المساعد الشخصي الرقمي

مشاهدة النسخة كاملة : فضيحة بيتزا هوت السالميه

عبداللطيف
28-10-2005, 10:05 PM
-: السلام عليكم :-


صبحكم الله بالخير يا اهل الخير ان كان صبح

ومساكم الله بالخير يا اهل الخير ان كان عندكم ليل

- - -

الموضوع وبكل صراحه ومع الاسف الشديد

في وقت السحور امس بتاريخ 28-10-2005

الساعه 1:30

رحنا البيتزا اللي بالسالميه بشارع سالم المبارك - مقابل مجمع زهره

طلبنا شغلنا انا واثنين من ربعي ومع الطلب طلبنا سلطه

اخذنا ماعون السلطه ورحنا نختار الشكيله الموجوه عندهم

وليقنا الموجود بالصوره

....

...

..

.
http://www.kwety.net/kwety1/q86/20051028.JPG
أضغط علي الصوره علشان تشوفها عدل

طبعا وعلطول طلعت تليفوني واخذتلي صوره

وبعد الصوره كلمت المسؤول وانا متنرفز

شنو هذا وين قاعدين احنا....؟

الناس قاعده تاكل وبفلوس

والحبيب اللبناني حب انه يهدي الوضع ويتأسف وبعد ما تأسف حب انه يرشيني

باللي ابيه واطلبه علشان اهدي الوضع

وبيكون اكلي كله ببلاش

مع الاسف يقولي هذا شي عادي وحتى بالبيت موجود هذا الصرصور

واحنا متعاقدين مع شركه علشان ترش المحل...الخ

واخيرا الحكم لكم يا اهل ديرتي

والراي بيكون عام وللجميع


أخوكم عبداللطيف الياقوت...
Nathyaa
28-10-2005, 10:37 PM
اف اف اف قطيعه شنو هذا




لازم ماتسكت وتوصلها لين خدمة المستهلك السالفه ماينسكت عليها


وربي لو انا جان قلبت المحل والصحون علي راسه الوصخ



هذي فضيحه عالميه للشركه


بصراحه لاعت جبدي لي عوده لتكملت المناقشه



الف الف شكر عبد اللطيف علي الموضوع


تسلم الايادي
VIP
28-10-2005, 10:44 PM
هذا أكبر دليل مثل ما قلت في أكثر من موضوع
عدم وجود رقابه من وزارة التجاره
والله الشرهه مو على المطاعم او شركاتهم الشرهه على الحكومه
بعدم الرقابه وطرح المخالفات
شئ يقهر


شكراً على التوضيح

كان بودي بأن يكون احد المسؤولين يشوف مثل هاذي المواضيع .
~*~عاطفية~*~
28-10-2005, 10:44 PM
اف اف

والله عاد مو مصدقه معقوله هذى بيتزا معروفه حووول العالم يسووون جدى

يعطيك الف عافيه يا عبد اللطيف
AL_3oooD
29-10-2005, 12:03 AM
شلون ساكتين

الف شكر لك اخوي عبد اللطيف على النقل
بنت السويدي
29-10-2005, 12:56 AM
صح بالفعل وهذا حتى استوت عندنا وياما تستوي للاسف محد يسمع


تسلم لطوووووووووووووووووووف


ويعطيك الف عافيه
Ronaldinho
29-10-2005, 04:12 AM
اشوا انه مايا بالاكل اللي تاكلونه :>

والله لو انا جان سويت جريمة اغتيال بالمحل

شنو هذا الوصخ ومثل ماقال اخونا ليدر الشرهه مو عليهم الشرهه على الحكومه

الف شكر عبداللطيف
عبداللطيف
29-10-2005, 04:54 AM
والله ياجماعه هذا اللي صار
وانا والله امس مريت جريدة الراي العام وعطيتهم الصوره
وانشاء الله يشوفون شغلهم معاهم
خلاص عوووع حرمت اكل بمطاعم يشتغلون فيه اسيوييين
واشكركم علي مروركم الكريم وانا والله ما نشرت الموضوع الا لاني خايف عليكم وابيكم تشوفون شنو اللي صار وياي وشنو اللي لنا وشنو اللي علينا اذا حبينا ناكل في مطاعم ديرتنا واصحاب هذي المطاعم منا وفينا للاسف
تحياتي لكم حبايبي
albader
29-10-2005, 10:28 AM
ألف شكر اخوى عبداللطيف على الموضوع

المشكلة أخوى ان مبيعات المطاعم الفاست فود بس المشهورة والمعروفة عندنا بالكويت فقط هذى حوالى مليارين ونص بالسنة يعنى الفين وخمس مائة مليون دينار كويتى.. وبالدولار يطلع تقريبا ثمانية ألف مليون دولار.. لاحظ ميزانية دول .

والكلاب مستخسرين ينظفون المكان..

وبعدين اي حماية المستهلك واي بلدية .. الوظيفتين هذولا عليهم طق اعصى بس الواحد يتمنى يداوم فيهم او ينتقل عندهم .. تعرفون ليش ؟ لان مافى دوااام ولا شغل ولا رقابة عليهم ... والمفروض دوامهم يكون خارجى وجولات دائمة على الاسواق والمحلات .. وكلنا نعرف اذا يبون يطلعون بالسنة حسنة يجيبون الصحافة والتلفزيون عشان بس يقنعون العالم فى رقابة وتفتيش .

ياعمى.. الله يستر علينا... وهالله هاللة بمجابيس البيت وبأحلى وأطهر رقابة
رقابة ست البيت
عبداللطيف
29-10-2005, 02:07 PM
:) الله يعطيك العافيه الخوي البدر واللي قلته علي العين والراس
تسلم ابوي وما قصرت...
انا قاعد احاول اني انشر موضوعهم في كل مكان علشان الناس ان الحين للاسف المطاعم اللي بالديره
او حتى اي مجال ثاني صالون ولا دكان مافي احد يفتشهم ومخلينهم ياكلون الديره بوصاختهم
والله يستر
تحياتي..
جمايل
29-10-2005, 02:49 PM
ما اقول بس الا يازين اكل البيت وبس

لان مستحيل تلقا اكل انظف من اكل البيت


يسلمووووو على الموضوع