قف قضية بدون !

[Nathyaa]

http://www.kwety.net/kwety1/q89/oioi.jpg


الى متى هالقضيه موجوده بالكويت ؟؟

هل انتو مع اعطائهم الجناسي ام تركهم ضائعين بالبلد ؟؟؟


انا اختصرت الموضوع ابي اشوف انطباعاتكم

كل واحد يدلو بدلوه بهالقضيه

الف شكر لكم مقدما

[مجرمة قديمة]

يسلمووووووو حبوبتى للموضوع

انا رائ اعطائهم الجناسي افضل من تركهم ضائعيين

يسلموووووووو حبوبتى للموضوع

[Nathyaa]

بشكل عشوائي او في هناك طرق معينه تنصحين فيها


فديت هالطله ياقلبي

[مجرمة قديمة]

اي انا اقول ان اعطائهم الجناسي افضل من تركهم ضائعيين لان جذي تنظلم ناس كثيره مالها ذنب بشي..

يسلموووووو حبوبتى

[توفيق]

باناس ترانا تهافتت علينا الامم وهذا ولله الحمد والشكر والمنة من الامن والامان وخير الارض اللي الله المنان علينا , العجلة دائما تولد عدم الاستقرار فيجب التأني في أمور مثل هاذي وعدم الاستعجال , والله ياناس لو الموضوع فيه فائدة كبيرة للمجتمع كان تلقون حكومتكم أول من يسرع بأنجازه . فيه ضوابط تتحكم بالموضوع ولا كل من هب و دب ينعطى , ياناس خففوا من تلويث مجتمعنا , تبون أكثر من التلويث اللي أحنا فيه , مثلا قبل فترة وجيزة ( هو ويا خويته بالدباب على الكورنيش وبين الشوارع وأيضا مرورهم امام مسجد جامع عند صلاة الظهر و شهر رمضان ) لعنبو داركم تبون أكثر من هذا التلوث , وماخفي أعظم وأترفع عنه . وهي ماهي طنازة كثر ماهي نصيحة. وسلاااااااااام لأهل أحلى منتدى وديرة.

[Nathyaa]

صحيح

اغلب المشاكل والجرائم من فئة البدون


بس ليش مخلينهم بالكويت


اما اظهار الجناسي الاصليه او تسفير


كل الشكر اخي الفاضل للمرور

[KatKot_q8ety]

أختي نثيــه تسفير وين تعتقدين هالفئة لهم بلد ثاإني غير الكويت ..

هالفئة من حقهاإ العيش حاإلها حاإل غيرهاإ الدول الخليجية

أمثاإل (( البحرين )) و (( السعودية )) سنعت ملاإيين من هالفئة ..

مـو شرط التجنيس ع الأقل توفير لهم سبل الراحة حاإلهم حاإل البشر

تراإ أهم اخوانــاإأإ ..

وتـراإ الحكومة مسؤولة عنهم ولا تنسون حديث الرسول صلى الله عليه وسلم

" كلكم راإع وكلكم مسؤول عن رعيته " .!!

[Nathyaa]

كتكوت

سعيده بوجهة نظرك


بس هالفئه هذي ماعتقد انها نبتت بالارض مثل الفقع


اكيد عندهم جناسي بس خاشينها


انا مااقول كلهم

ولكن البعض


في بدون بصراحه يستحقون الجنسيه الكويتيه

وفي بدون لايستحقون

ليش مايطلعون جناسيهم ؟؟؟

والله يكسرون خاطري خصوصا الاطفال

المفروض الحكومه تحل هالمشكله

سعيده بابداء وجهة نظرك اخي الفاضل

[توفيق]

ومن يقول أن الحكومة ساكته , الحكومة تبذل طاقتها لحل المشكلة ولكن بتأني وركادة وطولة بال , لأن أي خطأ سيكلف الكثير الكثير اللي مأنتم عارفينه , وفعلا يكتكوت أن الفئة هذه من حقها تعيش والحكومة مارمتهم الشارع , كلهم شوفوهم بعيونكم من هو اللي نايم فيهم بالشارع أو ماعنده يأكل أو مايمشيله راتب أو ماهو عايش عيشة كلها أمان ورخاء. أدخلو مجمعاتكم التجارية الكبيرة وشوفوا الاجانب أشكثر الاكياس بيدهم بكل مالذ وطاب وجميع المستلزمات ومن أغلى الاسعار , والله ثم والله أني شايف كويتيات بعيني وسامعهم بأذني يستنكرون على هؤلاء اللي هم فيه من نعمة لم يصيبهم منها مثلهم , وتقول وأحده من الكويتيات الاصليات اللي هم بنات البلد في خيره وفقره ... وفقره....وفقره أكررها علشان تفهمون تقول ( ليه حنا مالنا مثل هم مالهم والا بس أحنا الكويتيين الاصليين مالنا الا الجمعيات الخيريه ). صحصحو وبطلوا أعيونكم تراهم قبل ما أنفعوكم الا الأصلي وفديت قلبي الاصلي . انا أدري أن السعودية جنست ناس واجد بس بتحفظ ورؤية أمنية كاملة والكامل وجه ربنا سبحانه . انا أذكر الله يعطيه الصحة والعافية ذاك الرجل اللي كان ضارب جليمبو بغترة ويتابع مألة تفجير سمو........ رحمه الله وأدخله فسيح جناته , هاذهي النواحي الامنية التي يجب الحرص فيها اللي يتطاولون على أعلى رمز بالبلد فلاااااااااااااااااااااااااااااااااااااااااااااا والف لااااااااااااااااااااااااااا. يخسون ويعغبون من يمسهم أو يلمس شعرة منهم ولا يذبحنا الا الشرذمة اللي تأكل من خير هذا البلد وهي توالي دول ثانية وقريبة منا وتنظر لنا بشر وأحتقار وتعرفوووووووووووون من أقصد . وسلااااااااااااااااااااااااااام لأهلي أهل الديرة الكويتيين الاصليين.

[Nathyaa]

والله توفيق في بدون بالكويت من اغنى اغنياء الكويت


فلوس الدنيا اللهم زيد عبادك


عمار عليج ياكويت

طول عمرج ديرة خير

[kwety]

الف شكر لج اختي ثيه

نعم نعلم ان البدون ليسوا زرع يخرج من الارض

لكن جم سنه نعاني من مشكلة البدون

مافي شي اسمه تاني

يا تجنسهم يا تسفرهم

انا راح اعطيج مثال صغير

لخطورة الموقف

وهذا المثال شي من الواقع

شخص لا يملك شي ياكله

شنو تعتقدين راح يسوي

وظايف وما يتوظف

شنو برايج راح يسوي

ناهيج عن الحرمان الي يعانون منه

وشكرا

[Nathyaa]

هلا وغلا بهالطله

اغلب المشاكل والجرائم اللي بالكويت من البدون

ليش الممطاله في تجنيسهم او تسفيرهم

والله اذكر واحد يهدد بنت كويتيه

يقول لها انا بدون يعني طلقه وحده تموتين ومحد يقدر يصيدني لان ماعندي ملف


شوف شلون يفكرون

قبل تقريبا 6 او 7 سنين اذا ماخانتني الذاكره

اعطت الكويت فرصه للبدون للاثبات هويتهم او تسفيرهم

الكثير والكثير منهم اخرج هويته

واللي ماعنده اشترى له جنسيات ثانيه مثل الجنسيه الاريتيريه او السودانيه او او او ....


وقلة نسبتهم بشكل كبير

وبعدين ربعنا طخوا وسكروا على الموضوع

السؤال هو

ليش سكرتوا على الموضوع ؟؟

ليش مااستمريتوا في الضغط عليهم لاخراج هوياتهم

الحكومه قاعده تجنس اللي يستحق التجنيس

بس الثانيين ليش مخلينهم ؟؟؟

سعيده بمرورك وتنويرك متصفحي اخي الكريم