مشاهدة النسخة كاملة : للشباب والبنات!!! مهم جدا
مرحبا لكم جميعا عندي موضوع مهم وابغى رأيكم فيه .....
زوجه تشك بزوجها وطبعا الشك جاء من بعض تصرفات له حاولت هي تفسرها ومالقت شي يدل على كذا الا انه يخونها وهي تبغى تتأكد كيف برأيكم تسوي ؟؟؟؟؟؟
اتمنى من كل شاب وفتاه يدخل ويقول رأيه بس اتمنى يكون الرد من واقع تجربه هو سمع عنها !!!!!!!!
ومشكورين
نانا
xKuwaityx
26-05-2005, 10:38 AM
سلام عليكم...
انا بس بغيت انصح بأن الشك يحتمل الخطأ و الصح ... و"إن بعض الظن إثم" صدق الله العظيم... فأنا انصح هالزوجة بالتريث و التأكد قبل فعل أي فعله قد تغير حياتها!
~*~عاطفية~*~
26-05-2005, 06:29 PM
لازم أولا تتأكد وتبتعد عن الشك والغيره وتعوذ من الشيطان الرجيم لان الشك أكبر خطأ واحتمال يكون الانفصال بين الزوجين ودمار الحياه الزوجية .
Nathyaa
26-05-2005, 10:27 PM
اولا :
تم نقل الموضوع الي منتدي الاسره
ثانيا :
حياج الله بينا ياقلبي
ثالثا :
شوفي حياتي اذا الريال مو مقصر في بيته لازم الزوجه ماتدور وراه علشان ماتهدم بيتها
كل رجل له حركات مش ولا بد بس الزوجه اللي تحب زوجها وتحب بيتها لازم تغض الطرف عن مثل هالتفاهات
انا بقولج قصه صاحبتي والله ماراح تصدقينها سمعيها :
صاحبتي منزوجه وعندها 5 عيال وتحب زوجها وبيتها
كل يوم اربعا او خميس يكشخ ريلها ويقول لها رايح الديوانيه
ذاك اليوم قلت لها ريلج مايشبع من الدواوين قالت لي انا بقولج قصتي
اتقولي انا ادري ان ريلي متزوج علي وعنده ولد ومتزوج صار له 5 سنين
@@
انا انصدمت
قلت لها وبعدين شسويتي فيه ؟
قالت ماخليته يدري ان انا اعرف سويت نفسي مااعرف ولا شي
قلت لها ليش ؟ لو انا منج العن خيره الخير
قالت لي غلطانه
قلت لها ليش ؟؟
شوفي الرد :
قالت لي اذا درا ان انا عرفت راح يحطني يم الامر الواقع ويعدل بيني وبينها وراح يقولي يوم لها ويوم لج
اما الحين فهو يروح لها بالاسبوع مره ويقعد عندها بس 3 ساعات ويي البيت بسرعه خاااايف لا اشك فيه
ومرتاحه حيييل
مو مقصر معاي بشي
+++++++++++++++++++++++
انا انصح كل زوجه انها تبعد الشك عن راسها وتنتبه لبيتها واولادها وزوجها
والريال مصيره لبيته مهما راح وخربط بالنهايه يرجع لبيته
فاصطبري واحتسبي الاجر
فديتج والله ياقلبي
فلتفترض انه يخونها
خل تحط اسباب ليش اهو خانها؟؟؟؟
تعدل من سلبياتها واذا مو مهتمه فيه تهتم واذا مهتمه تزيد الاهتمام
تحسسه انه راعي البيت ومسؤول وتحببه في بيته
بحيث تهيء له الجو المناسب للراحه في بيته
-
-
-
الغيره والشك قبر البيوت
ياهلا فيكم اخواني ويسعدني مروركم وردودكم ....
وفعلا مثل ماقلتوا الشك مدمر للحياه الزوجيه ولكن لما يدخل بين المتزوجين خلاص تبدأ المشاكل ولايمكن تختفي الا عن طريق الرجل هو بيديه مفاتيح السعاده لزوجته واسرته ...
ياجماعةالموضوع كبير وكل يوم تفكك حياه بسبب الشك لكن انتم تلاحظون دايم الشك يجي من الزوجه على زوجها ليش؟؟؟؟؟؟
يعني الزوجه عمرها ماسوت شي يضر حياتها الزوجيه الا لما تشوف شي موعاجبها من زوجها ليش ؟؟؟؟؟؟
اولا : لان الرجل هو الي يقدر يبدا بالمشاكل ويقدر يحلها ويقدر بأسلوبه ينهي اي مشكله
حتى لوفبدايتها.
ثانيا : الزوجه من اول زواجها ماتشوف باالدنيا الازوجها وبس ولما تجي لحظه وتحس انه يخونها تنصدم بسببه وماتدري ايش تسوي
ثالثا : تصرفات يوميه للرجل يخفيها عن زوجته هي تعرف من الغير تستغرب ليش ماقاله لها تبدا تفكر وتتضايق.
رابعا : الزوجه ترتاح مررره لما الزوج يجيها ويصارحها عن شغله وعن سهرته لو مو كل شي ومو بالتفصيل المهم انك اعطيتها اهتمام وتخليها تعيش معك بكل لحظاتك .
وبالنسبه لموضوع الزوجه هذي حتى لو بنت صغيره وحلوه وشيااااكه مرررره نلاحظ الزوج يروح يدور غيرها ليش ؟؟؟؟؟
المشكله في الزوج اللي يبني حياته على تجارب الاخرين يعني لما يشوف حياه شخص من اصحابه كلها مشاكل الزوج المسكين يبعد عن الاشياء اللي يسويها صاحبه مع زوجتة هو يحاول بيعد عنها بحياته حتى ماتصير له مشاكل مثله وهنا اكبر مشكله تبدأ
لان الزوجات مو كلهن طبعهن واحد في اختلاف وبعدين الرجل لازم تبدا حياتك بكل شي يسعد زوجتك لانها حياه جديده لازم تبدا بالزين حتى تظل طول عمرك مرتاح لانك انت بديت بالطيب معها وهي اذا كانت تحبك ماراح تضايقك او تسببلك مشاكل بس لازم تكون بالعدل معها يعني ماتدللها زياده ولاتهينها خير الامور الوسط والامر اللي فيه سعادتك وسعادتها لازم تبحث عنه ...
بصراحه المشكله كبيره ومهما تكلمنا عنها تبقى تفاصيل كثيييره ماتكلمنا عنها ..
عندي نصيحة مهمة للزوج والزوجه اتمنى يسمعونها ويطبقونها ::::::
لاتسمحون لاحد يتكلم عن خصوصياتكم ويتدخل فيها الا بالشي اللي يصلح فقط .
لازم يكون بينكم لحظات حناااان ورومانسيه وعطف .
المشكله الصغيره لما تبدأ لاتخلونها تكبر لازم تنهونها بسرعة من غير رجعه .
اتمنى السعاده لكل المتزوجين والمتزوجات ...
اختكم نانا
Nathyaa
28-05-2005, 10:11 AM
فديتج ياقلبي وفديت المحاوره الرائعه معاج
بس عندي سؤال ممكن من خلال الاجابه نوصل للحل
ابي اعرف كم عمر زواجهم
يعني جم سنه صاروا مع بعض ؟
لان هالنقطه ضروريه ياقلبي
DeviL
29-05-2005, 01:44 AM
انا بس بغيت انصح بأن الشك يحتمل الخطأ و الصح ... و"إن بعض الظن إثم" صدق الله العظيم... فأنا انصح هالزوجة بالتريث و التأكد قبل فعل أي فعله قد تغير
اعقب على كلااااام الاخ كويتي مايجوز تقول صدق الله العظيم لانها بدعه اوكي ام بنسبه للاخت الكريمه
انا انصح كل زوجه انها تبعد الشك عن راسها وتنتبه لبيتها واولادها وزوجها
والريال مصيره لبيته مهما راح وخربط بالنهايه يرجع لبيته
فاصطبري واحتسبي الاجر
ياهلا فيكم احبابي
اشكركم من كل قلبي لأهتمامك بالموضوع
وهو واللة شاغلني لانها هي صاحبة المشكله عزيزه علي
المهم زواجهم ماصار له الا سبع شهور بس وهو طبيب وبحكم وظيفته ماسافروا شهر عسل
وهي واللة بنوتة حلوووه وشياااكه مرره ودلووعة وهو اول شهرين من زواجهم كان مجنون فيها خاصة انة رافض الزواج اول بس لما شافها وافق
وبعدها صار فتور بحياتهم وهم بمنطقة بعيده عن اهلها وعن اهله وتكلمني دايم انصها واقولها تقربي له وحاولي تسوينله الاشياء اللي يحبها حاولي تجددين من حياتك كل يوم شكل من اكل ولبس وكلام وحركات ودلع كل هذا
ولاتغير صار ت بس تبكي والاماكن العامه مستحيل يطلع معها الا ويحاول يكلم بجوالة ويبعد عنها بعيد مدري ليش
وارقام غريبه دايم تجيه مايرد عليها قدامها بالبيت يتركها وهي تشوف وتحس انه في شي غريب
الحين زعلانين وهي فكرت بالطلاق
اللة يخليكم اللي عنده حل لها يقوله ولايتأخر فيه ترى البنت مسكينه تعبااااانه نفسيا
Nathyaa
29-05-2005, 08:04 PM
هههههههههههههههههههههههههاااي
ياحياتي انتي
انتي قلتي الحل بكلامج بدون لاتدرين
انا اقولج اشلون
+++++++++++++
اولا :
يشتغل طبيب
وبحكم شغله يكلم مريضاته والممرضات وهذا شي طبيبعي
ثانيا :
كان رافض للزواج
ويوم شافها تزوجها معناة هالكلام ان هالريال شاف فيها اشياء ماشافها في اي بنت من قبل وفضلها علي كل البنات
ثالثا :
تقولين صار فتور وهذا مو اسمه فتور ياقلبي لان الريال ضمن ان البنت له وتاكد ان محد راح ياخذها منه فهو مرتاح من هالنقطه
رابعا :
صار لهم 7 شهور يعني حتي لو يبي يخون مايمديه لان الرجل مايخون زوجته الا بعد مرور 3 سنين فما فوق
خامسا :
حسيت من كلامج ان البنت تحبهم بجنون وهذا اللي دخل الشك بقلبها وغيرتها ناااااار وبهالطريقه البنت راح تهدم بيتها ياقلبي
اي علاقة زواج يدخل فيها الشك راح تنهدم زي الورد
الغيره حلوه بحدود بس اذا زادت تحولت الي جحيم
وبعدين في شغله ثانيه دائما حسسي الرجل بالثقه يعني لما يكلم اي بنت بالتلفون لازم الزوجه تدلع عليه وتقوله عادي انا مااشك فيك لاني ادري انك فضلتني علي جميع البنات
وصدقيني لو الريال يبي يخون جان ماتزوج واخذ راحته في التعرف علي البنات بس الريال اختار الزواج والاستقرار
يجب علي الزوجه انها تكون عون وسند لزوجها مو تزيد همه هم
لااااااااااااااااااا تبحثين ورا زوجج اكبر غلط لانها مدخل كبير من ابواب دخول الشيطان
كل مايطري علي بال البنت اي شك تجاه زوجها لازم تقنع نفسها بنفسها تذكر المعوذات وذالك لطرد الشيطان وبعدها تحط براسها انها الاولي في حياة زوجها وهو فضلها علي جميع النساء بهالطريقه راح ترتاحين
ولا تفتحين للشيطان باب
بنت السويدي
29-05-2005, 08:56 PM
صح اول شي تتاكد وتكون متاكده من هالشي ولاتستعيل بقرارها لان فيه مصير كل واحد من الطرفين
انا اقول اذا اكتشفت انه يخونها لازم اتواجهه لي ماتواجه من حقها لانها ماراح تتحمل الي فقلبها ولين متى بتم خاشه عنه اذا عرفت بخيانته لين متى مصيرها في يوم راح يعرف كل شي وكل شي بيتوضح
يسلمووووووووووووووو نانا عالموضوع ويعطيج العافيه
ياهلا فيك نثنيه وبنت السويدي
شرفني مروركم واهتمامكم
واعذروني على التاخير بسبب ظروف صحيه
ابغى اقولكم اهي الحين ايش تسوي وايش اللي لازم تعمله يعدل حياتها وتهدئ المشاكل هذي اتمنى اشوف الردود من كل الاعضاء
Nathyaa
04-06-2005, 07:56 AM
الف لا باس عليج والحمد لله علي سلامتج ياقلبي
انا من وجهة نظري انها تترك هالاوهام عن راسها وحتي لو كانت مو اوهام وحقيقه يجب ان لا تفاتح زوجها بالامر
لازم توفرين لزوجج البيئه المناسبه لكي يرتاح لان الرجل اذا مالقي راحته في بيته ثقي تماما انه راح يبحث عنها براااا
ياهلا فيك نثييه تسلمين ياعمري على ردك
بس المشكله انت البنت رجعت لاهلها بعد ماتهاوشت معاه
يعني في طريقه تسويها وترجعله من غير طبعا مايحس انها نزلت نفسها
طبعا انت عارفه بعض الازواج يشوف نفسه ويزعل اكثر لما يحس انها هي تنازلت علشان مصلحتهم
اللة يخليك نثييه تعبتك معاي
بس والله هي عزيزه علي ومااحب يصير لها كل هذا المشكله انها عروس لسى ماكملت سنه
حياتي نثييه بنتظر ردك اوكي
Nathyaa
04-06-2005, 07:12 PM
فديتج ياقلبي
طبعا ابشع التصرفات هي خروج الزوجه من بيتها
لان البيت لها اذا كان ولابد فالزوج هو اللذي يخرج من البيت
حياتي اذا طلعت البنت من بيتها قلة كرامتها لان البيت هو ممكلة المرأه
اذا تبي ترد البنت الي بيت زوجها من غير ان تنزل نفسها لازم يكون في خطط وخدع
ههههههههههههههههههههههااااي
يعني مثلا تسوين نفسج تعبانه حيل واتخلين اختج الصغيره تتصل فيه تلفون واتقولها فلانه مريضه تبي تروح الطبيب
ومو راضيه يودونها اهلي اتقول انا ريلي يوديني مااقدر اطلع من البيت الا بأذنه
يعني مثلا ابسط الحيالات هذا
اكيد الزوج يقول اوكي وراح يوديها الطبيب هني دور البنت انها تبجي بالسياره مع جم كلمة اه بطني يعورني كله منك اشلون هان عليك قلبك تتركني هالمده
يعني اسلوب غنج ودلع ودلال
هلا فيك نثييه حبيبتي
ههههههههههههه حلوه بطني يعورني
الظاهر انها بتطلق اجل لانه هو بمكان وهي بمكان ثاني
بس انا اقترحت عليها وماادري صح كذا او لا... يعني انها مثلا تتصل عليه وتقوله انه لازم مشكلتهم تنحل بالتفاهم ولازم يتقابلون ويحلونها وبشروط ترضي الطرفين انهم ينهون المشكله اللي بدت بينهم ....
المهم اشكرك كثييييير على تفاعلك معاي
وهي شافت بنفسها رددودكم لو شفتيها استانست انكم واقفين معها وتتكلمون بمشكلتها
وحست بنوع من الراحه وانا بدوري اشكر كل من شرفني برأيه وخااااصه
اختي وحبيبتي نثييه
اختكم نانا
Nathyaa
05-06-2005, 07:25 AM
فديتج ياقلبي
فكرة الاتصال حلوه وضروريه
بس اخاف البنت ماتبي تنزل نفسها
عموما حتي لو البنت نزلت نفسها لزوجها فهذا الشي مو عيب
فديتج يا حياتي
جميع الحقوق محفوظة لـ الشبكة الكويتية