مشاهدة النسخة كاملة : موضوع الديوانية
الذهبي
02-02-2005, 01:53 AM
الديوانية
السلام عليكم ورحمة الله وبركاته ،،
نبي نبتعد عن الرسمية والسوالف والمواضيع الرسمية شوية اذا ممكن !!
نبي نعرف شصار اليوم مع كل عضو والكل يفضفض نبي نغير لو شوي
يعني العضو واللي بقلبه من كلام وأنا راح أشارك معاكم شصار معاي اليوم ووين رحت وشنو تريقت ( تفطرت ) وتغديت وتعشيت اي شي من هالسوالف .. وسلامتكم
الموضوع للفضفضـــــه بعيــــــــــــــــــــــــد عن الرسمية لو سمحتو
وأتمنى الكل يشارك
تقبلو التحية
أخوكـم
الذهبي
Nathyaa
02-02-2005, 02:17 AM
انا اول وحده
<<<<<<<< قلبها متروس
هههههههههههههههههههههههه
اليوم الصبح صحيت من النوم الساعه 8 خذيت شاور وسويت لي قهوره ودشيت المنتدي لمدة نص ساعه بعدين فرمت جهازي وخذا مني تقريبا نص ساعه
بعدين رحت المستشفي لصاحبتي منومينها قعدت عندها الي العصر
بعدين رجعت البيت ونمت من التعب وصحيت الساعه 7 المغرب خذيت شاور وسويت لنفسي قهوه
اليوم ماتغديت حتي ضاق خلقي علي صاحبتي
دشيت النت وسويت اب ديت للوندوز بعد ساعه ونص تقريبا
مريت محل الذهب ومحل الزهور وشريت هديه لامي لان اليوم عيد ميلادها ورحت زرتها وقعدت عندها سهرت
الساعه وحده باليل رجعت البيت وخذيت شاور هههههههه بطه مو نثيه
ودشيت المنتدي وياكم
بس اقولكم شي والله لكم وحشه اليوم ماشفتكم احس اني فاقده شي كبير والله
بس اتمني انكم عذرتوني الحين
فديتكم انا
الذهبي
02-02-2005, 02:30 AM
مشكورة نثيه
انا قعدت اليوم الصبح الساعه 9.30 أخذت شور عالسريع ورحت للدوام متأخر ولحقت على التحضير وأخذت إجازة بدال لا يحجزوني قولوا مشاءالله وانكرفت بالدوام اليوم حدي وطلعت الساعه 2 الظهر ورديت البيت ولقيت عمتي مطرشه غدا البيت فاضي الاهل لا الحين مسافرين :(وتغديت ونمتلي شوية للساعه 4 ونص خذيتلي شور ونزلت الديوانية وصليت المغرب وبعدين رحت للشويخ ابيلي شغله وبعدين رحت زارا تسوقت شوية وراي سفرة باجر إن شاءالله بس ماراح أطول بإذن الله وطلعت على طوووول للمخيم ورديت الساعه 1 بالليل وسلامتكم
Nathyaa
02-02-2005, 02:53 AM
تروح وترجع لنا بالسلامه يا الغالي
بس بليز حتي وانت مسافر حاول تشبك من اي مكان
لاتقاطعنا بليز
اشكرك على الموضوع الحلو
اما بالنسبه لي انا مبتلش بواحد عندي جاي من برا وطلعلي قرون كل مكان بالكويت وكل داعوس داشه
يموت بالمجمعات التجاريه يموت بشارع الخليج مقطوع سره هناك والله يعين هههههههههههههههه
Nathyaa
02-02-2005, 09:20 AM
لووووووووووووووووووووووولي
الله يعينك والله احنا تزورنا وحده ساعه تلوع جبودنا اشلون لو تقعد عندنا فتره طويله
وبعدين طلع مو هين
الله يعينك علي البانزين مصرف ثاني انا لو منك اوديه سوق الجمعه واقوله هذي مجمعاتنا بالكويت اخليه ينحاش ومايفكر يزور الكويت
<<<<<<<<< نحيسه
حلو حلو ... انا والله اجازه هاليومين اقعد من النوم اقعد شوي ياشابك او اني طالع مع الاصدقاء .. كل عام وامج بخير اختي نثيه .. تروح وترد بالسلامه اخوي ذهبي .. اما انت VIP صراحه بديت اشك اني اعرفك هههههههه هذا اسلوب واحد من الربع دايم يتشكى مني اذا رحت للمجمعات في الخبر او الكويت هههههههههههه يعطيك العافيه جميعا
لايبا الظيف اللي يجيني من البحرين هههههههههههههههههههه مو من طرفكم
عموماً انا اليوم من الساعه 6 الفجر ليما اللحظه هاذي قاعد على النت كانت معاي هوشه ( بالكويتي ) مضارب ( بالاماراتي) شيل ابوك حط ابوك ( بالسعودي ) خناء ( بالمصري) وجميع اللهجات العربيه اللي ذكرتهم كنت متهاوش مع الاهداءات واخير سدحته ارضاً ولسبته بالعقال لين خاب ثناه.
وانتم طمنوني عنكم. أن شاء الله مرتاحين مو ناقصكم شئ .
جيب القوه يولد قهو الرجال البنات يالله ولا وحده داخل المجلس مابي بنت طالعه أتضيفكم مراقبتكم ( نثيه ) باشريهم
loooooooooooooool
Nathyaa
02-02-2005, 07:14 PM
رولز : ههههههههه وانت بخير يا الغالي
vip : ههههههه وربي عسوله اولا : طلعت مو هين ماشاء الله كل اللغات حافظ بس اذا ممكن بالايراني شنو يعني هواش ؟
ثانيا : يعطيك مليون عافيه علي تعبك يا الغالي
ثالثا : اهم شي انك سدحته وانتصرت عليه بس لو قايل لي من البدايه جان جهزت العجراا وييت طبيت وياك
<<<<<< مشكلجيه
رابعا : البنات انا حاطتهم بالصاله وقافله عليهم محد راح يطلع قاثتهم بالشاي والقهوه مساكين ناطرين الغدا بس انت تدري ميري اليوم اجازه وماطبخت غدااا
يعني مالهم امل يشربون شي غير الشاي والقهوه
Nathyaa
02-02-2005, 07:18 PM
بروجرامي اليوم
الساعه 8 الصبح خذيت شاور ودشيت اصبح علي احلي اعضاء بالمنتدي وقعدت وياكم لين الساعه ثنتين ونص الظهر
تغديت ونمت صحيت الساعه خمس المغرب وهم خذيت شاور ودشيت امسي علي احلي اعضاء ولين الحين انا وياكم وبصراحه موضوعك يا ذهبي يستحق التثبيت
جمايل
02-02-2005, 09:04 PM
يعطيكم العافيه على ها الدوانيه لاانا فعلا محتاجين
جذي سوالف تلقائيه من القلب تطلع بنسبه لي انا قعدت
من النوم اليوم متاخر حييل الساعه 11 رحت لدوام وانا
اركض بس الحمدالله لقيت السكرتير حضرت ومشيت
والله تعب الدوام ياجماعه شملقفني ومخليني اتوظف
ركزو على كلمت الدوام تعب:)
المهم رديت البيت وتغديت مع الاهل وبعدها غفيت غفوه
اصغيره المهم ها الغفوه الله يسلمكم من الساعه 2 لي الساعه
8 بليل
وهاذا انا دشيت عندكم وامسي عليكم احلا مساء ويسعدلي مساكوون:)
اي صح قبل لاادش المنتدى ذبحني الجوع واكلت بقصم مع حليب:)
يعطيكم العافيه والله ... حبيبي VIP ابيك تركز على رد البنات شويه ماتلاحظ اكلهم وشربهم جاي وقهوه وحليب وبقصم الظاهر زميلاتنا بالمنتدى من اعضاء فوق الميه الله يعين اهلهم هههههههههههه لا ويتحججون مايكلون عشان ميري اجازه ..... اي هين اجازه الا والله من الشحوم واللحوم الي تكفي شهر ... وجمايل على البقصم على ابو بتنقص وزنها .... الحمدلله ماقلت شي انا اهمه الي قالو ههههههههههههههه :a78: لوووووووووووووووول
بنت السويدي
02-02-2005, 11:07 PM
هلااااااااااااااااااااااااااااااااااااااااا باحلى منتدى
بخبركم انا شو سويت اليوم
اول شي رقدت الصبح 6 لاتستغربوون عادي ماشي شغله ولامشغله عقب خربوا علي رقادي التلفون يرن يرن فوق راسي عقب نشيت الساعه 12 الظهر يعني ما اتهنيت فالرقاد قمت يوم اتفيجت سرت عند دوام اختي عقب سرنا السينما ورديت الساعه 3 الظهر يلست ويا الاهل شوي عقب دشيت المنتدى اتصفح فيه لين الساعه 7 عقب يلست ويا الاهل اسولف الساعه 8 سرت بيت اربيعتي ازورها هي واهلها لين الساعه 10 عقب رديت البيت يلست اجابل التلفزيون شفت مافيه شي بندته ودشيت المنتدى
هذا كل الي سويته
Vip مبرووووووووووووووك لانك غلبت الاهداءات لوووووووووووول
يسلمووووووووووووو Rolz عالموضوع الحلووووووو
Nathyaa
02-02-2005, 11:14 PM
قلب علينا رولز هههههههههه عادي تدري والله لو تنفخ علينا من الضعف نطير
علي الاقل احنا شااااااي وقهوه مو مثلكم تجدح بهالسيجاير والواحد فيكم اذا كح جنه شايب عمره مليون
وبعدين جمايل من الساعه 2 الي 8 غفوه صغيره ؟! عيل لو غفوه كبيره من جم لين جم ؟
انا تركتكم شوي رحت اشتري لي قهوه ورجعت بقعد شوي وبتعشي وبنام
وبعدين الديوانيه ليش مافيها دفايه تري موت الجو برد وايد
الذهبي ماعليك امر لو تمر باجر السوق تشتري دفايه الله يعافيك
جمايل
02-02-2005, 11:24 PM
رولز حرام عليك والله مفارقناا السمن وزنا وزن الريشه
حتى لاحظ نكتب بسرعه ونرد بسرعه تدري ليش لان عندنا لياقه
بدنيه مو مثلكم ماتردون الاا بعد يوم والا يومين من الكسل والشحوم
والحوم وبعدين على قولت نثيه انتو اذبحتكم الزقاير يعني ايذا ماجاك
مرض من كثر السمنه يجيك مرض الصدر من كثر ما ادخن
انا لحد الحين ماتعشيت والله توني تذكرت يوم حسيت بلجوع
بروح ادور شي بثلاجه اكله يمكن احصل خبزه والا جبنه:)
نثيه صاجه الديوانيه يبيلها دفايه الجو برد
Nathyaa
02-02-2005, 11:32 PM
يبيلها اغراض وايد
مافيها الا طفايه وحده للسيجاير وكل شبابنا مدخنين الله يهديكم
تعالي شوفي الديوانيه الصبح طفو السيجاير علي الارض مسكين راجو مل وهو يتشكا
وبعدين منو هالشهر راح يدفع معاش راجو ؟
انا استاذنكم حبايبي بروح اتعشا وانام وانشاء الله باجر الصبح لنا لقاء معاكم وبعدين رولز خف ايدك علي التلفون شوي انا كل مااتصل علي الديوانيه القاه مشغول
جمايل
03-02-2005, 03:11 AM
هاذا هم شبابنا يا قاعدين يكلمون بها التلفون يا مقابلين
قناه الخليجيه صاجه نثيه الدوانيه يبيلها اغراض وايد
على سبيل المثال يبلها عود وفحم انبخر الدوانيه من
ريحه ها الزقاير ويبيلها مرش معطر للاثاث والسجاد
واهم شي الدفايه لان الجوو بررد موووت
لحظه نتثيه اخذيني معاج انا هم بروح انام
تصبحوون على خير :)
Nathyaa
03-02-2005, 08:05 AM
صباح الخير يا عيون نثيه انتو
توني صاحيه من النوم حتي لين الحين ماشربت قهوتي قلت اول شي اصبح عليكم بعدين اشرب قهوتي
فديتكم انا
جمايل قلبي خستي من النوم هذا وانتي قاعده الساعه 8 هم ترجعين وتنامين ؟
ماشاء الله عليج فديتج والله
بنت السويدي
03-02-2005, 11:42 PM
انا بقوللكم شو سويت مممممممم اول شي رقدت الساعه 6 الصبح ونشيت الساعه 8 ونص
حليلي ماسبعت رقااااد بس شو اسوي غصبن عني نشيت يوم اتفيجت انا ويا الاهل الساعه 10 الصبح سرنا الشارجه سرنا الموووووووووول اتغدينا وتسوقنا عقب ماخلصنا من الموووول الساعه 5 العصر كل هذا موووووووول من الظهر لين العصر عقب ماخلصنا من الشارجه مرينا على دبي سرنا الغيرير سنتر اتسوقنا عقب ماخلصنا سرنا شارع الرقه واتمشينا فيه اتعرفون مهرجان وناس وعالم والله وناسه عقب ماخلصنا من الرقه سرنا لامسي اتسوقناا
كل سوق سوق طفره تعب بس وناسه عقب ماخلصنا مناك ردينا العيــــــــــــن فديتها والله
رديت البيت ودشيت المنتدى على طوووووووووول ماصدقت رديت البيت والله لاني اشتقتلكم واااااااااايد
Nathyaa
04-02-2005, 01:57 PM
مساااا الخير
انا اليوم اسعد انسانه بالوجود
لان اليوم الاعضاء صايرين نشيطين حييل ماشاء الله عليهم فديتهم انا
انشاء الله دوم يا رب هالتواجد الحلو منهم
بالنسبه لي انا صحيت من النوم الساعه 11 الظهر لاني امس كنت بالمنتدي الي الساعه 3 الصبح كنت ساهره علشان انزل لكم شغلات حلوه تعطيكم حقكم الكامل
واشاء الله بتشوفونها عن قريب بس تخلص
صحيت من النوم وخذيت شاور وسويت قهوتي وقعدت علي الكمبيوتر علشان اصبح علي اغلي ناسي ( الاعضاء )
بنت السويدي
06-02-2005, 11:25 PM
انا عن نفسي نشيت الصبح غصب عسب اسير الدوام بدا الكلاس الساعه 8 لين 10 وعقب خذنا بريك نص ساعه عقب بدا الكلاس الثاني ويا احلى رقاااد فالكلاس الله بس للاسف ماقدرت ارقد .......... عقب افتكيت من الكلاس طالعه من الكلاس ولا فهمه شي ....... عقب بريك ساعه
الساعه 3 رديت البيت وحطيت راسي ولاحسيت بالدنيا والا اسمع حد يدق علي الباب ازعاج مايخلون الواحد يرقد نشيت الساعه 8 وربع فليل تميت مجابله التلفزيون عقب دشيت النت حليت الهوم ورك مالي عقب دشيت المنتدى ..
Nathyaa
06-02-2005, 11:37 PM
اااااااااااااخ
اليوم كان صعب حيل علي
قمت من النوم الساعه 8 الصبح وبعد الشاور سويت لي قهوه وقعدت بالمنتدي لين الساعه 2
بعد الغدا وخذيت لي غفوه الساعه 4 رحت المستشفي كان عندي شغل
http://www.kwety.net/kwety1/q8/frs6.gif
بعدين رحت محل الذهب اشتري هديه لصاحبتي
وصلت البيت الساعه 9 باليل علي طول سويت لي قهوه ودشيت معاكم النت
يحلو النووووووووووووووووووم الحين
http://www.kwety.net/kwety1/q8/gal1.gif
بنت السويدي
08-02-2005, 10:00 PM
عن نفسي كالعاده نشيت الصبح وسرت الكليه غصب من عز النوم:a71: عقب حضرت الكلاس من 8 لين 10 وكنت داشه المنتدى وانا فالكلاس قوت ويهه:a58: بس طلعت خفت لاتجكني المس وانا فالمنتدى لووووووووول:a52: عقب كان عندي بريك ساعه رديت ودشيت المنتدى شو اسوي ماقدر اصبر لين مارجع البيت:a142: عقب ساعه كان عندي كلاسين ورا بعض عقب افتكيت من الزفت:a58: ورديت البيت الساعه1 ويلست ويا الاهل لين العصر بعدين انخمدت من الساعه 4 العصر لين 8 الا ربع ونشيت ورمست فتلفون عقب ماخلصت جابلة التلفزيون عقب دشيت المنتدى :a33:
Nathyaa
08-02-2005, 11:24 PM
انا اليوم كله بالمنتدي من الساعه 8 الصبح لين الحين الساعه احدي عشر ونص
ماصار لي شي يديد
http://www.kwety.net/kwety1/q8/7b10.gif
جمايل
15-02-2005, 02:41 PM
مساكم الله بلخير شخباركم وشمسوين فاقدتكم ها اليومين ابتلشنا بلمدارس ومطالبها
امس خلصت طلباتهم بس هم لحد الحين انا قاعده اليوم متاخر عن الدوام قعدت الساعه
10 جبت العيد ادري رحت لدوام استأذنت وطلعت ورديت البيت وقعدت مع الاهل بعدها
تغديت الساعه وحده ونص وعقب سويت لي جاي ودشيت المنتدى اشوف شنو طافني
لاني لي جم يوم مادشيت قلت اكيد عندي مواضيع لي الراس لازم ارد عليها المهم بعد اشوي
بطلع بروح زياره ومن بعدها اروح لسوق اجيب اغراض ها المدارس الي ماتخلص ويمكن انام
امبجر وهاذا مفارقني ادري بس شسوي غصب علشان ماقوم متاخره عن الدوام بعد .....
Nathyaa
15-02-2005, 08:17 PM
الله يعينج يا قلبي
بس علي فكره العمر يخلص والشغل مايخلص
يعني عطي نفسج حق انها ترتاح
انا بالنسبه لي
ماعندي كمبيوتر والجهاز اللي انا الحين داشه فيه اليوم ماجرته اقولكم شالسالفه
بابو صب لي شاي
امس العصر حاولت افتح الكمبيوتر مو راضي يفتح قلت بقعد افرمته واكتشفت ان الوندوز ضارب
وديته لمحل كمبيوترات وطلع ان الهارد دسك ضارب عندي هههههههههه
شفتوا الحظ اشحلاته
المهم قلت له يصلحه لي وسويت بعض التطويرات للجهاز وبدلت كرت الشاشه وركبت سيدي رايتر باور ديفي دي وركبت مروحه اضافيه وزد من البروسسر و بعد شنو امممممممم واشتريت لي مونتور يديد وبعد اممممم اي صح
غيرت الكيس مال الجهاز كله
يوم صار الصبح ضاق خلقي حيل وتفكيري كله بالاعضاء واللمنتدي والله من امس مانمت
علي طول رحت محل كمبيوترات وااجرت لي واحد مؤقت لين يخلص جهازي
وانشاء الله بعد شوي راح يوصل الجهاز مالي
اشكركم
ادري طولت وايد بس شسوي احب الهذره
جمايل
16-02-2005, 02:35 PM
ههههههههه ومنو فينا مايحب الهذره
لا انا اليوم قعدت الصبح ومالي خلق للدوام قلت بطنش فيهم اليوم
عادي علقه تفوت ولا حد يموت وخصم على ها المعيش:)
المهم ماقعدت الا الظهر الساعه 12 وغسلت وتريقت وعينت من
الله خير وقعدت على مسلسل الحاج متولي اشوي وابشركم باجر
الحلقه الاخيره ويوم خلص المسلسل دشيت المنتدى بسلم عليكم
واشوف شنو صار ماصار ادور السوالف والعلوم المهم ماني مطوله عليكم
بقعد معاكم اشوي وبعدها عاد نروح الزيارات الاهل انتو عارفين اليوم
اربعاء مجتمع الزيارات العائليه بس لي قعده معاكم انشالله بليل
موجني طولت ادري ادري لاتزفون.....
Nathyaa
16-02-2005, 07:07 PM
هههههههههه
جمايل ضاربه بالدوام
انا اليوم وصل جهازي اليديد وقعدت اضبطه
دشيت المنتدي الساعه 7 الصبح وضليت فيه لين الظهر
بعد ماتغديت نمت شوي وتوني فايقه
دشيت المنتدي علي طووووووووووووووووووول
بقعد شوي معاكم وبعدين ابي اضبط كذا شغله بالجهاز
http://www.kwety.net/kwety1/q8/najm.gif
جمايل
27-02-2005, 09:57 PM
مساكم الله بلخير شخباركم شخبار المنتدى معاكم
انا ها اليومين ما اشبك يومين من كثر المشاغل والله
بس بحاول اني ارد مثل قبل اليوم قاعده الظهر وماطلعت كلش
قاعده بلبيت صايره عاقله اليوم بس تدرون والله ضايق خلقي من الدوام باجر
الله يعيني على القومه الصبح قعدنا اجازه خمس ايام شزينا وخلصت الاجازه
وجا الدوام الله يعين المهم ما اطول عليكم بعد ماتعشيت قلت ابدش امسي عليكم
واشوف شخباركم:)
بنت السويدي
27-02-2005, 10:11 PM
مرحبــــااااااااااااااااا
بخبركم شو سويت اليوم اول شي نشيت الصبح تريقت عقب سرت الكليه غصب ضاربتني ضيجه من الخاطر ماعرف حضرت 3 كلاسات وخلصت الساعه 2 ونص عقب رديت البيت دشيت النت حليت الواجب عالعصر الساعه 4 ونص سرت دبي وقبل نص ساعه رداه من دبي وبعد شوي بحط راسي وبنخمد .....
Nathyaa
28-02-2005, 10:01 AM
حمد الله علي سلامتج يا قلبي
قعدت من النوم الساعه 6 الصبح
<<<<<< خباز هههههههههههه
وعلي طول ركض المنتدي
والحين قاعده اشرب قهوتي وياكم
جمايل
04-03-2005, 01:27 AM
مساااااااااء الخير للجميــــــــــــع شلونكم شخباركم
اليوم قاعده متاخر طبعا يوم خميس لازم اقعد متاخر
اول شي تغديت وقعدت مع الاهل طلعت بعد المغرب ورديت
الساعه عشر خلصت كم شغله في البيت والحين داشه
اسلم عليكم:)
Nathyaa
11-03-2005, 01:12 PM
هلا باحلي شباب وصبايا
اليوم الجمعه
طبعا من الصبح قحصت
ديج مو نثيه هههههههههههه
خلصت كذا شغله عندي برا البيت
والحين دشيت اسلم عليكم واشوف احلي مواضيع حاطينها
شوي وبروح اتغدا
حياكم
صباح الخير
قاعد من ست
اليوم سبت دوام
حبيت اصبح عليكم حبايبي
يعطيك العافيه وين ماكنتوا
Nathyaa
14-03-2005, 06:08 PM
صباح الورد يارولز
انا والله هاليومين شوي زحمه عندي
من صار تغير بالمنتدي وانا اشوي مشغوله عنكم
بس انشاء الله اخلص شغلي وراح ارجع لكم
دشيت حبيت اسلم عليكم
Nathyaa
09-04-2005, 07:37 AM
اهلين يابعد قلبي كلكم
ياجماعه في منتدي مواقع الانترنت والعلوم التكنولجيه في اهداء من الاخ هورنت لكم
دشوا حجزوا من الحين وقدموا له الشكر
جمايل
10-04-2005, 01:02 AM
يسلموووو ياقلبي على التنبيه
شلونكم شخبااركم اليوم قاعده لي حزت الدوام
بروح سهرانه:( مابي تروح علي نومه
الذهبي
10-04-2005, 02:03 AM
تكفين كل شي ولا اداومين سهرانه .. أضيق خلقج زيادة :)
الله يعينج
Nathyaa
10-04-2005, 08:05 AM
انا ملاحظه يا جمايل تموتين بالنوم
يانايم الليل كله بسك عن النوم خله باجر تزور المقابر وتنام الدهر كله
Nathyaa
10-04-2005, 08:31 AM
حتي انا عقدني
عموما راح نلقي له حل ان شاء الله
جميع الحقوق محفوظة لـ الشبكة الكويتية