مشاهدة النسخة كاملة : احتياطي المياه سينفد في نهاية سبتمبر وينكم من زمان ماتحركتم ؟!
Nathyaa
19-05-2006, 01:33 PM
الإسراف غير المبرر إلى متى؟.
'الطاقة' تحذر: احتياطي المياه سينفد في نهاية سبتمبر
19/05/2006 كتب فهد الهاجري:
دق مصدر مسؤول في وزارة الطاقة ناقوس الخطر من نفاد احتياطي الماء في الكويت بنهاية شهر سبتمبر المقبل بسبب اسراف المواطنين والوافدين غير المبرر في استهلاك المياه.
ودلل المصدر على تحذيره ل'القبس' بان انتاج الكويت من المياه صباح أمس الأول بلغ 311 مليون غالون، فيما كان المستهلك 322 مليونا بزيادة قدرها 11 مليون غالون سحبت من الاحتياطي.
وقال إذا لم يتفاعل المستهلكون مع الحملات الترشيدية للوزارة قبل ارتفاع درجات الحرارة فسوف يكون هناك كثير من الانقطاعات للمياه خلال الصيف.
ولفت الى ان العاملين في المحطات يتعرضون للضغط لتوفير اكبر كميات من المياه تفاديا لحدوث نقص او انقطاع.
وذكر ان الوزارة ستفعل اجراءات مخالفة من يسيء استخدام المياه او يبالغ في استهلاكها
ههههههههههههههههههههههههههههههههههه
عندنا خليج بكبره وعرضه
وأكبر محطه تحليه بالعالم
وينفذ الماي
والله منكم أنتم ومحمياتكم
وبحيراتكم الأصطناعيه والأنهر الأصطناعيه
kwety
19-05-2006, 07:20 PM
طول هل سنين ما نفذا
الحين راح ينفذ
الله يخلي البحر
ومحطات التحليه
ولا بس يبنون محطات تحليه بره الكويت
Nathyaa
20-05-2006, 07:32 AM
ليدر
سوء ترتيب وتقدير من الجهات المختصه
يعطيك مليون عافيه للمرور
Nathyaa
20-05-2006, 07:33 AM
كويتي
معروفين احنا
خيرنا لغيرنا :(
اسعدني مرورك الرائع اخي الفاضل
الله يعافيج واشكرج على الموضوع
ابو فارج
20-05-2006, 10:03 AM
المسؤولية مشتركة
الشعب عليه اعادة ضبط في صرف المياه وتقليل الهدر
والحكومة عليها ايجاد بدائل لتفادي اي طواري.
BadBoy
20-05-2006, 12:01 PM
السلام عليكم
يعطيج العافيه
على فكره وصل سعر تنكر الماي حاليا 40 دينار
وانقطع الماي على بعض المناطق منهم منطقتنا
الخلل مو من المواطن واسراف الماء
الخلل من الحكومه نفسها المفرووض يكون احتياطيها كافي
قاعدين نعطي العالم وحنا محتاجين
لا حول ولا قوه الله بالله
تسلمين على هالطرح الحلو
الذهبي
20-05-2006, 02:17 PM
ياسلام على الموقف الشامبو بشعرك والصابون مالي جسمك ويدق فانوس الخطر لا لوجود الماء في التانكي :) .. أهني يوجد بديل خل التب بشكل إحتياطي عندك بالحمام ولا تنسى الطاسة علشان تغرف فيها الماي
الكويت 1912
الماي موجود ولكن الخسائر تلوح بشركة تحليه المياه
والله يا حبايبي أهم يسوون الطريقة هذي يقطعون الماي فيها ويردونه يبون يحسسوون الشعب بقيمة الماي
قطر اللي هي قطر ( الكهرباء و الماي ) فري وفوقها بوسة راس
والا عندنا كل شي بمنه
ودي أشعلل الموضوع أكثر
أنتوا شرايكم أن الكويت ماده بايبات عديدة للعراق وانتوا لو تلاحظون زادت الدعايات والتحذيرات على الماي بعد سقوط بغداد لإن وبإعتقادي حولي نسبه كبيرة من الماي للعراق ولا ... العراقي يشرب الماي ويرده " يرجعه " بوجه الكاميرا يهديها لشعبه الحبيب الكويت
اللهم أغثنا بفضلك
اللهم أغثنا بفضلك
اللهم أغثنا بفضلك
ولا منتهم :)
تسلمين غلاوية على رفع الضغط
Nathyaa
21-05-2006, 09:55 AM
ابوفارج
الخطأ من الحكومه بالدورجه الاولى
وينهم من قبل ؟؟
اشمعنا الحين صار نقص
الف شكر اخي الفاضل لمرورك الرائع
Nathyaa
21-05-2006, 09:58 AM
باد بوي
اف 40 دينار
بصراحه مبلغ خيالي
ليش جذي ؟؟؟
وينكم يا حكمومه
اذكر كلمه قالها انسان يدرس ومتمكن من هالامور
الحرب العالميه الثالثه راح تكون بسبب نقص المياه في العالم
الله يستر
تسلم لنا على هالطله الحلوه
بس شنو الحل برايك ؟ظ
Nathyaa
21-05-2006, 10:03 AM
الذهبي
عمرنا ماسمعنا بنقص الماي الا بعد تمديد انابيب الماي للعراق
انت ملاحظ هالشي ؟؟
طيب الحين يقولون نقص واحتياطي اجيال طيب اشلون يوفقون بين كلامهم وبين اللي قاعدين نشوفه من اهدار للمياه على يد الحكومه
طيب تحلية المياه وينها
ليش مايتحركون من قبل ؟؟
ليش وصلنا مرحله ان نستخدم الاحتياطي ؟؟؟
هذا واحنا دوله خليجيه هههههههههههههههههه
انا من وجهة نظري نروح نعيش بالصمان على وعسى نجد لنا واحه هناك :)
متألق دائما
بردودك ومرورك واسلوب توضيح وجهة نظرك
سلمت لنا يا متألق
جميع الحقوق محفوظة لـ الشبكة الكويتية