الكويت تقرض دول العالم 750 قرض .. والشعب ماله حظ ليش ؟؟؟

[OK]

السلام عليكم ورحمة الله وبركاته




قامت دوله الكويت مؤخرا بعمل حسبه لمعرفه
ماقيمه القروض التي منحتها لدول العالم فكانت الحسبه كالاتي :

العراق 22 مليون

مصر مليار و252 مليون دولار

الاردن 443 مليون

سوريه مليار و82 مليون دولار

تونس 444 مليون

اليمن 236 مليون

السودان 363 مليون

المغرب مليار و 43 مليون

كان هذه فقط على مستوى الدول العربيه
حيث كان مجموع هذه القروض للدول العربيه فقط هو 7 مليار

نأتي لباقي الدول ولنبدأ بالدول الافريقيه
حيث بلغ مجموع القروض الممنوحه للدول الافريقيه
ملياران و182 مليون موزعه كالاتي:

السنغال 264 مليون

تنزانيا174 مليون

اثيوبيا74 مليون

زيمبابوي 58 مليون

اما قاره اسيا فقد كان مجموع القروض الممنوحه ملياران و 560 مليون دولار
موزعه كالاتي:

الصين 743 مليون

بنغلادش 424 مليون

الهند 279 مليون

اندونيسيا 190 مليون

اما دول امريكا اللاتينيه الي اهي
امريكا الجنوبيه

ودول البحر الكاريبي
فكان المجموع 315 مليون دولار
موزعه كالاتي :

الارجنتين 36 مليون

هندوراس 86 مليون

جامايكا 32 مليون

ولاننسى دول وسط اسيا اوروبا

حيث كان نصيب اوزباكستان
41 مليون

تركيا362 مليون

قبرص 83 مليون

الاحصائيه الي فوق من جريده الوطن
بتاريخ 12نوفمبر 2006
.
.
باقي الموضوع اجتهاد
شخصي مني
طبعا هذه كلها قروض من الكويت الى دول العالم
وتسدد حسب ما اتفقت دوله الكويت مع هذه الدول على طريقه سدادها
وطبعا تمتد فتره السداد لحين ميسره
يعني اذا الله اراد واغتنت الدول المقترضه
عليهم بالعافيه
وبعدين هذه سياسه دولتنا
ودولتنا تعرف شلون تتصرف بالامور الخارجيه
حسب ماتقتضيه مصلحه البلد

من ناحيه ثانيه
هذه الشي يفيد سمعه دوله
الكويت سياسيا

ومدام الكويت تقرض دول العالم
هذه معناته ان خير الكويت يكفي دول العالم ويزيد ,,
يعني اذا كانت الكويت بحر
وخير الكويت سمك
فخير الكويت من كثره يطفح فوق البحر اكوام اكوام
... ويفيض على البر بعد ,,,
الله يزيده والحمد لله على خير ديرتنا
بس الي محيرني ...
اذا احنه خير ديرتنا وايد وعندنا خير يترس الكره الارضيه ويفيض للقمر
ليش الدوله ماكانت قادره اتحل مشكله الماي والكهرباء
وليش ما تسوى مشاريع استثماريه
اتقوي اقتصاد البلد اكثر
او تسوي اماكن سياحيه مثل دبي

واذا الدوله محتاره فى هالفلوس
وموعارفه شتسوي
ترى الاقربون اولى بالمعروف جزاكم الله خير
شعب الديره محتاج خيرها
يمكن هذه الدول الاقرضتوها راح اتسدد
انشالله قريب ...!!

بس الشعب ....؟

شيسوي..... ؟؟؟

مو هم الشعب محتاج

ولاتقولون الشعب عنده خير

دشو الجمعيات وشوفوا الاسعار
وين وصلت وقارنوها بالاسعار قبل كم سنه
وشوفوا الفرق

كل مالحكومه قالت بنزيد المعاش
قبلها اب سنه ترتفع الاسعار

ولا شقه غرفتين وصاله وحمام ومطبخ
سعرها 300
ليييييييييييش ..؟؟؟؟

وبعدين الناس الي اتقول لا اتطيحون القروض
ليش يعني عشان الله منعم عليك
وعندك خير ومنت محتاج
حاسد الفقير على خير الحكومه
انت عندك خير والله منعم عليك
والله يزيدك انشاله
ليييييش حاسدنا على اسقاط القروض
وتقول ظلم

انزين قروض العراق ,, وفلسطين
ومادري جزر تورا بورا واهل التنبورا
اطيح عليهم
وعليهم حلالن زلالن
وحنه لا
هذا مو ظلم

وغير جذي شنو الي خلى الشعب يطالب ان القروض اطيح

مع انا كان الموضوع عادي ولا عمرنا تكلمنا فيه وناخذ قروض ونسدد

ونرد ناخذ ونسدد بس كنا مرتاحين اب قروضنا
مو الحين
تاخذ قرض
وتعمل حسابك ان والله القرض يخصمون هالكثر
ويبقى هالكثر
اي زين نعمه

وفجأه ونت اتسدد يصدر قرار عجيب
يتم رفع فائده القروض
وحنا انطالع وكل واحد ماخذته البوها
الحين المعاش انقول 500
قسط القرض 150
مره وحده وبقدره قادر
تتحول من 150
الى 300

يعني ياللي ماخذ قرض
وعامل حسابه على مصرف حق البيت وباجي شغلاتك

مو راح اقول
انب ....

لا خلينا مؤدبين احسن

خلينا انقوله

اكل فشقي

وطق اصبع

واضرب حنايج

والمعنى مفهوم على ما افتكر

في ناس حرام يطيحون القروض عليهم
بس في ناس وايد
ماخذوا هالقروض الا للضروره القصوى


خل يعطون دول العالم

مو اشكال

بس لا تنسونا

ترى احنه اهل الديره

مو قاعدين جم سنه وبنمشي

طيحوا القروض على الشعب

ولا خلوا نسبه الفوائد نفس قبل
وخفضوا الاقساط علينا

وراقبوا اسعار الجمعيات والمحلات

ارحموا الشعب
الله يرحمكم دنيا واخره
بارك الله فيكم
والله المستعان

ســـــــــــــــــــــلام

[واحد]

بالنسبه الى الكويت وقروضها لدول العالم


انا اعتقد انه هذي مصالح سياسيه


وشي جميل وبادره طيبه من الكويت بما انها دوله غنيه

تساعد الدول الفقيره سواء عربيه او غير ذالك



اما بالنسبه لقروض الشعب

انا مع اسقاط القروض

بس مافيها انصاف

للشخص الي ماعنده ولا قرض ،

او للشخض الي خلص قرضه وقيمة قرضه 40 الف دينا ،

مو معنى كلامي هذا انه ماعندي قرض لا والله عندي قرض وماعندي دخل ثاني بعد
يعني على طرق المعاش

بس نتكلم بالحق والانصاف



انا عندي حل احسن


يا يطيحون الفوائد بس ، والي خلص من الفايده ،

يطيح من قيمة القرض نسبة الفائده



اول يجمعون مديونيه القروض ويقسمونها على كل موظف فقط


واذا شدو حليهم الاعضاء ويطحوا القروض زين على زين



وشكرآآ

[Nathyaa]

اوكي عورت قلبي


تعرف المثل اللي يقول

حمار الجت ينقله ولا يذوقه


احنا مو ضد مساعدة الغير

بس هم الشعب له حق وهو اولى بامواله

بس مافيها انصاف

للشخص الي ماعنده ولا قرض ،


انا اقترح يعطون كل رب اسره مبلغ معين ومتساوي لكي يحل مشاكله الماليه


علشان يصير فيها انصاف

الف شكر للطرح الجرئ يالملك

[ابو فارج]

اه يا اخواني عورتوا لي قلبي

انتم مصدقين حنا كشعوب شايفين شيء من هذه القروض والمنح؟؟؟!! للاسف بعض الساسة وموظفين الدول يلهفون هذه الاموال بحجة عطاءات وخرابيط ، وبالتالي الشعب يتحمل تبعات هذه القروض واللي مفروض أن الشعب يتنعم بخير هذه القروض، لكن للاسف الشعب قاعد ينقرد بهذه القروض، وأصحاب الكروش هم المستفيدون الوحيدون من هذه الصفقات وكل يوم نسمع عن وزير مختلس ونائب لص ورجل من أعيان البلد هبش له هبشة زينة.. وكذا الحال عندكم في الكويت، هناك من يلهف ويعتاش على هذه المنح، والشعب بكل اسف اقولها "بالطقاق". خلوها على الله..رحمة الله ابرك واحسن من كل هالمال اللي جاب لنا امراض العصر.

دمتم بخير

[ابو فارج]

وانتم ايش رأيكم؟؟؟

[Nathyaa]

بوفارج

احنا مو ضد مساعدة الغير

بالعكس

الكويت معروفه من الازل ديرة خير

والكويت من الدول المساعده

وهذا الشي نفخر فيه

بس في نقطه

وهي

اهمال الداخل وبناء الخارج

لابد من العدل والمساواه

نعطي غيرنا بس ماننسا انفسنا

[OK]

كل الشكر لكل من شارك وعلق على الموضوع

وأنا أتفق مع كلام Nathyaa بوجوب وجود المساواة بين الداخل والخارج

ملاحظه : إجمالى قروض الشعب هى مليارين ومئتين مليون دينار كويتى

وعدد المقترضين يفوق 90 %

[ابو فارج]

اتفق معاج نثية كلامج عدل ما عليه غبار..لابد لأهل البيت أن يستفيدوا من المال وما فاض يذهب للخارج..لكن بأمانة وتجرد، نحن كشعوب لا نرى شيئا من هذه المساعدات.. هي لا تدخل جيوبنا كاش موني. بل هي تضاف الى اجمالي قروض الدولة، واللي اذا توهقت تقوم برفع الاسعار، والغلابى اللي مثلنا هم من يدفع الثمن، لأن الحياة تزداد صعوبتها وتغلى الاسعار، حتى تتمكن الدولة من جدولة قروضها وتسديد الاقساط المستحقة عليها.. هذا هو اللي قصدته. يعني الفقراء يسدون من قوت يومهم اللي موكافيهم، والاغنياء يلهفون هذه الاموال على عطاءات وخرابيط.

اتمنى أن أكون قد وفقت اعزائي في نقل الصورة :)

دمتم بخير

[نجمه بحار]

شكرا اوكى للطرح اللى يعور القلب بس بزيدك من الشعر بيت ان فى قرارات يديده لفرض الضرائب يعنى الكل ملاحظ ان فى الكويت الفقير والغنى نفس السياره فشلون يفرقون ويخلقون طبقيه قالوا اذا تبى تشترى سياره من اللى اياهم عليها ضريبه واذا تبى تاكل بمطعم غالى فى ضريبه يعنى على الكماليات مو الاساسيات علشان هالاماكن والسيارات لها اصحابها مو اى ناس

مو لازم ادشها ههههه

ودمتم

[ابو فارج]

عفية نجمة بحار واثني على كلامج انه ما دام توفرت الاساسيات للفقير في الكويت من أكل وشرب ونقل ومصروف يكفيه آخر الشهر، فهذه اتم نعمة ،،،مو مفروض موبايل آخر موديل بكاميرتين والا بثلاث كاميرات، ثوب سعره فوق 50 دينار وعطر 100 دينار ومطاعم ورزة على الفاضي..

دام انك تقدر تشترى أكل من الجمعية وسوق الخضار، مافي داعي للبهوقة امام الناس، وللاسف في كثير من الناس ما تعرف تدير مصاريفها المنزلية وبالتالي يكلف نفسه مبالغ فوق اللازم بينما لو عمل حسبة بسيطة، ولم يكلف نفسه فوق طاقتها لكان عاش افضل عيشة، ومو لازم يشوف غيره كيف عايش، حتى لو كان غني.. والمثل يقول على قد لحافك مد رجليك واحمد الله على النعمة اللي انت فيها واذا قدرت انك ترفع من مستوى معيشتك بكفاحك فهنيئا لك وان لم تستطع ، فعلى قد لحافك مد رجليك واحمد الله. الدنيا بقليلها وكثيرها فاني.

وآسف للاطالة..

[OK]

كل الشكر لكم على التعليق والإضافه

المشكله يا أخوانى ليس الفقر والغنى المقصود من الطرح ان الدوله من اغنى الدول

ولايوجد بها عجز مادى والحمدلله وتقوم بإقراض الدول مبالغ ضخمه وبعد فتره تقوم

بإسقاط جزء منها أفليس من الأجدر ان تكون هناك مساواة بين الداخل والخارج

وتبادر بإسقاط القروض عن الشعب وبناء الكويت من جديد كما حدث بعد الغزو الغاشم

وبالختام اكرر شكرى لكل من قام بمناقشة الموضوع

[بوقتادة]

بصراحة الموضوع اكثر من طيب ... وللاسف احنا بالكويت .. حاسدين الواحد على موتت االيمعة مثل مايقولون .... يعني سالفة القروض .. الفايدة بالاحرى الربا ذبحنااا ... الناس مضطرة الحياة صارت صعبة ... وفي ناس عندها خير من الله عز وجل .... انزين واللي ماعنده الا طرق المعاش شسوي ... المشكلة الحكومة علبالها ان كل الناس بالكويت عندها رزريز .. والله يعني حتى الحلال اللي اهو الزواج ارتفع سعرة ... الناس قامت الدور الرخص من شرق اسيا وسوريا .... بناتنا عنسوو ... وزادت الامراض .. ماقمنا نعرف الكويتي من الفلبيني ... والله يااخوان سالفة القروض مهمة جدا ... لما تكلموا عن القروض تعذرو مال الجيل القادم .... ابي اعرف هالجيل القادم متى راح ينولد ؟؟؟؟

مثل المهدي ناطرينه ايي عشان يعدل بين العباد .. :) ... لاحول ولا قوة الا بالله ..

الحياة والله صارت صعبه .... مانقول الا الحمدلله

وشكرا على الموضوع

[Nathyaa]

انا بعرف شي واحد


ليش الحكومه رافضه تطيح القروض ؟؟

المعيشه صارت صعبه وغاليه بالكويت

شوفي نجمه


الكويت مافيها واحد فقير

وانا اتحدى اي كويتي فقير

بس احنا عشنا على طريقه معينه والكماليات عندنا اصبحت من الاساسيات

جذي تربينا وجذي عودونا حكامنا السابقين

عايشين بخير

بس اللي يقهر الواحد

اذا طلبنا اي شي من الحكومه قالت الميزانيه ضعيفه وهذي للاجيال القادمه

وبنفس الوقت قاعدين نشوف المليارات تذهب الى الخارج

هذا غير

السرقات والبوقات


اما بالنسبه للضرائب فهي موجوده بس بطريقه ثانيه


يسمونها خدمه الحين


روحي لمطعم وطلبي لج اكل


يطلع الحساب مثلا 10 دنانير

وبنهاية الفاتورة مكتوب 10 % خدمه

[OK]

كل الشكر لكم على المرور والمشاركه ولكن لى تعقيب على كلام الاخت نثيه بخصوص عدم وجود فقير لا يوجد فقراء ولكن عفة النفس تمنعهم من الظهور للعلن والطلب منهم ولكنهم قله لذلك لا نحس بوجودهم ..

ما نقول غير الله يستر وكل شي بيبين تاريخ 27 الجارى ..