مشاهدة النسخة كاملة : شالية
صبحكم الله بالخير والعطااء
بقيت استفسر عن الشاليهات شلون بحجز طبعا اقصد الفيلجا
يعني الحجز شاليه بيكون من اهني ولا هناك بفيلجا
ياليت احد يفيدني بهالسالفه
لان ودي احجز حق نهاية الاسبوع
بقضي ويك اند هناك ههههههه حلوه ويك اند
المهم اللي عنده فكره يفيدني ومشكوووورين
بنت السويدي
10-04-2006, 12:05 PM
انشالله يساعدونج الي يعرفووون للحجز ^_^
هناك تقدرين شئ اكيد بس هني والله ماعندي خلفيه بالموضوع
أن شاء الله بيفيدونج
توفيق
11-04-2006, 07:46 AM
على حسب معلوماتي أنك تقدرين تحجزين عبر الفنادق الهاي ستار , لانه يوجد هناك مكاتب سياحية , وكذلك عبر المكاتب السياحية الاعتيادية.
أتمنى أني وفيت طلبك.
Nathyaa
11-04-2006, 08:30 AM
هلا ياقلبي
بالنسبه لفيلجا تقدرين تحجزين من هني والا من هناك عادي
بس تحجزين من هني افضل لج بكثير علشان بس تنزلين من العباره تروحين الشاليه المخصص لج وترتاحين
مو تقعدين تفرفرين لج عن مكان
فانا افضل انج تحجزين من هني
طبعا تروحين شركة المشروحات السياحيه
او مركز انفرميشن سنتر ( مركز المعلومات ) اللي يم مطعم مركز سلطان على البحر
او تتصلين بهالرقم 5650111
اتمنى اني اكون افتدج
مشكوورين على ردكم
شكرا نثيه ماقصرتي
وبدق اشوف
عطله سعيده لكم ياارب
Nathyaa
13-04-2006, 12:26 PM
عطله سعيده ياقلبي
جميع الحقوق محفوظة لـ الشبكة الكويتية