مشاهدة النسخة كاملة : فــارس احلامج وفارســة احــلااامك ..!!
i DoNoT CaRe
22-06-2006, 12:43 PM
كل انسان يحلم بالزواج والاستقرار... وتكوين الاسره ..
فموضوعي بشكل مختصر ابي اسألكم جم سؤال عن مواصفات شريك او شريكة حياتكم :
1- يهمك الشكل وتحطه او تحطينه اولى الاهتماامات !!
2- المستوى التعليمي !!
3- الحاله الاجتماعيه يعني لازمـ ميسور الحال ولا من الطبقه المخمليه .. !!
4- هل تفضلون يكون الزواج عن طريق الاهل ولا من علااقه او معرفه شخصيــه !!
5- صفات ثانيه بشريك وشريكه حياتك .. !!
اتمنى الاجابــات تكووون صريـــحــه وما رااح نرضى بغير الصراااحه ..
neo102010
22-06-2006, 12:52 PM
يسلموو خيتوو للموضوع الحلو
قبل كل شيء أتمنى تكون الفتاة متحجبة و ذات أخلاق عاليه
ترقى لها النفس البشرية ... مش متل بنات بعض هذه الأيام
أولاً: يهمني الشكل لكن ما أحطه أول الإهتمامات
ثانياً: يهمني أكيد المستوى التعليمي
بس يعني ما بهمني تكون دكتورة أو مهندسة
على الأقل إن تكون عارفة تقرأ أو أحسن من هيك أكيد ... و يهمني تكون مثقفة بشكل أساسي
ثالثاً: بصراحة ما يهمني ... يهمني صفات البنت اللي بدها تعيش معي مش صفات أهلها
رابعاً: عن طريق الأهل ... أبداً لا أفضل أن تكون لي بها أي علاقة شخصية
خامساً: يكون عندها تفكير منطقي بالواقع .. و ما تعيش الخيال في هذه الدنيا
و تكون تفهمني على طووووووول :) لوووول
يسلمووو خيتو للموضوع الحلووو
«®°·.¸.•°°·.¸¸.•°°·.¸.•°®» neo «®°·.¸.•°°·.¸¸.•°°·.¸.•°®»
~*~عاطفية~*~
22-06-2006, 01:59 PM
والله وايد اشياء تتوفر بزوج المستقبل
ابيه يكون عنده شهاده
وميسور الحال
وغيرها
واهم شى نعيش بروحنا :)
تسلمين على اللموضوع
Nathyaa
22-06-2006, 05:09 PM
تسلمين ياقلبي
بالنسبه لي انا اول شي الدين والاخلاق
صدقيني كل شي يتعوض الا الدين والاخلاق
تسلمين حبوبتي
1-يهمك الشكل وتحطه او تحطينه اولى الاهتماامات !!
ج) الشكل شي مطلوب يعني لااقل يكون مقبول لايكون راسب لانه صراحه في ناس اذا كان موجميل تشوف تفكيره غريب ترتبط فيه وتقول انه خلقة الله والمهم الاخلاق بس تنصدم فيه تفكيره شي ثاني وبدال مايحترم بالعكس يتمنن ويهين ودايما حسباله انه متكبره عليه مع انه هالشي مايكون حاصل وبالعكس تحس انه اهو شايف نفسه,
المهم انه يكون مقبول او جيد بس مو اكثر لانه انا عندي مقوله خاصه تقول الجمال للمرأه فقط والريال حلاته بشخصيته.
2- المستوى التعليمي !!
المستوي التعليمي على حسب في رياييل عندهم حساسيه, انا من النوع اللي افضل يكون متفتح المخ قبل الشهاده بس بنفس الوقت مايمنع الشهاده حلوه بس بهالزمن مااعتبره مقياس لانه يااامه عندهم شهادات بس عالطل.
3- الحاله الاجتماعيه يعني لازمـ ميسور الحال ولا من الطبقه المخمليه .. !!
عاد هاذي السالفه يمكن لو قبل عشر سنين سأليني جان جاوبت ميسور الحال ممكن ليش لا والارزاق على سبحانه, بس الحين اشوف انه الزمن ومتطلباته تخلى الواحد لازم يكونون بمستوى معين, خاصة الرياييل يطلبون طلبات ودايما يقارنون ويبون اشياء معينه, يعني الريال اللي يبي زوجته تهتم ويبي ويبي لازم بعد يفتح جيسه عشان مرته تسوي مو بس تبي وتقارن وحسبالك جك بم المره تتغير, لا يبا هالسوالف بييلها وخاصة سوالف الحريم من كل النواحي اشياء غاليه.
4- هل تفضلون يكون الزواج عن طريق الاهل ولا من علااقه او معرفه شخصيــه !!
الزواج بكل طرقه قسمه ونصيب والفشل والنجاح محد يقدر يحدده بس عن طريق الاهل هذا اهو مجتمعنا وعاداتنا والمفروضه علينا عاد انتي ونصيبج موعاجبني بس شنسوي مالنا غيره, من علاقه او معرفه شخصيه مع انها لها مميزات انك تعرف الشخص وتفكيره وميوله ومدى التناسب بينا بس المشكله انه مومقبول السالفه ومرفوض بمجتمعنا والناس ماخذه عنها فكره سيئه.
5- صفات ثانيه بشريك وشريكه حياتك .. !!
احب يكون تفكيره شبابي يعني يعيش حياته لايكون روتين يعني حماس, وحيويه, مغامره, تجدد, تفكيره طموح دائم طبعا هالاشياء تكون مشتركه بينا, نكون نفس الاصدقاء ونتصرف نفسهم اشمعنا حلال على هذولاك ومحرم علينا طبعا مااقصد التهور وانما روح الصداقه والحب, وبعد احب يكون اجتماعي ومرح, يعني لو اقوله نركب سياره كشف مايمانع ويقول هذي حق الشباب وبس, بالعكس نركب ونستانس احنا بعد وموشرط يعني اذا ركبنا سياره كشف لازم افل الشعر او اطلع شغلات لابلعكس اكون ثقيله وعاجله قاعده.
طبعا شي اكيد واساسي انه يكون ملتزم وذو اخلاق عاليه ومحترم.
ملاحظه مهمه : الحلووو مايكملش ههههههه شكرا لج عالموضوع I don’t care والله يرزقج ان شالله بواحد care very much ومايقصر عنج ويكون صج فارس احلامج وعنده سياره بيضه ويحقق لج كل اللي تتمنينه بالتوفيق
i DoNoT CaRe
26-06-2006, 02:30 PM
ههههههههههههه تسلمين حبووبه عالدعووه و عالمشااركه
بس طلبااتج شكثرهااا .. :p
وانشالله مووفقه ,,
جميع الحقوق محفوظة لـ الشبكة الكويتية