هل تتزوج ؟؟ وهل تتزوجين؟؟

[مودي الحساس]

حبيت اناقش هذا الموضوع معاكم .....
لأن الأراء دايما تكون مختلفه فيه.....
هل تتزوج بفتاة من النت:a80: .......
ولماذا؟؟؟؟؟؟؟
هل تتزوجين بشاب من النت:a80: ...
ولماذا؟؟؟؟
انا اي اتزوجه اذا ماشفت عليه شي ...
و سألت الناس وما شافو علي شي لي الشرف اتزوجه اما اذا كان راعي خرابيط يروح بيت اهله احسن له.....

[~*~عاطفية~*~]

تسلمين يا أحلى مودى

من وجهة نظرى أنا

غلط ان الواحد او الوحده تتزوج عن طريق النت

لان نهاية الزواج تكون فيها مشاكل

عن طريق الاهل احسن

ويعطيج الف عافيه

[مودي الحساس]

تسلمين عالمرور
بس يعني قصدج شك وجذي اشياء
مو لازم وشدراه او شدراج انه اللي عن طريق الأهل مو مسوي بلاوي اكثر واللي بالنت حرام ماعنده شي....
ومو معنا كل بنت بالنت خربانه ولا كل شاب بالنت خربان ...
صح كلامي ولا غلط...
بس كل واحد عنده رايه وانا احترم رايج .......
كل واحد له وجهة نظر معينه.....

[Nathyaa]

يعطيج العافيه ياقلبي

بالنسبه لي انا

كل شي نصيب

واذا كان الشاب على خلق ومن عايله محترمه

عادي

النت مكان مثل اي مكان

فيه الشين وفيه الزين

مو مقياس ياقلبي

وتسلم لي الايادي عسوله

[مودي الحساس]

صح لسانج .... نثيه..... وانا معاج...
تسلمين عالمروور والتواصل....

[elyas]

اكبر غلط

[مودي الحساس]

كل واحد له رايه......
وحر فيه.....
ونسلمين عالمرووور.......
بس اذكرج بكل مكان في الزين وفي الشين.....

[had0000]

أنا مع الزواج على النت أه بتزوج
وطبعا الزواج من النت له فايدة إنه الواحد ممكن يدرس الي أمامه ( شريكه )ويعرف عنه كل شيء الحوار ، طبعا لازم يكون الحوار صادق وصريح والي عنده إعتراض أو أي شيء يباله توضيح يراسلني على إيميلي

[فتاة الاسلام]

انا اعتبره اكبر غلط
اصلا احنا كاخليجين ما نعترف بعلاقه النت ابدا
حتى لو فكر البنت بكذا (بس مجرد تفكير) ياولها (اتحدها تقول لابوها )
اصلا وش تقوله
الشاب نفس الكلام امه والله ماتخلي ياخذ (بنت ناس متعرف وش اصلها -اخلاقها -----)
بعدين انت يلي مقتنع
وش
بتصدقها
هالي اعطتك وجه وقالت ابيك وهي ماتعرف عنك شي .....
بصراحه اعتبره زواج اهبلا وبس
هذا الي حبيت اوصله لك

[مودي الحساس]

تسلمين عالراي .....
بس مو شرط...... الحين اعطيج مثال بنت بمنتدى ماعندها سولف ولا تعطي ويه تكانه .....

هذي مو مؤدبه تقدرين تقولين انها مو متربيه.....
لا ماتقدرين .....

وصح كعادات ما عندنا هالسوالف بس في ناس ضايعين ......

وفي ناس تزوجو عن طريق الأهل وحياتهم جحيم....
وناس عن حب وحياتهم احلى ما يمكن بس انا ارد واقول الواحد حر برايه................

[Ronaldinho]

وانا اقول

ان مو كل اللي بالنت خربان ورايح فيها
لا في ناس بالنت تعطي محاضرات دينيه وفي بنات بالنت هم تعطي محاضرات دينيه

ومو عيب ولا حرام اذا تزوجت من النت لان مو كل اللي بالنت خربان
ومو كل اللي بالنت زين

بالنت فيه الشين وفيه الزين

وشكرا

[*ّكربـــوشينه*ّ]

والله انا من وجهة نظري عادي اتصير بس ما أدري يعني بالله كبرتو واسألوكم عيالكم شلون تعرفتو على بعض بتقولين لهم من النت والله ينقص ويهي
والله ما ادري

ويسلمو بنت عمو على طرح الموضوع ومثل ماقالت نثيه الزواج قسمه ونصيب

[albader]

والله أمركم عجيب وغريب

مو بس انتم فقط بل كل واحد يحمل هذا الأفكار السلبية

صج نسيت أشكر أمورتنا الحلوة

مودى الحساس

على الموضوع ومو غريب عليها المواضيع الحلوة

يجماعة لاتزعلون منى بس انا بالواقع اذا كنت بحوار وتضايقت أصرخ وأزعل وأنسى نفسى وأنا اخوكم وأمون عليكم .... تحملونى شوية .

أنا عندى ألف سؤال وسؤال من خلال ما شفت الردود من بعضكم وخاصة الرافضين لهذى الفكرة

اول سؤال

ليش ؟؟؟ أنا اللى شايفة ان الكل يسطر أعظم العبارات وأجمل التعابير فى حق كل عضو وعضوة .. هل هذى العبارات التى نشاهدها كل لحظة وكل حين مابين الاعضاء كلها مجاملات

مثلا اذا قال العضو ردا على موضوع كتبته احدى العضوات

( انتى رائعة وعظيمة وغالية و ومشاعر واحساس ....الخ ) كله نفاق ودجل اجتماعى .. لان الحقيقة بنظره ليست رائعة ولا غالية ولا عظيمة ولا تستاهل ولا أفكر بالزواج منها ..

أنا عندى نظرة واقعية ووجهة نظر انا أتحملها وهى :

ان كل بنت وكل شاب يستغل وقته بالنت لتوجيه الافكار والنصح واستغلال وقته بكل ماهو مفيد ويفيد أفظل بكثير بل هم أحسن من فى مجتمعنا من فئة الشباب والبنات اللى يتسكعون بالشوارع والقهاوى ولا شغل ولا عمل على الاقل استقل وقته لتقديم رسالة لنفسه ولآخوانه بل وللمجتمع بالنصح والفائدة .

على الاقل هو انسان مثقف واجتماعى وساعى الى كل ماهو مفيد بحقه وبحق الاخرين .

أخوانى

نحن بمجتمعات مغلقة ومحافظة من الصعب عند أختيار الشريك أو الشريكة أن يكون لنا دور بالاختيار خاصة أنه سنكون مغيبين تماما عن شخصيات ومواصفات شريك الحياة .

وقد يكون من الافظل اذا وقع الاختيار بينى وبين نفسى على بنت لتقاسمنى الحياة ان أختار من أعرف فكرها وثقافتها وأحساسها و أسلوبها ومشاعرها وأخلاقها وهذا من السهل ان تراه من خلال المشاركات والمواضيع التى تطرحها . وأكيد العشرة الطويلة والمراقبة لأفكار هذى البنت ممكن التعرف على مواصفاتها .

من ينكر ان هناك أعضاء وعضوات قائمين على منتديات كل هدفهم ونصب عينهم تقديم رسالة ونصح وأمر بالمعروف ونهى عن المنكر . حياتهم كلها منطق وحقيقة وهدف .

أحبتى

اذا رفضت النت فعليك بالواقع الذى تتقبله .. لكن .. مايدريك اذا انت ترفض بنت النت ان تكون التى اخترتها او اختارها اهلك لاتكون من بنات النت . او لاتكون صايعة ضايعة فاسدة منحلة ومايدريك نعم شعرفك .. لالايكون عايش معاها .

والله انكم تتفقون معى ان النت نعمة على الاقل عرفنا على أفظل الناس فى مجتمعنا وهو

انتم .. وبكل يقين ... وانشاالله انى اكون على نيتى بطرحى

تحياتى لكم ..

أخوكم

البــــــــــــدر

[maao2004]

أوافق العضو البدر فى كل ما قال

[فتاة الاسلام]

السلام عليكم
يشرفني إني افتح نقاش معك اخوي البدر والإخوان المؤيدين لك....
" ماعليش ما شفت ردك الا اليوم "
بصراحة أنا دائما اقرأ لك وفعلا موضوعك في منتهى الروعة وان دلت دلت على رقي فكرك (((( وهذي لهي مجامله ولا قصدي زي ما وضحت في ردك انا اعدك مثل اخوي )))

اخوي البدر أنا بمسك كلامك نقطه نقطه بأحوال أقنعك بوجه نظري :


اول سؤال
ليش ؟؟؟ أنا اللى شايفة ان الكل يسطر أعظم العبارات وأجمل التعابير فى حق كل عضو وعضوة .. هل هذى العبارات التى نشاهدها كل لحظة وكل حين مابين الاعضاء كلها مجاملات
مثلا اذا قال العضو ردا على موضوع كتبته احدى العضوات
( انتى رائعة وعظيمة وغالية و ومشاعر واحساس ....الخ ) كله نفاق ودجل اجتماعى .. لان الحقيقة بنظره ليست رائعة ولا غالية ولا عظيمة ولا تستاهل ولا أفكر بالزواج منها ..


1-أنت تقول إن أي عضو من الأعضاء لما يرد على عضو أخر فماهي (كلها ) مجاملات :::

ياخوي والله كثير منها مجاملات وأنا بصراحة أرد على الموضوع الي يعجبني
كنوع من التشجيع للعضو أو العضوه في طرح موضيعهم .

بعدين أنا دخلت على المنتديات (( تضيع وقت )) ، ويعني ما عندي شئ الا ارد
وهذي اسميها تكوين (( صداقات عاديه )) واستفيد وافيد .

((( هذا أحد أسباب ردي على الأعضاء )))
هذا السبب الي يخليني ادخل والرد، وأنا ما أرد على أي عضو خصوص من الجنس الأخر

الا والله إني معتبرته مثل اخوي ....

ويمكن هذا تلاحظونه في كتاباتي دائما.....

أخوانى
نحن بمجتمعات مغلقة ومحافظة من الصعب عند أختيار الشريك أو الشريكة أن يكون لنا دور بالاختيار خاصة أنه سنكون مغيبين تماما عن شخصيات ومواصفات شريك الحياة .
وقد يكون من الافظل اذا وقع الاختيار بينى وبين نفسى على بنت لتقاسمنى الحياة ان أختار من أعرف فكرها وثقافتها وأحساسها و أسلوبها ومشاعرها وأخلاقها وهذا من السهل ان تراه من خلال المشاركات والمواضيع التى تطرحها . وأكيد العشرة الطويلة والمراقبة لأفكار هذى البنت ممكن التعرف على مواصفاتها .

2-((( أنت تقول بحكم إنا في مجتمعات مغلقه ............ وأنت تبي تختار شريكتك )))

طيب يحق لك تختارها وتعرف افكارها وكل شئ لكن ولنفرض انك لقيتها
هل بتقول لامك أنا ابغي واحده تعرفه عليها بـ (( نت ))
هل اهلك بيرضون على مثل هالزواج ؟؟؟ (( اخوي خلك منطقي ، وياليت تجاوبني على هذا السؤال بالذات ))

حتى ولو وافق عجبني رد( كربوشينه )
تقول وش بتقول لعيالك؟؟؟ انك تعرفت عليها بالمنتدى الفلاني ((( والله شينه )))
حتى لو قلت عادي لانه في امل انه يكون عادي (( يمكن في الاجيال الجايه مثلا تخلي ولدك ياخذ وحده من النت اما الان مااتوقع ))
* والناس بقلون تعرف على واحده (( بالنت )) واخذها (( والله مترضاه في حقك صح ولالا ))

((( بعدين من يضمن لك انا الشخصيه الي عجبتك تكون هذي شخصيتها الحقيقيه )))

في واحد من المنتديات
في واحد من الاعضاء مضرب لمثل ماعمري قريت زي كلامه ماشاء الله عليه
بعد سنتين في المنتدى منزل مشكلته ...
يقول : ان شخصيته المثاليه الي قدامنا ما تجيه الا لما يكون قدام الكيبورد وقعد يتكلم
عن ماسائته " بصراحه اسميها ماساءه "
استشفيت من كلامه إن ضعيف شخصيه وشخصيته مهزوزه ولا احد في العائلة يحترمه
ويقول أخر شئ صارله ان ولد اخته اصغر منه ب3 سنين ضربه قدام العايله واهو مو قادر يدير اموره .

(( ملخص الكلام إلي فوق : انه مو كل الكلام الي تقراه يمثل شخصيته الحقيقية .)))

وبعدين انا في كم منتدى داخله على اساس اني ولد ولي سنه محد درى عني الا داخل جو مع الشباب
لدرجه مره اختي عندي تقولي : تراك انتي بنت ولا عشت الدور ....

انتهيت منك اخوي البدر.
اتمنى منك اخوي البدر تاخذ الموضوع من باب حوار
ولاتزعل مني كان طلع مني شئ ......

أختي (( مودي الحساس )))
شفت ردك علي ....

أنا مو قصدي إن كل بنت تدخل النت انه موزينه أبدا ماكان هذا
تفكير (( اصلا لو قلت كذا فانا غلطة على نفسي وعلى ثلاث أربع بنات النت ))

صح ولالا ....

انا مو اعتراضي على البنت على المبدأ المبدأ غلط

أشكركم لفتح مثل النقاش هذا ......
أختكم : فتاة الاسلام ....
.