محتاجه خدمتكم ومساعدتكم

[Nathyaa]

يعطيكم العافيه

ولله الحمد قبل خمس دقايق قالت لي خدامتي ابي اصير مسلمه علميني اشلون اصير مسلمه


وبصراحه مانبي عارفه شسوي

قولوا لي وين اروح وشسوي


بليز لاتبخلون على

ولكم الاجر ان شاء الله

[albader]

اهلين اختى نثية

ماشاالله عليج أختى واعتقد الخدامة ماوصلت لهذى النتيجة الا من المعاملة الطيبة ودينا دين معاملة .

أختى العزيزة

عندنا بالكويت لجنة متخصصة لهذا الموضوع وهى ((( لجنة التعريف بالاسلام ))) لها أفرع بمعظم مناطق الكويت فيها :

مندوبين
كتب حسب اللغات
أشرطة تعليمية
دروس فى اللجنة

يعنى راح يتابعونها ويدرسونها ويعلمونها بين كل فترة

أنا أول ماشفت الموضوع كلمت رئيس اللجنة مباشرة

ارقامهم

الرئيسى 2444117

الخط المباشر 7600074

[Nathyaa]

الله يجزاك عني وعنها كل خير يارب

والله لايحرمك الاجر

بارك الله فيك


جاري الاتصال

[albader]

نثية

بلغينا شيصير معاج بالتفصيل عشان تعم الفائدة للجميع

او

يمكن أحد يواجه نفس الموقف عشان يكون فى المام لهذى الحالات

تحياتنا لج بالتوفيق

[~*~عاطفية~*~]

الله يهديها

والبدر مااقصر عطاج ارقامهم


ولحنة التعريف ماراح تقصر معاج

انتى بس عطيهم اى لغة تكلم وهو راح يفيدونج :)

[AL_3oooD]

الف شكر لك اخوي البدر على المعلومة الحلوة

ومراقبتنا بلغينا شنو يصير

وان الله يهدي من يشاء

[Nathyaa]

يعطيكم العافيه


اتصلت عليهم وخبرتهم انها تبي تسلم


سألوني شنو اللجنسيه

قلت لهم سيلانيه


قالوا لي عطينا العنوان عشان ندز لج حقيبة المسلم

وطبعا داخلها كتب واشرطه علشان تعلمها الاسلام

قلت لهم الحين المرأه مقتنعه 100 % وتبي تعلم اسلامها

قالوا لي لاتستعجل خليها تقرا أول وتسمع الاشرطه


قلت لهم اوكي

عطوني موعد الساعه 8 بالليل ييون لي البيت


والحين الساعه 7 ونص

وناطرتهم


بس ماني عارفه ليش قالوا لي خليها تقرا وتسمع الاشرطه جم يوم

مع العلم ان سيلانيتي مستعجله في اعلان اسلامها


يزاكم الله كل خير اخواني واخواتي

واخص بالذكر اخوي الغالي البدر على المساعده القيمه

[Nathyaa]

ياحماعه باركو لي


الحمد لله وبفضل الله


اسلمت خدامتي


وغيرت اسمها الى فاطمه


اليوم خليتها تنطق الشهاده وراي

[بنت السويدي]

مبروووك

ويزاج ويزاها الف خير

[Nathyaa]

امين ياقلبي

[بومحمد]

مبرووووووك نثيه

والله يا بختج

[Nathyaa]

الله يبارك فيك يارب :)

[الحيرااان]

Nathyaa

تبين الصج

ماقدرت أمنع دموع الفرح

ماآدري أهنيج ولا أهني العاملة عندكم

الله وحده يعلم بمقدار أجرج والثواب

هذا من فضل ربي عليج
أحمدي ربج وأشكريه أنه كنتي سبب بدخول أنسان للأسلام
لولا معاملتكم الزينة ما حبت الدخول للأسلام
______________________________
وبالنسبة للمكتب
هذا أسلوبهم بحكم معرفتهم والمواقف السابقة
لازم يعرضون كامل الاسلام على اي أنسان يرغب الدخول للأسلام
حتى يعرف ماله وماعليه
ويدخل الاسلام عن أقتناع تام
وخصوصا حكم الردة بعد دخوله للأسلام0
____________________________
أخونا albader لاشك له نصيب بالاجر..أن شاءالله

[Nathyaa]

لولا الله ثم البدر جان انا ماعرفت اتصرف

الله يجزيه الاجر يارب

والحمد لله الحين هي اللي تقعدني لصلاة الفجر بعد ماتصلي