مشاهدة النسخة كاملة : فيدو لشخص يصدم دوريه والشرطي يطلب الرشاش لاصطياده هل تصرف الشرطي صح ؟؟
Nathyaa
26-04-2006, 11:09 AM
http://www.kwety.net/kwety1/q88/576_p52835.jpg
هذا مقطع غريب للدورية سعودية قامت بمطاردة شخص يمكن انه "يمني " حسب كلمة الشرطي انه "زيدي" ، لحد ما وصل "الشخص" لبيته ، وفتح "الكراج" ودخل سيارته ، والدورية خلفه واستطاع صاحب الدورية ، ان يدخل بمقدمة "الفورد " حتى لا يتم تسكير "الباب المتحرك " عليه ، لكن "الشخص المطارد ، رجع للخلف باعلى سرعته واصطدم بالدورية ...
والضابط يقول لزميله جب الرشاش وناد الفرق !!
الفيديو بالمرفق
----------
السؤال الي يطرح نفسه !!
ماذا تفعل الدوريه بهالحاله ؟؟؟
------
تحليلي ان الشرطي حاول منع الشخص من اغلاق الباب ، حتى يتمكنون من القبض عليه دون الدخول بوسط البيت ، وذلك لانه لو تم اغلاق الباب سيضطرون الى طلب أذن بمداهمة البيت وذلك يأخذ مزيد من الوقت !!
عموما اذا كان هذا "الشخص " مرتكب جريمة او مهرب مخدارات او سارق ، فياليت من ياخذله عمود 78 بوصة ويعطيه على راسه ، لان والله رجعته بالسيارة على الدورية بغت تكسر رقبة "الضابط "
سؤال ثاني للاخ بوفارج
هل في هذه الحاله يبعد الشرطي ويتركه ؟؟
ام يحاول اصطدامه الى ان توصل المسانده ؟؟
وفي حالة اطلق المجرم النار على الدوريه هل يحق للشرطي اطلاق النار عليه ام ينتظر اذن القياده ؟؟؟
ابو فارج
26-04-2006, 01:23 PM
نشوف أولا ثم نقرر
AL_3oooD
26-04-2006, 03:49 PM
لا تعليق
والف شكر لج على النقل
ابو فارج
26-04-2006, 06:02 PM
اخت نثية
على الشرطي أن لا يترك الهارب أن يهرب بسيارته لأنه راح يتهور في سواقته، وبالتالي قد تحدث حوادث قاتلة لا قدر الله، يروح ضحيتها ناس ابرياء.
وفي أثناء التسكير على الهارب من قبل الشرطة وفي أثناء طلب التعزيزات، يطلب الشرطي من القيادة أن هناك احتمال حدوث أعمال مسلحة وبالتالي يطلب الاذن مسبقا باطلاق النار، لأخذ الحيطة والحذر فيما لا قدر الله نشب تراشق لاطلاق النار..
أما إذا تم أطلاق نار من قبل الهارب، ولم يتمكن الشرطي من التبليغ، فعليه الدفاع عن نفسه واطلاق النار ومحاولة اصابة الهارب، لكن ان تطورت الأمور وتهددت حياة الشرطي، فيستطيع بعدها اصابته في أماكن قاتلة، من باب الدفاع عن النفس و عدم تطور الوضع وبالتالي يتضرر ناس ابرياء خارج نطاق النزاع..
لكن في هذه الحالة سيتم احالة الشرطي للتحقيق كالعادة..
Nathyaa
26-04-2006, 07:17 PM
بوفارج
أما إذا تم أطلاق نار من قبل الهارب، ولم يتمكن الشرطي من التبليغ، فعليه الدفاع عن نفسه واطلاق النار ومحاولة اصابة الهارب، لكن ان تطورت الأمور وتهددت حياة الشرطي، فيستطيع بعدها اصابته في أماكن قاتلة، من باب الدفاع عن النفس و عدم تطور الوضع وبالتالي يتضرر ناس ابرياء خارج نطاق النزاع..
هذا مااردنا ان نوصله لك
الضرورات تبيح المحذورات
لكن في هذه الحالة سيتم احالة الشرطي للتحقيق كالعادة..
بس هذا ظلم
الف شكر لابداء رايك اخي الكريم
Nathyaa
26-04-2006, 07:21 PM
العود
الف شكر اخي الكريم للمرور المشرف
Michael
26-04-2006, 07:21 PM
جاري التحميل
Michael
26-04-2006, 07:39 PM
والله انا ما عندي خلفيه بهالمواضيع
بس على حد علمي
بمجرد دخول رجل الامن حتى لو كان بنص خطوه داخل البيت سوف يحاسب قانونيا
وجهة نظري:
اما في حال اطلاق النار من المشتبه به اولا
ما اعتقد انه في شرطي راح ينطر الاذن بأطلاق النار
وكأنه ينتظر الموت حتى يأذنو له بأطلاق النار
مادري هذا القانون الصحيح ولا لا انه
ما يحق للشرطي بأطلاق النار الا اذا تأكد انه المشبوه معاه سلاح
وشكرا
ابو فارج
26-04-2006, 08:03 PM
اخت نثية ، لكل مقام مقال..
في موقع قد يكون استخدام السلاح فيه غير مبرر، وفي مكان آخر قد يكون استخدام السلاح مهم وضروري..
البطل أبيــــها
26-04-2006, 08:06 PM
جاري التحميل
Nathyaa
27-04-2006, 12:24 PM
بمجرد دخول رجل الامن حتى لو كان بنص خطوه داخل البيت سوف يحاسب قانونيا
للاسف ماعندي علم
اما في حال اطلاق النار من المشتبه به اولا
ما اعتقد انه في شرطي راح ينطر الاذن بأطلاق النار
هذا شي طبيعي
دفاع عن النفس
الف الف شكر ميشيل لهالطله الحلوه
Nathyaa
27-04-2006, 12:26 PM
بوفارج
هذا شي اكيد
وانا ماتوقع ان الشرطي مهما ماكنا يستعمل السلاح بدون مبرر
يعني انت شفت اشلون دعماه
بهالحاله
تصرف الشرطي صح او غلط ؟؟
Nathyaa
27-04-2006, 12:27 PM
البطل
الف شكر اخي الفاضل للمرور
ابو فارج
27-04-2006, 03:28 PM
صحيح نثية، لكن عليه التأكد من أن الهارب مسلح، قبل أن يستخدم السلاح، اما اذا تأكد أن الهارب غير مسلح، فيكون السلاح مجرد استعراض قوة لا أكثر، للسيطرة على الهارب، والقبض عليه.
معنى الحب
27-04-2006, 04:00 PM
مشكووره ..,,,
Nathyaa
27-04-2006, 07:33 PM
بوفارج
المشكله كيفة التأكد ؟؟
Nathyaa
27-04-2006, 07:35 PM
معنى الحب
اشكرك للمرور
ابو فارج
27-04-2006, 08:00 PM
يا سيدتي الامر بسيط، في هذه الحالة الشرطي ليس وحيدا، وبامكانه هو وزملاءه محاوطة الهارب من عدة جهات مشهرين اسلحتهم تجاهه، وبطبيعة الحال سيطلب الشرطي من الهارب، أن يخرج من السيارة ويديه فوق رأسه ، ومن ثم السيطرة عليه واقتياده للدورية...
في مثل هذه الاحوال ، يكون الانقضاض وبعدد كبير على الهارب، يجبره أن لا يجازف باستخدام أي سلاح، لأنه يعلم علم اليقين أنه هالك لامحالة.
kwety
27-04-2006, 10:51 PM
نشوف رجل الامن السعودي
kwety
27-04-2006, 11:25 PM
والله رجال بمعنى الكلمه
اي جذي الصح
هذا الشغل الي يخلي كل شخص سولة له نفسه العبث بامن البلاد
يخاف ويعرف ان هناك رجال تقدم الغالي والنفيس
وان هل رجال لم تهاب اذا رجعت على الدوريه
ولا دعمت الدوريه
والله الواحد يشوف هل وايف يحس بحزن شديد
رجل يتعمد بل كان الوضع عادي عنده ان يهرب من الدوريه
واهو ما يدري لو كان دخل البيت راح يتم اخذ اذن بالدخول للبيت
والدخول يعني اهل البيت راح يكونون مكشوفين لرجال الامن
بعض الشباب يسوي نفسه بطل
ولم يطيح يبجي وتعال يالواسطات
فكوني من هل مصيبه
انا اعرف الرجل اذا سوه شي يتحمله
لكن شنو نسوي
اذا مامي وبابي ما يقصرون راح يدفعون المخالفات
وراح يشترون لي سياره ثانيه
تدرين بعد المطارده حجز السياره
وتصل مدتها 6 اشهر
يعني ما يصير 6 اشهر
وما اسوي نفسي رجل عن اصدقائي
وبخصوص دخول البيت
رجل الامن ما دخل البيت
الظروف اهي الي داعت رجل الامن ان يدخل لانها مطارده
والسرعه صعب السيطره عليها
وبعدين عنده المحاكم
خل يدور فيها لين يتعب
ما راح ياخذ شي بالعكس كل شي ضده
وبعدين نلاحظ الوايف
يطلب احد رجال الامن من زميله تحضير الرشاش
ونلاحظ اصرار الهارب بالهروب
والرجوع على الدوريه
وهذا ما يدل الا ان الشخص مرتكب جريمه او مطلوب
او انه مشتبه به
على العموم الكل يعرف ان السعوديه
بفضل من الله ثم قيادتها الحكيمه
استطاعت السيطره على مجريات العمليات الارهابيه
ورجل الامن السعودي اثبت قدرته ومهارته على بسط الامن بالقوه
وهو يملك بالشي الطبيعي صلاحيات واسعه للحفاظ على الامن
وبصراحه المفروض كان حسن يستعيل بالرشاش
لانه الوضع وصل حده مع هذا الشخص
فلو اطلق طلقه تحذيريه واحده
لكنا شاهدنه الهارب يزحف من الخوف بالتجاه الدوريه
فاذا لم يمتثل اطلق النار على تاير السياره الهاربه
حتى يشل حركة او قوة اندافع اليساره
ويسهل السيطره على السياره
اما اذا نزل على رجال الامن
بدون اذا او كان نزوله مهدد واضح لرجل الامن
اطلاق طلقه تحذيريه واذا لم يمتثل يتم اطلاق النار عليه لتصويبه
اما اذا نزل من سيارته وكان حامل سلاح
ويتم القضاء عليه
ولا يتصور احد ان بهل لحظه الى تم مشاهدتها بالوايف
ان رجال الامن كان يقدرون ابلاغ العمليات بشي
ترى الوضع مو سهل نفس ما يتصوره بعض الاخوان
هناك مراقبه وانتباه ويصل الامر احيانا الى الارتباك
يعني انت تراقب الشخص وتراقب البيت ويجب ان تتوقع
المستحيل يعني توقع ان احد من البيت يطلع بسلاح ويطلق النار على رجال الامن
ونلاحظ ايضا ان هناك اناس تتكلم بكل سهوله عن الوضع
يعني قاعد بالدوانيه يشرب جاي مطول شواربه توه زافته زوجته
ما لقه الا ان يطلع رجولته عن ربعه لا هذا الشرطي ما يفهم هذا
اصلا مفروض مو بالشرطه واهو يتكلم تتصل فيه زوجته بعد ما تقوله يالله ارجع ولا راح اخليك تنام بالشارع وتسكره بويهه يطلع من الدوانيه واهو طالع يقول الكلمه المشهوره عند الشباب والله زين شرطة اخر زمن
واهم ما يدرون ان بهل لحظه ممكن ان الشرطي يفقد حياته
لكن الي ايده بالنار مو مثل الي ايده بالماي
وشكرا
Nathyaa
28-04-2006, 01:27 PM
كفيت ووفيت بصراحه
انا حبيت ابين للاخ بوفارج بهاللحظه هل يحق له اطلاق النار بالهوى دون الرجوع الى القياده
ياجماعه والله حرام شبابنا وشرطتنا قاعدين بين وقت ووقت يستشهدون والسبب شنو ؟؟
السبب هو القانون
عطوهم الحريه المطلقه في التصرف حسب الظروف
اذا انتو ماقادرين تحمون شرطتنا خلوهم هم يحمون نفسهم
اسعدني ابداء رأيك وتنويرك متصفحي يارائع
الله لايحرمني من هالطله الحلوه يارب
kwety
28-04-2006, 04:03 PM
انا معاج اختي نثيه
اعطوا رجل الامن كافة الصلاحيات
وهناك قوانيين
اذا اخطأ احد على رجل الامن يحاسب حساب عسير
واذا اخطأ رجل الامن على احد او تجاوز القانون يحاسب ايضا حساب عسير
اما ان نقول لا انشاء الله ما يصير اطلاق نار
هل كلام ما يوكل خبز
يعني جنه يقول مثلا للدوريه تاخر عن البلاغ
وانطر لم الشخص يرتكب جريمه
ويهرب ثم تحضر
والحمد لله هذا الشي مو موجود عندنه
لكن احنا تبي زياده بالسيطره الامنيه
يعني لابد من زياده من الصلاحيات
وشكرا
Michael
28-04-2006, 06:52 PM
في بعض الاوقات استعمال السلاح ضروري
وفي بعضها الاخر لا يوجد مبرر لأستعمال السلاح
وللعلم ممكن تكون السياره اللي راكبها الهارب او المشتبهه
اهيا بحد ذاتها سلاح انتو شفتو شلون رجع ورى عالدوريه ممكن تكون هالحركه قاتله
كل اللي بغيت اوضحه لكم بالمنقاشات السابقه
انه في بعض الاوقات استخدام السلاح ضروري
وفي البعض الاخر لا يوجد اي مبرر لأستخدام السلاح
مثل ما حصل مع الشاب والفتاه
يعني في الوقف اللي حصل مع الشاب والفتاه استخدام السلاح ماله اي مبرر
بل ارعب وقتل من الخوف
وسلامتكم
خالص تقديري
Nathyaa
28-04-2006, 08:57 PM
انه في بعض الاوقات استخدام السلاح ضروري
وفي البعض الاخر لا يوجد اي مبرر لأستخدام السلاح
كلام سليم من عقليه ناضجه
يعني في الوقف اللي حصل مع الشاب والفتاه استخدام السلاح ماله اي مبرر
كلامك صحيح بس انت ماتضمن ان الرجل حين نزل من السياره ماكان مسلح
اشدراك اذا مسلح او لا ؟؟
Michael
29-04-2006, 07:12 PM
على حد علمي المفروض رجل الامن مدرب على عالشغله
العيناوي العنيد
29-04-2006, 11:26 PM
مشكوووووووور و راح نشوف الفيديو و اقولك اذا تصرفه صح و له لا
Nathyaa
30-04-2006, 07:12 AM
اسعدني مرورك الرائع
ها اشرايك ؟
kwety
05-05-2006, 07:46 AM
اخوي ميشيل
ترى فاهمك وعارف انت شنو تبي بالضبط
انت تريد التاكد قبل استخدام السلاح
انا معك
لكن كيف اتاكد
انت تعرف عنصر المباغثه
او المفاجئه
هذا العنصر يصعب السيطره عليه
والسيطره تكون باصدار الاوامر والامتثال
اما اذا رفض الامتثال هنا لا الوم رجال الامن باستخدام اسلحتهم
كلنا نتمنى بان لا نسمع عن حوادث اي كانت نوعها
كلنا يحب ان تكون الكويت واحة امن وامان
لكن هذه الامنيات لا تاتي الا بتضحيات من رجالها
وليس فقط رجالها بل نساءها كذالك
فانت اخي رجل تحرس بلدك
وايضا الفتاه تحرس بلدها
وكل موظف يحرس بلده
ليس فقط من يحمل سلاحه يحرس
كل انسان يجب عليه ان يكون حارس لبلده
نعم تقطع قلبي لوفاة الفتاة وفضيحة اهلها
لاكن هذا امر الله لا احد يرده
لكن ماذا نفعل اذا كان قصد الشاب والفتاه
قصد تخريبي او عمليه مسلحه
هل سنقف وننتظر ماذا سيفعلون
ام نتخذ اجراءات تظمن حماية البلد
حتى لو كان ارواحنا سبيل لهذا
والف شكر لكم
Nathyaa
05-05-2006, 12:06 PM
احسنت كويتي
كفيت ووفيت والله
بس السالفه نسوها ليش
نبي نعرف شنو صار بالتحقيق
ياريت اللي عنده اخبار يقول لنا
Michael
05-05-2006, 07:19 PM
اخوي ميشيل
ترى فاهمك وعارف انت شنو تبي بالضبط
انت تريد التاكد قبل استخدام السلاح
اخيرا
لكن ماذا نفعل اذا كان قصد الشاب والفتاه
قصد تخريبي او عمليه مسلحه
طلعت لا تخريب ولا عمليه مسلحه
طيب منو اللي اكلها الحين غير الشاب والفتاه وفضحتها؟؟
يعني لو كان متأكد قبل لا يطلق النار ما صار اللي صار
لو انت عارف انه فيه طريقه غير الطريقه اللي
استخدمها الشرطي بأطلاق النار من اول ما شاف الولد نزل من السياره
خالص الود
kwety
05-05-2006, 08:02 PM
الف شكر لكم
اولا اختي نثيه
بخصوص القضيه
وانا لست متاكد
بس اكدولي اكثر من شخص
ان رجل الامن انتهئ التحقيق معه
وتم التاكد من اجراءاته
وكانت سليمه
اما الشاب
والله اعلم
لكن سمعت انه توفى
والله اعلم
وبخصوص الاخ ميشيل
ههههههههههههههههه
مافي طريقه للتاكد الا بحاله واحده
هي ان يمتثل كل شخص طلب منه رجل الامن امر
اي الامتثال للتعليمات
مثل ما تعرف اخوي
بعض ضبطيات قوة جمع السلاح
تم ضبط اقلام عباره عن سلاح
وهي مهربه من العراق
اي ان السلاح المنشر ليس معروف للكل
ولهذا انا اقولك عنصر المفاجئه خطر جدا
وشكرا لكم
Nathyaa
06-05-2006, 08:33 AM
الله يرحمه يارب
ميشيل
لوفرضنا انت شرطي وطلبت من واحد الوقوف بمكان خطر ونزل لك بكل عين قويه وانت ماتدري اذا مسلح او لا
شنو تسوي ؟؟؟
alqanash
06-05-2006, 08:43 AM
لاحول ولا قوة الابالله
Nathyaa
06-05-2006, 06:40 PM
شرف لي هالطله الحلوه
Michael
06-05-2006, 07:16 PM
نثيه بالنسبه لي
بسوي مثل ما يحصل في كل الدول الثانيه غير الكويت طبعا
سلاحي يكون جهاز للاستخدام دون اشهاره في وجهه المشتبه
يعني بالحزام مادري شنو يسمونه وايدي تكون عليه
او مساكه بيدي بس يكون ورا ظهري عشان ما اخرع المشتبه ووقف قلبه
والطريقه الاولى طبعا اهيا الصحيحه بنظري
يعني ما يحتاج طلقه تحذيريه
يعني يوم نزل الصبي من السياره المفروض من رجل الامن يقوله وقف مكانك؟؟ وبطريقتهم الصراخ ؟؟ واذا كان شاك انه يحمل سلاح يشهر رجل الامن السلاح بوجهه المشتبه دون اطلاق النار يأمره بالوفقون مكانه
واذا ما وقف اهني له الحق بأطلاق طلقه التحذيريه
اخينا بمجرد ما شاف الولد نازل من السياره من غير كلام سحب سلاحه واطلق الطلقه التحذيريه واسميها الطلقه القاتله هاذي
لا تزعل يا كويتي من كلامي بس اللي سواه الشرطي غلط
وشرطتنا فيها اغلاط وايد
لا تزعل لما اقول شرطه الكويت فيهم اخطاء وايد
بس هذا الواقع
Nathyaa
06-05-2006, 08:25 PM
احنا ماندري شنو اللي صار بالضبط
بس انا اتوقع الطلقه التحذيريه مافيها شي
بس هو انحاش لانه خايف من شي
Michael
06-05-2006, 08:41 PM
انا اقولج اللي صار
انه الولد كان مصافط المنيا مطلع صاحبته
صفطت وراه سياره مدنيه
حركه طبيعيه ولا اراديه نزل الولد يبي يشوف هذا شيبي
ومن الطبيعي انه ينزل للسياره المدنيه عشان الشخص اللي بالسياره المدنيه ما يشوف البنت اللي بالسياره يمكن يطلع اخو او ابوها او واحد يصير لها
وحركه طبيعيه من الصبي
يعني ما كانت دوريه
رجل الامن يوم شاف الولد نزل من السياره قام وسحب سلاحه واطلق طلقه تحذيريه من غير اي كلام حتى ما قاله وقف مكانك لا تتحرك
الولد يوم شاف اطلاق النار ركب سيارته ونحاش طبيعي لانه السياره مدنيه
لو كانت دوريه ورجل الامن بلبسه العسكري صدقوني ما ينحاش ولا راح يتحرك من مكانه
طيب
الولد مات
والبنت ماتت مع فضيحه
منو المسئول عن هالاخطاء؟؟؟ طبعا بوجهة نظري انه رجل الامن غلطان
مع احترامي لوجهة نظركم
وبس
Nathyaa
07-05-2006, 07:15 AM
يعطيك العافيه
انا اللي اعرفه غير جذي
انا اللي اعرفه انه ركب الفلشر وطلب منه الوقوف
kwety
11-05-2006, 08:03 PM
اخوي ميشيل
ليس هناك اي خطئ
رجل الامن وضع الفلشر
وطلب اساسا من الشخص عدم النزول
اما قصة ان ما يبي يشوف البنت
هذا شي يتوهمه الشاب
لانه رجل الامن راح يشوف البنت
تقول راح اكلمه راح افهمه
اهو ما راح يفهم هل شي
انت نتظر بنظره واحده
رجل الامن غير
لو فرضنا ان الولد كان ما يبي رجل الامن يشوف البنت
يعني المركبه ما راح تتفتش
ولو فرضنا ان الولد خبير باسلوب الاقناع
معناتها اذا كان هناك شي مصور
ما راح يتم الكشف عنه
لو فرضنا ان هناك جريمه مرتكبه بالسياره
مثل الزنا بتقولي احنا شباب هذا الكلام ما راح يطوف
لو فرضنا ان هناك تعاطي بالسياره
ماذا برايك يفعل رجل الامن
اخي المطاردات كثيره ومحاولة الهروب كثيره
من دوريات مرور ومحافظه ونجده
يعني دوريه بالشكل الواضح
الي يهرب متعود على هل شي
ورجل الامن اساسا بلغ
واكبر دليل وصول الدوريات وسيارت الاسعاف
اخي اذا كان هناك خطئ يرتكبه رجال الامن
فعلم انه قليل
الخطئ مع احترامي للكل تفكير الناس
ومعرفتهم بالقانون خطئ
احد المقابلات التنلفزيونه
اتصل احد الاشخاص يسال احد قيادات المرور
عن حقية طلب رجل الامن اثباته
وكان يقول انا ما سويت شي حتى يطلب رجل الامن هويتي
والثاني اتصل يقول انا خالفة بمنطقة الفحيحيل
رجل امن تابع للجهراء اوقفني وحرر مخالفه
ما يحقله ان يخالفني فهو يعمل بمنطقه ثانيه
هههههههههههههههههههههههه
انا اقولك الاجراءات سليمه
والف شكر لج اختي نثيه
ومثل ما قلتي كان حاط افلشر
Nathyaa
12-05-2006, 11:27 AM
تدرون شنو المشكله
ان الكلام غير الواقع
احنا قاعدين في بيوتنا ونقول هذا غلط وهذا صح
اما في الميدان يكون الوضع غير تماما
ممكن الحين انا اكون قاعده في بيتي واقول لكم تصرف الشرطي غلط المفروض مايسوي جذي
بس اذا كنت انا شرطي ممكن اسوي اكثر من اللي سواه الشطري
ياجماعه الكلام غير الفعل
في مثل يقول ياروح مابعدك روح
والحياة حلوه ترى
يعني انا ممكن ارعب اللي امامي علشان اقدر احافظ على حياتي
هذا ترى الشرطي
ميشيل
شنو تتوقع من رجل ماسك سلاحه ويدور في الشوارع ومعرض لأي خطر
يتوقع انه الطلقه ممكن تصيبه باي مكان في ظهره في صدره في راسه
الشرطي عايش حالة رعب بس محد يحس فيه للاسف
واذا دافع عن نفسه حولوه التحقيق وقامت الناس تتكلم عنه
ميشيل لو انت شرطي وطبقت الكلام اللي تقوله فاخذها مني كلمه
انت ماراح يوصل عمرك 30 سنه الا انت مرحوم او شهيد
دائما نقول الكلام غير الواقع
لا تزعل لما اقول شرطه الكويت فيهم اخطاء وايد
هالكلام موجود في كل البلدان
مافي اداره كامله
الكمال لله يامشيل
في اغلاط بس الحمد لله انها اغلاط خفيفه وقاعدين يتداركونها
عندك مثلا الجيش
وانا على حد علمي انك بالجيش
<<<<<< فضحت الريال
ههههههههههههههههههههههههههه
ابيك انت تقول لي شنو الاغلاط اللي موجوده بهالاداره
الكثير والكثير والكثير
اتمنى انت تذكر لنا
هذا معناه ان الاغلاط موجوده وحاصله بس الشاطر اللي يتداركها
وبعدين قانون الكويت فيها وايد ثغرات
<<<<<< سوسه قلبت على الجيش
Michael
12-05-2006, 07:45 PM
وربي انج فضيحه
ههههههههههههه
نثيه لا تخليني اعصب وكفخ راسي بالشاشه
شنو اخطاء خفيفه
اخطاء خفيفه انهم يزهقون ارواح مالها اي ذنب
واذا تبين اعدهم لج خطأ خطأ ما عندي مانع مجاز سنوي وكلش ما عندي شغل
طبعا عشان ما نزعل احد ما اقول كلهم اغلاط نقول النص او الاغلب
وعلى سالفة الجيش
الجيش والحمد الله مافيه ولا احد يقدر يصيد عليه غلطه وحده
واذا عندكم شك في كلامي عطوني غلط واحد حصل بالجيش وعطوني الدليل وانا ارد عليكم
وشكرا
Nathyaa
12-05-2006, 08:00 PM
الجيش والحمد الله مافيه ولا احد يقدر يصيد عليه غلطه وحده
نعم صحيح
بدليل دخول العراق واغلب الجيش مهربين من الدوام :)
Michael
12-05-2006, 08:11 PM
نثيه غلاتي
الجيش العراقي على حسب علمي انه رابع اقوى جيش بالعالم
الغلط مو بجيشنا ولكن بقلوبنا وقلب اميرنا الله يرحمه بأذن الله
غلطتنا الوحيده اهيا الثقه
كنا واثقين بالنظام السابق لكن كل طراق نتعلم منه
وأكرر انه الجيش العراقي رابع اقوى جيش بالعالم يا غلاتي
سواءا كنا واثقين بالنظام السابق قصدي نظام صدام طبعا
ماكو مقارنه يا غلاتي
Nathyaa
14-05-2006, 07:09 AM
انا معاك
بس وين كانو
على فكره اغلبهم مهربين من الدوامات
ياجماعه هذي حماية بلد اشلون تهربون
كل اداره فيها اغلاط يا ميشيل
بس الاداره الذكيه هي اللي تستفيد من غلطها
جميع الحقوق محفوظة لـ الشبكة الكويتية