه

عندك مصباح سحري وقالك انا البي لك 3 طلبات شنو تختار ؟
القلب الحسن, الروح الحسنه, الشريك الحسن.



شنو هدفك بالحياة ؟
هدفي طبعاً كهدف كل مسلم وهو عبادة الله وكسب رضاه...
لكن ان اتيتي لما في قرارة نفسي بعد هذا الهدف هو رضى والدي طول الله في عمرهم ان شاء الله.

[جمايل]

كفيت وفيت المؤدب وجاوبت على كل الاساله والله يخلي لك الوالد ويطيل بعمره يارب


الحين دوري :)


لاتخاف والله اسالتي خفيفه


السؤال الاول

كتاب ان قريته نسيت من حولك ماهو؟


لك خاطرات شعريه؟ وان كانت لك هل كتبتها من وحي الخيال ام هناك شي دفعك لكتابتها؟


المنتدى ماذا يعني لك ؟ واين بضبط تجد راحتك بلمنتدى؟

وبس:)

[MooooN]

ما هو افضل شيء قريته في المنتدى الى الان..؟؟
ولماذا اخترت اسم المؤدب بذات كرمز لك..؟؟
وماهي الكويت في نظرك بكل صراحه..؟؟
ومتى اول مره انزفيت فيها (يعني احد سبك وزفك) ومنو ها الشخص..؟؟

[المؤدب]

السؤال الاول
كتاب ان قريته نسيت من حولك ماهو؟
تمنيت انك حددتي اكثر, كثير من الاشخاص يقرأون في مجالات عده وفي كل مجال هناك كاتب محبب لك او حبكه كتاب تحب ان تقراءها مره ومرتان ولربما في كل اوقات فراغك.

لكن كتابي هو كتاب كل مسلم وهو القرآن الكريم...


لك خاطرات شعريه؟ وان كانت لك هل كتبتها من وحي الخيال ام هناك شي دفعك لكتابتها؟

اولاً لمعلوماتك ماهو من قلم غيري ستجدين فيه تنويه انه منقول وغير ذلك سيكون ان شاء الله لي...

ليكون في علمك اختاه, لست كاتباً أكادمياً لكي اكتب في كل المناسبات سواء كانت العامه منها او الخاصه, ولكن هي مجرد أناء في صدري ينضح بعض الايام فقط لا غير.


المنتدى ماذا يعني لك ؟ واين بضبط تجد راحتك بلمنتدى؟
المنتدى يعني لي كالديوانيه, أجتمع فيها مع اخوتي فنبداء اما بنقاش في موضوع محدد او سالفة مضحكه نقضي بها وقتنا.

في استراحة الاعضاء اجد راحتي ...

اشكرك اختي على اسئلتك رغم اني كنت على وشك انصرع من واحد منها بس ابشرك عدت على خير ههههههههههههه

[المؤدب]

ما هو افضل شيء قريته في المنتدى الى الان..؟؟
سؤالك

ولماذا اخترت اسم المؤدب بذات كرمز لك..؟؟
والله انا ما أخترته لكن احببته ... يمكن انك ترجعين لاجابتي على الاخت نثيه , ترى شوفي الساعه وحده ونص والله كسلااااان اروح اصلح كوبي بيست ههههههههههههههه لا تواخذونه بلييييز


وماهي الكويت في نظرك بكل صراحه..؟؟
لعلمك انها مسقط راسي, وشاهدتي بها مجروحه فالمحب أعمى دائماً.

ومتى اول مره انزفيت فيها (يعني احد سبك وزفك) ومنو ها الشخص..؟؟
- أول مره - هذا يعني على مدى طول حياتي
هههههههههههه
اول مره انزفيت من النيرس هههههه يوم عيد ميلادي الاول هههههههه لاني كنت اصارخ وهي تحاول تحط تيب على خشتي تبيني اسكت...



اختي القمر
تسلمين لي على مرورك وعلى اسئلتك خفيفة الدم

احترامي

[بنت السويدي]

واااااااااااااااااااااااو المؤدب الله الله


س1 :

شو البلد الي فخاطرك اتسافرها؟؟

س2:

منو اقرب شخص لك ؟؟

س3 :

شورايك فالمنتدى ؟؟

س4:

لو خلووك رئيس دوله شو الي راح اتغير فيها؟؟ التعديلان الي رااح اتسويها؟؟

س5:

لو حد من ربعك خانك بشي شو الي راح تسويه فيه ؟؟

س6:

شو هي افضل اكله تحب تاكلهاا؟؟

س7:

شو الاكله الي تعرف تطبخهااا؟؟

س8:

ليش اخترت اسم(( المؤدب))بالمنتدى مع انه العكس ؟؟ :)

س9:

تحب اليهااااال؟؟

س10:

اكثر مكان تقضي وقتك فيه ؟؟

[جمايل]

يسلموووووو المؤدب على الاجابات الكافيه والوافيه


بس ياويلك جت سوسو منو بيفكك منها :)

[Nathyaa]

كل الشكر لك علي الاجابات

والتواصل

[المؤدب]

الله يخااااااااارجنا على خير
جمايل نثيه هههههههه الحقوني ياجماعه...
عشرررره ياظالمه :( زين يجيلك يوم تندم على ماسويت ههههههه


بسم الله
<<< الرجاء ربط احزمة الامان ... :)

شو البلد الي فخاطرك اتسافرها؟؟
البندقيه
:)

منو اقرب شخص لك ؟؟
الشاشه <<< ههههههههه فاهم غلط


شورايك فالمنتدى ؟؟
دلللع ههههه مدري والله ايش اقول
بس اعتقد الملح فيه زايد شوي خخخخ



لو خلووك رئيس دوله شو الي راح اتغير فيها؟؟ التعديلان الي رااح اتسويها؟؟
على حسب الدوله, بس في كل الاحوال راح احاول اكون ملك خخخ


لو حد من ربعك خانك بشي شو الي راح تسويه فيه ؟؟

في عقل كل انسان قائمتين ( أصدقاء , تجاهل ) زي المنتدى
لذلك راح ينزل لقائمة التجاهل بكل بساطه ...


شو هي افضل اكله تحب تاكلهاا؟؟

مثلك عارف في عالم العزوبيه وخبرات المطاعم الخارجيه, فكل مطعم له اكله خاصه احب اني اكلها فيه, لك احب نوع من الاكل عندي المشويات البحريه.


شو الاكله الي تعرف تطبخهااا؟؟
أمشي على قاعدة ( الحاجه ام الاختراعات) :)


ليش اخترت اسم(( المؤدب))بالمنتدى مع انه العكس ؟؟
والله المشكله مو في اسم المودب المشكله في العكس هههههههههه



تحب اليهااااال؟؟
حياتي...


اكثر مكان تقضي وقتك فيه ؟؟
أكثر مكان ارتاح فيه ...



ياااااااا سوسو
لا عاد اشوفك تمرين من جنب الموضوع هههههههههه
والله تعبت , بالله أبي ايسكريم جايزه على الاجابات :)


اشكرك على مرورك واسعلتك

[بنت السويدي]

هههههههههههههههههههههه
انشالله من عيوني :)

تامر امر خخخخخخخخخخخخ

شرات اليهال ابا اسكريم خخخخخخخخخخخخخخخ

[Nathyaa]

الله يكون بعونك يالمؤدب


تعال عندي ارتاح شوي



امر تدلل شنو بخاطرك تشرب


ليمون او منجا او برتقال




http://www.kwety.net/kwety1/q82/ihr-20020701-008-02M.jpg



http://www.kwety.net/kwety1/q82/juice004.jpg




http://www.kwety.net/kwety1/q82/untitled954.bmp



روق ارتاح شوي ياخوي

[المؤدب]

بنت السويدي
اليهال :( ههههه
أنواع البراءه فيهم خخخخخخخخ



نثيه
هههههه
تسلمين بس سعابيلي تخررررر وانااا بعييييييييط
بالله ابي عصير شوكلاته <<< ههههههههه عادي يمكن فيه...


يالله شباب نبي أسعله تراني متحمس ههههههههه راحت طراره
خخخ

[بوقتادة]

السلام عليكم ,,,,

اخوي المؤدب راح اسألك جم سؤال لو تسمح لنا يعني :)

1-كم تحفظ من القران الكريم؟؟
2-شرايك بالشباب (رجال - بنات) هل الايام ؟؟ من علاقات غير شرعية ... من تلفونات .. و مقابلات محرمة ... هل وشنو رايك باللي يقول هذي العلاقة مو حرام اذا كانت بنية الزواج؟؟

3- اخر سؤال وهو المهم انت شلوونك :) ؟؟

وبس سلامتك وان شاء الله الله يوفقك بالدنيا والاخرة

[المؤدب]

خذ راحتك بالاسئله والله يوفقك على نيتك الطيبه

1-كم تحفظ من القران الكريم؟؟

حافظ جزء عم كامل وبعض الصور ومنها صورة طه ولقد حفظتها من قبل الاستماع لها عن طريق مسجل السياره

وانا اعلم اني مقصر ولكن ان شاء الله احفطه كاملاً

2-شرايك بالشباب (رجال - بنات) هل الايام ؟؟ من علاقات غير شرعية ... من تلفونات .. و مقابلات محرمة ... هل وشنو رايك باللي يقول هذي العلاقة مو حرام اذا كانت بنية الزواج؟؟

قال تعالى ** وَلاَ جُنَاحَ عَلَيْكُمْ فِيمَا عَرّضْتُمْ بِهِ مِنْ خِطْبَةِ النّسَآءِ أَوْ أَكْنَنتُمْ فِيَ أَنْفُسِكُمْ عَلِمَ اللّهُ أَنّكُمْ سَتَذْكُرُونَهُنّ وَلَـَكِن لاّ تُوَاعِدُوهُنّ سِرّاً إِلاّ أَن تَقُولُواْ قَوْلاً مّعْرُوفاً وَلاَ تَعْزِمُوَاْ عُقْدَةَ النّكَاحِ حَتّىَ يَبْلُغَ الْكِتَابُ أَجَلَهُ وَاعْلَمُوَاْ أَنّ اللّهَ يَعْلَمُ مَا فِيَ أَنْفُسِكُمْ فَاحْذَرُوهُ وَاعْلَمُوَاْ أَنّ اللّهَ غَفُورٌ حَلِيمٌ**

سورة البقره أية (235)

اخر سؤال وهو المهم انت شلوونك ؟؟

الله يزين لونك وش تتوقع بعد الاسئله هذي ههههههههههههههه

ارجو اني اجاباتي واضحه واذا اردت المزيد من الاسئله فلتتفضل

حاظرين للطيبين

كامل احترامي لك

[بوقتادة]

يزاك الله خير على الاجابات ... خصوصا الجواب الثاني بصراحة هذا دليل قاطع بالاعجاز القرآني وانه محفوظ وباق لجميع الاماكن والازمان .... لان في ناس الله يهديهم يقولون ان الدنيا تغيرت وصار تطور يعني في اشياء ماتنطبق على الوقت الحاضر مثال ...((حقوق المرأة )) الدين الاسلامي اكثر دين معطي المرأة حقها وزيادة بعد ..

الله كريم وهذا موضوع ثاني نتظرق له بعدين ان شاء الله

يزاك الله خير

[><LORY><]

هع هع

وخرررررررررررو

جت لوري


الله يازين اللي حظرت .. انتم عارفين الباقي

مافي داعي اجرح احد ههههههههه . . احممم



يالله المؤدب اول سو تمارين رياضيه


بسم الله

اولا

(( الاسئله الصدقيه ))

- بيت شعر دايم تردده ؟؟

- انت تقول الحاجه ام الاختراع ,, وشي الاكله اللي دايم تخترعها ؟؟؟

- وشو الكتاب اللي تحس كل ماقريت منه تستفيد زياده ؟؟

- تكتب شعر ؟؟



ثانيا

(( الاسئله الخربوطيه ))

- وشو نوع جوالك ؟؟

- وشو نوع جهازك - لاب توب او جهاز عادي ووشي ماركته << لقافه

- وشي سيارتك ؟؟

- اي نوع ايس كريم اللي دايم تطلبه اذا رحت لباسكن ؟؟

- لعبة بلاي ستيشن داااااايم تكيف عليها ؟؟


ثالثا

(( الاسئله اللي تشغل المخ ))

- صنف هالاشخاص على حسب نظرتك لهم

( جمايل + لاجئ + المؤدب + السويديه + ومس نايت )


- المؤدب شخص يعطي ام ياخذ ؟؟


- لو عطيتك . . فرصه انك تعدل شي صار لك . . وش تعدل ؟؟؟

- مر عليك موقف ... يحتاج سرعة بديهه ... وشو وش سويت ؟؟




نهاية الجزء الاول



ي ت ب ع


هع هع



____________

[MooooN]

الله يعينك الله يعينك على لوري لو مكانك انتحر بس بالتوفيق ..
يالله ماعرفت قدري لين جربت غيري ..
يالله تذكر اسئلتي وقوول الله يذكرها بالخير كانت طيبه لوووووووووول..

[بوقتادة]

يزاك الله خير يا المؤدب على الاجابة خلص دورك:)

فرصة سعيدة

[><LORY><]

ليه كذا حظي ؟!؟!؟!


محد ملاحظ ان حظي زفت !!!!

يعني يوم مخمخت وحطيت اسئله يقوم المؤدب

مايدخل ...........

مالي شغل مخمختي ماتروح على الفاضي

تم نقل مخمختي . . اووه سوري قصدي اسئلتي

للحلوووه نثيه هع هع


__________