تسجيل الدخول

مشاهدة النسخة كاملة : نبع الحنان


مسك شمر
05-04-2005, 06:31 PM
هذه القصيده من قصائدي ...... نبع الحنان .....

الام نبع الحنان وكلها رقه = جنّة مشاعر ويا محلا مشاعرها
الام ما مثلها ما بين خلق الله = نظرة محبه ونظرة عطف ناظرها
الله فرض حبها واجب نراعيها = ولا نكدر صفا بالوقت خاطرها
أمي لها بالمحبه حب ما ينعد = ياكبر حب أمي وبالقلب ما أكبرها
لا طحت صاحت عسى ما شر ياوليدي = وتشيلني حب وآلامي تبعثرها
مهما تقدمت في عمري تحسسني = لا زلت بعيونها باقي صغيرّها
أمي ياحضن الدفا ما مثلها أمي = يا أجمل قصيده كتبها فيك شاعرها
أذكر وأنا طفل حضن أمي يلملمني = أنام متمسكٍ بأيدي ظفايرها
تسهر على شاني ولا ترقد بليله = ولا أشتكت يوم من شاني مسهرّها
كلي فدا عيونها بالسمع والطاعه = رجلي على شانها بالنار أسيرّها
ولا تشعر اليوم في ضيقة ولا لوعه = ما يملي الدمع من بعدي محاجرها
أبرها بالحياة ولا أزعلها = أبقى العطوف الحنون ولا أكدرها
كل السنين بتعبها يوم ربتني = أعيضها بالحياة ولا تحسرّها
الغاليه كل ماتطلب ألبيها = روحي على شانها فدوه وناذرها
نبع الحنان أمي وحب وغلا أمي = وأجمل قصيده كتب بالشعر شاعرها

تقبلوا تحياتي اخوكم \ مسك شمر

Nathyaa
05-04-2005, 07:29 PM
الله عليك

كلمات رائعه يالغالي

وهم هالكلام يظل قليل بحق الام لان مهما ماسوينا له هم يظل قليل بحقها

جمايل
05-04-2005, 11:06 PM
أذكر وأنا طفل حضن أمي يلملمني = أنام متمسكٍ بأيدي ظفايرها


صح لسانك كلمات ولا اروع عن الام ومع ذالك مانوفيها لو بس ربع حقها

علينااا يسلموو اخ مسك على القصيده الرائعه وعساك على القوه



http://www.alshamsi.net/cards/mamy_cards/mamy3.jpg

ROLZ
06-04-2005, 10:20 AM
صح لسانك اخوي
لاهنت

العابر
06-04-2005, 12:17 PM
صح لسانك اخوي مسك شمر
والام وما ادراك ما الام
مهما قلنا نظل مقصرين

مسك شمر
07-04-2005, 07:10 AM
صح بدنكم وعساكم على القوه
صح الام ما نوفي حقها مهما قلنا فيها من قصيد

تقبلوا تيحياتي اخوكم \ مسك شمر