حـــقوق المــراة السياسية... مع أو ضـد!؟

[xKuwaityx]

«®°·.¸.•°°·.¸¸.•°°·.¸.•°®»سلام ياحلوين«®°·.¸.•°°·.¸¸.•°°·.¸.•°®»
طبعاً قرار إعطاء المرأة حقوقها السياسية في دولة الكويت حسم تقريباً... و على الأبواب... نذكر قبل لما طرح الموضوع و تم التصويت عليه و رفض بسبب زيادة صوت للمعارضين عن المؤيدين للموضوع.

ياجماعة بعد ما يعطون المرأة حقوقها السياسية... شنو راح تتوقعون يحدث؟ تطور ام تخلف (مع احترامي للفتيات P:) أرجوو إن كل واحد يكتب تطلعاته للمستقبل بهالموضوع!!!

انا عن نفسي اتوقع إن دخول المرأة البرلمان شيء جميل ... و تمجع الشعر إلي بيصير راح يكون شي رائع... و تحذف الشحاطات و الصراخ راح اكون اكشن مو طبيعي... و اتوقع إن القناة الرابعة راح يزيدون مشاهدينها... لأن إلي كانو يطالعون افلام اكشن على شوتايم و اوربت راح يحولون على القناة الرابعة!!!!!... شرايكم P:

[جمايل]

ههههههههههه

مو لهدرجه والله طلعت تحب الشر والهوشات واتحب اتطمش

بس ما اعتقدر راح يصير شي من الي قلته

[xKuwaityx]

هههههههههههههه
اي احب السياسة مع شوية أكشن ... يمي يمي P:

انزين جمايل شنو راح تتوقعين؟ هل فعلاً الأنثى قادرة على إدارة البلاد بشكل صحيح و افضل من الوضع الحالي؟! وهل راح يصير فيه تطور؟ و إذا بمنطقتكم كانت فيه مرشحه زينة و مرشح زين منو تصويتنله؟

[Nathyaa]

اني اشم رائحة شماته بصوتك هههههههههههههه

جيك علي اشم

يسلمووو علي الموضوع الرائع اللي يترك لنا المجال في الدفاع عن حقوقنا

اولا :


(مادة ـ 29)
من دستور دولة الكويت

الناس سواسية في الكرامة الانسانية، وهم متساوون لدى القانون في الحقوق والواجبات العامة، لا تمييز بينهم في ذلك بسبب الجنس أو الأصل أو اللغة أو الدين

هذه الماده 29 من الباب الثاني
المقومات الأساسية للمجتمع الكويتي

يعني القانون مايفرق بين الرجل والمرءه

ثانيا :

(مادة ـ 82)
من دستور دولة الكويت

يشترط في عضو مجلس الأمة:

أ ـ أن يكون كويتي الجنسية بصفة أصلية وفقاً للقانون.

ب ـ أن تتوافر فيه شروط الناخب وفقاً لقانون الانتخاب.

ج ـ ألا تقل سنه يوم الانتخاب عن ثلاثين سنة ميلادية.

د ـ أن يجيد قراءة اللغة العربية وكتابتها.

الفصل الثالث
السلطة التشريعية

وهذي الماده عطت بالوصف الدقيق مواصفات العضو ولم يحدد الجنس

يعني بدام هالشي حق من حقوق المرءه السياسيه واللي كافلها لها القانون

ليش انتوا واقفين ضده

تعال شوف الدول الاوربيه وكثير من الدول كانت تحكمهم النساء

مثل بريطانيا الدوله اللتي لاتغيب عنها الشمس

وبالماضي كانت بلقيس وزنوبيا لهم مكانه كبيره عند العرب وكانوا يحكمون دول

واذا انتو خايفين لايصير تكمش وتكفخ بالمجلس

انا اطمنكم ان المرءه الكويتيه علي ثقافه كبير ومتعلمه وخلوقه

وتقدر تتصرف باصعب المواقف

سوري اذا طولت عليكم بس هالموضوع بصراحه جدا شيق

[xKuwaityx]

فيه حديث بما معناه "أنه لا خير في قوم حكمتهم امرأة"
المرأه مو مثل الرجل بالحكم و السياسة... تبين الدليل؟... روحي وزارة التعليم العالي... إلي وكيلته\ رشا الصباح.... المبنى كله بنات.... والله شغلهم خربوطة... لا شغل ولا شي... كل وحدة عبالها قاعده اببيتهم!!!

ليلحين انا ماشفت مكان تشتغل فيه امرأة مضبوط! خاصة بالكويت.... للأسف!
@_@

[Nathyaa]

اذا انت تبي تتكلم بالدين انا ماراح اناقشك لان بالدين حرام البنت تشتغل وحرام تطلع من بيتها وحرام تسوق سياره وحرام ....... الخ

اما اذا تبيني نتكلم عن حياتنا الاجتماعيه بشكل عام

فالمرءه لها حقوق حالها حال الرجل

اوكي ابي اسالك سؤال

انت لو متزوج وزوجتك بحالة ولاده شنو تفضل الطبيب يكون رجل ام امرءه ؟

[xKuwaityx]

امرأة @_@
بس انتي قاعده تتكلمين عن مهنة الطب... احنا نتكلم بالسياسة عن مهن ثانية... وزيرة او عضوة او مديرة...
و هذي المهن يبيلها ريال... هذي الصراحة!

تصدقين انا مع كل هذا... موافق على اعطاء المرأة حقوقها السياسية... لأن ما شفنا فايدة من الرجل فيمكن انتو تسوون شي P:

[Nathyaa]

هذا رد عليك يوم قلت ليلحين انا ماشفت مكان تشتغل فيه امرأة مضبوط! خاصة بالكويت.... للأسف!


انا ماودي اتعمق بالسياسه

يعني اللي انت تشوف بمجلس الامه صح

كله هواش وخناق وطرح ثقه واستجوابات وعمة عين

صدقني لو المرءه يسمحون لها في ان تتولي القياده جان ماشفت هالشغلات اللي قاعدين نشوفها الحين

[xKuwaityx]

نثياا انا كنت اقصد المهن السياسية...
و الصراحة كل الي يصير من استجوابات و صراخ بمجلس الامة غلط.. ولا نافعنا بشي.
بس السؤال ياترى هل المراة راح تستطيع تغير المجلس للأفضل؟!

[xKuwaityx]

برلمان الكويت يوافق على مناقشة منح المرأة حقوقها السياسية
http://www.aljazeera.net/mritems/images/2005/3/7/1_528945_1_34.jpg
وافق مجلس الأمة الكويتي (البرلمان) اليوم على طلب الحكومة الإسراع بالنظر في مشروع قرار يمنح المرأة حق التصويت والترشيح في الانتخابات, ولكنه لم يحدد موعدا لمناقشة المقترح الحكومي.

مابقى شي مابقى شي... بس مو يعطونكم حقوقكم باجر كل وحدة تسوي روحها ملكة على زوجها او على الشباب اوكي؟

[Nathyaa]

المرءه راح تحكم احسن من الرجل بمليون مره

وبعدين انتوا هذا اللي خايفين منه ان المرءه تصير ملكه علي الرجل

هههههههه

يحق لنا نشوف نفسنا شوي

<<<< بدء الغرور

الحين قاعدين نشوف طرح الثقه بين الرجال

باجر بين النساء ماراح يصير طرح الثقه تدري ليش

لان من نزعل علي وحده علي طول عزمتنا علي شاي الضحا وحب شمسي وانتهي الموضوع

مو مثلكم عقدونا بكل شي

من التحرير وانتوا قاعدين تشوفون رياييل بالمجلس والدوله لين الحين محلك سر ماصار فيها اي تطور

عطونا الاربع سنين القادمه وشوفوا بعدين حكموا اذا كانت المرءه تصلح ام لا

[xKuwaityx]

مو هذي المشكلة.. جاي الضحى مو بس يصفي النفوس... يبهدل مرااااااات P:

مثلاً عضوة من العضوات مو عاجبها وزير.. يمعت العضوات اييتها.. على جاي الضحى.. و قعدت تخطط حق استجواب سنع ... ويبتدي التبهدل بالاوادم.. عشان حضرتها مو عاجبها اسلوب فلان و علان... ماقول إلا الله يستر @_@

[جمايل]

شوفو انا بقول رايي بها الموضوع مساله ان المرأه تصير عضوه

ما اعتقد فيها شي لانها لاا تمسك سلطه ولا في ايدها قرار معين

هي مجر صوت يطالب بحقوق مواطنين منطقته بس مثل ماتوصل

المديره مطالب موظفينها الرئيسها نفس الشي في مجلس الامه

ومو اي مره تدش مجلس الامه لان فيه بعض حريم مايصلحون

انهم يدشون مجلس الامه لازم المرأه تكون ذات خبره بلحياه وذات

شهاده عاليه وذات حكمه ونباهت عقل يعني بلعربي تسوى عشره رياجيل:)

[الذهبي]

مشكور أخوي على طرح الموضوع الذي هو بواقعنا الآن

أنا لا أأيد ترشيح المرأة
ولكن أأيدها بالتصويت فقط لا غير

بالنسبة لعدم تأيدي بترشيح المرأة وهو يحرم على المرأة أن تترأس بمنصب قيادي في الدولة خلونا بعيدين عن دستور الدولة هذا حكم إسلامي .

****

بدأت الجلسة

النائبه / ............ وينها ....... والله ماخذه إجازة 3 شهور إجازة وضع
النائبه / ............ وينها ....... والله تقول بتأخر بالصالون اليوم

********

المرأة مكانها خارج القيادة الجوهرية للدولة
ماأجمل المرأة وهي صامته لا تقاطع هذا وذاك
وماأبشع المرأة وهي تتحدث بأحدى الدواويين ( حاطه ريل على ريل وتشرب جاي )

حبايبي

الكويت لا تحتاج لأفكار المرأة ولكن المخرج عاوز كدا ( أوامر عليا خارجيه )

وتسلم حبيب قلبي كويتي بواكسات على الموضوع الرااااائع يارائع والله يوفقك بدراستك يارب
وترد لديرتك الغالية عليك وترد لأهلك سالم ويحفظك الله يارب


الذهـــــبي

[مسك شمر]

اما انا فمع اعطاء المرأه حقوقها السياسيه قولو ليش .. انا راح اقولكم ليش .. صراحه في مثل يقول في الحركه بركه .. والمرأه فيها غيره على الكويت ومصلحتها اكثر من الرجل .. واعضائنا اليوم الله بالخير صار كل همهم كم تعطيني والصفقه الفلانيه كم يطلعلي منها وفالحين بس بالبوق يا جماعه خلوا المرأه تشوف حالها وهذا ما ينقص من قدر الرجال بالعكس هذا خلي تنافس بين الرجل والمرأه وطبعا كل هذا يكون في مصلحة الكويت .. انا حاس اذا المرأه صارت في المجلس راح تنحل المشاكل اللي في الكويت .. من وعيت على الدنيا وانا اسمع في مشكله اسمها مشكلة البدون.. ابي اسألكم يا اعضاء منو من الاعضاء الجال حل هالمشكله طبعا مافيه يمكن على ايد المرأه راح تنحل وانا عارف ان بعض حريم الكويت عليهم ألسان ياسااااتر منهم

على العموم انا قلت رأيي وصدقوني اول وحده ترشح نفسها بالمجلس انا راح اصوت لها ..

تقبلوا تحياتي اخوكم \ مسك شمر

[Nathyaa]

الذهبي :

من قال لك ان المرءه اذا رشحت نفسها راح تملك منصب قيادي ؟؟

العضو او العضوه مهمتهم توصيل اراء الناس الي الحكومه

واذا انت تتكلم عن الدين الاسلامي فالدين انصف المرءه وعطاها كثير من الحقوق احنا مو بصدد مناقشتها الحين

احنا قاعدين نتكلم عن مجتمع واللي قاعدين نشوف انه صار له سنين لم يتحرك ساكن

عطو المرءه مجال وشوفوا شنو راح تسوي

[Nathyaa]

مسك شمر :

والله انك صاج ياشمري

الرياييل طق له جم مليون وانحاش

بس المرءه ماتفكر تسوي هالشي لان مصلحت البلاد فوق كل اعتبار

وسالفة البدون منو وقفها الا الاعضاء هم اللي وقفوا السالفه

المديونيات الصعبه لين الحين معلقه ليش ؟

فيتامين واااااااو لين الحين شغال بجميع الوزارات ليش ؟

الفلوس اللي قاعده تروح في غير مكانها

شغلات كثيره كثيره غلط قاعدين نشوفها ونسكت

لي متي السكوت

ان للمرءه ان تخرج وتحل جميع المشاكل اللي عجز الرجل عن حلها عشرات السنين

[xKuwaityx]

جمايل,,
كلامج كله مضبوط... و انا أييدج... مو كل مرأة تدش المجلس ;)

الذهبي,,
هههههههههههه , الله يخليك يا بعد جبدي... على تشجيعك الحلو ياحلووو :)
كلامك على راسي, بس تره حتى الاعضاء الرياييل كل يوم عندهم اعذار اقبح من ذنب... و مو كل هم يوصلون ع الموعد ;) ... `و اسمع عدد المعتذرين عن الجلسة.. خل نعطي المراة فرصتها و نشوف!

مسك شمر,,
ههههههه والله عدل فيه بعض الحريم ياكلونك بلسانهم... بس على قولتك يمكن المرأة تصلح القليل من الشغلات الغلط بالكويت... نشوف!

نثياااا,,
خلاص بيعطووونكم حقوقكم.. بس انا انصح بأنها تكون للتجربة فقط... يعني لازم يكون القرار قابل للسحب و الإلغاء إذا صارت مشاكل وايد.

[Nathyaa]

انتوا بس عطونا مجاااااااااااااااال

وخلونا نمسك الكرسي

وبعدها يصير خير

شي نمسكه بيدنا تبيني نتنازل عنه ! اي خير انشاء الله اقبض من دبش

هههههههههههه

[الذهبي]

هههههههههههههههههههههههههههههه ياحلوكم وربي

شوفوا أنا أكبر معارض لهذا المجلس والله يخلي لنا الخطيب
( قائد المعارضه للحكومة لحد الآن أقرأ عنه من مؤسسيم المجلس )
والسعدون الشريف بمعنى الكلمه والبراك اللسان الصادق .. الله يكثر من امثالهم وفي أعضاء يجاهدون في سبيل مصلحه الشعب الكويتي

هذولا لو تكثرون منهم جان الكويت بخير وغيرهم في أعضاء زينين بس بعض الاحيان بصامين

*****
مسك شمر ( في أعضاء يلهفون اللي وراهم ولا جدامهم مو كلهم ) على فكرة مسك شمر الأغلبية الذين يعارضون تجنيس البدون أو التحسين من معاملتهم هم الكاتبات النسوة الذين لا يرونهم الا كالذبابه .. في نساء يقفون معهم ولكنهم ينعدون بالأصابع
نثيه ( مجمل كتابتي هو الرد عليكِ )
بواكسات ( أنا معاك في أعضاء أعذارهم أقبح من ذنوبهم يابعد قلبي :) بس أمانه وين الأعضاء اللي يدخلون المستشفيات ( إرتفاع الضغط والسكر أو الهبوط ) أمانه قولي هذولا ماينذكرون بتاريخ مجلس الامة .

أخواني وخواتي أنا لا أرى الا الليبراليين الذين يقفون مع المراة في حقها السياسي

وقال خالد سلطان العيسى في ندوة مساء السبت
"اذا كانت الحكومة ستسمح بوجود مثل هذا الحشد فنحن على اتم الاستعداد لان نملأ شارع الخليج (امام البرلمان)
بالناس الرافضين لهذا الحق".

ومن جهة الإسلام ياحبايبي فان المراة ليس لها اي حقوق سياسية في الاسلام.

"ان اعطاء الحق السياسي للمراة خط احمر فأهل الكويت يرفضونه لانه مخالف لشرع الله ولخصوصية المجتمع الكويتي" على حد رأيي

أنا لا أظلم حقوق المرأة بل المرأة لها حقوقها وهي في منزلها
أنا لا أكره المرأة بل أعشق المراة بكل صفاتها الجميله

على عيني وراسي ياآنساتي

الذهبي

[xKuwaityx]

الذهبي... الموضوع انحسم... 99,9% سوف يتم اعطاء المرأة حقوقها السياسية بدخول المجلس و الترشيح. وإلي رافضين لهالقرار شوية... و وايد كانو رافضين بس الحين مع الموضوع وليس ضده.
و انا مافهمت قصدك بلي يدخلون المستشفيات @_@....

نثيااا... ههههههههههههههه مو هذي المشكلة :"

[Nathyaa]

الذهبي

انت تشتري سمج بماي ؟؟

يمكن يكون هالتعبير غريب بس علشان تتضح الصوره

انت مايصير تحكم علي شي وانت ماشفته

تدري متي تحكم اذا كانت المرءه تصلح ام لا

اذا مسكت الكرسي ودشت البرلمان

هني ممكن انك تحكم

وسالفة ان الليبراليين هم الوحيدين اللي واقفين مع المرءه فانت غلطان

لان حكومة الكويت بكبرها واقفه مع اعطاء المرءه حقها السياسي وعلي رئسهم سمو الشيخ جابر الاحمد الصباح اطال الله بعمره وابقاه ذخر لنا

بالنسبه الي ان اهل الكويت يرفضون اعطاء المرءه حقوقها فانت غلطان يا الغالي لان نسبه كبيره تطالب بهالحق

احنا مانقلل من قيمة الرجل وخصوصا الشرفاء منهم امثال الخرافي والسعدون والبراك والصانع بالعكس احنا نبي نوقف معاهم يا الغالي

الايد الوحده ماتصفق

صار لهم سنين بهالمجلس شنو اللي سووه لنا ؟!!

كله معارضين ولا طارحين الثقه ولا يتناجرون ولا ولا ولا

واحنا مانقول ان الرجل يخرج من المجلس بالعكس وجود الرجل ضروري مع المرءه

واذا انت تبي تمشي ورا الخطيب عيل عز الله توفقت هههههههههه

الخطيب وماادراك ما الخطيب

وبالنسبه لتجنيس البدون علي فكره النساء اول ماطالب بتجنيسهم بالجمله

يسلمو الذهبي

[الذهبي]

من متى قلت أنا الصح :(

* المرأة هي النصف الأفضل

سواء أكانت ظالمة أم مظلومة .

* ما من رجل عظيم يصادفني في الحياة

إلا وأجزم في الحال إن والدته أكثر عظمة منه

* عظمة الرجل من عظمة المرأة

وعظمة المرأة من عظمة نفسها .

*كل عقل الرجل لا يساوي عاطفة من عواطف المرأة.

* يحتاج الرجل للعاطفة أكثر من احتياج المرأة لها لنقصانها عنده وازديادها لديها .

* عندما تسمو عاطفة الحب عند المرأة تصبح حنانا .

* المرأة أثمن جوهرة نزعت من تاج الطبيعة لتكون زينة للرجل وسعادة له .

* المرأة أحلى هدية خص بها الله الرجل .

الحياء والصمت أجمل زينات المرأة .

* المرأة أبهج شيء في الحياة .

* المرأة تحفة الكون الرائعة .

* قلب الفتاة وردة لا يفتحها الا الحب .

* المرأة نصف الحياة إن احبت زوجها .

* النساء أشجع مما نتوهم .

* المرأة كوكب يستضئ به الرجل

ودونه يبيت في الظلام .

* المرأة هي التي تقود الرجل إلى السعاده

( يكفيك فخراً بأنك إمرأة )

***********
هذا أقل مانقوله لكِ ... تحيتي لكل إمرأة

قولي أنا غلطان بعد :(

الذهبـــــي

[Nathyaa]

علي راسي

مايسعني الا ان اقف لك بكل احترام

مااجمل تعبيرك عن المرءه ومااصدقه

[xKuwaityx]

الذهبي عن الكلك P:
اوكي امدحهم بس مو جذي... ههههههههههه
يستااهلوون والله (عشان لا يتيمعون علينا العصابةx: )

انا الصراحة بشوف شنو التغيير الكبير إلي بتسويه المرأة بدخولها المجلس @_@

[Nathyaa]

راح تفاجعون ههههههههههههه

راح تكون صدمه للرجل

لان المرءه عملت اللذي لايستطيع الرجل اتيانه

[g6waa]

http://www.kwety.net/kwety1/q8/f.gif


يسلموو على موضوعك اكس كويت

بس ابي اعرف شي واحد

لماذا معظم الرجال يقفون ضد ان تنال المراه مناصب سياسيه ؟؟؟؟؟؟؟؟

هل لان يخافوون من تثبت المراه جدارتهااا بان تكون افضل منهم

او يخافون ان تكون انجازاتها افضل واحسن منهم ؟

لان ليس هناك سبب مقنع لهذا الاعتراض !!!!!!!

واعتقد هذا المنصب مهم

مثله مثل اي منصب اخر

وزيرة الصحه

او وزيرة العمل والشؤن الاجتماعيه

او مديرة مدرسه

او اي كااان

في الاول والاخر

هو نظام تتبعه المراه او الرجل وفناء في العمل

وامانه وفن وخبره في التعامل

مع العمل نفسه .

هذي المسأله بكل وضوووع

والى الآآآآآآآآآن !

لا نعرف سبب تخوف الرجـــل من هذا الموضوووووع

وتضخيمــــه وتكبيــــــــره ووضعه تحت المجهـــر في كل مره يأخذون رأيه

وخاصه في كل موضوع يختص بالمراه ؟ ؟ ؟ ؟ ؟


وخيــــــــــــرا لا اقــــــــــــول الا ..

تسلم على طرح الموضوع يـــــــا اكس كويت

g6waa

[الذهبي]

أين هو الخوف ياأختي

أنا أقول لكِ نعم أرشحها 100%

وأدعوا المجتمع الإسلامي المعاصر

أن يقفوا مع المرأة

لتصبح وزيرة

وزيرة البيت

هذا هو مكانها

[~*~عاطفية~*~]

علي العموم كل واحد له رأي ونحن نحترم كل وجهات النظر ..

اختكم: Miss_night

[Nathyaa]

مياااااااااو :

ابليز لو تغيرين اللون

بصراحه كان ودي اقرا ردج لان يعجبني اسلوبج في المناقشه بس للاسف عيوني عورتني

ياريت يا قلب نثيه انتي انج تغيرين اللون

فديتج

[g6waa]

http://www.acccca.com/vb/uploaded/cat.gif


يسلموو على موضوعك اكس كويت

بس ابي اعرف شي واحد

لماذا معظم الرجال يقفون ضد ان تنال المراه مناصب سياسيه ؟؟؟؟؟؟؟؟

هل لان يخافوون من تثبت المراه جدارتهااا بان تكون افضل منهم

او يخافون ان تكون انجازاتها افضل واحسن منهم ؟

لان ليس هناك سبب مقنع لهذا الاعتراض !!!!!!!

واعتقد هذا المنصب مهم

مثله مثل اي منصب اخر

وزيرة الصحه

او وزيرة العمل والشؤن الاجتماعيه

او مديرة مدرسه

او اي كااان

في الاول والاخر

هو نظام تتبعه المراه او الرجل وفناء في العمل

وامانه وفن وخبره في التعامل

مع العمل نفسه .

هذي المسأله بكل وضوووع

والى الآآآآآآآآآن !

لا نعرف سبب تخوف الرجـــل من هذا الموضوووووع

وتضخيمــــه وتكبيــــــــره ووضعه تحت المجهـــر في كل مره يأخذون رأيه

وخاصه في كل موضوع يختص بالمراه ؟ ؟ ؟ ؟ ؟


وخيــــــــــــرا لا اقــــــــــــول الا ..

تسلم على طرح الموضوع يـــــــا اكس كويت

____________________________________


يا قلبوو نثيه لان الخلفيه قامقه عشان جذي يطلع اللون واااااااااايد فاقع

[Nathyaa]

ميرسي حياتي

هل لان يخافوون من تثبت المراه جدارتهااا بان تكون افضل منهم

او يخافون ان تكون انجازاتها افضل واحسن منهم ؟



كفيتي ووفيتي يا حياتي

كافي ان اذا المرءه مسكت اي وزاره ماراح نلقي الواسطه لانها راح تنتهي

اغلب الوزارات اذا دشتها البنت ولقت المسؤول ريال بس تدلع عليه علي طول وافق علي المعامله حتي لو كانت المعامله فيها مخالفات

لكن عندما تمسك المرءه الكرسي فسوف تنتهي هذه المسخره