هل صحيح أن الرجل أكثر خيانه من المرأه ؟ [الأرشيف]

بنت السويدي

13-01-2005, 03:16 PM

أغلب النساء يدعون أن الرجل أ كثر خيانه من المرأه ماهى الدلائل والبراهين في ذلك ........؟

وهل الزواج بأكثر من واحده يعد خيانه في حق المرأه في نظر بعض النساء ...................؟

الموضوع للمناقشه ...............:a101:

Nathyaa

13-01-2005, 05:50 PM

الله عليج يا قلبي تسلمين علي الموضوع يا قلبي

بالنسبه للخيانه بوجهة نضري سببها الرجل لانه اول مااخترع الخيانه بالدنيا من قصة قابيل وهابيل حين خان اخوه من اجل ان يتزوج من اللذي يحبها

انا بالنسبه للزواج من ثانيه هذي ماتعتبر خيانه بس تعتبر جرح للزوجه الاولي وتقليل من كرامتها واثارة غيرتها

بنت السويدي

13-01-2005, 07:47 PM

انا وياج بعد يا siso

بس ابا شي واحد بس ان الريال يحط مكانه بدال الحرمه ولو لمره وحده
ابا اعرف بشو بيحس شو بيكون شعوره

:a63:اتمنى هالشي يسويه الريال ولو مره فحياته قصدي يفكر بالموضوع شوي :a15:

><LORY><

13-01-2005, 09:23 PM

اوكي حركة الخيانه

مممممممم :a81:

عندك الرجال اذا بتتكلمين عنهم

ماعندهم عاطفه واللي عنده عاطفه

يسمونه بينهم رجال حساس

لأن ربي سبحانه خلقه انسان خشن

قوي جلف كلله علشان يقدر يأمن

طريقة العيش للمرأه او لنفسه او لعياله

لكن شوفي الحرمه غير ربي خلقها انسانه

عطوفه رحومه قلبها رهيف ماتقدر على اللي

يقدر عليه الرجال. . .

أوكي اقدر اقولك ان السبب في شوفتنا يالبنات

ان الرجال اكثر خيانه هو سبب خشونته ليه ؟؟

لأنه يقدر زوجته يشوف وش كثر يحتاج لها

ويشوف وش كثر دورها في البيت مهم . .

(( لكن )) مهما كان مايفصح لها عن مدى احتياجه لها

او مدى تقديره الا القليل منهم . . لأنه يعتبر هالشي

غريب عليه وماتعود فـ يحس انه ماله داعي من الأساس

والزواج من ثانيه أنا أشوف ان السبب وراء تحليل الشرع

لأربع يرجع لـ . . يمكن الرجال يمر بظروف مثلاً زوجته ماتحمل

او ماتت او . ......... غيرها بس فيه سبب خفي وحكمه جليه وراء

هالأمر أكيد .

_______

أخيراً خلصت أف :a42: بنت السويدي يمديك على الفلسفه:a61:

اتوقع اني حطمت الرقم القياسي في السواليف :a52:

________

بنت السويدي

13-01-2005, 09:40 PM

تسلميــــــــــــن يا لـــــــــــــــــــــوري عالمرووور وعالكلام الي قلتيه

انا وياج يوم قلتي عن الزواج الشرعي وانا وياج اذا كان سبب مقنع انه ياخذله وحده ثانيه بس في بعض الرجال بدوون اي سبب ياخذوون اكثر عن وحده وبدوون اي سبب مقنع يعني اونه يحب التغير ماخذ المسأله بدوون اي اعتبار شو ذنبها الحرمه بلي يسوي فيها الريال وفي ريايل مايحترووم شعور الحرمه للاســــــــف

Nathyaa

14-01-2005, 12:30 AM

وجهة نضرج سليمه مئه بالمئه يا لوري والزواج من فتاة اخري اذا كان بسبب حتي الزوجه تقبل فيه بس في رياييل كثيرين يتزوجون من الثانيه بدون اي سبب

نفس واحد بعد سبع عيال راح يدور له زوجه ثانيه ويوم سئل عن السبب قال زوجتي بارده وموفاهمتني !!!!!

حسبي الله عليه بعد سبع اولاد اكتشف ان زوجته بارده وموفاهمته

وبزواجه الثاني مافكر انه راح يهدم بيته اللي عاش عمر يبنيه لان مافي زوجه تقبل علي نفسها ان زوجها يتزوج عليها وكرامتها ماتسمح لها

اما بالنسبه للخيانه فالرجل السبب الاول له حتي لو البنت خانت وانا ارفض خيانة البنت بس اقول انا فرضا صدقوني يكون الريال هو سببه لانه لو موفر لها كل شي تحتاجه ماراح تفكر انها تخونه

انا بسالكم سؤال البنت شنو تحتاج من الرجل ؟؟؟

فلوس ؟ او قصور ؟ او الماس ؟؟!

الاجابه من وجهة نضري ان البنت تحتاج الحنان والحب والاحترام من الشخص اللي تحبه بس وين اغللي يقدر ؟!!!

بنت السويدي

14-01-2005, 03:43 PM

نثيـــــــــــــــــه صدقتي فكلامج حبوبه======>>الاجابه من وجهة نضري ان البنت تحتاج الحنان والحب والاحترام من الشخص اللي تحبه بس وين اغللي يقدر ؟!!!

صعبه الوحده اتحصل هالشي من الريال الا قليل

Nathyaa

15-01-2005, 08:04 AM

حبوبه في رياييل عندهم حنان متدفق بس نااادر ولو خليت خربت يا قلبي

المشكله ان الحب بهالزمن مصاااااااالح متبادله

بنت السويدي

15-01-2005, 04:42 PM

بناااااااااااااات مب ملاحظيـــــــــــــــــــــن انه ولا شاب داش على هالموضوع :a81:

شكلهم خايفين يواجهوون الحقيقه:a58:

كل واحد من الشباب يباله-------------->>:a73: عبطـــــــــــــــــــنه

غفران-الامارات

15-01-2005, 08:44 PM

ليش بنت السويدي ...ونثية ولوري طايحين بالرياييل...الرياييل صدق انهم هم اللي فتحوا سالفة الخيانة وان الريال هو اللي كان بادي بالخيانة بس خلونا في زمنا الحينا...شو رايكم ما تشوفون ان البنت هي اللي تخون الحينا ...الرياييل حاولوا انهم يتغيرون بس البنات استغلوا هالشي ..والحينا ترا زمن البنات في الخيانة ...

وليش البنت اتسوي جذى لانها تبا تنتقم من الشباب قبل لا ينتقم منها او يخونها ...

الصراحة الحينا البنت والا الرياييل كلهم واحد..
بس اللي يحب يعرف كيف يحافظ ع حبيبه وما بتكون الخيانة ...
وبسكم لا اطيحون بالرياييل ....
والله يهديكم ويهدينا...

وبعطيكم نصيحة اذا حسيتي ان ريلج ايخونج ..حاولي انج تواجهينه وكلميه بطريقه حلوة وحاولي باسلوب حلو تقردنينه الريال تراه شرات الياهل بيعترف لج عن كل اللي سواه وبيتاسف..ولا تعطينه مجال انه يغلط مرة ثانية...

انشالله يا ربي اتكون حياتكم دوم جذي..
:a83:

Nathyaa

15-01-2005, 09:04 PM

يسلمووووووووو بنت غفران وكلامج صحيح مئه بالمثه وانتي قلتيها ان البنت الحين قاعده تنتقم من الريال

انا مو مع الخيانه انا ضدها بس انا قاعده اقول اللي اشوفه هالايام

البنت فعلا قاعده اتخون لانها متاكده ان الريال قاعد يلعب عليها ويبيها لمصلحه معينه

وصدقيني لو البنت شافت من الريال الحب والحنان والاهتمام ماراح تخونه لانها خلاص حصلت علي اللي تبيه

يعني سبب الخيانه الاول هو الريال

><LORY><

15-01-2005, 09:20 PM

غفران مين قال اني طايحه بالرجال

شوفي ردي انا في الأخير قلت :

ان السبب الرأيسي في شوفتنا ان

الرجال أكثر خيانه يرجع مو في كل الحالات

بس الأغلب ان الرجال مايعرف يعبر عن نفسه

لأنه انسان مو عاطفي . . . بالعكس انا حللت

الشخصيه العاطفيه اللي عند المرأه

والشخصيه الجلفه القويه للرجال

وفي الأخير ما قلت مين اللي يخون أكثر

لأن رأيي يقول . . أن كل الطرفين فيهم حقهم

بس نستثني من المرأه انها تدور اللي يعبر لها عن حبه

وهذا اللي مو موجود في الرجال . وسلامتكم

_____

اولا ناثيا ؟؟

Nathyaa

15-01-2005, 09:53 PM

صح لان الريال يفكر بعقله يعني مايهمه البنت

بس البنت تفكر بعاطفتها واذا حبت اخلصت

والخيل علي خيالها تري

وصدقيني لو البنت تحترم الرجل اللي تكلمه ويكون رجل بمعني الكلمه جان ماخانته

شـكـسـبـيـر

16-01-2005, 09:37 AM

السلام عليكم

اشكرك اختي بنت السووووويدي على الموضوع

بس وين ربعنا ماني شايف منهم احد ههههههههههههه

الرجل اكثر خيااااااانه من المراه
امممممم

وانا اقووولكم ان الرجل يخون والمراه تخوووون

يعني الخيااااااااانه موجوده عند الطرفين بس محد يقدر يحدد ايهما اكثر خيانه

=====

نثيـــــــــــــــــه صدقتي فكلامج حبوبه======>>الاجابه من وجهة نضري ان البنت تحتاج الحنان والحب والاحترام من الشخص اللي تحبه بس وين اغللي يقدر ؟!!!

صعبه الوحده اتحصل هالشي من الريال الا قليل

8
8
8
8

بنت السوووويدي اللي فهمته من كلامك ان الرجال لاعندهم لا حب ولا حناااااان
اجل ليش عااااااااايشين في الدنيا ؟
لو كان هالشي صح كان الدينا ما فيه حب وكلها قسووووه

فيه واحد عندنا بالمدينه مجنون نصبت عليه زوجته وصار مجنون
كان مسجل كل شي باسمها

في كل شااااااارع اقاابله والله اول ما شوووفه احزن عليه وادعي له
حالتة تقطع القلب

بنت السويدي

ونفس الشي واحد برضوا نفس حااااااااااااالته والسبب من زوووجته

اكثرررر الرجال مسااااكين اول ما يتلقى الخيانه اول ما يفقد عقله

واللي بقووله لكم

ان الخياااااااااااااانه بالزمن هذا صااااارت عادي عند بعض النااااس

يتلذذ فيها سواء من الرجل او المراه

تحياتي لكم

شكسبير

بنت السويدي

16-01-2005, 10:00 AM

يسلمووووووووووووووووو يالربع عردوودكم والله يخليكم لي يارب

Nathyaa

16-01-2005, 01:09 PM

اخوي شكسبير كلامك صحيح ولا انتقاد عليه

بس المشكله شنو سبب الخيانه ؟؟

لازم انراجع الاسباب وبعدين نعطي الحلول

الاسباب : الرجل شنو محتاجه من البنت سواء زوجه او حبيبه ؟

الاسباب : البنت شنو محتاجه من الرجل سواء زوج او حبيب ؟

هني المشكله ولو عرفنا كل واحد شنو يبي من الثاني والله راح نلقي حل جذي لهالموضوع

بانتضار ردودكم علي هالاسئله

xKuwaityx

19-01-2005, 08:20 PM

شساااالفة
سويتو الريال اهو الخاين و المرة مسكينة على نياتها...
والله شوفو اهو يعتمد ع الشخص نفسه... بس حتى لو الخيانه تكون من الصوبين...

الريال ليش يخون؟! البنية ليش تخون؟!
- لو زوجته تعتني فيه... تواسي و تضحك معاه و تكون يمه ع الحلوة و المره ..جان ما راح حق وحدة ثانية... و العكس صحيح... شفيها يعني لو واهم يتمشون بمكان عام يمسكون ايد بعض؟! هذا مثال بسيط لأن انا اشوف الازواج بالمجمعات .. بين الريال و مرته مترين... ليش يعني؟! شوفو الازواج في بريطانيا والله حتى الشياب و العيايز يمشون و اهم لاصقين اببعض .. و يدلعون بعض بعد ... ذاك اليوم شفت عيوز توكل الشايب برد و اهم في حاله رومانسية :a61:

Nathyaa

19-01-2005, 08:43 PM

عدل كلامك بس هالشي يعتمد علي الرجل مو البنت

يعني مو حلوه البنت تمد ايدها للريال لازم الريال هو اللي يمسك ايدها

وبعدين مااضن هذا سبب كافي للخيانه يا اكس كويت

xKuwaityx

19-01-2005, 10:59 PM

لا هذا مثل بسيط ... دوافع الخيانه وايد ... مثلاً تلقين الزوجة مع رفيجاتها 24 ساعة ... و هاده ريلها ولا تسأل عنه بعد ... صدقيني لو العلاقة بين الرجل و المرأة قوية ... وكل واحد يعرف عن الثاني كل شي ... و تكون الصراحة بينهم اهي اساس العلاقة... ما تصير خيانة!

ملاحظة: مو إلا الريال لازم يمسك ايد زوجته .. عادي الزوجة تمد ايدها لزوجها... مافيها شي كلش! ... بالعكس هالشي يدل على الحب!... إلي يمد اول اهو يحب الثاني اكثر P:

Nathyaa

20-01-2005, 01:35 AM

كلامك علي راسي من فوق

بس انت اتهمت الزوجه بالقصور ليش مايكون الريال هايت 24 ساعه مايدري عن زوجته ولا عياله يفرفر من ديوانيه لين ديوانيه

وفي رياييل يقصرون ويا زوجاتهم علي سبيل المثال وليس الحصر تاتي الزوجه الي الزوج واتقوله ابي فلوس يقولها ماعندي روحي دبري امورج !!!!!!

بالله هذا رد ؟؟؟

بنت السويدي

23-01-2005, 02:31 PM

نثيووووووووووه شكله اكس طايح عليج

تسلموووووووووون عالمروووووووووووووور وعلى ردودكم الطيب

xKuwaityx

23-01-2005, 11:48 PM

نثيااااااااااااا
اوكي انا معاج إن بعض الرياييل ما يرجعون البيت إلا الفير ... وما يهتم بالبيت ... بس الريال تره محتاج للمرأة ... أكثر من إن المرأة محتاجه له .. يعني صدقيني لو البنية دلعت ريلها و خلته يحس بأن مافيه بنية مثلها... أضمن لج إن ما تصير خيانه من ناحية الرجل.... كل الرياييل جذي!

بس في بعض البنات البنات حتى لو الريال يهتم فيهم و يدلعهم ... هم يخونون .... بطرق عديدة مو إلا بالشغلة الجنسية... احنا نتكلم عن الخيانه كمفهوم واسع... مثلاً إذا تتكلم مع شباب عن طريق التلفون و اهي متزوجة... هذي خاينه.... إذا تتكلم مع شباب حتى عن طريق النت و اهي متزوجة... هذي خاينه ...

فيه شغله اخيرة,
علي سبيل المثال وليس الحصر تاتي الزوجه الي الزوج واتقوله ابي فلوس يقولها ماعندي روحي دبري امورج !!!!!!
شدعوووووه, تره قلب الريال مو حجر ... زوجته إذا يتله بكل هداوة و لطافة (جيكو على اللطافة بس) و قالتلي يا زوجي العزيز بغيت منك شوية فلوس حق الشغلة الفلانية؟! ... يعطيها الي تبيه و زيااااااااادة ... بس اما تييله و نفسيتها شينه عليه؟! زين ما يطلقها ...J/k

تسلم روحج يا بنت السويدي ... يويل حالي (هذا الي تعلمته من الشباب الإماراتيين الي معانا D: )

بنت السويدي

23-01-2005, 11:56 PM

انزين حتى الريال يخونها عن طريق النت يرووح يرمس كم وحده عالنت انزين مب بس البنت الي تخون عن طريق النت خاصه اذا كانت وحده على نياتها ماتعرف النت ولا سوالف النت يحليها اتشوف ريلها عالنت بالغرفة وهي ولاتعرف شو السالفه اوو هو شو يسوي فالنت تتحرا انه يتصفح او شي مايي فبالها انه هو يخونها ويرمس غيرها عبر النت ترا الريال والحرمه نفس الشي مي غير يعني ماشي اي اختلاف اذا هو رمس او هي رمست فالنت بس الريال اكيد واغلب الاحيان يكون هو السبب فالخيانــــــه وهو اكثر طمعا من الحرمه حتى لو حرمته مب مقصره فيه بس الطمع يكووون دايما فيه

Nathyaa

24-01-2005, 12:34 AM

علي فكره بو اكسااات

تري البنت اذا شافت الريال يحافظ عليها ومكفيها من كل شي ويحبها ويحترمها ويقدرها صدقني محااااااااااااااااال تفكر انها تخونه

بس رياييلنا للاسف اذا تزوج الوحده خلاااااااص جنه ملكها يعتبرها قطعة اثاث بالبيت مالها كيان ولا راي

وهذا للاسف حاصل بمجتمعنا الشرقي بنسبة كبيره جداا

الذهبي

08-02-2005, 01:16 AM

كل شي على الرجل اي كل شي على الرجل

والله أنا أسمع الايام هذي .. أن المره هي اللي كل شي يطلع منها شين طبعاً مو كل البنات الأغلبية .. الله يستر اللهم لا تبلانا

ماوراكم إلا السحر يالبنات
وهذا الدليل

:sa7l. (44

:sa7l. (43

Nathyaa

08-02-2005, 09:37 AM

الخيل علي خيالها يا الذهبي

http://www.kwety.net/kwety1/q8/galb5.gif

الذهبي

09-02-2005, 01:24 AM

انا معاج يانثيه بس السحر هذا سلاحكم الوحيد عند الرجل المستقيم .. نرجع ونقول الله يستر

ولكن

سلاحنا البركاني هو

التحصن بذكر الله سبحانه

نثيه عدل ولالا ؟

Nathyaa

09-02-2005, 08:08 AM

السحر له انواااااااع

دخلنا بموضوع ثاني هم حلو

للمرءه سحر خاااااااااااااص

ينقسم نوعان :

النوع الاول : سحر يكفر الشخص وهذا مرفوض مرفوض

النوع الثاني : سحر يميز المرءه عن الثانيه وهذا تلقاه عند المرءه الشديده الذكاء

سحرها بجمالها بدلعها بنعومتها بانوثتها

ارجع واقولك السبب بخيانة المرءه للرجل هو الرجل نفسه

<<<<<<<< ضد الخيانه بانواعها

الذهبي

10-02-2005, 01:56 AM

ماتنصادين نثيــه

تدرين ليش لإني ماعندي كاركديه ألحين :(

ولا بفتحلج موضوع ثالث بعد :) :)

Nathyaa

10-02-2005, 09:16 AM

لوووووووووووووولي

http://www.kwety.net/kwety1/q8/abos16.gif

جمايل

14-02-2005, 06:03 PM

هههههههههههههههههههه

عفيه عليج ياقلبي افحمتيهم فعلا المره ماتخون منيه والطريق

خص المرأه لي كانت فعلا تعشق زوجها صعب انها تخونه

g6waa

14-02-2005, 06:43 PM

http://www.kwety.net/kwety1/q8/t.gif
`v´
( `·.¸
`·.¸ )
______________________________
http://www.kwety.net/kwety1/q8/hearts03.gif

http://www.kwety.net/kwety1/q8/hearts03.gif.. موضوع حلو وجوابه مايبيله نقاش:

الرجل يخون اكثر من المراه ومايعرف قيمتها الا اذا راحت ,, معنى اخر مايستاهل,

شكرا ..http://www.kwety.net/kwety1/q8/hearts03.gif

http://www.kwety.net/kwety1/q8/hearts03.gif
_____________________________

( `·.¸
`·.¸ )
¸.·´
( `·.¸
`·.¸ )
¸.· )´
(.·´
http://www.kwety.net/kwety1/q8/hearts03.gif(*_*) g6waa (*_*)http://www.kwety.net/kwety1/q8/hearts03.gif
http://www.kwety.net/kwety1/q8/hearts03.gif¸.·´¸.·´¨) Miss (¨`·.¸`·.¸ http://www.kwety.net/kwety1/q8/hearts03.gif
http://www.kwety.net/kwety1/q8/hearts03.gif(¸.·´( * Myaaaaaaaaow * ) `·.¸)http://www.kwety.net/kwety1/q8/hearts03.gif
http://www.kwety.net/kwety1/q8/hearts03.gif(¨`·.¸`·.¸ ¸.·´¸.·´¨)http://www.kwety.net/kwety1/q8/hearts03.gif
`·.¸)
http://www.kwety.net/kwety1/q8/hearts03.gif

Nathyaa

15-02-2005, 07:46 PM

هههههههههههههه

عاشوا بناتناااااااااااااااااااا

حيلكم فيهم

http://www.kwety.net/kwety1/q8/wjooh1.gif

الذهبي

16-02-2005, 12:23 AM

هههههههههههههههههههههههههههههههههههههههههه وين راح كلامنا احنا ولا جنا كتبنا شي جمايل

ورب الكعبه واللي خلقني قبل شوي سمعت سالفه صايره بواحد من ربعي المقربيين حيل قالي سالفته قلت والله البنات مافيهم خير كلهــــــــــــــــم .. الا مارحمه الله

خربانه خربانه

تدرون شنو سالفته أكيد ماتدرون بس راح اقولكم شغله بسيطة وربي قاعد يبجي الريال قبل شوي .... تدرون شمسوية ساحرته بشغله تطلع منها كل شهر

ياناس شنو هذا أمانه عليكم هذي إنسانية ؟؟؟؟؟؟؟

قلتلكم أنتوا سلاحكم السحر

وإحنا سلاحنا التحصن بذكر الله .. ونعم بالله

ينخاااااااااف منكم

بنت السويدي

16-02-2005, 05:26 AM

لا والله مب كل البنات يالذهبـــــــي

بس بشكل عام الريال هو الي يخون شو معناته اذا الواحد كان معرس وعنده عيال ويروح من ورا حرمته ويرمسلك وحده ثانيه شو معناته لو هو صدق يعزها ويحترمها مابيسير يكلم وحده ثانيه صح والا لا ومع ذلك هي مب مقصره فحقه بشي ليش يدوله على وحده ثانيه قولي شو تسمي هالشي الي يسويه ( خيانه والا لا ) حتى لو هو حاط فباله انه يوم يسوي هالشي يقول انا ماخونها هالشي عادي هذا تفكيركم يالريايل مالكم امااااااااان :a135:

والحرمه حليلها ملتهيا بعيالها وماتعرف بريلها شو يسوي من وراها :m05: تقدر تنكر هالشي وتقدر اتقول ان الريايل مايسوون هالشي

Nathyaa

16-02-2005, 09:17 AM

الذهبي :

كلامك صحيح بس علي فكره هذول انا مااسميهم نساء هذول شياطين والعياذ بالله

احنا سحرنا بحبنا وبنعومتنا وبانوثتنا وبقلبنا الكبير الحنون

اما السحر المحرم اللي حذرنا الله منه فاحنا بعيدين كل البعد عنه ونساء المسلمين انشاء الله

اصابعك يا عزيزي مو سوااااااا

في الزين وفي الشين

والموضوع كله يرجع الي سوء الاختيار

g6waa

16-02-2005, 03:39 PM

http://www.kwety.net/kwety1/q8/22222.gif

http://www.kwety.net/kwety1/q8/44.gif
http://www.kwety.net/kwety1/q8/hearts03.gif
http://www.kwety.net/kwety1/q8/hearts03.gif.. .. نثيه جيكتي عليهم ؟
لووول
يغيرون السالفه الى سحر واعمال شيطانيه والموضوع محدد هل الرجل يخون اكثر من المراه؟

سؤال واضح ,
وجواب اوضح : اي يخونها اكثر ومايستاهل ,
شفتي خيتو شلون المساله سهله ؟
1+1=2
تسلمين على الموضوع ياقلبي بنت السويدي .. http://www.kwety.net/kwety1/q8/hearts03.gif
http://www.kwety.net/kwety1/q8/hearts03.gif
http://www.kwety.net/kwety1/q8/44.gif

Nathyaa

16-02-2005, 07:20 PM

هههههههههههه

صاااادوه

888855 صااااااااااااااااااااااارت

يتهربون يا قلبي

فديتج

http://www.kwety.net/kwety1/q8/najm.gif

بنت السويدي

16-02-2005, 08:19 PM

هههههههههههههههههههه

حلـــــــــــوه يا مياااااااااااااااااو تسلمين عالمرووور حبوبه جكتهم ميااااااااااو

تسلموووووووون عالمرووووووور

الذهبي

17-02-2005, 03:35 AM

انا وين وانتوا وين

أقول تيس تقولون أحلبه .. عفواً

تبون الصراحة أقرب وحده لحل مشكلتي وأهي الخوف من البنات أهي نثيه

بنت السويدي : كل الرجال يخونون والحرمه يامسكينه ماتخون

أما قطوه تدعم الطوف ... أنتي قصدج كل الرجال مايستاهلون عدل ياقطوة ماشفت تخصيص .. تسلمين
وبالنسبه لذكري للسحر هذا المجال يتطرق لمجالات
توني أدري إن 1+1=2

*******

إحنا مانهرب ماكو هروب يانثيه ( المقصد نقاش فقط ) :)

مشكورين وطابت أوقاتكم

الذهبــي

Nathyaa

17-02-2005, 11:04 AM

علي راسي والله الذهبي

بس تدرين قلوب البنات محروقه لكثرة مرورهم او سماعهم او تعايشهم مع الخيانه من قبل الرجل

الذهبي

18-02-2005, 02:17 AM

دع الأيام تفعل ماتشـــاء ** وطب نفسا إذا حكم القضاء

ولاتجزع لحادثة الليالي ** فمـــا لحوادث الدنيا بقــــــاء

سلمتي لنا دوماً نثيه

دائماً أحرفكِ ثمينه ومعانيها رزينه

الذهبـــي

بنت السويدي

05-04-2005, 11:09 PM

لا مفر معروف انه الريااال اكثر خوااااااااااااااااااان

الذهبي

06-04-2005, 12:51 AM

ههههههههههههههههههههههههه واحنا صكينا الموضوع ياللـــــه عليج سويدية تحبين تهاوشين

لاتخليني أدخل ايدي بالشاشة وأزنطج

Nathyaa

06-04-2005, 09:16 AM

هههههههههههههههههههه

اتحس انها تدور المشاكل

ROLZ

06-04-2005, 11:07 PM

لو الزوجه اهتمت في بيتها وفي عيالها وزوجها ماحد فكر بالخيانه
لو الزوج احترم زوجته ووفر لها الحياه السعيده ماحد فكر بالخيانه
لو الزوجين عرفوا حدود الله وحقوقهم وواجباتهم ماحد فكر بالخيانه
لو الابوين ربوا ابنائهم صح من الطفوله كبروا على الاستقامه وانقرضت الخيانه
لو الشاب والشابه احترموا نفسهم قبل الغير ماحصلت الخيانه
لو فكرنا بالمنتدى وقلنا كيف نعالج اسباب الخيانه اتوقع احسن من رمي اللوم على الزوج او على الزوجه

---------
رأي شخصي قابل للصح والغلط