مشاهدة النسخة كاملة : أرحبوو محاورة شعريه في منتدانا
نوووف
28-04-2005, 04:43 PM
أخواني وخواتي
مرحبا ومسهلا فيكم حظوركم شرفني واسعدني
اتمنى للكل المشاركه في هذة المحاورة وبالاخص
((الشعرااء))
موضوعي هو محاورة شعريه بين جميع اعضاء ومشرفين
((منتدى كويتي))
يعني يبدا فيها عضو ويكون بيت واحد مرتجل
ويرد عليه اي عضو يمر على هذى المحاورة
ويكون موضوع المحاورة
((عام))
مع التقيد بالقافيه والوزن
اتمنى من الجميع المشااركه والتواصل معانا ولو من باب التشجيع
اخواني واخواتي اترك البيت الاول لاي من مشرفينا الغالين في منتدى
همس القوافي==أو==النثر والخواطر
ودمتم لغالينكم ولي سالمين
Nathyaa
28-04-2005, 08:13 PM
تسلمين يا روحي علي الموضوع العسل
وهذا مو غريب عليج يا قلبي
فديتج والله
بانتظار شعراء المنتدي
نوووف
29-04-2005, 12:59 AM
فداج عداج ياقلبي
الله يسلمج يارووح المنتدى
والله ان اللي سماج هذا الاسم عندة ذووق وحق
مشاءالله عليج والله يبارك فيج
وانا معاج بانتظار مشاركه الغالين بس احد يفتح لنا مجال ويبشرون بالخير
وينكم يالشعرااء
يالله لاهنتوا
من يبدا
aqshar
29-04-2005, 01:29 AM
السلام عليكم انا عن نفسي مالي بالمحاوره والسموحه منج نووووف انا اذا تبين اكتب قصايد من عيوني بس محاوره مالي فيها والله :)
يالله البركه بالاخوان الثانيين
أقشــــــــــــر تحياتي..........
نوووف
29-04-2005, 07:17 PM
وعليكم السلاام ورحمه الله وبركاته
هلا وغلا بالاقشر>>>>>>>>>للحين مصرة انك اطيب قلب
الاقشر مايبيلها شي اذا انت تعرف تكتب بيت في قصيدة يعني تقدر على الاقل تحاول انك تكون محاور في محاورة
انت بس وجهه بيت لاي شخص وهو يرد عليك ببيت وهكذا
نصبح بقدرة قادر في محاورة شعريه
وخاصه انه في مجال انك تفكر في البيت بتروي وبطوله بال وهذا غير لما تكون في محاورشعريه مرتجله امام جمهوروبوقت محدد
اغلبنا هواه شعر وغير محترفين ولكن
ليه مانحاول انا نطور من مستوانا في كتابه الشعر وبجميع فروعه؟؟
هي مجرد محاولات نستفيد منها جميعا
اتمنى احد يبدا
>>>>>>صابها احباط
دمت لغالينك يااقشر
aqshar
29-04-2005, 07:26 PM
يسلموووووووووو على الموضوع نووف وان شاء ماراح اخيب ظنج من عيوني حاضر وتسلمين اذا لي الحين مصره اني اطيب قلب :) من طيبج والله
ولا يهمج اهم شي لاتزعلين ولا يصيبج احباط عشان خاطرج بحاول اكتب بيت في اي عضو بس على االله يرد علي :)
أقشــــر تحياتي....
aqshar
29-04-2005, 07:44 PM
هذي اول مشاركه لي اتمنى تحوز على رضااكم .... البيتين حق نووف مااقدر اعبر في بيت واحد السموحه ....... يالله حاولي اتردين علي....
مساء الطيبه مساء الخير يا رهيبه && امسي بأغلى كلماتي وكل ابتساماتي
على قلب حنون وطيب ولافيه عيبه && سحايب نجــــــد ونــــوف أومنيــاتي
السموحه ترى هذا اللي طلع معااي .. :)
أقشــــر تحياتي....... ( حقوق الطبع محفوظه )
نوووف
30-04-2005, 12:40 AM
ههههههههههههههههههه
فديتك وربي
اول شي صح السانك
عساني ماانحرم منك ياخوي ولا انحرم من اخواني وخواتي كلهم
وشرط المحاورة الاساسي انها تكون بيت ببيت
بس انا وياك بنخليها غير فديتك
وهذا ردي عليك وعساه يعجبك
هلاباللي غمرني صدق طيبه
...............................ياكل الذووق محمود الصفــــاتي
الاقشر..تسميه فعلا غريبه!
.............................ترى المفروض..راعي الطايلااتي
بانتظار مشاركتكم
ملسونه وعنيده
30-04-2005, 04:03 AM
الله عليكم
الله يعطيج الف عافيه يا نووووف
بصراحه موضوع يجنن
وانا حابه ارز الفيس معاكم
واتمنى اكون قد المستوي الشعري والثقافي
وطالما ان اخوي اقشر يبي يحاورج
انا بشوف لي احد واتحاور معاه
حابه احاور اخوي القلب الكبير
الله عليك يالقلب الكبير &&& الناس سموك به وانت به تسمي
وانا بانتظار اخوي القلب الكبير
نوووف
30-04-2005, 05:38 AM
ياهلااااااااااااا وغلااااااااااااا
أرحبى فديت عيونج وان ماشالج المنتدى تشيلج عيوني ياغلااتي
السااعه المباركه يوم تشاركينا والاروع عيونج ياقلبي
والمحاورة صارت رباعيه ترى ماصارت بالدنيا لكن لان منتدانا مميز
واللي فيه مميزين تصير غصب عن شروط المحاورات
ويشرفنا بل يبهج خواطرنا اشتراك اخوي الغالي
القلب الكبير
ومنى للقلب الكبير ترى ملسونه بانتظار ردك لاهنت وانا كل شوي بتطمن عليكم ويمكن
اتحرش فيكم ببويتات نوفيه صاروخيه
ماعاد هي محاورة صارت حرب ههههههههههههههههه
الله لايخليني منكم يالغالين
aqshar
30-04-2005, 04:23 PM
ههههههههههههههههههههه السلام عليكم ... الله يعطيكم العافيه نوف لازم بيت ترى ما اقدر اعبر في بيت واحد حلاته بيتين ..
الله اشوف وجوه جديده يالله ملسونه شدي حيلج وبإنتظار رد القلب الكبير
أقشــــــــــــــر تحياتي......
aqshar
30-04-2005, 04:25 PM
لوووووووول نسيت لا اقول صح لسانج لاتلوميني اذا انا اضيع كل اغراضي والله هههههههههه عاد امي هذيك المره شنو اتقولي اتقولي انت لو ماعليك راسك جان ضايع من زمان .ههههههههههههههه بس انا دايم ارفع ايدي لربي ادعي ان راسي علي ولا ضايع من سنة جدي ههههههههههه /+\ الحمدالله والشكر ...
ويفداج اللاش نووف
أقشــــــــر تحياتي.....
نوووف
30-04-2005, 07:20 PM
هههههههههههههههههههههههه
وربي انك روعه ولله يخليلك امك ويطول في عمرها ومن يقرا هذا الموضوع
اقشر مو لازم بيت نبي نخليها انا وياك بيتين بيتين ولا يهمك بس امر انت
يالله في انتظار بيوتك
ملسونه وعنيده
01-05-2005, 03:57 AM
هههههههههههههههههههههههههههههههههههه
الله يخليها لك ويخليك لها يارب
والحمد لله ان راسك مركب بجسمك ولا صج كان ضايع منذ مبطي
هههههههههههههههههههههههههههههههههههه
صح بدنك فديتك
ويالله خل نشوف المحاوره
وربي متحمسه حدي هههههههههههههههههههههههههههههههههههه
aqshar
01-05-2005, 11:48 AM
هههههههههههههههه تبين بيتين نوووف البيت الاول الفلوس ماتكفي والبيت الثاني المقاول انحااش مادري وين راخ والله هههههههههههههههههههههههههههههههههههههههه
لا اتغشمر والله خليني اخلص من الامتحانات والبحوث اللي عندي الغثه وان شاء الله ...
( حقوق الطبع محفوظه)
أقشــــر تحياتي.....
نوووف
02-05-2005, 04:41 PM
هههههههههههههههههههههههههههه
ولايهمك ياالاقشر
انت ركز في الامتحانات والمحاورة ملحوق عليها
مع اني متاكدة ان خواطر الشعر ماتغيب عن بالك دقيقه واسالني فيها
لاني ايام الدراسه والامتحانات تزيد عندي الموهبه الشعريه وتلاقيني بس اذاكر شويه واكتب شويه
الله يوفقك ونسمع الاخبار الزينه منك
بانتظارك
ملسونه وعنيده
02-05-2005, 05:09 PM
ههههههههههههههههههههههههههههههههه
الله يوفقك يارب
ويالله يا نوف تبين المحاوره بيني وبينج ابشري بسعدج
ايه صح اقشر
الحقني للرادار بسرعه
نوووف
02-05-2005, 06:38 PM
ههههههههههههههههههههههههههههه ياويلك
آل رادار آل لوووووووووووووووووووووول اللهم لاشماته
ياهلاااااا وغلااااا باغلى انسانه عندي
أرررررررحبى يابعد زولي
وش نوحج اليوم؟؟
انا في انتظار بيت المحاورة الاول منج
ارسلي لاهنتي واسلمي
Nathyaa
02-05-2005, 07:21 PM
يالله اقشر شد حيلك خلينا نثبت الموضوع
MillaN
02-05-2005, 07:28 PM
صح السانك يا اقشر
aqshar
02-05-2005, 11:34 PM
صح بدنك طال عمرك .... يخرب بيتج ملسوونه بسج فضايح عنااد عليج ماراح ادش الرادار ههههههههههههههههههه وان شاء الله اللي فيه الخير يصير ( حقوق الطبع محفوظه)
أقشـــــــر تحياتي....
نوووف
03-05-2005, 04:01 PM
ياهلاااااااااااااااااااااااااااااا بالغالين
يالله حيهم منورينا
>>>>>>>>>>>>>>>>>>> حاطه ايدها على خدها وتقول وينهم الشعرااء
ياشعراااااااااااااااااااا ء
ارحبووووووووووووووووو
محاورة شعريه
وينكم
ملسونه وعنيده
05-05-2005, 05:51 AM
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
نووووووف وربي قاعده اتخيل شكلج وانتي حاطه ايدج على خدج
جنج وحده تبيع ببسطه وتنطر زباين هههههههههههههههههههههههههههههههههههههههههههههههه
اقشر يابو غبار ابشر الرادار وراك وراك هههههههههههههههههههههههههههههههههههههههههههههههه
يالله نوف اسلمي اقصد استلمي :
ألا يانوف متى العين تلقاكم ونرجع ماضي له حنيت
دورج نوف :)
ملسونه وعنيده
05-05-2005, 05:53 AM
الا يانوف متى العين تلقاكم
ونرجع ماضي له حنيت
الشوق والدمعه
05-05-2005, 05:26 PM
هلا وغلا بكل الشعراء
بصراحه ماكنت أدري عن المحاوره الرائعه اللي صايره
وهاذا أن دل على شي فهو تقصير مني ولاكن ظرووف الحياة تجبرنا..
أنا ودي أبدى حامي حامي مع صاحبت الفكر الشعري نووووف
وأقول
ياسلامي سلامن كل ماجيت أبي أرده ..... أذكر أني مخطي في حق خلي من سنين
وبأنتظار ردك غاليتي
الله يعطيكم ألف عافيه
الشوق والدمعه
05-05-2005, 05:39 PM
الصبر طول وعندي واصلن يانوف حده ...... والعوض فيكم عسى ربي يعين الصابرين
نوووف
05-05-2005, 06:26 PM
هلاااااااااااا وغلاااااااااااا
صح السانج
دموعتي الغاليه
ابشري بالرد وياليت يعجبج واعذريني على التاخير
يشهد الله ماتغير بي غلاكم
باقيه دموعتي دامي بقيت
ودمتي سالمه
نوووف
05-05-2005, 06:51 PM
المهلي باااقي
ياهلاا وغلاا
بالغاااااالي
الشوق والدمعه
وهذى والله الساعه المباركه يوم نورت صفحتي يالغالي
تو مازاد نورها لاهنت
وابشر بالرد وعساة يعجبك وسامحنا على القصور
ياهـــلابــــك يالغــلا وأنــــــــا تراني مستعدة
....................................نكسر جبال القوافي والصخر لازم يلين
أبشر بفنجال(شعري)من يدين (ن)لك تمدة
...................................الشـــــــعر نتبادله والشعووور الله يعين
الغالي الشوق والدمعه بانتظار تقيمك وتوجيهاتك وردك
على احر من الجمر
دمت لغاليك
القلب الكبير
06-05-2005, 10:10 AM
هلا وغلا بالغاليه ( ملسونه وعنيده )
والله يكون لي الشرف يالغاليه بمشاركتك بالمحاوره واكيد انك بتفوزين علي انا عارف بس بحاول اجاريك واتمنى ان نستمتع سويا بما تخط ايادينا واترك لكي البدايه
ارجوا معذرتي للفتره الماضيه لتأخري عن المشاركه بس كنت خارج البلاد رحلة عمل ومنك السموحه يالغاليه
وانا في انتظارك وجاهز لك والله يستر
ملسونه وعنيده
07-05-2005, 06:06 AM
مسموحه يا دنيتي
وهذا ردي عليج
ارسلت يا نوف نجمي لسماكم
ودموعي شكت حالي وبكيت
بانتظار ردج يا غلاتي
ملسونه وعنيده
07-05-2005, 06:09 AM
الشوق والدمعه
والقلب الكبير
هلا والله فيكم ياكل الغلا
ولنا الشرف نكون مع بعض بهالموضوع الطيب من طيبه
وانا بانتظار محاورتكم الشريفه والرائعه بروعتكم
ملسونه وعنيده
07-05-2005, 06:11 AM
اخوي القلب الكبير
تفضل هالبيت وانا بانتظار ردك عليه :)
الله عليك يالقلب الكبير &&& الناس سموك به وانت به تسمي
القلب الكبير
08-05-2005, 02:08 PM
ياهلا وغلا بالغاليه العنيده
ارجوا ان استطيع مجاراتك ونستمتع معا وتقبلي فائق احترامي
تفضلي لمشاركتي المتواضعه
ياهلا بلي اهدالي التحيه
وفي قلبي له من الشوق زياده شويه
وباخذ من ورد العطر خلاصته الزكيه
وبنثر ريحها للعنيده الغاليه عليه
وسلامتك
ملسونه وعنيده
09-05-2005, 04:56 AM
صح لسانك يالغالي
ولا هنت وتسلم يمينك
بس المحاوره انك تحط بيت ويكون بنفس القافيه
اذا ماعجبك البيت االلي بديت فيه
لك البيت الاول وانا ارد عليه :)
وانا بالانتظار
القلب الكبير
09-05-2005, 02:03 PM
آآه هو كذا طيب طيب بس بيت واحد مايكفي خليها بيتين احسن وش رأيك
واذا قبلتي اعتبري البيتين الي كتبتهم لك هي البدايه مني لك
تحياتي يالغاليه
القلب الكبير
09-05-2005, 02:03 PM
هلا وغلا بالغاليه العنيده
آآه هو كذا طيب طيب بس بيت واحد مايكفي خليها بيتين احسن وش رأيك
واذا قبلتي اعتبري البيتين الي كتبتهم لك هي البدايه مني لك
تحياتي يالغاليه
نوووف
09-05-2005, 08:13 PM
هلابج زوود دمووعتي
وابشري بالرد ياغلااتي
يعلم الله يوم جيت لمنتداكم
.................................جابني دمووعتي شوقي وجيت
تقبلي تحيااتي بانتظار ردج
نوووف
09-05-2005, 08:23 PM
هلاااااااااا وغلاااااااااا
بصاحب القلب الكبير
القلب الكبير
السااعه المباركه يوم شفنا مشااركتك
وش رايكم ياجماعه نخليها يتين بيتين افضل
بس في شرط اساسي في المحاورة يجب ان تكون قوافيها مماثله لقوافي مرسل اول بيت
مثال:
ياسلامي سلامن كل ماجيت أبي أرده ..... أذكر أني مخطي في حق خلي من سنين
الصبر طول وعندي واصلن يانوف حده ...... والعوض فيكم عسى ربي يعين الصابرين
((الشووق والدمعه))
الرد علي الابياات:
ياهـــلابــــك يالغــلا وأنــــــــا تراني مستعدة
....................................نكسر جبال القوافي والصخر لازم يلين
أبشر بفنجال(شعري)من يدين (ن)لك تمدة
...................................الشـــــــعر نتبادله والشعووور الله يعين
سحــ نجـــــدّيه ـــاايب
تقبلوو تحيااتي ودمتم سالمين
القلب الكبير
09-05-2005, 10:24 PM
هلا وغلا نوووف المغواره
يعطيك العافيه مجهودك في المحاوره واضح وجلي وانا اتفق معاك في الي تشوفينه
الله لايحرمنا منك
ملسونه وعنيده
10-05-2005, 04:39 AM
يعطيكم العافيه
ولي عوده لرد باذن الله
واناموافقه اخوي القلب بالبيت اللي كتبته
وباذن الله برد عليه باجر بالليل
تصبحون على خير
نوووف
10-05-2005, 04:48 AM
المهلي بااقي لاهنت
تسلم الله يطول بعمرك وفي انتظار مشاركتك بالمحاورة مع غلاتي ملسوونه
او اذا حبيت تحاور اكثر من طرف طبعا هذا الشي راجع لك
وياليت تكون بيتين بيتين مثل ماقلت انه يكون افضل والظاهر انه هو الصحيح بيتين ببيتين
تقبلوو تحياتي
نوووف
10-05-2005, 04:50 AM
ياهلا وغلا
ملسوونه
الله يعطيج العافيه
وبانتظار ردج ومشاركتج لاهنتي
وتلقين الخير ان شاءالله
الشوق والدمعه
10-05-2005, 11:27 PM
ياهلا فيكم
شخباركم أن شاء الله بخير
نوووف
أبياتك جزله ورائعه
وأن شاء الله ردي يكون وافي
تسلم يمين(ن) من الشعر لي تمده .... نبحر في المعاني وأمواجه لابد تلين
الشعـرلعيون نووف نكتبه ونعده .... بصدق النوايا والشعور بين قلبين
وسلامتكم
نوووف
11-05-2005, 01:09 AM
هلاااااااااااااوغلاااااااااااا
مراقبنا
الشوق والدمعه
المهلي بااقي
وحنا بخير ولله الحمد والمنه
والروعه عيونك لاهنت
شهادتك اعتز فيها
واستلم الرد
في بحر همس القوافي بين جزرة بين مدة
........................................نرفع شراع السفينه تبحربحــب وحنين
هالمشاعر في سحايب نجد ماهي مستجدة
.......................................العطا طبعي وانا طبعي مثل در(ن) ثمين
وسلااامتك
بانتظار الرد
ومشااركه باقي الاخوان
ملسونه وعنيده
12-05-2005, 07:35 AM
صباح الخير على الجميع
تسلمين نوف حياتي انتي
وسمي هذا الرد فديتج
دنياي مابيها وانا ماني معاكم
بعدكم انا عن حالي سليت
ملسونه وعنيده
12-05-2005, 07:41 AM
صباح الخير عليكم جميعا وعلى القلب الكبير
واسلم هذا الرد فديتك
هليت بي يالقلب احلا تحيه
وبهديك سله من ورد النرجسيه
ليت تعود لنا ايام مضيه
بين ضحكه وسوالف غشمريه
وبانتظر ردك :)
aqshar
12-05-2005, 03:44 PM
السلاااام عليكم بإنتظار الرد من منوو..؟ والله شوفي انا مايحضرني اي شي الحين بس اذا صار في بالي شي الحين بقوله ( لقاافه ) ههههههههههههه
يالله توه جا على بالي .. توك على بالي على بالي محبوبي يال غالي ههههههههههه انا دشيت بإغنيه سوري ..
البيت ... استلم يا اللي وراي
جيتكم كلي حنين والليالي مستبده......
لهفتي تسبق حنيني والمشاعر مستعده.....
يالله اللي وراي عادي ترى اللقافه تمشي بدمي .........
( لسنى الوحيدون ولكن المتميزون)
أقشـــــــــر تحياتي...
ملسونه وعنيده
12-05-2005, 06:49 PM
ههههههههههههههههههههههههههه
صح لسانك والله يا لاقشر
بس ياليت ترد على بيت نووووف
نوووف
13-05-2005, 01:16 AM
الله يصبحج بالرضا والعافيه
يادمووعتي الغالية
المحااورة من بدايتها لتذكير ولعدم تتكرر الكلمات
ألا يانوف متى العين تلقاكم
ونرجع ماضي له حنيت ****دمووع
يشهد الله ماتغير بي غلاكم
باقيه دموعتي دامي بقيت****نوووف
ارسلت يا نوف نجمي لسماكم
ودموعي شكت حالي وبكيت****دمووع
يعلم الله يوم جيت لمنتداكم
جابني دمووعتي شوقي وجيت****نوووف
دنياي مابيها وانا ماني معاكم
بعدكم انا عن حالــــــي سليت****دمووع
=============================================
وهذا ردي
طالت الغربه وقلبي ماسلاكم
يجمع الله شملنا بارض الكويت
اللهم امين
تقبلي تحيااتي
نوووف
13-05-2005, 01:33 AM
اهلين بالغالي
أمير الشعرااء
الاقشر
ياهلااا باللي لفاانا ومن لفاانا مانردة
يبشر بميثاق ود وتسبقه مليون وردة
تقبلو تحيااتي
aqshar
13-05-2005, 01:39 AM
هلااا فيج اكثر نوووف امير الشعراء عاد مره وحده ههههههههههههه خالد الفيصل مو اقشر
ملسونه والله مادري شنو بيت نووف ناسيه ويمكن ماشفته اللي وراي يرد على البيت هذا ...
جيتكم كلي حنين والليالي مستبده......
لهفتي تسبق حنيني والمشاعر مستعده.....
(لسنى الوحيدون ولكن المتميزون)
أقشـــر تحياتي..
نوووف
13-05-2005, 05:43 PM
هلااااا وغلااااااا امير الشعرااء
اقشر
أمير وغصبن على اللي موعاجبه بعد
الظاهر انك نسيت انك امير الشعرااء لانك فزت بالمساابقه وتستاهلها وكفوو عليك والله
وعلى فكرة تراني رديت على بيتك اللي ارسلته انت
بس شكلك مانتبهت له
وهذا هو ردي علي بيتك يالاقشر
ياهلااا باللي لفاانا ومن لفاانا مانردة
يبشر بميثاق ود وتسبقه مليون وردة
تقبل تحيااتي اخوي الاقشر:)
ملسونه وعنيده
13-05-2005, 10:25 PM
نوف سمي هذا الرد على ابيتج
طالت الغربه وقلبي ماسلاكم
يجمع الله شملنا بارض الكويت <<< نووووف
يعلم الله يانوف بغلاكم
وان جيتوا عيوني لكم بيت <<< ملسونه
انتظر ردج
الشوق والدمعه
14-05-2005, 04:01 PM
ياسلامي سلامن كل ماجيت أبي أرده ..... أذكر أني مخطي في حق خلي من سنين
الصبر طول وعندي واصلن يانوف حده ...... والعوض فيكم عسى ربي يعين الصابرين
(((((الشوق والمعه)))))
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياهـــلابــــك يالغــلا وأنــــــــا تراني مستعدة
....................................نكسر جبال القوافي والصخر لازم يلين
أبشر بفنجال(شعري)من يدين (ن)لك تمدة
...................................الشـــــــعر نتبادله والشعووور الله يعين
((((((نووووف)))))
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تسلم يمين(ن) من الشعر لي تمده .... نبحر في المعاني وأمواجه لابد تلين
الشعرلعيون نووف نكتبه ونعده .... بصدق النوايا والشعور بيـن قلبيـن
(((( الشوق والدمعه)))
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في بحر همس القوافي بين جزرة بين مدة
........................................نرفع شراع السفينه تبحربحــب وحنين
هالمشاعر في سحايب نجد ماهي مستجدة
.......................................العطا طبعي وانا طبعي مثل در(ن) ثمين
((((نووووف))))
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وهاذا ردي يانوووف
فاض بحر هاجوسي والبحر محدن يرده ..... وأبحرت السفينه ياعسى ربي يعين
وأقبلت معه السحايب جعل ربي مايلده ..... وابله يحييبه أرض ممحله طول السنين
وسلامتكم
ملسونه وعنيده
15-05-2005, 05:22 AM
الله الله الله على الرد
وينج يا نووووف
نوووف
15-05-2005, 10:03 PM
سم الله عدوج ياقلبي
ملسوونه وابشري بالرد ياغلااتي
تسلم عيونج وانا كلي فداكم
......................جوهرة في ناظري لو مافديت
بانتظارج ياغلااتي
نوووف
15-05-2005, 10:36 PM
الله الله الله
يالشووق والدمعه
طيب طيب
يجيك الرد بس هالمرة فيها مشاكسه يعني طول بالك وتحملنى
تسونامي صار هاجوسك ولاشي (ن) يردة
..................................................مير جعل الله يرفق بالعبـــاد المسلمين
أنتبه لايجرفك سيل السحـــايب وأنت ضدة
.................................................تبرق وترعد سحايب كل وقت وكل حين
بانتظار الرد::)
@هباش@
17-05-2005, 03:42 AM
السلام عليهم جميعن هباش يصبحكم بالخير
نوووف
17-05-2005, 04:11 AM
ياهلااااااااااااااا وغلااااااااااااااااا
بالغلاااااااااااااااااااااا
هبااش
الله يصبحك بالرضا والعافيه ياخوي
منورنا لاهنت
تقبل تحياات اختك نوووف
ملسونه وعنيده
17-05-2005, 09:28 AM
يانوف لوسليتونا قلبنا ماسلاكم
يوم عن يوم بسما حبكم اعتليت
حياك الله هباش
منورنا يالغالي
وبانتظار ابداعاتك
انا بانتظار الرد نوووف
زمن قاسي
17-05-2005, 09:49 AM
شي جميل
شكرا اختي علا الموضوع الحلو
نوووف
17-05-2005, 07:55 PM
هلااااااااااا وغلاااااااااااا
زمن قاسي
نور وجودك صفحتي
وزادها تألق واشرااق
اتمنى انك ماتبخل علينا بمشاركتك اخوانك وخواتك لاهنت
حتى لو بالتواصل والتشجيع
بانتظارك
الشوق والدمعه
19-05-2005, 02:45 PM
ياسلامي سلامن كل ماجيت أبي أرده ..... أذكر أني مخطي في حق خلي من سنين
الصبر طول وعندي واصلن يانوف حده ...... والعوض فيكم عسى ربي يعين الصابرين
(((((الشوق والمعه)))))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
ياهـــلابــــك يالغــلا وأنــــــــا تراني مستعدة
....................................نكسر جبال القوافي والصخر لازم يلين
أبشر بفنجال(شعري)من يدين (ن)لك تمدة
...................................الشـــــــعر نتبادله والشعووور الله يعين
((((((نووووف)))))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
تسلم يمين(ن) من الشعر لي تمده .... نبحر في المعاني وأمواجه لابد تلين
الشعرلعيون نووف نكتبه ونعده .... بصدق النوايا والشعور بيـن قلبيـن
(((( الشوق والدمعه)))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
في بحر همس القوافي بين جزرة بين مدة
........................................نرفع شراع السفينه تبحربحــب وحنين
هالمشاعر في سحايب نجد ماهي مستجدة
.......................................العطا طبعي وانا طبعي مثل در(ن) ثمين
((((نووووف))))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
وهاذا ردي يانوووف
فاض بحر هاجوسي والبحر محدن يرده ..... وأبحرت فيه السفينه ياعسى ربي يعين
وأقبلت معه السحايب جعل ربي مايلده ..... وابله يحييبه أرض ممحله طول
السنين
(((((الشوق والدمعه)))))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
تسونامي صار هاجوسك ولاشي (ن) يردة
.................................................. مير جعل الله يرفق بالعبـــاد المسلمين
أنتبه لايجرفك سيل السحـــايب وأنت ضدة
.................................................ت برق وترعد سحايب كل وقت وكل حين
((((نووووف)))))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
وهاذا ردي يانووووووووف
أنت سيف(ن) ياحبيبي مايضر الناس حده...... لوتشيله في اليسار ولوتشيله في اليمين
والمقنع لو يطيح قناع وجه من مشده ...... مايسره لوفزعله من العالم عوين
مسك شمر
19-05-2005, 04:11 PM
مرحبا بعد غيبه طويله عنكم رجعت لكم ... واحب اشارك في الابيات هذي واتمنى انها تعجبكم ...
فاح ريح المسك مع هبوب الشمال ....... مسك شمر بعد غيبه زانت ريحته
تقبلوا تحياتي اخوكم \ مسك شمر
ارجو ان تفهمو البيت عدل ومحد راح يفهم البيت الا الشاعر فقط
نوووف
19-05-2005, 09:51 PM
ههههههههههههههههههههههههههه الله الله الله
روووعه وربي ياخوي الشوق والدمعه
ويشرفني اني اتحاور مع جزل مثلك
طيب طيب
أستلم الرد
ماعلي هام السحاايب من عباد(ن) مستبدة
.........................................................لا أمطرت خير(ن) عظيم وشوفها يبري الحزين
من قبل شط الخليج لين شاطي بحر جده
....................................................... يتبع برووق السحااايب كــل ماقامت تبــين
تقبل تحيااتي
بانتظارك
نوووف
19-05-2005, 10:10 PM
مرحبا بعد غيبه طويله عنكم رجعت لكم ... واحب اشارك في الابيات هذي واتمنى انها تعجبكم ...
فاح ريح المسك مع هبوب الشمال ....... مسك شمر بعد غيبه زانت ريحته
تقبلوا تحياتي اخوكم \ مسك شمر
ارجو ان تفهمو البيت عدل ومحد راح يفهم البيت الا الشاعر فقط
=====================================================================================
ياهلا وغلا
أخوانا الغالي
مسك شمّر
نورتنا بطلتك
واتمنى لك طيب الاقاامه بين اخوانك وخواتك
أسعدني بيتك واتمنى اني فهمته صح
لاتحرمنا من جديدك وملاحظاتك ونقدك ومشاركتك لنا
وكل مايجي من الطيب طيب لاهنت
بانتظارك
الشوق والدمعه
20-05-2005, 12:01 AM
ياسلامي سلامن كل ماجيت أبي أرده ..... أذكر أني مخطي في حق خلي من سنين
الصبر طول وعندي واصلن يانوف حده ...... والعوض فيكم عسى ربي يعين الصابرين
(((((الشوق والمعه)))))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
ياهـــلابــــك يالغــلا وأنــــــــا تراني مستعدة
....................................نكسر جبال القوافي والصخر لازم يلين
أبشر بفنجال(شعري)من يدين (ن)لك تمدة
...................................الشـــــــعر نتبادله والشعووور الله يعين
((((((نووووف)))))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
تسلم يمين(ن) من الشعر لي تمده .... نبحر في المعاني وأمواجه لابد تلين
الشعرلعيون نووف نكتبه ونعده .... بصدق النوايا والشعور بيـن قلبيـن
(((( الشوق والدمعه)))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
في بحر همس القوافي بين جزرة بين مدة
........................................نرفع شراع السفينه تبحربحــب وحنين
هالمشاعر في سحايب نجد ماهي مستجدة
.......................................العطا طبعي وانا طبعي مثل در(ن) ثمين
((((نووووف))))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
وهاذا ردي يانوووف
فاض بحر هاجوسي والبحر محدن يرده ..... وأبحرت فيه السفينه ياعسى ربي يعين
وأقبلت معه السحايب جعل ربي مايلده ..... وابله يحييبه أرض ممحله طول
السنين
(((((الشوق والدمعه)))))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
تسونامي صار هاجوسك ولاشي (ن) يردة
.................................................. مير جعل الله يرفق بالعبـــاد المسلمين
أنتبه لايجرفك سيل السحـــايب وأنت ضدة
.................................................ت برق وترعد سحايب كل وقت وكل حين
((((نووووف)))))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
وهاذا ردي يانووووووووف
أنت سيف(ن) ياحبيبي مايضر الناس حده...... لوتشيله في اليسار ولوتشيله في اليمين
والمقنع لو يطيح قناع وجه من مشده ...... مايسره لوفزعله من العالم عوين
((((الشوق والدمعه)))))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
ماعلي هام السحاايب من عباد(ن) مستبدة
.................................................. .......لا أمطرت خير(ن) عظيم وشوفها يبري الحزين
من قبل شط الخليج لين شاطي بحر جده
.................................................. ..... يتبع برووق السحااايب كــل ماقامت تبــين
((((نووووف))))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
وأبشري بالرد يانوووووف
راح حلم الليل يانايم بعد فرقى المخده ..... أضحكي وتبسمي ترى ماحب تكشرين
والله أنك ياسحايب نجد ماصارلك مده ..... تبرقين وترعدين ولاش سيل(ن) في بطين
وسلامتكم
اسف للمقاطعه
-
طرت على بالي ابيات اتمنى ان تعجبكم
-
المسا الوردي سحرني والعيون الظالمة ............... للهوى خيل تدك جبال صبري من حورها
لك مغاتير الغلا والشوق وانتي عــالمـة................لك نوارس ساحلي والدر في غبة بحـرها
ملسونه وعنيده
20-05-2005, 07:23 PM
ماشاء الله عليكم
منورين المحاوره
انا بانتظار
مشاركات الجميع
نوووف
21-05-2005, 12:42 AM
ياهلا بالشووق والدمعه وصح الساانك
واستلم الرد
استلم وبل السحايب كان قاوي وفيك شدّة
.............................................ماحصرناها يادمعــــــــــــــه بين جيم وبين سين
وانشد الصقار لامن شاف طيرة في مهدّة
.............................................وش شعورك لا حظا طيرك على صيد(ن) ثمين
وسلاامتك وبانتظارك لاهنت
نوووف
21-05-2005, 01:06 AM
المسا الوردي سحرني والعيون الظالمة ............... للهوى خيل تدك جبال صبري من حورها
لك مغاتير الغلا والشوق وانتي عــالمـة................لك نوارس ساحلي والدر في غبة بحـرها
صح السااانك
رووولز
لاهنت
بالعكس لامقاطعنا ولا شي
وحنا نبي الكل يشاركنا ويتحفنا بما عندة
سؤال يارولز
الابيات لك والا منقووله
شاكرة لك مرورك وتواصلك
دمت بود
نوووف
21-05-2005, 01:12 AM
ياهلااااااااااااااااا وغلااااااااااااااااااا
بغلااااتي
ملسوونه
اررررحبي
ياقلبي
شاكرة
لج
مروروج
وبعدين
ترى
فقدناج
وحشتينا
بانتظاار
مشاركاتج
دمتي
في
قلبي
الشوق والدمعه
22-05-2005, 01:49 AM
استلم وبل السحايب كان قاوي وفيك شدّة
.............................................ماحصر ناها يادمعــــــــــــــه بين جيم وبين سين
وانشد الصقار لامن شاف طيرة في مهدّة
.............................................وش شعورك لا حظا طيرك على صيد(ن) ثمين
((((نووووف)))))
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صح بدنك يانووووف
وأبشري بالرد اللي يجمد على الشارب
مثل ماعند السحايب جاك حده جاك رده ..... وش رايك تترك الموجه وتطلع طقتين
لويصيد الحر الأشقر يعتبر مخلوف كده ...... وكانه أفلس من هداده نحتسيه بطلقتين
وسلامتكم
وبأنتظار ردك ((نوووووف)))
نوووف
22-05-2005, 09:51 PM
ياهلا بالجزااله وياهلا بالرد:)
ذكرتني في بيت خلف بن هذال ايام الغزو العراقي على الكويت
مايحضرني البيت كامل وماأذكر منه الا هذا الشطر
طلقتن في راس حنا وطلقه في علاا
وهذا ردي عليك
زانت بيوت التحاور من جزااله من يردّة
.....................................................و(جاك حدة جاك ردة)في التحاور شي زين
البلااا لامن رميت القاف بوجيه(ن)مصدّة
...................................................ماعرف منهو محمد ولا عرف منهـــــو حسين
وسلاامتكم
الشوق والدمعه
01-06-2005, 05:09 AM
استلم وبل السحايب كان قاوي وفيك شدّة
.............................................ماحصر ناها يادمعــــــــــــــه بين جيم وبين سين
وانشد الصقار لامن شاف طيرة في مهدّة
.............................................وش شعورك لا حظا طيرك على صيد(ن) ثمين
((((نووووف)))))
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مثل ماعند السحايب جاك حده جاك رده ..... وش رايك تترك الموجه وتطلع طقتين
لويصيد الحر الأشقر يعتبر مخلوف كده ...... وكانه أفلس من هداده نحتسيه بطلقتين
((( الشوق والدمعه)))
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
زانت بيوت التحاور من جزااله من يردّة
.................................................. ...و(جاك حدة جاك ردة)في التحاور شي زين
البلااا لامن رميت القاف بوجيه(ن)مصدّة
.................................................. .ماعرف منهو محمد ولا عرف منهـــــو حسين
((((نووووف)))
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هههههههههههه
صح لسانك يانووف
واستلمي الرد....
البيوت المبهمه والمغلقه للي نوده ..... والتحاور مايصح الا لمن قلبه فطين
ياسحايب لو يطول العمر وتطول الموده .... محتمي قسمي ليا جات مدات اليدين
((( الشوق والدمعه)))
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وسلاااااامتكم
تاج المراجل
11-06-2005, 04:23 PM
يعطيج العافيه يا نوووووووووووف على الابيات الطيبة وصراحتا انا اول مره القى قبول لفن المحاوره بالعنصر النسائي والشي هذا يدعونا للفخر فيج وبأمثالج يا نوف لأن التراث هذا بحاجه من يهتم فيه وانا اشوف ان بعض الشباب يجهل هذه الاصاله علما اني من عشاق المحاوره واتلهف على حضوووووووووورها بالمناسبات والأفراح خصوصا بالكويت
وشكراااااااااااااااا.......................
علي المحضي
13-06-2005, 03:03 PM
اتمنى ان نكون عند حسن الظن
وان تسمحون لنا بالمشاركه معكم
من جنوب الديره اللي يسعد الزاير نظرها=جيت كلي ود والمقصد نزيد اهل القوافي
يوم اهل نجد ابتدوها قلت ندخل في بحرها=والمعاني ماتوالف غير بقلوب نظافي
جميع الحقوق محفوظة لـ الشبكة الكويتية