شتسووون قبل النووم ؟؟؟؟؟؟؟

[مودي الحساس]

فيه افعال كثيرة الواحد يسويها قبل ينام..

ومافي امل ينام حتى يسويهــــــا..!

طبعا بخلاف قراءة القران ودعـــاء النوم..

مثلا في ناس قبل النوم..


* ماينام الا اذا اخذ له دش بــــارد.. يبي ينام وهو نظيف. :
* او في ناس تاخذ السرير طول وعرض لين إييها النووم..

*وفيه ناس ماتنام الا اذا احد حك له ظهرة.. خخخخخخخ

* وفيه ناس ماتنام الا اذا عدت وعدت وعدت لين إييها شد عصبي

في لسانها بعدين ترتاح وتنام..

* وناس ماتنام الا اذا تذكرت همومها يعني لازم تنام على دموع

وتقعد تبجي وتبجي وتبجي لين العيون تروح وطي ..

* وناس ماتنام الا ويمها قلاس ماي خايفة تعطش وهي نايمة..


يعنــــــــــــي كل واحد وطريقتة..

ومن اللقافة ودي اعرف حبايبي في المنتدى شيسون قبل

النــــــــــــــــوم..

أنا عنى..

لازم ادهن وواهم شي امشط شعري واحط بودره .............
وارش ريحه ..... على فراشي ...... واسنعه حتى لو كانت الدار عفيسه عادي ..... اهم شي فراشي يكون مرتب قبل لا انام ...
وريحته حلوه ...........واخيرا اهم شي اهم شي اتشهد ما ادري يمكن ما اقوم ......

هذا بالنسبه عني

وانتو شتسووون ؟!؟!؟!؟!؟!

[بنت السويدي]

عن نفسي

قبل لا ارقد تلقيني يا اشوف التلفزيون لين ماتغمض عيوني ومرات يوم مالي خلق للتلفزيوون اقعد افكر لين ما ارقد شي اكيد قبل قبل لا ارقد خلاص اقرا كم ايه وارقد


يسلمووو عالموضوع

[مودي الحساس]

تسلمين بنت السويدي عالمروور ..

وانا اعتقد ثلاث ترباع الناس كله جدام التلفزيون ينامون ....

[Nathyaa]

اي والله حتى انا

قبل لاانام لازم اشغل الدي في دي واقعد اطالع رسوم متحركه ههههههههههههههههههه


اشتري الحلقات كامله واقعد اتابعها لين انام

يعني عندج مثلا امس


خلصت من باباي اسمه ايكوسان هههههههههههههههههههه

شفته كامل

والحين نزلت حلقات جزيرة الكنز

واليوم اتابعها هههههههههه



رايقه حدي

بس شسوي ماعرف انام الا لما اشوف رسوم متحركه


<<<<< تبي ترجع لطفولتها

تسلم ايدج عسوله

[مودي الحساس]

هههههههههههههههههههههههه
يأنتي يعني شنو كبرنا مايصير انشوف والله توم وجيري ما كو احد ما يحبه ..

تسلمين ياقلبي عالمروور

[أنـــــوسـه ^_^]

لووووووووووووووووووووووووووول نثيه


انا قبل لا انام اتذكر شنو سويت اليوم كله بعدين انام

ويعطيج الف عافيه على الموضوع الروعه

[الفيلسوفه]

انا أشرب ماي و أقرالي قصه و لا كتاب حلو لين ييني نوم بعدها اقرا آيه الكرسي و المعوذات و انام
و بسسسسسسسسسسسسسس

و مشكوووره حبوبه على اللقافه الحلوه

[بنت^جابر]

لوووووووووووول
انا قبل ما انام اقعد اسولف ويا اختي او بالتلفون ويا رفيجاتي او اذا تبوني انام على طول اشبق شي مخده دب الي فراشي
يسلمو مودي على الموضوع الجميل

[أحلى^بنوتة]

انا عن نفسي

قبل لا انام اقعد اسولف ويا اختي او اشبك بالكمبيوتر واكلم رفجاني يالله يالله انام

لووووووووووووووووووووووووووووول

مشكورة اختي عالموضوع

[مودي الحساس]

العفو حبايبي تسلمون عالمرووور ....

..........

[*ّكربـــوشينه*ّ]

لوووووووووووول وانا قبل لا انام اقعد
امممم انسدح على ظهري وافكر بالاشياء الحلوه
اللي صارت لي بعمري واتخيلها وجنها قاعده اترد
مره ثانيه
لوووووول وبعدين اتشهد واقرا المعوذات وانام
بسابع نومه لوووووول بس على فكره يعني ساعات
انام على طول بدون لا اسوي هالاشياء

يسلموووو بنت عمو

[neo102010]

يسلموو للموضوع الحلو

بصراحه أنا ما أساوي شي يعني معين

بس أهم شي طبعاً قراءة أدعية النوم و التسبيح لحد ما أنام

[مودي الحساس]

ههههه يسلمو على المرووور

[مجرمة قديمة]

انا عن نفسي قبل لاانام

اخذ حمام دافئ

وبعدين اتطمن علي اهلى كلهم

وبعدين انام على الفراش وانا حاطه السماعات واسمع القرآن

مشكوووره حبوبتى للموضوع الراااااائع

[al_maqrooo9_6]

لوووووووووول

موضوع حلو اختي
مودي الحساس

بصراحه جنه فشله اشارك محد شارك غير البنات

بس انا بما اني صرت مدمن انترنت فطبعا اجابل الابتوب وانا منسدح لين ادوخ وانام:)

شكرا عالموضوع

[بنت_الامارات]

* ماينام الا اذا اخذ له دش بــــارد.. يبي ينام وهو نظيف. :
احلى شي النظافه:)

*وفيه ناس ماتنام الا اذا احد حك له ظهرة.. خخخخخخخ
يالله احلى شي:):)


بس عن نفسي
قبل ماكانت تحلى السوالف الا قبل النوم ويا خواتي((قبل ما انا وهم نعرس))

:):):):)

بس الحين

اممممممممممممم
بعد اسووولف قبل ما ارقد:):):)


مشكوووووووووره حبيبتي على الموضوع الحلو:)

[مودي الحساس]

تسلمون جميعا على المرووور الحلو وصراحة صج كل واحد له طريقته بالنوم

[staycool27]

الله الله ... عيني عليكم بااااارده يا بنات المنتدى

$$$$$$$$$$$$$$$$$$$$$$$$$$$$$$$$

وحده تدهن وتمشط شعرها واتحط بودره (( بتروح على حفله ))
وترش ريحه على السرير (( ريحه على السرير....!!!؟؟؟ ))
===========================
ووحده يا انها تشوف التلفزيون
أو تفكر (( تفكر بالمسقبل المشرق < فارس الأحلام> )) هههههههه
===========================
ووحده تشغل الـ دي في دي واطالع رسوم متحركه (( لا اله الا الله )) رسوووووم ؟؟؟
===========================
ووحده تتذكر شنو سوت اليوم (( والشي الي ما سوته اليوم بتسويه بكره )) خخخخخ
===========================
ووحده تشرب ماي وتقرا قصه (( فعلا فيلسوفه ))
===========================
ووحده تسولف ويا اختها أو
بالتلفون ويا رفيجاتها (( ماعليها الوالد (( الله يحفظه )) يدفع الفاتوره ))
===========================
ووحده يا انها تسولف واختها أو تشبك كمبيوتر (( يوم تمل من أختها تشبك الكمبيوتر ))
===========================
:sa7l. (86 :sa7l. (86 :sa7l. (86 :sa7l. (86:sa7l. (86
===========================
احنا الشباب غيييييييييييييييييييييييييييييير .............
واحد يفكر في البنت الي شافها اليوم (( حب من أول نظره ))
==========================
واحد ماسك الموبايل وينتظر missed call من حبيبة القلب
==========================
وواحد يفكر وين يروح بكره لان قاعد وفاظي وما له شغل
==========================
واحد يفكر ايش يلبس بكره علشان يقابل صديقته
==========================
وواحد يخطط مع اصحابه ايش بيسوون بكره(( اي مول واي سوق ))
==========================
وواحد يدخن 4-5 سجاير ويشرب ماي وينااااام على وجهه علشان الدوام بكره==========================
==========================
:a7: :a7: :a7: :a7: :a7: :a7:


ودمتم سالمين

[مودي الحساس]

لوووووووووووووووووووووووووووول

ستي كووول .. @@
@@
@@


لا يعني صج بدعت بس اكييد انته هذا اللي يدخن مو هذا الشي الوحييد اللي يونسكم .. ولا يخليكم ترتاحوون ..

وطبعا كافي انك حاطه بالأحمر ومكبره بعد .


واهم شي اللي حبيت اعلق عليه بالأخيير التوقييع العجيييب ..

ترى والله في ناس يحبوون البيبسي .. بس لوتشيله واتحطه بعد الفطووور والله ما خلص رمضان ..

لوووول

[staycool27]

تم تغيير التوقيع (( مؤقتا )) بناء على طلب من الأخت
مودي الحساس
وتقبلوا فائق الاٍحترام

[مودي الحساس]

امبي ستي كووووول ......



قـــاعده اتغشمر وياك ....



واي امبي من صجك.....



اوكي هم مشكوووور ....

[مودي الحساس]

...............وهذوووووووووووووووووووول .............


توااقيع هديه مني لك ...^_*

http://www.localarcade.com/arcade_art/data/thumbnails/6/DDR_staycool.jpg



http://www.entropytheory.com/images/stay_cool.jpg
























هذووول اللي لقيتهم ...............

انشاالله يعجبونك....................

[أحلى قدساوية]

* ماينام الا اذا اخذ له دش بــــارد.. يبي ينام وهو نظيف. :


يسلمو مودي على الموضوع

[مودي الحساس]

تسلميين ياقلبي على المروور والتواصل الحلو