الذهبي ^_^

[بنت السويدي]

السلام عليكم

كتبت هالموضوع للذهبي خاصه لاني شفت كلامه في اضافه الاهداء وكلامك يي بوقته والله لاني من متى ابا اعرف سر هالشغله بالمنتدى !!


الذهبي انت قلت ليش ماننقاش فموضوع يعني حد يحط اي موضوع ونناقش فيه صح انا من النوع احب المناقشات بأي شي واموت بشي اسمه ابدا الراي من الطرفين :)


هاي الشي صاير بالمنتدى في بعض المواضيع بس للاسف المناقشه ماتكتمل فالمنتدى بس للاسف ماشوف هالشي بالمنتدى عندنا


ماعرف ليش يعني يوم اناقش فموضوع ماشوف حد يكمل المناقشه لا الكل يتهرب من المناقشه يعني مايكمل جميله ويناقش بالموضوع ماعرف شو سر هرووب من تكملت المناقشه شي عجيب الصراحه هل قصدهم هرووب من الموضوع او الاكتفاء بالرد ولا يكملوون ردهم ؟؟!!!


انا اتكلم عن نفسي والا اشوفه مايخصني بحد ثاني يعني انا ناقشة بكم موضوع ولا اشوف اي رد منه يعني يقطعوون المناقشات ولا يكملونها ماعرف ليش خاصه اذا انا كنت اناقش فيها ماعرف شو السبب


هل الموجودين ماعندهم رد للكلام الي اكتبه او يمكن في سبب ثاني الله يعلم او يمكن ماتعبيبهم مناقشتي بس الله يعلم

حبيت اوضحلك هالشي انه الي فالمنتدى لو ناقشوا فموضوع مايكملوونه يعني ماراح تحصل حد يناقش وياك بموضوع صح انهم يناقشونك بس ماراح يكملون وياك


عن نفسي انا غسلت ايدي اني ما اناقش في اي موضوع او اذا شفت اي موضوع فيه نقاش ما اناقش فيه بالمره يعني استبعد عمري من المناقشه مب هروبا من المناقشه والموضوع لا عشان عارفه اني ماراح احصل حد يكمل المناقشه يعني يوقفون بنص الطريج ولا يكملونه


السمــــــــــــوحه عالاطاله والسموحه من الجميع واتمنى انه محد يفهمني غلط
بس حبيت ابدي برأي لا غير

:)

بس حبيت اوضح هالنقطه بالمنتــــدى

[المؤدب]

لنبدأ من هنا

[ROLZ]

يعطيج العافيه اختي بنت السويدي

انا ودي ابين وجهة نظر في هذا الموضوع ويمكن قلتها في مناسبه سابقه

المواضيع في المنتدى ياخواني انواع ومحتويات مختلفه
فيه موضوع نقل خبر عادي لا يستوجب المناقشه والاطاله ويكتفى فيه بالشكر
وفيه موضوع قضية معاصره تحتاج في اغلب الاوقات للحديث عنها من غير تفصيل
كذلك فيه موضوع يتطرق لمشكله معينه تستوجب من الاعضاء مناقشة الاسباب والحلول

-
استمرارية المناقشه دائما مفيده للاعضاء المتابعين للموضوع ولكن لاننسى ان للنقاش حد معين لايستوجب الاطاله لكي يتم الانتقال لمواضيع اخرى خصوصا اذا احتدم النقاش وابتعد عن ايجابيته واتجه الى منحى العناد لاسمح الله

-

اختي بنت السويدي
نصيحتي لج ناقشي اي موضوع تحبين تناقشينه حتى وان كانت نسبة الردود قليله
ابداء رايج في الموضوع هو الاهم فكثير يقراءه ويقتنع به وقليل من يرد هو مكسب لج

[بنت السويدي]

انا وياك بكل كلمه قلتها

وصح كل واحد يدش اي موضوع يباه ويرد على اي موضوع يباه

بس انا اتكلم اذا تناقشنا بموضوع وكل ابدا برأيه مايكملوون جميلهم لا يوقفوون يعني عن نفسي انا ما احس بألاكتماليه للموضوع اذا توقف الموضوع احس بهدر الوقت من ناحيتي انا ومن ناحيه الشخص الاخر

فهمت علي يا رووولز

عشان جي انا قررت اني ما اناقش بأي موضوع فيه اي نقاش او موضوع فيه ابدأ الراي :)


ويسلمووووو يالمؤدب :)

[ROLZ]

يعني عدم مناقشتج في المواضيع وابداء الرأي تشوفينه صح ويفيدج ويفيد الاخرين؟؟؟؟

-

الفائده قد تكون بجمله اختي بنت السويدي
وعمر الانسان ماوصل لدرجة الكمال
ناقشي الى ابعد مدى حتى ولو حسيتي بعدم الاكتماليه

-
عساج على القوه

[Nathyaa]

انتي سوي اللي عليج ياقلبي

ابدي رايج ومالج شغل بالطرف الثاني


ثقي تماما ان الاصلاح لابد ان يكون اولا بانفسنا


واعتقد رولز كفا ووفا


تسلمين ياقلبي علي فتح باب رائع وجميل للمناقشه



لي عوده

[بنت السويدي]

تسلمون عالمرووور

رولز ونثيه

تسلم روولز ويعطيك الف عافيه عالكلام

[VIP]

أنتي اللحين شتبين بالظبط تبين القرقه ههههههههههههههههههههههه

شوفي يا بنت السويدي موضوع كله 100%
صحيح يجب علينا كأخوه أن نناقش بعضنا بعض ونبدي الرأي
ونأخذ وجهات النظر كل شخص لديه وجهة نظر يجب ان نحترمها ,
ولاكن في نقطه قالها أخوي الكبير رولز (( فيه موضوع نقل خبر عادي لا يستوجب المناقشه والاطاله ويكتفى فيه بالشكر ))
والبعض مكرره قد ناقشناها
أي موضوع تحب تناقش فيه ناقش والنقاش مفتوح وهذا من قوانين المنتدي وأيضاً من قوانين المنتدى (( الحرص والسعي إلى التعامل الأخوي فيما بين الأعضاء , وعدم استخدام الألفاظ الجارحة بطريقة مباشرة أو غير مباشرة ..
))
جميعنا نعرف القوانين ولاكن صحيح أكثر الاخوان يكتفون بكلمة شكر بالمواضيع
فلو واحد منا طرح رأيه راح اتشوفين الجميع يناقش :)
بالعكس انتي وجهي نقاشج لأي موضوع وأبدي الرأي
وعلى فكره لدينا بهذا المنتدى تقريباً 7 من الاخوان من ذكر اسمائهم يملكون أقلام رائعه
وهم من محبين النقاش الحر الهادف والباقين فيهم الخير لا أنكر أقلامهم .
أتمنى أن لم أطل الحديث عليكم ... وتم تقييم الموضوع فعلاً يستحق التقييم
وأشكر كل من وضع توقيعه بهذا الموضوع

[الذهبي]

أود أن أذكر معلومة بسيطة

المناقشة لغة: ناقش الشيء واستخرجه

والمناقشة هي الاستقصاء ونقول ناقشت المسألة إذ " بحثتها "

وعندنا بمنتدى للأسف مافيه لا بحث في الموضوع ولا هم يحزنون
وربي عزيز علي أنا خاصةَ َ هالمنتدى وربي قاعد أمر بأمور تشغلني قاعد أرجع من المخيم مبجر علشانه :)

قاعد أشفط بعض المرات لمحضراتي علشانه

بس وبقولها بصراحة اذا رديت للمنتدى أحس بحلاوة .... أشبك أعدل قعدتي

أجيك على المواضيع ألقاها قمه في الفايده والله أقول كنز نادر ... فيها جمل فيها عبارات فيها قيــــم فيها عبـــــــر فيها حلاوة القراءة فيها معلومات نادره فيها أخبار مفيدة فيها إلـــــــــــخ .......

ألاقي بالأخير ....














































يسلمووووووووووووووو

أقول لنفسي ياليتك مادخلت الموضوع لو إنك مستريح أبرك لي أولاً :) ولك ثانياً

ياجماعة انا قاعد أركز على النقاش للمستقبل والله العظيم ورب الكعبه اني احب هالمنتدى و قاعد أفكر إني أنادي واحد من العائلة علماني درجة أولى وربي تموتون من الضحك بالنقاش
وقاعد أفكر أنادي واحد موفقه الله خريج علوم سياسية مرشح سفير وكنز بالمعلومات العالم بشكل عام
وقاعد أفكر انادي دكتور يداوم بمستشفى الصباح يعني عنده خبره كبيره ونخليه يستلم قسم الطب والصحة بالمنتدى ومتأكد راح يفيد الكل وراح يفتح لجميع الأعضاء ملف بالمستشفى :( بس انا خايف من الكلمة المنبوذة اللي بالمنتدى اللي اذا شفتها أقول ياليتني مارديت مبجر للبيت

ياأخواني وياخواتي خلونا صريحين

و أرجوا التحدث بشكل واقعي أكثر

والله مادري شنو كتبت بس مشوو اي شي مو عاجبكم .. لا تلوموني

وسلامتكم :)

وفديت اللي دخلوا الموضوع هذا

بنت السويدي
المؤدب
رولز
نثيه
vip

أحلى تحية لكم انتوا وبس

[بنت السويدي]

تسلمووووووووووووووون vip +الذهبي

على ابداء رايكم بالموضوع

ويعطيكم الف عافيه

يالذهبي لاتتفدى عيب عيب :P

[ROLZ]

يعطيكم العافيه

انا بقعد للذهبي شوي :)

يابعد راسي انا عندي تعليق اذا سمحت لي على كذا جمله قلتها فديتك


(((( قاعد أشفط بعض المرات لمحضراتي علشانه )))))

فديتك هالشي طبعا مايرضينا ولا نرضى بمؤثرات على تحصيلك العلمي

---


(((( أقول لنفسي ياليتك مادخلت الموضوع لو إنك مستريح أبرك لي أولاً ولك ثانياً ))))


فديتك هالكلام من ورى قلبك لاني اعرفك ماتصبر :)
على العموم بخصوص هذي النقطه :

- الاستفاده من معلومه شي طيب والاطيب انك توصل المعلومه هذي لاكبر عدد ممكن من القراء بغض النظر صراحه عن عدد الردود لاني اعتبرها رساله واجبه على كل عضو معانا

- المعلومه يمكن تكون فعلا مجال لنقاش فياض لكن لاننسى ان البعض قد تكون هذي المعلومه جديده عليهم فمااعتقد فيه مجال لمناقشة معلومه اول مره يسمعها ولا يعرف فيها شي وهنا يكفى الشكر والثناء على ناقل وكاتب المعلومه

- المنتدى كبير ماشاءالله تبارك الله لاننسى هذي النقطه يمكن تكتب مواضيع مهمه ومجالها واسع للنقاش ولكن لسؤ الحظ قد لايمر عليها اكبر عدد من الاعضاء ليس تعمدا طبعا ولكن كما اسلفت لكبر المنتدى



(((( ياأخواني وياخواتي خلونا صريحين

و أرجوا التحدث بشكل واقعي أكثر

والله مادري شنو كتبت بس مشوو اي شي مو عاجبكم .. لا تلوموني

وسلامتكم )))))


فديتك مانلومك ولا شي لاننا نعرف منو الذهبي

-

اسف على الاطاله
يعطيكم العافيه

[الذهبي]

صبحك الله بالخير - ومساء الله بالخير يارولز

شخبارك ..؟ :)

رولز حبيبي انا احب هالمنتدى والله يشهد ودي أخدمه مادري كيف

بس والله يضيق خلقي أكثر المرات على المنتدى من الناس اللي على بالهم المنتديات مجرد شكر وثناء
وشالفايدة من انك تشكرني وانت مافهمت شنو انا ناقلك يمكن ناقلك معلومة غلط بدال لا تشكرني نبهني .... انا ربما أتعب وأرتب موضوع وبه كنوز النقل على سبيل المثال وآخر شي الحبيب يفكر بزيادة مشاركاته .... عزيزي رولز والله ثم والله هذا اللي يمر ويشكر ويمشي والله مو حاس بلذة المنتدى .... مايحس فيه الا للي يناقش وياخذ ويعطي ... انا ماأقولك ان الذهبي كله إيجابيات لا والله وانا حاس بالشي هذا اني من راسي لرجولي سلبيات بالنسبة للمنتدى الحبيب بس شسوي والله ظروفي موقادر أغلبها
وادري مستوى الذهبي مستواه هابط صارله فتره كثيره بس إن شاءالله أعدل من ظروفي وأقوم بواجبي إتجاه منتدانا... وبالنسبة للنقاش أنا أعتز بكوكبه موجوده بالمنتدى اذا شفتهم مارين على موضوعي والله أفتخر وأقول بقلبي من حسن حظي إني التقيت بهالشخص ...

وفمان الله ياغالين

[ROLZ]

عساك على القوه
وان شاءالله تنتهي اشغالك على خير وترد لنا بمواضيعك الحلوه
وجهز لي موضوع للنقاش ترا انا فاضي هاليومين ماوراي الا انت :)

[البطل أبيــــها]

لا تعليـــــــــــــــــــــــــــــــــــــــــــــق