مشاهدة النسخة كاملة : الكويت: 2000 دينار لكل من يتزوج ثانية اشفيهم مجلس الامه انجنوا :(
Nathyaa
05-05-2006, 07:50 PM
الكويت: 2000 دينار لكل من يتزوج ثانية
تقدم نائب كويتي باقتراح الى مجلس الامه يقضي بمنح اي مواطن يريد الزواج من مواطنة اخرى مبلغ 2000 دينار كويتي ( 24 الف ريال تقريبا )
وذلك للمساهمه في القضاء على معدلات ارتفاع العنوسة في البلاد . وقال النائب الاسلامي الدكتور عواد برد في اقتراحه المقدم ان ظاهرة زيادة اعداد المواطنات اللاتي لم يتزوجن باتت تشكل
خطرا على المجتمع وعليه فان صرف ذلك المبلغ لكل من اراد ان يتزوج زوجة ثانية او ثالثة او حتى رابعة ايضا قد يساعد على ايجاد حلول لتلك المشكلة ، لافتا الى ان عدم القدرة المالية لدى
الكثير من الكويتيين يجعلهم يكتفون بزوجة واحدة فيما الشرع حلل اربع زوجات . يذكر ان الحكومة الكويتية تمنح اي مواطن كويتي يتزوج للمرة الاولى فقط مبلغ 4000 الاف دينار شرط ان تكون الزوجة كويتيية .
هل هالخبر صحيح ؟؟؟
kwety
05-05-2006, 08:37 PM
الف شكر لج اختي
بصراحه القانون هذا مو مدروس
شنو 2000 دينار
لمه تروح شنو نسوي يعني
الواحد الحين وحده ويالله يالله موفي حقها وحق العيال
تبي الثانيه
نعم الشرع يحلل اربع
لكن اربع وتكون عادل بينهم
اذا الواحد يالله شاد حيله قادر يصرف على بيت واحد
اشلون يعدل ويصرف على البيت الثاني
يعني راح يصير ظلم
وبعدين لو ناخذ نسبت الشباب الي مو متزوج
راح نشاهدها ايضا كبيره
يعني لو الحكومه تحط شي يشجع الشباب على الزواج
اعتقد راح تنحل المشكله
ولا في شي اتمنى انه يطبق في حالة الزواج من غير خليجيه
مافي بيت ولا بدل اجار
ولا يتم توظيف الابناء بقطاعات الحكومه
وفي حالة زواج الكويتيه من خليجي
يتم معاملتها معاملت الزوج الكويتي
يعني يعطونهم بيت ويكون باسم البنت
وابناءها يتم توظيفهم بقطاع الحكومه
طبعا يتم التطبيق على الزواج الحالي
اما ما سبق يكون بالوضع العادي
وما يتغير عليه شي
والف شكر لج اختي
بسمة الروح
05-05-2006, 09:40 PM
ظاهرة زيادة اعداد المواطنات اللاتي لم يتزوجن باتت تشكل خطرا على المجتمع...
ابي افهم هالجمله ابي تفسييييييييير لها!!!!!!!
يعني البنت اللي مومتزوجة صارت منحرفة هذا اللي يقصدونه!!!
يعني الفسااااد الي صاير بالديرة سببه العوانس؟؟؟!!!!!!
شالكلام اللي مايدش العقل شالمنطق
اسمحيلي نثية بس ارتفع ضغطي
تسلمين على النقل
ويعطيج العافية
ابو فارج
06-05-2006, 07:19 AM
أظن لو أن الحكومة عملت التالي:
1- توظيف الشباب.
2- توفير مساكن
3- وضع محفزات للزواج، كالعلاوات والاجازات.
ومن قبل الشعب
1- تخفيض المهور ( قليلة المهر كثيرة البركة)
2- التخفيف من مظاهر الاسراف والبذخ والفشخرة.
3- تعديل سلوكيات كثيرة تقلل من النفقات اللي مالها لازم، واقتصارها على الضروريات.
أظن أن مثل هذه الاجراءات قد تحد و تقلل من الظواهر اللي قاعدين نشوفها.
وشكرا نثية، بس والله الزوجة الثانية وناسة هههههههههههههههههههههههه
Nathyaa
06-05-2006, 07:34 AM
كويتي
اسعدني مرورك الرائع
اي والله صدقت
هي مو سالفة 2000 دينار
راح تطلع عليه اغلى من بيع السوق
الزوجه تبي مصرف لها وتعال افتح بيت ثاني وعيال
والمعاش مثل ماتفضلت مايوكل خبز
وبالنسبه للعنوسه هذا شي طبيعي اذا كل واحد راح تزوج من برا
اكيد راح تصير نسبة عنوسه كبيره بالديره
كان الاجدر فيهم انهم يمنعون الزواج من غير كويتيه او من غير خليجيه
مثل ماهو حاصل بالسعوديه
اما يحرضون الريال يتزوج وحده ثانيه هذي صعبه
وهم فكره حلوه انهم يعطون البنت كامل حقوقها بزواجها من غير خليجي
مادري شلون يفكرون بعض اعضاء مجلس الامه
طيب هالالفين شنو راح تسوي لهم ؟؟؟
ولا شي
بصراحه والله هالاقتراح يرفع الضغط
والحين بعد طالعين بطلعه ثانيه
طبعا الزواج من العراقيه
يكون زواج على الورق مقابل مبلغ مالي علشان تضمن الاقامه ويدخلها بالجنسيه
اعرف وحده والله يايه الكويت طبعا عراقيه
تدور على ريال يتزوجها
تقول له اعطيك 3000 دينار بس تزوجني على الورق
عمار عليج يا كويت :(
Nathyaa
06-05-2006, 07:37 AM
بسمه
لا طبعا مو هذا المقصود
يعني الحين المتزوجات كلهم شريفات ياقلبي ؟؟!!
فيه الزين وفيه الشين
على حسب التربيه حبوبتي
هذي يسمونها هموم امرأه
كل بنت ودها في بيت وزوج واولاد
ودها تستقر عاطفيا ونفسيا واسريا
فديت هالطله ياقلبي واسعدني مرورج
الحيرااان
06-05-2006, 07:45 AM
Nathyaa
أسمحيلي طال عمرج هذا أسمه خرابيط وقلة عقل
ما أعتقد الحكومة توافق على هالخرابيط
في حلول آخرى للقضاء عالعنوسة بين الجنسين بس مو جذي
Nathyaa
06-05-2006, 07:46 AM
بوفارج
ههههههههههههههههههههههه
وين ام فارج خليني اوريها هالكلام :)
وشكرا نثية، بس والله الزوجة الثانية وناسة هههههههههههههههههههههههه
شكلك اليوم راح تبات في فندق ههههههههههههههه
والله اخي الفاضل كل اللي ذكرته الحكومه موفرته للشباب
عند الزواج
مبلغ 4000 دينار
بيت
زياده بالمعاش
يحق له اخذ اجازه
وبعدين شبابنا كلهم قاعدين يشتغلون واللي مايشتغل ينتظر ديوان الموظفين وهم يمشون له معاش شهري الى ان يجد وظيفه
واللي ماعنده شهاده قاعدين يعطونهم دورات مجانيه
والحكومه قاعده تساعد القطاع الخاص
يعني مثلا انت اشتغلت في قطاع خاص راح تاخذ معاشين
معاش من الشركه ومعاش من الحكومه اللي هي الزوجيه والاولاد وبدل الاجار
اما بالنسبه للمهور
فالحال اليوم غير الامس
كثير من القبائل حطت سقف للمهور
يعني الشاب مو قاعد يواجه اي مشكله
بس المشكله انهم قاعدين يتزوجون من برا الكويت
انا ماحط كل المشكله على الشباب
هم في بنات عليهم طلبات تبط الجبد
يعني تبي واحد مثل توم كروز هههههههههههههههههه
تبيه حلو وجامعي وولد فوس واصيل
وهذا انا اعتبره السبب الاول في العنوسه
نسوا حديث الرسول صلى الله عليه وسلم
من اتاكم من ترضون دينا فزوجوه
بما معنى الحديث لاني ماذكر نصه
سعيده بمرور قلمك على متصفحي
Nathyaa
06-05-2006, 07:48 AM
الحيران
هلا اخوي بهالطله الحلوه
اي والله هذا يسمونه جنون وخرابيط
ياريت لو تفضلت مشكورا وقلت لنا شنو من وجهة نظرك الحلول اللي ممكن تلجأ لها الحكومه للتقليل من هالظاهره
اكون لك شاكره
ويسلمو على هالطله الحلوه لاعدمناك
الحيرااان
06-05-2006, 07:53 AM
يعني لو الحكومه تحط شي يشجع الشباب على الزواج
اعتقد راح تنحل المشكله
ولا في شي اتمنى انه يطبق في حالة الزواج من غير خليجيه
مافي بيت ولا بدل اجار
ولا يتم توظيف الابناء بقطاعات الحكومه
وفي حالة زواج الكويتيه من خليجي
يتم معاملتها معاملت الزوج الكويتي
يعني يعطونهم بيت ويكون باسم البنت
وابناءها يتم توظيفهم بقطاع الحكومه
طبعا يتم التطبيق على الزواج الحالي
اما ما سبق يكون بالوضع العادي
وما يتغير عليه شي
والف شكر لج اختي
جان زين يصير هالشيء طال عمرك
والله نثيه انا اللي اعرفه من فتره تقريباً شهرين او ثلاث
أهو مو اقتراح ولاكن امر من أجل الأقتصاد
أن الشاب الكويتي اذا طلب ان يتزوج بدل من تعطيه الحكومه 4 ألاف دينار كما تعرفون راح تصرف لهم 2000 دينار وسوف تكون منحه وليس كما في السابق 2000 منحه و2000 قرض ميسر
الف شكر علة نقل الخبر
Nathyaa
06-05-2006, 07:57 AM
ماي بوس
اولا
اسعدني مرورك الرائع
ثانيا
الزوجه الاولى 4000 دينار
( 2000 منحه - 2000 قرض )
الزوجه الثثانيه
2000
هذا الاقتراح اللي مقترحينه
قاعده اقولك انجنوا
مالقوا شي يسولفون فيه الا الزواج
تركوا هموم البلد ومشاكلها وفضوا للزوجه الثانيه
وانا اجزم بل أؤكد ان العضو اللي اقترح هالاقتراح نام بالشارع هههههههههههه
ماخلته زوجته يدش البيت
الف شكر ماي بوس لهالطله الحلوه
نثيه كثر مااني ودي اشكرج على الخبر كثر مااني ودي اذبحج(ههههه اتغشمر)
شحقه تفتحين عيون الرياييل يمكن واحد خامد مايدري شسالفه شحقه تنبشين ههههه
بس اتصدقون المفروض 2000 اللي بيعطونه للريال مفروض مثلهم 2000 بعد للزوجه المتضرره (بدل ضرر -نفسيه )
وبعدين اللي يبي هالقرار هذا اللي فكر فيها الحين خلصت المشاكل بح بعد ماكوو وحاط ايده على خذه وتذكر انه لازم يحلها
ولا الرياييل ماشالله خلصوا الواجبات والمستحبات والفرائض وطبقوا جميع شرع الله وظل هالشرع هذا (اللي انه الريال يتزوج اربع عشان تقل الفساد) خلاص بعد ماكو اتمووااا قيام الليل وواجبات النهار وماخلوا شي ماطبقوه وبس الحين هذا اللي مومنيمهم
والله الرك عالمره لو اهيه مضبطه امورها عدل ماراح تغري الريال الفلوس ولا اي شي لوووو شنووو يصير (صدقووووني)
الله يسهل عالجميع ويهدي بالهم يارب
اشكرج
Nathyaa
06-05-2006, 06:56 PM
هههههههههههههههههههههه
حاسه فيج ياقلبي هههههههههههههههههههه
لاتخافين الرياييل عيونهم مفتحه خصوصا على مثل هالاخبار
وبعدين والله لو يعطون المرأه مو الفين لو يعطونها 5 الاف هم ماراح تقبل بهالوضع
صج انه شرع الله
بس المرأه اذا مو مقصره شكو يتزوج عليها
الحين الرياييل بيت واحد مو قادر عليه اقساط ولويه
هالمره بيتين
مادري شلون يفكرون
فديت هالطله ياقلبي
جميع الحقوق محفوظة لـ الشبكة الكويتية