وفاة فتاة واصابت شاب اثناء مطارده

[kwety]

اثناء قيام احد رجال الامن بجوله امنيه معتاده داخل بر ميناء
عبدالله شاهد مركبه متوقفه وعند الاتجاه للمركبه ووضغ افلشر
حيث ان رجل الامن كان يقود سياره مدنيه وعند قيام الشاب بالنزول بدون
امر من رجل الامن اطلق رجل الامن طلقه تحذيره فقام الشخص بالهروب
وعند مطاردته اصطدم بروف وانقلبت السياره ومن شدة قوة الانقلاب
وجد الشاب والفتاه خارج السياره
وادا الانقلاب الى وفاة الفتاة واصابة الشاب اصابات بليغه
وتم نقل الشاب للمستشفى ونقل جثة الفتاه للطب الشرعي
وكما احيل رجل الامن للتحقيق لمعرفة ظروف الحادث
ومعرفة سبب اطلاق النار
هذا الخبر تم نشره بجريدة الوطن
وانا سمعة فيه من بعض الاشخاص

[Nathyaa]

لاحول ولا قوه الا بالله


الله يرحم البنت ويشفي المريض


والله هالمطاردات خطره حيل


طيب كان بأمكان الشرطي انه ياخذ رقم السياره ويتم تبليغ الاداره عن طريق اللاسلكي :(


الف شكر للنقل المؤلم اخى الكريم

[ابو عبدالعزيز]

لاحول ولا قوة الا بالله العلي العظيم

بصراحة المطاردات مالها داعي والله يهديهم بس

مشكوووور اخوي على الخبريه

[kwety]

العفو

والله يرحم المسلمين

والي صار صار

مع ان من وجهة نظري كان يمكن التعامل مع الهروب بطريقه

اسهل واضمن لكن انا استغرب رقم اطلاق النار الا ان الشاب

هرب وانشاء الله ان ما نسمع هل اخبار

والقانون ياخذ مجراه على الكل

اذا كان رجل الامن غلطان راح يتحاسب

واذا كان الشاب غلطان راح يتحاسب

لكن ما قطع قلبي الفتاة المسكينه

الله يرحمها ويرحم المسلمين

واشكركم على المرور

[بنت السويدي]

صح ليش يطارده

لو بلغ عنه ماصار الي صااار



يسلمو عالخبر المحزن



وانشالله مايتكرر الي صار

[الحيرااان]

أستغفر الله العظيم

الحين ذنب هالبنت برقبة المجرم المدعو ...رجل أمن..

[neo102010]

لا حول و لا قوّة إلا بالله

ما رااحت إلا على المسكيينة :(

الله يكون في عون أهلها

مشكوور كويتي

[AL_3oooD]

لا حول ولا قوة الا بالله

الف شكر لك اخوي على النقل

[kwety]

الف شكر لك اخواني على المرور

واخوي الحيران

رجل الامن ليس مجرم

رجل الامن اتخذ اجرائته

ومافيها اي خطأ

المجرم هو الشاب الذي هرب

ولو كان رجل الامن طارد شخص خطف احد اقاربك

لقلة عنه انه بطل

واذا كل شخص يطلب منه رجل الامن الوقوف

ولا يقف فلا داعي احاسا لوزارة الداخليه

كلنا حزن من الخبر

لكن هذا امر الله لا مفر منه

[Nathyaa]

انا معاك كويتي ان هذا واجبه


بس كان الاولى انه يتصرف تصرف ثاني اكثر حكمه

ماذنب اللي ماتت ؟؟

لو فرضنا ان الشاب هرب

والشرطي بلغ الاداره عنه


راح يطوف كم ساعه ويتم استدعائه واستجوابه


طيب ليش العنف ؟؟


بس في نقطه مهمه

شنو السبب اللي خلاه يهرب ؟؟


اكيد في سبب قوي وخوفه على البنت اللي معاه من الفضيحه


ياريت تطلعنا على الاخبار اول بأول اخوي الكريم


ومره ثانيه تسلم لي الايادي لنقل الحادثه

[~*~عاطفية~*~]

لاحول ولا قوه الا بالله

الله يرحمها

الف شكر على الخبر

[kwety]

الف شكر لكم اخواني على المرور
وانا معاج اختي نثيه انا كان يتصرف تصرف سليم
وانا اعتقد ان رجل الامن طلب اسناد وان المطارده ما طولت
لكن كلنا نعرف خطورة المطاره في البر واخر مطاره حصلت
في الصيبه دخل رجال الامن الانعاش واصيبا اصابات خطره جدا
بس مو يكتفي باخر الرقم لانه مافي فايده من اخذ الرقم
لانه حتى لو تم الاستدعاء مو هو الاجراء يعني مخالفه ادفعها شنو يعني
15 دينار اذا كان المعالجه بهل اسلوب لامتلئة البلاد بالجرائم والمخدرات والخمور
رجل الامن لا يطارد مركبه بها عوايل لم اسمع طيلت حياتي
عن مطارده بها عوايل الا اذا كان هناك جريمه وعلى العموم العوايل اساسا لا تهرب من الدوريه في حال طلب الدوريه لسيارة العايله الوقوف
وانتي تقوليل كان خايف على البنت
الي يخاف على البنت ما ياخذها البر
وبعدين احنا ما نعرف شنو صار بالضبط
وانا اعتقد بان رجل الامن طلب اسناد
واتخذ اجرائته واكبر دليل وصول الشرطه والاسعاف
ولو كان رجل الامن اتخذ اجراء خاطئ ربما هرب
ولا من شاف ولا من دري على قولة الاخوان المصريين
لكن انا عندي لج سؤال اختي نثيه
لو فرضنا ان احد اقاربج خطف بقصد القتل
وعند مرور احد الدوريات اشتبهة بمركبة الخاطف
وطلب منه الوقوف وهو لا يعلم ان الشخص خاطف
هل ترضين ان رجل الامن يكتفي باخذ الرقم
ام انكي تريدين رجل الامن يطارد الخاطف
ولا تقولين هنا فرق هذا خطف رجل الامن لا يعرف ان الشخص
خاطف رجل الامن فقط اشتبه بالشخص من ارتباكه وطريقة قيادته
وانا بصراحه ما عندي معلومات عن القضيه
سوه ان التحقيق مع رجل الامن لمعرفة سبب الحادث
ولمعرفة طريقة المطارده هل هي صحيحه ام لا
ومثل ما تعرفين اختي نثيه استهتار بعض الشباب
شنو كان راح يضر هل شاب لو توقف هل كان خائف على البنت
انا اقولج لا كان خايف على نفسه لانه الي يخاف على بنت
ما يودها البر والي يخاف على بنت معناته انه يحبها
واذا كان يحبها معناته يخاف عليها من نسمة الهوه
مو يروح البر معاها وبعدين احنا اخذنا الظن بالبنت
ربما في شي ثاني احنا ما نعرفه وانا اقولج البنت قاصر
يعني الشاب قانونيا خاطف البنت ولو كان برضاها
يعني اهل البنت ما راح يفكرون من الاقتصاص من رجل الامن
اهم راح يفكرون من الاقتصاص من الشاب لانهم يعلمون ان
رجل الامن ادا واجبه وعلى العموم اليوم الخبر بفلوس باجر ببلاش
والله يستر من الانتقام وانتي تعرفين شنو يصير بمسائل الاعراض
عرفتي ليش الشاب خايف خايف على نفسه
والف شكر لج اختي نثيه

[Nathyaa]

لاحول ولاقوه الا بالله


والله ياخوي مادري شقول

كلامك منطقي


بس ياربي هالمطاره خ
يره على الكل حتى على رجل الدوريه هم خطيره


شوف الريال ماهرب من الدوريه الا في سبب قوي جدا

وبعدين انا ماكنت ادري انه طالب اسناد انا عبالي بروحه طارده بدون لايقدم خبريه


انزين كان بامكانه انه يطلق نار على التواير مالت السياره

ممكن تكون اخف الاضرار اذا كانت المطارده بالبدايه


الله يكون بعون الشرطه والله


يمرون بمواقف صعبه حيل وبالاخر الكل يوقف ضدهم

المشكله الحين اهل البنت


موت وخراب ديار

هم ماتت بنتهم وهم انفضحوا


لاحول ولاقوه الا بالله



وان شاء الله هذي تصير عبره لبناتنا وشبابنا

[kwety]

اختي ثنيه
اولا رجل الامن ما يقدر يطلق النار
لانه كان بروحه يعني لا يمكن الي يسوق الدوريه يطلق النار
ثانيا لو اطلق النار واصاب التاير وانقلبت السياره ومات الي فيها
راح يصير رجل الامن سفاح اذا اهو طارد وصار انقلاب خلوه مجرم
فما بالج باطلاق نار
اي والله الله يعين اهل البنت رحت بنتهم
وانفضحوا المساكين وكل هذا من سبت استهتار شاب
وكلي ثقه انه اوهمها بالحب هذا اذا ما كان في شي ثاني
يعني خروجهم بناء على صلة قرابه
وللعلم اختي نثيه اكثر ناس تكره المطارده هم رجال الامن
لانهم شافوا بعينهم ربعهم يروحون من هل مطارده
لكن هناك قاعده امنيه
لا امن بدون خسائر وتضحيات
انا ودي كل شاب يضع نفسه
مكان اخوى هل بنت هل يحب ان يكون مكانه
طبعا لا لانه احنا ما نرضى على انفسنا لكن نرضى على غيرنه
انا استغرب من بعض الشباب يقول البنت عاجبتني تقوله اخطبها
يقول ليش خبل لو فيها خير ما كلمتني
وانا اقول لهل شباب لو فيك خير ما تلعب باعراض الناس
والرجل اساسا يحاسب بكلامه لا باوراق وتواقيع
اما انك تقول فترة شباب فهل فتره خلك ثقه انها دين
راح يرد عليك بعيالك واهلك وراح ياتي شاب يوعد بنتك بالزواج
وبعدين يقول لو فيها خير ما كلمتني ما تبي بنت الناس هدها
ليش تفضحه وتفضح اهلها خلها تشوف مستقبلها ومصيرها
اتمنى ان الكل ياخذ عبره

[King]

كويتي اولا شكرا على النقل للموضوع
فعلا هذى السالفه قبل اسبوع تقريبا
وفعلا صار اطلاق النار والشخص برتبه رقيب اول او وكيل ضابط
تصرف الشخص لاطلاق النار غلط ولكن المطارده غير ممنوعه اذا في شكوك نحو صاحب المركبه وبعدين الشخص اللي معاه البنت كان عند ميناء عبدالله يعني منطقه منشأه يعني قمة الخطر ورجال الداخليه في هذه المناطق مصرح لها بإطلاق النار لبعض الشروط الخاصه .. والبنت مالها حرام او حسافه لان البنت ماتت ورحمة الله عليها ولو كان الشخص اللي برفقة البنت ماكان فيها شي ماهرب والمعلومات اللي قلتها صحيحه 100 % وانشاءالله القانون ياخذ مجراه وجاري التحريات والتحقيق مع رجل الامن

[Nathyaa]

شموديهم الميناء ؟؟؟

مادري ليش اشم ريحة مخدرات بالسالفه


ياجماعه ماكو سبب قوي لهروب السياره الا المخدرات


يعني حتى لو كان معاه بنت يقدر يوقف ويكلم الشرطي


تري الشرطه تقدر الوضع خصوصا اذا السالفه فيها شرف واعراض


ووايد صارت ان شرطه مسكت رجل ومعاه بنت ما تسوي لهم شي


الله العالم

[kwety]

شكر لك اخوي

بس بخصوص اوامر اطلاق النار موجوده

في حالات الاشتباه ورجل الامن اتخذ كل الاجراءات السليمه


والمطارده ليست ممنوعه

مثل ما قلت

اما اختي نثيه انا والله ما احط بذمتي شي

اذا كانوا مخدرات او غيره

بس الي انا واثق منه انا رجل الامن

طارد وعرض حياته للخطر ليس لمكافئه او وناسه

انما لحماية البلد من كل شخص تسول له نفسه العبث بالامن

والي عنده معلومات بخصوص هل قضيه يفيدنا