مشاهدة النسخة كاملة : هام جدا :- اتمنى عدم حذف الموضوع
بنت السويدي
14-09-2006, 08:54 PM
السلام عليكم
اول شي مابغي الموضوع ينحذف نهايا بالمره اتمنى انكم تحترموون هالشي لان هالشي شخصي
مع احترامي vip
حبيت انقل او بالاصح اكتب كم سطر اعبر فيه عن الي اشوفه بالمنتدى من تغيريات الي حدث من قبل بعض الاعضاء والمراقبين دون ذكر اسامي طبعا .
المنتدى صارله تقريبا سنيتن وانا اشتركت تقريبا في بدايه المهم ندخل للموضوع
ماشالله المنتدى بقمه من التنويع من ناحيه المواضيع والرودود الطيبه والنقاش وتبادل الاراء في قمه الادب والحذر ماشالله .
كان شي حلو بالفعل بس بعد مرور الايام والشهور لاحظت تغيرات ونفور و دنوو بعض الاعضاء والمراقبين من المنتدى ولاحظت دنو بعض المواضيع من ناحيه المواضيع الي تجرح وكلام يجرح العضو او المراقب الي يخليهم يهاجروون المنتدى .
لاحظت فالاونه الاخيره شفت زياده من التجريح من ناحيه المواضيع والردوود من اشخاص معرفون الي لازم يكونون قدوه لغيرهم وبمستوى عالي من التفكير .
اظرب لكم مثل بسيط
الحين موجود قسم العام الي لازم ينوضع فيه المواضيع الاجتماعيه والاخبار العامه الي تحصل
مب نشوف موضوع سياسي للاسف واسمحولي اقول انه ساسي منحط ودايما اشوف مواضيع سياسه مالها لزمه بالمره تنحط بالمنتدى .
وياما شفت نقاشات منحطه للاسف فيه كل التجريح ومن كل النواحي . وردود للاسف بعد كنت اتمنى ان هالشي يوقف بس بالعكس اشوفه يزيد .
الحين ابغي اعرف شي واحد بس
الحين انتوا يوم ترمسوون عن السياسه سويتوا شي غيرتوا بالعالم شي من كثر الكلام الي تتكلمونه او تكلمتوه لا طبعا ماتغير شي ولا راح يتغير شي يعني كلام عالفاضي
مو بس جذي لا شفت ردود للاسف كلها تجريح للعضو ولاشفت ذره احترام للشخص او اخلاق
بالذمه الحين هالصوره تنحط بالرد من الردوود
http://www.kwety.net/kwety1/q89/34987.jpg
وين الاحترام وين التقدير ياناس
لا بدال ماشوف من المراقبه انها تلغي هالصوره لان الصوره قمه الاستهزااء اشوفها تؤيد هالشي وين الاحترام والاخلاق بين الاشخاص
وبعدين ما اظن واحد فيكم يرضى من غيره انه يتكلم عن بلاده او يكون هناك اي تجريح لبلاده
وها سبب من الاسباب الي ادى الي هجر بعض الاعضا من المنتدى وكلام فيه تجريح
وبعدين لازم ماتنحط المواضيع الي تخص بالسياسه لازم تكون ممنوعه بالمنتدى بتاتا
وبعدين ماشالله شفت المجامله موجوده بالمنتدى وزايده عن حدها ترى مو بكل وقت الواحد يجامل تراها مب حلوه ومكشووفه بعد
فالاخير ابغي اعرف لين متى راح يتم هالحال
ومتى راح اشوف المنتدى عالي مثل بعض المنتديات
والسموحه من الجميع
آسيل5
14-09-2006, 09:50 PM
الصراحة مو شرط اذا انطرح موضوع بلد أو سياسة ان هذا الموضوع حقيقي , وأن كان حقيقي فلا يهمك ذلك وخلي خاطركي وسيع , هذا منتدى كلن يكتب فيه ويعلق ويمزح وقد يكون فيه بعض المرات .... فلا تردين عليها وأنتي عقلكي أكبر من كذا بكثير. صدقيني أنتي سموحة واااااااااااجد وانا متأكدة من ذلك. وأعتقد أن البطة اللي أنبطت الحين من موضوع واحد سحب معه زعل مكنون سابقا , أنصحج ( طيبي خاطرج وطنشي للي مايعجبج وايض للمواضيع التافة طنشيها. ولا كنت أتوقع منكي أنكي من النوع اللي يزعل بسرعة. عجل الحمد لله أنج ماتدليين بيوتنا والا كان رشلشج معاج ( غشمرة لتطييب الخاطر ) ولكي كل الود والتقدير.
آسيل5
14-09-2006, 10:56 PM
والسموحه من الجميع >
نسيت أقولج مسموحة ياعيوني ,عاد ترى أنتي ماقلتي شيء.
مجرمة قديمة
14-09-2006, 10:57 PM
هلا وغلا حبوبتى
اولا هذي غلاتى مواضيع منوعه يعنى كمثال المنتدى العام لو تتصفحينه حبوبتى
بصفحه 2 و3 راح تلاقين مواضيع من كل بلد ومنوعه
يعنى مو بشرط كله عن السياسه.
لكن الجميع يقدر ويحترم وجهة نظرك غلاتى لكن طيبيين خاطرك
ترا اهى سوسو واحده اللى بمنتدانا:) ونحبها وااااااااااايد
مانبيها تزعل
وبالنسبه لها الصوره اللى تقولين عنها حبوبتى
يقولون
(( خاطبون الناس على قد عقولها ))
يعنى اكيد لكل انسان وجهه نظر معينه وطريقه معينه للرد على الموضوع
بمعنى
ان لو انا ارد على موضوع ماتغشمر فيه ولا بكلمه واحده واكون جاده جدا
ويدخل عضو ثانى نفس الموضوع ويرد بطريقه اخرى ويتغشمر
وهذا طبعا على سبيل المثال
بمعنى ان لكل انسان وجهه نظر بطريقه ردوده
ومانقول مره ثانيه طيبيبن خاطرك ومالنا غير سوسو واحده بالمنتدى
مانبيها تزعل لأى سبب كان
ومسموح غلاتى هذي وجهه نظر نقدرها ونحترمها ومن حقك تعبرين عن رآيك
BLUE EYES
14-09-2006, 11:16 PM
مشكورة سوسو كلامك مية المية اتمني من المنتدي ياخد القرار المناسب في هالمشكلة
medaboly
14-09-2006, 11:27 PM
اشكرك على هذا الموضوع الهام والملفت للنظر و شكرا مرة اخرى
آسيل5
14-09-2006, 11:31 PM
ياشينك يأبو عيون زرق تبي تولعها وهي طافية , ياحبكم على صب الغاز.
أبو عيون زرق أنت أمريكاني.
هلا والله سوسو
بالعكس انتي من مؤسسين المنتدى أعتبرج من أول ما فتح المنتدى وانتي متواصله به
ولا ازعل من وجهة نظر دائماً
مثل ما ذكر بالمشاركة اللي فوقي إن هذا منتدى والجميع يشارك سواءً بالمواضيع السياسيه او الفرفشه
وانا كاتب جملة في نهاية المنتدى
(( جميع ما يطرح من مواضيع ومشاركات تعبر عن وجهة نظر كاتبها ولا تمثل وجهة نظر المنتدى بشكل عام ))
اما اذا تقصدين بالصوره اللي حاطتها , فهذا العضو لو تابعتيه جميع ردوده يضع صور متنوعه ولا نستطيع منعه الا اذا شبة شخص معين بها
وبخصوص التأييد من قبل المراقبين او المراقبين العامه بالمشاركات السياسيه
هذا يعتبر وجهة نظر ومناقشة بالموضوع السياسي
نحنوا نعلم بأن المشاركات لاتفيد الحكومات ولا لنا نحن وجهة نظر نعبرها بالمنتدى وبخصوص مسح الصوره من المشاركه المراقبة العامه لا تمسح الا اذا اخطأ بمثل ماذكرت بالتشبيه او الشتم وهي تعرف ماذا تفعل
وجميع المراقبين كذالك.
انا ما امسح مواضيع يا سوسو الله يرضى عليج بالعكس استفيد منها عطيني انتي حلول مثل ماعطيتيني وجهة نظرج.
آسيل5
15-09-2006, 12:19 AM
Vip نحنو خطأ كتابتها , أرجوا أن تتقيد بالأملاء, وأنا بلقط أخطاءك وأحسبها عليك..... أنتبه.
آسيل5
لحوووووووووووول رحنا فيها بدأ التصيد
L0o0o0o0o0o0L
آسيل5
15-09-2006, 12:52 AM
نحنو معناها ( نشفق ) بنت السويدي ترىvip قاعد يشفق عليج ترى.ههههههههههههههههههههههه.
لا والله اذا معناتها جذي انا اسحب الكلمة ولا اقصد
وسوسو ما تحتاج الشفقه الا من بعد الله
وخلاص يا اسيل لاتصيدين من ورا كلامي وتمعنين :)
سوسو تعرف شنو اقول مو بالمعنى هذا الله يرضى عليج
آسيل5
15-09-2006, 01:07 AM
هههههههههههههههههههههههههههه ( غشمرة ) . ويسلموووووووووووووووووووووووو ومليون يسلمووووووووو سوسو و Vip.
الحيرااان
15-09-2006, 08:20 AM
بنت_السويدي
وعليكم السلام ورحمة الله وبركاته
موضوعج ذو شجون
وبصراااحه ألمي كثيرااا مشاركات بعض الاعضاء بالشئون السياسية
نعلم جميعا أن رأينا غير مأخوذ به على الاطلاق
بس لابد أن يختار العضو الكلمات المناسبة والحوار الهادف البناء
حتى نستفيد جميعا من الطرح
لكن أن يصل الامر الى السب والشتم هذا شيء مؤلم
وبشفافيه أكثر
مع الاسف
أصبح معروفا عالما أن العرب حاااصل على المستوى الاول بين الشعوب في السب والشتم والقذف والتعصب وعدم تقبل الرأي الاخر
الشكوى لله
بنت السويدي
15-09-2006, 08:23 AM
الصراحة مو شرط اذا انطرح موضوع بلد أو سياسة ان هذا الموضوع حقيقي , وأن كان حقيقي فلا يهمك ذلك وخلي خاطركي وسيع , هذا منتدى كلن يكتب فيه ويعلق ويمزح وقد يكون فيه بعض المرات .... فلا تردين عليها وأنتي عقلكي أكبر من كذا بكثير. صدقيني أنتي سموحة واااااااااااجد وانا متأكدة من ذلك. وأعتقد أن البطة اللي أنبطت الحين من موضوع واحد سحب معه زعل مكنون سابقا , أنصحج ( طيبي خاطرج وطنشي للي مايعجبج وايض للمواضيع التافة طنشيها. ولا كنت أتوقع منكي أنكي من النوع اللي يزعل بسرعة. عجل الحمد لله أنج ماتدليين بيوتنا والا كان رشلشج معاج ( غشمرة لتطييب الخاطر ) ولكي كل الود والتقدير.
انا قصدي بكل المواضيع الي تجرح بالاعضاء بس انا خصيت هني سياسي لاني شفت وايد مواضيع تخص السياسه وكله كلام عالفاضي لايقدم ولا ياخر وبعدين مو كل المواضيع او البعض منها الواحد يمزح فيها مو يعني لو يقولون كلمه ينجرح فيها لاشخص يعتبرونها مجرد مزحه شو الدنيا سايبه والا شو لا اسمحلي انا ياما شفت مواضيع وطنشت بس مب كل مره اطنش ترا خلاص وصل حدي وما اقدر اسكت من الي اشوفه وبعدين انا مافيا احرق باعصابي لا اشيا ماتسوى بس لازم كل واحد يقدر
وبعدين غلط الواحد يحط مواضيع ويقعد يتهم فيها الدول ويغلط عليها صح والا انا غلطانه .
::::::::::::::::::::::::::::::::::::::::
هلا وغلا حبوبتى
اولا هذي غلاتى مواضيع منوعه يعنى كمثال المنتدى العام لو تتصفحينه حبوبتى
بصفحه 2 و3 راح تلاقين مواضيع من كل بلد ومنوعه
يعنى مو بشرط كله عن السياسه.
لكن الجميع يقدر ويحترم وجهة نظرك غلاتى لكن طيبيين خاطرك
ترا اهى سوسو واحده اللى بمنتدانا ونحبها وااااااااااايد
مانبيها تزعل
وبالنسبه لها الصوره اللى تقولين عنها حبوبتى
يقولون
(( خاطبون الناس على قد عقولها ))
يعنى اكيد لكل انسان وجهه نظر معينه وطريقه معينه للرد على الموضوع
بمعنى
ان لو انا ارد على موضوع ماتغشمر فيه ولا بكلمه واحده واكون جاده جدا
ويدخل عضو ثانى نفس الموضوع ويرد بطريقه اخرى ويتغشمر
وهذا طبعا على سبيل المثال
بمعنى ان لكل انسان وجهه نظر بطريقه ردوده
ومانقول مره ثانيه طيبيبن خاطرك ومالنا غير سوسو واحده بالمنتدى
مانبيها تزعل لأى سبب كان
ومسموح غلاتى هذي وجهه نظر نقدرها ونحترمها ومن حقك تعبرين عن رآيك
اوكي ما اختلفنا من ناحيه الردوود بس عالاقل تكون بحدوود الادب ومايكون هناك نوع من التهجم وتجريح وبعدين لاتحافين انا ما ازعل :)
::::::::::::::::::::::::::::::
هلا والله سوسو
بالعكس انتي من مؤسسين المنتدى أعتبرج من أول ما فتح المنتدى وانتي متواصله به
ولا ازعل من وجهة نظر دائماً
مثل ما ذكر بالمشاركة اللي فوقي إن هذا منتدى والجميع يشارك سواءً بالمواضيع السياسيه او الفرفشه
وانا كاتب جملة في نهاية المنتدى
(( جميع ما يطرح من مواضيع ومشاركات تعبر عن وجهة نظر كاتبها ولا تمثل وجهة نظر المنتدى بشكل عام ))
اما اذا تقصدين بالصوره اللي حاطتها , فهذا العضو لو تابعتيه جميع ردوده يضع صور متنوعه ولا نستطيع منعه الا اذا شبة شخص معين بها
وبخصوص التأييد من قبل المراقبين او المراقبين العامه بالمشاركات السياسيه
هذا يعتبر وجهة نظر ومناقشة بالموضوع السياسي
نحنوا نعلم بأن المشاركات لاتفيد الحكومات ولا لنا نحن وجهة نظر نعبرها بالمنتدى وبخصوص مسح الصوره من المشاركه المراقبة العامه لا تمسح الا اذا اخطأ بمثل ماذكرت بالتشبيه او الشتم وهي تعرف ماذا تفعل
وجميع المراقبين كذالك.
انا ما امسح مواضيع يا سوسو الله يرضى عليج بالعكس استفيد منها عطيني انتي حلول مثل ماعطيتيني وجهة نظرج.
اقول vip انت اشلك بالسياسه بالمنتدى وبعدين اشوفها مواضيع لاتقدم ولاتزيد ولا حتى تغير وضع البلد وكله كلام عالفاضي ............
عالعموووم انا حبيت اوضح هالشي بالمنتدى الي صاير والسموووحه وانتوا بكيفكم تسوون الي تسوونه وانا حبيت اقول وجهة نظري لاغير .........
::::::::::::::::::::::::::::::
تسلموون عالمروور وردودكم
بنت السويدي
15-09-2006, 08:27 AM
يعطيك الف عافيه عالمروور يالحيران وكلامك صح
حكم القوي عالضعيف
تسلم عالمرووور
عطني المحبه
15-09-2006, 09:45 AM
اختي بنت السويد
سلمتي على موضوعك المميز
ولكن انا ارى ان الحل بيكون عن طريق حذف الرد واشعار العضو عن طريق رساله خاصه ان الرد او الموضوع انحذف مع انها بتسبب حساسيه للعضو لكن مافي غير ذا الحل او نترك الرد او الموضوع ولا نعطيه اي اهميه
ومثل ماقال Weboss
الرد او الموضوع يعبر عن راي واخلاق الشخص نفسه
ودمت بكل الود
لؤلؤه الخليج
15-09-2006, 09:59 AM
الله يعطيج العافيه على الموضوع القمه
وتبين الصراحه كلامج كله 100% ومافيه شي وانا الصراحه
أأيد تثبيت الموضوع وشكرا
بنت السويدي
15-09-2006, 11:58 AM
تسلم عالمرووور يا عطني المحبه
اوكي ما اختلافنا على اعطاع الراي بالموضوع ولكن يكون بعيد عن التجريح والتهجم بالكلام
::::::::::::::::::::
تسلمين لولو على الرد و عالمرووور ويعطيج الف عافيه
اقول vip انت اشلك بالسياسه بالمنتدى وبعدين اشوفها مواضيع لاتقدم ولاتزيد ولا حتى تغير وضع البلد وكله كلام عالفاضي ............
عالعموووم انا حبيت اوضح هالشي بالمنتدى الي صاير والسموووحه وانتوا بكيفكم تسوون الي تسوونه وانا حبيت اقول وجهة نظري لاغير .........
اوكي يا سوسو
انا مالي بالسياسه صحيح ولكن هذا منتدى يجمع جميع انواع المواضيع الله يرضى عليج
من يحب النقاش في المواضيع السياسيه بنزاهه يدخل ويناقش ويجب ان يملك سعة صدر
واللي مايبي يدخل المواضيع لا يدخل العضو مخير ولا هو مسير على هاذي المواضيع
والمراقبين موجودين بخصوص الشتم والقذف على الأعضاء المشاركين بالمواضيع ولا موضوع احد انشتم فيه ولم يتم مسح مشاركته او لم اوقف عضويته
لو تعرفين كم مشاركه باليوم يتم مسحها او كم عضو يتم توقيفه ماكان احد تكلم بخصوص هذا الشي
وهذا منتدى مثل باقي المنتديات يتعرضون من ناس فيهم قلة أدب وأخرها اول امس واغلب الاعضاء شافوا الكلام اللي انسبة فيه Nathyaa
اوصخ الكلمات قذفها وطلع ولاكن الحمدالله يوجد سعة صدر تم مسح المشاركة وطرده
والاشياء هاذي تحصل بجميع المنتديات.
مشكووره يا سوسو بأنتظار ردج :)
آسيل5
15-09-2006, 12:56 PM
سوسو خلينا نكون بصلب الموضوع ونكون بعيدين عن المجاملات , وارجوا أن تقتنعي بصراحة بكلام ال Vip , ولكي منا كل التقدير والاحترام.
وحتى باقي الأعضاء الرجاء ثم الرجاء التمعن بكلام الvip ومني لكم كل تقدير.
بنت السويدي
15-09-2006, 01:02 PM
والله يا vip حتى لو الشخص مخير انه يدش او لا للموضوع صح الكلام الي قلته وكل واحد وكيفه يدش الي يعيبه والا لا بس اذا كان الموضوع يخص بلاد العضو مستحيل اي شخص يقدر يطالع وهو ساكت ولا يرد بكلمه وحده بالعكس لو الواحد شاف اي مضايقه او اي كلام يسيئ لبلاده مستحيل انه يسكت وراح يرد صح والا لا
وعلى كلامك الي قلته عن الاعضاء والمواضيع الي تنحذف هالشي طبيعي وبكل منتدى يستوي هالشي
وعن الي صار لنثيه او لغيرها انا مالي دخل فيه
بس انا حبيت ان الاعضاء والمراقبين يوم يحطون او يردوون عالمواضيع يكونون واعين شوي بدون تهجم او تجرحين
بنت السويدي
15-09-2006, 01:09 PM
سوسو خلينا نكون بصلب الموضوع ونكون بعيدين عن المجاملات , وارجوا أن تقتنعي بصراحة بكلام ال Vip , ولكي منا كل التقدير والاحترام.
وحتى باقي الأعضاء الرجاء ثم الرجاء التمعن بكلام الvip ومني لكم كل تقدير.
اي مجاملات الله يخليج ان ماجاملت ولا شي بس انا قلت الي شفته والا قاعده اشوفه بالمنتدى
وانا ماعارضت كلام vip
والمشكله ان محد يعترف بلي يصير بالمنتدى والكل يتهرب ولاحد يقتنع بشي ولا في تعاون
اولا و اخيرا المنتدى منتداكم واحرار بس انا حبيت اناقش بهالنقطه والمووضوع
والسموحه من الكل واعذرووني كلكم عالموضوع
المهم انا حبيت ابدي راي بهالشغله وبس وكنت ابغي اشوف ارائكم ردودكم
بس للاسف ماتوصلت لنتيجه تقنعني
مودي الحساس
15-09-2006, 01:48 PM
ولو سوسو بالعكس انا ما ادري اذا كنت من اللي قاعد تتكلمين عنهم ...
بس سوسو هذا الكلام عني انا اذا شفتي شي بقسمي امانه بلغيني لأنه انا ما اكون موجوده طول الوقت وهذا الكلام مو بس لج اذا اي احد شاف شي يقولي ....
وتسلمين حبيبتي على هذا الطرح الرائع وانتي ما قلتي غير الحقيقه ....
آسيل5
15-09-2006, 01:54 PM
ياحبيبتي ياعزيزتي ياعيوني المركبة , هذا الشيء ليس فقط بهذا المنتدى , هذا موجود في كل المنتديات , والحلول هي نفسها اللي قالها الvip , مافيه أستطاعه ياعيوني يتغير هذا الشيء , ولكن ينحد منه بالمراقبة اللي هي موجودة الان وبدون مجاملة والله أنها فعالة أحسن من معظم المنتديات اللي أنا مريتها , وهذ اللي خلاني متمسكة بهذا المنتدى , انتي ياسوسو قديمة بهذا المنتدى ( المعذرة للمجرمة القديمة لأستخدام المصلح حقها ) والمفروض أنكي من أكثر الناس خبرة ودراية وتعامل مع اللي أنتي تلمسينه يوميا من هؤلاء الناس اللي تخش وتطلع من مدة طويلة , فصدقن أنكي أعقل من كذا , وانا متأكدة أنها تنفيس فقط لكي, مع تقديري الخالص وأحترامي المكنون لكي.
بنت السويدي
15-09-2006, 02:02 PM
ههههههههههههههههه مودي انا ماقصدتج انتي
انا قصدي بالمنتدى بشكل عام
تسلمين عالكلام يا اسيل
والسموحه من الجميع
والله يا vip حتى لو الشخص مخير انه يدش او لا للموضوع صح الكلام الي قلته وكل واحد وكيفه يدش الي يعيبه والا لا بس اذا كان الموضوع يخص بلاد العضو مستحيل اي شخص يقدر يطالع وهو ساكت ولا يرد بكلمه وحده بالعكس لو الواحد شاف اي مضايقه او اي كلام يسيئ لبلاده مستحيل انه يسكت وراح يرد صح والا لا
انا اللحين فهمت شنو اتكلمين عنه من مشاركتج المقتبسه
وجمعتي فيها مواضيع السياسه كلها .
ابي اتكلم معاج بعيد عن المجاملة لأنج انتي ماتحبين المجاملة ... :)
عطيني دولة عربيه او أجنبيه في شت الكرة الارضيه تخلوا من العيوب
جميع الدول فيها سلبيات وفيها ايجابيات والغلط منا اذا دافعنا عن العيب لانقف امامه .
هذا اكبر خطأ يخطئه الانسان , والموضوع اللي انطرح بخصوص المشكله اللي صارت بالامارات ماهو كلام يصفصفه العضو ..لالالا
هذا منقول من مصادر وتستطيعين طلب المصدر , معناتها حتى بالامارات يتحدثون الصحافه عنه .
ولو فيه اهانه في الموضوع المطروح بلغينا بنفس الموضوع وفي وقتها لكل حادث حديث . :)
وبالنسبه لكلمتج (( كيفكم هذا منتداكم وانتوا حرين فيه ))
انا بالنسبه لي ما اعتبرج كتبتيها لأن هذا منتدى اماراتي قبل ما يكون كويتي
واحنا في الخليج العربي دوله وحده تعتبر , وتشملنا مبادئ وحده وصلة قرابه مع احترامي للدول العربيه والاسلاميه يجمعنا الدين الاسلامي والوحده العربيه.
تحياتي لج سوسو :)
آسيل5
15-09-2006, 04:09 PM
كلمة أخيرة أحب أزيدها :
سوسو على العشرة في هذا المنتدى كم مره واحد حب ينفس غيظه ؟ اذا تقدرين تحسبينها فعلمينا , اذا أنا عل المدة القليلة في هذا المنتدى شفتلي تنفيسات وآآآآآآآآآآآآآآآجد وبكل أحترام أقول ل Ok & Vip & Natheah انهم يهبون هبتهم لتهديء الاوضاع والأخذ بالخواطر وبعض المرات ينزلون من نفسهم تحت علشان يحافظوووووووون على هذا العضو اللي بعض المرات يكون يستاهل المحافظة عليه وبعضهم مايستاهل ولكن....... برضه يأخذون بخاطره , لكم كل الشكر والامتنان بالمحافظة على هذا الصرح الجميل ونحن فعلا نعتز فيكم وبصحبتكم , وياما بيجي من ينفس وهؤلاء الكرام يستقبلونها بصدور رحبة ومليئة بالود والمحبة , ما أقول الا يسلم من سلمكم مقاليد هذهي الادارة اللي أنتم أهل لها.
( أنا باقيلي تنفيسه واحدة, عاد متى تجي فهي بحكم المجهول , فأستعدوا لها , أيه غيري مو أحسن مني ) .
شكرا سوسو أنكي منحتينا الفرصة فعلا والوقت لكي نعبر من اللي نحسه بقلوبنا ودمتي بود ورخاء وأطمئنان.
Nathyaa
15-09-2006, 05:52 PM
بسم الله الرحمن الرحيم
اولا :
يعطيج العافيه حبوبتي
ثانيا :
انا شفت الموضوع من لحظة كتابته بس فضلت اني اتنحى جانبا حتى اترك المجال لكم لابداء وجهة نظركم
ثالثا :
السموحه منك ماي بوس لاني احب اني اشاطركم وجهة نظري
رابعا :
راح اخذ نقطه نقطه اتكلم فيها حتى نلم الموضوع من شتى المجالات وجميع الاطراف
_____________________
اول شي مابغي الموضوع ينحذف نهايا بالمره اتمنى انكم تحترموون هالشي لان هالشي شخصي
حبيبتي طالما الموضوع لايمس اي شخصيه بالمنتدى ومافيه اي غلط تأكدي ان محد يقدر انه يحذفه
وانتي عارفة سياسة المنتدى عدل
مع احترامي vip
نعم يستحق الاحترام وكل العاملين على تقدم ورقي المنتدى من اعضاء ومراقبين واداريين
فاحترامنا لكل من يدخل الي المنتدى وبالاخص الاداره والمراقبين للمجهود الكبير اللي يبذلونه
لاحظت تغيرات ونفور و دنوو بعض الاعضاء والمراقبين من المنتدى
بالعكس المراقبين والاعضاء من اروع الاشخاص وتأكدي مافي ولا عضو ولا مراقب دني
ولاحظت دنو بعض المواضيع من ناحيه المواضيع الي تجرح وكلام يجرح العضو او المراقب الي يخليهم يهاجروون المنتدى .
مانبي نتكلم بشكل عام ياريت تخصصين لنا شنو الموضوع اللي حسيتي فيه بتدني حتى يتم الاطلاع عليه
لربما فاتنا هذا الموضوع
ولكن انا على يقين ان مافي ولا موضوع دنئ حسب كلامج لاني على اطلاع بجميع المواضيع
اما من ناحية الردود
فهذا وارد بكل المنتديات وانتي قاعده تشوفين ان مثل هالشغلات ماتمر مرور الكرام
على طول يتم مسح المشاركه واعطاء بلوك
وياما شفت نقاشات منحطه للاسف فيه كل التجريح ومن كل النواحي . وردود للاسف بعد كنت اتمنى ان هالشي يوقف بس بالعكس اشوفه يزيد .
ياريت تذكرين لنا هالشي
لاتقولين كلام عام
نبي نشوف بعيوننا
اذا كان قصدج الاختلاف في وجهات النظر فهذا شي وارد
الاختلاف في وجهات النظر لايفسد للود قضيه حبوبتي
الحين انتوا يوم ترمسوون عن السياسه سويتوا شي غيرتوا بالعالم
طبعا لا
بس على الاقل نفضفض عن اللي في صدورنا
والساكت عن الحق شيطان اخرس حبوبتي
مو بس جذي لا شفت ردود للاسف كلها تجريح للعضو ولاشفت ذره احترام للشخص او اخلاق
رابع مره ياريت تذكرين لنا او تعطيني الرابط اللي فيه تجريح وعدم احترام
المسأله هذي ضروريه بالنسبه لي
ياريت تعطيني الروابط وابي اشوف وين التجريح وعدم الاحترام
لا بدال ماشوف من المراقبه انها تلغي هالصوره لان الصوره قمه الاستهزااء اشوفها تؤيد هالشي وين الاحترام والاخلاق بين الاشخاص
انا املك من الاخلاق والاحترام مايجهله الكثيرون حبوبتي
اما بالنسبه للصوره فهذي حريه شخصيه لايحق لي مسح الصور الا اذا كانت صور خليعه او تمس الدين
اما الصور الكاريكاتيره مو من حقي مسحهها
ولو بمسح كل الصور الكاريكاتيريه لاصبح رصيدك من المواضيع صفر ياسوسو لان مواضيعج اغلبها صور كاريكاتيره
هذي حريه شخصيه طالما لاتمس الدين او تخدش الحياء العام
اما بالنسبه للرقابه فانا اعرف شنو قاعده اسوي مثل ماتفضل الاخ VIP
vip
وبخصوص مسح الصوره من المشاركه المراقبة العامه لا تمسح الا اذا اخطأ بمثل ماذكرت بالتشبيه او الشتم وهي تعرف ماذا تفعل
وها سبب من الاسباب الي ادى الي هجر بعض الاعضا من المنتدى وكلام فيه تجريح
اللي موقد المناقشه لايناقش
احنا مانجبر الاعضاء علشان يناقشون
احنا قاعدين نفضفض عن اللي قاعدين نشوفه
وبعدين لازم ماتنحط المواضيع الي تخص بالسياسه لازم تكون ممنوعه بالمنتدى بتاتا
نترفع عن الدكتاتوريه حبوبتي
هذا منتدى عام وفي اخر المنتدى توجد كلمه
(( جميع ما يطرح من مواضيع ومشاركات تعبر عن وجهة نظر كاتبها ولا تمثل وجهة نظر المنتدى بشكل عام ))
اذن العضو او المراقب له حرية طرح اي موضوع سواء سياسي او ديني او اجتماعي او فرفشه او صور
ومتى راح اشوف المنتدى عالي مثل بعض المنتديات
منتدانا اعتبره من ارفع واعلى المنتديات وهذا بفضل الله ثم بفضل القائمين عليه من اعضاء ومراقبين
-----------------------------
هذا كان رد لكل جمله
اما في مابين السطور
حبيبتي بالنسبه لموضوع الامارات او السعوديه او الكويت او سوريا
نحن لانتكلم عن البلدان ولكننا نتكلم عن السياسه القائمه لهذه البلدان
وهذا حق وواجب علينا نحن كعرب ومسلمين
وهذا ايضا دليل قوي لحبنا لبلداننا بدليل اننا نحاول ان نمحي بعض السلبيات الموجوده
اتمنى اني وفقت في ابداء وجهة نظري وفي المامك بطريقة سير المنتدى
دمتي بحفظ الله وراعيته
اكرر شكري وامتناني لكل مراقب واداري للمجهود الاكثر من الرائع اللي قاعدين يبذلونه بالمنتدى من اجل تقدمه ورقيه
vip - ok - الذهبي - ناشمثي - قدوه - ميس نايت - مودي - انوسه - العود - باسم
احترامي وتقديري لكم
شكرا سوسو لاتاحة الفرصه لكي نشكر المراقبين ونقدم لهم احر التحايا على المجهود الجبار
ومعذره للاطاله
آسيل5
15-09-2006, 06:27 PM
لااااااااااااااااااااااااااااااااااااااااااااااا والله بحق نثية+vip هاذي مرة ثانية تسوونها , الحين أنتم بتقربون موعد التنفيييييييييييس.
Nathyaa
15-09-2006, 06:37 PM
ههههههههههههههههههههههه
كلش ولاتنفسيج :)
شوفي خلينا نسوي هدنه
اشرايج بعد رمضان تتنفسين عدل :)
خمبارك عليج الشهر
<<<<<<< تساحلج
آسيل5
15-09-2006, 06:40 PM
ياله أنتي مسموحة بس باقي Vip , وعلشانك يااااااااااااااااااااااله بأجلها.
آسيل5
15-09-2006, 06:42 PM
زين نثية ومنه اللي بينفسني , اذا أنتي أنا قابله.هههههههههههههههه
آسيل5
15-09-2006, 06:44 PM
لاتنسيين العصيده والحسو والرهش , وتسويلي لحمة قعود صغير.ههههههههههههههههههههههه
Nathyaa
15-09-2006, 09:50 PM
ههههههههههههههههههههههههههههه
عاد رهش
اوكي العصيده والقبوط لازم
بس رهش اول مره اسمع
بنت السويدي
15-09-2006, 10:22 PM
انا اللحين فهمت شنو اتكلمين عنه من مشاركتج المقتبسه
وجمعتي فيها مواضيع السياسه كلها .
ابي اتكلم معاج بعيد عن المجاملة لأنج انتي ماتحبين المجاملة ...
عطيني دولة عربيه او أجنبيه في شت الكرة الارضيه تخلوا من العيوب
جميع الدول فيها سلبيات وفيها ايجابيات والغلط منا اذا دافعنا عن العيب لانقف امامه .
هذا اكبر خطأ يخطئه الانسان , والموضوع اللي انطرح بخصوص المشكله اللي صارت بالامارات ماهو كلام يصفصفه العضو ..لالالا
هذا منقول من مصادر وتستطيعين طلب المصدر , معناتها حتى بالامارات يتحدثون الصحافه عنه .
ولو فيه اهانه في الموضوع المطروح بلغينا بنفس الموضوع وفي وقتها لكل حادث حديث .
وبالنسبه لكلمتج (( كيفكم هذا منتداكم وانتوا حرين فيه ))
انا بالنسبه لي ما اعتبرج كتبتيها لأن هذا منتدى اماراتي قبل ما يكون كويتي
واحنا في الخليج العربي دوله وحده تعتبر , وتشملنا مبادئ وحده وصلة قرابه مع احترامي للدول العربيه والاسلاميه يجمعنا الدين الاسلامي والوحده العربيه.
تحياتي لج سوسو
لا يا vip انا هب قصدي عن موضوع الي يخص الامارات بس لا انا قصدي المواضيع عامه تخص كل الدول هذا الي اقصده
وبعدين لما انا قلت هذا منتداكم انا مب قصدي لان هذا منتدى كويتي بس لا حتى لو صار هالشي بمنتدى اماراتي راح اقوللهم نفس الشي وماعندي فرق ولا انحياز بين الدول الحمدلله
:::::::::::::::::::::::::::::::::::
كلمة أخيرة أحب أزيدها :
سوسو على العشرة في هذا المنتدى كم مره واحد حب ينفس غيظه ؟ اذا تقدرين تحسبينها فعلمينا , اذا أنا عل المدة القليلة في هذا المنتدى شفتلي تنفيسات وآآآآآآآآآآآآآآآجد وبكل أحترام أقول ل Ok & Vip & Natheah انهم يهبون هبتهم لتهديء الاوضاع والأخذ بالخواطر وبعض المرات ينزلون من نفسهم تحت علشان يحافظوووووووون على هذا العضو اللي بعض المرات يكون يستاهل المحافظة عليه وبعضهم مايستاهل ولكن....... برضه يأخذون بخاطره , لكم كل الشكر والامتنان بالمحافظة على هذا الصرح الجميل ونحن فعلا نعتز فيكم وبصحبتكم , وياما بيجي من ينفس وهؤلاء الكرام يستقبلونها بصدور رحبة ومليئة بالود والمحبة , ما أقول الا يسلم من سلمكم مقاليد هذهي الادارة اللي أنتم أهل لها.
( أنا باقيلي تنفيسه واحدة, عاد متى تجي فهي بحكم المجهول , فأستعدوا لها , أيه غيري مو أحسن مني ) .
شكرا سوسو أنكي منحتينا الفرصة فعلا والوقت لكي نعبر من اللي نحسه بقلوبنا ودمتي بود ورخاء وأطمئنان.
انا ماقلت انهم قصروا بشي لا بالعكس بس اشوف المنتدى بدا فيه تغيرات والي ذكرتها قبل مافيا اعيد وازيد بنفس الكلام
المهم تسلمين اسيل
أسيل5
اللحين انا شكو اتحطيني مع Nathyaa
شكو فيها انا مالي خص بأحد علي بروحي ههههههههههههههههههههه
رجاءً لحد يدخلني بمتاهات خلوني بروحي
_________________________
Nathyaa
ماتعرفين رهش ؟؟؟؟؟؟؟؟؟؟؟؟؟؟؟؟؟؟؟؟؟؟؟
افااااااااااااااا روحي الجمعيه او اقرب محل حلويات متوفر على افا من يشيل
لا بعد بالفستق هههههههههههههههههههههههههه
مجرمة قديمة
15-09-2006, 10:32 PM
بنت_السويدي
اوكي ما اختلفنا من ناحيه الردوود بس عالاقل تكون بحدوود الادب ومايكون هناك نوع من التهجم وتجريح وبعدين لاتحافين انا ما ازعل :)
::::::::::::::::::::::::::::::
اوكى حياتى ماقولنا شي
اى احد تشوفين انه يرد او تشوفين ان طريقه كلامه بها تجريح او تهجم من حقق انك تقولين عليه او انك تبدين ملاحظتك عنه
وترا ماحد يزعل منك هذي وجهة نظر
واكيد غلاتى مانقدري نزعلك:)
مجرمة قديمة
15-09-2006, 10:34 PM
Nathyaa
ماتعرفين رهش ؟؟؟؟؟؟؟؟؟؟؟؟؟؟؟؟؟؟؟؟؟؟؟
افااااااااااااااا روحي الجمعيه او اقرب محل حلويات متوفر على افا من يشيل
لا بعد بالفستق هههههههههههههههههههههههههه
هههههههههههههه حلوه منك Vip:p
بنت السويدي
15-09-2006, 11:54 PM
بسم الله الرحمن الرحيم
اولا :
يعطيج العافيه حبوبتي
ثانيا :
انا شفت الموضوع من لحظة كتابته بس فضلت اني اتنحى جانبا حتى اترك المجال لكم لابداء وجهة نظركم
ثالثا :
السموحه منك ماي بوس لاني احب اني اشاطركم وجهة نظري
رابعا :
راح اخذ نقطه نقطه اتكلم فيها حتى نلم الموضوع من شتى المجالات وجميع الاطراف
_____________________
حبيبتي طالما الموضوع لايمس اي شخصيه بالمنتدى ومافيه اي غلط تأكدي ان محد يقدر انه يحذفه
وانتي عارفة سياسة المنتدى عدل
نعم يستحق الاحترام وكل العاملين على تقدم ورقي المنتدى من اعضاء ومراقبين واداريين
فاحترامنا لكل من يدخل الي المنتدى وبالاخص الاداره والمراقبين للمجهود الكبير اللي يبذلونه
بالعكس المراقبين والاعضاء من اروع الاشخاص وتأكدي مافي ولا عضو ولا مراقب دني
مانبي نتكلم بشكل عام ياريت تخصصين لنا شنو الموضوع اللي حسيتي فيه بتدني حتى يتم الاطلاع عليه
لربما فاتنا هذا الموضوع
ولكن انا على يقين ان مافي ولا موضوع دنئ حسب كلامج لاني على اطلاع بجميع المواضيع
اما من ناحية الردود
فهذا وارد بكل المنتديات وانتي قاعده تشوفين ان مثل هالشغلات ماتمر مرور الكرام
على طول يتم مسح المشاركه واعطاء بلوك
ياريت تذكرين لنا هالشي
لاتقولين كلام عام
نبي نشوف بعيوننا
اذا كان قصدج الاختلاف في وجهات النظر فهذا شي وارد
الاختلاف في وجهات النظر لايفسد للود قضيه حبوبتي
طبعا لا
بس على الاقل نفضفض عن اللي في صدورنا
والساكت عن الحق شيطان اخرس حبوبتي
رابع مره ياريت تذكرين لنا او تعطيني الرابط اللي فيه تجريح وعدم احترام
المسأله هذي ضروريه بالنسبه لي
ياريت تعطيني الروابط وابي اشوف وين التجريح وعدم الاحترام
انا املك من الاخلاق والاحترام مايجهله الكثيرون حبوبتي
اما بالنسبه للصوره فهذي حريه شخصيه لايحق لي مسح الصور الا اذا كانت صور خليعه او تمس الدين
اما الصور الكاريكاتيره مو من حقي مسحهها
ولو بمسح كل الصور الكاريكاتيريه لاصبح رصيدك من المواضيع صفر ياسوسو لان مواضيعج اغلبها صور كاريكاتيره
هذي حريه شخصيه طالما لاتمس الدين او تخدش الحياء العام
اما بالنسبه للرقابه فانا اعرف شنو قاعده اسوي مثل ماتفضل الاخ VIP
اللي موقد المناقشه لايناقش
احنا مانجبر الاعضاء علشان يناقشون
احنا قاعدين نفضفض عن اللي قاعدين نشوفه
نترفع عن الدكتاتوريه حبوبتي
هذا منتدى عام وفي اخر المنتدى توجد كلمه
(( جميع ما يطرح من مواضيع ومشاركات تعبر عن وجهة نظر كاتبها ولا تمثل وجهة نظر المنتدى بشكل عام ))
اذن العضو او المراقب له حرية طرح اي موضوع سواء سياسي او ديني او اجتماعي او فرفشه او صور
منتدانا اعتبره من ارفع واعلى المنتديات وهذا بفضل الله ثم بفضل القائمين عليه من اعضاء ومراقبين
-----------------------------
هذا كان رد لكل جمله
اما في مابين السطور
حبيبتي بالنسبه لموضوع الامارات او السعوديه او الكويت او سوريا
نحن لانتكلم عن البلدان ولكننا نتكلم عن السياسه القائمه لهذه البلدان
وهذا حق وواجب علينا نحن كعرب ومسلمين
وهذا ايضا دليل قوي لحبنا لبلداننا بدليل اننا نحاول ان نمحي بعض السلبيات الموجوده
اتمنى اني وفقت في ابداء وجهة نظري وفي المامك بطريقة سير المنتدى
دمتي بحفظ الله وراعيته
اكرر شكري وامتناني لكل مراقب واداري للمجهود الاكثر من الرائع اللي قاعدين يبذلونه بالمنتدى من اجل تقدمه ورقيه
vip - ok - الذهبي - ناشمثي - قدوه - ميس نايت - مودي - انوسه - العود - باسم
احترامي وتقديري لكم
شكرا سوسو لاتاحة الفرصه لكي نشكر المراقبين ونقدم لهم احر التحايا على المجهود الجبار
ومعذره للاطاله
ماشالله في مراقبين بقمه الذووق وانا ما انكر هالشي بس بعض الردود
نثيه حتى لو تفضفضون بس انا اشوفه عالفاضي على قولة المثل (( كلام ميمع تعال واسمع )) هذا الي اشوفه
وعلى طاري المواضيع والردوووود التجريح الصراحه من كثرهم ومزماان صاير هالشي انا ما اذكرهم من كثرهم لان مخي مب كمبيوتر عشان يتخزن فيه المواضيع والردوود عشان اييب روابطهم
وبعدين ما اختلفت في ابداء الراي فالردوود بس يكون بالمعقوول الرد مب مني والدرب
وبعدين على سالفة لصور الكاركتيريه
انا ما انكر اني ما احط صور بالعكس بس بعيد السوالف الي انتوا تقولونها وانا احاسب الشي قبل لاحطه
وانا اعرف اني ماراح احصل الي انا ابغيه من ردودكم وبعدني ماتوصلت لشي
والسموووحه من الكل
تشاااو
بنت السويدي
15-09-2006, 11:58 PM
ماتعرفين رهش ؟؟؟؟؟؟؟؟؟؟؟؟؟؟؟؟؟؟؟؟؟؟؟
افااااااااااااااا روحي الجمعيه او اقرب محل حلويات متوفر على افا من يشيل
لا بعد بالفستق هههههههههههههههههههههههههه
على طاري الرهش يبلي رهش يم يم يوعتني والله شكلي باجر بمر الجمعيه وباخذلي رهش يمي يمي
Nathyaa
16-09-2006, 06:49 AM
وانا اعرف اني ماراح احصل الي انا ابغيه من ردودكم وبعدني ماتوصلت لشي
شي طبيعي ياقلبي لانج تطلبين المستحيل :)
تطلبين باغلاق المنتدى العام وعدم التكلم بالسياسه
تطلبين بان الواحد مايناقش باي موضوع
تطلبين اني اتدخل بخصوصيات العضو وامسح الصور
تطلبين اني اغلق افواه الاعضاء
تطلبين ان نصير دكتاتوريين ونمنع ابداء الرأي
وعلى طاري المواضيع والردوووود التجريح الصراحه من كثرهم ومزماان صاير هالشي
من زمان وتوج تنتقدين وتتكلمين ياقلبي
وينج من زمان :)
----------------------
ياقلبي ياحياتي هذا منتدى يعني يجمع جميع الانشطه والاقسام والميول
اذا تبين الاسلامي موجود واذا تبين الفرفشه موجود واذا تبين السياسه موجوده واذا تبين الصور هم موجود
منتدى متنوع ياقلبي
هني يأتي دور العضو في انه يختار القسم اللي يعجبه ويدخل فيه
انا ادري ان اللي خلاج تحطين هالموضوع هو خوفج واهتمامج للمنتدى
وانا شاكره لج هالشي ياقلبي
آسيل5
16-09-2006, 08:36 AM
تراكم ذبحتونا , خلاص فضووووووووووها من سالفة. صرنا نتابعكم وأهملنا المواضيع المهمة , وهاذي بوسة على راسج سوسو أمممممممممممممممه.
ريحوا أقلوبنا . وكلكم عزيزين .
بقايا الليل
16-09-2006, 09:06 AM
طرح قيم جدااااااااااااااا
اشكركم على الردود والمداخلات
بنت السويدي
16-09-2006, 11:23 AM
والله يا نثيه انا ماطلبت انكم تسكرون منتدى العام الي انا الي بغيته انكم ماترمسوون بالسياسه
وبعدين انا ماقلت ما تبدون رايكم بس يكون بالمعقوول
انا كنت عارفه سالفة التجريح بس كنت سامته بس شفت هالشي زايد عند حده وانا بس حبيت اوضح الي وضحت قبل
المهم والله انتوا تسوون الي تسوونه
وانا الصراحه تعبت من كثر ما ارمس وماشي فايد بالاخير وليش اتعب عمري اكثر
المهم
تشاااااااااااااااااااااااااو للجميع
albader
16-09-2006, 11:52 AM
طبعا انا أدرى أنكم بتصكرون الموضوع لكن ابى اتحرش فيكم
الله يستر من الموضوع خوش موضوع بأول طلة لى
يالله اهى خاربة خاربة
....................................
الغالية سوسو
لايخفى على احد منا أن أطباع وافكار وشخصيات الناس جميعها مختلفة وكذلك ذا المخلوق البشرى هو متغير بطبعه ويتغير طبقا للضروووف والبيئات المحيطة .
فى عالم وهو جان جاك روسو يقول (( أن الانسان يولد خير بطبعه ولكن المجتكع هو الذى يفسده )) وهذا هو قاعدتنا واساسنا والدليل قول الرسول الكريم ((( كل مولود يولد على الفطرة ))) وفطرتنا هى من خالقنا وهى الفطرة السليمة التى لا تشوبها الشوائب ولكن مصيبتنا بدنيانا ومعيشتنا ومجتمعاتنا التى تتشكل منها شخصياتنا .
وبالنهاية تتبلور شخصياتنا أما شخصيات قوية أوضعيفة او طيبة او شرية او صالحة اوطالحة او جادة او تافهة ... ونعمة من الله أن نقيم الامور الجادة والواقعية بحياتنا ونعمة من الله لك أن تقيمى البئة التى تتعايشين بها حتى لو كان هذا المنتدى ومعناه أنك أنسانة جادة وتبحث وراء الواقعية والصلاح والحلول مما يجعلك صاحبة أهداف سامية بحياتك .. وأنا بدورى أحييك وأحيى أخوانى اللى شاركوا بهذا الموضوع لأن الكل منهم يبحث وراء الصلاح بغض النظر عن ما يجنونه من وراء ذلك لأنهم لايجنون الا راحة الضمير والاستقرار النفسى ونبذ كل ماهو خطأ بحياتنا والصلاح فيها .
أختى العزيزة
لايمكن ان نعيش بأي مجتمع أو باي مكان سواء بالوظيفة او بالمدرسة او بالجامعة او الاهل او الجيران او الاصدقاء لابد ان تكون شخصياتهم واسلوبهم وطرقهم مختلفة ولا يمكن يكونوا جميعهم أسوياء لابد أن نجد منهم شخصيات سلبية ومتعارضة مع افكارنا واسلوبنا بالحياة ..
قد أكون أنا جدى وأواجه أنسان تافه وهذا ليس بالغريب ومنتدانا كأى مجتمع نجد به كل الشخصيات سواء الزينة او الشينة وهذا ليس بالغريب وقد يكون من الصعب السيطرة على بعض هذه الشخصيات لان ليس لها وقت محدود ولا موعد وقد يجد الاخ VIB والاخت Nathya صعوبة أكثر منا بالتعامل مع هؤلاء وهم أول من يعانى منهم وهم من يحاولون التخلص من كل مايشوب منتدانا وهذه حقيقة نقر بها جميعا .
أختى
بما ان نقر بكل ماذكرته خلينا ايد وحدة يجمعنا فيها حبنا حق بعض وان نكون أقوى وثقتنا اكبر من ان يؤثر بها أى واحد يعترض حياتنا
كل التقدير والاحترام لك وللأخوان
آسيل5
16-09-2006, 12:06 PM
أولا يامرحبا بالبدر عدد ماغرد الطير.
ومن أولها طبيت على هذا الموضوع , ( تراها خلصت وأنتهت بس برضه كلامك مضبوط ).بس لازم تعلمنا عن هذهي الغبة الطويلة.
BLUE EYES
16-09-2006, 04:29 PM
ياشينك يأبو عيون زرق تبي تولعها وهي طافية , ياحبكم على صب الغاز.
أبو عيون زرق أنت أمريكاني.
السلام عليكم
اول شي يعطيكم العافية
اقول لاسيل 5 تحترم نفسها شوية وما ترمي هبلها علينا ترميه على شخص تاني واقول لك يا اسيل لا تخبصي بالكلام شو امريكاني وما امريكاني انا اقول لك خليكي بنفسك وما تدخلي في حد من الاعضاء وانا اول واحد منهم وخلاص وهدي نفسك شوية وادعو لجميع المنتدي ان يهدوا نفوسهم ويتناولوا المواضيع بوسعة صدر واشكر سوسو على رايها وهذا من حقها لانه هيدي ديمقراطية بس مو ديمقراطية امريكا هيدي ديمقراطية اسلامنا العظيم ويعطيك العافية اختنا نثية على كلامك الي بأيده والي بيدخل العقل ومشكورين جميعا وفي الاخر انا اسف على الكلام بخصوص اسيل بس الكلام الي عم بتقوله ما حد هيتحمله الا اذا كان العضو مو في عقله ما بيقول الواحد شي والسلام عليكم
آسيل5
17-09-2006, 07:56 AM
شكله الدائرة التفت علي أنا , بس برضه أنا عقلي كبير ومالك الا طيبت الخاطر يابو عيون زرق, والزعل عندي مرفوض ( بس لي طلعات في الغشمرة الله يعينكم عليها ) ثانيا ( في علم النفس يقولون دائما أبو عيون زرق دائما من أهدى الناس والطفهم فحسبتك منهم مادريت أنك بارود كذا تثور بدون نار)
حقك علي وحبينا نجس نبضك.
BLUE EYES
17-09-2006, 11:43 AM
يا اسيل انا هادي بس انت قلتي حاجة ما بقبلها اي مسلم شو امريكاني
والله يهديك مشكورة مش مشكلة
توفيق
17-09-2006, 01:39 PM
صدق أنكم ماتنخلون , بس كم يوم غبتها عنكم قمتم تتهاوشون. خلاص مرة ثانية ماني رايح عنكم بقعد لكم.
أختي سوسو أنتي شمعة في هذا المنتدى ومن المنطلقين به الى أعلى ولايهون الحاضرين فطولة البال مطلوبة , وأقدم شكري لكل من شارك بالتهديئة وأقول ل اسيل علي ترى عدة أنفاسج. وأيانا وأياكي وتنفيسج اللي الله أعلم هو يطاق والا لا يطاق. تحياتي للجميع.
Nathyaa
17-09-2006, 05:37 PM
صدق أنكم ماتنخلون , بس كم يوم غبتها عنكم قمتم تتهاوشون. خلاص مرة ثانية ماني رايح عنكم بقعد لكم.
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
رايق حدك :)
توفيق
19-09-2006, 09:22 AM
سوسو صدق اللي في المنتدى يحبونك ولا يتمنون أبدن بزعلك وياليت تكتشفينها وتنظري أن المشاركات وصلت على شانك الى 53 مشاركة الى الان , فا أقل شيء أعمله بالنيابة عنكي وأسمحيلي ماتروحين وتطيحين فيني أن أتقدم بالشكر والامتنان بالرقي للمشاركين والوقفة كيد واحدة لذرأ أي زعل من أجل غاليتنا سوسو , ولنثية أيضا على طولت البال اللي ماهب غريبة عليها هذا واللي أبضا شايلتن بلوينا وأغلاطنا وتحرشاتنا بصدر رحب أتمنى بجد الاغتناء بمثل هذا الكيان المحترم والثقيل والرحب ووو................... مايوفي الكلام بصرحة وتخونني التعابير لهذا الكيان الحي الجميل بركادته وذوقه وطموحه بالأرتقاء بهذا المنتدى للعلالي , فهنيئن لكم يأهل المنتدى وهنيئن لنا بهذهي الشخصية ارائعة. ودمتم وأرجوا السموحة من الجميع لأنها تعابير حق يجب أن أقولها.
جميع الحقوق محفوظة لـ الشبكة الكويتية