هنادي اول سعودية تقود طيارة [الأرشيف]

Nathyaa

12-07-2005, 10:29 AM

http://www.kwety.net/kwety1/q81/welcom05afba.gif

هنادي اول سعودية تقود طيارة

http://www.kwety.net/kwety1/q82/45899a5a6e.jpg

استطاعت السعودية هنادي هندي أن تحوز رخصة قيادة طائرة، بينما ما زال يحظر عليها وعلى زميلاتها الحصول على رخصة قيادة السيارة «الليسن».وسوف تصبح هنادي قريباً «كابتن» إحدى طائرات الأسطول الجوي لرجل الأعمال السعودي الأمير الوليد بن طلال. وتردد أنها قد تكلف بقيادة طائرته الخاصة.

http://www.kwety.net/kwety1/q81/badeel5ga.gif

درست هنادي علوم الطيران في الأردن وحصلت على منحة من شركة المملكة القابضة، التي يملكها الأمير الوليد بن طلال، لإكمال دراستها وقدمت لها الشركة عقداً للعمل مدته عشر سنوات، وهي التي كانت تخشى ألا تجد عملاً أساساً.وتقيم هنادي في مكة المكرمة وتبلغ من العمر 27 عاماً، وتقول إن شركة المملكة القابضة قدمت أيضاً وظيفة مستشار قانوني لوالدها زكريا هندي الذي كان وراء قرارها لتصبح «طيارة».

http://www.kwety.net/kwety1/q81/badeel5ga.gif

وأضافت: سيرافقني أبي في كل رحلاتي حتى لا يقول أحد أني أسافر من دون محرم. وبينما تستعد للتحليق لا يزال الجدل قائماً بين مؤيدي ومعارضي رفع حظر قيادة السيارة عن المرأة، وخاصة بعد أن اقترح أحد أعضاء مجلس الشورى البحث في هذه المسألة داخل هذه الهيئة الاستشارية.وكان محمد الزلفة، وهو أستاذ في مادة التاريخ اقترح الترخيص للمرأة التي تتجاوز الثلاثين من العمر بالقيادة داخل المدن.

http://www.kwety.net/kwety1/q81/badeel5ga.gif

لكن مجلس الشورى وضع اقتراحه جانباً مع ان الزلفة قدم أسباباً اقتصادية لرفع الحظر وحل مشكلة اجتماعية تتمثل في وجود مليون سائق أجنبي في المملكة يتولون قيادة السيارات التي تقل السعوديات، وهي مشكلة قال إنها تكلف البلاد 12 مليار ريال (3,2 مليار دولار) سنوياً.ويشير مؤيدو رفع الحظر أيضاً إلى التكاليف الباهظة الناجمة عن توظيف سائقين لدى ذوي الدخل المحدود. ويدافعون عن قضيتهم أيضاً بالاستناد إلى أسباب اجتماعية لدحض ذرائع معارضيهم، معتبرين ان أخطاراً قد تنجم عن بقاء نساء وفتيات صغيرات لساعات طوال بصحبة رجل غريب.

http://www.kwety.net/kwety1/q81/badeel5ga.gif

وقالت هندي انها ليست ضد السماح للمرأة بقيادة السيارة، معتبرة ان بعض النساء لا يستطعن تحمل تكاليف سائق مما يضطرهن إلى الاعتماد على وسائل النقل العام أو لأن ليس لديهن رجل في البيت في صحة جيدة يستطيع أن يأخذهن إلى حيث يردن».وأضافت: «من الجيد إذا استطاعت المرأة ان تقود ولكن مع وجود ضوابط مثل إعطاء هذا الحق للنساء اللواتي بلغن سناً معينة مثلاً».

http://www.kwety.net/kwety1/q81/badeel5ga.gif

وقالت: «لم يكن في تفكيري أن أكون رائدة في البداية درست الطيران من أجل والدي الذي كان يتمنى أن يصبح طياراً ثم أحببت الطيران».وخلصت إلى القول «كوني رائدة يحملني مسؤولية كبيرة جداً، وإن شاء الله، سأكون مثالاً جيداً للمرأة السعودية».

http://www.kwety.net/kwety1/q81/X811fa.jpg

بنت السويدي

12-07-2005, 11:08 AM

صدقها وبعدين شو فيها لو كانت طياره عادي مافيها شي

يسلموو نثيه عالموضووع

~*~عاطفية~*~

12-07-2005, 11:48 AM

الله يعطيج العافيه يا حلوه على الموضوع

ROLZ

12-07-2005, 12:00 PM

هههههههههههههههههه
الله يعين الي بتسوق فيه صراحه
-
يسلمو اختي على النقل

لاجئ سياسي

12-07-2005, 10:32 PM

مشكوره يالغاليه

اول ماقريت الموضوع على طول فكرت اني اكتب خلهم يسمحون بقيادة السيارة لكن سبقتيني في مقدمة الموضوع

وعموما انا اشوف آن النساء بداً بشكل ملفت ينافسون الرجال لؤؤؤل مع احتراماتي

يعني ماشي غريب على المرأة لانها نافست في الطب ونجحت وفي التعليم ونجحت في مجال الهندسه وغيره من المهن رجولية الاصل

ولكن طيارة!!!! بصراحه صعبه شوي

وصعبه من مبدا نفسه مش في القياده وانا عندي أخوي اللي اكبر عني طيار(حربي) قالي في استراليا اكتشفت آن اللي يقود الطياره الكبيره عمله مش نفس عملنا مع ان المقتلات الحربيه أقل حجم من الناقلات المسافره قل نحن شغلنا صعب ويختلف اختلاف تام عنهم هم اسهل من قيادة السياره!!!!

قال لان الاحداثيات تدخل في الكمبيوتر من المطار المقلع لين منطقة الوصول وكم السرعه وكم المسافه وقياس ضغط الوقود والزيوت والهيادروليك وكل الشغل الفني يجرى للطياره قبل الاقلاع من قبل المطار وقطاع الهندسه
والطيار عليه يمسك المقود ويطيرها من المدرج للخطوط الجويه المقرر السير فيها فقط! واذا كانت حالة الجو هاديه ولافيه مفاجأت متوقع يتولى القياده مساعد القبطان او الطيار الآلي !!!!!!!

يعني في التدريب والعمل ماشي مشقه غير الألفين ساعه المقرره عالمياً للحصول على الرخصه

ولكن هذا كله مايغني ان فتاة تقود طيارة لان طبع المرأة ضعيف ومايسمح بمثل هذا العمل

ونقدر نقول انها حالة نادره ويصعب حصول مثالها على بعد طلوع الشيب

مشكوره يالغاليه

Klly4you

13-07-2005, 08:08 AM

الله يكون في عون ابوها

كل الرحلات بكون معاها

<<<<<<<< كلش الحين ما يحاتي الا ابوها
هههههههههههههه

يسلمووو على الموضوع

Nathyaa

13-07-2005, 09:27 AM

سوسو :

تسلمين ياقلبي علي مرورج

Nathyaa

13-07-2005, 09:28 AM

ميسو :

الحلا حلاج ياقلبي

Nathyaa

13-07-2005, 09:30 AM

رولز :

هههههههههههههههههههههههههههه

والله المرأه تسوق احسن من الرجل

يسلمووووووو استاذي علي هالطله

Nathyaa

13-07-2005, 09:32 AM

سياسي :

الف شكر علي المعلومات الحلوه

وشاكره لك مرورك

وصدقني اذا الانسان يبي شي وحابه راح يوصل له مهما ماكانت الصعاب

الف شكر لك

Nathyaa

13-07-2005, 09:33 AM

كيلي :

يسلمووووووووووو علي هالطله

وراح نثبت للعالم ان المرأه نافست الرجل في جميع المجالات

لاجئ سياسي

13-07-2005, 02:05 PM

صدقتي ياختي اللي يبي الشي يوصله

ولكن نحن اتكلمنا عن منافسة المرأة للرجل في المهن الرجاليه وفيه سقوط وفيه نجاح بالنسبه للمرأة

شوه رايج انه الرجل نافس المرأة في المهن النسائيه وتفوق عليها في جميع المجالات:a65:

يعني مالكم أمل يالنساء في التفوق :a55::a80:

VIP

13-07-2005, 02:33 PM

يعطيج الف عافيه على نقل الموضوع يا مراقبتنا
:)

سيبقى الامل

13-07-2005, 07:48 PM

لما يركبن الطيرات والسيارات ايش بخلو للرجال
الخدمة فى البيوت واخر اليوم بينقول
مشاكل الوافدين والخدامات
المراة لها اسمى ايات الجهاد فى بيتها
وتربية اطفالها على ما يرضى الله
مشكور اخوى على الموضوع

Nathyaa

13-07-2005, 07:57 PM

سياسي :

اوكي انا معاك

انت تقول ان الرجل نافس المرأه وفاز عليها

هل يستطيع الرجل تحمل مشاق الولاده والحمل وتربية الاطلفال ؟.؟؟!

ههههههههههههههههههههه

اللي تسويه المرأه يعجز عنه الرجل

ولكن اللي يسويه الرجل تستطيع المرأه عمله

شكرا لهالطله

Nathyaa

13-07-2005, 07:58 PM

ليدر :

الف شكر لمرورك الكريم

Nathyaa

13-07-2005, 08:03 PM

سيبقي الامل :

الف شكر علي مرورك الرائع وابداء رايك

لاجئ سياسي

13-07-2005, 08:04 PM

لؤؤؤؤؤؤؤؤؤؤؤؤؤؤل اختي فيه فرق بين المهنه وبين عمل المنزل مثل تربيت الاولاد او غسيل البيت نحن نتكلم عن المهن العمليه لؤؤؤؤؤؤؤؤؤؤل قفلت حساباتج

وانا بعطيج دليل واحد ان الرجل بكل بساطه يتغل على المرأة شوفي الفنادق الكبار منوه يطبخ فيها لؤؤؤؤؤؤؤؤؤل
وبعد المطاعم والبشاكير عندنا في الامارات اكثر شي هنود ريايل وهذي المهنه اصلن للحريم
وبعدين شوفي مهنة الخياطه نادر ماتشوفين مشغل حريم فيه حرمه كلهم ريايل:a64: لؤؤؤؤؤؤؤؤؤؤؤؤؤؤؤؤؤؤؤل

وايد بعد لو اقولج يمكن تتعبين

انا اريد حرمه اتنافس ريال واتروح تشتغل بنجرجييه لؤؤؤؤؤؤؤؤل

وبنشووف

Nathyaa

13-07-2005, 08:18 PM

هههههههههههههههههههههه

والله فيه

ههههههههههههههههههههههههاااااااااااااااااااااااااااااي

<<<<<<<<<< قفلت

بالنسبه لرئاسة الدول وصلت المرأه واصبحت حاكمه

بالنسبه للوزاره تمكنت من انها تصبح وزيره

بالنسبه للشرطه حملت السلاح وتدربت علي الرمايه

اشتغلت المرأه بكثير من المناصب واثبتت جدارتها

دخلت البرلمان وناقشت ونافست افضل الرجال

واذا علي شغلت البنشرجيه تري في حريم يشتغلون هالشغله وبمصر بالتحديد

لاجئ سياسي

13-07-2005, 08:22 PM

لا لا لا لا اوكيه انتي ذكرتي مناصب ماذكرتي مهن لؤؤؤؤؤؤؤؤؤؤؤؤؤؤؤؤؤؤؤؤؤؤؤل مالج امل

وبعدين هالمصريه وحده وانا اتكلمت عن ملاين الرجال اللي نافسوا المرأه في مهنتها وتفوقو لؤؤؤؤؤؤؤل

وحمل السلاح في الشرطه والجيش مش معناه اعتماد المرأه الكلي على هالوظيفه

بعد مالج امل يالغاليه

Nathyaa

13-07-2005, 08:38 PM

ههههههههههههههههههههههههههه

<<<<<<<<< عنديه درجه اولي

انا ذكرت لك امثله بسيطه

اوكي تبي مهن انا معاك

اشتغل الرجل بالصالون اشتغلت المرأه بالصالون

اشتغل الرجل بالوزارات اشتغلت المرأه بالوزارات

شاق الرجل سياره ساقت المرأه سياره

اشتغل خياط اشتغلت خياطه

ساق طائره ساقت طائره

اشتغل طبيب اشتغلت طبيبه

علي فكره نسبة البنات الجامعيات تفوقت علي نسبة الرجال الجامعين

المرأه قامت تسوي كل شي وفي اشياء انتوا ماتقدورن عليها قامت المرأه تسويها

لاجئ سياسي

13-07-2005, 08:46 PM

بعد بنسب بسيطه اللي قاعده تتكلمين عنها

وعن موضوع التفوق الجامعي ترا هذا بس عندنا في الخليج
لان الشباب الموضه غارتهم شوي

وولكن الاكيد مافيه منافس

Nathyaa

13-07-2005, 09:45 PM

هههههههههههههههههههه

نسمك طويل حيل

ليش موراضي تعترف بقدرة المرأه علي منافسة الرجل

ههههههههههههههههههههه

لاجئ سياسي

13-07-2005, 09:47 PM

لا هذا الواقع لؤؤؤؤؤؤؤؤؤؤؤؤؤل

وانا على أيدج

Nathyaa

13-07-2005, 09:54 PM

اوكي عطني شغله اشتغلها الرجل والمرأه ماقدرت عليها

ورهان بيني بينك

<<<<<<,,, داشه تجدي الاخت هههههههههههههه

لاجئ سياسي

13-07-2005, 09:57 PM

امممممممم وايد والله بس بعطيج شويه انا

انها ماتروم على الاشغال الشاقه
مثل عمال البلديه وحفر الابار والزراعه

يابنت الحلال حرام عليج تعبتي نفسج لؤؤؤؤؤؤؤؤؤؤؤؤؤؤؤؤل

وين الرهان؟؟

المؤدب

14-07-2005, 01:10 AM

هذي اذا طاحت في مطبات هوائيه وقامت اتخضخض وش تبيس تسوي تعدل تسريحتها ولا تعدل الطياره

ياحليل ابوها خايف عليها هههههههههههههههه << ودي اشوف هو وين راكب

يسلموووووووووو على التحذير من ركوب الطيارات

Nathyaa

14-07-2005, 12:28 PM

سياسي :

ههههههههههههههههههه

اوكي مو مشكله

يقدر الريال يرضع ويحمل ويولد ؟؟

Nathyaa

14-07-2005, 12:38 PM

المؤدب :

لاتخاف تلبس تاااااااااج ماكو مشكله

ههههههههههههههههه

يسلمووووووو علي هالطله

لاجئ سياسي

14-07-2005, 01:30 PM

اوكي نثيه
تقدر الحرمه اتجيب عيال من دون ريل اصلاً؟؟؟؟ لؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

يابنتي ماشي أمل

Nathyaa

14-07-2005, 09:44 PM

هههههههههههههههههههههههااااااااي

اي تقدر

في شي اسمه تلقيح صناعي

احم احم احم

السياسه تعور البطن

لاجئ سياسي

14-07-2005, 10:44 PM

لؤؤؤؤؤؤؤؤؤؤؤؤؤل اوكيه من وين اللقاح؟؟ لو مش الريال مافيه لقاح حتى في الاشجار سبحان الله لازم الذكر هو اللي يقوم بعملية التنبيت لؤؤؤؤؤؤؤؤؤؤؤل

عموما مادري احسن انج اقتنعتي صح؟؟

Nathyaa

15-07-2005, 11:00 AM

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

لا مااقتنعت

<<<<<<<<<<< تموت بالعناد

لاجئ سياسي

15-07-2005, 02:10 PM

والله هذا دليل ضعف منج لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

حاولي تبلعين الحقيقه حرام عليج جننتيني

Nathyaa

15-07-2005, 06:44 PM

اي حقيقه

الحقيقه اللي لازم تعرفها ان المرأه نافست الرجل بكل شي

تقدر تسوي اللي مايقدر الرجل يسويه

هذي حقيقه علميه لابد ان يتوارثونها الاجيال تلوا الاجيال

جيك علي كلمة يتوارثونها

واثبت ياتاريخ

هههههههههههههه

لاجئ سياسي

15-07-2005, 07:19 PM

لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

والله انتي مغتره في معشر الحريم على فكره يانثيه تراهم والله مش فالحات بشي بس نحن الله يقوين كل يوم ونطلع وحده جديده مره رئيسه ومره وزيره ومره عضوه في مكان هام

ويالله شوه انسوي ابتلينا

وعلى فكره انا كلمت التاريخ عشان التسجيل
قالي طووف طووف اسمع منيه وطلع مناك لؤؤؤؤؤؤؤؤؤل

Nathyaa

16-07-2005, 09:05 PM

هههههههههههههههههههههههههاااااااي

صدقني المرأه ماوصلت للوزاره الا انها تستاهل

انتو صار لكم سنين بالوزاره شنو سويتوا ؟؟ غير الخناق والسرقه

كل يوم سمعنا الوزير الفلاني رايح سويرا ومهرب فلوسه هناك

لاجئ سياسي

17-07-2005, 01:49 PM

لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

هذا دليل ضعف واضح منج يالغاليه تدرين ليش لانج حولتي الموضوع من ناقش الى فضايح نحن نتكلم عن الكفائة والمنافسه مش الفضايح

لؤؤؤؤؤؤؤؤؤؤؤؤؤؤؤؤؤؤؤؤؤؤؤل

لا لا لا لا مالج أمل أعترفي وانا مستعد اغض النظر عنج لؤؤؤؤؤؤؤؤؤؤل

Nathyaa

17-07-2005, 07:35 PM

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

انت ضد اعطاء المرأه حقوقها

وهذا اللي خلاني اتوسع بالنقاش

خلاص اعترف وانا اغمض عيوني مجني ماشفت شي

لاجئ سياسي

18-07-2005, 02:56 PM

لا لا لا لاتيبين اعذار مالها داعي

أعترفي واذا تبين اتكملين النقاش حيااج اخوج ترا صدره وسيع واحب النقاش

لكن عاد كوني حقانيه لاتاخذج الحميه لانج بنت وبس

المهم انا بحاول اني أغض النظر

بس هذا عقب ماتعترفين لؤؤؤؤؤؤؤؤؤؤؤل

Nathyaa

18-07-2005, 06:44 PM

ههههههههههههههههههههههههههههههههههههههههههههههههههههههههههههههههههههههههههههههه

باسك قوي حيييييييييييييييييييييييل

لااااااااااااااااا والف لاااااااااااااااااااا

لظلم الرجل واستبداده

<<<<<<<<<< قلبت 180 درجه

لاجئ سياسي

18-07-2005, 07:26 PM

لا لا لا لا لا لا يالغاليه

الرجل مش ظالم ولكن المرأة من طبعها غياره واتريد اتكون هي في المقدمه مع ان الرجال مقاومون على النساء بس هي ماتلتفت لهكلام

وانا متأكد لو موضه تطلع وان الرجال كلهم ينامون في البيت ويديرون عمل المنزل بعد بتحنين عليه وبتقولين ان هذا عمل المرأة من يوم الله خلق الدينا وانه الرجال خذو عمل المرأة..!!

مصيبه

Nathyaa

19-07-2005, 07:37 AM

ههههههههههههههههههههههههههه

مايعجبنا العجب

الحين انتو يالشباب طايحين بموضه يديده

اذا الرجل يبي يتزوج اول شي يدور عليه ان العروس تكون موظفه

يقول علشان تساعدني في البيت

لاجئ سياسي

19-07-2005, 02:03 PM

اهاااا

وانتو عندكم موضه يديده لازم الريل يكون حلو المظهر وانه يسكنكم في بيت خاص مش مع العائله

وموضه ثانيه انه مايكون موظف عسكري؟؟

albader

19-07-2005, 02:33 PM

لاجئ بالله هدنى عليها

ابى البنات عندنا شيسوون ماتقولولى شعندهم
شفالحة فيه انا اقولك قلة صنعة والبخت ضايع

لاطباخ لا غسيل لا شغل وحتى ان توظفوا تلقاها لاشغل ولاعمل وملت وتدور غياب وتأخير

هذيك المرة وانا طالع من مطعم يقدمون قهوة وجدامى ثلاث بنات يشربونها وتسمعهم يقولون اووووه وايد تهبل لاوعجيبة
بعد ماشربتها قلتهم ابى شنو اللى يهبل ماي ماعليه ولا شى اعتقد يمكن حاطين بس حبتين قهوة ولا هيل ولا زعفران ولاشى والله مو عارفين وين الله قاطهم

اكيد وين شايفة قهوة او اكل كله على الخدامة وصار الذوق ذوق خدامة

لا تعال وتزوج الله كأنك جايب وحدة من مغارة ماتعرف ولاشى ولاتسوى ولاشى ياعمى فكووووووونا من بنات اليوم

لاجئ سياسي

19-07-2005, 02:38 PM

لؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

البدر خف عليهن ترا حساسات شوي

بس بصراحه كلام 100% عين العقل

Nathyaa

19-07-2005, 05:12 PM

اي اي اي اجتمعتوا علي

شفتوني ضعيفه ومستضعفه قلتوا خلونا ناكلها

لا لا لا والف لا لا لا

مش كل طير اللي يتاكل لحمه

هههههههههههههههههههههههههههههههههه

<<<<<< قلبت مصريه

هلا البدر

اوكي احنا مانسوي شي

لما تدخل البيت وتلقي ملابسك نظيفه ودارك نظيفه واكلك جاهز

منو كل اللي سوا هذا ؟؟!

ناطره اجابه

سياسي خذاها فرصه

الحين انادي لك سوسو

لاجئ سياسي

19-07-2005, 07:39 PM

لؤؤؤؤؤؤؤؤؤؤؤؤؤؤؤؤؤؤؤؤل

هاتي سوسو عادي اختي بس اول شي تاكدي انها برمجتها عربيه خلاص لاني لغيت الوندوز الكمبودي لانها تكت كلام مش مفهوم بعض المرات لؤؤؤؤؤؤؤؤؤل

امام بخصوص سؤالج اكيد الخدامه يعني منوه ؟؟ :)

g6waa

20-07-2005, 12:12 AM

http://www.kwety.net/kwety1/q82/02.gif

http://www.kwety.net/kwety1/q82/magic.gif.. حيووو هنادي

وعاشت هنااادي

وتسلم نثيه

على صورهااا

^_^ ..http://www.kwety.net/kwety1/q82/magic.gif

Nathyaa

20-07-2005, 08:36 AM

قطوه :

تسلمين ياقلبي علي هالطله

Nathyaa

20-07-2005, 08:38 AM

سياسي :

امام بخصوص سؤالج اكيد الخدامه يعني منوه ؟؟

اها

ومن افواهكم ندينكم

يعني الخدامه

والخدامه شنو

اتوقع انها مرأه

صح

albader

20-07-2005, 09:17 AM

الحين مستلمة الرجال ست صفحات ويوم تكلمنا.. راح انادى سوسو
نادى سوسو.. ايــــــــــــــه مو هذا طبعكم اتكاليين وتقطون بلاكم على خلق الله
مو كنى اهاوش صج. ههههههههههههههههههه

وبعدين احنا نتكلم عن بناتنا شجاب الخدامات،،،، ايــــــــه اكيد تدافعون عنها مو اهى اللى شايلة كل شى عنكم تنضف.. وتغسل.. وتطبخ.. وتمكيج.. وتلبس.. ........الخ

انا اقول انتم مالكم دور بالحياة روحو انتحروا احسن لكم..
يعمى فكونا
خلونا روح ندور ورا خدامة نتزوجها
لؤؤؤؤؤؤؤؤؤؤؤؤؤؤؤؤؤؤؤل
ههههه
هههههههههههههههههههه

albader

20-07-2005, 09:51 AM

مشاهدات يومية
- تطلع الصبح من فجر الله والوجه صدفى مادرى متى قعدت من النوم وركبت كل الالوان الشدو ازرق.. والروج احمر.. والكحل اثنين متر عشان تسلف رفيجاتها مادرى.. والشعر برتقالى ماشاالله مشروع ملاهى..ههههههههههههههههه
- طبعا طالعة الدوام مو حفلة عرس اكيد عارفين.. تسوق السيارة وماسكة الموبايل... مادرى منو تكلم الصبح عفية نفسية.. حش من الصبح.. لا والخد تقول تفاحة يقولون تاكل علج( تعلج)

- أأأأأأأأه واخخخ السواقة يجماعة.. تلقى واحد ماشى بسلامة الله وشوى الا حاذفة عليه طبعا اهو يا برصيف يابعمود الله يعين وهذا من العلج والموبايل مو دارية ان من وراها اثنين بعمود واربعة برصيف وثلاثة مفقودين من سبتها....

- اوصلت الدوام من بعد المعانات والارهاب اللى سوته بالشارع.. طبعا ماكو شغل ريوق الصبح مشكل وفلافل وفول وووووو.. تاكل وتقول انا ماحب الاكل الثقيل ماشية على ريجيم.. وانا حيل نباتية بعد مو داقة اليرييييييش والمجبوس بالغدا.

- بعدها اكبر قعدة حش بالعالم مافى حد الا وخذاله نصيب عندهم ... يجماعةلاتلومونهم ماكو شغل مثل ماقلنا...
بس الصراحه فى وايد منهم مايحشون هذى شهادة بس مهايط... اتا والله يوم كنت بجنيف السنة اللى طافت ... طبعا السنة اللى طافت كانت بالخفجى والا بالحفر رايحة تشترى علج مر ومحلب ورشوش وديرم لزوم السن بعد.....
اكملكم بعدين
بس حرااااااااااااااااااااام
ههههههههههههههههههه

لاجئ سياسي

20-07-2005, 01:44 PM

لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

البدر لا والمشكله يوم تتوظف الناس يقولن لها ترا الشغل ثقيل والريايل مش متحملين اتقول ليش الريايل احسن عنا؟؟؟؟؟؟؟؟

وبعد ماتتوظف اتشوف الشغل ثقيل عليها اتقول الريايل ماتحملو انا اتحمل؟؟!!!!!!!!!!!!!!

بس اعتقد الموضوع اتخرب شوي

نحن نتكلم عن المرأة تقدر تنافس الريال في وظايفه ولا لا

albader

20-07-2005, 02:33 PM

سياسى... ألحين الموضوع انخرب

يامعود خلنا شوية نطلع الحرة .. عشان محد يتحرش فينا

لا وعلبالك يسكتون بكرة تشوف شراح يسووووون وراح تشوف الدعم الجوى والارضى بالقنابل والصواريخ واولهم Nathyaa طالبة دعم من سوووسوووو

يامعود رووووح بسرعة احفرلك خندق وخلك جاهز
وقول البدر ماقال

بااااي بروح ادور على شبل

لاجئ سياسي

20-07-2005, 02:45 PM

لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

اوكيه يالله انا معاك على الخير والشر

لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

بنت السويدي

20-07-2005, 04:13 PM

am back

لاجــــئ + البــــــــــدر

اشفيكم على نثيووووووووه

الحين بسألكم

الحين انتوا منكم فايده

صدقوني ماشي فايده منكم

الحين لو الياهل مرض والله شو يقول الريال والله انتي وديه الدختر انتي عندج ليسن وانتي خذيه

شيقوول انا مب فاضي وماعرف شو ....

ومايرد الا اخر الليل

شو من رياال هذا واكبر مسؤوليه الحرمه هي الي تهتم بالبيت والرياال خبر كاان

ولا كل هذا مسمي عمره رياال على شوو ماعرف

يلعن ابو الغيره بس كيف تغاروون من البنات

تتمنون اتكونون بنات فديتنا والله

نثيووووووووه ماعليج منهم اصلا هم منقهرين

سويلهم اكبر طاااااااااااااااااااااف

خخخخخخخخخخخخخخخخخخخخ

بنت السويدي

20-07-2005, 04:19 PM

صح وانا ويااااااااااج الكل الي يبوون يعرسوون اول شي يدوروون عالبيزااات

اذا تشتغل يلاااااا باخذهااااا والله ماشي شغل عندهم

الحين منو الريااال هيه والا هوووو

رياااااال بس كلااام هههههههههههههههههه ومناك طـــل خخخخخخخخخخ

الحين بتاخذها عشان بيزاتها والا عشانها والله دنيا عجيبه الصراحه

يوم انتوا مادانون البنات ليش تتزوجوون

اقوللكم ماتقدروون تصبروون عنا ولا دقيقه لوووووووول

لاجئ سياسي

20-07-2005, 08:43 PM

سبحان الله صدق ناقصة عقل ودين

وانتي يابنت السويدي نموذج فعال في هذا الشي

اول شي ردج الاولي هذا في مهب الريح

والثاني انه عشان راتبها انا اللي اعرفه انه البنت هي الطماعه في كل العلاقات سوا زواج او صداقه او اي شي ثاني

والدليل اذا كان الزوج بسيط وعلى قد حاله هذي فيها تفكير ياتوافق ولا لا لانها اخر السنه اذا ماعنده فلووس كيف بيسفرها؟؟ او بيقضي حاجاتهاا؟؟

واذا كانت صديقه تبحث عن السياره اذا كانت فاخره يعني مريش ولو شكله يلوع بالجبد وماعنده اسلوب لكن يالله في (قروووش ) على قولت السودانيين

وانتي إماراتيه وتعرفين الاعراس كيف عندنا لين الواحد يدفع دم دم قلب ولد جار اخوه ربيعه مايقدر يعرس

واذا كانت تشتغل اول شي بتقوله اسعني انا أهلي لهم حق عليه وتقريباً ربع المعاش رايح للأهل وجزاه الله الف خير

والباقي اتقول انا بسد مكياجي وملابسي واذا عندها ليسن بتسير تاخذ سياره اقصاد ولا بعد الزوج يعطيها فلوس لازم بحكم انها زوجته

المهم ترا ياجماعه هذا مش الموضوع بصحيح انا اثرت نقطه للنقاش والاخت نثيه ماقصرت كتبت ديوان ولكن الموضوع يتكلم عن هل ان البنت تقدر تنافس الرجال في مجال عمله وفي مجال انها تتفوق عليه؟؟؟

اعتقد لا

لان شرعياً لا
صحياً لا

عقلاً لا

شكلياً لا

وكل شي لا لا لا لا وهذي حق نثيه لالا لا لا وهذي حق بنت السويدي لا لا لا

Nathyaa

20-07-2005, 09:12 PM

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

اشكرج سوسو

كفيتي ووفيتي بصراحه

افحمتيهم ياقلبي

بصراحه انا لو منهم بعد ماادش هالموضوع كلش هههههههههههههههه

اوكي يالبدر انت وسياسي

البنت تحط ميك اب وتكشخ وتسولف بخلق الله صح

بس الريال شنو يومه

انا اقولك

طبعا مالك امل الصبح يروح الدوام

يتصل علي صاحبه ويقوله وقع بدالي انا مااقدر اطلع بالشمس ( ياحرام زبده يخاف يسيح )

والظهر حط صنية العيش ولازم دياي ولا لحم جنه ثعلب

ويطقها نومه لين المغرب

وكل دقيقه يزأر في البيت علي زوجته مايتحمل اليهال ودوشتهم

المغرب يتسبح ويمسك الاوتي ويكوي غترته ومع الكواي علبتين نشأ علي الغتره علشان تصير كوبرا

والله يركب السياره مايقدر يلف راسه من الثقل اللي بالغتره

ويحوس علي الخليج طردي ومراكض ورا بنات الناس يغازلهم

اذا صارت الساعه 10 بالليل راح المطعم وتعشا بروحه

11 بالليل راح الديوانيه

الديوانيه وماادراك ما الديوانيه

مايبقا قناة بالتلفزيون من الهشك بشك الا قاعد يخزخز ويشوف

والتلفون بيده مايبقي بنت مايكلمها

واذا قعدوا يسولفون مايبقا بنت ماسولفوا فيها ووزعوا ارقام البنات علي بعض

بصراحه حياتكم خساره ههههههههههههه

حياتكم كسيفه ولله المستعان

كافي اليوم عليكم جذي

كسرتوا خاطري

سوسو حياتي وين الكلينكس وزعي عليهم ياقلبي

لاجئ سياسي

20-07-2005, 09:29 PM

لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

اوكيه خلينا نتكلم بصراحه فيه بعض من الكلام اللي قلتيه صح

وبعد فيه شي من الكلام اللي نحن قلناه صح ليش ماتعترفون؟؟ ولا دايماً المرآه خاليه من المصداقيه لؤؤؤؤؤؤؤؤؤؤؤؤؤل

المهم حياة البنات اتعس على فكره
واخوي البدر كفا ووفا في الحياة اليوميه

الله يعين بس

بنت السويدي

21-07-2005, 01:30 AM

لاتحااااااااولووووووووون تبرهنوووون ماشي فااايده

لاتعبوون عماركم

خلاص رفعة الجلــــــــــسه لوووووووووووووول

Nathyaa

21-07-2005, 09:37 AM

هههههههههههههههههههههههه

اوكي ابي اعتراف منك بالاول

وصدقني راح تحصل مني علي اعتراف

بس اول ابيكم انتو يالرياييل تعترفون

لاجئ سياسي

21-07-2005, 01:22 PM

تراني انا قلت لج صح فيه اشياء من اللي قلتيه صح

لكن انتي ماعترفتي وقلتي صح في حريم جييه

Nathyaa

21-07-2005, 02:23 PM

اوكي انا معاك

نسبه من الحريم مو زيننين

بس نسبه قليله

بعكس الرجل

اغلب الرجال مو زينين

مو كلهم طبعا بس اغلبهم

لاجئ سياسي

21-07-2005, 02:50 PM

بالعكس والله

البنت لين تتعدا العشرين اتكون عسل ولا فيها شي من تتعدا العشريت

اعوذبلله

خص حريم الخليج اتقولون راضعين من صدر ام هولاكو

ومن تتزوج يبدا الشر وبعد الثلاثين يبدا الكذب وبعد الاربعين يبدا الحسد ومن تدخل الخمسين نمييييييييييييييييمه لين القبر

لكن الريايل من ال15 لين الثلاثين اتكون الدنيا غارتهم شوي وبعدين خلاص يبدون يفكرون كيف يعيشون عيالهم وكيف يكونون لهم مستقبل بس

واذا كان واحد من الالف لاعااااب شوي فهذي نسبه بسيطه عن الحريم والعياذ بلله لؤؤؤؤؤؤؤؤؤؤؤؤؤؤؤؤل

بنت السويدي

21-07-2005, 03:18 PM

لووووووووووووووووووووووووووووووووووووووووووووووووووووووووووول

لي رجعه لاني مب قادره اكتب شي مصطووله خخخخخخخخخخخخخخخخخخخ

بسير انخمد لي ساعه زمن هههههههههههه وراجعه

بــــــــــــــــرب

لاجئ سياسي

21-07-2005, 03:37 PM

مصطوله؟؟

هذا مصطلاحات بناتنا

شفتوا هذا اكبر دليل

لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

albader

23-07-2005, 09:55 AM

ها يجماعة.. فيه حد والا راحو ابى اطلع من الخندق صارلى يومين فيه
الله الله.. شفت القصف سياسى ماقلتلك.. يبى هذولا بناتنا واعرفهم
علبالك مثل قبل .. تمر بشارع لو تطالع وحدة تنزل راسها وتنحاش منك
حبيبى الحين لو تلف على وحدة بسيارتك وبسلامة ربك انت ماتدرى
والله لتنزلك بالشارع وتشرشحك لا وتلقاها حاطة عمود تحت الكرسى لزوم الهواش
لا وجايبه سوسو معاها.. يبى انتى كافى،، وحنا نقدر عليكم والله انا عندى قناعة ان الرجاجيل يخافون من الحريم الحين

يمعود تبتلش بشرها والكل يصدقها وانت الجذاب

الله يكفينا شر الحريم
هذى مو حريم لوبى عصابات منظمة. لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

لاجئ سياسي

23-07-2005, 10:00 AM

لؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

الله يعينا بس ماعلك اخوي جاري تفكيك المنظمه النسائيه

لؤؤؤؤؤؤؤؤؤؤؤؤؤؤؤؤل

albader

23-07-2005, 10:18 AM

ألحين ابى ارفع الراية البيضة وابى اتكلم بواقعية شوي

والله اللى قلتوه كله صحيح للأسف سواء على بناتنا او شبابنا

وأول شى ابى اقوله ان البنت اهى اختى وامى وزوجتى ومافينا نزايد على هذا الموضوع

بس للأسف والأكيد انهم تعودو الإتكالية بكل شى حتى بأمورهم الشخصية سلموا امرهم للخدم والأمور الشكلية أكثر من الجد وانا لااعارض الخدم بس موبكل شى.. يابنات يا امورات والله نهايتها الكسل والملل من الحياة وانتو تعرفون ان اكثر مشاكلنا من الفراق والوحدة احنا نبى بناتنا باحسن صوررة صورة المراة اللى لها اهداف بحياتها اللى على اساسها تبنى شخصيتها وتصبح امراة مبدعة مثل الاخت الطيارة بموضوعنا.
مانبيها امراة تافهة تقضى وقتها بالتفاهات وتصبح سلعة رخيصة على نفسها وذاتها اولا وعلى الناس من حواليها ثانيا
البنت اذا عزت نفسها شى اكيد راح تحب نفسها وتصبح عزيزة عليها ولايمكن تجعلها رخيصة يوم من الايام وراح تبحث عن رفعة شخصيتها بان تكون شى اساسى بالمجتمع
مو مثل الحين والله على مااقول شهيد اشوف منظر اصبح عادى الان ان اشوفة كل يوم بنات تترقص بالشوارع او بالسيارة وتعالو شوفو المنضر من ورا هذا الموقف

انا صار عندى شغل ضرورى الحين
راح ارجع واكمل على بناتنا وشبابنا.. بس شوى استأذن

لاجئ سياسي

23-07-2005, 10:32 AM

لؤؤؤؤؤؤؤؤؤؤؤؤؤؤؤؤؤؤؤؤل

انا أمي متوفيه وحرمه ماريد وخوات ماعندي يعني مايهمني لؤؤؤؤؤؤؤؤؤؤؤؤل

لا لا بصراحه تامه والله ومن دون مجامله انا افتخر ببناتنا وعلى فكره انا يمكن اكثر واحد في النت يتضارب مع بعض من الفئات الظاله اللي تسب بنات الخليج وتحاول اتشهر فيهن

وانا ادري ان فينا عيوب وايد وبناتنا الله يهديعن مغترات بالموضوه شوي ولكن ان بليتم فسستروا ونحن نعمل بالستر ونطلب الله انه يستر علينا وعلى بناتنا

وهني وقفت احترام للجميع الامهات والاخوات

مشكور اخوي على الكلام الجميل والله يبارك فيك

albader

23-07-2005, 11:49 AM

انا رديت ...

لاهنت اخوى سياسى وعلى كلامك الطيب

نكمل..

الرجال وماادراك ما الرجال.. الرجال اللى تنصلوا من جميع مسئولياتهم .. ياجماعة كأن انقلبت الدنيا والله وانقلبت الادوار

اصبح الرجل فى البيت والدوانية او القهاوى.. وانا امثلها بقعدة الحريم قبل عندنا يسمونها شاى الضحى

صار عندنا قاعدة عامة
نوم - دوام- غدا- نوم - الدوانية او القهاوى او التسكع بالشوارع على قولة الاخت نثية وكل اليوم على هالحالة.

المشكلة هنى الرجل من كثر مسئولياته اليومية اللى ذكرتها فوق مو قادر ينجز اى عمل
المراة هى اللى تشتغل وتروح الدوام وتشوف مسئوليات البيت والابناء وتطلع السوق لتجهيز البيت من مجاميعه اكل ملابس كهربائى بنشرجى ادوات صحية كل شى ..........الخ

تعالو طلعو السوق الحين نادر ماتشاهد امراة مع زوجها تدرون ليش لان مامنه فايدة واستبدلته بالسايق اللى يساعدها بقضاء حوائج البيت

يجماعة بس كل واحد يمسك دوره بالحياة
عشان بس نعيش صح

لاجئ سياسي

23-07-2005, 12:01 PM

الله عليك يابارع

بصراحه قلت كلمة حق

وانا اعرف السبب بس ماقدر اقوله بصراحه لان مش زين في حق الكثير منا

بس نقول الله يقوينا ويوفقنا للعمل الصالح يارب

مشكور اخوي

وبالمناسبه سجل عندك

لاجئ سياسي من المعجبين في كتاباتك

Nathyaa

23-07-2005, 07:08 PM

المشكلة هنى الرجل من كثر مسئولياته اليومية اللى ذكرتها فوق مو قادر ينجز اى عمل
المراة هى اللى تشتغل وتروح الدوام وتشوف مسئوليات البيت والابناء وتطلع السوق لتجهيز البيت من مجاميعه اكل ملابس كهربائى بنشرجى ادوات صحية كل شى ..........الخ

تعالو طلعو السوق الحين نادر ماتشاهد امراة مع زوجها تدرون ليش لان مامنه فايدة واستبدلته بالسايق اللى يساعدها بقضاء حوائج البيت

ابدعت

كلمة حق يالبدر

المشكله انكم تعاندون وتقللون بقيمة المرأه

والله المشكله ان المرأه صارت تتحمل مسؤوليه فوق طاقتها

انا بعرف وين الريال ؟؟؟

شنو دوره ؟

كل شي قاطه علي زوجته المسكينه

والمرأه لاحول ولاقوه لها