مشاهدة النسخة كاملة : استفتاء يخص الجميع الرجال الدخول والتصويت من غير احراج
ملسونه وعنيده
14-05-2005, 07:26 AM
السلام عليكم ورحمة الله وبركاته جميعا
انا بصراحه حابه ان كل عضو وعضوه يتفضلون ويحطون رايهم بالمنتدى وردود الاعضاء على كل موضوع ,,
بصراحه انا اشوف ان اكثر المواضيع فيها مجامله زايده
اخواني لاداعي للخجل او المجامله
فيه مواضيع كثيره شفتها ورديت عليها
لكن انا اشوف انها تحتاج الى تعليقات اكثر
وتوضيح وجهه النظر اكثر واكثر
مومعناها اني ادخل وارد (( مجامله لصاحب الموضوع لانه والله رد علي بموضوعي ))
لا نحن هنا لكي نتبادل الفكره والحوار (( الهااااادف ))
واغلب الردود
يعطيك العافيه
مشكور وماقصرت
الله خوش موضوع
ومع السلامه !!!!!
وعندي تعليق بسيط موجهه للاداره والمراقبين مع احترامي لهم
ياليت لو تم حذف اي موضوع لاي عضو ياليت فضلا وليس امرا رساله بسيطه تعطونا خبر
احسن من ان الواحد يقعد يفتر بالمنتدى يدور على موضوعه (( المحذوف ))
وهذا حق من حق العضو عليكم ,,
وانا الان احب اني اسمع راي كل الاخوه والاخوات ومنهم الاداره ايضا..
واتمنى التصويت ومن غير احراااااج ,,
وانا اخذت الاذن من صاحب الشأن الاخ vip
وبالعكس رحب بالفكره من اجل تطور المنتدى والرقي معا الى الافضل ...
اسمحوا لي على الاطاله وتقبلوا فائق تحيتي ,,,
اختكم وصديقتكم : ملسونه وعنيده
Nathyaa
14-05-2005, 07:35 AM
الله يعطيج العافيه ياقلبي
انتي طرحتي كذا موضوع
بالنسبه لموضوع الحذف
اي موضوع ينحذف من الاداره ينكتب بالخط الاحمر العريض تم حذف الموضوع للاسباب الاتيه
وطبعا يوصل الرد عن طريق الايميل
يعني لو تجيكين علي الردود بالايميل تلقين ان مكتوب انه انحذف للاسباب معينه وتذكر الاسباب
اما بالنسبه للمجاملات :
انا من وجهة نظري ان كل المواضيع اللي قاعده تطرح من الاخوان والاخوات رااااااااااااائعه ومافيها اي مجامله لان مابينا مجامله ياقلبي احنا اسره وحده
ومااظن الام او الاب او الاخ او الاخت يجاملون بعض
وبالنسبه للمناقشه في الردود هذا حق لكم طبعا بس في مواضيع ماتحتاج المناقشه
يعني مثلا حطيت لج صورة ورده هل يكون الرد بالمناقشه ام بكلمة يعطيج العافيه ؟!
فديتج يا حبي
وانا اخذت الاذن من صاحب الشأن الاخ vip
وبالعكس رحب بالفكره من اجل تطور المنتدى والرقي معا الى الافضل ...
دائما هذا الرجل يبحث عن التميز والتألق والحمد لله
واي عضو حاب انه يطرح اي موضوع فيه مصلحه للمنتدي من غير ماياخذ الاذن لان هذا ينصب في مصلحة المنتدي
شكرا لهذا الطرح الرائع
حياتي والله
بالنسبه للردود بالمواضيع فعلاً انا اشوف بعض الاخوان مجرد مجامله اما بالنسبه للحذف اي موضوع مكرر انحطله وصلة الموضوع الاصلي وخلال 48 ساعه يتم حذفه وفيه بعض المواضيع الممنوعه والمواضيع الغير فعاله من ناحية الصور او الروابط لا تعمل يتم حذفها وان شاء الله راح يتم تبليغ كل شخص يخصه الموضوع
اشكرج اختي ملسونه على الاهتمام ويطولي بعمرج :)
ملسونه وعنيده
14-05-2005, 07:41 AM
اول شي صباح الخير انوثه
ثاني شي انا ماقول ان الاعضاء مايحطون مواضيع حلوه او مو رائعه !!!
انا اقول انهم بالردود بموضوع نقاش بس يكتفون بالرد شكرا ويعطيك العافيه وهلمّ جرا
احنا بمنتدى لازم نطرح المووضوع وكل واحد يقول رايه من غير اي احراج
وعلى فكره اختي انوثه ترى انا من طبعي ماحب اجامل ابدا
واناطرحت هالموضوع لانه بالفعل يستاهل من يطرحه
ومن حق كل عضو يقول رايه بكل صراحه
ثالثا موضوع المواضيع اللي يتم حذفها
انا ماوصلني ولا رساله من المنتدى يعطيني خبر انكم حذفتوه ؟!؟!؟!
والف شكر يالغاليه على هالطله
والله لايحرمنا منج ولا من ابداعاتج
وانا بانتظار البقيه وعلى فكره فيه تصويت فوق يعني اللي يخجل من طرح رايه يقدر يصوت :)
ملسونه وعنيده
14-05-2005, 07:43 AM
فديتك والله يا غناتي انت vip
اسعدتني هالطله وتواصلك الرائع عسانا ماننحرم منه
وبالعكس يالغالي
انا مانزلت هالموضوع
الا من حبي وغيرتي على المنتدى
واتمنى يكون المنتدى من اعلى الى اعلى يارب :)
تسلمين ملسونه ننتظر أراء الاخوان :)
بنت السويدي
14-05-2005, 01:10 PM
تسلمين ملسونه عالموضوووع الصراحه اذا انحذف اي موضوع اتمنى اعرف انه انحذف في اي وقت واي يوم بيكون احسن
ملسونه وعنيده
14-05-2005, 01:43 PM
يعني انتي ماتوصلج رسايل بالبريد مثل ماذكرت اختي نثيه ؟؟؟؟
تسلمين سويديه
بس ماقلتي شرايج بردود الاعضاء على مواضيع البعض ؟؟
هل فيها نوع من المجامله ولا لا ؟
يعني لما يكتب واحد او وحده موضوع معلومات اجامله لما اقول له شكرا ؟؟؟
لما يكتب واحد موضوع اسلامي كله دعوه للخير كلمة جزاك الله خير مجامله؟؟؟
لما يكتب موضوع عن اي شي حتى لو موضوع مزح ونكت لما اضحك معناته جاملته؟؟؟
-
صراحه انا مو معاكم بالي تقولونه
اي واحد يحط حرف بالمنتدى بقول له شكرا
وبقول له يعطيك الف عافيه
وبقول له لاهنت
-
وعناد
يعطيج العافيه اختي مو ملسونه على المووضووع
وشكرا وعساج على القوه دوم
-
هاه شرايج جاملتج لما دعوت لج بالقوه وشكرتج؟؟
-
انا معارض للكلام الي تقولونه صراحه
وبيضل راي شخصي
ملسونه وعنيده
15-05-2005, 01:13 AM
حياك الله اخوي رولز
شرفت الموضوع بتواصلك المميز
وانا مااقول ان كل المواضيع فيها مجاملات
انا اعطيك مثال بسيط الحين
انت روح شوف المنتدى العام
فيه اكثر من موضوع يحتاج النقد
والتحاور فيه
لكن للاسف مالقيت احد عنده الجرأه انه يتناقش الموضوع على طاوله الحوار :)
نورتنا يالغلا
اوكي يالله اخذيني اي موضوع وانا جاهز للحوار
وبكل صراحه ومنطقيه
ولاتحاتين عصير الليمون معاي
واعصابي بثلاجه
هههههههههههههه
-
يسلمو
وفيه نقطه
صراحه
المنتدى على مالفه واتحاور في كل مواضيعيه يبيلي يوم كامل
ههههههههههههههه
ماشالله امسك الخشب
ملسونه وعنيده
15-05-2005, 01:32 AM
اوكي من عيوني رووولز
بنزل مواضيع تستحق التحاور وابي اشوف رايك بالنقاش
وعصير الليمون ماراح اشربه بهديه لك
لانك بعد هالمحاوره راح يطلع لك قرون هههههههههههههههههههههههههههههههههههههههه
Klly4you
15-05-2005, 01:43 AM
مشكوره خيوو على اهتمامج بالمنتدى طرح هذا الموضوع
انا اقول مثل ما قالت اختي نثيه في مواضيع ماتحتاج المناقشه
يعني مثلا حطيت اي صورة هل يكون الرد بالمناقشه او بكلمة شكر صغيره؟؟
واما عن حذف المواضيع الصراحه انا للحين ما نحذفت لي أي مشاركه ولا موضوع
عدل كلامك اخوي كلي لك
-
اختي مو ملسونه والله انا عادي النقاش
بالعكس احبه واحب بعد يكون بعيد عن المكابر والاصرار على الراي
حطي اي موضوع
ومن عيوني ابشري
-
بس ياليت تقولين لي وقتها
لان مثل ماتعرفين اخوج شايب
ونظره ضعيف
يمكن مايشوف الموضوع
ههههههههههههه
-
يسلمو والله
ملسونه وعنيده
15-05-2005, 11:02 AM
اخوي كـلــــي
انتواليش اخذتواهالنقطه بالذات وتركتوا باقي المواضيع ؟؟؟؟؟
انا ماقلت عن موضوع الصور
بامكانك تقرا فوق كلامي يالغالي
وراح تفهم قصدي
الحين عندك المنتدى العام - النفسي - المراه - الرجل
تطرح مواضيع حلوه ومفيده
لكن اشوف مافيها اي نقاش او تحاور
كلالموجود
مشكور
يعطيك العافيه
موضوع حلو
وهلمّ جرا
اخواني انا مابي تكون ردودنا لبعض بس بهالكلمات
يعني ياليت لو كل واحد يناقش اي موضوع
مثلا عندكم زوجات ومطلقات على فراش الرذيله
روحوا شوفوا ردودكم !!!!!
التربيه - وضعف الوازع الديني ؟!؟!؟!
طيب احنا عارفين هالنقطه
لكن ليش مانخلي لغه الحوار هادفه بينا
حتى نستفيد منها كلنا ؟؟
انا حبيت اني اتكلم لمصلحتنا بشكل خاص
بان نعي مانقرا ونتعض من نقاط بعض ,,
والمنتدى بشكل عام
علشان تكون فيه حركه
والواحد يتشجع ينزل له موضوع
لانه واثق ان فيه ناس راح تناقشه
وصدقوني هالشي راح يدفعناللتميز بالمواضيع
وهالكلام لك اخوي رولز انت بعد ,,
عندك مواضيع كثيره
ماشفت منك الا الرد بتلخيص مختصر
والله انا طرحت هالموضوع ليستفيد الجميع منها
واسمحوا لي ان بدر مني غلط او قصور ,,
واختلاف الرأي لايفسد للود قضيه :)
Klly4you
15-05-2005, 11:36 AM
لا يا اختي العزيزه عادي ما فيها شي
بس ما اعتقد انه الشخص اذا رد على الموضوع بطريقه مختصره مو معناتها انه ما استفاد منه بالعكس انا احس انه اي معلومه صغيره او كبير في هذا المنتدى يستفيد منها القارء
والرد يكون مختصر يمكن لعدم قدرته على التعبير الصح الي يستاهله الموضوع
وطبعا ما يطلع التعبير خوفا منج لا تودينه الرادار
هههههههههههههههههههههههههههه
واشكرج مره ثانه على طرح هذا الموضوع
ملسونه وعنيده
15-05-2005, 11:45 AM
بالعكس يالغالي
لو تبادلنا الفكره بينا راح نطلع بنتيجه اكبر من الموضوع اللي قريناه
وبعدين لو بودي بدلياتك للرادار
جان الحين اخذت كلامك هذا وترىفيه بدليه :)
اوكي اختي مو ملسونه احنا قلنا
مشكور
يعطيك العافيه
موضوع حلو
بس
هم ناقشنا بمواضيع كثيره
ليش ماذكرتي هالنقطه
واعطيتي لكل حق حقه
-
احنا شكرنا الاخوه والاخوات على المواضيع الحلوه
وهم ناقشنا مواضيع كثره
-
وفيه مرات مايحتاج اني اناقش لان كذا واحد قبلي قال فكرتي ووصلها وهذا الاهم ان الفكره توصل مو الفكره اني اطبع اكثر حروف
-
اشكرج اختي ( من القلب مو مجامله )
ملسونه وعنيده
15-05-2005, 03:25 PM
يعطيك العافيه يالغالي
وانا اسفه ان كان كلامي ازعج احد منكم :)
ههههههههههههههههههههههههههههههههه
فديتج
هذا طبعي ترا والا والله ماطرا على بالي زعل ولا شي
بالنسبه لي انا طبعا اتكلم عن نفسي
-
بس الموضوع نقاش لااكثر ولا اقل
واذا اختلفنا بالراي
ترا الود مايفسد
-
يعطيج الف عافيه
ملسونه وعنيده
15-05-2005, 03:55 PM
الله يعافيك يالغلا
والله لايجيب زعل يارب
جمايل
16-05-2005, 12:49 PM
عني انا ماشوف فيه مجامله بردود لان كلمه شكرا مهي مجامله
المجامله الي اطري بلكلام والموضوع مايتحمل الاطراء
واعتقد ها الشي قليل بلمنتدى لان فيه مواضيع ماتحمل نقاش
فكلمت الشكر هي الرد الانسب لها اما اني اطري بلكلام وابالغ هي المجامله
بحد ذاتها ولو انلاحظ فيه مواضيع بلعكس اناقشها ابكل قوه وصراحه
ويسلمو على طرح الفكره ملسونه
الغالب اتفقوا على راي واحد
ملسونه وعنيده
16-05-2005, 05:43 PM
رولز
يسلم راسك يابعد الدنيا
ملسونه وعنيده
16-05-2005, 05:44 PM
هلا والله جموووول
تسلمين حياتي
بس مادري مريتي على منتدى العام والنفسي والمراه والرجل ولا لا ؟؟
تسلمين قلبي على ادلاء رايج بهالموضوع
عساني مانحرم من هالطله
ملسونه وعنيده
16-05-2005, 05:45 PM
رولز
ولا يهمك قلبي
بس شوف عدد التصويت جم وصل :)
ولا زلت بانتظار البقيه
وتسلمون حبايب قلبي
وتأكدوا هالموضوع حطيته منكم واليكم
وياعيني عليكم :)
السلام عليكم ,,,
انا فاهم قصدك اختي ملسونه ,
ياخي على الاقل لو انتي دشيتي اي موضوع وشايفته انه يحتاج للنقاش انتي ابتدي اطرحي الفكره مالتج وسؤالج وشوفي الشباب
ماراح يقصرون النقاش بالمنتدى هذا مثل ما قلت لكم انتم من اول مابطلته مفتوح .
هل جربتي بموضوع شفتيه يستحق النقاش وانتي شاركتي فيه وعطيتي فكرتج ومحد رد عطيني رابط الموضوع اذا عندج موضوع من اللي اتكلمين عنهم؟
ياسلام وياسلام الله .. . ياحمام جر الالحاني
صابني من بد خلق الله ... صابني مير الله احياني
قلت له ترا السلام لله ... ماهو بحق منك تجفــاني
الجمال الي عطاك الله .. ماعطاه لواحد ثانــي
---
مسائكم عسل حبايبي
الكل ادلى بدلوه في هذا الموضوع
والي اقصده اختي مو ملسونه ان الكل اجتمع في الردود ان مافيه اي مجاملات كل ماهنالك مواضيع تستحق شكرا غير قابله للنقاش
ماناقشناها لانها كانت عباره عن خبر او معلومه ولم تكن قضية للنقاش .. وجميع المواضيع الي تستاهل النقاش ماقصرنا فيها ولا راح نقصر بالجاي ان شاءالله
-
يسلمو يابعد راسي
Nathyaa
19-05-2005, 02:06 PM
انا راح اعطيج بغض الروابط اللي صارت فيها مناقشه
وللاسف انتي ماناقشتي فيها او انج تكونين ناقشتي مره وردينا عليج وانتي مارديتي علينا
http://www.kwety.net/vb/showthread.php?t=4337
هني انتي عطيتينا رايج مره وحده وردينا عليج ومارديتي ناقشتينا
http://www.kwety.net/vb/showthread.php?t=4228
http://www.kwety.net/vb/showthread.php?t=4049
اكتفي بهذا القدر من الروابط
ملسونه وعنيده
20-05-2005, 04:20 PM
vip + نثيه
http://www.kwety.net/vb/showthread.php?t=4233&page=2&pp=15
تفضلوا هالرابط اللي فوق ,,
http://www.kwety.net/vb/showthread.php?t=4059&page=2&pp=15
وهذا بعد
http://www.kwety.net/vb/showthread.php?t=4037
http://www.kwety.net/vb/showthread.php?t=2604&page=2&pp=15 هذا لاختي نثيه لانها ماعلقت على الموضوع الا باختصار شديد جداااااااا مع ان الموضوع يستاهل النقاااااش :)
والله يا vip
لو بحط لك روابط كنت مليت لك هالصفحه
لكن انا اكتفي بهذا القدر
وطالما ان الموضوع الغي من التثبيت فما اعتقد انكم تهتمون فيه
فما عاد له داعي اني اتناقش فيه مره ثانيه
وانا حطيت هالموضوع من اجل الفائده لي وللجميع وللمنتدى
لكن بصراحه (( لاتعليق )) :)
اختي نثيه
المواضيع اللي حطيتيها
انا قلت رايي فيها وموضوع الجنس الثالث والعين تدمع والجنسيه القطريه ماشفته الا متأخر وكل ماابي ارد عليه يصير لي ظرف وانا لو كنت ابي اتكلم عن موضوع واتناقش فيه لازم اكون مهيأه له تماما لاني ماحب اني اختصر كلامي بردودي مثل ماتردين على بعض المواضيع انا احب اني لما اتناقش عن موضوع اتناقشه من جميع النواحي :)
vip
أنا من الأول كنت أبحث على النقاشات وتطوير القلم والفكر الأدبي من خلال المقالات والإبداعات ..
أنا أريد أن أضع لكم موضوع والأعضاء يخرجون من هذا الموضوع ماهو مفيد لكي نستفيد جميعاً لا أريد أن أبين بأن هنالك أعضاء يدخلون ويلقون بكلماتهم المعتادة ( بشكراً )
كنت أطمح بأن أرى نقاد وأن أرى أشاوس قد يرون العبارات ويقلبونها لكي نخرج مابمضمون ناقلها ....
نثيه
أنا كنت أطمح للأفكار التي تنال على إعجاب المفكر وكنت أطمح لوجود أقلام قد تذكر في تاريخ عقليتي ولكن ربما أن لم أجد قلم يبين يكون برواز لأفكاري المتبعثره
يبين بأن يكون برواز لأفكاري المتبعثره
الأغلبيه قد تكون أقلامهم شفافه لا ترى بالعين وهناك أقلام تذكر في مخيلتي أثناء قيامي في أعمالي اليوميه ...
رولز
اتمنى تمر على هالروابط وتشوف هل تستحق النقاش ولا لا :)
اختلاف الراي لايفسد للود قضيه :)
ههههههههههههههههه
سلمج الله ملسووونه انتي حاطه الروابط الاولى وانتي ولا مناقشه لج فيهم بس رد واحد
واتقولين الله يجزاك خير ماقلت شي بس وين النقاش هاذي شغله.
الروابط الثانيه اللي حطيتيهم لي هذول كلهم موضوعين وكاتب الموضوعين هو انتي ليش ما تشوفين مواضيع الشباب الله يهداج هم يبون نقاش .
انا ما اطلب منج روابط فيها نقاشات انا اللي ابيه رابط موضوع طالبه فيه النقاش ومحد رد عليج.
أنا من الأول كنت أبحث على النقاشات وتطوير القلم والفكر الأدبي من خلال المقالات والإبداعات ..
أنا أريد أن أضع لكم موضوع والأعضاء يخرجون من هذا الموضوع ماهو مفيد لكي نستفيد جميعاً لا أريد أن أبين بأن هنالك أعضاء يدخلون ويلقون بكلماتهم المعتادة ( بشكراً )
كنت أطمح بأن أرى نقاد وأن أرى أشاوس قد يرون العبارات ويقلبونها لكي نخرج مابمضمون ناقلها ....
تطوير القلم والفكر الأدبي موجود عند الكل ولله الحمد جميع اعضاء الشبكة يملكون فكر
يطمح لتطوير المستقبل من خلال مواضيعهم الجباره وردودهم الاكثر من رائعه اما من نسبه تهربهم للموضوع أكيد ان الموضوع مو ذات الاهميه عند الاخوان لانهم عكس باللي قاعده اتقولينه بموضوعج ,
مشاء الله عليهم قاعدين يشاركون بأحسن حال وقاعدين يطروحون مواضيع متجدده يومياً .
عزيزتي ملسونه أتمنى انج ما تاخذين على ردود الاخوان وردودي انا بهذا الموضوع
طبعاً مثل ما قلتي نحن نسعى للتطوير الفكر :)
شاكرلج على الرد .
Nathyaa
20-05-2005, 05:19 PM
يعطيج الف عافيه والله
علي فكره هالروابط اللي انتي استشهدتي فيها ضد كلامج
الرابط الاول :
بواسطة رولز
نعم انا مع بقايا الليل
-
التربه والوازع الديني اهي الاصل
-
يسلمو مو مسلونه
بواسطة ملسونه
التربه ؟؟
لاعدمت هالطله يالغالي
ونورت الصفحه
الرجل يتناقش معاج وانتي قاعده تتغشمرين
بواسطة رولز
اي خلي المووضوع بكبره ودوري غلطاتي لااوصيج
ههههههههههههههههههههههههه
-
التربه = التربية
بواسطة ملسونه
هههههههههههههههههههههههههههههههههههههههههههههههههه هههه
ابشر ولا يهمك
بس اهم شي التربه هههههههههههههههههههههههه
انتي اصلا ماعطيتي مجال للمناقشه
+++++++++++++++++++++++++++++++++++
الرابط الثاني :
بواسطة رولز
ماحط بذمتي والله ياخوج على المستورات
والنعم فيهم ماقلت شي
بس
بنت البنت غير
-
جده غير يامو ملسونه
-
هذا راي شخصي ترا
بواسطة ملسونه
شنو بنت البنت ؟؟؟ههههههههههههههههههههههههههههههههههههههههههههههه
++++++++++++++++++++
الرابط الثالث
بواسطة نثيه
يعتمد هل الشخص يستاهل اني اضحي من اجله ؟
يسلمووووووو ديفل
بواسطة ملسونه
اذا يستاهل وكفو اني اضحي
بضحي بكل ماأوتيت من قوه
لكن اذا كان ماهو كفو
لاوالله بقوله استريح مكانك
هذي هي المناقشه اللي تطالبين فيها ؟؟
هل اكتفيتي بهذا القدر ؟؟
+++++++++++++++++++++
الرابط الرابع
رولـز :-
يمكن يكون كلامك صحيح انه الحين مافي ولد يبجي علشان الحب
لكن انت تتكلم عن فئـه معينه ومو كل الشباب نفس الشي
او يمكن تلاقيـه من برا انه شخصيه قويه وما تهزه هالاشياء
لكن انت ما تعرف شنو داخله
-
عدل اختي وله مايبين الي بداخله
وهذا الي اقصده
رجل يتحكم في موقف
-
اختي مو ملسونه
انا عكس رايج
وصراحه الي ييني يبجي عشان بنت تركته
سوري
يطيح من عيني
-
عبدالله رويشد يوم طلع فوق الجبل شقال؟؟؟
-
-
-
-
-
الي نساك
الي نساك
الي نساك انساه
بواسطة ملسونه
الحين تأكدت انك تكااااااابر
وانا واثقه مليون بالميه انك من النوع اللي يبكي من الحب
وسلامتك
بواسطة ملسونه
هههههههههههههههههههههههههههههههههههه
رولز ان بكيت عطني خبر واجيب لك كلينكس هههههههههههههههههههههههههههههههههههه
هل هذه هي المناقشه اللي تطالبين فيها ؟؟
++++++++++++++++++++++++++++
اكتفي بهذه الردود
بواسطة ملسونه
انا قلت رايي فيها وموضوع الجنس الثالث والعين تدمع والجنسيه القطريه ماشفته الا متأخر وكل ماابي ارد عليه يصير لي ظرف وانا لو كنت ابي اتكلم عن موضوع واتناقش فيه لازم اكون مهيأه له تماما لاني ماحب اني اختصر كلامي بردودي مثل ماتردين على بعض المواضيع انا احب اني لما اتناقش عن موضوع اتناقشه من جميع النواحي
انا مااختصر كلامي يا ملسونه
انا اعطي كل موضوع حقه
وانتي عارفه
منتدي بتفرعاته ومراقبه عامه وحده
المفروض انا ماامر علي ولا موضوع علي فكره
مراقبه عامه بس المفروض اجيك علي المواضيع والاعضاء
انا قاعده ارد علي كل المواضيع
مافي موضوع الا دخلت وشاركت فيه
وهذي شهاده من الكل يا ملسونه
اختلاف الراي لايفسد للود قضيه
ملسونه وعنيده
20-05-2005, 05:29 PM
vip
نثيه
انا عن نفسي ماراح احرق دمي
واوعدكم اني ماراح اطرح اي راي يخص مصلحه المنتدى
واسمحوا لي على هالموضوع
وبعدين نثيه
الاقتباسات اللي حطيتيها
انتي اختصرتيها :)
وماهمني الاختصار
لكن اللي يهمني انج تحطين الصوره واااضحه :)
الله يهنيكم ويعطيك العافيه يارب ,,
المووضوع من جهتي (( مغلق ))
برب
Nathyaa
20-05-2005, 05:31 PM
هههههههههههههههههههههههههههههههههه
برب شنو بعد
لووووووووووووووووووووووووووولي
انا عمري ماظلمت احد يا بدليه افندي
تيت
صار المنحنى
امسك علي واسمك عليك؟؟
-
ياحبايبي
بهالطريقه ماراح نستفيد شي
نسكر الموضوع احسن
-
الردود وافيه
والمواضيع مفيده
والاعضاء مجتهدين
والمنتدى في طور التقدم السريع
-
اتمنى يوقف النقاش في هذا الموضوع خلاص
انا استسمحكم
انا عن نفسي ماراح احرق دمي
واوعدكم اني ماراح اطرح اي راي يخص مصلحه المنتدى
واسمحوا لي على هالموضوع
اختي ملسووونه معناة كلامج ماتحبين المنتدى ؟؟ :) اتغشمر
عزيزتي بالعكس حطي أرائج وحطي افكارج صدقيني استقبلهم بصدر الرحب انا لو مو راضي عن الموضوع اللي حطيتيه ماقلتلج من البدايه
هاذي حريتج ولاكن اذا حبيتي تطرحين نقاش بمثل هذا الموضوع لازم اتكون عندج دلائل
وبراهين ولاتكتفين بشئ واحد بس لازم تقنعين الكل ولاتقنعيني انا :)
انا ادري بمعزتج لهذا المنتدى وادري انج ارتحتي ولاكن والله اللي اتقولين عنه انا قلتلج من البدايه قبل لاتطرحين الموضوع ان الشباب قاعدين يناقشون وانتي اصريتي انج اتحطين استفتاء .
على العموم هذا منتداج وانتي مو غريبه علينا بالعكس اختنا ونحب افكارج اتجاه التطوير ولو في شي الاخوان يردون على الاستفتاء.
تحياتي لج :)
جميع الحقوق محفوظة لـ الشبكة الكويتية