مشاهدة النسخة كاملة : نقاشات حادة بين البنات والشباب..الرجاء الدخول
غفران-الامارات
18-02-2005, 09:41 PM
|--*¨®¨*--| : مــرحبـــا أحلى شباب و بنات |--*¨®¨*--|
أحببت هذا الموضوع لشدة روعته والأسئله التي تدور عليه
والحوار الناجح الذي يقوم عليه ...
لذلك نقلت هذه الفكرة وهذا الحوار [ الساخن ]
وهو عبارة عن حوار مثير بين فريقين
فريق [ الشباب ]
فريق [ البنات ]
وضعتها من باب المداعبة وتخفيف حدة التوتر بين الفريقين.
هناك أمور يكرهها الرجل في المرأه أو لا يستطيع فهمها
(( و ))
هناك أمور تكرهها المرأة في الرجل أو لا تستطيع فهمها
وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة
و موضوعية وبعيداً عن التعصب حتى نستمتع و نخرج منه بنتائج إيجابية.
[ بداية الحوار ]
سيقوم فريق الشبـاااب بطرح تساؤل عن أمر معين لا يعجبه في البنــاات
وسيقوم فريق البنااات بالرد وتبرير الموقف
وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب.....وهكذا يستمر الحوار
[ملاحظة]
يحق للجميع المشاركه وابداء الرأي
وأرجوا أن نكون مع الحق دائماً بعيداً عن الإنتماء و التحيز
(( صافرة البداية ))
" سؤال من فريق البنات لفريق الشباب "
*ليش الشباب في هالزمن قاموا يقلدون الغربيين في اللبس..والقصات..؟؟
Nathyaa
18-02-2005, 09:50 PM
http://www.kwety.net/kwety1/q8/momay1.gif
هههههههههه
موضوع رائع
الله يعطيج العافيه يا قلبي
فعلااا فكره يديده وحلوه فديتج انا
يستحق وساااام المميز يا قلبي واتمني من الذهبي تثبيت الموضوع لانه روعه
انا راح اناقش فيه بس مو الحين خليني اشوف اول ردة فعل الرجل
http://www.kwety.net/kwety1/q8/wajohe3.gif
غفران-الامارات
18-02-2005, 09:53 PM
هههههههههههههههههههههههههههههههههههههه
يسلمووووووووووووووووو نثيووووووووووووووووه....
يالله بنتريا الشباب...
الذهبي
19-02-2005, 01:00 AM
نتريا قبل كل شي يعني شنو
أقول يالبنات أستريحوا ... تحرش عن بعد :)
اي استريحوا مو عاجبكم
ياحلوكم والله :)
ناطر وحدة ترفع صوتها
في شي ؟؟
ادري ماعندكم ماعند جاكو خدامتنا المسافرة
في شي بعد
يالله لو في شي كتبوا ... قايلكم ماعندكم سالفه
ياحلونا والله احنا يالشباب موماسكين علينا شي علشان تقولونه
ماتدرون شنو تكتبون انا اقولكم
قولوا ماعندما ماعند خدامه بيت الذهبي
نحشششششششه
ولنا عودة
*******
موضوع يتستحق التثبيت
تم التثبيت يانثيه ولو إني زعلان شوية
بنت السويدي
19-02-2005, 01:07 AM
افا ليش زعلان يالذهبــــــــــي ( نترياا = ننطر ) مثل ماتقولون
اشوفك مارديت عالسؤال ( *ليش الشباب في هالزمن قاموا يقلدون الغربيين في اللبس..والقصات..؟؟)
Nathyaa
19-02-2005, 08:59 AM
يسلمو الذهبي علي التثبيت
تراك غالي
نشتري رضاك يا الغالي بماي العيون
الذهبي بدا يتهرب ههههههههه بنت السويد وغفران سئلوك سؤال وناطرين الاجابه علشان نكمل الاسئله
والله انا ذاك اليوم بمجمع ليلي جاليري شفت منظر تقشعر له النفوس
شفت ريال بحدود 26 سنه لو تشوفون شنو لابس !!
برمودا والبودي العلاق والحزام اللي علي الخصر والشعر سبايكي واللحيه والشوارب ديرتي والعلج ماطاح من حلجه
والمشكله البودي كان لونه ااااااااحمر وطريقة مشيه كانت فضيعه
طيب هذا منظر رجل !
وين راحت هيبة الريال بشكله ولبسه ورجولته ومشيته ؟؟
اتمني الاجابه
الذهبي
19-02-2005, 01:43 PM
اهني انا اااارد
أصلاً النوعيه المفروض تنقرض لإن أكره شي عندي أنا هالشباب اللي بعيده عنهم التربيه للأسف
وعلى فكره يانثيه أنتي الغلا كله وربي وربي .....
لاتخليني أملي الصفحه بمشاعري ألحين :)
****************
انزين ممكن سؤال وربي محيرني
سؤال قوي شويه .. أحس إني ماني قده ألحين ..هههههههههههههههههههههههههه
انا توني شايل عصب من أسناني ودايخ شوية مااقدر أعبر
تدرون إشلون أنطروني بالليل أنا بالليل أكون أقوى بمشاعري ياويلكم :)
*************
غفران - الإمارات
موضوع رائع من إنسانه رائعه حتماً .. يبا الذرب دائماً ذرب
*********
بالليل القصف :mh1313:
Nathyaa
19-02-2005, 01:53 PM
بدا التهرب يا بناااااااااااااااااااااااااااااااااااااااااات
الذهبي
19-02-2005, 02:06 PM
انا توني شايل عصب من أسناني ودايخ شوية مااقدر أعبر .. بدال ماتقولون حمدالله على سلامتك :(
هههههههههههههههههههههههههههههههههههههههههههههههه
:a103:
Nathyaa
19-02-2005, 02:09 PM
اول شي حمد لله علي سلامتك
ثاني شي في كلمه كله تقولها انت وانا مااعرف شنو المقصود فيها بس راح اقولك اياها
استريح بس
هههههههههههاااااااااااااااااااااااااااااااااي
<<<<< مراقبه شريره
بنت السويدي
19-02-2005, 09:57 PM
ههههههههههههههههههههههههههههههه
الحمدلله عالسلامه يالذهبي بس ابا اعرف الظرس شو دخله بالسالفه انت راح تكتب مب تتكلم
الي اخاف مركب ظرس ذهبـــــــــــي لوووووول :a58: اسم على مسمى :a2:
نثـــــــــــــيه ابا اعرف ليش الذهبـــــــــــــي يتهرب :a79:
الذهبي ترانا نتريا شي منك وانا ماراح ارقد لين ماحصل رد منك لووووووووووووول:a58:
هي والله انا ابا اعرف ليش يقلدونهم هذا الشي محيرني :a35:
ماشوف حد من الشباب دش ورد علينا غير الذهبي ويتهرب من الموضوع بعد
يالذهبي ممكن اعرف الجواب منك ؟؟؟
الذهبي
20-02-2005, 01:46 AM
لا للتهرب :)
*ليش الشباب في هالزمن قاموا يقلدون الغربيين في اللبس..والقصات..؟؟
أنا أقولكم شغله
في هالزمن تكثر الفتن .. وصدقوني أنا لا أتبع تقاليدهم وإنما أعارضها
الرجل بملبسه العربي الجميل يظهر بصورة أفضل عند المرأة العربيه الأصلية
أنا أعارض هذا التقليد الأعمى وعندما أكون مؤيد الحداد سوري عندما أكون مؤيد سأكون معارض لكم
أنا أتفق معكِ أختي بهذا ... لست منهزم بل أريد أسإله أكثر وأكثر لعلي أهزم
******
يالله ووووين الأسئله ياني عندي أسئلــــــه ياويلج انتي ونثيه مني :)
ياحلوكم
فمان الله
الذهــــــبي
بنت السويدي
20-02-2005, 02:12 AM
woooooooooooooooooooow
{ الرجل بملبسه العربي الجميل يظهر بصورة أفضل عند المرأة العربيه الأصلية} صدقت فهالشي
بس انت ماجاوبتنا عالسؤااااااااااااال اتلف وادووووووور شو سالفتك تعال شخبار ظرسك الحين ؟؟؟؟
يعطيج الف عافيه غفران للموضوع.
( *ليش الشباب في هالزمن قاموا يقلدون الغربيين في اللبس..والقصات..؟؟)
وليش انتو يالبنات اللي ماخليتو محل مادشيتوه وعسى ما ينبني مجمع الا حطت فراشه عنده ليما يفتح
وليش تركتو لبسكم ورحتو تتبعون الموضه اما احنا الشباب انا اقولج من اول ما انولدنا الى ليما انموت لبستنا ما تغير
الدشداشه + الشماغ او الغتره + العقال اللي اللسب فيه كل بنت اتغلط على الرجال
ههههههههههههههههههههههههههههههههههههههههههه
شايف نفسه ادري بنطق هههههههههه
><LORY><
20-02-2005, 06:47 AM
افا ياذا العلم
ViP
تجلد البنات افا بس افا
ماهقيتها منك . . . الحين انا اناصر
اللبس الغربي للعيال اذا الدعوه فيها جلد
للبنات . . . هههههههه
والا اش رايكم يابنات؟؟؟؟؟؟؟
ويالله الدور على مين علشان يسأل لخبطتوا الدعوه ؟؟
______
Nathyaa
20-02-2005, 01:51 PM
ههههههههههههههههه
vip انظم الي الحزب المعارض هههههههههههههه
مو مشكله انا لها
اوكي انا بسئلكم سؤال
شنو هدف الديوانيه
ليش تهيتون لين انصاف الليالي بالدواويين وكاشتين بحريمكم وببيوتكم
مو الاولي انكم تقعدون ببيتكم احسن من الدواويين
وبعدين ليش كل ماتشوفون بنت تتمشي علي البحر او في السوق الا ركضتوا وراها
الرجااااااء الاجابه وعدم التهرب
vip اذا العقال اللي عليك يديد انا راح انسحب من المناظره
بس اذا كان قديم لاااااااا بالله قاعده عظم بالزور
<<<<< مجربه العقال اليديد ههههههههههههه
بنات لا يهزكم ريح امام تحالف الرجاااااااااال واصمدوا
الموت او الانتصاااااااااااار
هههههههههههههههههههههههههههههههههههههههههههههههههههههه
اليوم بس شفت الموضوع لاانشغالي صراحه بالمده الي رااااحت
اللللللله
الللللللله
صبر صبر خلوني قلبي متروووووسه
-
-
قال شنو قال اللبس هههههههههه
طيب الرجل مايعيبه شي لالبس ولا شي
قال شنو قال ديوانيه هههههههههههه
هم مو غلط يقعد مع ربعه بس مو على حساب اهله يهذي انا معاكم اوكي بس هم مايمنع يروح لربعه ويقعد معاهم
-
-
-
نجي الحين للمره
شنقوووووول
شنخلي
لبس؟؟؟؟ كلكم شايفين
قرق ؟؟؟ معترفين
شاي وحب .؟؟؟؟؟ خلص من السوووق
حش في فلانه وعلانه ؟؟؟؟؟ روحوا لصالاات الافراح
تحدي ماركات مكياج واكسسوارات؟؟؟ مفطوره المره على هالشي حتى مع اختها
مكابره في المنتديات؟؟
بتشوفون بعد كلامي هذا شيقولون ههههههههههههههه
والله حاله
رولز مسكين صرت منبوذ من الجنس الاخر ههههههههههههههه
بس لايهمك قول الحقيقه
هههههههههههههههه
Nathyaa
21-02-2005, 07:06 PM
يعني حريم شنو تبينا نسولف فيه ؟؟
تبينا نسولف بالبورصه ولا بالتجاره !!
وفي شي ثاني انت مارديت عليه
ليش من تشوفون بنت طرتوا وراها من شارع لين شارع من سكه لين سكه من داعوس لين داعوس ؟
ليش يعني
بنت السويدي
21-02-2005, 09:48 PM
هي والله صدقتي siso
ليش ماجاوبتواا عسؤال نثيه
وانتوااا ليش منقهرين من البناااااااااات فديتنا نحن والله الكل يغار مناااا ليش ماعرف ؟!
Nathyaa
22-02-2005, 07:35 AM
اني اطالب بالجواب علي الاسئله المطروحه يا شباااااااااااااااااااب
لا تتهربون
بنت السويدي
22-02-2005, 05:11 PM
حتىىىىىىىىىىىى انا اطالب بالجوااااااااااااب
مب كل مره تتهربوووووووووووووون ولا تجاوبون
Nathyaa
22-02-2005, 06:58 PM
اذا اليوم محد رد انا راح اعتبره انتصااااااااااار ساحق للبنوتات
Klly4you
24-02-2005, 12:11 AM
يمكن بشوفونها وين تروح ووين تي عشان لا احد بعدين يقص عليها
نخاف عليكم احنا ونحميكم شفيكم انتو ما تفهموون؟
بنت السويدي
24-02-2005, 09:59 AM
عن نفسي ما اقتنعت بالجواااااااااااااااااااب
ابا جواااااااااااااااااب مقنـــــــــــــــــــــــع
Nathyaa
24-02-2005, 10:53 AM
هههههههاااااااااااااااااي
انزين وبعد ماتحمونا وتوصلونا للبيت شنو اللي تعطونا اياه ؟
البنت : اشفيك لا حقني ؟
الرجل : بصراحه انتي عجبتيني حيل
البنت : اخلص شنو المطلوب ؟
الرجل : ممكن تاخذين الرقم
هذا هو ماتريدون الوصول له
ان البنت تاخذ الرقم
صح ولا انا غلطانه
بنت السويدي
25-02-2005, 01:14 AM
صــــــــــــــدقتي siso
ناس ماعندهم شغله غير فلانه وفلانه ماعرف شو
Nathyaa
25-02-2005, 11:44 AM
تهرب من الدرجه الاولي يا شبااااااااااااااااااااب
kuwait
25-02-2005, 12:15 PM
يبا خلاص كل واحد يصلح سيارته لا تتهاوشون
Nathyaa
25-02-2005, 01:35 PM
ههههههههههههههاااااااااااااااااااااي
kuwait
04-03-2005, 02:39 PM
والله يا نثيه لو البنت هاذي اللي تقولين عليها حاشمه نفسها وماشيه بطريجها سيده
محد تحرش فيها بس البلاااا بالبنات
ماكو شاب يلحق بنت من هني والطريج لازم مسويه له حركه او لبسها مش ولا بد
فا البلاااااااااااا من البناااااااااااااااات
تحياتي
ابو هيــــــــا
xKuwaityx
04-03-2005, 04:12 PM
@_@
انا ماراح اتكلم عن البنات... بجاوب على السؤال (عشان لا يقولون تهرب و خوف) <----- تره قوي هالريال!
- مافيها شي لما الواحد يتكشخ و يلبس لبس ازقرتي... شنو نقلد الغرب @@ .. كل ما سوينا شي رديتو و قلتو يقلدون الغرب, يعني ما نتطور؟... بعدين اللبس مو غلط إذا كان محترم... الجنز و البلوزة و الكاب و البدي مافيهم شي؟... عطوني سبب يخليني مالبس هاللبس!!! ... جني رديت بمافيه الكفاية لأن موضوع بسيط ... شلون الحين اسئلكم؟!
Nathyaa
04-03-2005, 05:43 PM
علي راسي هالكلام
انا مااقول لكم لا تلبسون
يبا لبسو بس بالشي المعقول
وبعدين شنو سالفة سبايكي هذي ؟!!
يعني الحين لما تسوون سبايكي يعني جذي انتوا تتوقعون انكم قاعدين تكشخون ؟
Nathyaa
04-03-2005, 05:46 PM
كويت :
مافيها شي لما البنت تكشخ وتطلع
وصدقني ماكو بنت عينها وصخه علي ريال
انتو لو تشوفون وحده متحجبه ولابسه عبايه هم لحقتوها
ماتطوفون شي
وصلت بكم الجرءه انكم حتي السيلانيات والفلبينيات تلحقونهم
xKuwaityx
06-03-2005, 01:28 AM
السبايكي ستايل للشعر...
ولا بس البنات يسوون ستايلات حق شعرهم!!!!
انا إلي اشوفه إن معظم البنات ينتقدون الشاب بلبسه و قصه شعره... ليش مادري!!؟
والله البنات عندهم طلعات غريبه... ولا حلال ع البنات و حرام ع الريال!
إنزين السبايكي يضر بالريال؟ لازم الواحد يغير بستايله :)
بحاول اوصلكم نقطة بس ماني قادر ... مادري ليش :(
Nathyaa
06-03-2005, 07:37 AM
التغيير حلو يا بواكسات
بس مو بهالطريقه البشعه
امانه شنو الحلو بسبايكي
انا اعطيك وصفه رائعه لستايل سبايكي
اذا تسبحت وخلصت قبل لاتنشف جسمك حط صبعك داخل فتحت كهرباء مما يؤدي الي وقوف الشعر والحصول علي ستايل سبايكي
شنو هالخرابيط
في قصات وايد حلوه اشمعنا اخترتوا هالقصه بالذات
xKuwaityx
06-03-2005, 12:23 PM
ههههههههههههههههههههههههه
لا هذا ستايل من الستايلات ... ليش يعني حاطه دوبج دوب السبايكي P:
بس حلوة طريقتج... بسويها P:
Nathyaa
06-03-2005, 01:44 PM
هههههههههههه
بس اول شي اكتب وصيتك
لووووووووووولي
><LORY><
07-03-2005, 12:17 AM
ههههههههههههههااااااي
خلوني ادخل عرض فـ السالفه
مممممممم
الحين الولد بملابس السبور حلو
بس مو بزيااااده يعني لبست سبور
خلاص يكفي مو لازم سبايكي . .
على قولة المثل (( اذا زاد الشي عن حده انقلب ضده ))
أحم . .أحم
<< والله وقايمه اقول امثال
والا وش رايكم ؟؟؟
_____
xKuwaityx
07-03-2005, 03:18 AM
هههههههههههههههههههه
والله تضحكين بردودج يا LoRy ... حكيمة الصراحة على هالمثل القوي!!!!
انزين شنو معناة سبور؟! x_@
جمايل
07-03-2005, 03:30 AM
البس الخليجي احلا الف مره من لبس الاجانب
هاذا رائي الخاااااااااص
وصراحه لي شفت شبابنا اليوم ولبسهم للبناطيل
ولبس الغرب اتحسف على زمن ابهاتنا واجدودنا
Nathyaa
07-03-2005, 07:41 AM
جمايل انا مااعارض لبس البنطلون بالعكس
البنطلون كووووول خصوصا مع تي شيرت انيق
انا اعارض التقليد الاعمي بكل شي
اذا الاجانب حطو سكسوكه ركضوا عيالنا حطوا اذا الاجانب شالوا الشوارب ركضوا عيالنا شالوا
والله اخرتها راح تطلع موضوه ان الاجانب يشيلون الحواجب
وراح يقلدونهم عيالنا ويشيلون حواجبهم
عاد تخيلوا شبابنا بدون حواجب
هم جذي مايترقعون هالمره بدون حواجب
راح يصيرون اشبااااااااااااااح
الذهبي
08-03-2005, 12:33 AM
أنزين
أنتو ألحين تطبقون العادات والتقاليد ..
وين راحت هالشغلات
شعر بوي
بنطلونات من غير حزام ( شالحكمة )
بوت واصل للخصر ( جنكم عمال مجاري )
مكياج ألوان وأشكال جنكم هذول اللي بالسرك فسفوري وغيره هههههههههههههه عمري ماشفت مكياج فسفوري بس ماخليتو شي ماحطيتوه على وييهكم
واااااااااااااايد شغلات
ولي عوودة يابشوات
الذهبي
Nathyaa
08-03-2005, 07:13 AM
انت قلبت السالفه علينا مو مشكله
البنت لما تكشخ وتقلد الاجنبيات هذا بسببكم انتوا يا الرياييل
لانكم اذا شفتوا بنت اجنبيه انهبلتوا عليها وعجبتكم حيل
تجابلون الستلايت ليل نهار خز بهالحريم
باحنا قاعدين نحاول ان نصير مثل هالاجنبيات علشان نترس عيونكم
بس مثل ماقال المثل
ابنادم مايملي عينه الا التراب
الحين انا بعرف انتوا ليش تقلدون شنو السبب ؟؟
xKuwaityx
08-03-2005, 07:59 AM
ههههههههههههه
و احنا نفس السبب,, عشان نلفت نظر البنت P:... بس انا عن نفسي, البس على ذوقي عشان ارضي روحي :)
بنت السويدي
08-03-2005, 09:06 AM
والله ضعت امبينكـــــــــــــــــــــــم ماعرفت شو السالفه
Nathyaa
08-03-2005, 01:57 PM
سويديه تصبحين علي خير هههههههههه
البنت اذا تبي تعجب برجل فهي تعجب به باسلوبه ورجولته مو بشكله
الذهبي
26-03-2005, 01:30 PM
عدلين
شرايك نعد
قول 3 أعدال
لا خلاص خلها جذي
عدلين
بس نرجع ونقول
عدل ياغالية
جمايل
26-03-2005, 04:20 PM
شسالفه شفيكم؟؟؟ جني اسمع اصراخ اهني؟
الذهبي
26-03-2005, 04:32 PM
ماسويت شي
:a78:
Nathyaa
26-03-2005, 08:43 PM
الذهبي كل يوم ماسكني وطايح فيني طق
هذا ظلم
انا لازم ارفع قضيه عليه
بنت السويدي
02-04-2005, 07:39 PM
انـــــــزين شورايكم فالبنت والا الولد الي يهتموون بالشكل قبل كل شي ..........
في وايد من هالنوووووووووووع
همهم الشكل قبل ليعرفوون الشخص يعين بس ينظرون من ناحيه الشكل ومن هالنوع ماتستمر العلاقه الا فتره وتنتهي
الذهبي
03-04-2005, 01:29 AM
عدل كلامج بس أهم شي القلب والعين واللسان وبعدين تأتي دور الشخصية
Nathyaa
03-04-2005, 07:53 AM
انا اتكلم عن البنت
البنت صدقيني ماتبحث عن الجمال او الشكل بقدر ماهي تبحث وبحاجه الي رجل بكل ماتحملها الكلمه من معني
كلام اختي بنت السويدي صح خصوصا بهالفتره
للاسف الوقت الحالي اغلب البنات يعجبون بالشكل الخارجي والمظهر
والمفروض شخصية الرجل واخلاقة تكون اهي المحك وسبب الاختيار
يعطيكم العافيه
ملسونه وعنيده
10-04-2005, 03:32 AM
يعطيكم الف عافيه على الموضوع الرائع
وانا حابه أدلو بدلوي => انتبهوا ترى المعري وصل ههههههههههههههههههههه
بصراحه أنا من رأيي أن البنت تبحث عن قلب الرجل وليس مظهره ولكن مو معناته ان البنت تبي لها واحد كلش ماله بالنظافه نصيب لا غلط انا اقول على الرجل مثل المرأه
يعني مثل ماالرجل يحب ان يشوف المرأه بشكل حلو ونظيف المرأه ترى بشر ولها الحق انها تشوف الرجل بشكل مرتب ومتألق
لكن للاسف اكو شباب وايد يعتبرون ان المرأه مالها الا انها ترضى بالامر الواقع وخاصه مع زوجاتهم
يعني لو كان الرجل يبي يطلع ويتمشي مع ربعه او بيروح لربعه تلقاه كاشخ على سنقه عشره
لكن عند زوجته مايهتم بشكله , وانا برأيي انه غلط هالاسلوب , وفيه بعد حريم نفس الشي ماتكشخ ولا تهتم بمنظرها عند زوجها لكن شوفها اذا بتروح عرس ولا معزومه وربي تكون كاشخه جنها عروس بليله عرسها ,,
همسه للجنسين المرأه والرجل : ياماخذ القرد على ماله راح المال وظل القرد على حاله ,,
وسلامتكم http://www.kwety.net/vb/images/smilies/a79.gif
ملسونه وعنيده
Nathyaa
10-04-2005, 06:41 PM
ياسلاااااااااااااااااااااااااام عليج
اصبتي عين الحقيقه
<<<<<<<<<<<<<< ابو الاسود الدؤولي
ملسونه وعنيده
11-04-2005, 03:52 AM
ولا شرايك يا أبا دلامه ههههههههههههههههههههههههه
Nathyaa
12-04-2005, 08:05 AM
منو ابا دلامه ؟
عليج اسامي
ولــ*H*ــه
24-05-2005, 11:39 AM
بخصوووص الشكــل
انا اقووول انه الشكل اخر شي البنت تفكر فيه
واهم شي القلب والشخصيه
لان في اغلب الاحيان الشخص اللي يكون شكله حلو بيكون مغرور وشايف نفسه على غيـره <__<< مو الكل طبعاً
وما اظن انه هالعلاقه ناجحه
لانك عرفت هالشخص لشكله مو لشخصيته وطبيعته
ومستحيل تقدر تكمل معاه
الا اذا مشى معاك الحظ وكان هالشخص مثل ما تتمنـاه
وقليل هالشي يصيــر
VIN_DIESEL
29-05-2005, 01:34 AM
انا ممكن اجاوب .......................
ولــ*H*ــه
02-06-2005, 02:59 AM
ممكنيــن
جاوب ليش لا
بحرالاحساس
17-05-2006, 05:59 AM
يسلمواعلى الموضوع وايد حلوووو.
نثيه وبنت السويدي وكل الصبايا اللي شاركوا الله يعطيكم العافيه ويقويكم
وعلى فكره نثيه انت سألتي سؤال بس الشباب تهرب من نص الثاني منه
ليش يلحقون البنات ؟؟؟؟؟؟
ردو وقال الغلط من لبس وحركت البنت رديتي وسألتي
حتى البنت لو كانت لابسه عبايه ماخليتوها بحالها؟؟؟؟؟؟؟؟؟؟
وين الاجابه ؟؟؟؟؟؟؟؟؟؟؟؟؟
بسرعه ابي اجابه .. ليه ماتخلون البنت في حالها لم تشوفونها ؟؟؟؟؟؟؟؟؟؟؟؟؟؟
يسلمو على موضوع مره ثانيه
الفيلسوفه
17-05-2006, 08:40 PM
ok تلقونها لابسه عبايه و متغطيه عدل بس شنو>>> ساعات اتكون من البنت نفسها من حركاتها و لا من مشيتها الي يشوفها يقول مشية بيونسيه و انا ماادري و لا جنها داشه عرض أزياء و لا من full make up
الي تحطه جنها رايحا عرس ........ و لا لو البنت ما شيه سيده ما تشوف لا يمين و لا يسار ... اشيبون فيها أكيييد بيخلونها بحالها ...... و لا شفايدة العبايه دامج حاطتلي الميك أب و لا الكعب الي الفريج الثانيه يسمع مشيتج فيه .
الشباب يبون البنت الي تشجعهم على انهم يلحقونها يعني الي تعطيهم ويه زياده عن اللزوم ::::::: و صح كلامي و لا غلط
و الصراحه هذي و جهة نظري ............ و ثانكس على الموضوع الي انشالله يطلع بنتيجه و يستفيدون منه باجي الأعضاء
بحرالاحساس
18-05-2006, 05:08 AM
فيلسوفه معنا والاعلينا والله معك حق 100%100
بس والله البعض مايفكرون لابسه عبايه مطرزه حطه ميك اب والا موحاطه اهم شي تكون بنت وبس شوفي الازعاجات اللي على كيف كيفك ... يخلون الوحده تكره اليوم اللي طلعت فيه .... وبعض البنات صارو هم اللي يطاردون الشباب ؟
بس انا اتكلم عن البنت اللي ماشيه جنب الحيط وفي حالها ؟ مو البنت اللي ماعنده سالفه الله يستر علينا وعليهم قولي امين ..........
يسلموا على وجهة النظر ياقلبي........
الفيلسوفه
19-05-2006, 01:54 AM
و هم كلامج انتي صح
يعني و كل واحد و وجهة نظره
و تسلمين حبيبتي
بنت السويدي
21-05-2006, 09:19 AM
الله الله هالموضوع مغبر :)
هههههههههههههههههههه
والله ذكرتوني على ايام هالموضوع لووووووووووووووووووول
لي رجعه انشالله
Nathyaa
21-05-2006, 10:06 AM
فديتكم والله
الحين الله امرهم بغض البصر
حتى لو البنت غلطانه شكو يلحقونها
انا بسأل لشباب
ترضي احد يلحق اختك او زوجتك ؟؟
كنت رايحه السوق مع ولد اختي مرت يمنا بنت جميله وفعلا لبسها محترم
تدرين شنو قال لي
قال
ياسلام هذي اللي تصون الحب ويركض وراها يبي يرقمها
طيب البنت محتشمه شكو تلحقا
والله واعذروني بهالكلمه لو صخله تلبس عبايه هم يلحقونها
بحرالاحساس
22-05-2006, 04:50 AM
بنت السويدي منتظرينك انت وجديدك..
نثيه والله معك حق على العموم الرد موعندي عند الشباب بس الظاهر ان الشباب ما عندهم تبرير للي يسونه.
Nathyaa
22-05-2006, 08:55 AM
الشباب يتهربون لان ماعندهم رد ياقلبي
albader
22-05-2006, 01:14 PM
لالالالالالالالالالالالالالا
حرام عليكم انتوا راح تدشون النار وكله بسبة ظلمكم للشباب
وبعدين الشباب مايردون ولا يبررون لأنهم يسووون خير ويبون الاجر ... اما أنتم يا عصابة ذمتكم واسعة ...
بس خلاص احنا مضطرين نقولكم ليش نلحق البنات
يبى أفهموا .. هالمساكين نيتهم طيبة يلحقون البناات لانهم :
خايف عليها تضيع بالسوق او بالشارع
أوخايف عليها من عيال الحرام والصايعين
أومشبه الأخو عليها
ويمكن شافها تعبانة ويبى يعطيها حبة بندول
ويمكن بعد المسكين خايف عليها تتعب ويبى يساعدها
او تصدمها سيارة ويفكنا منها عشان بس يتصل على الاسعاف
يمكن بعد يلحقها عشان تقوله وصلنى .......................الخ
شفتوا شكثر ظالمينا
وبعدين يابنااات ترى قديمة واحد يلحق بنت وييييييييييه هذا قبل
الحين البنات اهى تلحق الولد تدرون من باب التحظروالتطور..
ليش غريبة ماشفتوا بناات يلحقون شباااب او يعطونهم ارقاام .. أحلفواااا
لا بس الحين عندهم طريقة ثانية مستورة مافيها فضايح كله تلحق بالتليفووون
تتصل عليك ( يعنى غلطانة بالرقم )
الصبي: هلا
البنيه :هذا رقم ساره
الصبي: لا بس اذا تبينها اصيرلج ساره ( طبعا اي شي ) لووول
البنيه : هههههه ( يعني تبي تتعرف ) <<
الصبي: يا حلات الضحكه والله
البنيه: اسكت ترا استحي <<< لووووووول
الصبي: يا حلات الي يستحون <<< لووووووول
البنيه : هههههه
الصبي: انزين ما يخالف اعرف اسمج ؟؟
البنيه : اسمي اسمي اسمي ( يعني تبي اتجذب ) اسمي ؟؟؟
الصبي :عاشت الاسامي
البنيه : عاشت ايامك
الصبي : انزين مايخالف ادق عليج مره ثانيه ؟؟
البنيه : يلا باي باي باي باي امي يت يت يت يت يت ( واهيا ميته من الضحك لوووووول يعنى دق يحمااااااااااااار)
واللله مشاااااااااااااااااااااااكل
لا ويقولون الشبااااااااااااااااااااااب
والله انتم ام الدواهىىىىىىىىى
بحرالاحساس
23-05-2006, 02:51 AM
اخيرا تكرم احد الشباب ورد على السؤال ولو انك ماأقنعتني .........
ههههههههههههههههههههههههه......
اقول يالبدر من ناحية ان الولد يوصل البنت عشان هو خايف عليها
او مشبه عليها فهذا امر مستحيل . اكيد وراه نيه (......)
واما بالنسبه للتحظر والتطور اللي حصل فانا معاك في هالشي
بس طبعا مو كل البنات من هالنوعيه
يعني اكيد فيه بنت طايشه بس كمان في بنت كويسه ومؤدبه
واكيد في اولاد طايشين بس كمان في اولاد محترمين
على العموم يسلموا على الرد .......ومنتظرين اسالتكم .......
جميع الحقوق محفوظة لـ الشبكة الكويتية