للذكريـــات ..!! (( وناسه )) [الأرشيف] - منتدى الشبكة الكويتية

aqshar

20-06-2006, 08:27 AM

بما اني انا اللي طرحت الموضوع انا اللي راح ابدى فيه <<< ياولد :)
المهم ..

اذا تذكرون الغرقه اللي صارت السنه اللي طافت بالكويت واعتقد كانت شهر 11 او اول 12 المهم انا كنت رايح الكليه الصبح مع هالعالم .. وكان عندي ولد عم يدرس وياي بنفس الكليه وكانت سيارته صغيره ( لانسر)
المهم انا سكرة بوجهي كل الطرق ماقدرت اوصل الكليه لان كان يومها المطر مو طبيعييي فدق علي الوالد وقالي رد البيت ماكو دوام ومن هالحجي قلت خلني اصير خوش ولد وادق على ولد عمي واقوله ارجع البيت هههههههههههههههههههه المهم دقيت عليه وقالي لا انا الحين بوصل الكليه وكان عند الكليه مطر بصوره مو طبيعيه لدرجه انه واصل نص الجسر
كان الكلام هذا الساعه 9 ونص الصبح المهم انا رديت البيت ولما خف المطر على الساعه 11 قلت بروح الكليه من طريق طويل شوي بس مافيه مطر ذاك الزود.. المهم وانا رايح وصلت الكليه وجذي اسأل عن ولد عمي كلش ماله خبر ادق عليه مايرد قلت هذا وينه.؟ المهم جان يدق علي ويقولي انت وينك.؟ قلت بالكليه لقيت الولد جايني يركض عند بوابة الكليه وملابسه كلهاا ماااي زين اللي سلم تلفونه .. اقوله سيارتك وينها.؟؟ يقولي باللي مايردهاا خلها تولي ههههههههههههههههههههههههههههههههههههههههه اقول ليش قالي هالسكراب طفت فيني وما اشتغلت ههههههههههههههههههههههههههههههههههههههه قلت وين مخليها قالي فوق الرصيف هي من نفسها صعدت فوق شالها الماي هههههههههههههههههههههههههههههههههههه عاد يقولي امحق حديد عزالله فلين فلين مو حديد هو يسولف منيه وانا ميت ضحك منيه هههههههههههههههههههههههههههههه وربي قعدت اصوره ولا عشرين صوره وفيديو وميت ضحك وهو معصب وزعلان على سيارته ..

على العموم اتمنى اني كنت خفيف عليكم بس اللي عايش الموقف اهو اللي راح يحس فيه اكثر..

حقوق الطبع محفوظه .. أقشر
سي يوو

بنت السويدي

20-06-2006, 11:22 AM

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ياحليله ابوك مايستاهل :)

يسلموو عالوقف :)

الصراحه من كثرهم ماذكر شي انشالله لي ذكرت واحد منهم بقووولك :)

يسلموووووووووووووووووو اقشر

~*~عاطفية~*~

20-06-2006, 12:34 PM

هلا aqshar

والله نفس شى من كثرهم نسيت

بس تذكرت واحد

أذكر كنت رايحه مركز سلطان اللى بشرق وكنت وقتها تعبانه وحدى مالق خلق

وبعدين ضيعت خواتى واتصلت عليهم وقلت لهم وينكم فيه ردت أختى قالت احنا فووووووووق

يوم بغيت اصعد السلم الكهربائى بدل لاأصعد فوووووووووق رحت العكس رحت عند السلم اللى ينزل وصعدت ههههههههههههههههههههههههههههههههههههههههههههههه وصعدت بغيت اطيح طايحه جيده بس الحمدالله محد شااااااااااف :)

Nathyaa

20-06-2006, 07:48 PM

ههههههههههههههههههههههه

خوش موضوع اقشر

شوف مره رايحه سينما الممهلب اشوف فلم

المهم تخيل ياهل عمره سنه ونص تقريبا يلحقني ويمسك هدومي وانا بالطريق صاعده للسينما

اقوله حبيبي وين اهلك

يقولي ماما

ابوي انت انا مو امك

يقولي ماما

ويلصق فيني لصقة قهر مصمم اني امه

هناك الشباب يقولون لي حرام عليج ليش قاسيه على ولدج

اقوله والله مو ولدي

واحد متدين لحيته طويله يقولي لاحول ولاقوه الا بالله اتييبون هاليهال واتقطونهم بالشارع

ههههههههههههههههههه

ياعمي والله مو ولدي

امسك الياهل ياربي شسوي فيه اسبه اطقه شسوي ؟؟

هههههههههههههههههههه

المه واشيل الياهل وافتر فيه بالسوق قلت يكن اهله يشوفونه

اخر شي شافته امه وهي تبجي

تعال شوف الموقف وهي تبجي والولد يبجي وانا ابجي

هههههههههههههههههههههههههههه

انا ابجي على الفلم اللي راح علي وماشفته هههههههههههههههههههههههههههههههههههههههههههههه

aqshar

21-06-2006, 02:05 AM

ههههههههههههههههههههههههههههههههههههههههههههههههههههههههههههههههههههههههههههههه

اللله يعطيييييكم العافيه على المروور .. وصراحه انا مت ضحك على موقف نثيه ولا قصور في ميس.. نثيه صايره ماما انيسه ها هههههههههههههههههههههههههههههههههه
بس توني اكتشفت انج جعص متحسفه على الفلم والتذكره هههههههههههههههههههههههههههه مالج شغل المره الجايه قطيه النص بالنص انا ويااج

مس لو قايله حق خواتج يقطون لج حبل من الدور الثاني احسن ترى هههههههههههههههههههههههههههههه بدال هالحوسه

على العمووم يسلموووووو على المرور وهالطله الحلوه ..

حقوق الطبع محفوظه .. أقشر
سي يوو

Nathyaa

21-06-2006, 06:55 AM

ههههههههههههههههههههههههههه

اي والله راح علي الفلم كله من هالياهل هههههههههههههههههه

خلاص المره الثانيه التذكره عليك :)

وداد

21-06-2006, 09:13 AM

هههههههههه استغفر الله ماودي اضحك بس شسوي اتخيل مواقفكم اقول اللهم لاشماته هههههه
المهم كلنا بالهوا سوا وهالمواقف بشكل او باخر نتعرض لها

انا الموقف اللي صارلي انه توني متعينه بالوزاره وعاد تدرون فترات الاولى الواحد حده كشخه ويسوي روحه كووول ويمشي بتوازن
انزين وانا طالعه شوي متاخره من البيت ووصلت دوامي حده حده يعني يبيلي شوية ركضه حلوين عشان لاطوف الساعه
جان اروح صوب الدري (عشان اركض على راحتي) المهم ولا واحد يصير جدامي مافي احد غيرنا اهو جدامي وانا المتنيله على عيني وراه
عاد انا دمي يغلي وابي الحق واهووو باااارد ثلجه تمشي ,شسوي, مني مناك قلت ياروح مابعدك روح , ابتون واكسر عليه واطوفه عشان الحق انا لو بتم وراه, عزالله محنا واصلين وماتسوه اتاخر على ثواني او دقيقه هههههه
وعينكم ماتشوف الا النور انا دست البانزين وتوني ببتون عليه واصير جدامه دريتين بس ولا ريليني تعرجبت واطيح عالدري عاااااد تكفون لاتتخيلون شنو يت بويهه هههههه انا مسكت بايدي الدريه ولا بويهه ؟؟؟؟
المهم مسكين واعليه اهووو ماضحك بالعكس سلاامات ولااا الحبيب بيشيلني بعد (تدرون بعد في اوقات الشهامه تنزل عليهم فجاه وبقوه)
واتفشل فشله وانقص ويهي والود ودي كان اقط روحي من فوق الدري ههههه
لا سمعوا اخر الفيلم ههههههه طبعا الريال جزاه الله خير محترم نزل راسه وراح عني وكلش ماحسسني بالفشيله وانا وراه واخزياه امشي واأئل من مهلي (يعني بالعربي اقل من مهلي) واوصل حق الكرت ولا يقولون توه الناس في وقت بعد ربع ساعه شنو تتخيلوووون موقفي شنووو تتوقعون حالتي ههههههااااا (توني استوعب اشحقه الزميل يمشي على اقل من مهله)
بقيت ارد للدري واكمل بعد للطابق اللي فوق واقط روحي من فوق
المهم هذي موقفي اللي صارتلي تقريبا بالعشرة الاولي من بداية الدوام
الله لايعودها من يوم هههههه

شكرا لكم شكرا لك اقشر عالموضوع الفرفشي عسى دوووم ايامك مفرفشه

Nathyaa

21-06-2006, 07:11 PM

هههههههههههههههههههههههههههههههههههه

امبيه فشله

شوفي انا اموت لما اطيح

خصوصا اذا كنت امشي بكبرياء هههههههههههههههههههه

تدرين الكعب وشاده الظهر وراسي فوق وفجأه اطيح هههههههههههههههههههههههههههههه

مو شي كلش

سمعي هالسالفه

مره كنت رايحه ليالي الحلميه احنا قروب بنات المهم

كلهم قالوا يبون يروحون ماكدونالدز مشي انا قلت لهم حر وت خلينا قاعدين

اخر شي قرروا يروحون وقعدت انا بروحي على الطاوله انطرهم

قعدوا على الطاوله اللي يدامي 3 شباب

بس من النوع اللي يخوف سمر حيييييييل وبعدين شكلهم مو طبيعي

يمكن سكاره والا متعاطين مادري بس مو طبيعين يخوفون

الممهم يخزون شوفي الغباء

قلت خليني اروح الحق على صديقاتي

طلعت من المقهى وامشي بروح لهم عاد تعالي شوفي المشيه والكعب والراس الرفوعه ههههههههههه

الشباب مشوا وراء وكان الوقت بالليل

امشي بسرعه يمشون بسرعه

امشي شوي شوي يمشون شوي شوي

شفتي مسرحية طارق العلي يوم يقول ابيه ابييييييييييييه

قلت بعقل بالي ابيه هذول يبوني خليني اركض بلا مشي بلا كبرياء بلا بطيخ

واركض بروح ماكدونالدز ركض

تخيلي الوضع ركضوا وراي

والله والله والله من قلب خفت قلت هذول فيهم شي

وانا اركض اطالع وراي اشوف الشباب جان طبوااااااااااااااااااااااااااااااااااااااااااااااااااااااااااااا على ويهي واطيح

بوقتها ماحسيت بالعوار ابي اقوم الا اشوف الشباب قربوا حيل مني وسلامات سلامات واحد مسك اكتافي يبي يقومي

جان اقعد اصارخ واركض

آخر شي اشوف الشباب يضحكون مادري شالسالفه

يوم وصلت لصاحباتي جان يقولون لي امبيه بنطلونج من ورا مشقوق

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

والشق صاير بمكان مو شي كلش

الحين بروح السياره بس اشلون ههههههههههههههههههههههه

آخر شي خليت بنتين يمشون وراي تمويه وتغطيه للشق اللي بالبنطلون

وداد

22-06-2006, 07:18 PM

ههههههههه
ههههههههههه
اللهم لا شماته والله ماودي اضحك بس شسوي يقولج المثل اللي يشوف بلوة غيره تهون عليه بلوته وانا من سمعت طيحتج والشقه اللي كلش موشي هانت على طيحتي جدام الريال والشسمه اللي صارت بويهه هههههه
لااا عاد انتي موقفج حيييل خايس الله لايبلينا

بس تدرين احنا مشكلتنا مومن الكعب انطيح بس من المواقف اللي نتعرضلها يعني لما نتوهق او نبي نتصرف بسرعه اهني نتعرجب والا الوحده لما تكون ماشيه سيده وماوراها شي عادي, انا وايد ناس كله حسبالهم من الكعب يعني حتى هالريال هذا اللي طحت جدامه حسيت بداخله يقول شلج بالكعب ههههه عاد انا بقلبي رديت ههههه خووو كله منك ماشي جدامي وجنه منقشين ريولك حنه.
المهم حمدلله عالسلامه تكبرين تنسين هههههه

بنت^جابر

23-06-2006, 05:20 AM

هههههههههههههههههه
عيل انا سالفتي حدي اظحك
كنت بليلى قلري قاعده ويه اختي وبنت خالتي
رايحين انشوف بدله حق اختي
ولا انا وبنت خالتي قاعدين انسولف
ولا بنت خالتي اتقولي شي اظحك حيل حيل
ولا انا من كثر اظحك قاعده ابجي
ولا تلقوني طايحه على الارض واظحك
جني مينونه واختي فشلتونا الله ياخذ ابليسكم عيب قومي
وانا طايحه اظحك واهيه اتكمل السالفه
لم خلصت قمت طبعا انا ولا اختي الله ياخذ ابليسج فشلتينا
جان اقول عادي اشوه ما في احد
كان جنه مافي احد
امبي مو تقولون عني هيلقيه بس والله ما قدرة املك نفسي

aqshar

23-06-2006, 06:42 AM

ههههههههههههههههههههههههههههههههههههههههههههههههههههههههههههههههه والله كل موقف اقوى من الثانوي.. اما سالفة الزلقات على الدرج مشكله هههههههههههههههههههههههههههه والله كذا مره يزلقون جدامي بنات..

وحده كنت اتمشى بشرق وابوها وخواتها كانوا جدامها وانا تحت وهم نازلين من الدراج انا سبحان الله مادري شلون عيني جت على البنت الاخيره اول ماحطيت عيني عليها ولا البنت فوق تحت ههههههههههههههههههههههههههههههههههههه والله انا لاشعوريا اول ماشفتها بتزلق قلت أووووووووووه بصوت عاااالي رفيجي انصدم شفيه هذا قلت شوف شوف..!! ولا المسكينه البنت تبجي وانا اضحك والله مو قصدي بس موقف مو طبيعي هههههههههههههههههههههههههه

ومره انا بالسوق وحده تمشي ورى امها وانا وراهم بس بعيد شوي يعني 7 امتار تقريبا البنت انزلت من الدرجه الاولى جك بم ولا هي مختصره الوضع بالزلقه ونازله اخر درجه ههههههههههههههههههههههههههههههههههههه
والله انا اهني خلاص فقدت على يميني محل حريم دراريع وجذي من الضحك دشيت هناك ولا في بنتين وامهم وانا داش عليهم اضحك ههههههههههههههههههههههههههههههه شمدخلني محل الحريم ما ادري لاشعورياا..

على العموم يعطيكم العافيه على التواصل..

لنتواصل..

حقوق الطبع محفوظه .. أقشر
سي يو

Nathyaa

23-06-2006, 08:48 AM

ههههههههههههههههههههههه

بل عينك حاره

الله لاييب اليوم اللي امشي فيه يدامك :)

بنت^جابر

23-06-2006, 02:52 PM

هههههههههههههه
والله من صجك من دشيت محل ؟؟؟
لووووووول
خلوني اقول سالفتي
كنا وانا وخالتي وبنتها طالعين
ليش ؟؟علشان عيد ميلاد بنتها
ودتنا اول شي مطعم ولا نشتري كيكه
ونحط اشموع الحين هفة خلصت صفقوا لها الناس والشباب
احنا كلينا وخلصنا وباقي من الكيكه وايد
فراحة عطة القراسين(الخدم) من الكيكه ووزعت على الي بالمطعم بس العوايل
لووووووووول جنهم اطرون
تره مرض ها
-------------------------------------------------------
وودتنا بحر المركز العلمي مو في سيايير
جان نركب واحد وننزل على الشارع
ولا في واحد هندي ما يبي اوخر
جان انطقله هرن ووخر ونزلنا على الشارع
وجنها سياره صجيه لوووووووول

aqshar

23-06-2006, 05:02 PM

ههههههههههههههههههههههههههههههههههههههههههههههه

مسكين الهندي مصدق.

وين باقي الاعضاء تفاعلوا مع الموضوع

بإنتظار مشاركاتكم ..

حقوق الطبع محفوظه.. أقشر
سي يو

aqshar

25-06-2006, 02:36 AM

إحم إحم ..

<<< ينطر الولد ماكو شي جديد.؟؟

حقوق الطبع محفوظه .. أقشر

سي يو

أنـــــوسـه ^_^

25-06-2006, 09:02 PM

لوووووووووووووووووووووووووووووووووووووووووووووووول

والله انتو عجيبييين فصله اهم شي محل دراريع
لووووووووووووووووووووووووووووووووووووووووووووووووول

والله قاعده احاول اتذكر واقولكم انشاء الله

aqshar

26-06-2006, 01:43 PM

يسلموووووو على المرور..

أنووسه..

ناطرينج .. حقوق الطبع محفوظه .. أقشر

سي يو..

مودي الحساس

26-06-2006, 03:26 PM

تسلم اخوي عالموضوع ... او على النكت اللي صارتلكم ...

انا بقولكم اخيس موقف مر بحياتي ....

طبعا ثالث ايام العيد اف اخيس يوم لأنه ما يخله من البلاوي طبعا كلها علي انا ...

اوكي نبدي اوللا احنا البنات طلعا نتغدى والله ما ادري شسمه نسيت في (م) شي جذيه ...
طلبنا انا وفيلسوفه باستا .....
وشكلها روعه طعمها لالالالالالالا ماتبون تعرفون لي دجه اني ما قدرت استحمل فرت الحمام وووووووو (وااااااااااااااااع) فهموها ...
هذا اول حدث خلص وطلعنا والحمدالله مامت بس (وععععععععععععع)
ركبنا السياره بنروح الفنار .... احس انه شي دش بعيدني ويعور وعيني قانت تدمع وما ويعيت اله حتى الكحل ساح وصار خرابيط ..مسحته وحاولت اشوف شفيها عيني الحلوه بس ماكو فايده واحنا بالطريج قعدت احط كحل لأنه مو حلوه ادش عين فيها وعين لا .... حطيت ولا تشوفون شصار فيني اهم شي وصلت بالسلامه ورحت سنعت الكحل وخلصنا ...... بنروح السينما ...
جان اتعرجب ما طحت على ويهي بس تعرفوون شلون الوحده اللي بطيح اي انا جذي .... و تعالو شوفو الطنازه .......

مومهم بس ها شرايكم بثالث ايام العيد ...
ويامالكم بتشوفون من العيد ........

aqshar

26-06-2006, 03:34 PM

لووووووووووووووووووووووووووول اهم شي الكشخه عااد

ياليت المكياج دنماركي ههههههههههههههههههههههههههههه

يسلموو على المرور حبوبه ..

حقوق الطبع محفوظه .. أقشر
سي يوو

بنت^جابر

26-06-2006, 07:29 PM

لوووووووووووووووول
امبي والله فشل
بس مكياجج
حتلو المكياج دنماركي ماراح انهده
يعني املك
......................................
عيل انا صج سالفتي مصخره
رحت مسرحية قرقيعان
وكان بيدي بيبسي ونفيش
احنا كنا فوق اعلى شي
ولد خالي كان وراي
قاعد يستعبط ولا يطق كرسيي حيل بريله
ولا انا ألتفت عليه جان اسويلي حركه خرعتني جان اهد
النفيش ولا ينكت على الي جدامي اهوه واحد
جذي سكبه تكانه لابس قتره ودشداشه
ولا يلتفة علي خزني خزه خقيت انا حدي ولف
اهم شي ان اهوه مو عصبي يوم خلصنا المسرحيه
زفيت ولد خالي زف بس المشكله يظحك :)
وسلامتكم

مودي الحساس

26-06-2006, 07:52 PM

لووووووووووووووووول..........

هذي المره بقولكم شي حده قص ويهي فشلني تمنيت لو الأرض تنشق وتبلعني ...

همن ثالث ايام العيد .....
يحلاته هاليوم ها .....

الله يسلمكم رايحين كريباوي نتغدى .. وانا ماسكه اكلي وسرحانه مندمجه بسالفه ما اذكر المهم ماوعين الا والصوص على تنورتي وتنورتي ساده شسوي المهم مسحته ورقعت السالفه ..
وبالسياره ما ادري شنو كنت ابي من فيلسوفه جان تقولي بجنطتي طبعا خذيته حطيت ايدي على تنورتي ولا اتدمر لو اسود من وين ولا الاخت مو مسكره الكحل ...

لا وزيدكم من الشعر بيت كنا بالطريج بنروح المرينه ..

ليش ياربي ليش ....
:(

أنـــــوسـه ^_^

26-06-2006, 08:45 PM

اي ذكرت

والله السالفه ما تخصني اهيا ام رفيجتي

كانت توه متزوجا وطالعه رايحه الجمعيه تشتري اغراض ما وعت ولا تمر

ذيك الاجنبيه الي شعرها طويل ما شاء الله واشقر وناعم اهيا شافتها قالت الا

اعرف شنو الشامبو الي تستخدما وراها وراها ما خلتها تلف يمين وراها تلف

يسار وراها فوق تحت ما هدتها لما وصلت عند الشامبو شرت الشامبو راحت

وقلدتها شرت نفس الشامبو بالضبط

ردت البيت تسبحت بعد ما طلعت من الحمام ولا شعرها يكش صار كشه

ركظت سالت ريلها مسك الشامبو وقرا الي بالانجليزي ولا كاتبييين شامبو للكلاب
لوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول

aqshar

26-06-2006, 10:54 PM

ههههههههههههههههههههههههههههههههههههههههههههههههههههههههههههههههههههههههههههههههههههههههه سالفة الشامبو مصيبه هههههههههههههههههههههههههههههههههههههههه يخرب بيت اللقافه مشكله اللي ماكو ثقافه (( يعني انا طالع منها ههههههههههههههههه ))

بنت جابر تركدي هالمره طحتي بواحد خوش ولد مره ثانيه بطيحين بواحد بهفج كف بغير ملامح وجهج ههههههههههههههههههههههههههههههههه

مودي انتي مشلتج دايم مع المكياج هههههههههههههههههههه
الله يعيينج والله

يسلموووووو على المرور وان شاء الله ان تذكرت موقف بقوله احم احم

حقوق الطبع محفوظه .. أقشر
سي يو

مودي الحساس

27-06-2006, 05:08 PM

شسوي .............
انا مالي شغل .......

عندي وايد مواقف مره ابلة الاسلاميه المليقه حدها ....
ولا اقول اقولكم اقول من اول اهم شي ترى كان رمضان .......
كنت انا ورفيجتي بنفس الشعبه وتخيلو رفيجتي خبله كله تسوي حركات بويها وماكو بس لمن اظحك الا لفت ويها الابله وليش تضحكين وتحبين تسولفين ما ادري شسالفتها ....
المهم احنا لازم نحظر وعلى ورقه واذا ما حظرنا تذبحنا المهم انا من الشطاره محظره سألتني وكاتبه الاجابه بس نسيتها طالعت بجاوب جان تقول انا ما ابيكم تحظرون على ورقه وما ادري شنو .....
جان اقولها يعني اهيا اللي تبينا نجحظر على ورقه المهم قلتلها مو انتي الي تقولين حظرو على ورقه واللي ما تحظر يويلها المهم قالتلي قومي اوقفي شهالسوالف سوالف يهال قومي اقفي بكل احترام قمت .....
بعدها مشت عاد انا حطيت ايدي على رقبتي جنه يعني تعرفون حركة بذبحها يعني اي جذيه وانا حظي ياسلام شافتني وتقعد تاكلني .... شنو سويت لأني وايد ذكيه ..خخخخخ مارديت خليتها تتكلم ولمن سكتت جان اقولها اللهم اني صائمه ....
لووووووووووووووووووووووووووووووووووول
ومن هاليوم واهيا تكرهني .....

وعالعموم طلعت منه الماده (a)

امانه منو الغلطان موصح اهيا انا اصلا ما تكلمت احترمت نفسي ...واحترمتها بس تهيا الله يهداها ما تستاهل ...
صح؟؟؟؟؟؟؟

بنت^جابر

27-06-2006, 10:22 PM

اي صح والله
اصلا انتي كل اصح
امبي عيل انا سالفتي سالفه ما ادري اي سنه
كان علينا عربي
وخلصنا الدرس وشرحت وخلصنا قاعدين انسولف
ولا الابله تبي كرسي تبي تقعد
لقت كرسي يمها
ولا تاخذه وتقعد عليه واول ما قعدة طاحت
عاد مو لي وره لي جدام
والصف كله يظحك وكركر
وانا حاطه الكتاب على ويهي واظحك
قبلها كان علينا دين وطلعت ما خذه كرسي المسجله
لووووووووولز
والله فشله :)

مودي الحساس

27-06-2006, 11:11 PM

lo0o0o0o0o0o0ol
بس ريحو من المواقف شوي ......

aqshar

28-06-2006, 01:01 AM

هههههههههههههههههههههههههههههه لا عزالله انها غلطانه مفروض ابلتج تعطيج أ وتقولج اقعدي بالبيت .. بس هم انتي غلطانه لو انج قايله لي اكلم الوالد الله يحفظه ويخليج قاعده بالبيت ويعطيج اربع نقاط بعد هههههههههههههههههههههههه

يسلمووووووو على المرور بنت جابر

حقوق الطبع محفوظه .. أقشر

سي يوو

مودي الحساس

28-06-2006, 05:54 PM

انت منو تكلم ... كل السوالف عن الابلات ....
خخخخخخخخخخخخخخخخخخخخخخخخخ

الفيلسوفه

30-06-2006, 12:28 AM

لوووووووووول مودي تذكرت موقفج مال ثالث يوم العيد لووووول

انا عندي نعال تكرمون بس ياهي نعال لووووووووول
شنو اهايا حلوه انا واايد أحبها و ارتاح لها شنو عاد كل ما ألبسها و امشي على رخام تزلق لأن مافيها ربل ماادري شيسمونه هذا .... المهم عاا كنت طالعه اليمعه الي طافت مع كربوشينه و اخوها و انوسه و اخوي و رايحين سينما ليلى و السينما لما تدخلونها عند الباب فيها نفس صعده صغيره و ناعمه حيييل .... و انا أصعد جان أزلق و ارد لي ورا لوووول و وراي ناس
..... جان اصعد بسرعه ....و انا طالعه خلص الفيلم ناسيه سالفة الصعده ما وعيت جان أزلق.... نزلت بسررررررعه و الي وراي مييتيين من الضحك علي لووووول

و أهم شي اني مااتوب أكثرطلعاتي ألبساها لووووووووول ... شسوي أرتاح عليها

و يسلمو أقشر على الموضوع الحلو

بنت^جابر

30-06-2006, 07:09 PM

لووووووووووووووول
انا كل انعولي سحاكيه احبهم
احس تمشي على راحتك
لوووووووووول حدي عكس البنات

aqshar

01-07-2006, 03:54 AM

ههههههههههههههههههه قلت السوالف .. قمنا نسولف عن نعول .؟ بنصير قحطه على اخر عمرنا ههههههههههههههههههههههههههههه

يسلموووووو على المرور وهالمواقف محد يقدر ينساها ..

حقوق الطبع محفوظه .. أقشر

سي يو

أنـــــوسـه ^_^

01-07-2006, 07:24 AM

ابي اقولكم هالموقف الي باط جبدي

_________________________

مره كانو زايرينا بنات خالي لصغار يلعبون مع خواتي المهم صار بليل وكنت حدي مشتهيه برد طرشت الخدامه (يم بيتنا الفرع) راحت وشرتي البرد الي بكوب مو عود طلعت القفشه وسويته على شكل كره وحطيت الصوص ككاو كان شكله الصراحه نفس باسكن روبنز انا طالعه من المطبخ ولا خوات بنات خالي لكبار يو عشان ييودون خواتهم البيت قلت فشله اكل البردجدامهم المهم خليته عند الطاوله الي مجابله باب المطبخ واليهال يركضون بالبيت كله كل شوي اشوفها تروح المطبخ قلت شالسالفه

أنـــــوسـه ^_^

01-07-2006, 07:26 AM

طبعا بعد ماراحو

رحت اركض باكل البرد ما وعيت ولا الصحن فاضي انا مني خلاص وصلت حدي

_________________________________
ومشكوورين ويعطيكم العافيه

بنت^جابر

01-07-2006, 08:57 AM

اقول اي فشله تكلين جدامهم
لوووووووووول
عيل انا سالفتي عبيطه ويا يدتي
-------------------------------------------
كنت نايمه عندها ببيتها اسبوع ما ادري اكثر ويا بنات خالاتي
انسولف وحوسه وانا برجع بيتنا ولا انعالي ظايع كنت يايبه بس كان ظايع
ادوه ما لقيته المهم يدتي قالت انا راح اللقاه
ودوره جذي صارله اسبوع واكثر بعدين يوم العزيمه ببيتها
يعني خوالي وخالي توه راجع من السفر وناس ما نعرفهم والمهم حوسه
ولا يدتي تعالي...........لقيت انعالتج ولا اطلعه وتعطيني اياها
خو ويهي مو حمر الا بينفجر من الفشله عطتني اياه جان ابتسم
واطلع من الصاله
-------------------------------------------------------------------------
يحليلها يدتي اتهبل :)

aqshar

03-07-2006, 06:14 AM

ههههههههههههههههههههه اي لازم الواحد يحافظ على ممتلكاته الخاص

أنوسه يعطيج العافيه على هالموقف ..
___________________________________

بنت جابر وانتي ما اتعاملين الا مع النعول اللله يعز القارئ هههههههههههههههههههههههههههههه اي كفو والله جدتج تحفظ الشي مو مثلج قاطه اغراضج بكل مكان هههههههههههههههههههههههه
__________________________________
ا
انا فاقد مودي وينها.؟؟؟

حقوق الطبع محفوظه .. أقشر
سي يو

مودي الحساس

03-07-2006, 10:38 AM

كاني وين اللي فاقدني وينه .......

لوووووووووووووووووووول احرجتني ....

خلوني اقولكم موقف صارلي بأول يوم من الصيفي المشؤوووم ....
والبركه بفيلسوفه ....

زفوها اذا شفتوها .......

السالفه ومافيها الأبله قالت روحو يبو كتب رحنا جان اقول حق فيلسوفه يبيلي معاج لأنه انا مو لابسه حجابي وحجابي فوق ومالي خلق اصع واهيا كان حجابها معاها ...
المهم بنت عمي وامووون عليها ...
الأخت يت ودورتني مالقتني وراحت الساعه ....
وانا ادورها مالقيتها قلت اكيد الخايسه راحت .....
قلت لازم ارقعها على الأقل ايبلي كتاب ...
رحت يبتلي بعد عناء طويل .... رحت الساعه ولا
الأخت حاطه الكتب على درجي جان تقولي الأبله عندج كتب ليش رايحه .... قلتها وانا قاعده اتعلج لا اراديا تعرون لمن تكونون مندمجين جذي ... المهم جان اقولها ما ادري كتب منو يعني برقع <<<< ذكيه .....
جان تقولي طلعي بره انا ما ابيج عندي ....
جان اقولها كيفج ....
جان تتحلطم .. المهم وانا طلعه سمعتها جان اقولها باي ....
رحنا ثاني يوم ولا احنا بشعبه ثانيه مودينا ....

لوووووووووووووووول شرايكم ...

طرده من اول يوم .....

aqshar

03-07-2006, 01:47 PM

ههههههههههههههههههههههههه مابينا احراج حبوبه ..

لا باجر اذا دشيتي الكليه مافي استعباط يبه تمشين سيده مو مثل المدرسه مسيبتها ههههههههههههههههههههههههه

حقوق الطبع محفوظه .. أقشر
سي يو

مودي الحساس

03-07-2006, 08:17 PM

ههههههههههههههههههههههه
اي مالي خلق .... لا تذكرني ...

aqshar

03-07-2006, 09:22 PM

ماتلاحظون ان بس احنا الاربعه بهالموضوع .؟
أنوسه وبنت جابر ومودي وانا ؟؟

خيانات صايره وين الباقي هههههههههههههههههههههههههه

حقوق الطبع محفوظه .. أقشر

سي يو

مودي الحساس

03-07-2006, 09:41 PM

انت شفيك على اقشر .....
ترى ما ادري شنو قصتها ..

ولي مو تارسين عينك ....

لا تخاف مواقفنا تسد .. وتكفي..

aqshar

03-07-2006, 10:01 PM

لا والله محشووومه مودي انتوا تكفون وتوفوون ..

وانا مو قصدي شي بالكلمه هذي

بس حبيت الاعضاء الباقي يشاركونا لا اكثر ولا اقل وانتي وانوسه وبنت جابر مافيكم قصور..

أقشر هذي سالفتها ساااالفه ..هههههههههههههههههههههههههههه

حقوق الطبع محفوظه .. أقشر
سي يو

مودي الحساس

04-07-2006, 11:29 AM

لوووووووووووووووووووووووووووووووووووول....

خلاص عيل اكمل سوالفي لوووول

اي والله نبي نسمع سوالفهم حط رابط الموضوع بالاهداءات .. ويشوفونه ويدشون انشاالله..

وداد

04-07-2006, 12:39 PM

شوفو هالموقف صارلي وانا بعمر الزهور يعني ام تعش ههههه

المهم كنت ماشيه بمكان شوي زحمه مووايد شوي بس
وانا ماشيه صدفه صار قبالي شاب مسكين واعليه موقصده بس صرنا جدام بعض المشكله انروح يمين مع بعض وانروح يسار مع بعض هههههه
عرفتوا شلون يعني جدام بعض متقابلين بس محنا قادرين نطوف كل واحد يفكر نفس الثاني بالاتجاه ,,
المهم يمكن طولنا دقيقه او اكثر واحنا متفشلين وانا مخى قفل وقمنا نضحك لاااراديا كان موقف محرج ومضحك بنفس الوقت
الريال شاف ماكوفايده جان يقول لي شوفي انا بوقف وانتي اختاري اي جهه بتروحين هههههه قلتله ان شالله
اهو وقف وانا جان اخذ يمينه واروح واهو توكل على الله
عاد انا من الاحراج خاصة بهذيك العمر وزمن اول ويهي قلب الوان وقاعده اقول انا شحقه انثولت ولايكون حسباله بغازله ولايكون حسباله معجبه فيه ولايكون ولايكون والريال وصل بيته مادري شغله وانا قاعده والوم نفسي ههههههه

aqshar

04-07-2006, 02:16 PM

هههههههههههههههههههههههههههههههههه لا على جذي وداد انا بطالب الحكومه يحطون حق كل واحد مناظر جانبيه وإشارات اللي يبي يروح يمين ولا يسار يطق اشاره عشان محد ينحرج ههههههههههههههههههههههههههههههههههه

انا اتوقع الولد نام وقام وانتي لي الحين تفكرين ..

فكرة حلوه مودي والله بسويها .. شلون راحت عن بالي :)

يسلموو على المرور

حقوق الطبع محفوظه سي يوو

مودي الحساس

05-07-2006, 09:58 AM

احم احم .........

شسوي انا ام الأفكار لووووووول......

وداد حده الموقف لووووووووووووووووووووووول

MooooN

05-07-2006, 11:50 AM

ههههههههههههههههههه المواقف حدها تضحك ..
ولي عـــــــــــــــــــــــــــــــوده..

aqshar

05-07-2006, 04:32 PM

يسلموووووو على المرور موون بإنتظار عودتج وان شاء الله العود احمد :)

حقوق الطبع محفوظه .. أقشر
سي يو

مودي الحساس

06-07-2006, 01:05 PM

هاي ... ولهت عليكم شنو الظاهر محد يحط مواقف غيرنا انا وبنت جابر حطو حظي عليكم ......

المهم اشتركت بموقع مليق حده فماشاركت وطنشت ..

عاد مرة الأيام واخيرا دشيت .....

بالموقع في جات اكيد بس هذول جاتهم بره عرفتو شلون قصدي يعني بدون تعب بس تكتب ...

المهم اهمه من الاساس ما يعرفوني ....

سلمت ردو السلام سألت عن الحال ردو وعلي وسألوني شلونجم قلت تمام ....

بعدها من الظحك قلتلهم ها ولهتو علي سكوووووت !!!

المهم قالت وحده الظاهر المراقبه العامه او ماادري شنو ...

انا بسكر الموقع شويه .... بس دقايق ...

وانا داشه عرض انا موافقه بس ها مو تطولييين .....

ما ردو فجأه ولا واصلتني رساله ......

انتي شفيج منو دازج علينا وانا عضوه يديده ما يصير ادز سو نطرت يبطلون الجات ولمن بطلو جان اقولها محد دازني عليكم ...

وانا احبكم واااايد وانتو جرحتوني وخلاص الله يسامحكم ...

وطلعت ......

لأني ما ابي اصلا اعرف شنو ردو علي...

شرايكم فيني لمن افصل ...

خخخخخخخخخخخخخخخخخخخخخخخخخخخ

aqshar

06-07-2006, 02:18 PM

ههههههههههههههههههههههههههههه حدج ادورين الزله مودي
قولي لهم ما ابي ادش وفكي عمرج :)

حركات والله مو هينه

انا والله لو اتذكر شي اكتبه على طول

حقوق الطبع محفوظه .. أقشر

سي يوو

مودي الحساس

07-07-2006, 02:58 PM

اي رقعها قصدك ما تبي تقول بس تبينه نقول ها..

خخخخخخخخخخخخخخخخخخخخخخخخخخخخخخخ

قول اي شي يالله

aqshar

07-07-2006, 03:39 PM

امممممممممممم لا والله حرام عليج مودي ما ارقع..

اسمعوا هالموقف..

قبل لما كنا بالمدرسه المهم كنت مقررات عاد كنا متمردين شوي ..
المهم تعرفون اخر الكورس ماكو دوامات فكنا انروح المدرسه ومنها نطلع نروح السينما انضيع وقت نقعد فوق نلعب ورقه وانتريق وجذي
المهم مره من المرات طلعنا من المدرسه وكانوا متشددين شوي الادارة وحنا طالعين مستانسين حوالي ثمانيه حنا.. اول ماطلعنا من الباب انتمشى شوي بين الشجر ولا دوريه ههههههههههههههههههههههههههه عاد مو زين اتصيد واحد فينا .. المهم وعينك ماتشوف الا اللي حاط كتبه فوق راسه ويركض كلنا ههههههههههههههههههههههه والدوريه ورانا واندش سوق الاحمدي والدوريه ورانا الحين دشينا ممرات مادش فيها الدوريات وينزلون ويلحقونا وحنا ركض ركض واللي يضحك واللي يبجي ههههههههههههههههههههههههههههههههه والله حالتنا يرثى لها المهم صادوا اربعه من ربعي وانا ركض ووراي الشرطي وانا اضحك وخايف هههههههههههههه المهم اول ماطلعت من السوق ولا قدامي الدوريه ووراي شرطي من الصدمه والله قعدت اضحك ههههههههههههههههههههههه جان ابطل الباب بكرامتي واركب وانا داش الدوريه اضحك وياي واحد يضحك والباقي خايفين المهم ودونا المخفر وتعالوا شوفوا المصخره ههههههههههههههههههههههههههههه عينك ماتشوف اللي يبجي واللي مرتبك واللي يبتسم غصب واللي مايدري وين الله قاطه
المهم ويانا واحد من الشباب الله يذكره بالخير كان يبجي وانا اقوله بس ياصبي لاتبجي فضحتنا والشرطه اتمصخرون علينا شيل الكتب فوق راسك ارفع رجلك ههههههههههههههههههههههههههه والله مصخره وربي
المهم قالوا يالله كل واحد يدق على ولي امره انا رحت اول واحد بدق على اخوي طبعا .. العذر ان الوالد مسافر ولا اللي جمبي يبجي تكفوون لا ادقون على ابوي فيه القلب وعصبي اخاف يقلب المخفر على راسي ههههههههههههههههههههههههههههههههههههههه عاد انا استعبط عليه اقوله مدام جذي ليش تهرب من المدرسه.؟ قالي والله مادريت بصير جذي المهم تونا بندق على اولياء امورنا جان يقول الضابط خلاص اخر مره ماتنحاشون.؟؟ حنا ماصدقنا كلنا بصوت واحد ايييي هههههههههههههههههههههههههههههه
المهم جان يقول يالله لا اشوف ولا واحد فيكم اهني بعد لي ال3 ان لقيت واحد قطيته بالنظاره وحنا ركككككككض الباب ورادي المدرسه مشي بعيد والله لا انا ويا واحد نقول لهم يالله خل انروح السينما يقولون فارق بس المدرسه على طوووول هههههههههههههههههههههههههههههههههههههه
والله هالموقف ما انساه

حقوق الطبع محفوظه .. أقشر
سي يو

بنت^جابر

07-07-2006, 08:27 PM

ههههههههههههههههههههههههههههههههههههههههههههههههههههههههههههههههههههههههههههههههههههههههههههه
امبي والله وناسه
بس مو مع الشرطه
انت ما شاء الله عليك تركظ وتركظ
انا يوم كنت برابعه ابتدائي
ويا الوكيله
كان نشاطات اذا اتعرفونها الي بالفرصه كل واحد اروح نشاطه
انا ورفيجاتي مانبي انروح ملاقه
ولا الوكيله اتزفنا ليش مو رايحين نشاطاتكم احنا انسوي عمرنا مانسمع
ولا اتقول انتوا يا البنات
جان ننحاش طبعا واهيا ورانا بس مو تركض
على الخفيف
ههههههههههههههههههههههه
واحنا نحشه
والله كان وناسه مو الحين

MooooN

08-07-2006, 11:02 AM

والله اخي وصديقي اقشر بكتب لك موقف ع الطاير من مواقفي ( عجبتني ع الطاير)هههههههه..
الله يسلمك في يوم منحوس حده دق واحد يبي ابوي وقتها كان عمي مسافر فا قلت له هلا والله عمي شخبارك شمسوي وخذيته بالكلام وقعدت اقول كل الي صار معاي من سافر المشكله عمي ساكت ما تحجى ما قال شي بعد نص ساعه من الكلام جان يقول ابوج موجود جان ازعل حدي شفي عمي ماله خلق علي رحت حق ابوي وقلت له عمي يبك لما كلم ابوي جان يقول الله يهديك هذا مو عمج هذا ولد عم خالت عمت ........الخ ابــــــــــــــــــــووي ..
انا كرهت حياتي خذيت سنه مارد ع التيليفون....
وسلامتــــــــــــــــــــكمـ...

aqshar

08-07-2006, 01:35 PM

هههههههههههههههههه بنت جابر والله ياحلو ايام الابتدائيه والمتوسطه اتسوي اللي تبي محد يشره عليك اما الثانويه اتسوي اي شي ناقدين عليك على طوول.. والله اذكر بأولى ثانوي انا اعرف شباب بالثانويه اول مادشينا ناقدين علينا بساعة البدنيه وحنا ركض الله لا يوريك ههههههههههههههههههههههه تقول عيال اولى ابتدائي عاد لما رحت ثانيه ماشوف احد شي ههههههههههههههههههههههههه وانقد على عيال اولى ثانوي اقول انا كنت اسوي جذي قبل.؟؟ والله فشله ههههههههههههههههههههههههههههههه

حقوق الطبع محفوظه.. أقشر

سي يو

aqshar

08-07-2006, 01:38 PM

مووون اللقافه شينه وانا اخوج ههههههههههههههههههههههههههههههه
حلات الواحد اتأكد قبل لايسوي شي . بصير شايب على راسج هههههههههههههههههههههههههههههه
لا والله مون انا ياكثر ماتصير معاي هالشغله اسولف معاه واهل اعلومي كلهاا وبالاخير اطلع غلطان..
حقوق الطبع محفوظه .. أقشر

سي يو

aqshar

08-07-2006, 01:51 PM

لا اسمعواا السالفه هذي..

هذيك المره وانا راد من الكليه ولا يدق علي رقم غريب قلت خل ارد يمكن واحد من الشباب ولا دكتور داق علي شي المهم وارد ألوو.!! ولا تطلع لي بنت قالت: هلا والله .. قلت : هلا فيج اختي جان اتقولي ممكن أتعرف.؟؟ انا اهني انصدمت .. قلت نعم.؟؟!!! قالت ممكن اتعرف.؟ انا سكت شوي قلت شقولها هذي شرد عليها قلت عن الاحراج خل اقولها اخاف انتي غلطانه اختي قالت لا انا ابيك انت .. عاد شوفوا الرد قلت يابنت الحلال تعرفيني انتي ؟؟ لاتحرجينا اذا تعرفيني قولي وهاتيها من الاخير. قالت والله ما اعرف وقاعد بالبيت بروحي وبسولف معاك قلت: اهاا .. انا بيني وبين نفسي قلت خل اشوف اخارتها المهم قلت على العموم جم عمرج.؟ انا بصراحه شكيت بالصوت قالت : عمري 40 هههههههههههههههههههههههههههههههه والله اول ماقالت عمري 40 انا فيني ضحكه وبنفس الوقت منصدم .. قلت هم خل اشوف اخرتها قلت لها العمر كله يارب .. قلت مشكور حبيبي .. قلت حبيبج بعد.؟؟ قالت اي عادي عاد انا صدمته قلت ايه مدام انج داقه بتعرفين ما استغرب تقولين حبيبي باجر تقولين زوجي .. المهم قالت انا اسمي فلانه ..
قلت عاشت الاسامي.
قلت يابنت الحلال انا بصارحج بشي .. قالت : شنو.؟؟ قلت : انا اول شي مو كويتي.. قالت لي شنو .؟ قلت بحريني قالت ونعم والله .. قلت وثاني شي انا صغير عليج وعمري 15 (( طبعا مو عمري )) اول ماقلت جذي انصدمت البنت ههههههههههههههههههههههههههههههه تقوول احد صاكها بجيريه على راسها هههههههههههههههههههههههههههههههه

جان تقولي وانا هذا حظي ما اطيح الا على صغار .؟ قلت لحظه انا ماخلصت قالت : عندك شي بعد.؟ قلت اييييييييه عندي اشياء مو شي قالت لي شنو.؟
قلت انا ماعرفتج على نفسي .. قالت منو.؟ قلت جورج قرداحي وابيج اتصيرين امي ممكن.؟ ههههههههههههههههههههههههههههههههههههههههه من بعدها ما اسمع الا طوط طوط(( طبعا ماكو طوط طوط )) بس انا عايش الموقف شوي عادي سكرته بوجهي ههههههههههههههههههههههههههههههه قلت فكه بعد

حقوق الطبع محفوظه.. أقشر
سي يو

مودي الحساس

08-07-2006, 05:50 PM

اي شي صح حده اي ... قمت تقول مواقف يعني لا بس انتو امبي عجائب ولا مالت الدوريه والنحشه حسافه مو معاكم لوووووووووووووول

انزين اقول سالفتي ....

المهم مره نفس الشي واحد داق بالغلط اولشي اشيله يحطلي اشعار .......

واسده ثاني مره جان يرد جان يقولي شلونج شخبارج طبعا وانا نفسيه ولا ارد نعم منو .....

<<<<< معلومه من الخوف ماكو احد بالبيت ......

المهم رد علي جان يقولي انا خالد رفيج اخوج محمد ....

جان اقوله ماعندي اخو اسمه محمد.......

جان يقول اي الظاهر غلطان جان اقوله مع السلامه واسده ....

جان يرن التلفون مره ثانيه رديت ولا اهوه جان يقول انزين سمعي هالقصيده ......

سديته ....

مره ثانيه جان يقولي ليش ما تحبين القصايد....

جان اقوله والله اناديلك اخوي جان يقولي زين ناديه يسمع القصيده معانا .....

<<<< ويها اهوه واشعاره ....

المشكله ماكو احد بالبيت بس انا غبيه ارد عالتلفون جان اشيل الفيشه بكبرها ......

aqshar

08-07-2006, 06:06 PM

انا بعلق على الفيشه .. عسى مو ثقيله عليج وعلى بالج ماتقدرين اتشيلينها ؟؟!! هههههههههههههههههههههههههه اي من الاول شيليها وفكي عمرج

يسلموو على المرور مودي..

حقوق الطبع محفوظه.. أقشر
سي يو

مودي الحساس

08-07-2006, 06:15 PM

لا تقعد تعيب علي .......

شدراني انه اهوه لزقه جذي ما اعرفه ولا يعرفني .....

<<<< عصبت ........

بس تعال انا بسمع سالفت اقشر .......

مودي الحساس

08-07-2006, 06:18 PM

نسيت اقول اي شسوي ايدي كانت تعورني ..
<<< ماتعرف تجذب....

aqshar

08-07-2006, 10:51 PM

لووووووووووووووووول مودي برجلج الله لايهينج

ديري بالج مره ثانيه :)

حقوق الطبع محفوظه .. أقشر
سي يو

مودي الحساس

09-07-2006, 10:26 AM

انا دايره بالي بس الله يهداهم مخليني بالبيت بروحي اصلا كنت ببجي والله ......

انزين يالله عاد خلنا نسمع سالفتك ..

<<< مني وحده ومنك ثنتين ...

العدل واضح....

aqshar

09-07-2006, 11:08 AM

ههههههههههههههههههههه منج وحده ومني ثنتين.؟ ورث هذا الله يهداج
ان شاء الله اذا ماتوا كل اللي بالمنتدى انا اخر 90% من المواضيع وانتي 10 % عدل مافيها شي ههههههههههههههههههههههههههههه

بعد عمرج طويل ان شاء الله..

حقوق الطبع محفوظه.. أقشر
سي يو

مودي الحساس

09-07-2006, 11:16 AM

لا ظلم انا انت 70 وانا 30 راضيه ...

مساكين موتناهم اسم الله عليهم ..

بعد يدشون يجنون علينا ...

aqshar

09-07-2006, 11:25 AM

هههههههههههههههههههههههههههه مودي لا مو حق جذي

انا عادي امون عليهم بس انتي مالي شغل فيج ههههههههههههههههههههههههههه

حقوق الطبع محفوظه .. أقشر
سي يو

مودي الحساس

09-07-2006, 11:34 AM

انا اوريك النقاش مستمر انا بفصل الحين وارد اشبك العصر ويايتلك بالكلام انطر...
خلني اروح القطه ...
خخخخخخخخخ
ولا انا امون اكثر ...
خخخخ

اصلا خلاص انت تموت وانا اورثك
ما بقالك شي عمرك 96 ..

خخخخخخخخ

aqshar

09-07-2006, 11:39 AM

هههههههههههههههههههههههههههه ماتقدرين اتسوين شي الحق معاي

لا مودي مو هذا عمري الله يهداج تمويه هذا عن المباحث مطلوب بقضايا وراعي سوابق ههههههههههههههههههههههههه

حقوق الطبع محفوظه .. أقشر
سي يو

مودي الحساس

09-07-2006, 09:13 PM

ههه لوول اشكره يعني انت اكيد الغلطان ...

صاحب سوابق وتبي تصير انت الصح حدك متأمل ...

aqshar

10-07-2006, 12:56 AM

ههههههههههههههههههههههههههه عادي ماعليه الانسان اتعلم من الخطأ مو لازم اكون كله خطأ افا عليج

حقوق الطبع محفوظه .. أقشر
سي يو

مودي الحساس

10-07-2006, 09:39 AM

لا حبيبي بس انا كله صح ..

<<< تتمنى ..

خخخخخخخ

aqshar

10-07-2006, 04:29 PM

ههههههههههههههههههههه مودي شنو هالتوقيع .؟ كل هذيل ربعج.؟
زين والله عرفينا عليهم لوووووووووووول

حقوق الطبع محفوظه.. أقشر
سي يو

مودي الحساس

11-07-2006, 09:44 AM

يشــوقــون محتر ...... هااا..

طاع الحره خخخخخ

انزين راح اعرفك على ربع ربعهم ....

واساميهم .. زليخه ... وحسينه ... ومديحه .. وفتحيه ...

وام عجايف .... سحيله .. سخيله .... سجيله .. وسفيله ...

بس عيب ماراح اوقول الباجي .....

وترى اخر اربع اسامي خوات....

خخخخخخ

aqshar

11-07-2006, 10:37 PM

ههههههههههههههههههههههههه يصير اتزوجهم.؟؟

الشرع حلل أربع هههههههههههههههههههههههههههه

حقوق الطبع محفوظه .. أقشر
سي يو

بنت_الامارات

12-07-2006, 12:24 AM

مشكووووور ياخوي على الموضوع

الموقف الي يظحك ولين الحين اذكره

كنا رادين من تايلاند بنمر ترانزيت لماليزيا
كنا نمشي فاممر المتحرك
سايرين صوب الطياره
بوقت ما كان الممر يتحررك
انا كنت صاده الصوب الثاني((يعني ما اشووف الي وراي))وكنت ارمس ويا اختي عن الجو برع
زين والله كنت بعدني صغيره
بوسط ما ارمس وصلنا اخر الممر وانا ما نتبهت انا وصلنا ولاحد نبهني ان الممر خلص
وفأخر الممر رفعص صغيره
وما انتبهت عليها
ما وعيت بعمري الا نا طايحه والسبه اني مب منتبهه انا نحن وصلنا

احس الدنيا ضاقت علي

وهيي حمر شو الي صار؟؟

شفت حولي في حد شافني
زين ان الي كانو يشووفوني جانب

ارتحت

بس صدق ما قدرت اوقف من الظحك من الموقف الي استوا وفنفس الوقت منت منحرج منه

وزين
محد من الي شافوني يعرووفني