حكم الدنيا .. قصة حب في 12 جزء

[نـــــ الحب ـهر]

قصة حكم الدنيا
بسم الله الرحمن الرحيم
هذي قصتي الاولى .. و تبعتها قصة حب مع الايام اللي تلقونها موجودة في صفحات ها المنتدى الغالي
نبذة عنها :: الحـــــــــب نبض الأرواح و حلاوة الحياة .. و الأجمل أن يكون الحب صادقا نابعا من القلب .. فهكذا ما جمع بين جسدين من البشر بروح واحدة .. ريم و علي .. علي و ريم .. أحســــــــــــاس الوجود .. تضحيات .. فداء .. قلوب واحدة .. و لكـــــــــــــــــــــن حكم الدنيا تبقى قوية .. فيا ترى ماذا سيصابهم .. هل سيبلغون مناهم .. أم القدر سيحرمهم من ذلك ؟؟
..
في القصة توجد شخصيات عديدة لكن انا ما راح اكتب عن حياتهم بالتفصيل فقط مقاطع .. لأن الشخصيات الاساسية ريم و علي راح يبقون الأساس ..
..
أكيد في كل زمان و في كل مكان في أناس يعيشون كما يعيش أبطال قصتنــــــــــــــا .. فالحياة ممتعة .. أبتسموا لها لكي تبتسم لكم .. و أعلموا أن الحب الصادق هو نبض الحيــــــــــــــــــــــــــــــــاة ..
أهداء ::
لمن فيه مني
و فيني منه
تحياتي :
وردة أمل
ما قبل البداية ::
عايلة بو علي :
بو علي < راشد > : رجل صارم كلمته واحدة و لابد تنفيذها .. رب أسرة ناجح ..
أم علي < رزان > : أمرأة طيبة .. و حنونة .. تغمر الجميع بلطفها و حنانها
علي : شاب عمره 17 سنة .. توجيهي < ثالث ثنوي >
سارة : شابة عمرها 16 سنة .. ثاني ثنوي .. تعز أخوها علي وايد
عمر : طفل عمره 8 سنوات
عايلة بو محمد ::
بو محمد < أحمد > : رجل طيب على نياته .. يتقي الله و يخافه ..
أم محمد < خلود > : أمرأة ساذجة .. تربي أطفالها على حب الله و طاعته
ريم : أكبر بنات احمد تبلغ من العمر 16 سنة .. ثاني ثنوي
محمد : شاب فاشل في حياته .. متهور لا يهمه سوى اللعب .. عمره 13 سنة

[نـــــ الحب ـهر]

الجزء الأول ::
عايلة بو علي :
بوعلي : يالله عيال وصلنا المطعم
سارة < هذي وايد تحب تاكل بس ما تمتن بسرعة > : و أخيرا ميتة من اليوع
عيل : ههههههه أنتي طول عمرج ما تشبعين توج ماكلة آيس كريم
سارة كانت تبي ترد عليه بس أمها تدخلت .. أم علي : بلا نجرة خلونا ندش
الكل : يالله
..
عايلة بو محمد كانوا بعد رايحين نفس المطعم .. و توهم واصلين الا يشوفون قوم بو علي
بو محمد : هاي شنة رفيجي راشد .. كان أعز الناس على قلبي بس خسارة أفترقنا بعد الجامعة .. و الكل أنشغل بمستقبله ..
تقاطعه ام محمد : هذي اللي وياه شنة رفيجتي رزانوو أيام و أنا عنها .. آخر مرة شفتها قبل ما أتزوجك
بو محمد : أوكي يالله خلونا ندش و بالمرة نسلم عليهم و ندعوهم يتعشعون ويانا .. شكثر انا مشتاق لراشد
أم محمد : توكلنا على الله
..
في المطعم :
عايلة بو محمد اتجهوا نحو عايلة بو علي
بو محمد : السلام عليكم
بو علي : و عليكم السلام و الرحمة .. يا هلا أحمد شخبارك أخوي؟؟ .. مشتاقين لك ..
بو محمد : الحمدلله ماشي الحال شوفة عينك كونت عايلة .. و العيال كبروا
بو علي : ألف حمدلله
و قعدوا يسولفـــــــــــــــــــــــــون ..
أما من جهة الحريم ..
أم محمد : هلا و غلا برفيجتي رزانوووو
أم علي : هلا فيج حبيبتي خلود .. ههههههه مب شنة كبرنا على كلمة رزانو < و تأشر على عيالها > الا شمسوية ؟ وينج عنا ؟
أم محمد : شاسوي حكم الدنيا أقوى منا .. مشاءالله تبارك الرحمن بنتج صارت عروس ..
أم علي : هه حتى بنتج ستوت قمر مشاءالله ..
و تدرون حريم قعدوا يسولفون و ياخذون كل التفاصل اللي ما كانوا يعرفونها عن بعض من فترة افتراقهم
طول ها الفترة علي كان يناظر ريم و يقول بقلبه : لا الاه الا الله هذي ملاك مب بشر ..
أنتبهت ريم لنظراته فلفت صوبه .. و تلاقت أعينهم .. و دقت قلوبهم ..
الا بو محمد أنتبه أن وقفتهم غلط فعزم بو علي و قومه عشان يتعشون وياهم ..
بو محمد : شرايك أخوي تتعشون ويانا .. انا عازمكم ؟؟
بو علي : مدري و الله خلني أسأل الحرمة
بوعلي ينادي أم علي : شرايج رزان نتعشى وياهم ؟؟
أم علي : يا ريت أنا في قلبي وايد للحين ما قلته لأم محمد
بوعلي : بدينا ههههههههههه
بو محمد : ههههههه
..
طول الوقت في العشا علي كان يشوف الريم بطرف عينه و ريم حاسة بنظراته بس ماتدري شتسوي !!
في ها الفترة تعارفت ريم شوية وية سارة و علي كان ينصت لهم ..
سارة : شسمج ؟
ريم : ريم و أنتي ؟
سارة : سارة
....................
و بدوا يسولفون وية بعض و الكل مستانس .. بو محمد و بو علي و أم محمد و أم علي مستانسين لأنهم تقابلوا بعد فترة فراق طويلة .. سارة و ريم مستانسين لأنهم وعدوا نفسهم يصيرون صديقات .. و علي مستانس لأنه شاف البنت اللي كان يدور عليها في كل زمان و مكان .. و عمر و محمد كانوا هم بعد مستانسين لأنهم يسولفون معنة في فرق بينهم 5 سنين ..
و بعد ها الجلسة الكل افترق على أنهم يلتقون مرة ثانية .. و مع أستمرار الايام قوت العلاقة بين العايلتين لدرجة أنهم بنوا بيوت يدد لهم يم بعض .. و ريم و سارة صاروا صديقات من الدرجة الأولى .. و أنتقلوا لنفس المدرسة .. و علي حب ريم < تقدرون تسمونه حب من أول نظرة > و ريم حست بحنية و شعور رائع تجاه علي .. و نسيت أخبركم بأن في البيتين في جدار مشترك و في الجدار في باب مشترك لسهولة الأنتقال بينهم ..
بدت العطلة الصيفية
في بيت بوعلي :
ريم : سارونة أنا ميتة .. أخاف درجتي ما تبشر
سارة : ريموووو عن المصاخة .. و بلا عوار راس .. عيل أنا شاقول
ريم : و الله هاي مشكلتج ما تدرسين عدل
سارة : مالي خلق الدراسة
ريم : عمي راشد متى بييب الشهادات ؟
سارة و هي تبتسم بمكر : علي بييب الشهادات مب أبوي
ريم : علـــــــــــــــــــــــــــــــــــــــــي
سارة < هذي عيارة تعرف شكثر علي يجب ريم لأانه ما يخبي عليها شىء > : أي علي بييب الشهادات لأن أبوي أنشغل
ريم سكتت على مضض : ........
و بعد خمس دقايق دخل عليهم علي و طبعا كالعادة كان يشوف ريم بكل معاني الحب و يبتسم لها .. فريم أستحت و نزلت راسها
سارة : هــــــــا بشر كم يبت ؟
علي و هو يقعد على الكرسي : شوفيه
سارة و هي متشققة : كللوووووووووووووووووووووووش
ريم : شفيج يا الهبلة أنا كم يبت ؟
سارة بكبرياء مصطنع : ماني قايلة سألي الأخ المحترم < و تأشر على علي > يمكن يقول لج أما عن درجتي واااااايد زينة 88.6
ريم خافت و بدت تنقل عينها بين سارة و علي : حرااااااام عليج ساروه كم يبت ؟ عطيني شهاداتي
سارة : نووووووووووووووو
علي : لا تخافين ريم درجتج وايد زينة 92.1 بس الحسود ساروه تغاار
ريم نفزت من مكانه : صــــــــــــــــــــــــــــــــج يبت ممتاز
سارة : اي يا الدبة مبرووووووووووك
ريم و هي تحضن رفيجتها : الله يبارك فيج و اتني هم بعد مبروك
سارة و هي تكلم أخوها : أنت كم يبت ؟
علي : ماني قايل لج الا اذا طلبت ريم
سارة و هي تهمس لريم : قوولي له أبي أعرف درجته
ريم و هي تهمس لها : ماني قايلة موتي من الغيض
في ها اللحظة تنزل أم علي ..
أم علي : شفيكم ليش كل ها الصراخ ؟ شصاير من مات ؟؟
سارة و ريم : هههههههه
علي : ههههه يمة شفيج سمي بالرحمن يبنا الشهادات
أم علي و هي تهدي من روعها : قلبي بغى يوقف عبالي صاير شىء .. بشروا يا عيالي ؟
سارة و هي تبوس أمها على راسها : لك البشارة يا أم سارة يبت 88.1
علي : هيي أمي أسمها أم علي .. أم علي و بس ..
أم علي : زين زين سويرة بس أنتي لو تدرسين عدل شان تييبين ممتاز
سارة : وليت .. انا المهم عاجبني درجتي
أم علي : الا أنت كم يبت يا ولدي ؟
علي بكبرياء : 93.4
أم علي و هي مستانسة لأن درجة علي تبشر و معروف أن المنهج التوجيهي صعب : كللللللللللللللللللللوش ألف مبروك يا ولدي عقبال ما أيبب يوم عرسك
خب علي أنتهز الفرصة و طالع ريم من طرف عينه و أبتسم .. و ريم يا حليلها بسرعة تستحي نزلت ويهها
بانتظار ردودكم و توقعاتكم و دعمكم !

[Nathyaa]

طعم النجاح حلو

بالتوفيق ومبرك لهم

والفال لبنات وشباب منتدانا :)


تسلم لي الايادي ياعسل للقصه الحلوه

[نـــــ الحب ـهر]

مشكووووورة حبيبتي على المرور

ولحين راح اكمل الجزء الثاني

[نـــــ الحب ـهر]

--------------------------------------------------------------------------------

الجزء الثاني ::

ريم سوت لها حفلة عودة بمناسبة تفوقها ببيتهم
يوم الحفلة < في بيت بو محمد > :
الكل مستانس و يرقص و يبارك لريم ..
في وسط الحفلة رن الجرس فريم راحت تفتحه
أنصدمت شافته عمر
ريم : خيـر عمر ؟
عمر : مافي شىء لا تخافين .. بس عندي لج هدية من عند علي موصيني أوصله لج
ريم ترددت تاخذ الهدية بس في النهاية خذته
ريم : مشكووور
عمر : العفو .. شكري علي
ريم : شكره بدالي
عمر : اوكي باي
ريم : بايات
سارة : منووو كان عند الباب
ريم : بسم الله الرحمن الرحيم من وين طلعتي ؟ هاي أخوج عمر
سارة : عمر عجيبة و الله شيبي ؟؟
ريم : هااااا .. مادري مادري .. و مشت عنها
..
خارج الحفلة :
محمد : عمور شكان عندك في بيتنا ؟ كلهم حريم
عمر : عادي .. ما كان عندي شىء بس كنت أبي أكلم ريم
محمد : علينا يا الذيب .. شسالفة الهدية ؟
عمر خاف يقول الحقيقة لأن علي كان موصيه : هاااا .. اي الهدية .. هاي انا شاريته حق ريم بسبب تفوقها
محمد عقد حواجبه و ما علق : ......
بعد ما خلصت الحفلة و الكل راحو .. بقت سارة وية ريم
سارة : ريووووومة حبيبتي وينج ؟
ريم : هني سويرة في الصالة
سارة بعد ما راحت الصالة : مبروووووووك حبيبتي تستاهلين كل الخير
ريم : الله يبارك فيج روحي
سارة : الحفلة كانت حلوووووة شفتي هند و هي تطيح على ويهها بالغلط ههههه
ريم : هههههههه كسرت خاطري
سارة و هي تطلع من شنطتها علبة : اوووو نسيت هاي هديتج
ريم و هي تلم سارة : مدري شا قول ! و الله مستحية منج
سارة و هي تبتسم : فتحيها
ريم و هي قاعدة تفتح الهدية : يهبــــــــــــــل ساروه الخاتم .. تسلمين
سارة : المهم عاجبج يا الغالية .. يالله أستأذن بروح البيت
ريم و هي تتذكر : لحظة بروح و برد
سارة : اوكي بس لا تطولين
ريم : انشاءالله
راحت ريم و ردت بسرعة .. كان في ايدها شيس عود
سارة و هي مستغربة : شنو هاي ؟
ريم : هديتج يا أغلى رفيجة بالدنيا
سارة : فديتــــــــــــــج و الله مشكورة
ريم : الشكر لله
سارة : يالله أخليج الحين تعبانة حيل بروح انام
ريم : تصبحين على خير
سارة : و أنتي من أهله ..
بعد ما راحت سارة قعدت ريم تفتح هداياها في غرفتها .. و فجأة تذكرت هدية علي ففتحته و شافته .. كانت قلادة على شكل قلب مرصع حوافه بالألماس .. و وياه رسالة مكتوب عليها :
أحبك لأبعد حدود ..
أنتي العشق و العود ..
..
حاربت حكم الدنيا لعيونك ..
تمنيت تصيرين ملكي ..
يا أغز أنسانة بالقلب ..
..
مبروك نابع من جوفي ..
عسى كل ايامج هنى ..
..
علـــــــــــــــــــي

ريم أستانست وايد لما عرفت أن علي يعزها لها الدرجة .. بس قررت أنها تدوس على قلبها شوي عشان كرامتها و عزة نفسها ..

..

علي كان قاعد يحاتي ريم تفهمه غلط .. فقرر يتصل فيها .. بس محتار من وين ييب رقم موبايلها .. الا يات له فكرة خطيرة و سارع بتنفيذها .. راح غرفة سارة ..
علي : سارووووووه
سارة : شعندك خلني برقد
علي : موبايلي مافيه شارج و أنا أبي أتصل في رفيجي الحين
سارة : شاسوي لك روح أتصل من تلفون البيت
علي : بس تلفون البيت ما يشتغل خربان < قاعد يجذب >
سارة : زين خذ موبايلي بس رجعه بسرعة
علي : مشكوووووورة يا أحلى و احسن اخت بالدنيا
سارة : عجيبة و الله !! أكيد في شىء ورى السالفة الا أنت علطول لسانك فلفل
علي : اقول جـــــــب ما تستاهلين أعطيج ويه .. رقدي
سارة : فج يالله
علي: باي
سارة : باي

..

قام علي و شيك بين أرقام أخته رقم ريم ليما لقاه و سواه سيف بموبايله .. و قام و هو مستانس و رجع موبايل سارة لغرفتها .. و راح غرفته و أتصل بريم
ريم و هي مستغربة لان الرقم غريب : ألو نعم من وياي ؟
علي : هلا ريم .. مافي سلام
ريم : علــــــــــــــــــي
علي : أي علي
ريم : السلام عليكم
علي : و عليكم السلام و رحمة الله و بركاته .. شخبارج ؟
ريم : الحمدلله بخير أنت شخبارك ؟
علي : بخير بسماع صوتج
ريم أنفجرت : رجاءا أخ علي أنا أنسانة متربية و محترمة طول عمري ما كلمت شخص غريب الا في الضروف الطارئة مب لاني قبلت هديتك تتخيلني سهلة ..
علي و هو يقاطعها : ريم شفيج علي .. و ربي نيتي صافية .. انــــــــــــــــــــــــــــا أحبج و أحبج و أحبج و أهواج .. انتي الهوا اللي أتنفسه .. حرااااام عليج ما قصدت شىء
ريم و هي مستحية : آسفة أنـــــــا ..
علي و قو يقاطعها : أنتي شنوو ؟ أنتي ملاك .. ملاك من السما .. نووورت حياتي بنورها .. من أول لحظة شفتها فيه
ريم : ...
علي : أتمنى بأنج تحتفضين بالقلادة و الرسالة كذكرى
ريم : مشكووووور على الهدية
علي : العفو .. ريم أنا بسافر الأسبوع الياي لندن للدراسة و ببقى هناك خمس سنين الى أن أحصل شهادة الدكتوراه
ريم و هي زعلاني : بترووووووووح ؟
علي : اي بروح بس بظل على ذكراج طوال ها السنين و راح ارد و انا مكون نفسي عشان اصير ملكج .. علي لريم و ريم لعلي
ريم و هي مستحية : تروح و ترد بالسلامة
علي : ريم
ريم : لبيك
علي : تحبيني ؟
ريم : .....
علي : ارجوووج جاوبيني
ريم : اي
علي : شنو أي ؟
ريم : أي على سؤالك
علي : أي سؤال ؟
ريم و هي مستغربة : مب أنت سألتني تحبيني ؟
علي : اي سالتج
ريم : و انا قلت لك أحبــــــــــــك
علي : و اخيرا قلتيها ريم
ريم استحت و عرفت سالفة دوران علي : ...
علي : ريــــــــــم أنتي حياتي و مماتي راح انتظرج العمر كله عشان تصيرين ملكي
ريم : ..
علي : يالله الحين بخليج أكيد أنتي تعبانة بعد الحفلة
ريم : علي
علي : تدللي
ريم : من وين حصلت رقم موبايلي ؟
علي : ههههههه بس هاي تبين تعرفينه
ريم : اي بس هاي
علي : حصلته بطريقتي الخاصة بس تطمني سارة ما لها دخل
ريم : ريحتني الله يريحك اذا كنت يايبه عن طريق سارووه جان ذبحتها
علي : هههههههه يالله أخليج .. مع السلامة
ريم : في حفظ الله

..

صكوا التلفون و الكل بدى يفكر بمصيره .. و مصير قلبه .. و نهاية حبه

بانتظار توقعاتكم ..

[نـــــ الحب ـهر]

الجزء الثالث ::
بعد اسبـــــــــــــــــوع حان موعد سفر علي < في بيت بو علي >
بو علي : يا ولدي أنشاءالله تروح و ترد لنا بالسلامة
أم علي : آميــــــــــــــــن
علي : يبة .. يمــــــــة .. لا تخافون أنا مب ياهل
أم علي : مهما كبرت يا ولدي راح تبقى بعيوني ياهل
بو محمد : الله يحفظك يا ولدي
علي : تسلم عمي
محمد : هـــــــااا يبة نسيتني
أم محمد : ههههه غيور من الدرجة الأولى
محمد : أي ولدكم الوحيد لازم تدلعووني
ريم بدلع : هيي أنا بعد بنتهم الوحيدة و لازم يدلعوني
الكل : ههههههههههههههههههههههههههههههههههه
بو محمد : أنتي الغلا كله
ريم أستحت لأن علي موجود : .........
أم علي : شفيك عمر ساكت ؟
عمر : هااااا يمة .. قاعد ألعب
أم علي : يا كثر لعبك .. أخافك تلبس النظارة
علي : اي تراك مربع 24 ساعة قدام ها الشاشة
عمر : اوووووهوووووو خلوني
سارة : يا كثر ما ننصحك بس ما تسمع
عمر و هو يصك القيم بوي : أرتحتوووا الحين
سارة و هي تطلع لسانها : اي
علي : خخخخخخخخ
بو محمد : يالله قوم علي عشان نوصلك المطار تأخر الوقت
علي : لا بقعد وياكم للحين ما شبعت منكم
سارة و هي تغمز له : ما شبعت منا كلنا
علي و هو يسكتها عشان ما ينفضح < بهمس > : جب ساروه
سارة : ههههههه
بو علي : قوووووم يا ولدي يالله
علي : اوكي بروح اييب الشنط
بو علي : كل الشنط السيارة
علي : اوكي روحوا و قعدوا في السيارة و أنا بلحقكم
بو علي : ابشر

الكل راحوا و قعدوا في السيارة ما عدا سارة و ريم ..

علي و هو ينادي سارة : سارة .. ساروووه و صمخ
سارة : ووجـــــــــــــــع شتبي ؟؟
علي : سارة ركبي فوق أبي اكلم ريم
سارة و هي تتأفأف : زيـــــــــــــن يا العاشق
علي قاعد ينادي : ريــــــــــــم
ريم : هلا
علي : تكفين عشان الحب اللي يجمعنا أبقي على ذكراي و انتظريني
ريم و هي تبتسم : أنشـــــــــاءالله راح أنتظرك الدهر كله حتى لو حكم علي الدنيا بالهلاك
علي و هو يبتسم : تآمريني على شىء
ريم : اي دير بالك على نفسك
علي : أنشاءالله و أنتي بعد ديري بالج على نفسج
ريم : أنشاءالله
علي : مع السلامة
ريم : في أمان الله

..

في بيت بو علي :

ريم : سارة أحس أني بموووووت
سارة : بسم الله عليج حبيبتي بعيد الشر عنج
< طبعا سارة تعرف كل شىء عن حب علي و ريم >
ريم : تضنينه ما بيتغير لما بيرد
سارة : مستحيــــــــــــل يحبج بكل ذرة في كيانه
ريم و هي متطمنه : أتمنى ها الشىء

..

في المطار :
بوعلي : مع السلامة يا الغالي دير بالك على نفسك
بو محمد : حاسب يا ولدي من رفقة السوء
علي : أنشاءالله
أم علي و هي تبشي : يمة تكفى دير بالك على نفسك
علي و هو يحب أمه على راسه : تامرين يمة
بو علي : يالله أم علي لا تصيحين .. حرام عليج .. الولد بيتعذب
أم علي : شاسوي يا راشد ما باليد حيلة
أم محمد : أدعي له بالتوفيج
أم علي و هي ترفع يدها للسماء : يــــــــــا رب وفقه
الكل : آميـــــــــن
عمر و هو يحضن أخوه : ها عاد تذكرني
علي : افا و الله ما عاش من ينساك
محمد : و أنا بعد لا تنساني
علي : اصلا انا ما أقدر انساكم
بو محمد : يالله علي روح الطيارة بعد شوي بتقلع
علي : أنشاءلله

سلم على الكل و راح عنهم .. ليفارقهم 5 سنيــــــــــــــــن يعيشهم بعذاب و وحدة ..
في الطيارة :
علي و هو قاعد يفكر شلون راح تصير حياته بدون ريــــم ؟ شلون راح يقدر يتحمل ألم الوحدة و الفراق ؟ .. و هو غارق بهمومه كان بجنبه شاب فقعد يتحاور وياه :
الأخ : سلام عليكم
علي : و عليكم السلام و رحمة الله و بركاته
الأخ : بحريني ؟
علي : أي بحريني
الأخ : تشرفنا حتى انا بحريني .. اسمي يوسف
علي و هو يصافحه : أسمي علي
يوسف : عاشت الأسامي
علي : عاشت ايامك الا شعندك بلندن ؟
يوسف : بروح أدرس بجامعة كامبرج الدكتوراه
علي : صـــــــج و الله ؟ حتى انا بروح أدرس بنفس الجامعة الدكتوراه
يوسف : صدفة حلوة
علي : أي حلوة أنشاءالله نستوي ربع
يوسف : أتمنى ها الشىء
< و تموا يسولفون الا أن تعبوا و رقدوا و ما قاموا الا وقت هبوط الطيارة >
الكابتن : أسعدنا تواجدكم معنا .. نتمنى بأن قضيتم وقت ممتع معنا .. رجاءا أربطوا الآن أحزمة الأمان .. و سفرة موفقة أنشاءالله
يوسف : يالله علي أربط حزامك
علي : أوكي و أخيرا وصلنا

[نـــــ الحب ـهر]

الجزء الرابع ::

الكل بدأ يتعذب أم علي و بوعلي من صوب لفراقهم لولدهم الكبير .. و ريم متعذبة بسبب سفر علي .. و علي متعذب لأبتعاده عن ريم .. أصبحت الحياة عندهم لا تطاق ..
في البحرين < بيت بو محمد >
بوعلي : أخ أخ أخ بطنـــــــــــــــــــي أخ أخ
بو محمد : بسم الله عليك شفيك يا خوي ؟
بو علي : أخ عندي عوار ببطني
بو محمد : زين قوة أوديك المستشفى
بو علي : ما يحتاج ها العوار ييني من فترة و يروح
بو محمد : قوم يا ريال و لا تستهين بصحتك
بو علي : يعني مصر ؟
بو محمد : أي مصر

..

في المستشفى < في غرفة الدكتور > :
الدكتور : من متى بدى عندك ها العوار
بو علي : من فترة حوالي 4 شهور
الدكتور و هو متعجب : 4 شهور و أنت ما راجعت الطبيب ؟
بو علي : أي تدري مشاغل الدنيا
الدكتور : بس أيا كانت مشاغل الدنيا لازم نتتبه لصحتك .. قوم أسوي لك فحص شامل
بو علي : توكلنا

..

بعد ما سوى له فحص قال له : أنتظر شوي و راح يجيبون النتيجة
و بعد شوي دخلت عليهم الممرضة : دكتور تفضل هاي نتائج الفحص
الدكتور : مشكورة
الممرضة : العفــــــــــو
و بدأ الدكتور يقرا النتيجة وويه متروسة علامات التعجب و الأستفسار .. و متكدر وايد ..
بوعلي : بشر يا دكتور
الدكتور و هو متكدر : مدري شا قول لك !
بو علي : شصاير ؟ شفيني دكتووووور ؟
الدكتور : ما فيك الا العافية بس ..
بو علي : بس شنو ؟ و اي عافية يا دكتور ؟
الدكتور : خلني أكون صريح وياك .. و أنت انسان مؤمن بقضان الله و قدره
بو علي : دكتووووووور أرجوك قول لي و بلا لف ولة دوران
الدكتور : فيــــــك مرض السرطان
بو علي و هي يبشي : لا لا لا لا لا لا لا لا
الدكتور و هو يهدأه : بس الحمدلله ما أنتشر بكل جسمك نقدر نوقفه ببتر ريولك و العملية نجاحها 90 %
بو علي : .............
يدخل عليهم بو محمد ..
بو محمد : بشرووو
الدكتور : السرطان
بو محمد : شفيه السرطان ؟
بو علي : فيني السرطان يا خوووووي
بو محمد و بكل شفقة يلم رفيجه : اصبر يا خوي .. ان الله مع الصابرين
بو علي : و نعم بالله

..

الكل عرف سالفة مرض بو علي .. الا علي ما خبروه عشان لا يترك الدراسة و يرجع .. و بو علي قالو له لازم يسوي له عملية و بأسرع وقت يقطعون فيه ريله عشان لا ينتشر المرض .. و الكل مؤمن بقضاء الله و قدره ..
في يوم العملية :
أم علي و هي تبشي : يارب أحفظ بو علي و طول من عمره
بو محمد : آميــــــــــــن .. الدكتور قال العملية نجاحها كبير بس أذا نجحت ما راح يقدر يمشي من جديد
أم علي : ما يهمني شىء بس بو علي .. روحـــــــــــــــــــه ..
أم محمد : ليش الدنيا دايما تحكم علينا ها الحكم القاسي ؟
بو محمد : لا تيأسي من رحمة الله خلود
أم محمد : و نعم بالله و نعم بالله
من جهة ثانية ..
سارة : ريم أبوووووووووووي
ريم : شفيه عمي ؟
سارة : أذا نجحت العملية ما راح يمشي بعد اليوم
ريم : المهم سلامته حبيبتي ..
سارة و هي ترفع ايدها للسما : يا رب أغمر أبوي برحمتك

..

مرت ساعات العملية بطيئة و كئيبة و الكل في حالة خوف .. و طبعا علي ما يدري عن السالفة أبد ..
رن موبايل بو محمد :ألو
علي : سلام عليكم
بو محمد و هو يحاول ما يبين لعلي شىء : و عليكم السلام
علي : شلونكم عمي ؟
بو محمد : يخير يا ولدي بخيـــــــر
علي : بس صوتك متغير
بو محمد : هااا .. اي فيني زكام
علي : ما تشوف شر
بو محمد : الشر ما ييك .. الا أنت شخبارك ؟
علي : الحمدلله ماشي الحال حياتي كلها دراسة ..
بو محمد : الله يوفقك
علي : عمي أتصلت في أبوي كم مرة بس موبايله مغلق صاير شىء ؟
بو محمد و هو يطمنه : لا بوي ما صاير شىء بس الوالد شوي مشغوووول
علي : عجيبة و الله سلم عليه و على الكل ..
بو محمد : يوصل أنشاءالله
علي : السلام عليكم
بو محمد : و عليكم السلام

..

بــــــو محمد : توه علي كان متصل
أم علي : علــــــــي ! شخباره وليدي ؟ شمسوي ؟
بو محمد : الحمد لله بخير
أم علي : عسى ما خبرته شىء عن سالفة أبوه
بو محمد : أفاا و الله أم علي أنا أخبره ؟
أم علي : تعبناك ويانا يا خوي
بو محمد : كل تعب ورى الغالي راشد هو راحـــــــــة .. او نسيت أخبركم علي يسلم عليكم كلكم ..
ريم و هي مستانسة و تقول بهمس لسارة : الف حمدلله تطمت عليه
سارة : الحمدلله
أنطفى الليت الأحمر من غرفة العمليات و الدكتور طلع و أتجه صوبهم ..
بو محمد بحماس : بشرنا يا دكتوووور الله يبشرك بالجنة
الدكتور : مادري شا قول !
أم علي و هي تعبانة : حراااااااام دكتور خبرنا
الدكتور و هو يبتسم : مبرووووووووووووك نجحت العملية
سارة و هي مستانسة : الف حمدلله
أم علي و هي تسجد على الارض : حمدلله حمدلله يا رب
ريـــــــــــــم : مبرووووووووك عمتي على نجاح العملية
أم علي : الله يبارك فيج بنيتي
بو محمد : هاي أحلى خبر سمعته
أم محمد رفعت ايدها للسما : أن الله على كل شىء قدير
عمر و هو يرقص من الفرحة : أبووووووووووووي نجا .. نجا ..
محمد : هــــــــــم و أنزاح أنشاءالله عمي يرجع لنا بالسلامة
عمر و هو متكدر : راح يرجع لنا بالسلامة بس على كرسي
أم علي و هي معصبة : اياني وياكم تييبون ها السيرة لأبوكم
سارة و عمر : أنشاءالله يمـــــــــة

[نـــــ الحب ـهر]

الجزء الخامس ::

مرت خمس سنين على الحادثة .. و طبعا علي ما يعرف أي شىء عن السالفة ..

..

بيت بو علي بعد خمس سنين :
بو علي : صار رجل يائس من الحياة بعد ما صار مقعد على الكرسي .. و خذ له تقاعد مبكر من الشغل .. فصار حبيس البيت ما يطلع الا شوية ..
أم علي : ذلبت و تحولت الى بقايا أمرأة .. لا مرح و لا أحساس بالوجود .. بعد ما سافر ولدها و صاب زوجها المرض ..
سارة : هي الوحيدة اللي ضلت على حالتها .. و روحها الدعابي .. تخرجت من الجامعة بعد سنيتين دراسة .. دبلوم محاسبة .. و أشتغلت بشركة كبيرة سكرتيرة ..
عمر : كبر و صار مشترك بنادي شبابي وية محمد .. تهمتم بالشباب .. و قضاياهم و مشكلاتهم .. فصار شاب صالح يعرف راسه من كرياسه .. و حياته كلها صارت بين الدراسة و النادي ..

..

بيت بو محمد :
بو محمد : كبر بالسن .. فتقاعد من شغله .. بس فتح له مصنع للملابس شراكة وية بو علي .. عشان يشغل فاغه ..
أم محمد : كالعادة .. أمرأة ساذجة .. ما تعرف شىء بدنياها الى الخير ..
ريم : كبرت و تخرجت من الجامعة .. و صارت مهندسة ديكور بعد ثلاث سنوات دراسة .. بس في ها السنين الخمس الأخيرة تغير حالها فوق تحت .. صارت بنت متحطمة .. بعد ما أبتعد عنها حبهــــا .. و لكن لأيمانها بالله حاولت تجمد ..
محمد : سبحان الله ! تحول من شاب فاشل في حياته الى شاب ناجح .. واعي للحياة .. قرر يغير نمط حياته للأفضل .. و مثل ما قلت لكم قبل أشترك بنادي شبابي يهتم بمن هم في عمره .. و يرشدونهم للطريق الصحيح ..

في بيت بو محمد < ريم كانت تشوف التلفزيون في غرفتها فوصل لها مسج > :
يقـــــــول قلبي المعذب أنـــــــا أحبــــــــــــــــج ..
أذا أنا مستعد لفعل أي شىء من أجلـــــــــــج ..
يــــــــــــــــــــــــــــا حبي البعيـــــــــــــــــــــــد ..
فسأعود ليحكــــــــــــــم علينا الدنيا بالـــــزواج ..
عزيزتي ريم .. بكرة برجع البحرين .. بس أمانة لا
تخبرين أحد .. لأني بخليها مفاجأة .. بس قلت
لازم حبي تكون أول وحدة تعرف .. مشتـــــــــاق
لج كثير .. لأن سنوات الدراسة كانت طويلة حيـل
................ علي .................

ريم و هي تقول بقلبها : و أخيرا علي بيرجع .. عسى الله يرجعه بالسلامة ..

و رسلت له ها الماسج :
البدر أختفى سنيــــــــــــــــــــــــن ..
عاشتــــــــــــه القمر بوحدة و عذاب
يـــــــــــــــــوم اللي سمعت خبر رجوعه
سجدت سجدة شكر لربهـــــــــــــا ..
لأنها تحبه و تحبـــــــــــــــــــــــــــــه
و مستعدة تسوي أي شىء من أجله ..
تطمـــــــــــن يا الغالي مار اح أخبر أحد برجوعك ..
.................... ريم ....................

فرد عليها علي :
متطمـــــــن بدون ما تجاوبيني ..
أذا البدر ما يصدق القمر عيــــــــل
يصدق منـــــــــــــــــــــــــــــــــو ؟
.......... علي ..........

فردت عليه ريم :
يمكن يصدق الشقر اللي شافهم
بالــــــــــــــــــغربــــــــــــــــــــة
عسى ما ترسوا عينه بالحلاوة ؟
و نسى حلاوة القمر ببلدته ..
.......... ريم ............

فرد عليها علي :
أفا و الله يا ريم الغلا ..
لو أشوف كل الكواكب و النجوم
راح تظـــــــــــل القمر أحلى وحدة
و محفور بقلم في الفضاء ..
القمر للبدر .. و البدر للقمر
......... علي ............
ريــــــــــــــــــم من الفرحة قامت و شغلت المسجلة و قعدت ترقــــــــص :
يــــــــــا غالي أنشغل بالي
يــــــــــا غالي تعب حالـــي
يــــــــــا غالي يــــــــا غالي
ما صدق تغيب عني و أعاني
في أيامي يا غـــــــــــالـــــي
...........

الا تدش عليها سارة و هي مفججة عيونها : شفيج ريومة مسخنة ؟
ريم : لا سووووووويرة مافيني شىء .. بس مستانسة واااااايد ..
سارة : عجيبة و الله ! من يوم ما سافر علي و أنتي مبوزة حتى في يوم تخرجج من الجامعة ما فرحتي ..
ريم : يعني حرام الأنسان يتغير ؟
سارة : لا موووو حرام .. بس مب يتغير مرة وحدة 180% .. أكيد في شىء ورى السالفة.. ؟
ريم : سااااااروه ما تفهمين أقول لج مافيني شىء .. أنا مستانسة ..
سارة و هي مستغربة : عساج دوم شذي
ريم : أقوووووول
سارة : قولي آنسة ريم
ريم : فجي ابي ارقص و اغني
سارة : ريمو أنتي متأكدة ما فيج شىء . ؟ .
ريم : اي متأكدة
سارة : اللي شافج أمس و يشوفج اليوم يقول مينونة !
ريم : ما يهمني مايهمني
< و قعدوا يسولفون >

..

في لندن :
علي : يوسف
يوسف : هلا
علي : مستانس وايد و أخيرا بشوف الغلا
يوسف و هو يدري كل السالفة لان علي صار ما يخبي عليه شيء لانهم أستووا أكثر من ربع : عساك دوم تفرح
علي : بعد اليوم حياتي كلها راح تكون سعادة أنشاءالله
يوسف و هو سرحان : أول ما بترد الديرة بتخطبها ؟
علي : لا يبة بصبر كم يوم الى أن أحصل الوضيفة بعدين بخطبها .. عشان أكون ريال كامل قدامها ..
يوسف : أخاف تروح منك
علي بغرور : مستحـــــــــــيل لانها تحبني
يوسف : أتمنى ها الشىء

[نـــــ الحب ـهر]

اليوم راح أكمل لكم باقي القصة
6 ، 7 ، 8 ، 9 ، 10 ، 11 ، 12

باقي الاجزاء

[نـــــ الحب ـهر]

الجزء السادس ::
الكل كانوا ببت بو محمد .. الا محمد و عمر كانوا ببيت بو علي ..
دخل عليهم علي : السلام عليكم
محمد و عمر : و عليكم السلام
محمد : هلا علاوي شالمفاجأة الحلوة
علي : هيي شايفني أصغر عيالك .. الا أنت الحلو
عمر : حياك الله يا السبع
علي : الله يحييك يا الذيب
علي: وين الأهل ما شوفهم ؟
محمد : كلهم ببيتنا
علي : شخبارهم ؟
عمر : ابوي من بعد العملية تغيرت حياته ..
علي و هو يقاطعه " اي عملية ..
عمر : هاااااا .. ما دريت ابوي من 5 سنين بتروا ريله لان مرض السرطان كان منتشر بريله و لولا حكمة الله شان ابونا بين قائمة الاموات ..
علي : ليش ما خبرتوني ؟
عمر : ما بغينا تترك درساتك و ترجع
محمد : اقعد و انا بقول لك السالفة من أولها
علي: قعدنا ..
محمد : عمي حس بألم في وطنه فودوه المستشفى .. ها الألم كان يلازمه من فترة ..
الا علي يقاطعه : أش دخل الم البطن في بتر الريل ..
محمد : وهو يا ريال خلني أكمل .. الدكتور قال ان مرض السرطان كانت متركزة على ريل وحدة بس و كانت بدايتها عشان تنتقل لمنطقة البطن .. فكان الالم ينتقل عن طريق الريول للبطن .. بس الحمدلله قدروا يوفقون أنتشاره ببتر ريله و تنظيف بطنـــــــه .. لولا رحمة الله .. لكان عمي متوفي
علي و هو معصب : كل هاي يصير و انا ما عرف .. قوموا نروح عندهم ..
< قاموا و راحوا بيت بو محمد >
علي : السلام عليكم
الكل : و عليكم السلام ..
ريم بدى قلبها بدق بس علي ما أنتبه لها لأنه كان معصب .. فأتجه صوب أبوه
و قعد تحت ريوله ..
علي : يبة أنا مو ولدك ؟
بو علي : الا ولدي و نص
علي : عيل ليش ما خبرتني عن مرضك .. و خليتني أنصدم الحين
بو علي : يا ولدي ما بغيت أكدر سفرتك
علي : كل شىء يهون عشانك يبة ..
بو علي : المهم أنك رجعت بالسلامة .. و انا ما يهمني بدنياي الى سلامتكم
علي و هو يبوس راس ابوه : يبى سامحني
بو علي : ليش أسامحك ؟ انت نعم الولد البار بوالديه ..
علي : يبة أنت سنين على حالك و انا اخر من يعلم .. توي دريت من عمر و محمد
بو علي : ها السوسة علطول يطلعون اللي عندهم ..
عمر : تراني هني ..
محمد : اي عمي .. ترى أذا ما عرف منا بيعرف من غيرنا
بو علي : خلاص حصل خير خلونا نبدا صفحة جديدة ..
علي و هو يتجه صوب أمه و يبوسها : شلوووونج يا أم علي ؟
أم علي : بخير بشوفتك .. ليش ما خبرتنا برجوعك ..؟ شالمفاجأة الحلوة ؟
علي : توج يمة تقولين مفاجأة ..
و قام سلم على الكل .. و طول الوقت كان معصب عن سالفة ابوه .. بس مستانس لأنه شاف الريم ..
بعد كم يوم .. علي و هو يدخل البيت و هو يصارخ : يمـــــــــة يبـــــــــــــة
أم علي و هي تركض : خير خير شصاير ؟
بو علي و هو يلحقها على كرسيه : شمسوي ؟ ليش تصارخ ؟
علي : مو صاير شىء .. بس اليوم أتصلوا فيني ديوان الموظفين و قالوا بأنهم حصلوا لي شغل في منتشفى الدولي ..
بو علي : زين زين مبرووووووك يا ولدي
أم علي : مبروك مبروك ..
علي : الله يبارك فيكم
بو علي : الحين أقدر أفتخر و اقول عندي ولد دكتور نفساني .. شقردي
أم علي : الا متى بتداوم يا ولدي
علي : من بكرة يمة و أبشرج الراتب مغري و راح ينزل من الشهر الياي ..
أم علي : زين عيل أدور لك عروووووسة ؟
علي و هو يبتسم : تعالوا نقعد و انا بقول لكم
< بعد ما قعدوا >
علي : يمة انا حاط عيني على وحدة من زمان .. و ما راح أتزوج غيرها
أم علي : منو هي ؟ و بنت منو ؟ عسى سمعتهم زينة ؟
علي : نعرفهم زين .. علاقتنا فيهم متماسكة من سنين
بو علي : انا عرفتها .. تقصد مروة بنت خالتك ..
علي : لا يبـــــــــــــــــة .. انا أبي ريم أحمد .. ريم و بس
أم علي : أبركها من ساعة .. ريم ولة كل البنات .. جمال و أخلاق و أدب و دين ..
بو علي : عيل مبروووووك يا ولدي .. انا راح أكلم بو محمد اليوم عشان بكرة نروح نخطبها ..
علي و هو مستانس : مشكوورين يالله بخليكم الحين ..
..
قام بو علي و أتصل في بو محمد
بو علي : هلا بو محمد
بو محمد : مرحبا راشد شمسوي ؟
بو علي : تمام .. أقول خوي .. أحنا بكرة في الليل أنشاءالله راح نزوركم عشان نخطب ريم لعلـــــــــــــــي ..
بو محمد : حياكم الله في اي وقت .. البيت بيتكم .. و أحنا يشرفنا نعطي بنتنا لولدكم .. بس تدري لازم ناخذ شور البنت
بو علي : أدري و أنا خوك أنت شاورها و شاور الأهل و بكرة عطونا الرد
بو محمد : ابشر عيل
بو علي : خلاص بكرة على الساعة 7 أحنا عندكم
بو محمد : تـــــــــــــم
بو علي : مع السلامة
بو محمد : في أمان الله
..
ركب علي فوق لداره و رسل ماسج لريم .. :
طلبتك يا الغلا و لا ترديني
أبيـــــــــــج عروسة لقلبي
توافقين تصيرين ملكي ؟؟؟
......... علي ..........
ردت عليه ريم :
موافقة بكل ذرة في جسمي ..
أشلون ما أوافـــــــــــــــــــــق ؟
و انا و أعشقك يا عبـــــــدالله
المجنـــــــــــــــــــــــــــــــــي
........... ريم ..........
رد عليها علي :
آه يا دنيا .. تحكمين على كل
واحد منــــــــــــــــــــا بمصير ..
مصيري مصير القمــــــــر ..
حكمي علينـــــــــــا بالفرح ..
و اخيرا بيتحقق حلم البدر ..
و راح تصر القمر ملكـــــــــه ..
......... علي ............
ردت عليه ريم :
أنت بس أحلم يا البدر ..
و انــــــــــا بقول لــــــــك :
لبيـــــــــــــــــــــــــــــــك
........ ريم ........
..

[نـــــ الحب ـهر]

الجزء السابع ::
في بيت بو محمد .. بالأخص في غرفة ريم ..
بو محمد : ريمو قومي من الرقاد
ريم : يبة خلني
بو محمد : قومي بكلمج
ريم : خير يبة تراني تعبانة
بو محمد : يالله بلا دلع قعدي عدل عشان أقدر أكلمج عدل
ريم : اووووووهو
بو محمد : ترى في شخص خطبج
ريم و هي مفججة عيونها : شنوووووووو ؟
بو محمد : ريم تراج كبرتي يا بنيتي و سنة الحياة هي الزواج ..
ريم و هي تقاطعه : بس منووووو هو بوي ؟
بو محمد : علـــــــي راشد
ريم و هي مستحية : الشور شورك يبة
بو محمد و هو يضحك : ههههههه مستحية .. خلاص نقول على بركة الله ؟
ريم : أي
بو محمد : الليلة بيزورونا عشان يخطبونج رسمي .. الا ما بتروحين الشغل اليوم ؟
ريم : أمبلة الا الساعة جم الحين ؟
بو محمد : 8
ريم : وووووووووي بروح ألحق بسرعة .. الدوام بيبدا بعد نص ساعة
بو محمد : عفية لحقي على شغلج
ريم : أنشاءالله
بو محمد و هو يكلم نفسه : هيه العيال كبروا .. و ريم صارت عروس .. الدنيا عجيبة .. و الله عجيبة ! .. تحكــــــــم على كل واحد فيني بحكم مختلف .. عساها تحكم على الكل بالسعادة ..
..
في شغل سارة < في مكتبها > :
يرد التلفون الا رقم غرفة المدير : نعـــــــم أستاذ
محمود : ســــــارة تعالي غرفتي أبي أكلمج
سارة و هي خايفة : أنشــــــــاءالله
تدش على الأستاذ الا يقول لها : تفضلي قعدي
سارة : دام فضلــــــــــــــــــــــك
محمود : ريم بغيت أكلمج بكلمة راس بس عن خارج نطاق الشغل
سارة و هي مستغربة : خيـــــــــــر ؟
محمود : الخير بويهج .. الصراحة أنا من أول ما شفتج عجبتيني و ودي أخطبج من أهلج شرايج ؟
سارة و هي مستحية : .........
محمود : يقولون السكوت علامة الرضا
سارة ابتسمت : .........
محمود : مبرووووووك سارة أوعدج بأن حياتنا تكون كلها عســـــــل .. اليوم بكلم الأهل .. و أنشاءالله خلال ها الأسبوع بيي عشان أخطبج ..
سارة و هي ميتة : .........
محمود : يا حليلكم يا البنات كلة تستحون ههههه
سارة : تامرني على شىء بعد أستاذ ؟
محمود : أي
سارة : آمـــــــــــــــــــــــر
محمود : أول شىء لما أكلمج أبيج دايما تشوفيني
سارة و هي ترفع راسها بخجل : أنشاءالله
محمود : شها الزين .. و الله أنج ملاك
سارة أستحت فنزلت راسها : ........
محمود : شقلنا سارة رفعي راسج و لا تستحين ..
سارة و هي ترفع راسها : ......
محمود : و ثاني شىء مابي أسمع مرة ثانية كلمة أستاذ ناديني محمود و بس ..
سارة : بــــــــــــــــــــس ..
محمود و هو يقاطعها : بس شنو ؟ سارة عشان خاطري
سارة : أنشاءالله
محمود و هو يبتسم : تراني مستانس وايد .. ساااااااارة أحبج
سارة و هي مستحية : ...........
محمود : تقدرين الحين تروحين مكتبج
سارة : مشكور .. مع السلامة
محمود : في حفظ الله

[نـــــ الحب ـهر]

تابع
الجزء السابع ::
الساعة 8 في بيت بو محمد الكل كانوا واصلين :
بو محمد : حياكم الله
بو علي : الله يحييك
الرياييل قعدوا بصالة و الحريم بصالة ثانية .. بس الصالتين كانوا مفتوحتين على بعض ..
في صالة الحريم :
أم علي : وينهـــــــــا العروس ؟
أم محمد : في دارها مستحية تنزل
أم علي : هههههه فديتها و الله
سارة : عيل بخليكم .. بروح اقعد وية ريم ..
..
في صالة الريايل:
بو علي : مثل ما تعرف أخوي أحنا يايين عشان نخطب ريم
بو محمد : أدري حياكم الله
بو علي : هاا شتقولون ؟
بو محمد : تدري يا خوي .. العيال كبروا وية بعض .. و طبعا انا و أم محمد مستحيل نرفض .. و البنت موافقـــــــــــة ..
علي و هو ينقز من مكانه : الحمدلله
عمر و محمد : هههههههه
بو محمد : عيل نقول مبروك
بو علي : أي مبرووووووووووك
و الكل راح يبارك لعلي ..
..
في غرفة ريم :
سارة : يالله ريوووومة خلينا ننزل
ريم : لا سويرة نزلي بروحج
سارة : ليش مستحية ؟
ريم : اي
سارة : هههههه يالله عشان خاطري و خاطر علي نزلي .. تراه خاطره يشوفج ..
ريم بمضض : عشان خاطركـــــــــــــــــــم ..
سارة : أوكي يالله
ريم : مشينــــــــا
ينزلون وية بعض .. الا علي يشوفها فيوقف أحتراما لها .. فتدخل صالة الرياييل أول :
ريم و هي منزلة راسها : السلام عليكم
الكل : و عليكم السلام ..
بو علي : مبرووووووك يبة
بو محمد : مبروووك
ريم : الله يبارك فيكم ..
علي و هو للحين واقف : مبروووووك يا العروسة
ريم و شوي و هي تطيح : الله يبارك فيك علي .. تفضل أقعد
محمد و عمر : بالمباااااااارك ريم
ريم : الله يبارك فيكم .. عقبالكم
و مشت عنهم لصالة الحريــــــــــــــــم ..
أم علي : ألف الصلاة و السلام عليكم يا حبيب الله محمد كللللللللللوش
أم محمد : مبروووووووك بنيتي
ريم بحيا : الله يبارك فيج يمة
..
و أتفقوا على المهر و الشبكة .. و قرروا بأن يكون الخطوبة و العرس بليلة وحدة .. بعد شهر ..
علي : شهر وااااااااااايد
بو محمد : أهدا يا ولدي شهر شوية .. و العروس يبي لها وقت عشان تجهز
علي : امرنا لله
عمر : شوفو المعرس اللي يشوفه يقول أول واحد بيتزوج هههههه
محمد : اسكت لا يسمعك .. مسكين مستانس
عمر : يبين متولع في أختك
محمد : هههههههه
< و قضت الليلة على خير >

[نـــــ الحب ـهر]

الجزء الثامن ::
الكل أنشغل بخطوبة علي و ريم .. في بيت بو علي رن التلفون :
أم علي : ألو .. سلام عليكم
........ : و عليكم السلام
أم علي : من وياي ؟
........ : محمود هاشم
أم علي : و النعم بس ما عرفناك ؟
محمود : أنا مدير سارة
أم علي : أي تذكرتك .. سارة علطول تمدحك ..
محمود : من طيب أصلها .. عمتي ممكن أكلم عمي بو علي ؟
أم علي : أي تفضل .. و هي تنادي : بووووووووو علي
بو علي : هااااااا
أم علي : هاك بالتلفون أستاذ محمود مدير سارة
بو علي : الله يستر .. و يشيل التلفون : سلام عليكم
محمود : و عليكم السلام عمي شلونك ؟
بو علي : الحمدلله بخير ولدي أنت شلونك و شلون أهلك ؟
محمود : تمـــــــــــام .. بس ودي أكلمك في موضوع
بو علي : عسى ما شر سارة فيها شىء ؟
محمود : لا عمي .. الصراحة أنا ودي أخطب سارة فقلت ممكن تعطيني موعد عشان أزورك وية الاهل لنخطبها ؟
بو علي : فاجأتني يا ولدي .. بس ولة يهمك حياكم الله الليلة ..
محمود : مشكور عمي
بو علي : لا تشكرني الحين يا ولدي .. لان ما ستوى شىء .. و لازم نسأل عنك و ناخذ شور البنت
محمود : صدقت عمي .. خذو راحتكم .. و ابشر الليلة على الثمان بنكون عندكم
بو علي : حياكم الله .. مع السلامة
محمود : الله يسلمك ..
..
أم علي : شكان يبي ؟
بو علي : أخ عليكم يا الحريم عندكم لقافة زايدة ؟
أم علي : عيل ليش يسموووونا حريم ؟
بو علي : ههههههه
أم علي : لا تضيع السالفة شكان يبي منك ؟
بو علي : كل ما في الأمر يبي يخطب سارة
أم علي و هي متفاجأة : شالحلاة ها الايام كلها مفاجآت
بو علي : يبين عليه خوش ولد
أم علي : بس لازم تسأل عنه عدل .. الا متى بيون يخطبونها ؟
بو علي : الليلة
أم علي : زين خلني ألحق من الحين و أجهز الاغراض
..
في شغل سارة .. و بالأخص مكتبها :
محمود : سارة أنا الليلة وية قومي بنيي عشان نخطبج
سارة : الليلة !!
محمود : أي الليلة .. و أنا كلمت أبوج
سارة و هي مستحية : بس انا ما تجهزت
محمود : هههه أنتي أصلا بدون ما تتجهزين حلوة
سارة بدلع : محمود
محمود : عيوووووونه
سارة : بتذبحني وية كلامك
محمود : افا و الله ما عاش من يذبح سويرتي
سارة : يوووووووز
محمود : هههه يالله بروح
سارة : وين بتخليني ؟
محمود : توج تقولين يوز .. يروح عندي شغل بالمكتب
سارة : بحفظ الله
محمد : اقول عمر ها السنة انا بتخرج من المدرسة .. بس محتار أدرس أي تخصص ؟
عمر : حميد أنت معرووف عندك لسان .. تصلح تكون محامي
محمد : اي و الله عمور فكرت فيها .. خلاص انشاءالله بدرس المحاماة
عمر : الله يوفقك

[نـــــ الحب ـهر]

الجزء التاسع ::
في بيت بو علي < في غرفة سارة >
بو علي : ممكن أدخل ؟
سارة : تفضل يبة
بو علي : يبة الليلة بيونا عرب عشان يخطبونج .. اكيد تعرفينه.. لان الريال هو مديرج
سارة : اي يبة أعرفه
بو علي : شوووو رايج بنيتي ؟ احنا ما سألنا عنهم بس أبي اعرف رايج قبل كل شىء
سارة : موافقة ابوي
بو علي : عيل خلاص خليني أدق على اخوج علي .. عشان يسأل شوية عن الريال ..
سارة : اوكي
بو علي و هو قاعد يكلم علي في الموبايل : هلا علاوي وينك ؟
علي : في الخياط يبة قاعد اقيس بدلة الخطوبة ..
بو علي : زين بوي اذا كملت شغلك .. ابيك تسأل عن واحد أسمه محمود هاشم .. خاطب أختك و الليلة بيون عشان يخطبونها رسمي .. و انا ما أعرف عنهم كثير
علي : ابشر يبة الحين بتصل في رفيجي و أخليه يسأل عنه و ما يصير الليل الا أخبرك تفصيل كامل عن الريال
بو علي : تسلم
علي : الله يسلمك ..
..
قام علي و أتصل في رفيجه يوسف :
علي : الو
يوسف : يا أحلى ألو . وينك يا القاطع ؟
علي : في الدنيا يا الحبيب
يوسف : اشووووف المعرس لاهي ها الايام
علي : اقول يوسف بغيت بطلب
يوسف : آمر علاوي ..
علي : في واحد خاطب أختي سارة أبيك تييب لي معلومات عنه
يوسف : ابشر شسمه ؟
علي : محمود هشام
يوسف و هو منصدم : محموووووووووود
علي : اي تعرفه
يوسف : شلون ما أعرفه و هو ولد خالي
علي : ها عيل شتقول عنه .. ريال زين ؟
يوسف : و الله بدون مجاملة .. ريال خلوق و حبوب و الكل يمدح فيه .. و لا مركزه عالي
علي : يعني تشوفه يستاهل ياخذ اختي
يوسف : اي و الله يستاهلها .. هو خبرني بأن يحب وحدة و ناوي يخطبها .. بس ما عرفت أنها أختك
علي : تسلم يا الشقردي تعباك
يوسف : أفا و الله يا المعرس تعبك راحة
..
قام علي و رد أتصل في أبوه : الووو
بو علي : ها علي بها السرعة عرفت الأخبار
علي : افا يبة .. انا ولد الذيب .. هو يصير ولد خال رفيجي
بو علي : لاااااا .. يعني زين .. الا شيقول عنه
علي : مدحـــــــــه وايد .. انا اشوفه وايد ريال زين ..
بو علي : يعني نوافق ؟
علي : اذا أختي موافقة أي
بو علي : أختك يا حليلها موووافقة
علي : خلاص
..
في الليل ياو أهل محمود و طبعا بو علي عزم بيت بو محمد
بو علي : يا حيا الله من يانا
بو محمود : الله يحييك ..
بو محمد : توه ما تنور البيت بقدومكم
بو محمود : البيت منور بأصحابه
بو علي : شخبارك محمود ؟
محمود : بخير عمي
بو محمود : شوف يا خوي راشد الولد عاجبه البنت و وده يتزوجها شنو رايكم ؟
بو علي : احنا سألنا عنكم معنة الفترة كانت قصيرة .. و مشاءالله الكل يمدح ولدكم .. و احنا ما يهمنا الى سعادة بنتنا ..
بو محمود : يعني موافقين ؟
بو علي : اي موافقين
بو محمود و هو يصافحه : عيل مبروووووك صرنا أهل
بو علي : الله يبارك فيك
محمود : عيل خلونا عمي نحدد كل شىء من المهر الى يوم الخطوبة
علي : ها عاد يا النسيب خطوبتك اجلها .. انا و سارة بنتزوج بعدين أنتوا
محمود : لا و الله ! و انا شكثر أصبر
علي : مالي شغل
محمود : أنت خطوبتك بعد 3 اسابيع .. انا بسويها بعد 4 اسابيع .. ها شو رايكم ؟
علي : ما دام شذي موافق
بو علي : خلاص ابشر بعد 4 اسابيع عقد القران ..
بو محمود : و الزواج حددوا اي وقت ثاني على كيفكم
علي : بس أنا بعقد على سارة و بتزوجها في نفس اليوم ..
محمود : كل شخص حر
..
في صالة الحريم :
ريم و هي تغمز لسارة : صرتي عرووووووس
سارة : سكتي ريم انا ميتة من الحيا
ريم : يا حليلج يا الدبة هههههههههههههه
أم محمود : مبروك بنيتي
سارة : الله يبارك فيج عمتي
..
راحوا قوم بو محمود .. و ما بقى الا قوم بو محمد ..
علي : مبرووووووووووك ساروه
سارة : الله يبارك فيك علي .. شخبار التجهيزات للخطوبة ؟
علي و هو يطالع ريم : الحمدلله كل شىء تام
سارة : الله يسعدكم
علي : شخبار العروسة ؟
سارة : بخير
علي : انتي شدخلج انا قاعد اكلم عروستي
سارة أحمر ويهها : ....
ريم بصوت واطي : بخيــــــــــر

[نـــــ الحب ـهر]

الجزء العاشر ::

تطورت الأحداث .. و قربت يوم ملجة علي و ريم
< في السوق > :
أم محمد : تعبت يا بنات حرام عليكم .. انا بقعد هني و انتوا كملوا دوارتكم وية أم علي
ريم : تكفين يمة قومي ملجتي عقب باشر و انا للحين ما تجهزت
أم محمد : اووووووف ماني متحركة
أم علي : خلاص أرتاحي هني انا بدور وية البنات
سارة : يمة بسرعة .. خلونا ندش ها الدكان يبين فيه جواتي حلوة .. بشتريه حقي انا ملجتي بعد اسبوع
ريـــــــم : زين يالله خلونا ندشه ..
< شطبووووا السوق ريم و سارة .. كل وحدة تبي تشتري أحسن الاشياء حق روحها >
أم محمد : أنتووووووو ششاريين ؟
ريم : شنو يمة .. شارييين اللي محتاجينه
أم محمد : شاطبين السووووق كلها ..
سارة : ههههههه بعد شنو عمتي ما تبينا نفرح
أم محمد : لا يا بنيتي بس شذي أسراف
ريم : لا أسرف ولة شىء ..
أم محمد : الله يهديكم
أم علي : خليهم يستانسون خلود الدنيا ما تسوى ..
أم محمد : يالله خلونا نرد البيت
ريم : اوكي

..

في يوم ملجة ريـــــــم و علي :
في بيت بو محمد < ريم كانت بغرفتها و الكوافيرة قاعدة تسوي شعرها و المكياج >
سارة بعد ما جهزت راحت عند ريم : لا اله الا الله ريمو صج أخوي عرف يختار
ريم : ساروه يوووزي بروحي خايفة
سارة : تدرين لازم طول الوقت اقرأ عليج القران اخاف يحسدونج ..
ريم : انتي بعد حلوة تينيـــــــــــــــن ..
سارة : بس مب مثلج .. تصدقين أوقات أغار منج
ريم : افاااااااا سويرة ما هقيتها
سارة : اقووول أنجبي لا تخربين المكياج .. ابيج تطلعين احلى من القمر .. واي ما صدق و اخيرا بتصيرين مرت أخوووووووي ريمو ..
ريم : اي ولة ما تبيني أصير مرت أخوج
سارة : الا أتمنى ..

..

من جهة ثانية :
يوسف : شالحلا علوي .. توي اعرف أنك مزيون لها الدرجة
علي : يعني انا الوع الجبد .. اصلا انا طول عمري اينن
يوسف : هيي ترى اللي يمدح نفسه يبي له رفسه .. فقام و رفساه
علي : أي أخ أخ .. حرام عليك اليوم ملجتي
يوسف : ما يهمني ..
< علي حلو وايد .. وية لون بشرته البيضة و عيونه العسلية الكبار و خشمه الطويل .. و شعره الناعم .. يعني فارس أحلام كل بنت >
يوسف : أخاااااااااف الحريم في الحفلة يحسدونك
علي : ما عاش من يحسدني ولة يحسد عروستي و الله
يوسف : تعال الحين شدخل عروستك في السالفة ؟
علي و هو يأشر على قلبه : القلـــــــــــــــــــــــــــــــــــــب

..

في افخم الفنادق .. كانت حفلة خطوبة و زواج علي و ريم ..
دخلو العروس أول و كانت متغطيـــــــــة بشال من ويها الى ريولها ..
و بعدها دخل الشيخ و علي و بعض الاقارب ..
ملجو عليهـــــــــــــــــــم و بعدين راحوا الرياييل و ما بقى منهم الا علي ..
أتجه صوب الكوشة و جرب من ريم و رفع غطاها و باسها على جبينهــــــــا ..
و ريم مسكينة من الخوف و القلق شوي و تطيح لولا سارة الي ساندتها ..
و الكل متخبل على العروس و المعرس ..
علي و هو يلبس ريم دبلة الزواج : أحبـــــــــــــج
ريم بطوت واطي : و انا بعد أحبــــــــــــك
علي : اوعدك بأن حياتنا راح تكون سعادة .. بعيد عن حكم الدنيا القاسي ..
ريم : و انا بعد أوعدك بأني ما أتخلى عنك أبد ..
و بقت أعينهم تتكلم بلغة لا أحد يعرف مصدرها الا ريــــــــــــــــــــــم و علــــــــــــــــي .. لغة الحب و العشق و التضحيـــــــــــــــــة ..

[نـــــ الحب ـهر]

الجزء الحادي عشر .. الأخير ::
الحياة كانت تبتسم في وجه الجميع .. و الفرح مغمر على وجوههم .. ريم و علي بعد زواجهم كانوا مثل أعلــــــــى للزوجيـــــــــن .. سارة و محمود الفرحة كانت كبيرة بقلوبهم لان ملجتهم جربت .. ام علي و بو علي و أم محمد و بو محمد أكيد بيفرحوووووون لأن عيالهم أنخطبوا و تزوجوا .. عمر و محمد مساكين طول عمرهم برع السالفة بس حياتهم كانت حلوة ..
في يوم خطوبة سارة و محمود < كانوا رايحين ييبون فستان سارة من الخياط >
محمود : مستانس مووووت
سارة بحيا : حتى أنـــــــــا
< و قعدوا يسولفون الا أن صارخت سارة >
سارة : محمووووووووووووووووووووووود أنتبه
< و وقع لهم حادث عنيف و نقلوهم على طول المستشفى >
في المستشفى بعد ما الكل وصل :
الدكتور : عظم الله اجركم الولد مات
بو علي : لا حول و لا قوة الا بالله كل هاي يصيدهم يوم خطوبتهم
أم علي : الا شخبار البنت الحين ؟
الدكتور : بين الحياة و الموت .. و الامل بالوجود ضعيف
ريم و هي تبشي : لاااااااا سارة لا تروحين
علي و هو يهديها : لا تبشين حبيبتي كل شىء بامر الله ..
ريم : و نعم بالله ..
..
بعد فترة يا الدكتور و هو مهموم : البنت بعد ما عرفت عن سالفة موت خطيبها صادتها جلطــــــــــــة و توفت ..
أم علي و هي قاعدة على الأرض : بنيتي راحت رااااااااااااااااااحت
ريم و هي تصيح : لا تبشين خالتي ادعي لسارة بالمغفرة
أم علي : يا رب أرحمها يااااااا رحمن يا رحيم

[نـــــ الحب ـهر]

و عشان خاطركم مرة وحدة بنزل الجزء 12

[نـــــ الحب ـهر]

.. الجزء الثاني عشر
ما بعد النهـــــــــــاية ::
.......... حكم الدنيا ...........
بو محمد و أم محمد استمرت حياتهم مثل ما كانت بلا تغيرات و كبروا بالسن و شاخوا ..
.......... حكم الدنيا ...........
أم علي و بو علي .. بو علي مات من الصدمة اللي صادته بعد موت بنته سارة .. و أم علي حكم عليها الدنيا بالألم طول عمرها بدايتها وفاة بنتها و نهايتها وفاة زوجها ..
.......... حكم الدنيا ...........
ريم و علي حياتهم كانت حياة رااااائعـــــــة .. كل أنسان يتمنى يعيشها .. فيها الحب و الأحترام و الصدق .. مغموووووورة بالعشق اللي صارت نادرة بزماننا
.......... حكم الدنيا ...........
سارة و محمود مثل ما عرفتوا ماتوا بعد حادثة سيارة في يوم خطوبتهم .. بدل ما ترتدي سارة الثوب الأبيض للخطوبة أردت الثوب الابيض للأنتقال لدار الآخرة .. أخذ الله روحهم بدون سابق أنذار .. و الله على كل شىء قدير ! هي أردت شىء و هو أراد شىء و الله أراد لهما الموت ..
.......... حكم الدنيا ...........
محمد و عمر حياتهم حياة فيها التفاؤل و الأمل .. كانوا أكثر من أخويين و لحد الحين .. ما يطلعون الا وية بعض و ما يسوون شىء الا وية بعض .. و الله وفقهم ..
..
خواتي اللي كنت أبي أوصلها لكم ان الدنيا تحكم على كل أنسان بحكم أما يكون قاسي و مؤلم أو يكون مفرح .. فالحيــــــــــــــــــــــــــاة تعطي ما تريد بلا مشاركة !! ..
تمـــــــــــــــــــــــــــــت ..
أتمنى لكم قضاء وقت ممتع في القراءة
و انشاءالله القصة عجبتكـــم ..
تحياتي:
نـــ الحب ــهر

[نـــــ الحب ـهر]

افاااااااااااااااا عليكم


محد يرد على الموضوع


وينكم