مشاهدة النسخة كاملة : موضوع هام يحتاج الى رأيك يخص دولة الكويت
Nathyaa
23-09-2006, 12:48 PM
هل الكويت بلد يصلح للسياحه ؟
وهل يمكن ان تعتمد الكويت على السياحه كمصدر للدخل اضافة للنفط ؟
وماذا لو زارك صديق للسياحه في الكويت ماهي الأماكن التي تستحق الزياره في الكويت ؟
وكيف يمكن تطوير السياحه في الكويت ان كانت موجوده ؟
مارأيك بالقول القائل ان السياحه لايمكن ان تكون في بلد لايسمح بوجود المشروبات الروحيه ؟
وهل يمكن ان تتبع الكويت نموذج دبي لتطوير السياحه ؟ واذا حدث ذلك هل سيكون لذلك تأثير على المجتمع الكويتي ؟
هل توافق على تحويل جزيرة فيلكا الى جزيره غير خاضعه لقائمة الممنوعات الكويتية ؟
جميع هذي التساؤلات تدور في ذهن من يفكر بالسياحه في دولة الكويت .
اتمنى كل واحد فيكم يعطينا رأيه الخاص
بكل وضوح وشفافيه
حتى تعم الفائده للجميع
تقبلوا احترامي
وتقديري
الحيرااان
23-09-2006, 07:56 PM
هل الكويت بلد يصلح للسياحه ؟
ج/ لا تصلح
وهل يمكن ان تعتمد الكويت على السياحه كمصدر للدخل اضافة للنفط ؟
ج/ ما أعتقد أشك في ذلك
وماذا لو زارك صديق للسياحه في الكويت ماهي الأماكن التي تستحق الزياره في الكويت ؟
ج/ بالضبط ما آدري لعدم المرور بالتجربة لكن أترك الخيار للضيف في تحديد الاماكن اللي يرغب زيارتها كالمتحف
وكيف يمكن تطوير السياحه في الكويت ان كانت موجوده ؟
ج/ ماكو داااعي للتطوير اللي موجوده فيه الخير والبركة
مارأيك بالقول القائل ان السياحه لايمكن ان تكون في بلد لايسمح بوجود المشروبات الروحيه ؟
ج/ يعني اذا ماكو فجور ماكو سياحة...هذا رأي عقيم
وهل يمكن ان تتبع الكويت نموذج دبي لتطوير السياحه ؟ واذا حدث ذلك هل سيكون لذلك تأثير على المجتمع الكويتي ؟
ج/ التغيير حاااصل حاااصل بس أن شاءالله للأحسن
هل توافق على تحويل جزيرة فيلكا الى جزيره غير خاضعه لقائمة الممنوعات
الكويتية ؟
ج/ لالالالالالا ومليون لالالالالالالا كلش الا هالسواليف :mh236: :mh0011:
Nathyaa
24-09-2006, 08:30 AM
ممتاز
نبي مزيد من الاراء يا جماعه
تسلم لنا الحيران
ويعطيك مليون عافيه
بس ياريت تذكر لنا الاسباب في قولك ان الكويت لاتصلح ان تكون بلد سياحي ؟؟
وافر احترامي
توفيق
24-09-2006, 02:24 PM
هل الكويت بلد يصلح للسياحه ؟
أكيد يصلح للسياحة , السواحل موجودة وهي الاهم ومن ثم الامكانيات موجودة لدرجة أنها تكون أحسن دولة سياحية في العالم بس الحرامية يردون ألفلوس اللي أختلسوها.
وهل يمكن ان تعتمد الكويت على السياحه كمصدر للدخل اضافة للنفط ؟
اذا وجدت الارضية الاساسية لها فممكن . ولا تنسي أن الكويت لديها مصدر غير النفط وهو المعاملات المالية فسوقها رائجة بس المشكلة ماهم مستفيدين منها الا الكويتيون الذين من أصول فارسية وياويله اللي يدخل بينهم سيده يفلسون به.
وماذا لو زارك صديق للسياحه في الكويت ماهي الأماكن التي تستحق الزياره في الكويت ؟
الان ودوه المجمعات وغدوه أهناك.
وكيف يمكن تطوير السياحه في الكويت ان كانت موجوده ؟
يبيلها خبراء ياحبيبتي.
مارأيك بالقول القائل ان السياحه لايمكن ان تكون في بلد لايسمح بوجود المشروبات الروحيه ؟
هذا غير صحيح.
وهل يمكن ان تتبع الكويت نموذج دبي لتطوير السياحه ؟ واذا حدث ذلك هل سيكون لذلك تأثير على المجتمع الكويتي ؟
أكتساب الخبرات أو الاستعانة بها ممكنة واذا بقيتو من دبي خبراء فهم مايقصرون.
هل توافق على تحويل جزيرة فيلكا الى جزيره غير خاضعه لقائمة الممنوعات الكويتية ؟
قالها أخوي الحيران وبس.
تقبلوا احترامي
وتقديري
Nathyaa
24-09-2006, 07:09 PM
رائع
الف شكر لابداء وجهة نظرك اخي الكريم
الحيرااان
25-09-2006, 08:01 PM
بس ياريت تذكر لنا الاسباب في قولك ان الكويت لاتصلح ان تكون بلد سياحي ؟؟
أعتقد من وجهة نظري المناااخ العااام بــ الكويت مايساعد
أقصد الجو حر وشموس طوااال العااام ورطوبه يعني بصريح العبارة الجو خيسة مو حق سياحة
بس عندي آحلى من الــــhttp://www.kwety.net/kwety1/q89/asll.gif
Nathyaa
26-09-2006, 09:02 AM
صحيح
بس شوف دبي مثلا
حر وخيسه وموت وفوق هذا بلد سياحي
الحيرااان
26-09-2006, 06:27 PM
Nathyaa
كلامج صح بس دبي ما تعتبر مدينة سياحية بمعنى السياحة والاستجمااام
مثل سويسرا وكندا وباريس وخلافه
أعتقد أغلب اللي يروحون دبي لغرض لشراء السلع خصوصا مواطنين الخليج
Nathyaa
26-09-2006, 07:22 PM
صح بس هم تعتبر من مصاف الدول السياحيه
لاتقارن بسويسرا
بس يعني يمشي حالها :)
مجرمة قديمة
27-09-2006, 02:06 AM
محجــــــــــــــــــــــــــــــــــــوز
ولي عودة حبوبتى...
Nathyaa
27-09-2006, 07:59 AM
هههههههههههههههههه
داشه فندق :)
خلاص نحجزه لج بس اذا طولتي راح نعطيه لعضو ثاني
فديتج والله :)
al7adab
30-09-2006, 03:26 AM
هل الكويت بلد يصلح للسياحه ؟
نعم
وهل يمكن ان تعتمد الكويت على السياحه كمصدر للدخل اضافة للنفط ؟
نعم / اذا صارت الديره سياحيه
وماذا لو زارك صديق للسياحه في الكويت ماهي الأماكن التي تستحق الزياره في الكويت ؟
الاماكن كثيره في الكويت ( المطاعم - مجمعات - الفنادق - الاماكن الترفيهيه - السينمات - ....... الخ الخ )
وكيف يمكن تطوير السياحه في الكويت ان كانت موجوده ؟
لازم يحلون مشكله الزحمه ويكثروون من ناطحات السحاب ويكثفون الاهتمام في المناطق الخارجيه و الجزر
مارأيك بالقول القائل ان السياحه لايمكن ان تكون في بلد لايسمح بوجود المشروبات الروحيه ؟
استغفر الله مشروبات روحيه لا ثم لا ثم لا ممنوع ( مع انه متوفر بالديره )
وهل يمكن ان تتبع الكويت نموذج دبي لتطوير السياحه ؟ واذا حدث ذلك هل سيكون لذلك تأثير على المجتمع الكويتي ؟
دبي منطقه سياحيه جميله جدا بس فيها بعض العيوب ( المشروبات - الفتيات الرخيصات - كثره الديسكوات )
هل توافق على تحويل جزيرة فيلكا الى جزيره غير خاضعه لقائمة الممنوعات الكويتية ؟
كلا لا اوافق
Nathyaa
30-09-2006, 08:45 AM
لازم يحلون مشكله الزحمه ويكثروون من ناطحات السحاب ويكثفون الاهتمام في المناطق الخارجيه و الجزر
بصراحه ذكرت نقطه مهمه جدا جدا
لو فعلا استغلوا الجزر جان الكويت الحين من اكبر الدول السياحيه في الخليج
بس حكومتنا مافاضيه لنا :)
اما للبوق او التبرعات الخارجيه
Nathyaa
30-09-2006, 08:46 AM
اسفه
نسيت اقولك
يعطيك مليون عافيه لابداء وجهة نظرك
نورت الموضوع
al7adab
01-10-2006, 12:48 AM
احسنتي اخت نثيه
والله يعافيج انشالله
والموضوع منوربأصحابه
Nathyaa
01-10-2006, 08:51 AM
:):)
جميع الحقوق محفوظة لـ الشبكة الكويتية