لماذا يخفي الابناء اسرارهم ؟؟ دعوه للنقاش

[بنت السويدي]

بسم الله الرحمن الرحيم

السلام عليكم ورحمة الله وبركاته

إن الجميع يعلم ان للاسره دور هام في بناء المجتمع

فمتى كانت الاسره واعيه ومتفهمة

تكوّن لبنه قويه في تأسيس مجتمع صحيح

شب ابناءهم وهم اكثر وعي وادراك واكثر ثقة

في انفسهم ومجتمعهم ولكن يصادف الابناء

بعض المشاكل لايستطيعون اخبار الوالدين بها

ما اسباب عدم ذكر الابناء اسرارهم

لآبائهم وامهاتهم فهي متعددة فقد تكون العلاقة

غير مبنية على الثقة أو الصراحة وقد يكون

خجل الابناء أو الخوف من العنف أو

عدم الرغبة في ازعاج الابوين ..

كيف توثيق الصلة بين الاباء والابناء ؟؟

ولماذا يخفي الابناء اسرارهم على الوالدين؟؟

أسئله تستحق المناقشة !!
أنتظر منقشاتكم

[Nathyaa]

السبب الاول والرئيسي هو الخوف

لان الابن يخاف انه اذا صارح اهله باي شي ممكن انه يتعرض للزف او للضرب او للمهانه فيفضل انه يسكت علشان مايسوون له شي


السبب الثاني ابتعاد الام عن الاطفال

معروف ان الام هي القلب الطيب الحنون فلو كل ام اعتبرت ابنها مثل صديقها والله راح تلقون كل الاولاد يشكون للامهات


ميرسي حياتي

[بنت السويدي]

صح مثل ماقلتي الخوووووووووووف



بس في بعض الاحيان تلقين الاباء لهم دوور كبير ويقدروون يتافهموووووووون ويا العيال وهذا الشي نادر
بس قلب الام غير حنونه مثل ماقلتي


يسلمووو عالمروووووووووووووووووور

[ROLZ]

مشكوره اختي
انا رايي ان الولد او البنت يوصلون لمرحلة سنيه معينه يحتاجون واحد قريب لهم بالعمر ويحاولون يبتعدون عن روتين سنوات ماضيه كان الراي الاول والاخير فيها للاب او الام بحيث يبدا الولد او تبدا البنت في بداية بنيان حرية شخصية داخليه واختيار الانسان الي يشوفه ممكن يكون قريب وله وهنا تبدا المشاكل في كيفية الاختيار والغالب تكون الاختيارات في هالعمر غير موقفه..... الصح ان الاب والام من الصغر يحاولون يبنون او يعطون مجال للابناء لبناء شخصية مستقله ... طبعا الغالب يقولون هذا طفل مايفهم .. بس لو عاملانه او تخيلنا ان الي امامنا شخص ناضج كافأناه على الصح وعاتبناه على الغلط وناقشناه بهالطريقه من مرور الوقت بتلاحظون ينبني للطفل ثقه بنفسه وفي نفس الوقت يزال جدار الخوف بين الابناء والاباء
راي شخصي
يسلمو حبايبي

[Nathyaa]

يسلموووووو رولز

بس انا ارد واقول ان الدور الكبير علي الام

والله يالغالي

انا ولدي دايما يقولي انا مااحس انج امي

فاستغرب اقوله ليش ؟

يقولي احس انج صاحبتي او رفيجتي

والله اني اقعد اناقشه بكل شي حتي بالمدرسه وربعه او اي شي يطري علي بالك

واذا طاح باي مشكله يلجأ لي مااعطيه الحل بس اساعده انه يلقي الحل بروحه

واهم شي اهم شي

اذا قالي اي شغله مستحيل اطلعها برا وانساها بنفس اللحظه علشان مايحس اني فضحته

اقولك سالفه صارت

حسيت انه متغير صار له 3 ايام

سكت ماكلمته اخر شي ياني بروحه جان يقولي انا سويت شي غلط خذيته الدار بروحنا وقلت له بدام عرفت انه غلط لاتعيده

قالي ماتبين تعرفين شنو الغلط ؟ قلت له مو مهم اذا انت ماتبي تقول

قالي انا شربت سجاره

قلت له وبعدين قالي ماعجبتني اختنقت منها وقعدت اكح وانا صارلي 3 ايام مو قادر انام مادري اشلون اواجهج

رحت ويبت له باكيت سيجاير وحطيته يدامه قلت له اذا تبي تدخن سو الشي يدامي مو وراي وصدقني لو فيه خير جان كلنا دخنا بس هذا يسبب الامراض وقعدت انصحه علي الخفيف ماثقلت عليه

خذا الباكيت وقطه بالزباله وقالي يما انا غلطت مره مستحيل اغلط مره ثانيه وقام يبجي الا تسامحيني

قلت له بدام اعترفت بغلطك وقلت لي انا مسامحتك

هذي شغله بسيطه لازم كل ام تتعامل مع اطفالها بهالطريقه حتي تكسب صدااااااااقتهم

جني طولت انا

يسلموووووووو للي قرا الرد

[ROLZ]

يعطيج العافيه على التربية الحلوه هذي
والله يخليه لج اهو واخوانه
صداقتنا احنا يالكبار مع الاطفال لها طعم خاص مايحس فيها الا الي يشيل من راسة فكرة هذا طفل ياهل مايفهم
جرب تعامله على انه صاحبك وكلمه بمستوى تفكيرك انت بالكبير شوف وقتها راح تحس بطعم هذي الصداقه
مشكوره اختي نثيه والله يخليهم لج ويخليج لهم

[جمايل]

فيه مثل قديم كنت اسمعه يقولون لي كبر الولد خاوه

فيما معنا ها المثل الولد او البنت من تكبر نعاملها على

انها صديقه وتكون معاملت الوالدين لها اوللابن كصديق

ونستمع له وانحاول انوصل له النقطه الصحيحه من غير ضغط

السلطه الاابويه او سلطة الامومه هاذا بعتقادي التربيه المطلوبه لاولادنا

اما ان مشينا عكس ها الطريقه ونتحكم با الولد او البنت لاا لااتسوي جذي وعيب اتسوي جذي

يخلي الولد يبتعد عنا ويحاول يخبي مشاكله عنا وبتالي نتفاجأ بتصرفات او شغلات

نسمعها من برا عن اولادنا

[ROLZ]

صح لسانج اختي نثيه
فعلا هالشي حاصل بمجتمعنا
مشكوره اختي

[ROLZ]

صح لسانج اختي جمايل
سوري مو مني ترا منج انتي صايره قليل تدشين واختي نثيه ماشالله دايم نشوفها فالرد دايم يكون
اختي نثيه اختي نثيه هههههههههه
سوري جمايل
كلامج في محله وصح لسانج مره ثانيه
وسوري على الغلطه

[Nathyaa]

يسلمووووو كلكم

هذا شي اكيد

في حديث الرسول مااذكر نصه للاسف

بس شرح الحديث

السبع سنين الاولين تعلمه

السبع السنين الثانيه تأدبه

السبع السنين الي وراهم تخاويه


وبعدين تفكيرهم الحين في جيلنا هذا تغير

صاروا يفهون اكثر منا بفضل الانترنت والبلاي ستيشن والطلعات والاماكن اللي يروحون لها

مو مثل قبل اليهال مايطلعون من الفريج

الحين الوضع تغير

[ROLZ]

اي قبل ايام طفولتنا مو شي احنا مانعرف شي هههههههههههههههه

[Nathyaa]

احلي شي هالايام

مو الحين اليهال يخرعون

[جمايل]

لا عااادي اخ رولز انا ونثيه واحد وادري ها الايام مقصره بلمنتدى

بس ياليتكم اتعذروني الظروف مرات تكون اقوى مني بس انشالله

ما انقطع عنكم مده اطول من جذي