مشاهدة النسخة كاملة : السعوديه & الكويت (التصفيات المؤهله لكأس العالم)
الشوق والدمعه
31-03-2005, 09:45 AM
تعادلت الكويت والسعودية صفرـ صفر امس على ملعب نادي كاظمة
بالكويت ضمن الجولة الثالثة من تصفيات المجموعة الآسيوية الاولى
المؤهلة الى نهائيات مونديال 2006
وقدم المنتخبان مستوى فنى رائع تدل على ديربي المنطقه الخليجيه
بالتوفيق للمنتخبات الخليجيه الثلاثه المشاركه
وان شاء الله نكون بطائره واحده تذهب الى ألمانيا
الذهبي
31-03-2005, 01:47 PM
إن شاءالله يارب
هذا اللي يتمناه كل كويت صدقني كل كويتي
والله يوفقهم
تسلم ياغالي على الطرح
الذهـــــبي
Nathyaa
31-03-2005, 02:59 PM
الله يوفق المنتخبين يارب
امس انا شفت المباراة وكان اللعب رووووووووعه
الله يوفقهم
ميرسي شاعرنا
الذهبي
01-04-2005, 02:04 AM
بالعكس مستوى المنتخب الكويتي كان في قمة الفشل
نطمح للأفضل
إبداء رأي وتحليل . لا أكثر ولا أقل
العابر
01-04-2005, 04:28 AM
لأصدقك القول اخي الذهبي
لم يكن المنتخب الكويتي فاشلا بالعكس بل كان قادرا على ان يقلب النتيجه بايه لحظه
ولكنها مباراه متفق عليها من البدايه ولذلك كان المستوى من المنتخبين دون المستوى
اي انه كانت هناك اتفاقيه على التعادل
في محاوله لقهر المنتخب الكوري واخراجه من التصفيه لتأخذ الطائره المنتخبين السعودي والكويتي
لألمانيا وانشاء الله هذا ما سيحدث .
Nathyaa
01-04-2005, 12:20 PM
معلومه يديده
صج والله كانت اتفاقيه ؟؟؟
الشوق والدمعه
01-04-2005, 12:43 PM
أشكركم أعزائي على المرور
أخوي الذهبي بالعكس كان المنتخب الكويتي في قمة مستواه الفني
أخوي العابر
انا أعتقد انه لايوجد اتفاقيه لانها قد تضر المنتخبين لانهم سوف يخسرون نقطتين
ثمينتين وأتمنى من أعماق قلبي انهم يتأهلون مع بعض ويذهبون بطائره واحده
ويتبعهم المنتخب البحريني.........
يبتعدون عن الشحن النفسي
يركزن في القادم
يتعلمون من الاخطاء
يلعبون بحماس
اضمن لك يتاهلون
غير هذا لا
مشكور اخوي الشوق والدمعه على الموضوع
Nathyaa
02-04-2005, 10:33 PM
الله يوفقهم يارب
الذهبي
03-04-2005, 02:20 AM
أخوي الذهبي بالعكس كان المنتخب الكويتي في قمة مستواه الفني
(( اذا هذا مستواه فعلى الدنيا السلام ))
أخوي الشوق والدمعة : في لواعيب يلعبون بالمنتخب بالواسطات وين تبي يفلح المنتخب
أخبار موثوق فيها مليون %
ومن ناحية ثانية
أعتقد ماكو أي أتفاق
أنا أقولك صح الكويت تاريخها الرياضي ويا كوريا أسود وأذكر شغلات صارت شكثرها بمنتخب اليد قبل
ماتخيلون وين وصلت النتائج
وإذا فكرتوا في أي اتفاق خلاص خلونا نشوف السعودية تخسر نفسها ومو من صالحها .. واااااااقع
ردوا لترتيب المجموعة وشوفوا نقاطهم وأنطروا مباريات الإياب .. يعني مليون بالميه ماكو أي اتفاق
أشكركم
السعودية بتلعب مبارتين في ارضها لو تعادلت اقل شي مع كوريا في كوريا وعطت الكويت التعادل في الرياض ان شاءالله الفريقين رايحين المانيا
وترا اتفاقيات الفرق مو غريبه كذا مره ذقنا مرارتها من سنة 82 لما اتفقت المانيا مع دوله ثانيه ناسيها وطلعوا الجزائر
وقبل جم سنه طلعوا اعتقد المغرب بلعبة اتفاقيه بين البرازيل ودوله ثانيه
يعني هالمره لو نتفق ونتاهل كلنا لكاس العالم ماعتقد فيها شي بالعكس انا ودي والله يتفقون
مشكورين حبايبي
الذهبي
05-04-2005, 02:17 AM
حبيب قلبي التعادل من صالح كوريا ياعمري وإذا تعادلو الكويت والسعودية تصعد السعودية معاها والكويت راح يستريحون بالكويت :)
أتمنى كل التوفيق لهم الاثنين ودول الخليج كلهم ..
صراحة أنا أبي البحرين تصعد قبل السعودية والكويت مشرفين للكره
العابر
11-04-2005, 12:29 PM
اضمن لك اذا فازت الكويت على كوريا راح يتأهلون مع السعوديه
الذهبي
12-04-2005, 12:29 AM
غالي يالعابر
(( بس إذااااااا ))
إحنا نتمنى
بس مشكلته مشكله منتخبنا
وأتمنى له الخير وين ماكان والله يوفقه يارب .. الازرق
المؤدب
12-04-2005, 10:30 AM
سلااااااااااااااام
بالله عليكم اذا هذا مستواهم هنيه كيف اذا راحو المانيا وقابلو الفرق اللي عليها الكلام وش تتوقعون
حنا مانبي تأهل وبس نبي فريق يستاهل يتأهل مو يروحون تكملت عدد
واتمنى التوفيق للجميع
الذهبي
12-04-2005, 01:43 PM
عدل كلامك نبي وخاصةً فريق خليجي بالذات يشرف الكره
أنزين صعد الكويت أو السعودية على سبيل المثال
وبأول مجموعه لهم طلعوا الأخريين
شالفايدة
وشالفايدة اذا غلبوا الكويت أو السعودية بنتائج 5 / 0 أو 6/0 أو 10 / 0
إستفدنا شي
بالعكس يضحكون علينا الغرب ويقولون هذولا مو مال كره هذول مال يلعبون تيل بس
عدل كلامي ولا مو عدل ؟
المؤدب
12-04-2005, 02:08 PM
يابه كلامك عدل وهذا اللي حنا خايفين منه
انهم يتأهلون ويجيبون الفضايح في المانيا
والله ياليتها على 6 او 5 الموت ان جا فيها من العشره وانت طالع
بالعكس
انا اشوف ياخوان التأهل هذا يعتبر انجاز
تصنيفك ضمن احسن 32 فريق بالعالم هذا بنفسه شي طيب
اما نتائج المباريات لكل حادث حديث على قولتهم
والمباراه وضروفها
لوعة الخساره والخروج من التصفيات اقسى من الخروج من البطوله اذا وصلت لها
اسمه وصلت وهذا شي طيب
الذهبي
14-04-2005, 08:56 PM
أوكي وصلنا
ياما فرق وصلت .. ودخلت التاريخ بالفشل والفضيحة
أنت تبي تكون نايم وكافي خيرك شرك
ولا تبي قاعد ومزعج الناس ..
النظره بالمناسبات هذي ماتكون للنتائج والله ياذهبي
الوصول مثل ماقلت لك يكون هدف تعريفي بالدوله
يعني مثال لحد سنه 1978 لما لعبت تونس بكاس العالم الي بالارجنتين ماحد كان يعرفها
بس لما لعبت الكل عرفها وبدا الاعبين التوانسه يحترفون برا وبدا التعريف فيهم ومنهم الي لعب عندنا بالخليج.. بعدها مافيه دوله خليجيه كانت وقتها معروفه لحد مافازت الكويت سنة 81 بكاس آسيا وعقبه تاهلت لكاس العالم وقتها انعرفت الكويت بالنسبه لعامية الناس وخصوصا الاوروبيين سنة 82 في اسبانيا رغم انها انهزمت من فرنسا 4/1 الا ان المرحوم الشيخ فهد الاحمد قالها كلمة جئنا لنوصل كلمة الكويت للمحفل العالمي وكان يقصد في كلامه لنعرف الناس بنا وماقال لنكتسح الفرق ... اذكر قبل كم سنه فيه دوله ماكنا نعرفها احنا بالخليج الا من خلال كرة القدم واهي مكاو الي صفت معانا بكاس العالم وكانت تهزمها الكويت والسعوديه بالسبعات والثمانيات اذا تذكر بس بالنسبه لنا احنا عرفنا ان فيه دوله اسمها مكاو
هذي وجهة نظري يالغالي
واسف على الاطاله
الذهبي
15-04-2005, 01:56 AM
أوكي عرفنا مكاو
شنو تعرف عنها يالغالي
دوله فاشله كروياً 100 % خيبه عليهم .. عدل
أنا ماقلت ماتشارك دول الخليج كلهم
قلت ياريت يصعد اللي يستاهل ويبيض الوجه .. مو اللي يفشلنا .. وجمهور الضد يقعد بالمدرجات يقولون خلنا اليوم نحظر مباراة المسرحية الفكاهية
عدل كلامي :)
الذهبي
15-04-2005, 01:58 AM
رولز
لا تجعلها سياسية
أجعلها كروية وتحدث عزيزي
لنتقدم كروياً
لاسياسه ولا شي
اذا على كلامك اخوي الذهبي
خلاص معناته نقعد في بيوتنا وبلا هالتصفيات اصلا دام عارفين مستوانا هابط
ونقول للاتحاد الاسيوي هالسنه ماراح نشارك معاكم مستوانا مو ذاك الزود
_____
يبينا ثقه بالنفس اولا وثانيا ثقه بقدراتنا قبل لاندخل المعلب
-
يعطيك العافيه اخوي الذهبي
الذهبي
15-04-2005, 08:55 PM
لا ياأخوي
نطمح للأفضل فلوسنا وايد بس إنتاجية ماكو
نطمح للافضل
عدل كلامك اخوي الذهبي
الطموح يبيله ثقه بالنفس اولا وتخطيط ثانيا
ننسى الماضي ونبني من جديد هذا المهم
لاهنت اخوي على المناقشه الذهبية
الذهبي
16-04-2005, 03:10 PM
شاكرلك أكثر ياأخوي
****
الثقه موجوده
بس عقليه مافي
MillaN
03-05-2005, 10:26 AM
يسلمو يا الغالي
AL_3oooD
22-05-2005, 07:55 PM
انشاء يصعد منتخبنا لكاس العالم
جميع الحقوق محفوظة لـ الشبكة الكويتية