بنت السويدي
25-04-2005, 09:02 PM
بغيت اطرح عليكم مشكله الي وايد انشوفها في هاي الايام
الي هي :
انه الواحد يوم يحاوط ويحصل ربيعه بعد يحاوط في السياره
يلسون يسولفون عبر الدريشه (الشباك)وياخذون نص الشارع ويوم تدق له هرن عسب يخوز ياشر لك عسب تلف الصوب الثاني
يعني افهم بروحك انا مابخوز
ترى الشارع ملك ابويه !!!!!!!!
وطبعا من موضوع لين موضوع من سالفه لين سالفه
ومب مفتكرين بانه هذا شارع عام وهم مسوين زحمه
ولو شافهم واحد ثالث دار وياهم
واحلّوت السوالف ..وكل واحد موايق من دريشه موتره ..!!
واللي حاط بين ريوله كوره وواقف ويا ربيعه نص الشارع وربيعه مطلع راسه من الموتر
واللي يوقّف الموتر تقول شارع ابوه ولو ضربت له هرن يتم يطالع وكانك مرتكب جريمه
ويحسسونك بانك غلطان !!!!!!
ولا والساعه 4 العصر محد يطلع
اغلب وقت لطلعه شباب اللي اظنيه مايرقدون مول ماشاء الله عليهم
ولاتفكر تروح الدكان في هالحزه لانك مابتحصل مكان توقف
والمغرب بعد
يردون من الملعب الحبايب وواقفين عند الدكان وماخذين الشارع كلللللللله ودق سوالف عن المباراه !!!!!!!
عاد المبتلش اللي بيخطف هاك الشارع في هالحزه لازم يتصرف بروحه ويشوف له صرفه ويطلع من هالزحمه المروريه
ولو شافو حرمه تبى تطوف كل واحد فج حلجه ووده يضحك وبينه وبين نفسه يقول شوفوا الحرمه ماتعرف تسوق وتعبر ...
وصدقوني ياما ناس تعطلوا في حالات طارئة
سبة هالحركة البايخة
إللي ما فيها ذوق ولا حشمة للناس
مرات يسوون عمارهم أبطال
والواحد ينفخ نفسه إذا ييت ورمسته
ويقولك : يا أخي الشارع واسع
أو يقول : الشارع مب ملك أبوك
وتحصله مسوي عمره طرزان
ولو عنده شبح و إلا بي أم و مخفي
وخر عنه ولا تكلمه
بس . . . تيي دورية وينزل الشرطي عشان يكلمه
تحصلونه. . . مثل الفار منخش فالسيارة
و يرمس بكل احترام ويحلف مليون يمين : إنه مب قاصد
وأخر مرة . . . وبيبوس ريل الشرطي عشان يسامحه
ياأخي ليش . . . مالأول خلك محترم
حس على دمك . . . راعي مشاعر الناس
يعني لازم تنهزب وتتبهدل بسبة هالحركة
وقت اللسواقه سواقه وقت السوالف سوالف ياجماعه الخير ....
النبي صلى الله عليه وسلم نهانا عن هذه التصرفات في حديث
(إياكم والجلوس في الطرقات.... الخ ).
واخر شي بغيت رايكم وهل انتم اتشوفون هاي الظاهرة ولا لا ؟؟ وشو رايك فيها بكل صراحه وصدق ؟؟؟؟
ننتظر اراء الشباب والبنات ..
رافقتكم السلامه وين ماكنتوا
الي هي :
انه الواحد يوم يحاوط ويحصل ربيعه بعد يحاوط في السياره
يلسون يسولفون عبر الدريشه (الشباك)وياخذون نص الشارع ويوم تدق له هرن عسب يخوز ياشر لك عسب تلف الصوب الثاني
يعني افهم بروحك انا مابخوز
ترى الشارع ملك ابويه !!!!!!!!
وطبعا من موضوع لين موضوع من سالفه لين سالفه
ومب مفتكرين بانه هذا شارع عام وهم مسوين زحمه
ولو شافهم واحد ثالث دار وياهم
واحلّوت السوالف ..وكل واحد موايق من دريشه موتره ..!!
واللي حاط بين ريوله كوره وواقف ويا ربيعه نص الشارع وربيعه مطلع راسه من الموتر
واللي يوقّف الموتر تقول شارع ابوه ولو ضربت له هرن يتم يطالع وكانك مرتكب جريمه
ويحسسونك بانك غلطان !!!!!!
ولا والساعه 4 العصر محد يطلع
اغلب وقت لطلعه شباب اللي اظنيه مايرقدون مول ماشاء الله عليهم
ولاتفكر تروح الدكان في هالحزه لانك مابتحصل مكان توقف
والمغرب بعد
يردون من الملعب الحبايب وواقفين عند الدكان وماخذين الشارع كلللللللله ودق سوالف عن المباراه !!!!!!!
عاد المبتلش اللي بيخطف هاك الشارع في هالحزه لازم يتصرف بروحه ويشوف له صرفه ويطلع من هالزحمه المروريه
ولو شافو حرمه تبى تطوف كل واحد فج حلجه ووده يضحك وبينه وبين نفسه يقول شوفوا الحرمه ماتعرف تسوق وتعبر ...
وصدقوني ياما ناس تعطلوا في حالات طارئة
سبة هالحركة البايخة
إللي ما فيها ذوق ولا حشمة للناس
مرات يسوون عمارهم أبطال
والواحد ينفخ نفسه إذا ييت ورمسته
ويقولك : يا أخي الشارع واسع
أو يقول : الشارع مب ملك أبوك
وتحصله مسوي عمره طرزان
ولو عنده شبح و إلا بي أم و مخفي
وخر عنه ولا تكلمه
بس . . . تيي دورية وينزل الشرطي عشان يكلمه
تحصلونه. . . مثل الفار منخش فالسيارة
و يرمس بكل احترام ويحلف مليون يمين : إنه مب قاصد
وأخر مرة . . . وبيبوس ريل الشرطي عشان يسامحه
ياأخي ليش . . . مالأول خلك محترم
حس على دمك . . . راعي مشاعر الناس
يعني لازم تنهزب وتتبهدل بسبة هالحركة
وقت اللسواقه سواقه وقت السوالف سوالف ياجماعه الخير ....
النبي صلى الله عليه وسلم نهانا عن هذه التصرفات في حديث
(إياكم والجلوس في الطرقات.... الخ ).
واخر شي بغيت رايكم وهل انتم اتشوفون هاي الظاهرة ولا لا ؟؟ وشو رايك فيها بكل صراحه وصدق ؟؟؟؟
ننتظر اراء الشباب والبنات ..
رافقتكم السلامه وين ماكنتوا