مشاهدة النسخة كاملة : الـكـويت Vs كوريا ج ...(فرصة أخيره)
xKuwaityx
07-06-2005, 06:14 PM
http://www.kooora.com/images/flags/KR.gif http://www.kuna.net.kw/Kuwait/images/FLAG.gif
Kuwait _________________Vs_________________Korea
اليوم: الأربعاء 8\6\2005
الساعة: 8:45
المكان: الكويت (نادي كاظمة)
المناسبة: نهائيات تصفيات كأس العالم.
نتيجة مباراة الإياب: 2\0 لكوريا الجنوبية.
مختصر:
- لكي يتأهل الأزرق لكأس العالم يجب عليه الفوز بهذه المباراة. فالتعادل و الخسارة تجعله خارج المنافسة و خارج البطولة. هذه المبارة تعتبر مباراة مصيرية فهل يعيد المنتخب ثقة الناس به؟! ... يذكر بأن المدرب محمد إبراهيم وافق على تدريب الأزرق بديلا للمدرب السابق بوب بدون اي شروط!!!
أتوقع النتيجة 1\0 لكوريا (كل ما اتفائل نخسر ... قلت أتشائم احسن) :D
كل التوفيق للمنتخبين... وننتظر توقعاتكم للنتيجة!؟
اخوي كويتي حتى الهزيمه او التعادل ماتخرج المنتخب الكويتي من البطوله
لو لاسمح الله صار الثالث بيلاعب الثالث من المجموعه الثانيه وبيصفي مع دول الكونككاف
يعني الامل مانقطع للحين
وانا عند كلامي للحين
الكويت وكوريا بتكون ليلة زرقاء
قولوا آمين وادعوا
xKuwaityx
07-06-2005, 06:35 PM
Rolz
كلامك مضبوط نوعاً ما...
بس للأسف يتناقض مع الأزرق... احنا عارفين منتخبنا... خلاص إذا خسر هالمباراة راح تطيح المعنويات و راح تكون هناك حملة ضد الإدارة و كل هذا راح يسبب خسارة الأزرق من اوزباكستان! ... فإما الفوز و إما الخروج!
وإنشالله حتكوون ليلة زرقاااا! P:
شكراً حبيبي رولز
Nathyaa
07-06-2005, 10:52 PM
الله يوفق منتخبنا يارب
يسلموووو بواكسات
انت قول الله كريم
تبي الصراحه لو يشيلوووووووون ................. احنا بخير :)
جمايل
08-06-2005, 06:39 AM
والله محب الكوره بس حرام مستوى ديرتنا جذي
Klly4you
08-06-2005, 07:38 AM
انشالله تكون ليله زرقا
وانشالله يستفيد اللاعبين بعامل الجمهور والارض
وبيضونها 2/0 الكويت قولو امين
عالي الشان
08-06-2005, 09:53 AM
بالتوفيق للازرق اليوم ... وان شاء الله يكون مع الاخضر السعوديه بطياره وحده لالمانيا :)
بقايا الليل
08-06-2005, 09:56 AM
اتوقع فوز الازرق لسبب واحد
ماعندهم غير فرصة واحدة وهى الفوز ..
الله يوفقهم ويكملوا المشوار ويفرحوا الجمهور العزيز
دمعة الم
08-06-2005, 10:12 AM
اتوقع انشاء الله اليله للأزيرق في حالة واحده
اذا استطاع المدرب والأدارة يشيلون الضغط الي بيكون على اللاعبين بحكم خسارتهم تخرجهم من التصفيات
يمكن يكون تغير المدرب له نسبه في ان يبعث التفائل في نفوس الأزيرق لاكن صدقوني نتيجه المباراة راح تجي بروح اللاعبين
نحن نتمناها كويتيه اليوم انشاء الله ويحلق ابناء الخليج اللأزروق و الأخضر الى ألمانيا بدون الدخول في الملحق ولا العب ضد الكونكاف
ونسيت الحضور الجماهيري تراه مهم اليوم
وقولو امين
تعم الأفراح اليوم في الخليج بفوز
الأزيرق
الأخضر
الأحمر (البحرين)
xKuwaityx
08-06-2005, 05:32 PM
الله يسمع منكم و يفوز الأزرق اليوم...
المباراة تبدأ بعد 3 ساعات و نص!
نبي دعواااااااااتكم :)
ويا Vip... ما ينشااال... سمعت تصريحه الأخير؟ ... يقول الكرسي إلي لاص فيه مو متعلق بوصول منتخب الأزرق لكأس العالم او عدم وصوله!!! ... ياخي محد يبيك... عوووع
حلوة عووع ها P:
xKuwaityx
10-06-2005, 01:44 PM
للأسف النتيجة تفشل و انا مستحي احطها بس شنسوي بعد...
كوريا ج 4 \ 0 الكويت
باي باي المانيا :(
لا للحين الامل موجود
اعتقد باقي شهرين على بداية الملحق
يعني تقدر تجهز فريق كامل بادارته وبلاعبينه
الكويت تقدر تتاهل بالملحق اخوي
للحين مانتهى المشوار
-
الله كريم
وقول يارب
xKuwaityx
10-06-2005, 01:51 PM
Rolz
يااااارب ...
بس الحين بدال لا يتم تجهيز اللاعبين ... في مصيبة وهي المطالبة بإستقالة الإتحاد... فالكل مشغول بشغلات ثانية غير التأهل و غير الإستعداد للمباريات القادمة... الله يستر
AL_3oooD
10-06-2005, 03:03 PM
مع احترامي للمنتخب بس الصراحه مايستاهل يتأهل وحتى لو صار الثالث ماراح يفوز على البحرين وحتى لو فاز ماراح يفوز على المنتخب اللي راح يباريه من كوكا كاف استحاله
وانا اسف اذا كنت قاسي على المنتخب
وشكرا
AL_3oooD
11-06-2005, 01:11 AM
راحت عليهم
ومشكوره
xKuwaityx
11-06-2005, 02:35 AM
Al3oood
والله صح كلااااامك
بالعكس ماكنت قاسي على المنتخب...
انا رايي
من حقهم نعطيهم فرصه دام الامل موجود
يد بيد ان شاءالله وندعي الله ان الوضع يتعدل بهالشهرين
انتوا بس قوولوا يارب
جميع الحقوق محفوظة لـ الشبكة الكويتية