مسك شمر
20-05-2005, 01:47 PM
دنياك يا صاحبي ماتكشف انواره = ماتعلم بغيبها لو كنت تطلبها
لو كان كلٍ سألها يعرف اخباره = كان المقادير ياسيدي نجنبها
مير المصيبه قدام عينك ثواره = دنياك هذي حقودٍ لا تلاعبها
توريك من خيرها وتلحقك بأشراره = قبلك تراني على يدي مجربها
تغريك بأسراجها لو كشفت أنواره = ترميك في ظلمةٍ حاذر لا تقربها
كم واحد خلته يرحل عن دياره = يرحل عن الدار من شدة مصايبها
وكم من زعيم نزل من منصبه وداره = وكم من خسيس استلم عالي مناصبها
وكم من شجاع تضعضع وانطفت ناره = دار الدهر فيه والعادات خربها
قال المثل ترى دنياك دواره = تدور مثل الكره في يد لاعبها
يا هيه لا تفتخر في مال وتجاره = لا بد من حفرة تصير بها
هناك ما تنفعك يا صاحبي اعذاره = ولا تنفعك الدنيا لا كثرت مكاسبها
حاذر يا صاحبي ترى دنياك غداره = اتبع دروب المرجله واعمل بواجبها
هذي نصيحةٍ للضايعه افكاره = نصيحةٍ من صميم القلب كاتبها
تقبلوا تحياتي اخوكم // مسك شمر
لو كان كلٍ سألها يعرف اخباره = كان المقادير ياسيدي نجنبها
مير المصيبه قدام عينك ثواره = دنياك هذي حقودٍ لا تلاعبها
توريك من خيرها وتلحقك بأشراره = قبلك تراني على يدي مجربها
تغريك بأسراجها لو كشفت أنواره = ترميك في ظلمةٍ حاذر لا تقربها
كم واحد خلته يرحل عن دياره = يرحل عن الدار من شدة مصايبها
وكم من زعيم نزل من منصبه وداره = وكم من خسيس استلم عالي مناصبها
وكم من شجاع تضعضع وانطفت ناره = دار الدهر فيه والعادات خربها
قال المثل ترى دنياك دواره = تدور مثل الكره في يد لاعبها
يا هيه لا تفتخر في مال وتجاره = لا بد من حفرة تصير بها
هناك ما تنفعك يا صاحبي اعذاره = ولا تنفعك الدنيا لا كثرت مكاسبها
حاذر يا صاحبي ترى دنياك غداره = اتبع دروب المرجله واعمل بواجبها
هذي نصيحةٍ للضايعه افكاره = نصيحةٍ من صميم القلب كاتبها
تقبلوا تحياتي اخوكم // مسك شمر