مشاهدة النسخة كاملة : ارتفاع نسبة الزواج من الاجنبيات وانخفاض نسبة زواج بناتنا
Nathyaa
18-01-2005, 07:09 PM
السلام عليكم ورحمة الله وبركاته
لكم وحشه يا احلي اعضاء بالمنتدي
اليوم عندي لكم موضوع وابي اسمع ارائكم وهو الزواج من الاجنبيه اللي تختلف عنا بكل شي من ناحية الديانه والعادات والتقاليد ......الخ
في الوقت اللي يعاني فيه مجتمعنا من نسبة العنوسه للبنات تزيد فيه نسبة الزواج من الاجنبيات !!!
ماهو السبب ؟؟
وهل العيب من البنت ولا الرجل ؟؟
وهل انت مع فكرة الزواج من اجنبيه ؟؟
وشنو الحل من وجهة نضرك ؟؟
بانتضار ردودكم علي الموضوع
وتسلمون لي يارب والله لايحرمني من احلي ردود ومن احلي اعضاء
kuwait
19-01-2005, 06:04 PM
انا اعتقد ممكن يكون من غلاء المهور او يكون من جكر بناتنا
xKuwaityx
19-01-2005, 08:00 PM
موضوع حلووو
الصراحة (انا دايما صريح بهالسوالف) بنات الديرة شحلاتهم و مافيه منهم... بس للأسف معظمهم الحين اختربوو ... قامو يكلمون ويطلعون مع الشباب... يعني الزواج صار شغله صعبه مع إن قبل كان الزواج سهل و مايحتاج تفكير طويل و ترتيبات تعور الرااس.
اما.. الزواج من الإنجليزية.. شغله سهلة و مافيها عوار راس.... اهو صج غلط بس معظم الشباب الحين قامو يفكرون جذي من إلي يشوفونه من بنات الديرة. :(
و فيه سبب ثاني... معظم بنات الكويت متكبرين ... و يبون ريال شكل بس... و جنه الحب صار عيب بالزواج و بالصدقاات عادي ....
Nathyaa
19-01-2005, 08:19 PM
كويــــــــــــــــــــــــــت : الله يعطيك الف عافيه علي مشاركتك بس انا من وجهة نضري بالنسبة لارتفاع المهور ان بالكويت تقريبا فئتين هم الحضر والبدو وبالنسبه للحضر مهرهم رخيص 4000 دينار يعني مو غالي
اما بالنسبه للبدو فعلي حد علمي انهم حطو حد لارتفاع المهور واتفقوا علي مبلغ معين وهم مو غالي
اما بالنسبه للجكر فلعمك الخاص ان بنات الشلرق الاوسط اجممل بنات انا ماادفع عنهم لاني منهم بس انا اقول كلمة حق في ان بنات الشرق الاوسط قمة بالجمال
جمايل
19-01-2005, 08:25 PM
صح كلامج نثيه فعلا غلا المهور الحين قل وصار بنسبه
قليله اما عن الجمال فان جمال بنات الخليج معروف بلوطن العربي كله
وبعدين على فكره اخ كويت الجمال جمال الروح والاخلاق مو جمال المنظر
الرسول قال صلى الله عليه وسلم (اظفرو بذات الدين تربت يداكم) وها المقوله
كافيه ويعطيج الف عافيه نثيه على ها الموضوع المهم
Nathyaa
19-01-2005, 08:29 PM
اكس كويت : ميرسي علي مرورك يا الغالي
بالنسبه ان بنات الكويت يكلمون انت بهالطريقة تشوه سمعت الكويتيات مو كلهم يا الغالي يكلمون ويطلعون في بنات حمايل يا اكس كويت الباب مايشوفونه حتي
حتي لو افترضنا ان بنات الكويت يكلمون قبل الزواج فالاجنبيه تكلم واحد ثاني وهي متزوجه يعني اشكره عينك عين
اما بالنسبه ان بنات الكويت يبون الشكل بس انت غلطان علي فكره الكويتيه اذا فكرت تتزوج اول شي تدور علي رريال ملتزم يعرف اشلون يتحمل المسؤوليه
لدرجة ان اخوانها اذا يا واحد يخطب اخته يروح يسئل عنه بالدواوين وبالدوام ويسئل جيرانه اذا كان يصلي او لاء قبل لا يوافق علي الخطبه
Nathyaa
19-01-2005, 08:45 PM
علي راسي جموله والله افحمتيهم بالرد هههههههي مايقدورن يردون علي كلام الرسول
يسلموو يا عنون نثيه انتي
xKuwaityx
19-01-2005, 11:23 PM
نثياااا.. انا قلت معظم ما عممت ... لأن الكويت فيها 565434234645 بنية .... وكل بنت تختلف عن الثانية طبعا... بس المعظم الحين يكلمون و يسوون خرابيط... و انا ما اخرب سمعة بنات ديرتي... بس هذا الواقع للأســـــــف :/
انا ماقولج إن الإنجليزية احسن من الكويتية... بس الإنجليزية إذا حبت الريال صج تعطيه حقه ... اما الخليجية بشكل عام ما تهتم إلا بنفسها... و انا قصدت إن البنية تبي الريال شكل بس... قصدي إن ما تشاوره بأمورها ولا تدخله بخصوصياتها عرفتي ... زينه بس P:
Nathyaa
20-01-2005, 01:44 AM
يسلمووووو علي التوضيح يا الغالي
شوف كل بنت اذا حبت اخلصت لان تكوين المرءه متشابه
يعني مافي فرق بين الاجنبيه ولا العربيه بالهموضوع كلهم حريم
بس البنت الخليجيه مالقت الريال اللي يستاهل حبها علشان جذي تلقاها ماتحب من قلبها لان الرجال بشكل عام ينضرون للحب علي انه مصالح متبادله
وعلي قولة المثل حلات الثوب رقعته منه وفيه
واذا كل واحد تزوج من اجنبيه عيل بناتنا وين يروحون ؟؟ منو يتزوجهم ؟؟
ماكو اللا تختار رياييل من القمر p:
جمايل
26-01-2005, 01:34 AM
انا لي رد على كلامك اخ اكس اكويتي لا تقارن البنت الخليجيه
عند الاجنبيه لان فيه فرق شاسع بين التربيه والاخلاق والعادات والتقاليد
هاذا اول شي ثاني شي بخصوص الجمال زي ماقلت لك جمال البنات الخليجيات
معروف ومايبي له شرح وموكل وحده تشوفها بشارع اتعمم جمالها على جمال
بنات الكويت كلهم لان فيه بنات في ابيوتهم متسترات وفي قمه الجمال والحلا
اما بنسبه سالفه الخرابيط الي اتكلم عنها صدقني البنت لي تربت عدل وتمسكت
بتعاليم دينها ما اعتقد يطلع منها العيبه وبنسبه لحب الاجنبيه انه اخلص من حب
الخليجيه بلعكس انا اقولك ان الاجنبيه لي حبت وحست بتقصير من زوجها ما اتحمله
واتقطه بلمشاكل بروحه وتقول يالله نفسي لانها متربيه على جذي ومافيه وازع ديني
يحكمها علشان جذي تصير ابشع الجرائم في الدول الاجنبيه بين الزوج وزوجته
على عكس البنت الخليجيه الي توقف مع زوجها وتسانده وتخلص معاه لانها متربيه
على جذي ودينها يحثها على ها الشي عرفت قصدي ؟ ارجو ان وجهه نظري الكل فهمها
واسفه على الاطاله
xKuwaityx
26-01-2005, 01:56 AM
كلام نثياا + جمايل حلوووووووووووو و مضبوط!
واكتفي بــ"لا تعليق" :)
مشكورررررررررررين!
Nathyaa
26-01-2005, 09:34 AM
يسلموووووو جموله وصح لسااااااانج
وبعدين في شغله ثانيه انتوا نسيتوها وهي :
الاولاااااااااااااااااد
شوف تربية الخليجيه لاولادها وشوف تربية الاجنبيه لاولادها
اسئلك سؤال
انت تامن عيالك بيد الاجنبيه تربيهم لك ؟؟
تقدر تطلع وتروح وعيالك بيد الاجنبيه ؟؟
وانت متاكد ان ماعندها وازع ديني
تتوقع عيالك شلون تكون تربيتهم ؟ هلي هي تربية صالحه ومن مسجد لين مسجد ؟ ام تربية فاسده ومن بار لين بار ؟
xKuwaityx
26-01-2005, 10:08 PM
هههههههههههههه
حلوة هذي من بار لي بار P:
بس إذا باخذ اجنبية ... راح اخليها تصير مسلمة طبعاً ... ولا اطلقها!
ياجماعة إحنا شنو يخلينا نتزوج اجنية؟! اكيد في اسباب و دوافع تجبر الواحد يتزوج اجنبية ولا مو حباً فيها ... لأن الاجانب اول شي صعب تتعامل معاهم و فيه فرق بين العادات و التقاليد وراح تصير مشاكل....
جمايل
27-01-2005, 02:12 AM
مهما كان الدافع هاذا مايبررلك انك تاخذ اجنبيه
لانك حكمت على نفسك وعلى اعيالك بلمشاكل
الي مالها حل والي تبتدي باختلاف التربيه
وتنتهي بمشاكل ومصائب صدقني مهما كانت
الاسباب والا الظروف هاذا مايخليك تاخذ اجنبيه
واتخلا عن بنت ديرتك الي با الاخر هي ستر وغطالك
وهم انت ستر وغطا عليها والمشاكل معاها تهون
مع مشاكل الاجنبيه الي مالها حل وصدقني الي ينبني
على غلط واساس اضعيف يطيح ومايستمر وهاذا
حالك لي تزوجت الاجنبيه بعكس لي بنيت حياتك
على اساس قوي مع بنت ديرتك واعتقد ها الاساس
صعب انه ينهز مهما اكثرت المشاكل حوله راح يصمد
واسمحولي على الاطاله:)
Nathyaa
27-01-2005, 01:01 PM
كلامج درر يا قلبي
اوكي اكس كويت انت من وجهة نظرك شنو الاسباب اللي تخلي الواحد يتزوج اجنبيه ؟؟
ناطره ردك يا الغالي
جميع الحقوق محفوظة لـ الشبكة الكويتية