اخيرا عرفنا لماذا يلحق الشباب البنات بسياراتهم حتى بيوتهن ! [الأرشيف]

غفران-الامارات

21-01-2005, 10:22 PM

فكرنا وفكرنا وفكرنا واستخلصنا النتيجة التالية , يا عيني على افكار كنا بتهبل وتسطل , اكيد رايحة تعجبكم افكارنا؟! وبصراحة الي فاهم يفهم والي مش فاهم بلاش.. بد نا الواحد يحك دماغه معنا خليه يفهم المعنى الي بين السطور...

ليش مثلا البنت الي بتمشي بالشارع بلحقها الشباب بسياراتهم؟!

استخلصنا هذه الاسباب

1- يمكن خايف عليها انها تضيع بالشارع .

2- يمكن خايف عليها من اولاد الحرام ومن الشباب الصايعين.

3- يمكن مشبه عليها.

4- يمكن يبغي يعرف وين بيتهم علشان يشتريه.

5- يمكن يكون سكران ومش داري بحاله.

6- يمكن البنت تعبانة وحب يعطيها حبة لوجع الراس.

7- يمكن يبي يعرف وين بتروح هالبنت.

8- يمكن تتعب البنت بالشارع فلازم يكون موجود علشان يساعدها.

9- يمكن تندهس... يعني تصدمها سيارة , فلازم يكون موجود علشان يتصل بالاسعاف بسرعة.

بس تعبنا<<<<< ظاهرة الشباب المتسكع في السيارة اصبحت عادة يومية.

مافيه اي سبب بالدنيا يخلي شاب يلحق بنت على البيت الا سبب واحد!

ودكم تعرفوه؟

*

*

*

*

*

*

*

*

*

السبب هو..
شو رايكم انتوا شاركون بارائكم وافكاركم

Nathyaa

21-01-2005, 11:25 PM

يسلمووووووووووو لاحلي بنت اماراتيه بالدنيا علي الموضوع

السبب يا قلبي معروف الشباب يلحقون البنات لتكون بينهم علاقه غير شرعيه يعني يغازلها بالعربي

والله ودي اعرف الحين الريال لما يلحق البنت يرضي ان واحد ثاني يلحق اخته ؟؟؟

عاملوا الناس كما تحبوا ات تعاملوا

الذهبي

22-01-2005, 02:48 PM

لأ

يبي يشوف شو أسم خدامتهم

أكيد يبي يرقمها بعد

تدرون ليش لإن البنات هم الملقف الأيام هذي هم اللي يدورن السوالف

اطالع الريال وتضحكله وآخر شي ماتبيه يلحقها

....

مشكورة أختي على طرحكِ الموضوع وإنحلت المشكله بسرعه :)

البنات يدورن السوالف تضحك وتبتسم وتغمز بعينها .. (مغازل قديم ) وبعدين تقول لا تلحقني

ونثيه ترضين وحده تضحك لأخوج وتغمزله :)

بس من جانب آخر

البنت المحترمه اللي تمشي سيده وبعدين يلحقها إنسان فهذا واطي وبينت التربيه (( عفواً أخواني ))

فمان الله

:)

غفران-الامارات

22-01-2005, 08:23 PM

صح كلامك يا الذهبي...وانا معاك في هاي النقطة وبعد الشباب نفس الشي ..اذا غمزت والا ما غمزت له...تراه هو يلحقها...ع ما اعتقد هذا كله يرجع في البيئة اللي هو عايشنها..والتربية..

عن نفسي انا بقولكم اذا كنت متغشية قاموا ورقموني واذا كنت كاشفة عن ويهي ما يرقمون ليش..؟؟

بس بعد كم سنه انا اكتشفت ليش يرقمون البنت المتغشه لان الشباب عندهم فضول يبون يعرفون شكل البنت هل هي حلوةوالا لا...اما اذا كنت كاشفه عن ويهي لاني اكون منزلة عيوني في الارض وما اعطي حق الشباب ويه..بس ما اقول لكم في بعض الشباب ملقوفين لازم وغصب طيب لازم يرقم...

الله يهدي البنات والشباب هالزمن..

xKuwaityx

22-01-2005, 09:21 PM

هههههههههههههههه
لا أكيد الشاب لما يلحق البنت ليمه بيتهم يبي يخطبها من اهلها :)
لأن الي يبي يرقم ... ما يلحق البنية لي البيت... :)

----------

انزين و البنية إلي تلحق الشاب لي البيت؟! شنو هدفها؟! :a74:

عسوووله

22-01-2005, 11:27 PM

وانا اقول ان الشباب اذا البنت عطتهم ويه ولا ماعطتهم نفس الحاله يلحقونها وغصبن عنها تاخذ الرقم بس البنت اللي تحترم نفسها تعرف شلون تتصرف يعني لو يموت ما تعطيه ويه واكيد اهو ماراح يرضى هالشي حق اخته اكييد والاهم هذا كله يعتمد على التربيه اولا واخيرا
والف شكر لج اختي على هالموضوع

بنت السويدي

23-01-2005, 02:27 PM

اكس كويتي منو قالك والله هالايام الواحد يوم يلحق البنت عسب يرقمها حتى لو البنت مالهاخص بهالسوالف وفحالها لازم يرقمها غصب طيب تاخذ الرقم لان الشباب ماعندهم لا شغله ولامشغله يعني فاليوم 66 وحده يرقمها ولا لازم يكون الرقم سهل وينحفظ بسرعه من عسب انهم يحفظونه ويكون سهل عليهم لا عسب الوحده يكون سهل عليها للحفظ عسب ماتلجأ للورقة والقلم خخخخخخخخخخ ابا افهم شي واحد الشباب مايتعبون من كثر الترقيم والله حد يجاوبني على سؤالي لاني لين الحين ماحصلت الجوااب ؟؟؟؟؟؟!!!

Nathyaa

23-01-2005, 04:02 PM

والله ان الريال اذا يبي يرقم البنت حتي لو تلعن خيره هم يرقمها

موشرط اذا عطته ويه ولا لاء

ياذيها

الشاب : تبين الرقم يا حلوه

البنت : لا

الشااب : ليش

البنت : وانت شكو صج ماتستحي علي ويهك

الشاب : تمونين يا كيكه

البنت : صج مو متربي

الشاب : خلاص ابيج انتي تربيني

البنت : والله اذا مارحت راح اصرخ وانادي الشرطي

الشاب : انا ناطر الشرطي علشان يرفع قضيه عليج لاني سرقتي قلبي

بالله شتردون علي هالمليغ

بنت السويدي

23-01-2005, 05:51 PM

هههههههههههههههههههههههههههههههههههههه

نثيوه انتي بروحج سويتي قضيه ثانيه خخخخخخخ

والله الشباب مشكله كبيرة مالها حل نهائيا لو بنيلس نتكلم لين باجر ماراح انخلص منهم

Nathyaa

23-01-2005, 07:06 PM

والله ذاك اليوم سمعت صراخ براااا المهم طليت من الشباك الا خدامتي يايه ركض

يوم وصلت فوق شقتي :

نثيه : اشفيج اتصارخين ويايه ركض ؟

الخدامه : مدام هذا شباب كويت مشكله

نثيه : ليش شصاير ؟

الخدامه : هذا ريال كويتي يقول تعالي مع انا اعطيج 10 دينار

نثيه : ليش مارحتي يا غبيه علشان تطلعين معاشج لوووووووووولي

الخدامه : لا ماما هذا شباب كله وصخ

شفتوا اشلون !! حتي الخدامه مافتكت منهم

غفران-الامارات

23-01-2005, 07:06 PM

اكس كويتي انا بجاوبك...عشان البنت تخطب الريال من اهله ..والا انت شو رايك...

صح كلامكن يا بنات...

Nathyaa

23-01-2005, 08:11 PM

لاااااااااا غلط كلامج

انا اقولج ليش

البنت تلحق الريال علشان تقوله ابي صورتك اخرع فيها عيالي

xKuwaityx

24-01-2005, 12:11 AM

هههههههههههههههههههههههههههههههههههه
شرشحتوو الرياييل صــــــــح

لحظه برد على وحدة وحدة (يعني شوي شوي):

بنت السويدي:
مافيه شي اسمه غصب ترقم البنت... اذا الشاب طلع من الحثالة و لاحق بنت ما تبي تاخذ الرقم ... و بعد ما يلعوزها تاخذ الرقم؟! ...ولي بتقول يمكن تاخذ الرقم عشان لا يأذيها؟! يمكن اهلها شافوها واهي تاخذ الرقم شنو يكون موقفها؟! ... والله تلقاها تسوي هالحركة يعني ثقيلة و بنفس اليوم تدق عليه..... الشباب ما يتعبون من الترقيم؟! والله لو البنات يصيرون أحسن من جذي جان شفتي ما شفتي الشباب يرقمون... ولا اكون بنية مطلعه نصف صدرها و لابسة لبس ضيج إلي غصب تتحرك فيه و تغمز حق الشباب و تبين الشباب ما يتحرشون فيها؟! ....

نثياااا:
اخذوني انا قدوة ... انا امثل الشباب... وهذي ردة فعلي بهالموقف:

طبعا الحين شفت وحدة شزينها و شحلاتها و ضحكتلي و ضحكتلها ... رحت و قلتلها:

بوإكسات: قوة, الصراحة انتي عاجبتني و حاب اتعرف عليج ممكن ولا لأ؟!

البنية: لأ! (بكل وقاحة تقولي لأ .. و انا انعجبت فيها :( )

بوإكسات: مشكورة و آسف على الإزعاج... (وكان الله غفور رحيما)

والله يا نثيااا .. مو بس انا ... وايد شباب فاهم و يتفهم الوضع ... يسوي مثل الموقف إلي قبل... اما إلي تقولين عنه... يتقبل الإهانات ... هذا انسان حثالة (سوري على الكلمة)

غفران - الإمارات:
شلون البنية تخطب الريال؟!... انا اقولج شنو رايي... فيه بنات حثالة مثل الشباب الحثالة إلي تكلمت عنهم.... ناس فاضية.. ما عندها غير التحرش بخلق الله ... و الرقص و المصخره ... كل يوم حفلات و مغازل .... مابي اتكلم بعد لأن راح اخورها من الحره إلي فيني :|

Nathyaa

24-01-2005, 12:28 AM

كويت بو اكساااات

كلاااااامك صح مئه بالمئه بس فئه قليله جداا اللي تتعامل بهالطريقه يعني تقدر تقول 20%

اما 80 % من الشبااااب فانا اعتبرهم بتكس اللي يلزق وما يطلع

بنت السويدي

24-01-2005, 12:39 AM

هههههههههههههههههههههههههههههههه

بو اكساااااااااات :mh93:

بس بعدني اقول انه الشابا اكبر مشكله فالمجتمع والصعب ان الواحد يحلها

الذهبي

24-01-2005, 01:27 AM

البنت : تبتسم

الريال : هذي اطالعني

البنت : تمشي واطالع وراها

الريال : هذي تبيني ألحقها

البنت : تبتسم من بعيد

الريال : صج إني مزيون

البنت : ابتسمت مره ثانيه .. لحقها الريال

الريال : ألحين أرقم

البنت : قاعدة تمشي على حبه ونص

الريال :: يقول .. مساء الخير

البنت : ساكته .. يابختي عليها

الريال : يبا أنا مستعيل والصراحة عجبتيني وايد بكل شي مشاءالله

البنت : بنات الديرة وايد روح دور على غيري الله يرزقك

الريال : وين ألحق البنات وأنتي الحلا كله

البنت : قاعدة تضحك شوية واطيح ظروسها

الريال : أحم أحم

البنت : يالله عطني رقمك بسرعه قبل لاأحد يشوفنا

الريال : هاج رقمي وامانه دقي لإني تعلقت بهالجمال

البنت : ساكته

هذا كل اللي صاير بالديرة والله يستر

أما البنت المحتشمه وماشيه سيده صدقوني ماكو أحد يلحقها وكل شي على راس الشباب

أقولكم البنات يدورون السوالف وخاصة الجياكر

موقصدي شي

فمان الله

بنت السويدي

24-01-2005, 02:30 AM

ههههههههههههههههههههههههههههه

يسلمووووووووووووووووو يالذهبي

Nathyaa

24-01-2005, 09:32 AM

البنت : يالله عطني رقمك بسرعه قبل لاأحد يشوفنا

هههههههههاااااااااااااي متاكد انها بنت ؟؟؟

المشكله شبابنا الحين مايدورون الا البنت الثقيله اللي ماتعطي ويه اما الخفيفه مايحبونها

الريال: اخيييه عليج

البنت : صج قليل ادب

الريال : عطيني ويه

البنت : من زينك شوف خشمك جنك خيمة سيرك

الريال : اموت انا

البنت : المقبره قريبه

الريال : في مجال

البنت : قسما بالله اذا مارحت بالنعال علي ويهك انت شوهت سمعتي وانت ماشي وراي

الريال : اموت بالثقيله انا

البنت : اتطنشه

الريال : انزين دقي علي ابيج ضروري

البنت : ماترد عليه

وتستمر الحلقه الي ان توصل البنت الي بيتها

ومن الصباح الباكر وهي نازله الي سيارتها تبي تروح الدوام تلقي الرقم محطوط بيدت البال او بالمساحات

هذولا شبابنا

xKuwaityx

24-01-2005, 08:41 PM

نثيااااا:
بس 20% ؟! ... لا انتي وايد ظالمه الشباب...
إذا بمشي على طريقتج ... تره عادي احط 90% من البنات صايعات؟! تدرين ليش لأن انتي ماخذه النسبة من الشغلات الي تشوفينها بره... يعني انا الصراحة كل ما اطلع اشوف بنات فصع شكثر... و نادر ما القا وحدة زينه.. لأن الزينة ما تطلع كل يوم بره و تهيت.

----

بنت السويدي:
الشاب بريء صدقيني :a63:
اما البنات :evil_lol:

غفران-الامارات

24-01-2005, 10:48 PM

اقول الذهبي تراك وايد شايف عمرك...الخسف اذا بنت عطته ويه بيقول انا جميل..ومناك تحصله ساير الصالون ومسوي حمام بخار وشي من جذي...

تعرفون الحينا ليش الشباب ما يرقمون وايد الحينا ...الله يخلي الانتر نت...مسهل العملية ..اكلمها في الشات وبعدين ادخلها عندي في المسن وبعدين شوي شوي اقول لها اتصل بنتكلم ويا بعض شوي ويوم يومين يقول لها طرشي صورتج بعد ما يقص عليها وبعدين ..يقول لهابتطلعين وياي والا بنشر صورتج وبعدين ..تطلع وياه وبعدين يدق فيها خيانه..ونشر الصور...الله يكون في عون الجميع..

Nathyaa

25-01-2005, 12:13 PM

اكس كويت : انا مااقول كل الشباب انا اقول الاغلبيه يعني فئه كبيره منهم تتصرف بهالطريقه

غفران : والله صاجه تدرين ليش

( الرجل شيطان بملابس انسااااان )

اللهم اني اعوذ بك من ابليس ومن مكر الرجال

بس هم ارجع واقول مو كلهم في شباب والله زقرتيه بس احنا نتكلم عن الاغلبيه

بنت السويدي

26-01-2005, 12:37 PM

صدقتوااااااااااا يا بنااااااااااااااااااااااااااااات

الريايل مثـــل>>>>>>>>>>>>>>>:sa7l. (53

صدقتي يا غفرااااااااااان الحين عميلة الترقيم فالنت والله دش اي جات او اي موقع وين مكان الاهداءات راح اتحصل ارقام تليفونات بالهبل حاطينها فالاهداءات والله شباب اخر زمن صدق ماشي شغل عندهم غير الترقيم ويرمس فلانه وعلانه ماعندهم شغل غير التليفون وترقيم البنات

Nathyaa

26-01-2005, 06:59 PM

الغلط مو علي الريااااااااااااال

الغلط علي البنت انها تسمح ان هالشي يصير

لان الريال مثل الذئب يحب ان يتلذذ بتعذيب الفريسه

انا اقول مو الكل ولكن الاغلبيه

xKuwaityx

26-01-2005, 10:35 PM

نثيااا يعني بتوخرين الشبهه كل شوي تقولين "انا اقول مو الكل بس الأغلبية"!!!!!!
هههههههههههههه
لا مو الأغلبية ... الأقلية... وخاصة إلي اييون من بعض المناطق ... و انتي عارفه عن اي مناطق انا اتكلم ;)

بنت السويدي

26-01-2005, 11:00 PM

شو قصدك يا اكس انا مافهمت لاتتكلم بالالغاز انا ابا اعرف انت تقصد منو !!!!!!؟؟؟؟

Nathyaa

27-01-2005, 01:07 PM

هههههههههههه

صح كلامك يا بواكساات

بس هالبنات معروفات بقذارتهم وهذي تعتبر شغلتهم ومدخولهم الشهري

انا معاك 100 % بالنسبه للفئه هذي من البنات

بس انا اتكلم عن بنات الديره

غفران-الامارات

27-01-2005, 01:46 PM

تبون الصدق يابنات انا اشوف في زمنا هذا الشباب يتحادون ويا بعض منو اللي عنده بنات اكثر ويرمس بنات...ومنو يرقم اكثر وكم وحده بتتصل فيها..يعني يعمل له احطياطات من البنات..

اما البنات يتحدن منو من الشباب عنده فلوس وايد..ويغرقها بالفلوس...

صح نسيت اذكر لكم ان في مرة كانن البنات يكتبن ارقاتمهن في العباية على شكل حروف بما معناه ارقام تليفوناتهم.

وبنات اللجيران يرقمون الشباب بنفس الطريقة بعد يحطون رقمهن بسيارة ولد الجيران...والشباب نفس الشي

هذا هو زمنا والا شو رايكم..؟؟؟:a132:

ويسلمو ع اللي رد ع هذا الموضوع

Nathyaa

27-01-2005, 09:10 PM

لا ياغفران غلط

بنات الاصل والفصل مايسوون جذي بنات الحمايل مستحيل يسوون جذي

اللي انتي تتكلمين عنهم هذول حثالة البنات

الذهبي

30-01-2005, 12:22 AM

نثيه

***

البنت : يالله عطني رقمك بسرعه قبل لاأحد يشوفنا

هههههههههاااااااااااااي متاكد انها بنت ؟؟؟

المشكله شبابنا الحين مايدورون الا البنت الثقيله اللي ماتعطي ويه اما الخفيفه مايحبونها

الريال: اخيييه عليج

البنت : صج قليل ادب

الريال : عطيني ويه

البنت : من زينك شوف خشمك جنك خيمة سيرك

الريال : اموت انا

البنت : المقبره قريبه

الريال : في مجال

البنت : قسما بالله اذا مارحت بالنعال علي ويهك انت شوهت سمعتي وانت ماشي وراي

الريال : اموت بالثقيله انا

البنت : اتطنشه

الريال : انزين دقي علي ابيج ضروري

البنت : ماترد عليه

وتستمر الحلقه الي ان توصل البنت الي بيتها

ومن الصباح الباكر وهي نازله الي سيارتها تبي تروح الدوام تلقي الرقم محطوط بيدت البال او بالمساحات

هذولا شبابنا
هذولا شبابنا

***

ماأشوف كلمة ( الأغلبية ) بالموضوع .. وشكراً

------------------------
غفران-الامارات

ترى نحمدالله ونشكره متواضعيين ولله الحمد ولا في بالنا شي
أما النت فهووقت فراغي الشخصي لا أكثر بل أقل

أتمنى بأن النقاش يظهر بصورة جميلة

فالشباب دائماً اللوم عليهم

Nathyaa

30-01-2005, 12:48 AM

وي صح نسيتها

الله يذكرك الشهاده قول امين

طبعا في جمله نسيت احطها واشكر الذهبي انه ذكرني فيها :a45:

بالنسبه لوجهة نظري للشاب انا اقول مو كلهم بس الاغلبيه

:m07:

g6waa

31-01-2005, 05:07 AM

http://www.kwety.net/kwety1/q8/t.gif

_____________________________

تسلمين غفران -الامارات على الموضوووووووووووووووع لوول

`v´
( `·.¸
`·.¸ )
¸.·´
( `·.¸
`·.¸ )
¸.· )´
(.·´
(*_*) g6waa (*_*)
¸.·´¸.·´¨) Miss (¨`·.¸`·.¸
(¸.·´( * Myaaaaaaaaow * ) `·.¸)
(¨`·.¸`·.¸ ¸.·´¸.·´¨)
`·.¸)

غفران-الامارات

01-02-2005, 07:22 PM

يسلمووووووووووووووووووووووو ع المرور حبايبي

غفران-الامارات

01-02-2005, 07:27 PM

الذهبي وانا وحليلي وايد ادافع عن الرياييل بس هاي نثيه وبنت السويدي...

Nathyaa

02-02-2005, 01:35 AM

ههههههههههه قطيتيها براسي يا غفران

غفران-الامارات

04-02-2005, 02:38 PM

تستاهلين دوااج يوم اقولج وقفي ويا الرياييل ما اطيعين...

لوووووووووووووووووووووووووووووووووووووووووووووووووول

انا بخبركم مرة استوى لي موقف كنت مرة يايه من بيت اختي وواحد شافني وكانت وياي بنت السويدي وعيال خواتي صغارية اثنينه...

كان جدامي مسرع وانا يعني متوسطة السرعة وقدامه كان بيك اب صغير وانا ما كنت ادري الحبيب اجاوز البك اب وانا اتفاجات به..وما عرفت شو اسوي الا بنت السويدي اتفر السكان ..وقات السيارة اتروح يمين يسار وما قدرت اتحكم فيها...وقلت خلاص يا في النخيل او في الرصيف الثاني وسلمت امر لله ..بس لما سمعت اصوات الصغارية يصارخون قلت لا..لازم اصيطر ع السيارة والحمدلله وبحكم الله وقدرته ..ما اعرف كيف اتحكمت بالسيارة ورديت البيت وانا ميودة قلبي..بس النذالة اللي كان يلحقني...لحقني لين باب البيت صدق انه سبال وما يستحي..

الحمدلله والشكر

Nathyaa

04-02-2005, 03:09 PM

علي فكره وايد صارت حوادث للبنات ووايد ماتوا من البنات بسبت مطاردة الشباب لها

انا مره كنت ابي اتمشي علي البحر كنت انا اسوق ومعاي صاحبتي مرينا شرينا من البطه المرحه صمدي المهم كملت طريقي لين طوار البدع ابي اخذه فوق تحت وكانت ورانا 3 سيايير شباب لاحقينا هم توقعوا اني باخذ الدوار يمين واورح لين دوار الجوازات وانا كنت ابي اخذه يسار والله حشروني حشره بينهم ماقدرت اسوق لاضطريت اني اكمل الدوار سيده لاني لو بلف راح ادعم

الذهبي

07-02-2005, 01:20 AM

ملاحظة : يفضل نبدأ موضوع آخر وهو :a15:

الغرور

غرور البنات : موضوع عجيب

على قولتهم أنا مرة صارلي موقف وانا مرة صار فيني هالموقف .. يمكن أنا أعتبرها غرور وغيري لا

:mh11:

قصدي النقاش فقط

:)

الذهبي

الله يستر

Nathyaa

07-02-2005, 07:54 AM

لووووووووووووووولي

لما وحده تقول انا مره باي موضوع نقاش هذا ماله شغل بالغرور لانها قاعده تستشهد بمثل لتوصيل فكره ما عن الموضوع بشكل مبسط وسلس

قلب علينا الذهبي هههههااااااااااااااي

http://www.kwety.net/kwety1/q8/gal2.gif

الذهبي

07-02-2005, 11:11 AM

لأ يمكن تبي تبين إنها حلوه ههههههههههههههههههههههههههههههههههههه

Nathyaa

07-02-2005, 11:27 AM

مو فخر لما ريال يلحق بنت تري صعبه حيل علي البنت

انا اتكلم من منطلق وجهة نضري انا عمري مافتخرت ان رجل لحقاني واذا كنت ذكرت سالفه صارت لي فهذا يعتبر نوع من الاستشهاد بالامثله والدلائل

http://www.kwety.net/kwety1/q8/toto21.gif

بنت السويدي

19-02-2005, 10:23 PM

انا ابا اعرف يوم الشباب مايرضووون على خواتهم يوم يشوفون واحد يلحقهم هم كيف يسوون هالشي ويلاحقون بنت الناس والا حلال عليهم وحرام على غيرهم :a35: شي غريب الصراحه

الذهبي

20-02-2005, 01:52 AM

انتوا ماعندكم الا هالجمله دوري غيرها

وانتوا شعندكم تلاحقون الشباب هااااااااااااااااا ماتحجين

هههههههههههههههههههههههههههه مااعرف أعصب

بنت السويدي

20-02-2005, 02:14 AM

هههههههههههههههههههههههههههههههههههههههههههههههههههههههه

حلووووووووووووووووووووووووووه لووووووووووووووووووول
v
v
v
v
v
v
وانتوا شعندكم تلاحقون الشباب هااااااااااااااااا ماتحجين

انا اخاف من الشباب وتباني الاحقهم حرام عليك انا بعيد الحمدلله

Nathyaa

20-02-2005, 02:00 PM

منو اللي يلحق الشباب ؟؟

تري ماتلحق الريال الا البنت الطايح حظها

والبنت الشريفه ماتلحق الريال

وبعدين شكو تبصبصون علي البنات وتصورونها بالموبايلات

انا بصراحه ماالحق الرياييل واذا لحقتهم تري بس بعرف شنو نوع السيجاير اللي يشره هههههههههههاااااااااااااااااااااااي

بس انتوا يا الشباب مايبقا وحده بالشارع الا لحقتوها حتي لو خروفه لا بسه عبايه هم لحقتوها

ليش يعني ليش

ابي تفسير منطقي

xKuwaityx

22-02-2005, 09:11 AM

مو يقولج يا نثيا الشباب هاليومين يمشون على المثل إلي يقول:
"قزر بأي شي حتى لو كان مو شي" هههههههههه

بس الحمدالله انا من المعارضين لهذا المثل x:

Nathyaa

22-02-2005, 10:15 AM

هههههههههههههههههههههههههه

خوش مثل

سمعتوا يا شباب

ومن افواهكم ندينكم

بنت السويدي

23-02-2005, 07:59 AM

نثيوووه خليهم ماعندهم شي يقولونه

xKuwaityx

23-02-2005, 08:21 AM

اوووه جني توهقت @@
لحظه أرقع لعمري....

نعم ولكن هناك الكثير من الشباب المعارض لهذا المثل... و ازدادت المعارضة خلال الشهرين السابقين... و الحمدالله تم إلغاء هذا المثل و تم تغييره إلى:
" وخر عن الشر (البنات)... و غنيله!
شكراً

بنت السويدي

23-02-2005, 12:51 PM

لوووووووووووووووووووووووووووووول

اخيرااااااااااااا انسحبتواااااااااااااااااااا

خخخخخخخخخخخخخخخخخخخخخخخخخخخخخ

ويييييييييييييييييييييييييييييييييييو

Nathyaa

23-02-2005, 01:03 PM

للووووووووووووووووووووووووووولي

الاعتراف سيد الادله

نعم صحيح

ليش الغلط في ان يخطأ الانسان ولكن الغلط في استمراره بالخطأ

هههههههههههااااااااااااااااااااي

بنت السويدي

23-02-2005, 07:14 PM

هـــــــــــــــــــي والله صدقتي siso

شباب ماشي شغله غير ملاحقت البنات وبس والله يوم هم يقولون انه البنت تلحقهم ليش هم يعطونها ويهه تراهم هم الي يشجعوون البنت اتسوي هالشي واخر شي يعقوون السالفه عالبنت ولله فلانه هي الي رقمتني وسوتلي وماعرف شووووووو مب علينا هالسوالف فالاخير هم الي يبدأوون

Nathyaa

23-02-2005, 07:21 PM

سويديه مالج شغل فيهم نصابين

ماكو بنت تلحق ريال

بس هم يبون يديرون السالفه علنا

بنت السويدي

01-03-2005, 11:51 AM

اعرف فيهم

يبوون يتهربوووون من السالفه ويخلون عمارهم ملائكه جدامنا بس مايقدروون كيف

والا الحين اتشوفين الواحد يرمس اكثر عن وحده بس مب علينا نحن البنات لووووول

الذهبي

01-03-2005, 01:58 PM

وإذا خاطبهم الجاهلون قالوا سلاما

:)

بنت السويدي

01-03-2005, 07:26 PM

يالذهـــــــــــبي وضح الي قلته

Nathyaa

01-03-2005, 07:56 PM

thx الذهبـــــــــــــي

الذهبي

04-03-2005, 02:44 AM

قوله تعالى : ( الرجال قوامون على النساء بما فضل الله )

تقدرون تقولون شي هههههههههههههههه

سايلنت :)

لكم معزه كبيره يابنات المنتدى

بس أدري نثيه بطلعلي شغله يديده ألحين :(

جمايل

04-03-2005, 02:49 AM

هم انت لك معزه بقلوبنااا الذهبي بس هم ماتستغنون عنا

المجتمع بدون مرأه لا يسما مجتمع:) لو خليت خربت

وايذا انتو قوامون على النساء فان النساء اذكى وادهى منكم

والدليل قوله تعالى ( ان كيدهن عظيــــــــم)

الذهبي

04-03-2005, 02:59 AM

ههههههههههههههههههههههههه غاليه ياجمايل

أما من الناحية هذي صاجة ( ان كيدهن عظيــــــــم ) الله يستر منكم

:)

Nathyaa

04-03-2005, 12:22 PM

ورااااااااااااااااااااااااااء كل رجل عظيم امرءه

يعني بدونا ماراح تصيرون عظماء

الباحث عن العظمه وعن المرتبه الكبيره بالمجتمع يجب عليه اولااا البحث عن امرءه تعلمه كيف تكون العظمه وشنو يسوي

يعني المرءه هي اللي تبني شخصية الرجل

الذهبي

04-03-2005, 01:54 PM

ههههههههههههههههههههههههههههههههههههههه

Nathyaa

04-03-2005, 05:48 PM

اكتفي بهالاجابه يا ذهبي

اللي اعطت المرءه حقها باهميتها بالجتمع

وهذه الضحكه انا اعتبرها اقرار منك بصدق كلامنا

الذهبي

06-03-2005, 02:19 AM

وأنا كلي تحت أمركم

بس مو المرأة أهي اللي تبني شخصية الرجل

أنا معاج أكيد مو يمكن الا أكيد بعد أن المراة تضيف رونق جميل للحياة ولها اهمية كبيرة بس مو اللي تبيه المراة يسويه الرجل والله ترد عكسيه عليهم كلهم ..
لإن الطمع مو مهضوم حقه والإنسان طماع صدقيني ترد عكسية يانثيه

التوازن بين الطرفين شي جميل والكل يتمناه

قايلكم

يالرجل أنت خلك سياسي بكل أمور المرأة ولا تظلمها وأنتي لاتصيرين عبيطه خليج سلسه معاه

تسلمين نثيه على الحوار الجميل

الذهبي

Nathyaa

06-03-2005, 08:08 AM

يالرجل أنت خلك سياسي بكل أمور المرأة ولا تظلمها وأنتي لاتصيرين عبيطه خليج سلسه معاه

تسلمين نثيه على الحوار الجميل

ههههههههههههههههههههههههههه عبيطه مره وحده

عليك مصطلحات مادري من وين تييبها

انا ابي ابين لك دور المرءه ودور الرجل نبذه بسيطه او سؤال بسيط

هل يستطيع الرجل القيام بما تقوم به المرءه من اعمال ؟؟

انتظر الاجابه لابدء معاك ماهو الفرق بين المرءه والرجل

بنت السويدي

06-03-2005, 08:59 AM

شو السالفــــــــــــــــــــــــه :a45:

Nathyaa

06-03-2005, 09:49 AM

السالفه يا محفوظة السلامه

ان الرياييل يقولون ان المرءه مالها دور بالمجتمع

<<<<<<< قلبت السالفه علي طول

الذهبي

07-03-2005, 01:33 AM

أنتي من صجج نثيه

هل يستطيع الرجل القيام بما تقوم به المرءه من اعمال ؟؟ ؟؟؟؟؟؟؟؟؟؟؟؟؟؟؟؟

أنتو شوظيفتكم بعد شقاعدين تسوون المطبخ ومنعناكم منه ( طباخ ، طباخه )

الغسيل وقلنالكم أستريحوا لاتغسلون ( تذكرين المصبغه )

تنظيف البيت الله يخلي معاش الريال اللي يصرف على الخدم

بعد بعد شنو تبيني أقولج

والله مو مركز ولا أقدر أترسلج الصفحة كلها وظائف من وظائفنا اليومية اللي أحنا مستغنين فيها عنكم :) ..

هالمره بخالفج مليون بالميه

والله إذا تحجيتي بزنطج :)

تقبلي التحية غصب أنززززين

الذهبي
:)

Nathyaa

07-03-2005, 07:46 AM

هههههههههه

هل يستطيع الرجل الحمل والولاده والرضاعه والتربيه وتحمل مسؤوليه الاولاد ؟

بانتظار الاجابه

بنت السويدي

07-03-2005, 10:26 AM

نعــــــــــــــــم

ههههههههههههههههههههههههههه

لاتصدقووووووووون اسولف

Nathyaa

07-03-2005, 01:43 PM

طاقه رصيف من قلب سويديه هههههههههههههه

الذهبي

08-03-2005, 12:41 AM

الحمل والولاده

أنا معاج الحمل صح
والولاده لأ .. الله يخلي البنج ماكو عوار ولاأكو إزعاج :)

الرضاعة الله يخلي أنواع الحليب بالجمعيه كل أنواع الحليب متوفر وبكامل الفيتامينات
ونادر اللي ترضع ولدها أو بنوتتها بهالوقت

التربية ومسؤلية الأولاد : أشوفكم قاعدين بالبيت ... عيالكم بس يتحجون فلبيني ومايعرفونكم لأ وينادون الخدامه ماما .

في شي بعد أرد عليه :)

فضفضي نثيه ولي عودة

الذهبي

Nathyaa

08-03-2005, 07:41 AM

الحمل قول الله تعالي ( حملته وهنا علي وهن )

الولاده ياعزيزي مهما ماكان البنج قوي فلابد من الاحساس بالالم عند خروج الطفل

تخيل روح قاعده تطلع من روح

وبعدين تدري ان النفساء ريل منها بالفراش وريل منها بالقبر علشان جذي خلاها الله من الشهداء

يعني اللي تموت وهي نفساء تعتبر شهيده

التربيه وماادراك ما التربيه

انتوا بعيدين كل البعد عنها ماتجابلون البيت 24 ساعه هياته وفراره من ديوانيه لين ديوانيه وين لكم خلق التربيه

اتي رجل الي رسول الله وقال له من احق الناس بحسن صحابتي قال امك قال ثم من قال امك قال ثم من قال امك قال ثم من قال اباك

انا ابي اشوف جرئتك وردك علي هالحديث اللي يبن شنو المرءه وشنو الرجل

بنت السويدي

08-03-2005, 09:43 AM

الحمدلله يالذهبي مانحط عيالنا عند الخدامات

من زينكم تهتمون فعيالكم يالريال ولاتتعبون عشانهم حليلها الحرمه تسهر ويا اليهااال وانتوا فخبر خيــــــــــر والا فالشوارع عند ربعكم ماتتكلموون الا عن البنات والسيارات هاي حياتكم

Nathyaa

08-03-2005, 02:05 PM

اي والله يا سويديه بس شنقول الشكوه لله

الذهبي

09-03-2005, 01:52 AM

جرءتي دائماً موجوده

صدق رسول الله ( ص )

ردي عليكِ بسؤال

قال نبي الإسلام: "اطلعت على النار فرأيت أكثر أهلها النساء"

لمـــــــاذا ؟

آنا بشوف جرءتج بعد ؟

هدي أعصابج قبل كل شي : )

Nathyaa

09-03-2005, 08:05 AM

انا اقولكم ليش اكثر حطب النار من النساء

لانهم يكثرن اللعن ويكفرن العشير

مو لانهم ماالهم اي دور بالمجتمع يا الغالي

ثاني شي اذا تبي تدخل بالدين اوكي انا وياك الي اخر المشوار

تذكر حديث الرسول صلي الله عليه وسلم حين اتاه رجل وقال لهم من احق الناس بحسن صحباتي

مااذ رد عليه الرسول

ذكر الام بالولي والام بالثانيه والام بالثاله ورابعا ذكر الاب ولمره واحده فقط بعكس الام اللذي ذكرها 3 مرات

وهذا تاكيد علي دور المرءه

والاعمال اللي تقول بها والتضحيات اكثر من الرجل

اعصابي هادئه

علي فكره الذهبي الاعتراف بالحق فضيله

يعني لاتكابر ههههههههههههههه

ماراح اهدك