غلطانه اللـي تعشـق اليـوم رجـال:

[lolowa]

الصراحه


انا ما اقصد كل الرجاجيل وحبيت انقل لكم هذا الشعر

ومثل ماتقولون اصابع الايدين ماهم سوا
اليوم لك ثانـي مـع راحـة البـال

وانا بعـد همـي لـه اليـوم ثانـي..

اليـوم تاركنـي اناظـر بـالاطـلال

صورة,, رساله ,,حلم ,,جرح واماني !

ليلي قضيتـه بيـن هـمٍ وغربـال

واقول في نفسي حبيبـي نسانـي!!

غنيت انا عقبك من الضيـق مـوال

يومك تسمـع للطـرب والاغانـي!!..

لي دمعةٍ من فوق الاوجـان تختـال

يومـك تلاعـب مترفـات المبانـي..

وبي عبرة منهـا المخاليـق تهتـال

ياعبرتـي لاتفضحينـي عشـانـي! :

ياعبرتي خلي لـك الصـدر منـزال

لاهوب بـك داري ولاهـوب عانـي!!

مشغول له في ترفة حالهـا حـال

:ماهوب فاضـي لعبرتـي او جنانـي!!

في يوم واحد نستـه كـل الامـال!!

وش عاد لو يدري بشـوق غشانـي؟؟

ماهوب مثل اول هذاك الغـلا زال!!

عزاه كيـف الـود زال بثوانـي؟؟؟؟؟؟

اربع سنينٍ طوال ياكيف تنـزال؟؟

وتحط في قلبك هنـوف مكانـي؟؟!!..

ماكنت اظنك تجحـد الـود لا طـال!

اثرك على طريـف وتبينـي اعانـي!

قد قالـوا ان البعـد والصـد قتـال

وانـا اشهـد انـه علـة بالمحانـي!!

يومي اشوفك لابس بشت وعقال!!!!

والشارب الاسـود وزول سبانـي..

وعروستك من الحيا ترخـي الشـال:

( وترسل لها بسمـه تزيـد امتحانـي

دمعي بلا علمي على وجنتي سـال!!!!

اشتقت لـك ليتـك تحـس بحنانـي..


ليتك تشوف الحال يامتلـف الحـال!!

بس التفت لي شـوف شالله بلانـي..

نصيتها تضحـك لهـا لاهـيٍ سـال،،

واقـول ياليتـه حبيبـي نصانـي!! :

(الله يادنيـا التعاسـه والاهــوال،،

الله يستر وش يخبـي زمانـي..

غلطانه اللـي تعشـق اليـوم رجـال:

(مهما حلـف بالـود يبقـى انانـي..

وقلب الرجل مابه من الحـب مثقـال!!

والبنـت ترفـه قلبـهـا مايـدانـي :


حاولت اعبر والقلم في يـدي مـال،،

من هول مابي انعقـد بـي لسانـي



تحياتي لولووا:a83: :a85:

[Nathyaa]

صح لسانج ولسان قايلها

كلمات رائئعه ياقلبي

[أحلي_حمودي]

يسلمؤؤؤؤؤؤؤؤؤؤؤؤؤؤؤؤؤؤؤ

على الكلماااااااات الروووعه

[أنـــــوسـه ^_^]

تسلمين حبيبتي

واي والله غلطانه الي تحب اليوم ريال

[الفيلسوفه]

اي و الله رياييل هالزمن ما يستاهلون ذرة من الحب

بس عطيهم العين الحمره عشان يمشون عدل

[KatKot_q8ety]

صــــح لســـــــــــانج خيتـــــــــؤوؤ :)

بس هـــــاا دربــــــالج :p

[lolowa]

لوووووووووووووووول ليكون انت منهم ؟؟؟
ياكتكوت كويتي ؟؟؟ وحياتي فيلسوفه اشكرج على تواصلج ..........

[aqshar]

لووووووووووووووول انا صراحه ودي اضحك شوي قبل لا اعقب على كلامج..
بس ضحكت خلاص لوووووووووووووول
صراحه انا اللي جذبني للموضوع عنوانه
بس بجد قصيده روعه والله يعطيج العافيه ومشكوره على النقل الرائع والاختيار الاروع .. وصح لسان قايلها
ودي اعقب عليج بهالبيتين .. (وليد اللحظه)..
المشــكله ما هي هنوفٍ ورجـــــــال ** المشـــكله حب وتبادل حنـاني..
صوني غرامي واتركي كل الاحوال ** وانا بصونك لين يفنى زماني..
اعتقد البيتين واضحكين مايبون شرح.. واتمنى اني وصلت الفكره
حقوق الطبع محفوظه.. أقشر
سي يوو

[الجوري]

صح السان قائلتها ولله معها حقــــــــــ

تسلمين غناتى على النقل والاختيار

الله يستر وش يخبـي زمانـي..

غلطانه اللـي تعشـق اليـوم رجـال:

(مهما حلـف بالـود يبقـى انانـي..

وقلب الرجل مابه من الحـب مثقـال!!

[العابر]

صح لسانك ولسان قايلها
الخيانه مجوده عند الرجل والمرأه
لكن لا تنسووووووون انكم ايها الجنس اللطيف اكثر من يخوووون
لكن الرجل قليل الخيانه
لانه متى ماحب فأن حبه صاااااادق وقوووي
لذلك عندما يخون فهو لم يحب من الاصل
واشكرك مره اخرى على هذا الطرح الرائع