يالبنات وينكم ....؟؟؟؟

[الذهبي]

:a74:
صباحكم عسل وعلى كل أعضاء المنتدى

أبيكم تقولولي طريقة أسوي فيها حلو حلو يعني حلو بالكيك والله مادري شلون أشرح اللي أبيه بس إن شاءالله تفهمون قصدي

يعني أبي طريقه أسوي فيها حلو مو بيتفور والسوالف هذي ولا الكيك الرسمي لا أبي نفس تقريباً اللي يحطون فيها بسكوت بالكاكاو والسوالف هذي :a55:
أنا أهلي مايقصرون بس نبي نشوف شنو تعروفون تسوون

المشكله الاهل كلهم بالصمان ألحين ...... كاشخ بعد :)

اللي يعرف لا يبخل علينا ......

الذهبي

[Nathyaa]

ههههههههه

حاظرين يا الغالي ماطلبت شي

حلو الاناناس

تري علي السريع اوكي

حلو مايبيله شي وسهل حيل جربه وادعي لي

المقادير :

بسكويت ميري

علبتين اناناس مقطع دوائر

كريم شانتيه او دريم ويب

قيمر عدد 2 كي دي دي

حليب واحد نستله
الطريقه :

تضع ماي الاناناس في صحن غزير

ونحضر البسكويت ونغمس بسكوته بسكوته بالماي مال الاناناس

ونصف البسكوت في البايريكس

بعد الطبقه الاولي من البسكوت نضع خلطتنا اللي هي ( دريم وب + قيمر_حليب نستله )

بعدين نضع الطبقه الثانيه من البسكويت ونضع فوقها الخلطه

البقه الثالثه من البسكوت وفوقها الخلطه

يعني يبيلك تقريبا من 6 - 9 طبقات

وبالنهايه نضع الخلطه ونزينها بقطع الاناناس المدور وتضع بالثلاجه لمدة ساعتين

وبالهناء والشفاااااااااااااااااااء

طريقه سهله جدا وطعم لذيذ جدا

[الذهبي]

مشكوووووورة نثيه حضورج وردج يكفيني

اما النسبه لتحضيرج للحلو هذا انا طبعت الصفحة هذي وبخليها لين يردون الأهل

انا رحت حلويات باتشي وشريت الحلو وسلامتكم

[Nathyaa]

بالعافيه علي قلبك

بس ليش مامريت منتدي المطبخ ؟ vip يايب لنا طباخين علي كيف كيفك

لووووووووووووووولي

[غفران-الامارات]

انا عندي لك طريقة واااااايد حلوة بس ما اعرف شو اسمها..

بس مب مشكلة اللي عندي انشالله ما بقصر ويااااك

1علبة اناناس معلبات حلقات،علبة قشطة،1جيلي فراولة،علبة دريم ويب ابو اربع اكياس،7ملاعق سكر،8 ملاعق نيدو،فانيلا ملعقتين،كيكه جاهزة من الدكان صفرا..

اول تسوي الجلي وتجهزة تخليه لين ما يبرد شوي مب اتحطه في الثلاجة لا
ثاني شي تقطع الكيك شرايح
اتييب الماي مال الاناناس وتحطهفي الخلاط+قشطة+علبة دريم ويب+فانيلا+سكر+نيدو
وتخلطه لين ما يتطلع عندك الكريمة..

اتصف الكيك في صينيه طبقة الاولى وترش عليه جيلي يعني تعطي الكيكه لونين احمر واصفر وبعدين اتحط الكريمة وتصف الكيكه الطبقة الثانية وتسوي نفس الطريقة الجليلي والكريمة وبعدين الطبقه الثالثة والاخيرة بس اتحط الجيلي عشان يعطيها لونين وبعدين اتصف الاناناس بعد ما تقطعه قطع صغيرة وتحطها في الثلاجة لين ما تبرد وبعدين نقطع مربعات وتقدم للضيوف

بالهنا والشفا..

[بنت السويدي]

الذهبي انا عندي طريقه سهله وايد ومابتاخذ منك الا دقايق



المقادير:

علب قشطه على حسب الكميه ( قصدي الضيوف)
اصابع جلكسي 5 او 6
حليب جاهز او نيدو ( سائل)
بسكوت نبيل او من هالانواع الي عندكم بالكويت الي تيي باكياس صغيره مربعه
صحن زجاج

الطريقة:

1- ابشر الجلكسي

2- وحطه مع القشطه واخلطه ( بس مو كل الجلكسي خل شويه بالصحن) واخلطه لين ماتسوي شرات الكريمه

3- ييب البسكوت وغمسه مع الحليب وحطه بالصحن الطبقه الاولى بشكل مرتب طبعا

4 - ييب القشطه الي مع الجلكسي وحطه فوقه طبقه خفيفه

5 - عقب حط البسكويت بنفس الطريقه وفوقه القشطه ( الكريمه ) على حسب الرغبه كم طبقة تريد

6 - اخر شي حط باقي الجلكسي المبشوور على الواجهة

7- وعقب حطها بثلاجه لين ماتبرد

8 - قدمها وهي بارده

9 - اخر شي بالهنا والشفااااااا


وانشالله تعيبك الاكله:a63:



:sa7l. (86

[Nathyaa]

ماشااااااااااااااااء الله بناتنا كلهم مواهب

الله يعطيك العافيه الذهبي انك طلعت لنا احلي مواهب من احلي بنات

[غفران-الامارات]

رولات السمبوسه الحلوة

اتييب شرائح السمبوسه +جبنة كيري+شكر+هيل+زعفران+مكسرات مطحونه+زيت للقلي+نص كوب ماي

اول شي تييب الشرايح وتحط فيها قليل من الجبن وتلفها..يوم تخلص من مجموعة اللي تباها تحظها في الزيت لين ما يستوي لونهن ذهبي يالذهبي انت...وبعدين اطلعه وتخليه في مشخلة عشان ينزل الزيت....وتييب نص كوب ماي وتخليه يغلي مع رشة زعفران وهيل حسب الرغبة+الشكر لين ما تستوي لك شيرة...تغمس حبة حبه في الشيرة واطلعها وتصفها في صحن التقديم..واخيرا اترش المكسرات فوقه
بالهنا والشفا...

والله واستويت الشيف غفران...اتحدا الشيف اكس ويا البيض والطماط ماله

:a58:

[Nathyaa]

عاااااااااااااااااااااااااااااااااااااشت الشيف غفراااااااااااااااااان

[VIP]

يسلالالالالالالالالالالالالالالالالالالالالالالالالام في طبخه اليوم عاد والله من زمان مو مار مطبخ المنتدى شغل عدل اكلات عجيبه شهالشغل الزين يالذهبي يعطيك الف عافيه

[بنت السويدي]

فديتنا والله نحن البنات نعرف نطبخ الحمدلله

[Nathyaa]

حلات قلبنا والله

[ROLZ]

احم :a45: العزوبيه مشكله ذهبي هههههههههههههههه خليت البنات يتشمتون ياخي دق على المطعم واطلب الي تبي يابعد راسي صار موقفنا صعب احنا الشباب عقب هالحلو ههههههههههههههه:a54:

[Nathyaa]

ههههههاااااااااااااااااااي

علشان تعرف بنات المنتدي مايقصرون ويا اخوانهم انتو بس تدللوا

صج بالنهايه راح تطلع عليكم اغلي من بيع السوق الطبخه بس كافي ان البنات ماقصروا هههههههههه

[ROLZ]

هاههههههههههه

[غفران-الامارات]

وتكااااااااااااااااااااااااااااااااااااكك


اسمحلي الذهبي والله انا اليوم مخي مقفل..

انشالله ..يوم بذكر شي بكتبه ..


ويسلمووووووووو نثيه يعني اعتبر هذا وسام منج..

هههههههههههههههههههههههههههههههههههههههه

[مودي الحساس]

انا اقول

بسكوت نقعه بحليب انطره لمن بتشربه الحليب اخلط قيمر مع ككاو وبعدين صبه فقه وحطه بالثلاجه وخلصنا ..

وبالهنا

[مجرمة قديمة]

حااااااااااضريييين

كم ذهبي عندنا:)


*سلطة الفواكهة بالدريم ويب *


* المقادير *
*_ فواكهة طازجة ومشكلةمثل( برتقال .يوسفي .تفاح.كيوي .عنب .كرز.توت.مانجو.موز)ويمكنك الأختيار منها حسب ذوقك

*_كوبين عصير مانجو جاهز من السوبر ماركت

*_مقادير خلطة الوجة
1
-4 علب دريم ويب
حليب بارد
قشطة (حسب الرغبة )
ملعقتين من عصير الفيمتو(حسب الرغبة أيضا ويمكنك اضافة أي نكهة تريدينها )

"طريقة عمل السلطة (تقطع الفواكهة جميعها بعد تنظيفها وتضاف بزبدية ويضاف اليها عصير المانجو وتخاط جيدا ويراعى أن يكون مقدار العصير أقل من مقدار الفواكهة ثم نضع السلطة في صينية حلى زجاجية وتمدد بالصينية كطريقة تمديد خليط الكيك
"طريقة عمل الديم ويب(نضع الحليب البارد جدا وقليل من القسطة ثم نضيف اليهما الديم ويب ونخلطهما بالخلاط حتى تتكون لدينا كريمة متماسكة ونضيف اليها الفيمتو أن أردنا
***نأتي بالكريمة ونفردها بالتساوي على وجهة السلطة ونزينها بقطع الكرز أوالتوت أو حسب ماتفضل ثم نضعها بالثلاجة حتى وقت تحضيرها
عند تحضيرها تقطع قطع متوسطة قطع المكرونة بالباشميل وتوزع بالصحون

[مجرمة قديمة]

كيكة اللوز
=========


المقادير:
=========
3 شرائح دائريه من الكيك الاسفنجي
ربع كاس شيره او اي عصير تفضلينه
كاس كريم باتسيير
2 كاس كريمه الزبده
اصابع طويله من كريمه الغناش ((كاس كريمه طازجه - نص كاس شكولاته خام مبشوره)) تغلى الكريمه على النار ثم ترفع عن النار ويضاف اليها الشكولاته المبشوره ونحرك جيدا لنحصل على كريمه الغناش تترك لتبرد ويسهل تشكيلها
ربع كاس من شرائح الللوز

الطريقة:
================


نضع الطبقه الاولى من الكيك ونسقيها بالشيره
نهدهنها بعد ذلك بالكريم باتسيير ثم نضع الشريحه الثانيه من الكيك تكرر هاذه الطريقه ختى اخر شريحه من الكيك
ندهن جوانب الكيكه بكريمه الزبده ونضع على الجوانب شرائح اللوز
نضع اصابع الغناش كما في الصوره وتجمل بالكريمه الموضوعه في كيس التزيين

[مجرمة قديمة]

حلاوة البسكويت بالقشطة

المقادير:
علبتين ونصف بسكويت
2 علبة قيمر
2 ملعقة أكل كاكو

الطريقة:
1. يفتت البسكويت إلى قطع متوسطة.
2. يمزج القشطة مع الكاكو.
3. يضاف البسكويت إلى المزيج ويلف في الألمنيوم على شكل إسطوانة.
4. يوضع في الفريزر لمدة 2-3 ساعات.
5. يزال الألمنيوم ويقطع على شكل دوائر.

[مجرمة قديمة]

عصائر رائعه
*******************


* المقادير:


موزتان + ما بين 2 أو 3 أكواب من الفراولة + كمية مماثلة من المانغو المقطع إلى شرائح صغيرة + علبة عصير عنب أو مانغو، أو مشمس أو خوخ باردة + علبة متوسطة الحجم من الزبادي الخالي من الدسم + ملعقة عسل (يمكن الاستغناء عنها) + ملعقتان فستق مطحون (ايضا حسب الرغبة)


* الطريقة:


توضع كل المقادير ما عدا الفستق في الخلاط الكهربائي وتخلط جيدا ثم تسكب في أكواب وتزين بالفستق المطحون. يمكنك ايضا تقسيم المكونات إلى قسمين. الأول يتكون من المانغو والثاني من الفراولة، وبعد خلطهما، كلا على حدة، تسكبينهما في آن واحد في كوب التقديم للحصول على لونين مختلفين.