انــــا أحبــــك [الأرشيف] - منتدى الشبكة الكويتية

01-10-2006, 01:13 AM

أنا احبــــــــــك

يا عمري الدنيا ما تسوى تنام وخاطرك زعلان

ولابه شي يستاهل يخلي قلبك يعاني

طلبتك كان لي خاطر تبعد عنك ألأحزان

فديت أعيونك الحلوه تبسم لو على شاني

حبيبي صار لي مدة أشوفك تايه وحيران

وانا والله لا شفتك حزين تزود أحزاني

أنا احبك ولا ودي تعيش بدنيتك ندمان

ترى ألأيام محسوبة وتالي ها لعمر فاني

تصدق بسمتك والله تفرح خاطري الولهان

يطير من الفرح قلبي واصير بعالم ثاني

والى من شفتك بضيقة أحس اني انا الغلطان

أعاتب نفسي بنفسي ولو ما كنت أنا الجاني

غلاك بداخل أعروقي ولا يوصل غلاك انسان

يمر الوقت ويثبت لك غلاك ان الله أحياني

أضحي بعمري لعيونك تنام انته وانا سهران

ونادي جروحك لقلبي تجي واحد ورى الثاني

رنا

01-10-2006, 02:08 AM

السلام عليكم ورحمة الله وبركاته

قصيدة جميلة أخوي ok ... فائق إحترامي مايسترو

Nathyaa

01-10-2006, 09:08 AM

شنو هالرومانسيه العجيبه :)

بصراحه عيشتنا احلى لحظات مع كلماتك

صح لسانك

لاهنت

aqshar

01-10-2006, 10:20 PM

لاهنت اوكي .. والله يعطيك العافيه مو هين طلعت :)

حقوق الطبع محفوظه .. أقشر
سي يو

01-10-2006, 11:54 PM

ولا أنتــــــم

تشكرااااات كباااااار على كلامكم ومروركم الحلو

كل يوم تعالوا :)

مجرمة قديمة

02-10-2006, 02:29 AM

يسلموووو الايادى غلاى

والله كفووووووووووووووووووووو:)

02-10-2006, 03:16 AM

يسلمــــو مجرمه على المــرور الحلو والتواصل الأحلى

حيـــــــاج الله :)

شوق 24

15-11-2006, 04:42 AM

صح لسانك .. ولا هنت

15-11-2006, 11:59 AM

صح بدنك ... ولا أنت .... كل الشكر على الزياره

مودي الحساس

16-11-2006, 08:16 PM

يألله عليك صج صج ..شعر ..هذا اللي يسمونه الشعر >>عرفته لووول ..عادي عادي مريضه ومأثر علي شوي .

يسلمووووووووووووووووووووووووووووووووووووووو

الفيلسوفه

17-11-2006, 01:32 AM

صح لساانك ... شعر و لا اروع صج صج عجيب

و ...
...كثر من هالاشعاار الحلوه :)

19-11-2006, 06:16 AM

تسلمون مودى والفيلسوفه على هالطله الحلوه ... نورتوا الصفحه :)