مشاهدة النسخة كاملة : قصيدة فتاة تخلى عنها والدها ... بصراحة سالت دمعتي
الشوق والدمعه
16-03-2005, 03:48 PM
قصيدة فتاة تخلى عنها والدها ... بصراحة سالت دمعتي
في طقه الباب يفرح قلبي وعيني
أركض عليه احسبك يابوي طقيته
خمسة عشر عام تاركني وناسيني
ياكبر ذنبك على بنتك وسويته
أنا ضحيه زعل مابين قلبيني
تفرقوا والثمن بالعمر لاقيته
من صغرتي كنت أضنك فرحة سنيني
مير الله اقوى على اللي بسبتك عانيته
في ضحك الأطفال يحرقني ويكويني
أنك بعيد وغيري اليوم جيته
طول الدهر عفتني واليوم ترجيني
عشان طاري المهر ياشين ماجيته
ابيك ضد الزمن ساعة يبكيني
وابيك تمسح سحايب دمع هليته
واذا مرضت انت يابوي توديني
تشوف وش علتي من وضع قاسيته
وتشري لعبه يابوي فيها تسليني
تاخذ بعضها وانا اخذ منك ماعطيته
في ليلة العيد ماألقى من يهنيني
الا امي اللي تحـــس بهم اخفيته
يابوي نظرة غلا ماهيب ترويني
ان ماحصل بالعمر قربك وحسيته
لوني يتيمه لقيت اللي يعزيني
وانساك يامن ضويت الشمع واطفيته
مصيبه أني ثمر قلبك وترميني
في ظل زحمه غريب صرت في بيته
-------------------------------------------
(مصيبه أني ثمر قلبك وترميني)
إن لله وإنا إليه راجعون
Nathyaa
16-03-2005, 07:26 PM
لوني يتيمه لقيت اللي يعزيني
وانساك يامن ضويت الشمع واطفيته
مصيبه أني ثمر قلبك وترميني
انا لله وانا اليه راجعون
هذا امر طبيعي يحصل بسبب الانفصال
بس هم لو منفصلين هذا مايمنعه انه يواصل اولاده مهما كان
الله عليك ياشاعرنا مبدع بكتاباتك وباختيارك
جمايل
18-03-2005, 12:01 PM
لا حول ولا قوة الا بالله اقلوب الناس صارت صخر
ماتحس ولا ترحم ضناها
يسلمووو اخ االشوق والدمعه على الخاطره المؤثره
وعساك على القوه يارب
الشوق والدمعه
18-03-2005, 03:57 PM
أشكرك غاليتي نثيه على مرورك
ولاكن حبيت أعلق على نقطه
أنتي قلتيها
((هذا امر طبيعي يحصل بسبب الانفصال ))
نثيه يمكن أنتي عشتي المرحله هاذي وحسيتي فيها
ولاكن العلاقه المبنيه على الطريق السليم
حتى لو كانو منفصلين
تجبره أنه يعطي طفله من حنان الأبوه
أما أذا كان قلبه مثل قلب والد البنت
فلاحول ولاقوة الا بالله
الشوق والدمعه
18-03-2005, 04:00 PM
أشكرك عزيزتي جمايل
على مرورك
الذي أطال علينا
عسى المانع خير يارب
مع أرق تحيه وتقدير
Nathyaa
19-03-2005, 08:36 AM
في بعض الابهات يحملون الاطفال ذنب او ممكن نقول يعاند الام عن طريق الاولاد مايدري ان الاولاد شايلين اسمه مو شايلين اسم الام
الله يحنن قلوب الابهات علي ابنائهم يارب
القلب الكبير
20-03-2005, 11:16 AM
الشوق والدمعه روعه في الأختيار بصراحه تأثرت جدا للأبيات فعلا امر محزن البعد ومؤثر البعد عن الأطفال
حبت اشاركك في موضوعك هذا ففعلا الواحد منا لما يسافر عن اعياله اسبوع ويكلمهم بعد كذا بالتلفون والله ان دمعته تطيح فما بالك ب15 سنه والله مصيبه لا حول ولا قوة الى بالله العلي العظيم
اخي العزيز في هذه المناسبه وعلى طاري الأطفال اود ان اشاركك بأبيات كتبتها في بنتي ساره يادوب بتكمل سنتين الان وارجوا ان تحوز على قبولك
اقول فيها:
اتعبني الشوق ياساره
ياساره الشوق اتعبني
حبك كوى القلب بناره
والدمع عيا يفارقني
يا حلوها لصرخة بابا
ثم تجيني وتحضني
تلعب وحيل هي لعابه
ياربي منها لاتحرمني
تضحك وهي حيل محتاره
كل همها بس تسعدني
ثاني سنه كملت ساره
ياربي منها لاتحرمني
الشوق والدمعه
20-03-2005, 08:42 PM
الله لايحرمك منها ويخليها لك
وتتربى في عزك أن شاء الله
ياصاحب القلب الكبير
مرورك أسعدني
والله لايحرمنا من ردودك الروعه
الله يعطيك ألف عافيه يارب
العابر
20-03-2005, 11:19 PM
الشوق والدمعه
راااااااااااااائع بأختياراتك
قصيده تحزن القلب وتدمع العين لها
الله يكون بعون هالبنت
القلب الكبير
الله يخليلك بنتك ويخليك لها وتتربى بعزك
والله يطرح فيها الصلاح
يسلموووووو على القصيده الرائعه
القلب الكبير
23-03-2005, 12:06 PM
العابر حضورك اسعدني ومشكور على مرورك تحياتي لك يالغالي
><LORY><
23-03-2005, 01:16 PM
طول الدهر عفتني واليوم ترجيني
عشان طاري المهر ياشين ماجيته
وجــــــــــــــــــــــــع
هذا اللي همه . .
الحمــــــــــــــد اللـــــــــــه على العافيه
يارب انك تدومها من نعمه الله يخليلي ابوي
.
.
.
الله يعافيها ولا يبلانا
يسلموووووووو الشوق والدمعه
______
g6waa
31-03-2005, 01:42 AM
http://www.acccca.com/vb/uploaded/cat.gif
مصيبه أني ثمر قلبك وترميني
في ظل زحمه غريب صرت في بيته
قويه الكلمات
عورت قلبي فعلا مؤثره القصيده
يسلموووو يا شووووووووووووق
http://www.acccca.com/vb/uploaded/t8t8t8.jpg
http://www.acccca.com/vb/uploaded/FaWaSeL.gif
~*~عاطفية~*~
31-03-2005, 01:06 PM
شي غريب صاير في هالدنيا
يسلموووو علي القصه
:a85:
aljeddawi
15-04-2005, 02:09 AM
تسلم هالايادي اللي نقلت الابيات
ملسونه وعنيده
17-04-2005, 06:11 AM
طول الدهر عفتني واليوم ترجيني
عشان طاري المهر ياشين ماجيته
ياااااااالله على هالاحساس القاسي
بنت عارفه ان نيه ابوها بالفلوس مو ببنته
حسبي الله ونعم الوكيل
صح لسانك وتسلم يمينك اللي كتبت لنا هالموضوع
بصراحه كلمات عور القلب
اخوي القلب الكبير
عسى الله يخليك لك ساره ويبلغك فيها خير ياااااارب
صح لسانك وتسلم يمينك وربي كلمات ولا اروع
دموع الالم
القلب الكبير
18-04-2005, 01:57 AM
دموع الألم
والله اطرائك غالي عندي ويكفيني وقفتك عند خاطرتي الخجوله المتواضعه جدا
مقارنتا بالي ابدع فيه مبدعنا الشوق والدمعه
غاليين كلكم غاليين والله
نوووف
23-04-2005, 05:29 PM
إنا لله وانا اليه راجعون
الله يصبر قلبها ويعووضها خير بالدنيا والاخرة
صح السانك اخوي الشوق والدمعه ولاهنت على هذى القصيدة المؤثرة
وابنتظار جديدك سواء كان نقل او من ابدااعااتك
مايفووتني مشاركه اخونا الغالي القلب الكبير في حب ساارة
لعيون ساااارة تشرق الشمس وتغيب......... نبض الحيااة بخافقي من نظرهاااا
صح السانك >>القلب الكبير<< ولاهنت
والله يخلي لك ساارة وتفرح فيها امين
القلب الكبير
23-04-2005, 11:26 PM
شكرا نوف
ويخليك حق غاليينك
يعطيك العافيه
aqshar
29-04-2005, 04:36 AM
لوووووووووول لا امااانه ابجووو بعد لووووووووول ابي دمووع تمشي يبه حدكم مكبرين السالفه لوووووووول قولوا الشوق يسلموو على هالاختيار وشكرا والله يعطيك العافيه وانتهى الموضوع ... مو تفتحوون مناحه لووووووووول كل واحد يعبر من صووب الله يعطيكم العافيه لهدرجه قلوبكم خضر لووووووووووول
أقشـــــــــــر تحياتي...........
Nathyaa
29-04-2005, 11:42 PM
ههههههههههههههههههههههههههههههه
حسبي الله علي بليسك
طمرت الرصيف خوش طمره
جميع الحقوق محفوظة لـ الشبكة الكويتية