مشاهدة النسخة كاملة : سوؤال مهم ابي رايكم في !!!!!!
الصديق
21-04-2006, 08:07 PM
اول امس كنت اتمشى بالطريق من واجهة مجلس الأمة الى حديقة شويخ انا و صديقي و هذه عادتنا كل اربعاء لأنا رياضة المشي مفيدة...
المهم و احنا نمشي و كلعادة نشوف شي يعور القلب !!!
سيارتين يم بعض من مكان الى اخر و يصير بوحدة فيهم رجل و بنت !! او مثل مانقول في موعد!
صراحة شي مخيف للغاية بدينا نتدهور بشكل مو طبيعي ... البنات عادي عندها تركب معا ريال ماتعرفا و غريب باسم الحب!!!
و هذا غير الي شفتهم قبل فترة و بالسيارة و جدامهم يهال يلعبون و بوضع فاضح للغاية ... دقيت على 107 بس شنو ! ماوصلت الدورية الى بعد ساعة يوم مشوا...
الشي الي وايد اشوف صار عادي القبل بالشوارع على بو مرتة و جذي ! صرنا نفس اوربا و جريب بنصير اسوأ ... سوؤالي شلون هالبنت ترضى على نفسها جذي؟؟ و هل من المعقول انا تصدق هذا اسما حب؟؟ والى اهي تستعبط؟؟ و تبي تسوي جذي؟؟
و كيف نعالج هذه الظاهرة المتزايدة ؟؟؟؟
AL_3oooD
21-04-2006, 08:42 PM
الف شكر لك اخوي على الموضوع الاكثر من رائع
ولكن للأسف لا تعليق
الذهبي
21-04-2006, 11:13 PM
... دقيت على 107 بس شنو ! ماوصلت الدورية الى بعد ساعة يوم مشوا...
عزيزي الصديق ...
تبي شركة الإتصالات يدزولك دورية داق عليهم :)
107 = 777
بالنسبة لطرحك أتمنى منك الدعاء لهم بالهدايه
وسلامتك
الصديق
21-04-2006, 11:23 PM
عزيزي الصديق ...
تبي شركة الإتصالات يدزولك دورية داق عليهم :)
107 = 777
بالنسبة لطرحك أتمنى منك الدعاء لهم بالهدايه
وسلامتك
هيهي اسف قصدي 777 :) مشكورين اخواني على المرور
Nathyaa
22-04-2006, 07:45 AM
للاسف ان هالشي قاعد يحصل بكل مكان
وهذي دور الاسره في التربيه
وصدقني لو الدوريات شايفتهم جان على طول اخذتهم
الله يهدي بناتنا وشبابنا يارب
ابو فارج
22-04-2006, 10:45 AM
بنت تقابل رجال على موعد ، هذا مو استعباط او قلة ادراك منها، هي تعلم اين ذاهبة ولماذا تقابل رجل غريب، ليس لأنه يحبها فقط وربما هناك أمور أخرى، للأسف مرات البنات يسوون حركات أنهم مغفلين وانقص عليهم، علشان يجلبون التعاطف معهم، وينحاشون من العقوبة.. ما في وحدة ما تعرف شنو يصير لو اختلت برجل..
الله يهدي الجميع
بنت السويدي
22-04-2006, 10:55 AM
لاتعليييييييييييييييييق
يسلمو للموضوع
انا لي تعليق بسيط
موقصدي ادافع عن البنت او اني متحيزه للبنات ولا ضد الشباب بلعكس مجرد اعتبر السالفه غلط من الصوبين عاد هذا شي له اسباب مختلفه باختصار الفراغ التربيه البيئه والخ
بس اشوف الاخوان يقولون البنت غلطانه ومادري يمكن لبسهم مومحتشم او غيره من هالسوالف
احب ارد انه بماانكم تقولون عن المره ناقصات عقل ودين(طبعا مااومن بهالكلام) والرجل اللي اهو كامل عقل والدين عيل الشرهه عليكم اللي تضعفون المفروض مهما شفتوا او سمعتوا من المره ماتعطونها ويه تقامونها ولو الرياييل قدروا يمسكون نفسهم جان ماصار اللي صار
بتقولون ريال ومايتحاسب مع انه الحرام للرجل والمرأه نفس العقاب
يعني الرياييل لو سافرو بره وشافو اللي لبسهم كلش رايح فيها والوان اشكال الحريم بيضعفون وبيقولون والله مومنا من الحريم مومحتشمين
لاوالله هالشي بيد كل واحد سوا بنت او ولد على حسب ايمانه واعتقاداته
ولاواحد يقط اغلاطه على الثاني
الله يهدي الجميع انشالله
الصديق
22-04-2006, 10:28 PM
شكرا لكم و اختي وداد كلامج صح بس هم المفروض البنت ماتسمح حق احد يتعدى الحدود معاها لأنا مجتمعاتنا للأسف لما الريال يسوي شي محد يكلما بس ينطرون الزلة على البنت..فا عشان جذي المفروض البنت تفكر بالعقل و مستقبلها الي بيضيع اذا عطت نفسها حق الذئاب الي حواليها...
وانا بعد معااك الصديق واقول كلامك عدل ميه بالميه
بس بقولك مثل والله ناسيته بالضبط بس انا معدلته على مزاجي هههه البيت اللي اساسه موميه ميه فاحتمال سقوطه بأي ثانيه او دقيقه (عشان الوزن بس)
اللي اقصده انه اذا ردينا من البيت بنشوف الريال من اساس البيت طبعا بما انه الريال وكامل عقل والدين وهذا كلام معروف (مع اني ماؤمن فيه) فنقول كل شي بيده فاهو الابو اللي لازم يحافظ على زوجته وبناته والاولاد طبعا لانهم بيكونون رياييل الغد وبعدين يي دورالاخ نفس الشي يحط باله على خواته (طبعا كل شي بعقل وكلام ومنطق ونقاش مو طق وترفس)
المهم لما يبدي الاساس صح والبنات يكبرون على هالاسس الطيبه فبيقل التجاوزات اللي تقول عنها (عاد لكل قاعده شواذ يعني بينلقي من بذره طيبه نبات فاسد بس عاد احنا ماعلينا المفروض يكون هذول قلائل بس مع الاسف العكس صاير الحين)
وبعدين لو كانوا بعد الريال الاب والاخ والزميل والرياييل اللي بره كل واحد كامل بعقل ودين طبعا ماراح يصير من هالاشياء بره فيضل قله قليله وفئه صغيره وبيكونون شواذ نفس اول كان وين وين نشوف واحد مع وحده عالبحر ومنخشين وان شفناهم تفشلوا, الحين عيني عينك وتضحك بويهك جيييز يعني عاادي
المهم اخر شي كل شي طاح براسكم ههههه براس الريال
albader
23-04-2006, 01:00 PM
الصديق
تسلم على الموضوووع
وداد
الصراحة حلوة و يا ريت نشوف بنات بمثلك جرأتك و ثقتك بنفسك .. شي بتنحسدي عليه بصراحة خليكي متل ما أنت و حافظي على مبدأك الله يبارك فيكي
و ان شالله يكون بكلامك عبرة للكل
أنا أبى أسأل الصديق وليس من باب التعارض إذا أتصلت على الشرطة هل نقضى على المشكلة ؟ أم نخلق مشكلة اكبر تتعدى الى هدم بيوت وأسر؟ .
وبعدين تتصل على الشرطة هل الشرطة عندنا على ثقة ؟ .. ما أنا أشوف الشرطة يغازلون بكل مكان .. مش هم بشر ومننا .. هل أهم أهل لهذى الثقة ؟ .
أنا اعتقد هناك حلول وعلاج لهذى المشكلة أفظل
ندخل بالموضووووع >>>>>
ينبغي علينا ان نتكلم عن الحب بلغة الماضي فقط لأن الحب شيء جميل انقرض منذ مدة بعيدة وما نراه اليوم لا يتعدى إلا أن يكون انتهاز وتحين فرص لإشباع غرائز **** بحتة!!!
المشكلة بالمغازل ولعب العيال الان عندهم الحب شيء والزواج شيء آخر".. مقولة باتت تتردد على لسان كثير من الشباب في مجتمعاتنا .
الشاب يلهث وراء الفتاة للفوز بحبها وعندما يكون له ذلك "تسقط من عينه"، كما يقال... او تفقد احترامها لديه... الشاب يقيم علاقة مع فتاة ويبني لها قصورا من الوعود والاحلام وعندما يقرر ان يختار شريكة حياته يتجنبها...
فالشاب (اسم مستعار) كان أحد هؤلاء الذي يلعبون بمشاعر الفتاة دون مراعاة، فأخذ يواعد البنت ويخرج معها.. أياد متشابكة.. وكلمات زائفة يلقيها على مسامع تعدها بالخطبة القريبة وعش الزوجية السعيد.
تمضي الأيام ويسأم من صحبة التي ما إن طالبته بالوفاء بوعده لها حتى صدمها بقوله إنه ليس على استعداد للارتباط بفتاة خرجت معه وحدها، وما يدريه لعلها خرجت مع غيره مع رغم تأكده من إخلاصها له، ولكنه كما يقول بأن "الحب هو من اختيار الشاب، أما الزوجة فهي من اختيار الأسرة وحسب معايير اجتماعية معينة".
فهمتواا شنوااا انا اقصد ...
sajed mansour
23-04-2006, 02:57 PM
نسأل الله عز وجل الهداية لنا ولهم ... اللهم آمين
الصديق
23-04-2006, 04:02 PM
اختي وداد كلامج على العين و الراس .. اخوي البدر لما دقيت كان بسب الوضع الفاضح للغاية الي ماتصورا كانو يعملون عمل الحيوانات بلا خوف و جدامهم يهال صغار يمرون يلعبون بكل برأة فاسبب اتصالي لوقف المهزلة و الطريقة الحيوانية الي يمكن حتى الحيوان ينخش بمكان في مثل هالمواقف. و كلامك صح عن شرطتنا للأسف صار حاميها حراميها و الحب مثل ماقلت صار من النوادر و صار وسيلة او حجة للوصول الى الغرائز ... و دمتم
جميع الحقوق محفوظة لـ الشبكة الكويتية