مشاهدة النسخة كاملة : العضو (بوقتادة) --->((على كرسي الاعتراف))...!! ارجو ا&#
بوقتادة
30-07-2005, 08:49 PM
السلام عليكم ,,,,
اخواني الاعضاء واخواتي ... في الحقيقة يشرفني اني اكون اول ضيف في لعبة كرسي الاعتراف : ) والله يستر
وقلنا يا اخوان عن الاحراج والتجريح...وغير جذي انا حاظر على الاجابة على كل سؤال ....
والباب مفتوح من اليوم السبت 30-7-2005 الساعه 9,00 الى يوم السبت 6-8-2005 الساعه 9,00 ان شاء الله
والباب مفتوح للجميع
ويعطيكم العافيه
لاجئ سياسي
30-07-2005, 08:55 PM
الله يعافيك يالغالي
وانا بشتغل عليك اول واحد لؤؤؤؤؤؤؤؤؤؤؤل
أخوي هندي كم سؤال ممكن؟؟
1. اسمك
.2 عمرك
3. وين تسكن
.4 الحاله الأجتماعيه
5.الحاله الدراسيه
.6موقف مزحج ماتحبه صارك
7.موقف تحبه وتتمناه دايما يكون معاك
.8 من الاعضاء اللي اتشوفهم قدوه لك
بس شكراً
بقايا الليل
30-07-2005, 08:55 PM
هلا وغلا بوقتااادة
عرفنا بطاقتك الشخصية ..
الحالة الاجتماعية ؟؟؟
رايك فى المنتدى ... وماذا تتمنى لة..
اشكرك ع سعة صدرك ياغالى
قزيـ girl ـزه
30-07-2005, 09:14 PM
اوكي انا بسال بعد
السؤال الاول: مرتبط او لا؟
الثاني: وين تحب تقز؟
ثالثا : وين تدرس او تشتغل؟
وبس
Nathyaa
30-07-2005, 09:16 PM
الله يعطيك العافيه يارب
شرايك بالمنتدي ؟
شنو حاب تضيف له علشان يصير اكثر تطور ورقي ؟
شنو الشي اللي مضايقك بالمنتدي وحاب انك تغيره ؟
اشلون عرفت منتدانا ؟
ماسبب اختيار نك بوقتاده ؟
شنو هدفك من تسجيل الدخول معانا بالمنتدي ؟
Nathyaa
30-07-2005, 09:17 PM
تم تثبيت الموضوع
بوقتادة
31-07-2005, 06:59 AM
الله يعافيك يالغالي
وانا بشتغل عليك اول واحد لؤؤؤؤؤؤؤؤؤؤؤل
أخوي هندي كم سؤال ممكن؟؟
1. اسمك
.2 عمرك
3. وين تسكن
.4 الحاله الأجتماعيه
5.الحاله الدراسيه
.6موقف مزحج ماتحبه صارك
7.موقف تحبه وتتمناه دايما يكون معاك
.8 من الاعضاء اللي اتشوفهم قدوه لك
بس شكراً
1-محمد
2-21
3-القرين
4-اعزب
5-موظف
6-ماني فاهم السؤال بس اذا كان موقف محرج صارلي؟؟
:) والله كنت رايح العمرة من فترة صليت العشا بالحرم المكي والا مبيوق نعالي وصاحبي ماصدق صورني بلوتوث رديت حافيي طبعا الفندق بس اشوه شريت نعال وبعدين رحنا المدينة وصليت العصر اهناك وهم انباق انعالي طبعا عصبت وهم صورني بس مسحته لووووووووول :)
7-كل شي يرضي الله احبه
8-تبي الصراحه الاعضاء كلهم فيهم الخير والبركة واخاف اذكر ناس واخلي ناس
العفو لاجئ لاتحرمنا من تواصلك :)
بوقتادة
31-07-2005, 07:02 AM
هلا وغلا بوقتااادة
عرفنا بطاقتك الشخصية ..
الحالة الاجتماعية ؟؟؟
رايك فى المنتدى ... وماذا تتمنى لة..
اشكرك ع سعة صدرك ياغالى
1-بطاقتي الشخصية
محمد
21
2-الحالة الاجتماعية
اعزب
3-المنتدى قمة الروعة وبصراحة المنتدى صار المنتدى الاول اللي اشارك فيه ... من بد المنتديات المشارك فيها
العفو وانا اشكرك على مرورك الحلو
بوقتادة
31-07-2005, 07:06 AM
اوكي انا بسال بعد
السؤال الاول: مرتبط او لا؟
الثاني: وين تحب تقز؟
ثالثا : وين تدرس او تشتغل؟
وبس
اشكرج على التواصل معانا اختي
1-لا ماني مرتبط ..والحمدلله
2-:) قديمة ... بس اذا كنتي تقصدين وين تحب تروح او تطلع اقدر اقولج ماحب اروح مكان معين لعب كرة ... ديوانية بعد مو ذاك الزود بس
3-اشتغل بوزارة من هالوزارات الحكومية
وبس وشاكر لج
بوقتادة
31-07-2005, 07:28 AM
الله يعطيك العافيه يارب
شرايك بالمنتدي ؟
شنو حاب تضيف له علشان يصير اكثر تطور ورقي ؟
شنو الشي اللي مضايقك بالمنتدي وحاب انك تغيره ؟
اشلون عرفت منتدانا ؟
ماسبب اختيار نك بوقتاده ؟
شنو هدفك من تسجيل الدخول معانا بالمنتدي ؟
اشكرج على التثبيت استاذة وشاكر تواصل المتواصل الدائم
1- شرايك بالمنتدى؟؟؟
في الحقيقة المنتدى اكثر من رائع وانا سبق وقلت اهو الاول عندي من المنتديات اللي اشارك فيها
2-شنو حاب تضيف له علشان يصير اكثر تطور ورقي ؟
والله مايحضر لي الحين بس ان شاء الله اذا ييت لي الفكرة ان شاء الله راح اقول باسرع وقت
3-شنو الشي اللي مضايقك بالمنتدي وحاب انك تغيره ؟
كل موضوع او صورة تعارض الدين والمواضيع اللي مايرضى عنها لا الله ولا رسوله اعتقد جوابي مفهوم .. وانا انسان احب الصراحة وسالف الفضايح والصور انا ما أأييدها لان الدال على الخير كفاعلة واكيد الدال على الشر كفاعلة ... والله يبعدنا عن الشر ان شاء الله
4-شلون عرفت منتدانا؟عن طريق اخوي وصديقي فاان ديزل :) اهو اللي قالي يزاه الله خير وانا زعلان لان ماشارك معانا
5-شنو سبب اختيار نك بوقتادة؟
:) والله اهي نسبة لشخصية بوقتادة اللي بجريدة الوطن .. بس ليش اخترتها انا صاحبي كل يناديني بوقتادة فا حبيت الاسم يعني
6-شنو هدفك من تسجيل الدخول معانا بالمنتدي ؟
بصراحة هدفي القسم الاسلامي وبيني وبينكم في ناس ماتعرف شي عن الدين وتحتاج ان احد ياخذ بيدها ويعلمها وعندي مبدأ في الحياة قوله تعالى((وذكر فان الذكرى تنفع المؤمنين))
واشكرج جزيل الشكر على التواصل
albader
01-08-2005, 02:36 PM
اخوى العزيز ابو قتادة
انا احب اسأل من باب اعرف شخصية الانسان اللى احبه
وانا احبك فى الله
ماذا يعني لك منتدى الكويتى ؟
ومن هم افضل الاعضاء الي التقيت بهم؟
ثلاث وردات لمن تهديها من الاعضاء؟
متى تشعر بالضعف ..وما الجانب الخفي في شخصيتك وتتمنى اظهاره لنا ؟
رأيك في ظاهرة التفجير والانتحارات ؟
في رأيك ... ماهو السلام الحقيقي ؟
بس كافى........
بوقتادة
02-08-2005, 06:50 AM
اخوى العزيز ابو قتادة
انا احب اسأل من باب اعرف شخصية الانسان اللى احبه
وانا احبك فى الله
ماذا يعني لك منتدى الكويتى ؟
ومن هم افضل الاعضاء الي التقيت بهم؟
ثلاث وردات لمن تهديها من الاعضاء؟
متى تشعر بالضعف ..وما الجانب الخفي في شخصيتك وتتمنى اظهاره لنا ؟
رأيك في ظاهرة التفجير والانتحارات ؟
في رأيك ... ماهو السلام الحقيقي ؟
بس كافى........
احبك الله في ما احببتني من اجله
ماذا يعني لك منتدى الكويتى ؟
الكثير وبصراحة اول ما اشبك ادش المنتدى لاني فعلا حبيته وحبيت الاعضاء كلهم من الاحترام والتقدير
ومن هم افضل الاعضاء الي التقيت بهم؟
بصراحه وايد ولاتنسى مدة تسجيلي قصيرة والاعضاء اللي صار بينا حوار هم (الضيف , نثية , فان ديزل , اديلمو , vip, العود ,لاجئ سياسي , جمايل , والله وايد وجميع الاعضاء فيهم الخير والبركة ويسمحولي على عدم ذكر البعض الاخر
ثلاث وردات لمن تهديها من الاعضاء؟
ثلاث وردات ماتكفي لان الاعضاء كلهم حبايبي بس منهم
فان ديزل .. الضيف ... نثية على مجهودها الاكثر من رائع
متى تشعر بالضعف ..وما الجانب الخفي في شخصيتك وتتمنى اظهاره لنا ؟
اذا احد احرجني ومايقدر طيبتي له .... الجانب الخفي والله مادري :)
رأيك في ظاهرة التفجير والانتحارات ؟
انا ارفض اللي قاعد يصير .... وأدن هذه الاحداث واسال الله ان يهديهم الى دينهم .. لان بصراحة شوهوا الدين وهذا ليس من الدين ...
المسلم من سلم الاخرين من لسانه ويده
في رأيك ... ماهو السلام الحقيقي ؟
السلام ؟؟ او الاسلام؟؟
اذا كان السلام بنظري ان انعيش وانأدي امور دينا براحة وحرية ولله الحمد احنا في سلام الحين بهالديرة الطيبة
اما الاسلام الحقيقي هو من سلم الاخرين من لسانه ويده واتباع ما امر الله ورسوله صلى الله عليه وسلم
دكتوره الحب
02-08-2005, 08:37 AM
انا عضوه جديده عليكم ....
بس ادا مافيه مانع ابي اسألك ..
اممممممممممممم
طيب بوقتادة
س1: ماهو لونك المفضل وعلى أساس شو اخترتو للون ؟
س2: مين القدوه لك ؟؟
س3 : شو هواياتك ؟
لو فيه سؤال ماتحب تجاوب عليه براحتك ...
تحياتي
دكتوره الحب
Nathyaa
02-08-2005, 09:11 AM
ثلاث وردات لمن تهديها من الاعضاء؟
ثلاث وردات ماتكفي لان الاعضاء كلهم حبايبي بس منهم
فان ديزل .. الضيف ... نثية على مجهودها الاكثر من رائع
اشكرك علي الورده الحلوه
ياية دورى
1 شنو يعنيلك الاستقرار
2 من اقرب شخص لك
3 اى احلى اكلة عندك
4 شنو ناديك ياويلك اذ ماطلعت عرباوى مثلى شكووو لووووووووول
ومشكور ماتقصر
بوقتادة
03-08-2005, 05:12 PM
انا عضوه جديده عليكم ....
بس ادا مافيه مانع ابي اسألك ..
اممممممممممممم
طيب بوقتادة
س1: ماهو لونك المفضل وعلى أساس شو اخترتو للون ؟
س2: مين القدوه لك ؟؟
س3 : شو هواياتك ؟
لو فيه سؤال ماتحب تجاوب عليه براحتك ...
تحياتي
دكتوره الحب
س1: ماهو لونك المفضل وعلى أساس شو اخترتو للون ؟
الاصفر والاسود.... هكذا :)
س2: مين القدوه لك ؟؟
الرسول صلى الله عليه وسلم .. ولكن مقصرين في التأسي به لاننا ماشفناه ونعمل اللي نقدر عليه... ان كان شخص شايفه وأتأسه به هوالشيخ نبيل العوضي
س3 : شو هواياتك ؟
كرة القدم بس الحين تركتها ..
وتقبلي خالص احترامي وتقديري لج على الاسألة
بوقتادة
03-08-2005, 05:19 PM
ياية دورى
1 شنو يعنيلك الاستقرار
2 من اقرب شخص لك
3 اى احلى اكلة عندك
4 شنو ناديك ياويلك اذ ماطلعت عرباوى مثلى شكووو لووووووووول
ومشكور ماتقصر
1 شنو يعنيلك الاستقرار
شي عظيم .. والزواج هو الاستقرار
2 من اقرب شخص لك
رفيجي حمد حجي و ولد خالي محمد الخميس
3 اى احلى اكلة عندك
شبح :) ويوم اليمعه مندي ((قصر المندي)) بفحيحيل لايطوفكم
4 شنو ناديك ياويلك اذ ماطلعت عرباوى مثلى شكووو لووووووووول
لا تخافين قدساوي
بنت^جابر
20-08-2006, 04:49 PM
خخخخخ اشوه قدساوي
عندي سؤال واحد بس
شنو ينادونك بو شنو؟؟
ويسلمو على صراحتك اخوي:)
بوقتادة
02-09-2006, 05:12 PM
خخخخخ اشوه قدساوي
عندي سؤال واحد بس
شنو ينادونك بو شنو؟؟
ويسلمو على صراحتك اخوي:)
ربعي ينادوني بوعمر و بوفاطمة .. عيال خالتي ينادوني بوطاهر وعيزت منهم ... :)
وبس
جميع الحقوق محفوظة لـ الشبكة الكويتية