مشاهدة النسخة كاملة : حركات روعه طبقوها ماتخسركم يالرياييل شي
في بعض الرياييل عندهم مشكله في انهم يبينون حبهم يمكن واحد مايعرف (اشك بهالزمن واحد مايعرف:a81: )
بس يمكن في البعض يستحون وعنده هالشغلات مو مهمه يمكن عنده العملي اهم من الشفوي (وجهات نظر:a82: )
بس تره هالحركات لها تاثيرها جربها وماراح تندم وماتخسرك شي (وعد مني :a80: )
جربوها هالنقاط الرومانسيه:
1-امسك ايدها بمناسبه او بدون مناسبه. (عاد بنات تكفووون نعموا ايدينكم بكريمات وريحه حلوه)
وياليت الريال يير المسكه هاذي يختمها ببوسه رقيقه ايدينها او اصابيعها
او يحط ايدها على قلبه
2-حتى لو بالسياره يشبكون اياديهم بس عاد مووو كلش ينسون عمرهم يعني يحط باله عاد كل واحد وفهمه
3-حركة تينن يرفع الذقن بصبعين ويطالعها عيونها شفايفها يعني يحاجيها جذي بذوبان شوي مع ثقل اوووف والله ماتثتيله كلمه ههههه
ولا بعدين يصعقها بحركة مثل يبعد خصلات شعرها عن ويها(عاد لو الخصله شعره داشه بحلجها مو تحاول وايد بس هدها تولي)
او مثلا يلمس بويها خدودها او مثلا يمرر اصابعه على شفايفها عاد بنات هالله هالله اهني في حركة حلوه (الشاطره تلقطها والخايبه تقعد تستريح احسن)
4- مايمنع لو يضمها بحضنه موشرط في سبب بس جذي او يلعب بشعرها حتى لو قاعدين يسولفون سوالف عاديه
انشالله الله يهني الجميع ويخلى ايامكم كلها حلوه ومافيها ملل او روتين طبعا نصيحه منى هالاشياء حاولوا تسوونها من قلب سواء بنات او شباب عطوا من قلبكم باحساس خلوا يحس الطرف الثاني بهالشي مو تصنع
ويعطيكم الف عافيه
Nathyaa
30-04-2006, 10:06 PM
اخيه ياقلبي هههههههه
للاسف كثير من الازواج يحرمون هالشي مع زوجاتهم
الف شكر ياقلبي للموضوع المهم لكل زوج
لاتحرمينا جديدج
والله يا نثيه هالاشياء صايره معروفه بس مشكله يعني اذا الريال يستحي او مايحب يسويها مع زوجته والطامه الاكبر انه اذا الزوجه بعد ماعندها محاولات
يااامه اسمع اذا الريال رومانسي وراعي حركات حلوه تشوفين البنيه كلش مييييح والله يعينه وساعات العكس
اشكر مشاركتج
هههههه يبيلنا اهل الاختصاص يردون علينا شنسوي اذا طلع الريال مييح هههه
توفيق
01-05-2006, 01:48 PM
ياسلام ياوادادوه على ( ولا بعدين يصعقها )ههههههههههههههه , واذا شعرها أنتيفات فلافل وتغزز , هذا وين يملس عليها. أو تطيح أشعرتين بيده تقوله: ويه حسبي الله عليك نتفته .ههههههههه
ثانيا: اشقصدك يابنات أهنا في حركة حلوة ( أتعض أصابعه ).هههههههه
ثالثا : لو تحط يدها على قلبك شالة اللي بجيبك.ههههههههههههههههه
بس الصراحة بجربها اذا تزوجت وياويلج ان انعضيت او تجغغت او طار اللي بجيبي او صارلي حادث ( ايه يمكن وانا أسوق هي تتمادى والا شي , تكونين انتي المسؤولة وأهل الاختصاص يشهد.
توفيق يعني بتقول مومجربها يا واد يا بكاااش
مش على ماما يا واااد ههههه
الله يوفقك وتشكر عالرد والله يهنيك مقدما
Nathyaa
01-05-2006, 10:11 PM
في وايد رياييل يقولون انا ماسوي هالشغلات مع زوجتي
وتلقينهم يحط له حبيبه يسوي معاها كل شي
للاسف
بسمة الروح
02-05-2006, 01:44 AM
المشكلة فيه وااايد ريايل يعتبرون ان هالامور تاااافهه
ويعتبرونها سوالف مراهقين
اهني شالحل!!!!!!
وانا اعتقد هالشغلات البسيطة بين الزوجين اهي اللي اتزيد الالفة والمحبه بينهم اهم من اشياء ثانية بواااايد
تسلميييين وداد على الموضوع
ويعطيج العافية
مشكورين على مروركم
صح كلامج بسمه في ناس يعتبرونها شغلات مراهقه مع انها سوالف حلوه بين فتره وفتره وتكون نابعه من قلب بس هالشغلات لو موياية من طيب خاطر الريال صدقيني مابتكون لها طعم اذا يت عقب
وصح اكييد تزيد المحبه والالفه موبس الريال حتى المره لو تبادله بحركات احلى واشياء يحبها بيكون تبادل احاسيس بس لازم الطرفين يكون عندهم نفس الاحداثيات
وبهالزمن اذا الريال جذي تشوفين المره 180 درجه مناك والعكس صحيح
و الله يعين الجميع
شكرا مره ثانيه على تعليقكم
مودي الحساس
04-05-2006, 12:24 PM
احس انه فشله يعني البنت تستحي........
اهوه شوفي وناسه صح بس .......
ما ادري احس انه يمسك ايدي ويهي كله يقلب....
تسلمييييييييييييييين وداد ....
وعاد انشاالله ريلي جذي .....
اهووو حلاته بالفشلته ههههههه
عاد اهووو وشطارته ويقولج اللي يستحي من بنت عمه يروح يقعد مناك احسنله ويوسع المكان حق غيره هههههه
المهم مشكوره علىمرورج ويارب برزقج هذاك الريل الحليوووه اللي يطبق كل الحركات ويتفنن عاد يابخته فيج وين بيلقه وحده تستحي بهالزمن هههههه
تسلمووون على مروركم
albader
08-05-2006, 10:48 AM
أقوووول بنااااات
الخلا الخلا (( ثم الخلا))
ماعليكم ياشباب من حجى ودادوو
اللى لايودى ولا يجيب
شوف اذا ما عطيت المره العين الحارة من اول يوم راح تتعبك في باقي حياتك
المره ما ينفع معاها الا اسلوب الشياب الاولين عطها اشكل ... ياويلى طقتى ابلاش اليوم....
ياجماعة والله مايصير ترى ملينا من حجيكم وملينا منكم بعد .. كأنكم تتحجون عن تمساااح أو مخلوق غريب... ترى ماصارت كل شى على الرجال وكأن هذا المخلوووق المسكين عايش بالحياة بروحه ( خير انشالله مسكين ) ... وأى مشكلة او مصيبة حملوها هالفقير .. واذا فى شى زين وحلو قالوا المرأة (( قطعا )) يعنى مثالية .. روحوووا زين
نثية تقول ( للاسف كثير من الازواج يحرمون هالشي مع زوجاتهم ) وبعد تقول ( وتلقينهم يحط له حبيبه يسوي معاها كل شي )
واهى تصلح والاخت وداد تشوت تقول ( شنسوي اذا طلع الريال مييح هههه )) لا وتضحك بعد .. والله مال اجى واجركم من كشتكم ههههه
حبايبى ألف مرة نقول ودائما
الحلول ليست مقتصرة على الرجل وليست كذلك على المرأة . هناك عش واحد يجمع الزوجين وبيت واحد والكل ملزم ببناء هذا العش .
ماذكرتيه هنا مهم جداً في ايجاد جو من الود والحب
بين الزوجين
في سبيل ترتيب جوالألفة والسكن والرحمة بالزواج
وجعله واحة ورأفة بالحب والتفاهم
وجنة للجميع
ولو اهتم كل طرف بالآخر
واظهر له اجمل من عنده
شكلا ومضمونا وتعاملا
لكان التآلف والتواد مستمراً على الدوام
ان اسوأ ما يواجه الزوجين عدم التقدير والتفاهم وعدم المشاركة والاحساس
ومحاولة كل طرف ان يجعل جو المنزل خاليا من الهموم
نخلص نــــــــا :::::
الى ان كلا الزوجين
لهما وعليهما واجبات وادوار
واذا قام كل طرف بدوره
مع العناية بالطرف الآخر وتلمس مشاكله وهمومه
لرأينا الكثير من النتائج الطيبة
لكن ....؟؟؟؟؟
عدم الاحساس والمشاعر والتقدير والتفاهم من الطرفين أكيد سيؤدى الى مشاكل وجوانب سلبية بحياة الزوجين
ايتها النسوة أنكن أذا فهمتن (( يعنى قلب لغة عربية )
الرجل يبحث طفل بداخله دوما فاجعلي منه طفلك الوحيد المدلل ان ارتفع فكوني معه وان سقط فأجبري عثرته وارفعيه انتي
لا تجعلين قلة ماله هي مقياس رجولته وكرامته وكبريائه
يعني ماهو كل شوي باطة جبده اختي فلانة جاب لها زوجها وصديقتي جاب لها زوجها هدية :: ::
طيب ما عنده شلوووووووووووووووووووون ؟؟؟ يسرق عشان ترتاحين ويرضي غرورك المريض
ثقي انه عندما يحب الرجل زوجته يتمنى ان يهديها الارض بما فيها ولكن اليد قصيرة
اذا عندما يهدى لك ع شىء بسيط متواضع فدعيه يحس ان تلك الهدية اثمن ما قدم لك
لا تأخذينها وتحنحنين عليه لالالالالا ويلعن ابو الساعة اللى جابلك فيها هدية
وبعدين دعيه يرى فيك المرأة الوحيدة في الوجود
استمعي له اكثر مما ((( تهذرين عليه )))
انثبري في البيت اكثر مما تحوفين هالاسواق والجارات والصديقات والاهل
وفلان تزوجت
وفلانة جابت ولد والثانية جابت بنت
وفلانة تبي انزالة
وفلانة تبي مش عارف ايش
هو متزوجك عشان تكونين له عون ولا عشان تكونين فرعون
حشاااااااااااااااااااااااااااااااا متزوج جمعية متنقلة
كل شىء بحدود
والله الله الله
اوصيك بالدموع الرقيقة
دموع التماسيح
اذا طلبتي شىء ورفض لا تعاندين وتخانقين لالا
الدموووووووووووووووع الشفافة
دموع الطفلة
والله ان يقوووووووووووووم يطامر ليمن يشوفك تضحكين وتبتسمين (( ان كان يحبك )) فأن كان عديم احساس
طنشية ولا تعبرينه,,,, ويركب من خيله سبقها
خليه يستمع اخر الليل الى اغنية محمد عبدة
الاماكن كلها مشتاقة لك
خليها منك ليمن يعرف ان الله حق
فأن عرف ذلك واعترف به
فعوضية ويجب ان تفهميه او يفهم هو ذلك,,,, انك تحبينه عندما يكون جدير بمحبتك ولكن ان كان هو جماد فالشكوى لله
زوج محب لك و يحترمك ويعاملك بما آمر الله ورسوله وان قل ماله خير ممن يشتري بماله سعادته على حساب تعاستك
وبعدين يا أختى
تزينى مو بس إذا دعيت لحفل زفاف أو سهرة تتزين بأجمل المكاييج... وتبتكر أروع التسريحات... وتلبس أفخر الثياب.. وتتعطر بأغلا العطورات.. لا بل تتخير أرق العبارات في مخاطبتها لصديقاتها للتعبير عن معزتهن لديها...
ولا يخطر ببالها يوما أن تتزين لزوجها.. أو تفاجئه بليلة... كليلة زفافها..
مو قاعدة بالبيت كأنك سحيلة ام الخراجين لابسة قميصا لو شافه كلب اكرمكم الله استفرغ
ولمن تلومها قالت عادي بالبيت
طيب وزوجك ماله عليك حق
واذا طلعت وتزينت وبعد فتره تزوج عليها قالوا الناس حسافه تهبل طيبه وكشخه مايدرون عن الخافي
albader
08-05-2006, 10:50 AM
اقووووووووووووووووول
شبااااااااااااااااااب
ترى هذا الكلام مو بس حق المرأة أنتوا دوركم أهم وأكبر مو انتوا قوامين
ترى المرأة عجينة طرية تستطيع ان تشكلها على الحب والطاعة وتحسسها بالآمان وان تجعل منها حورية او دانة وسط بحار او نجمة تعانق سماء وجدانك تستطيع ان تبني لهما قصر محاط بمشاعر صادقة وحب صادق وفي واحترام يضمن لهم جنة في الارض
للأسف الكثير من الأزواج خارج بيته وبين أصدقائه وزملائه كريم.. خلوق.. بشوش... عفو.. صفوح.. فإذا دخل بيته إنقلب بقدرة قادر إلى أسد مفترس بوجه مكفهر يستعاذ بالله من شره...
بشوش مع أصدقائه عبوس مع زوجته
كريم مع الآخرين بخيل شحيح مع أهله وأولاده
لطيف في الشارع عنيف في بيته...
عيب عليك واستح على وجهك
بلا استغلال ... وفرد العضلات ترى هذا زواج مو داش هوشة .. ومعاش الخدامة عليج ... والسايق عليج .. ومصاريف البيت بعد عليج .. وهم مصروف جيبى عليج .. عجل انت شنو عليك
هاااا انت عليك البيبسى
واذا كلمته قال من وين أجيب !!!!!!!
اجل تاخذ بنات الناس تعيشها في كفاف ولا تعيش عالة انت وياها على ابوها واخوانها وامها
وين الرجولة وين الكبرياء واين الشهامة
لا لحظة خلني اقلب ((( باللغة العربية الفصحى )))
اذا ماذا كنا نقول ؟؟ نعم
اين الكبرياء واين الشهامة وعنفوان الرجال
المرأة تتزوج لكي تعيش معززة مكرمة وانت من يجب ان يقوم بواجب رعايتها وليس العكس
للاسف الشديد اصبح لدينا الان جيل مهبب بستين هباب افتقد لأبسط معاني الكرامة فأصبح كمن يقوم بعرض جسده مقابل حفنة من المال تتصدق به زوجته عليه نهاية كل شهر وكأنه أجير
من لا يعلم كيف يستر جسد زوجته ولم يتعلم كيف يصون كرامتها التي هي من كرامته فكيف يكون جديرا بأن يكون ابا يفتخر به
اذا ما الفرق بينكم وبين الاجانب ؟؟
عزيزي لكي تفتح بيت يجب ان تكون مسؤولا عن ذلك اولا امام الله ثم امام نفسك و مجتمعك
وما نراه اليوم من شواذ الرجال والحمد لله انهم قلة يندى له الجبين
خلاص ما معك لا تبلى الناس بنفسك
اشتغل اعمل احفر الصخر لكي تكون مهيئا لذلك اليوم تقول والله بتزوج مدرسة تشتري لي ((( سيارة ))) ولا تسلفني نهاية كل شهر
دي حتى والله مش كويسة خالص ..,.. عشانك
يعني ازاي انت عاوزها تحترمك وهي تعلم انك بتبصبص على (( الرصيد ))
ان شاء الله راتبها ألفين انت مالك شغل $$(
انت الي مسؤول عنها وبعدين اتركها يا اخي يمكن يجيها واحد يستطيع ان يقدم لها ما تعجز انت عنه يعني ممكن يكون حظها احسن مع غيرك
ليش الانانية ؟؟
القضية قضية واقع وليس مثاليات يانااااس
انتهى عهد عش ((( الحمامة ))) يكفينا
وحبات الزيتون تطعمينا
خرطي
اليوم نشوف اشياء عجيبة ؟؟
يشتري لها؟؟ شبكتها في الليل ومن صباح الله خير وهو رايح لسوق الذهب يبيعها بحجة الديون
طيب ما دامك عارف ان زواجك ديون في ديون ((( تتنيل على عينك وتتزوج ليش )))؟؟ انا اعتبر ذلك غش في اوراق رسمية
وترى ذبحتونا كل يوم والثاني ((( عنوسة عنوسة ))) خير يا طير تنحاش من العنوسة وتطيح لها في ((( طرار ))) وين تتزوج عشان تشحذ فيه عند المساجد هههههه
يا زين العنوسة ويا زين بيت الاهل والله ارحم من عذاب ((( التمرمط كل يوم واهى رازة خشتها عند ابوها )
تكفى يبه الله يخلييك سلفنا
السؤال
انت تزوجت ليه ؟؟؟ وانت عارف منت بكفء للزواج
يعني سمعت الناس يتكلمون في ما يطلق عليه عزوبى وقلت يالله خلاص بلاقي لي وحدة وبيصير فيه مقاصة مصالح بيننا
وين يا اخي زوجتك متزوجتك ((( بفيزة )))؟؟؟
متى تضحي الزوجة لأجل زوجها عندما تحترمه وتعلم انه يحسن رعايتها بغير شرط او قيد ويغض البصر عما لديها ويرفعها عاليا وان قل ماله
تحس انها في حما رجال ((( ليث ))) غظنفر ماهو دجاجة
عندما تعلم ذلك فهي تبيع الدنيا بما فيها لكي تكون عونا له والعون المقصود يأتي في منتصف الطريق
وليس في ثاني يوم للزواج
على الاقل خلها تتهنى شوي وتحس انها تكذب على نفسها بمقولة انها تزوجت
يعني صلي على النبي,,,,, اذكر الله
اعطوهم بلا حدود تحصلون على الحب والوفاء بلا حدود يا معشر الرجال
albader
08-05-2006, 11:01 AM
وأخيرا
كل الشكر والتقدير للأمووورة
ودااااد
الى عطتنا فرصة ان نعبر عن مشكلاتنا وحياتنا وواقعنا اللى نمر فيه
واتمنى نشوف مواضيع اكثر ونشاط اكثر
والتقدي والاحترام للأخت الغالية
نثية
اللى ماتقصر بالتحريض على بنى جلدتنا واللى تجعل فينا الحافز والدافع للمشاركة وابداء رأينا
تحياتى للكل
باااااااااااااى
~*~عاطفية~*~
08-05-2006, 11:44 AM
منو هذى العجينه الطريه
ههههههههههههههههه
البدر عليك مسميات غريبة
وبعدين عادى
خل كل وحده تعبر اللى بداخلها
يلااااااااا تعال عازمتك على بيبسى
(طبعا نصيحه منى هالاشياء حاولوا تسوونها من قلب سواء بنات او شباب عطوا من قلبكم باحساس خلوا يحس الطرف الثاني بهالشي مو تصنع )
اشكرك البدر على تعليقك بس انا وضحت بالموضوع والدليل شوف الجملتين فوق.(كلامي موجه للجنسين)
كلامك كله كله بدون نقاش كله صح وعدل ماانكره بس انت كونك من الرجال واكثر ماتسمعه فاكيد شايف النقد عالبنات اكثر(يعني الشكاوي اكثره عالبنات)
وكوني انا من الجنس الناعم هههههه فشي طبيعي اللي اسمعه او اشوفه يكون موجه للرياييل اللي نفس الشي اسمع شكاوي عنهم
(طبعا نقطة نظام- هالامور اللي نناقشها دائما ماادري عن غيري بس بالنسبه لي انا تره دايما منطلقه من امور انا اسمعها او شايفتها موشرط تكووون لي انا يعني موانا المقصوده فاحد لايفكر انه انا اتحجه عن نفسي بهالمشاكل-مجرد توضيح)
طبعا ماانكر نفس ماتفضلت انه التقصير من الطرفين وانجاح اي علاقه اي علااااقه اساسها الطرفين هذا الشي مااعتقد اختلفنا فيه ودائما بمواضيعي او تعليقاتي على مواضيع مشابهه نذكر ان هالسالفه تقع على عاتق الطرفين (الطيبون للطيبات) هاذي حقيقه ماننكرها بس مافي انسان كامل
اما بالنسبه للمشاكل اللي ذكرتها عن الحريم بخصوص طلبات او ...
صح ممكن في حريم جذي بس موكلهم وبالمقابل ذكرت عيوب عن الرياييل بس بنفس الوقت انرد وانقول هم موكلهم
والنتيجه نوصل انه هالشي ماراح ينحل الا على حسب مشكلة كل شخص مع الطرف الثاني يعني على حسب الاشخاص واطباعهم وبيئتهم
طبعا اشكرك واااااايد
ملحوظه(وبعدين اتركها يا اخي يمكن يجيها واحد يستطيع ان يقدم لها ما تعجز انت عنه يعني ممكن يكون حظها احسن مع غيرك ليش الانانية ؟؟القضية قضية واقع وليس مثاليات يانااااس) هاذي انا ابصملك فيها بالعشره انه في رياييل مايهدون المره او يطلق بسهوله والله يعين الاثنين
في نقطه بوضحها للكل بخصوص الفلوس-مالنا شغل بالبنات اللي ماعندهم سالفه بالطلبات المبالغه واللي ماتعرف تتصرف واللي اللي ..
المهم علينا بالزينه, يعني يا معشر الرجال انت تطالب انها تتكشخلك تتزينلك شنووو يعني بلاش تبي ودايما مع الاسف يقارنون الحريم بالبنات التي في
خووو هذول انتووو يعني ماتدرون مخسرين بلاووي وغير المؤثرات
يعني خلاصة الكلام تبي شغل عدل ادفعلها خلهااا تشتري (هدهااا خلها تتحدى ههههه)
والله صج يبي ويبي وشنو اقولك لما تقوله عطني فلوس قال هاا ماعندي ومادري شنوو عيل تبيها تقعد تخسر بالشي الفلاني لك وانت بس تستانس وتستخسر فيها لو هديه (اكررر هالحجي للطرفين)
والهديه ممكن تكون من جمل ل... عقد الماس(مافيها شي كل واحد ومقدرته)
وتره نفس ما انه في رياييل يقدرون ويبين بعينهم اي شي في حريم يقدرون
ويبين بعينهم كل شي
وطبعا الموضوع طووويل بس اشكرك وااايد على هالنقاش اشكرك
اشكرج miss-nightعلى مرورج وعلى سالفة العجينه لاتلومينه من كثرة اكل الفطاير هههههه
آسيل5
08-05-2006, 03:27 PM
ممتع جدا رأيكما البدر و وداد. وفعلا الموضوعان فيهما وجه التشابه. شكريا لكما.
جميع الحقوق محفوظة لـ الشبكة الكويتية